Приведен охриѓанец – осомничен дека намерно запалил нива

Полицијата во Охрид привела 41-годишен жител на градот, осомничен дека предизвикал пожар во атарот на селото Горно Лакочереј.

— реклама —

Според МВР, на 7 август 2025 година, околу 15 часот, З.Н. запалил нискостеблеста вегетација и ожнеана нива, со што предизвикал пожар кој можел да се прошири на поголема површина.

— реклама —

— реклама —

При преглед, полициските службеници пронашле и одзеле запалка за која се верува дека била користена при палењето.

— реклама —

„По целосно документирање на настанот, против него ќе биде поднесена соодветна пријава“, соопштија од МВР.