охрид колинг

Приведен охриѓанец – осомничен дека намерно запалил нива

Полицијата во Охрид привела 41-годишен жител на градот, осомничен дека предизвикал пожар во атарот на селото Горно Лакочереј.Според МВР, на 7 август 2025 година, околу 15 часот, З.Н. запалил нискостеблеста вегетација и ожнеана нива, со што предизвикал пожар кој можел да се прошири на поголема површина.При преглед, полициските службеници пронашле и одзеле запалка за која се верува дека била користена при палењето.„По целосно документирање на настанот, против него ќе биде поднесена соодветна пријава“, соопштија од МВР.

Охрид | пред 4 месеци

Овогодинешното издание на „Охрид колинг“ е историско: последно издание во касарна!

Покрај досега најатрактивната хедлајнерска програма на Ohrid Calling откако фестивалот се одржува во Касарна, има уште нешто што го прави овогодинешното фестивалско издание историско и за вас, и за нас, и за артистите кои ќе настапат оваа година;„Како што сме информирани од страна на Општина Охрид, во Касарна следуваат инвестиции и иновации на некои постоечки објекти поради кои најверојатно повеќе нема да сме во можност фестивалот Ohrid Calling да продолжи да се одржува на истата локација на која се одржува последниве 5 години.Изминативе 5 години, благодарение на вас, лојалните фанови на фестивалот, како и помошта на Општина Охрид, успеавме да ја претвориме Касарна во бастион на добра музика, вистинска фестивалска дружба и место во кое се создадоа спомени кои сите ние ќе ги паметиме цел живот.Со полно срце и фантастична програма, со овогодинешното издание ставаме крај на едно поглавје од фестивалот, a од септември со полна пареа се спремаме за јубилејното 10то издание на Ohrid Calling!Се гледаме на Ohrid Calling од 31ви јули до 3ти август за последен пат во Касарна, Охрид!Влезниците се во продажба онлајн на ticketx.mk и во продажната мрежа на ticketx низ Македонија!“, велат од Авалон продукција.

Охрид | пред 1 година

(Видео) Светскиот диџеј Аоки покажа како се ужива во Охрид и зошто треба да се гордееме: нуркање, скокање од карпа па со знаме до луда журка

Славниот американски диџеј и продуцент Стив Аоки направи концерт за паметење, во рамките на овогодинешниот Охрид Колинг.Салата беше преполна, а оние кои беа дел од овој спектакл поминаа незаборавна вечер. Освен забавување со неговите хитови и уживањето во специјалните ефекти, Аоки го вееше и македонското знаме, а публиката ја почести и со торта.Според странските медиуми, дури 2.500 луѓе годишно добиваат удар во лице од фрлена торта од познатиот Американец, а тоа редовно го прави за време на изведбата на песната „Cake me“.Во интервју за The Daily Beast, Аоки објасни дека фрлањето торта се случило на прилично обичен начин. Размислувал за посебна точка што треба да ја вгради во своите настапи, а пријател му покажал видео од тортата како лета кон нечие лице во забавена снимка. На почетокот Аоки сакал да промовира една песна со фрлање торта, но работите се променија и публиката и понатаму сака диџејот да ја удри со торта по лице. Аоки на Инстаграм објави и видео на кое ужива во убавините на Охрид. Тој се качи на огромна карпа, од која скокна во Охридското езеро.

Магазин | пред 2 години

Од техно до тапани, од светски траки до Тоше Проески и Халид Муслимовиќ - светскиот диџеј Ганачи тверкаше со задникот на среде сцена

Ohrid Calling продолжува да се подобрува секоја година. Неповторливо и незаборавно фестивалско искуство за сите кои присуствуваа на овогодинешните концерти.Од техно до Тоше Проески и Халид Муслимовиќ, вака изгледаше журката на „Охрид Колинг“ со Салвадор Ганачи кој по вторпат е во Охрид.Ганачи освен што е одличен диџеј, ја фрли публиката во транс од самиот старт и доби огромни овации кога рече: „Македонија дали си подготвена?! Не Северна Македонија, туку Македонија, дали си подготвена“.Од сцената ги прозва сите што се убави, па сите што се фукара (сиромашни), потоа наркоманите, за на крај рака да кренат сите што се сметаат за секси накркомани – по што започна со една од неговите траки „Секси наркоман“.„...Единствено што е важно сум јас. Запамети, не е важно како ќе се идентификуваш, јас се идентификувам како најдобар. Што мислиш? Јас сум одличен. Не, јас сум се уште безболен. Не, јас сум фантастично, неверојатно. Јас сум перфектно. Јас сум најдобар“, ечеше на „Охрид Колинг“ и следеше скок на сцената.Незаборавни останаа сцените каде Ганачи тверкаше со задникот качен на пултот. За завршеток, се пееше „Чија си“ од Тоше Проески и „Није мене душo убило“ од Халид Муслимовиќ.

Магазин | пред 2 години

Објавено кој ќе настапува на Ohrid calling

Авалон продукција ја објави програмата за овогодинешниот Охрид колинг кој ќе се одржии од 29 јули до 01 август.„ТIMMY TRUMPET, LOST FREQUENCIES, W&W, И VINI VICI- HEADLINE-РИ НА СВЕТСКИ ПОЗНАТИОТ ЕЛЕКТРОНСКИ ФЕСТИВАЛ OHRID CALLING, ИЗДАНИЕ 2022!29 ,30, 31 ЈУЛИ И 01 АВГУСТ, КАСАРНА ОХРИДНа верното племе кое цела година ја планира според Оhrid Calling, како и случајните посетители кои веќе одамна не се случајни, со огромно задоволство му најавуваме дека оваа година фестивалот се враќа на стариот pre - corona сјај со својот line up!Како хедлајнери ги имаме:Во моментов апсолутно најатрактивната DJ ѕвезда ТIMMY TRUMPET со својата балканска премиера, омилениот LOST FREQUENCIES кој и самиот не знае колку хитови има… Big Room пионерите W&W и милениците на македонската публика VINI VICI!Со нив, исто така премиерно на балканот, Blasterjaxx и Will Sparks, како и детето на Оhrid Calling, GALOSKI кој оди напред во својата кариера со светлечка брзина!Тука се и нашето братско дуо CYRILLIC, Howard Hill, Divolly Markward, Chico Rose, Nicholas Adams, RASTIK, Lady Lee, Delovski, Christian Karan, Kemaro, Erick Kassel, Jana Slayy, Yaksa и DJS FROM MARS!Влезниците се во продажба од понеделник (20ти јуни) на нашата продажна мрежа низ Македонија како и онлајн на avalon.mk“, стои во објавата.

Магазин | пред 3 години