Индонезија воведува државна контрола врз извозот на палмино масло и јаглен
Индонезија ќе го централизира извозот на клучни суровини со цел да ги зголеми приходите и да ја засили контролата врз природните ресурси, најави претседателот Прабово Субианто.Тој изјави дека државата во последните 34 години изгубила дури 908 милијарди долари поради продажба на суровини по ниски цени.Според новите мерки, производи како палмино масло, јаглен и феролегури ќе се продаваат исклучиво преку компанија управувана од државата.„Нашите ресурси мора да бидат во корист на сите Индонезијци“, порача Субианто во парламентот.Во првата фаза, мерката ќе ги опфати јагленот, палминото масло и феролегурите, а владата на секои три месеци ќе одлучува дали листата ќе се проширува со нови суровини.Дополнително, од 1 јуни, сите извозници на природни ресурси ќе мора приходите од продажбата да ги депонираат во индонезиски државни банки, со цел стабилизација на националната валута – рупијата.Индонезија е еден од најголемите светски извозници на палмино масло и јаглен, а владата смета дека со поголема контрола врз извозот ќе се зголемат државните приходи и ќе се спречат злоупотреби со цените.
Свет | пред 21 час
