ПЕНДАРОВСКИ

(Фото) Случајно се сретнаа Силјановска и Пендаровски

Додека партиите кои ги предлагаат „војуваат“ и обвинуваат, двајцата претседателски кандидати, Гордана Силјановска-Давкова и Стево Пендаровски со почит се однесуваат еден кон друг.Тие денеска се сретнаа на Комеморативната вечер во спомен на македонските Евреи кои на 11 март 1943 година биле депортирани во Треблинка. Се ракуваа и заедно присуствуваа на настанот на кој Пендаровски имаше обраќање. Силјановска беше во придружба на пратеничката Рашела Мизрахи. Фотографијата ја сподели Пендаровски.И ова не е првпат Силјановска-Давкова и Пендаровски да се однесуваат со почит еден кон друг, без разлика на секојдневните соопштенија од СДСМ и ВМРО-ДПМНЕ кои упатуваат обвинувања за двајцата кандидати. На годишнината од загинувањето на поранешниот претседател Борис Трајковски, кога му се оддаваше почит, двајцата кандидати исто така се сретнаа и ракуваа.

Македонија | пред 2 години

Нема фотографија

Претседателот Пендаровски положи цвеќе по повод 81 годишнина од холокаустот на македонските Евреи

Претседателот Стево Пендаровски по повод 81 годишнината од холокаустот на македонските Евреи, денеска положи цвеќе пред споменикот на 7144 депортирани македонски Евреи, во дворот на поранешниот скопски Монопол, од каде на 11 март 1943 македонските Евреи биле однесени во логорот Треблинка.Претставник од Кабинетот на претседателот положи цвеќе и на градските гробишта во Бутел, пред споменикот на депортираните Евреи и пред споменикот на паднатите борци на НОБ.

Скопје | пред 2 години

Лефков: Стево контра Пендаровски - еднаш велеше дека е за реизбор на судии, друг пат вели дека бил против

„Пендаровски да се договори со Стево дали поддржува или не лустрација и генерален реизбор на судии и обвинители“, вели Миле Лефков, член на ИК на ВМРО-ДПМНЕ и пратеник и додава:Пендаровски првин тврдеше дека ја поддржал идејата на ЕУ во 2017-тата да нема генерален реизбор на судии и обвинители, а од митинзи повикуваше на генерален реизбор. Да се потсетиме што зборуваше Пендаровски.Стево Пендаровски е директно виновен за состојбата во судството. Пендаровски се однесува политички опортуно, без да ја има в предвид реалната состојба. Еднаш кажува дека ја поддржал одлуката на ЕУ, да нема генерален реизбор, а кога СДС требаше да прави политички прогон, ги заплашуваше со генерален реизбор судиите и обвинителите за да ги впрегнат во јаремот на СДС за политички прогон.Епилогот 7 години потоа се гледа. 2% доверба во судството, политички монтирани случаи и граѓани кои ја напуштаат државата и поради немањето систем.И додека вршеа политички прогон, ова судство и обвинителство ги аболираше сите нивни функционери. Од Ден Дончев кој избега, преку Драги Рашковски и Катица Јанева кои повеќе се надвор отколку во затвор до сите криминалци блиски до нив.Со право народот вели дека немаме држава. Време е да ја вратиме.

Македонија | пред 2 години

Пендаровски ветуваше дека ќе го слуша народот и ќе се води од него, за после да изгуби контакт со реалноста на граѓаните и да стане аминџија на ДУИ и СДС, рече ВМРО-ДПМНЕ

„Стево Пендаровски ги лажеше граѓаните дека ќе го слуша гласот на народот и дека од него ќе чуел што треба понатаму да прави. Пендаровски ги доби изборите, отиде на Водно и ни народ слушаше ни бутур. Стана аминџија на штетните закони на власта и ништо повеќе“, велат од ВМРО-ДПМНЕ и додаваат:Како обичен писар потпишуваше се што ќе му пратат, целосно игнорирајќи ги ставовите на луѓето, експертите или медиумите. Најконтроверзните закони ги потпишуваше во рок од неколку часа по нивното гласање, онака како што ќе му наредеа оние кои го поставија на позицијата, ДУИ и СДС.Пендаровски не само што го изгуби кредибилитетот и интегритетот, туку изгуби и контакт со реалноста која ја живеат граѓаните. Тој со своите постапки и политики го погази достоинството на граѓаните и на државата.

Македонија | пред 2 години

Нема фотографија

Пендаровски: Жената, нејзиниот глас и нејзините права мора да се почитуваат

„Статусот, положбата и улогата на жените е јасен показател за степенот на демократијата во едно општество. Доколку сакаме да живееме во вистински демократско општество мора да ги земеме предвид потребите на сите граѓани во креирањето, носењето и спроведувањето на политиките. Тоа подразбира здрав амбиент во кој жените ќе бидат вклучени, а не исклучени од политичките процеси и гарантирање на буџет со цел родовите политики да не бидат празно слово, туку реално да се спроведуваат во пракса.На тој пат, мора уште посилно да продолжиме да се бориме за справување со бариерите со кои се соочуваат жените кога влегуваат во јавниот живот. Да ги охрабриме жените претприемачи, жените во политиката и жените на раководни позиции. Да обезбедиме рамноправна валоризација на нивниот труд и еднакви плати меѓу мажите и жените.Да ја прекинеме родовата супресија и насилство, коишто освен физички, уште повеќе се изразени преку систематското игнорирање и маргинализирање на општествената позиција на жената. За секоја жена да се чувствува безбедна и сигурна во семејството, на работното место и во општеството, не смее да има преседани во задоволување на правдата за жените жртви на родово-базирано насилство.Само така ќе овозможиме политичко и економско јакнење на статусот на жените, социјална правда и остварување на нивните уставно-загарантирани права и слободи.Колку повеќе вложуваме во родовата еднаквост, толку повеќе ќе им овозможиме на идните генерации да наследат општество во кое стереотипите, дискриминацијата и системските бариери ќе се намалуваат.Борбата за родова рамноправност и еднаквост не смее да биде празна флоскула, туку вистински применлива во сите општествени и меѓучовечки односи. Жената, нејзиниот глас и нејзините права мора да се почитуваат.Честит 8 Март!“ , вели Пендаровски, претседател на Република Македонија.

Македонија | пред 2 години

Нема фотографија

Официјална Софија реагира на изјавата на Пендаровски дека тамошното македонско малцинство 70-80 години трпело тортури и голготи

Бугарското МНР ја повика на разговор македонската амбасадорка во Софија. Агнеса Руси, како реакција на изјавите на претседателот Стево Пендаровски упатени кон Бугарија. Во реакцијата објавена на сајтот на бугарското МНР тие категорично се спротивставуваат на обидот за повторно вовлекување на Бугарија и билатерални односи во внатрешно-политичка дебата во Македонија.,,Бугарија постојано поддржува конструктивен тон и се воздржува од коментари на постојаните провокации во Северна Македонија. Тоа го прави со разбирање дека е неопходно да се обезбеди конструктивна средина за нормално одвивање на изборниот процес и средина за да може да се реализираат неопходните реформи. За жал, очигледно е дека овие напори на Бугарија не наидуваат на разбирање и не се ценат од одредени фактори во Скопје, кои продолжуваат да ја користат нашата земја како оправдување за недостигот од напредок пред своите граѓани“, стои во соопштението.Бугарското МНР ја повикува политичката елита во Северна Македонија да ја покаже политичката зрелост.Ова доаѓа  неколку денови откако македонскиот претседател Стево Пендаровски во интервју кажа дека македонското малцинство во Бугарија во последните 70-80 години е малтретирано, трпело тортури и голгота.,, Зошто утре, ајде денес да ги впишеме Македонците во бугарскиот Устав, нашето малцинство кое е малтретирано со децении, најмалку 70-80 години, поминало низ страшни маки и голгота, но кажете ми каков е тој магичен начин? Како ќе ги внесете во Уставот? Преку Владата? Во бугарската Влада денес клучен фактор е Бојко Борисов кој го потпиша Договорот за пријателство и добрососедство во 2017 година. И сега овој човек треба да каже дека овој договор не постои, ајде да направиме нов подобар за Македонците? Не верувам во тоа. И морав на ВМРО-ДПМНЕ на таков пародичен начин да им кажам дека не лажат, гледајќи не во очи. За да ги вклучиме Македонците во бугарскиот устав мора да се смени целосно затоа што во него нема малцинства. Не мислам дека светските сили можат да го сменат бугарскиот Устав како што мисли опозициската партија, која смета дека е фактор број еден во светот”, рече Пендаровски во интервјуто.

Македонија | пред 2 години

Претседателот Пендаровски ги прими акредитивните писма на новоименуваниот амбасадор на Исламска Република Пакистан

Претседателот Стево Пендаровски денеска ги прими акредитивните писма на Модaсар Чаудри, новоименуваниот амбасадор на Исламска Република Пакистан во Република Северна Македонија, со седиште во Софија.Претседателот Пендаровски во обраќањето на церемонијата на предавање на акредитивните писма рече дека како одговорна членка на меѓународната заедница, Република Северна Македонија придава значење на односите со сите држави, за доброто на народите, обезбедување и зацврстување на мирот во светот, како и за одржлив развој и економски просперитет. Во тој контекст, претседателот Пендаровски ги нагласи интересот и подготвеноста на Република Северна Македонија за натамошно унапредување и развој на односите и соработката со Исламска Република Пакистан во сите домени од заеднички интерес, како на билатерален, така и на мултилатерален план.Амбасадорот Модaсар Чаудри во своето обраќање рече дека му претставува чест што е назначен за вонреден и ополномоштен амбасадор на Исламска Република Пакистан за Република Северна Македонија и изрази очекување дека пријателството што постои меѓу двете земји ќе продолжи и натаму да се развива и ќе достигне нови височини.Претседателот Пендаровски на амбасадорот Модaсар Чаудри му посака успех во извршувањето на одговорната мисија.

Македонија | пред 2 години

Претседателот Пендаровски ги прими акредитивните писма на новоименуваниот амбасадор на Федеративна Република Бразил

Претседателот Стево Пендаровски денеска ги прими акредитивните писма на Пауло Роберто Кампос Тарисе да Фонтура, новоименуваниот амбасадор на Федеративна Република Бразил во Република Северна Македонија, со седиште во Софија.Претседателот Пендаровски во обраќањето на церемонијата на предавање на акредитивните писма изрази убедување дека постои заедничка желба, како и голем потенцијал за развивање на меѓусебните односи и посочи дека отворањето на нашата амбасада во Бразилија јасно ја покажа искрената желба за унапредување на севкупната соработка со Федеративна Република Бразил. Претседателот рече дека Северна Македонија и Бразил ги споделуваат основните вредности, како почитување на владеењето на правото и човековите права, загриженост за климатските промени, посветеност кон демократијата, слободната трговија и пазарната економија и во тој контекст искажа задоволство од соработката во меѓународните организации. Претседателот Пендаровски упати честитки за бразилското претседавање со Г-20 и посака успех во реализирањето на приоритетите што ќе се разгледуваат во тие рамки, како што се борбата против гладот, сиромаштијата и нееднаквоста, трите димензии на одржливиот развој, реформата на системот на ОН и на меѓународните финансиски институции, како и ревитализацијата на Светската трговска организација.Амбасадорот Пауло Роберто Кампос Тарисе да Фонтура во своето обраќање рече дека Северна Македонија е земја со која Бразил споделува заеднички вредности, особено вербата во дипломатијата и мирното решавање на недоразбирањата и почитувањето на владеењето на правото и посочи дека нашата земја му докажа на светот дека дипломатијата е најдобрата алатка за решавање на споровите и дека дијалогот и меѓусебното разбирање можат да доведат до посакуваниот просперитет, мир и човечки развој. Бразилскиот амбасадор во говорот најави дека ќе биде посветен на стимулирање на туризмот и културните односи меѓу Бразил и Северна Македонија, а дополнително ќе се истражуваат областите за соработка, како што се земјоделството, инвестициите, нормите и регулативите. Тој искажа намера дека ќе ги продолжи напорите за промовирање на поголем дел од меѓусебното знаење и разбирање надвор од програмите за размена на додипломски и постдипломски студии кои ги нудат бразилските универзитети во сите научни области.Претседателот Пендаровски на бразилскиот амбасадор му посака успех во извршувањето на одговорната мисија и изрази очекување дека неговото досегашно дипломатско искуство значајно ќе придонесе за збогатување на пријателските односи.

Македонија | пред 2 години

Претседателот Пендаровски се обрати на Регионалната конференција за род и безбедност

„Чест ми е да ве поздравам на оваа регионална конференција посветена на родот и безбедноста организирана од ОБСЕ и од ОДИХР. Не случајно оваа конференција се одржува во пресрет на 8 Март – Меѓународниот ден на жената, бидејќи има за цел да ни помогне да се вратиме на автентичното разбирање на овој важен ден. А тоа е постигнување на вистинска родова еднаквост во секој сегмент од општеството, вклучително и во безбедносниот. Затоа и смеш денес тука.Во фокусот на нашето минатогодишно претседавање со ОБСЕ беше унапредувањето на човековата безбедност, затоа и слоганот беше “За луѓето се работи”. Сосема разбирливо, најповикани за ова прашање се безбедносните служби, во прв ред, полицијата, која има незаменлива улога во спроведувањето на законите, одржувањето на редот, почитувањето на човековите права и слободи, и чувањето на државната граница. Преку извршувањето на овие важни должности, полицијата го чува највредното што го има една држава, а тоа е довербата на македонските граѓани во сопствената држава и во нејзините институции.Меѓутоа, дали ние воопшто можеме да зборуваме за вистинска човекова безбедност без поголемо учество на жените во безбедносниот сектор? Дали една институција може реално да ги третира сите граѓани како еднакви пред законот доколку во нејзините редови постојат двојни стандарди на штета на жените? Конечно, дали полицијата може да придонесе кон борбата против дискриминацијата во државата ако истовремено ја толерира културата на дискриминација кон жените во своите редови?Повеќе истражувања и извештаи покажуваат дека жените имаат важна улога во градењето на стабилно и демократско општество. Со поголемо вклучување на жените во полицијата, и тоа на сите нивоа и во сите сектори, центри, оддели и единици, само ќе се подобри функционирањето на институцијата во целина. Затоа што на таков начин се засилуваат внатрешната кохезија и потенцијалот на безбедносните институции поуспешно да ги реализираат уставните и законските обврски.Искуствата од најразвиените држави покажуваат дека полициските службенички и припаднички на полициските единици можат многу успешно да разрешуваат ситуации што вклучуваат родово-базирано и семејно насилство каде што жртвите се жени и деца.Иако денешнава конференција е посветена на жените во полицијата која што, пак, е во надлежност на Владата, би сакал на кратко да го споделам и моето искуство во рамките на моите надлежности. Како врховен командант, за прв пат во нашата историја поставив жена за аѓутант. Како претседател настојувам да постои родов баланс како на пониските, така и на повисоките позиции во мојот кабинет. А сето тоа го правам бидејќи на тој начин сакам да придонесам за унапредувањето на родовата еднаквост во Северна Македонија.Добро е што не почнуваме од нула. Мисијата на ОБСЕ дава поддршка преку Програмата за родово менторирање за полицијата, што веќе почнува да дава резултати и да носи промени во институционалната култура на МВР. Но, оваа програма не треба да биде само еднократна активност, туку дел од стандардната институционална обука во Министерството.Неодамна бевме информирани дека во Единицата за службени кучиња при МВР беше промовирана првата жена-водач на службено куче кое е дресирано да открива огнено оружје и муниција. Ова е пример што треба да се следи во секој сегмент на безбедноста. Тоа подразбира не само да се зголеми бројката на жените во полицијата, туку и да се поддржи нивното кариерно напредување во секој сектор, во секоја единица. Клучен дел од европските реформи за кои толку многу зборуваме е борбата против стереотипите и предрасудите од минатото што ги ставаа жените во нерамноправна позиција во безбедносниот сектор. Ние мора да ги промениме тие навики кои се длабоко вкоренети во нашиот менталитет.Уверен сум дека оваа конференција ќе ни даде можност да ги размениме регионалните искуства, да ги споделиме научените лекции, да ја забрзаме имплементацијата на родовите политики во безбедноста, а, со тоа да придонесеме за изградба на поправедни и побезбедни општества“, изјави Пендаровски, претседател на Република Македонија.

Македонија | пред 2 години

Нема фотографија

СДСМ: Со Пендаровски е остварлива надежта за европска иднина

„Патот до ЕУ е тежок и долг, но дава единствена реална надеж за светла иднина на нашата земја и сите наши граѓани.Со Пендаровски е остварлива надежта за европска иднина.Со визија за интегрирана, стабилна и просперитетна Македонија во Европа како единствена надеж и оптимизам за подобро утре на сите граѓани, Пендаровски е победнички кандидат за најважниот аспект, иднината на државата, на народот.Граѓаните сакаат прогрес, економски напредок, стабилност, мир и спокој.Затоа на претстојните избори ќе дадат силна поддршка за Пендаровски“, велат од СДСМ. 

Македонија | пред 2 години

Нема фотографија

Го укинаа, па го вратија: Пендаровски го потпиша Законот за кој државата ќе се рекламира по телевзии

Претседателот Стево Пендаровски денеска го потпиша Указот за прогласување на Законот за изменување и дополнување на Законот за аудио и аудиовизуелни медиумски услуги.Во Законот јасно е дефинирано што претставува државна кампања од јавен интерес, на државно или на локално ниво. Истовремено, измените на Законот го лимитираат буџетот, односно висината на средства кои од државниот буџет ќе можат да се потрошат за кампањи на државно или на локално ниво.Законот предвидува постапка, во која централна улога има комисија која е составена од претставници на политичките партии и од власта и од опозицијата, на паритетна основа. Исто така, во Законот се прецизирани критериумите според кои можат да конкурираат радиодифузерите, а јасно е дефинирана и постапката за избор на радиодифузери на кои ќе се прикажуваат кампањи на државно или на локално ниво. Тоа значи дека, за разлика од порано кога Владата предводена од ВМРО – ДПМНЕ своеволно одлучуваше кому колку пари ќе даде, сега е прецизно регулирано како медиумите и колку средства ќе добиваат за кампањи на државно или на локално ниво.Потенцираме дека Законот за изменување и дополнување на Законот за аудио и аудиовизуелни медиумски услуги во Собранието беше донесен без поднесени амандмани од опозицијата, што значи дека опозицијата нема забелешки за неговата содржина.Инаку, и во поголемиот број на земји-членки на Европската Унија постои регулатива со која се овозможува кампањи од јавен интерес во медиумите.Во изминатите денови претседателот Пендаровски оствари комуникација со сите засегнати страни, односно со тие што беа и за и против Законот. Во оваа насока, претседателот Пендаровски очекува дека во најскоро време ќе продолжи дијалогот меѓу релевантните институции и Здружението за заштита и унапредување на интернет медиумите со цел унапредување на положбата на онлајн медиумите во медиумската сфера, имајќи предвид дека во порталите работат голем дел од новинарите.

Македонија | пред 2 години

Нема фотографија

Поддршка за претседателот Пендаровски од речиси 15 партии

Претседателот Стево Пендаровски за кандидатурата за втор мандат, вчера доби поддршка од речиси 15 партии.Посочувајќи дека претседателот Пендаровски е претставник на сите граѓани, без разлика на етничка, политичка, верска или каква било припадност, зад претседателот Пендаровски застанаа коалиционите партнери на Социјалдемократскиот сојуз на Македонија (СДСМ), односно Нова социјалдемократска партија (НСДП), Демократска обнова на Македонија (ДОМ), Либерално – демократска партија (ЛДП), Партија на пензионери (ПП), ВМРО Народна партија (ВМРО НП), Партија за движење на Турците во Македонија (ПДТ), Сојуз на Ромите во Македонија, Демократски сојуз на Власите, Партија за општествен и економски напредок (ПОЕН), Странка на демократска акција на Македонија (СДА), Социјалдемократска Унија (СДУ), Партија за демократски просперитет на Ромите (ПДПР) и Партија за европска иднина (ПЕИ).Претседателот Пендаровски искажува благодарност за укажаната доверба и за поддршката и во следните пет години да ја води државата на вистинскиот пат, кон европски животен стандард и европски вредности, економски напредок и стабилност.

Македонија | пред 2 години

Со Пендаровски граѓаните имаат јасен избор, членство во ЕУ и сигурна иднина, вели СДСМ

„Со, кандидатот за претседател на државата на СДСМ и Коалицијата Стево Пендаровски граѓаните имаат јасен избор, членство во ЕУ и сигурна иднина“, вели СДСМ.Во досегашниот мандат Пендаровски покажа што значи да се биде вистински претседател за сите граѓани, без разлика на етничка, политичка, верска или каква било припадност.Со негова одговорност и независност го врати угледот, интегритетот и кредибилитетот на институцијата Претседател на државата.На претстојните избори, изборот пред граѓаните е продолжување на напредокот кон ЕУ или изолација.На граѓаните и на државата не им треба претседател кој ќе кочи, туку претседател, како Пендаровски кој ќе турка напред по вистинскиот пат, кон европски животен стандард и европски вредности.Македонските граѓани сакаат прогрес, економски напредок, стабилност, мир и спокој.Затоа на претстојните избори ќе дадат силна поддршка за Пендаровски.

Македонија | пред 2 години

Пендаровски Стево е синоним за лаги и манипулации, обвини ВМРО-ДПМНЕ

„Пендаровски Стево е синоним за лаги и манипулации. Пред изборите во 2019 година им велеше на граѓаните дека власта на СДС и ДУИ ги затвориле сите отворени прашања на Македонија со соседите. Тој отиде дури и понатака па ги уверуваше луѓето дека Бугарија и Грција биле главни поддржувачи на македонската интеграција во ЕУ. Нити едното, нити другото е точно. Пендаровски а зина, а излажа“, обвини ВМРО-ДПМНЕ и додава:Реалноста за жал е поразителна за Македонија.Иако Пендаровски и СДС прифатија капитулантски договори на штета на Македонија, условувањата, негациите и отворените прашања не исчезнаа. Напротив политиката на свиткана кичма донесоа блокади, понижувања, згазено достоинство и поголеми апетити на оние кои не и мислат добро на Македонија.Денес Пендаровски пак без срам ќе зборува за решавање на отворени прашања, ќе агитира за нова измена на устав и ќе убедува дека тоа ќе биде последното понижување(по кој знае кој пат). Овој пат граѓаните нема да му веруваат, туку него ќе го „решат“ и ќе му ја покажат излезната врата од македонската политичка сцена. Пендаровски го изгуби својот кредибилитет и интегритет. Време е за промени.

Македонија | пред 2 години

Пендаровски очекува да го гласате

Претседателот Стево Пендаровски, во интервју за „Тема на денот“ на Сител ТВ истакна дека тој ја очекува поддршката од сите етнички заедници, затоа што како што посочи, никој не може да стане претседател ако не добие широка граѓанска поддршка.„На изборите ја очекувам поддршката од сите етнички заедници и од сите политички партии кои се репрезенти на тие етнички заедници. Многу пати сум го кажувал тоа и го тврдам: не можеш да станеш претседател ако не те поддржат сите, во една значајна бројка“ посочи Пендаровски.Според Пендаровски, широката поддршка е нужна не само заради одзивот туку пред се и за понатамошниот политички легитимитет и кредибилитет на претседателот.

Македонија | пред 2 години

Нема фотографија

Пендаровски: Во вториот круг јас сигурно сум победник

Во вечерашното гостување во ,,Тема на денот" на Сител тв, претседателот Стево Пендаровски говорејќи за анкетите за претстојните претседателски избори истакна дека претседателот на ВМРО - ДПМНЕ, Христијан Мицковски говори дека нивниот кандидат ќе води со над 100 илјади гласови, без притоа да каже како ќе биде соодносот во вториот круг.,,Сите нивни прогнози се базираат на првиот круг. Никој никогаш не станал, со 7 кандидати, претседател во првиот круг. Значи анкетите кои јас ги знам, а ги знаат и во ВМРО-ДПМНЕ, е дека во вториот круг јас сигурно го добивам нивниот кандидат"Во оваа насока претседателот Пендаровски образложи дека условот еден кандидат да победи во првиот круг е за него да гласаат 50 проценти плус еден граѓанин, од сите луѓе запишани во избирачкиот список, значи околу 900 илјади граѓани, што, како што истакна претседателот Пендаровски е апсолутно невозможно.

Македонија | пред 2 години

Ковачки го прозва Пендаровски: Како е можно инструменти од воениот оркестар на АРМ да бидат на партиски собир на СДС

„Ајде врховен команданте Stevo Pendarovski (уште 60 дена) одговорете што ќе преземете во врска со злоупотребите и рушењето на професионалните стандарди во АРМ“, напиша Драган Ковачки, член на ИК на ВМРО-ДПМНЕ и пратеник, па додаде:Погледнете:Како е можно службени инструменти од воениот оркестар на АРМ да бидат на партиски марш на СДС?По чија наредба офицери на воениот оркестар поддржуваат партиски настан?Има ли дневници за ангажираните офицери на партискиот собир?Во која друга НАТО држава е дозволена ваква злоупотреба?

Коментари | пред 2 години

(Видео) Претседателот Пендаровски на маса со Зеленски: разговарано за случувањата во Украина

Претседателот Стево Пендаровски, во рамки на учеството на самиот Украина - Југоисточна Европа, денеска во Тирана оствари средба со претседателот на Украина, Володимир Зеленски.Двајцата претседатели разговараа за последниот развој на случувањата во Украина и можностите за продлабочување на соработката во насока на поддршка на украинскиот народ и враќање на територијалниот интегритет на Украина во рамките на нејзините меѓународно признаени граници.Претседателот Пендаровски го реафирмираше ставот дека Северна Македонија од самиот почеток силно ја осудува агресијата на Руската Федерација врз Украина која претставува повреда на Повелбата на ОН и принципите на ОБСЕ.?feature=sharedИстовремено, претседателот Пендаровски наведе дека нашата земја се приклучи на Кримската платформа, ја усвои Декларацијата за осуда на воените напади против територијалниот интегритет и суверенитет на Украина, се приклучи на Заедничката декларација на Г-7 за поддршка на Украина, на Меѓународната коалиција за враќање на украинските деца и го поддржа формирањето на Специјалниот трибунал, кој ќе ги истражува и гони сите злосторства на агресија извршени од страна на Руската Федерација.Воедно, претседателот ја поздрави одлуката на Европскиот совет за отворање на преговори за членство на Украина во ЕУ и истакна дека Северна Македонија, како земја-членка на НАТО, останува посветена на политиката на отворени врати и ја поддржува апликацијата на Украина за членство во Алијансата.Украинскиот претседател Володимир Зеленски на средбата изрази благодарност за цврстата позиција и севкупната поддршка којашто Украина ја добива од нашата земја.

Македонија | пред 2 години

Кабинетот на Пендаровски го нападна ВМРО-ДПМНЕ: Граѓаните добро знаат кој е претседателот

Пендаровски: ВМРО-ДПМНЕ нема суштинска понуда за граѓаните„ВМРО-ДПМНЕ во недостиг на суштински идеи и понуда за граѓаните, продолжува да се служи со уличен жаргон и излитени фрази, обидувајќи се да го дискредитира претседателот Пендаровски и неговиот кредибилитет“, велат од Кабинетот на Пендаровски и додаваат:„Со ваквата политичка комуникација ВМРО-ДПМНЕ нема да постигне ништо. Граѓаните добро знаат кој е претседателот Пендаровски, кој е постојано транспарентен, отворен и меѓу граѓаните.Доколу се сериозна политичка опција која има понуда за граѓаните, им препорачуваме да се фокусираат на тоа, отколку на малограѓанско политиканство“.

Македонија | пред 2 години

Законот кој го врати Пендаровски за селење на коцкарниците, пак пред пратениците: Во чиј интерес е ова катастрофално решение

Законот за игри на среќа кој претседателот Стево Пендаровски одби да го потпише ќе биде првиот со кој ќе започне денешната собраниска седница. Повторно, пратениците ќе се обидат да го изласаат решението на ДУИ, со кое, сакаат да ги оддалечат казината и обложувалниците на 500 метри од училиштата - што би значело нивно целосно затворање и иселување од градските средини. Негов предлагач е Фатмир Бесими.Експресна реакција утринава има од Асоцијација на спортски обложувалници (АСОМ).„Пратениците денес се исправени пред предизвикот да кажат конечно и последно „против“ штетниот Закон за изменување и дополнување на Законот за игрите на среќа и за забавните игри во трето читање за кој одлучно „Не“ кажа Претседателот на државата, Стево Пендаровски и Делегацијата на Европската Унија во Република Северна Македонија.Како Асоцијација на спортски обложувалници (АСОМ), која се грижи за 10 илјади директно вработени и одржување на уште 54 илјади други работни места, ги повикуваме пратениците да не даваат поддршка на овој закон и да одговорат на нашите долгогодишни повици за започнување на транспарентна и инклузивна дебата преку која заеднички ќе дојдеме до вистинско европско законско решение за уредување на оваа област притоа не загрозувајќи ја иднината на нашите десетици илјади вработени, играчите и на малолетниците.За АСОМ останува нејасна упорноста со која се турка носењето на овој закон, за кој и Делегацијата на ЕУ во Скопје забележа дека се носи со злоупотреба на европското знаменце, бидејќи конкретниот закон не е поврзан со усогласување со правото на ЕУ. Напротив, преку неправилното означување на законот со ЕУ знаме, се скратува јавната дебата за важни прашања.Неодговорно е под заштита на ЕУ знамето да се тврди дека ограничувањето на просторот, на кој можат да работат приредувачите на игрите на среќа, е со цел да се заштитат младите од лоши и несоодветни навики за нивната возраст. Преку оддалечувањето на нашите деловни простории на повеќе од 500 метри од основните и од средните училишта власта го олеснува патот за пристап на младината до нерегулираниот простор на игрите на среќа на црно, и ги штити приватните интереси на поединци.Овие ограничувања ќе имаат негативни финансиски последици за државниот буџет и ќе овозможат стотици милиони евра наместо за општествено корисни проекти да се слеваат во приватни џебови или да завршуваат надвор од земјата на сметките на странски компании коишто приредуваат онлајн игри на среќа.Приливот во буџетот на државата од легалните приредувачи на игри на среќа изнесува повеќе од 280 милиони евра годишно, пари кои претставуваат силен поттик за македонската економија. Дополнително, како општествено одговорна економска гранка, годишно вложуваме дополнителни десетици илјади евра за спроведување на јавни кампањи за едукација на играчите и заштита од негативните последици.Во таа насока, одговорно тврдиме дека нашата дејност ниту поттикнува млади да играат игри на среќа ниту пак симулира зависност. Спротивно на тврдењата на Владата, Законот за игрите на среќа скроен ваков каков што е ќе овозможи зголемување на игрите на среќа на црно, развој на сивата економија и пораст на криминалот.Уште еднаш прашуваме во чиј интерес е носењето на овој катастрофален закон во пресрет на изборите? Свесни ли се пратениците дека со поддршката за овој закон се лишуваат од поддршката од нашите десетици илјади вработени кои наместо светла иднина за своите семејства, ќе добијат мрачна реалност од народните избраници“, велат од АСОМ.Претходно, претседателот Стево Пендаровски не даде зелено светло за законот за игрите на среќа. Тој одлучи да не го потпише Указот за прогласување на Законот за изменување и дополнување на Законот за игрите на среќа и за забавните игри, што Собранието го донесе на седницата одржана на 7 февруари 2024 година.Законот беше донесен во скратена постапка, со европско знаменце. Собранието со 55 гласа „за“ ги усвои измените со коишто се предвидува обложувалниците и казината да бидат оддалечени најмалку 500 метри од основните и средните училишта.Пендаровски кажа дека неговата одлука да не го потпише указот е донесена врз основа на детална анализа на текстот на законот и на постапката во која што е донесен, како и по спроведени консултации со Делегацијата на ЕУ во земјата, како најважен партнер во процесот на преговори.

Македонија | пред 2 години

Забрзана и непречена интеграција на земјите од Западен Балкан во ЕУ, ако сакаме мир во Европа, алармира Пендаровски

Претседателот Стево Пендаровски во рамки на 60. Минхенска безбедносна конференција, вчеравечер учествуваше на дебатата насловена „Дали Западен Балкан е дел од големата слика? Мапирање на новата европска безбедносна архитектура“, во организација на Центарот за безбедносна политика од Белград и Центарот за безбедносна политика од Женева.Во дискусијата претседателот Пендаровски се осврна на актуелните состојби во регионот на Западен Балкан, последиците во контекст на безбедносните случувања во Европа предизвикани од руската агресија врз Украина, како и на иднината на регион во однос на претстојните предизвици.Претседателот посочи дека во интерес на мирот и стабилноста на Европа, неопходно е да се одржи кохезијата во евроатлантскиот блок и процесот на проширување на Европска Унија.Во таа насока беше реафирмирана потребата од забрзана и непречена интеграција на земјите од Западен Балкан, како клучен фактор не само за политичките процеси и реформската агенда, но и за севкупната безбедност, потенцирајќи дека во време на мултиплицирани кризи и разнишана безбедносна архитектура, важно за стабилноста на Западен Балкан е да има поголемо европско присуство во регионот.Во контекст на безбедносните кризи, беа разменети мислења и за најактуелниот светски конфликт во моментов на Блискиот Исток, како и за глобалните последици од истиот.Во дискусијата учествуваа амбасадорот Рајнер Рудолф, заменик-претседавач со Минхенската безбедносна конференција, австриската сојузна министерка за европски прашања, Каролина Едштадлер, Кирил Петков, поранешен премиер на Бугарија и сегашен пратеник во бугарскиот парламент, специјалниот пратеник на Обединетото Кралство за Западен Балкан, Лорд Стјуарт Пич, албанскиот министер за одбрана Нико Пелеши, генералниот секретар на ОБСЕ, Хелга Шмидт, Стефано Санино, генерален секретар на Европската служба за надворешни работи, францускиот пратеник, Бенџамин Хадад, Даниела Шварцер од фондацијата „Бертелсман“, генералниот секретар на Советот за регионална соработка, Мајлинда Брегу, директорот на Центарот за безбедносна политика од Женева, Томас Гремингер, Олександер Чали соработник на Центарот за безбедносна политика од Женева, Мајда Руге од Европски совет за меѓународни односи и Срѓан Цвијиќ од Центарот за безбедносна политика од Белград.

Македонија | пред 2 години

Европска Унија за првпат реагирала за злоупотреба на европското знаменце кога се носел Законот за игри на среќа

„За измените на Кривичниот законик имаше јасна европска Директива за конфискација на имот стекнат со криминал. Имено, во тој дел, измените на Законикот се усогласени со европската Директива за замрзнување и конфискација на предмети и имотна корист, која освен казната затвор, фокусот го става на одземањето на имотната корист од сторителите на овие кривични дела“, вели претседателот Стево Пендаровски и додава:Никогаш, за ниту еден закон, Европската унија писмено не реагирала да не се злоупотребува европското знаменце пред воопшто тој закон да биде донесен, како што ЕУ постапи сега, во овој случај, во однос на Законот за изменување и дополнување на Законот за игрите на среќа и за забавните игри.Дописот во кој јасно се назначува дека не е почитувана процедурата, односно писмото од Европската Унија пред да биде испратено до Претседателот, е исто така испратено и до Владата и до Собранието.Вицепремиерот Артан Груби како и сите членови на Владата би требало да се запознаени со овој допис.

Македонија | пред 2 години

Пендаровски со амбасадорите: Сиот овој период на неизвесност, исполнет често со непринципиелни барања и напади врз нашите идентитетски атрибути, доведе до значителен пад на поддршката за европската ин...

Претседателот Стево Пендаровски се обрати на традиционалниот годишен прием што за претставниците на дипломатскиот кор, акредитирани во Република Северна Македонија, го приреди вчеравечер во Скопје.„Дозволете на почетокот да ви посакам добредојде на традиционалниот годишен прием за членовите на дипломатскиот кор, акредитирани во Република Северна Македонија и да ви посакам добро здравје, среќа и успех вам и на вашите семејства, а на вашите држави успех и напредок на секое поле во претстојниот период.Зад нас е година исполнета со бројни активности и заложби за унапредување на односите меѓу Северна Македонија и државите коишто ги претставувате и за тоа би сакал да изразам особена благодарност за вашиот ангажман и придонес.Ме радува што во изминатиот период го задржавме интензитетот на контактите и партнерските односи додека разговаравме за различни аспекти од билатералната и мултилатералната соработка, европската интеграција, стабилноста и безбедноста во регионот и пошироко, реформите и политичките случувања кај нас.Во последната година од овој мој мандат како претседател имав можност да реализирам значајни посети во повеќе држави меѓу кои, Кралството Белгија, Чешката Република, Обединетите Арапски Емирати и да остварам бројни средби со мои колеги, претседатели, на маргините на различни меѓународни настани, но и да бидам домаќин на претседателите на Унгарија, на Словенија и на Косово.Изминатата година, Скопје, преку завршниот министерски состанок на ОБСЕ, самитот на претседатели на држави на Брдо-Бриони процесот, министерскиот состанок на Јадранската повелба, Струга преку Преспа-форумот за дијалог и Охрид како домаќин на дијалогот Белград ─ Приштина, беа центри каде што се дискутираа и носеа важни одлуки не само за регионот, туку и за европскиот континент. Ова за нас, како мала држава е навистина од особено значење.Оттука, сакам да се заблагодарам на сите коишто учествуваа во реализацијата на овие активности, вработените во мојот кабинет, вработените во Министерството за надворешни работи, дипломатскиот персонал во вашите амбасади и сите оние што понесоа огромен товар за успешната реализација на овие важни форуми.Ваши екселенции, почитувани пријатели,Како претседател на држава којашто се наоѓа во турбулентен регион, во изминативе, безмалку пет години настојував да водам балансирана, транспарентна и предвидлива надворешна политика, во интерес на мирот и безбедноста, добрососедството, стабилноста, просперитетот и заедничките вредности коишто ги споделуваме со демократските земји.Европската интеграција на Северна Македонија и на Западниот Балкан, постојано беа во центарот на моите заложби и на заложбите на мојот тим најблиски соработници. Во тоа верувам уште од почетоците на мојот јавен ангажман и ќе продолжам да се залагам за таа идеја до нејзината целосна реализација.Зборувајќи за европската интеграција во мојот мандат, работата не ја дозавршивме, бидејќи по направените компромиси коишто не беа на штета на македонските национални интереси, ги почнавме преговорите по долги 17 години чекање со статусот на кандидат, но внатре во државата и покрај јасно исцртаниот пат и отворената врата, не успеавме да ги усвоиме уставните амандмани, со што, по успешно завршениот скрининг, ќе можевме да го продолжиме процесот со втората меѓувладина конференција.Сепак, по долги години со замрзнат статус, направивме крупен чекор напред и дојдовме во фаза во којашто прогресот во интеграциите сега зависи само од нас, а не од некој надворешен фактор. Во оваа смисла, целокупниот процес на интеграции покажа дека во тој потфат не сме сами, затоа што изградивме цврсти партнерски односи со безмалку сите земји членки на Унијата, коишто ќе бидат повеќе од потребни во периодот којшто ќе следи и коишто ќе бидат гаранција дека интеграциите ќе се одвиваат во европски манир, без поставување препреки и измислување критериуми коишто немаат ништо заедничко, ниту со преговорите, ниту пак со европските вредности.Истовремено, сиот овој период на неизвесност, исполнет често со непринципиелни барања и напади врз нашите идентитетски атрибути, доведе до значителен пад на поддршката за европската интеграција, пред сè, меѓу Македонците, што треба да нè загрижува не само нас, туку и државите коишто веруваат во проширувањето на Унијата и го сметаат за клучен влог во безбедноста и просперитетот на континентот.Имајќи го ова предвид, јас продолжувам да верувам дека нашата иднина ќе биде многу попредвидлива како членка на Унијата, отколку да сме сами или да правиме обиди за интегрирање во некои други форми коишто немаат допирна точка со демократските вредности.Затоа сакам да го реафирмирам мојот став дека државата мора да остане на патот на европските интеграции и градењето на добрососедски односи, без оглед на тоа кој ќе биде во извршната власт по изборите во мај оваа година.Истото се однесува и на мојата визија за регионот на Западниот Балкан, којашто од првиот ден на мојот мандат беше и остана дијаметрално спротивна на идеите за промена на границите, размена на територии, концептите за големи држави, или вакви или онакви светови. Западниот Балкан, интегриран во ЕУ ќе биде безбеден, економски просперитетен и отпорен на злонамерни влијанија и тоа треба да биде приоритет за секој одговорен политичар, пред сè, кај нас, но, и во Брисел.Оттука доаѓаше и мојата поддршка за новата методологија за преговори, за заедничкиот регионален пазар, планот за инвестиции, планот за раст, зелената агенда и принципот на постепена интеграција, со став дека за иднината на регионот постојат убави идеи, но недостасуваат одлуки, коишто нема да останат во доменот на бирократската симболика, туку реално ќе нè придвижат напред.Иднината на регионот заслужува уште поголемо внимание во пресрет на предизвиците со коишто ќе се соочиме оваа година, којашто е година на избори во повеќе држави, но, и во нашите клучни стратешки партнери, ЕУ и САД.Растот на популизмот во Европа не е новина, но како никогаш до сега, популистите добиваат на политичка тежина и одлучувачка моќ во процесите во коишто е вклучена и нашата држава. Сето ова се случува на фонот на руската инвазија врз Украина, конфликтот на Блискиот Исток и тензиите во односите меѓу клучните фактори во меѓународните односи.Без оглед на исходот од сите овие изборни циклуси, длабоко сум убеден дека кохезијата во евроатлантскиот блок и процесите на натамошна интеграција и проширување на Европската Унија со регионот на Западен Балкан, мора да бидат императив за владите во Европа и во Вашингтон, доколку навистина сакаме мир и стабилност на европскиот континент.Во овие рамки, посебно значење има исходот од војната во Украина и поддршката којашто демократскиот свет ѝ ја дава на оваа европска земја бидејќи поразот на Украина, без сомнение, ќе биде пораз и на демократијата и широко отворање на вратите за режимите, коишто не се однесуваат демократски ниту кон своите граѓани, а уште помалку во меѓународните односи.Ние, како мала држава, уште од почетокот ја демонстриравме нашата поддршка и солидарност со херојскиот украински народ којашто мора да продолжи и да трае сè додека Украина не ги достигне своите цели во оваа неправедна војна.Екселенции, драги пријатели,Во однос на домашните политички прилики, мојата намера денес не е да го повторувам сето она што го говорев во моето петто годишно обраќање во Собранието, каде што јасно подвлеков како гледам на тековните политички процеси.Неколку недели нè делат од почетокот на предизборната кампања за претстојните претседателски и парламентарни избори, од чијшто исход ќе зависи и динамиката на реформските процеси, борбата против организираниот криминал, високата корупција, реформата на јавната администрација, функционирањето на правната држава, како и соочувањето со секојдневните проблеми коишто обичниот граѓанин го прават честопати да се чувствува запоставен од оние чијшто приоритет мора да биде решавањето, имено, на тие проблеми.Ни претстои период во којшто политичките тензии и емоциите ќе растат, но, во кој не смееме да дозволиме борбата за власт да ги поткопа основите врз коишто е градено нашето општество сите овие години.Одговорноста на нас, политичарите е да не дозволиме политичките опоненти да прераснат во непријатели. Изборниот процес мора да биде фер, мирен и демократски, а следната влада да ја одразува волјата на граѓаните и нашата етничка различност.По изборите, одговорноста на политичарите ќе мора да се мери освен со исполнување на изборните ветувања, и со практичната посветеност кон натамошно хармонизирање на меѓуетничките односи и продолжувањето на европските интеграции.Во однос на уставните промени, идниот собраниски состав ќе мора да ја продолжи дебатата и ова прашање час поскоро да го затвори, затоа што државата мора целосно да се фокусира на решавање на секојдневните проблеми, коишто ќе ги ублажат негативните демографски трендови и нискиот животен стандард на македонските граѓани.На крајот, Ваши екселенции, дозволете ми, кревајќи ја оваа чаша, уште еднаш, да посакам благосостојба и напредок на вашите држави и организации, а вам лично, многу среќа, здравје и успеси.

Македонија | пред 2 години

Пендаровски на 11 -годишнината од смртта на Арбен Џафери: Неговата визија денес е исполнета

Шефот на државата Стево Пендаровски синоќа оддаде почит на 11-годишнината од смртта на поранешниот претседател на ДПА, Арбен Џафери, за кого рече дека се исполнила неговата визија.„Арбен Џафери, првиот, а подоцна и почесен претседател на Демократската партија на Албанците, се залагаше за мултиетничка држава, во која сите заедници ќе живеат во рамноправност. Денес, единаесет години по неговата смрт, неговата визија е исполнета“, истакна македонскиот претседател.Пендаровски објави и дека годишнината ќе се одбележи со печатење на поштенска марка во негова чест.„На годишнината од смртта, со поштенска марка во негова чест, го одбележуваме неговиот влог во политиката“, додаде тој.

Македонија | пред 2 години

Тасевски до Пендаровски, Ковачевски и Спасовски: Не се осеќате навредено што Курти ви организира приватна журка на која се негира државата

Горам од желба да знам ти Пендаровски, ти Таче и ти Обиџуко, а бе како се осеќате у дубини душе кога го јадете Курти со картата на Голема Албанија среде Скопје, вели актерот Сашо Тасевски.„Не ви е малку непријатно? Не се осеќате навредено и како луѓе и од позиција на функциите што ги имате? Не ви е срам од вас самите?Тој Курти ви доаѓа како премиер на протекторат, ви организира приватна етнофашистичка журка на која се негира т.н. држава која ја водите и вие излегувате со соопштенија од типот: Ќе го фатиме тој со картата на Голема Албанија, згрозени сме....Ќе го фатите жими Курти!Да сте држава таа журка немавте да дозволите да се случи. Или ќе им влезете со полиција. Замислете среде Загреб Шешељ да прави митинг со картата на Голема Србија. Уште колку секунди живот ќе му остане по таков кикс?Го*на мекотелски. Вие излегувате со соопштенија само ко ќе видите дека Македонците се бесни, инаку ве боли Курти секогаш кога некој сосед ги негира или понижува МакедонцитеСе срамам што живеам во ова франкештајнска творба наречена држава“, вели Тасевски.

Коментари | пред 2 години