пензионери

Пензионерите „линеарци” на протест во понеделник пред Уставен суд

Пенизонерите кои се залагаат линеарно зголемување на пензиите, од Штип порачаа дека во понеделник пензионерите ќе протестираат пред Уставен Суд во Скопје.Тие се залагаат да продолжи линеарното пресметување на пензиите. Повикаа на масовност, со цел заеднички да се изборат за нивните права.Освен за линеарното усогласување на пензиите ќе бараат и К-15, покачување на посмртнината, како и воведување на пензионерска картичка

Македонија | пред 3 седмици

СДСМ тврди: Владата им подготвува историска измама на пензионерите

СДСМ реагира на новото законско решение кое го подготви Владата за линеарно зголемување на пензиите по 1.000 денари во септември и март.Со ова решение, смета опозицијата, Владата практично ги излажала и им ускрати од пензиите на пензионерите двапати.Тие пресметале колку губат пензионерите.,,Според сегашниот закон кој го донесе СДСМ, пензиите се усогласуваат двапати годишно — во март и септември — врз основа на растот на платите и трошоците за живот. Ако Владата не го менуваше законот и се водеше по услогласувањето, пензиите во септември ќе се зголемеа за околу 5%.За пензија од 20.000 денари зголемувањето ќе беше 1.000 денари, исто како што сега со линеарното зголемување.Но за пензија од 25.000 денари, пензионерите би добиле 1.250 денари, а со новото решение добиваат помалку, само 1.000 денари.За пензија од 30.000 денари, наместо 1.500 денари, добиваат помалку.За пензија од 40.000 денари, наместо 2.000 денари, повторно добиваат двојно помалку, само 1.000.И така редоследно секој пензионер губи од пензијата.Според нашите точни пресметки, огромни 92,5% од пензионерите, односно над 318.000 луѓе, се оштетени со ова линеарно зголемување и ќе земаат помалку од тоа што им следува по закон.Само 7,5% од вкупниот број на пензионери ќе добијат нешто и тоа помалку од заслуженото“, тврдат од СДСМ.Адвокатот Валентин Пепељуговски предлага, Владата како што сака линеарно да ги зголеми пензиите, да донесе Закон со кој покачувањата за државните службеници и за сите функционери исто да биде линеарно.

Македонија | пред 5 месеци

Во пензија на 67 години - бара Фискалниот совет

Фискалниот совет предлага во 2026 година да се зголеми старосната граница за одење во пензија.Фискалниот совет е државна институција чиј основач е Собранието и ова мислење го даде во врска со Фискалната стратегија (2025-2029). Ставот го достави до законодавниот дом и во него бара во 2026 година да се зголеми старосната граница за одење во пензија. Во стратегијата усвоена од владеачкото мнозинство стои препорака, старосната граница за остварување на право за пензија на мажи и жени да биде 67 години старост.Потребно е и зголемување на стапката на придонесот за ФПИОМ (тековно е 18,8%), која моментално е за 2,4% помала во однос на 2008 година кога изнесуваше 21,2%, пишува во мислењето.Според Фискалниот совет, буџетската дупка во Фондот за пензиско и инвалидско осигурување е голема, а линеарните зголемувања од 2.500 денари ќе придонесат Фондот на долг период да не биде одржлив.Фискалниот совет, пак, е составен од високи професионалци. Претседател на Фискалниот совет е Глигор Бишев, поранешен директор на Шпаркасе банка, а членови се академик Абдулменаф Беџети и Марина Трпеска, редовен професор на Економскиот факултет при УКИМ.

Македонија | пред 1 година

(Видео) Пензионерите од Прилеп со торта го прославија зголемувањето на пензиите

Пензионерите од Прилеп и неколку други градови од Македонија, кои подолг период протестираа за линеарно покачување на пензиите од 5.000 денари, вчера се собраа во просториите на Здружението на пензионери во Прилеп за да го одбележат еднократното зголемување на пензиите од 2.500 денари.По тој повод пензионерите имаа подготвена торта со натпис „2.500 денари“.„Радоста е голема бидејќи за нас значи многу 5.000 денари, што никогаш не би го заменила со 5,3% или 2,9% во 6 месеци од годината. Она што го зацртавме, го остваривме“, рече за ТВ „Сител“ Верче Јанческа, пензионер од Прилеп.

Македонија | пред 1 година

Нема фотографија

Велковски: 100.000 пензионери со примања под минималната плата едвај врзуваат крај со крај

„Статистиката говори за жал многу лоши податоци, а тоа е дека околу 100.000 пензионери, граѓани на Република Македонија за жал живеат со под 20.000 пензија. Тоа ако видите во пресметките е под минималната плата и може да замислите како овие луѓе врзуваат крај со крај да го истераат месецот“, изјави денеска техничкиот министер за труд и социјална политика, Ѓоко Велковски којшто одржа средба со пензионерите од Општина Тетово.Велковски е категоричен дека идната влада мора да обезбеди повисоки пензии за пензионерите во Македонија со итна реализација веднаш по завршување на изборите на 8 мај, но пред се да има слух и разбирање за нивните барања.„За жал од август 2023 година истите барања од страна на пензионерите се повторно на маса. Денес во Тетово го говоревме истото дека се потребни повисоки пензии, потребно е линеарно пресметување на пензиите и исполнување на другите барања коишто се 7-8 на број, права коишто им биле скратени низ овие години наназад. Ова беше потенцирано не само од иницијативниот одбор, туку и од сите пензионери присутни на денешната средба. Тие се луѓе кои што се со најголема толеранција, но притиснати од целата ситуација во Македонија, започнаа со протести за своите основни права“, додава тој.

Македонија | пред 1 година

Тие 200 милиони за пензионерите може да се земат со укинување на бесмисленото министерство за политички систем, вели Најчевска

Професорката Мирјана Најчевска на социјалните мрежи објави статус во кој вели дека парите потребни за зголемување на пензиите може да се земат од администрацијата на Владата за која се одвојуваат над милијарда денари.„Тие 200 милиони за пензионерите може да се земат од администрацијата на Владата (за која се издвојуваат над милијарда денари), и со укинување на бесмисленото министерство за политички систем и односи меѓу заедниците кое влечи над 200 милиони денари.Или, пари има, само треба да се распоредат.Така?“, вели Најчевска.

Коментари | пред 2 години

„Со 25.000 можеби ќе преживеат, ама повеќе од сигурно нема да живеат, од преживување до живеење, ги дели една функционерска плата“

Жестоки реакции на социјалните мрежи по изјавата на министерката Јована Тренчевска дека двајца пензионери можат да преживеат со 25.000 денари.„Со 25.000 двајца пензионери можеби ќе преживеат, ама повеќе од сигурно нема да живеат! Од преживување до живеење, ги дели една функционерска плата! Од тоа пусто преживување, нашиов народ на 40 години изгледа ко да има 70, без една насмевка на лицето, а европејците на 80 го шетаат светот. Има разлика од преживување до живеење, цел еден живот, одземан, украден од криминалци на функции! - напиша Јованов на социјалните мрежи“, вели професорката Тамара Јованов.„78% покачување се повеќе од 50.000 денари, што значи четворица пензионери се на фотосинтеза за еден чауш да печали.Тоа се плати за двајца млади лекари специјализанти.Дрште кубурот да не падне од појас може ќе дојдат невремиња ќе затреба“, вели доктор Ненад Лазаров.„'Двајца пензионери можат да преживеат со 25.000 денари' - министерката за социјалаА ако се 10 пензионери дома таман ќе стигнат до платата на министерката од 125.000 денари“, вели Божидар Божиновски.„Ко можат двајца пензионери да преживеат со 25 000 денари и СДСМ ќе може да преживее со 25 000 гласови.Мило за драго“, вели Иљче Затаркоски.„Тренчевска: "Со 25 000 двајца пензионери можат да преживеат."А бе за преживување е лесно, ама има и такви што сакаат да живеат. За нив шо прајме?“, додава Затаркоски.„Внимание!!!Овие веќе не се срамат да ни кажат дека пензиоонерите преживуваат, а не живеат!Прочитајте што кажува министеркаваСекој ден власт на оваа болумента е изгубени животи и судбини на реални луѓе! Доволно беше!#неспособни“, вели Петар Богоески.

Коментари | пред 2 години

Додека странските пензионери патуваат, македонските се мачат да преживеат

Ако погледнеме статистички податоци од Евростат, шведските пензионери најмногу патуваат, но слични навики имаат и пензионерите од Данска, Холандија, Франција, што не е случај со македонските пензионери кои драстично помалку шетаат, пишува Фактор.Се наведува дека луѓето над 65 години во Европа практикуваат подолги патувања, затоа што по пензионирањето имаат слободно време. Македонските пензионери обично патуваат организирано и тоа најчесто на домашен терен.„Ние имаме годишна програма за екскурзии, пролетни и есенски. Пензионерите по симболична цена посетуваат места во Македонија, манастири, излетнички места. Ние сме за зголемување на стандардот на пензионерите, но тоа да биде реално, издржано и да се направи по институционален пат“, вели Даница Петличкова, претседателка на Здружението на пензионери Битола.Од туристичките агенции објаснуваат дека македонските пензионери за одмор обично ја бираат соседна Грција, дел Албанија, но тешко можат да си дозволат посета на некои поскапи и поегзотични, подалечни дестинации.Целиот текст можете да го прочитате тука

Македонија | пред 2 години

Има 2 милијарди за фантомски автопат, ама нема по 3500 денари за пензионерите кои се со нечовечно ниски примања, вели Јованов

Има 2 милијарди за фантомски автопат, ама нема по 3500 ден. за пензионерите - луѓе кои ринтале по 30 години и кои помогнале со трудот, колку - толку да има денес нешто во државава, вели професорката Тамара Јованов.„Има 100 милиони за непостоечка фабрика за електрични возила, ама не и за нашите родители - една од најоштетените и искрадени генерации во државава.Има и по 78% покачување за функционери кои секако беа меѓу поплатените, ама не и за пензионерите кои се со нечовечно ниски примања“, вели Јованов.

Коментари | пред 2 години