ПРИНЦ ЕНДРУ

Принцот Ендру под истрага по наводи за сексуални престапи

Британската полиција покрена истрага против Ендру Маунтбатен-Виндзор по наводи за сексуални престапи, откако жена пријавила дека била одведена во неговиот дом за да има интимни односи со него.Помошникот началник на полицијата во Темза Вали, Оливер Рајт, изјавил дека истрагата продолжува и дека станува збор за сложен случај кој бара анализа на голем број информации добиени од јавноста и други извори.Ендру Маунтбатен-Виндзор, брат на Чарлс III, ги негира сите обвинувања и тврди дека не бил вмешан во никакви криминални дејствија.Според британските медиуми, истрагата е поврзана и со документите од случајот на Џефри Епстајн, објавени во јануари, во кои наводно се споменува и принцот Ендру.Полицијата проверува повеќе можни кривични дела, меѓу кои сексуални престапи, измама, корупција и попречување на правдата. Во тек е и соработка со обвинителството за да се утврдат сите околности поврзани со случајот.

Свет | пред 2 седмици

Објавени документи за принцот Ендру, покојната кралица имала посебна желба

Владата на Обединетото Кралство денеска ја објави првата серија документи поврзани со назначувањето на Принцот Ендру за специјален трговски пратеник во 2001 година, за време на владата на Тони Блер.Документите биле објавени по барање на Либералдемократската партија, а случајот бил тема и во британскиот парламент.Во едно од писмата, тогашниот директор на „British Trade International“, Сер Дејвид Рајт, навел дека покојната Кралица Елизабета Втора лично сакала принцот Ендру да ја преземе функцијата трговски пратеник, наследувајќи го војводата од Кент.„На кралицата многу ѝ значи војводата од Јорк да преземе истакната улога во промовирањето на националните интереси“, се наведува во писмото.Меѓу објавените материјали има и подготвени белешки за интервју на принцот Ендру за весникот „The Times“, во кои се наведува дека тој ќе работи „во интерес на целокупната британска индустрија“.Во документите се посочува и дека улогата на кралското семејство во промоцијата на британските интереси во странство е „долго воспоставена“.Британските медиуми оценуваат дека содржината на документите би можела да предизвика нови политички реакции, а аналитичари најавуваат дека во нив има чувствителни детали и комуникации меѓу владини претставници.

Свет | пред 2 седмици

„Можеби ова е крај на монархијата“: Американски конгресмен со остри пораки за британскиот двор

Конгресменот Ро Кана, член на одборот на американскиот Конгрес кој ја истражува аферата поврзана со Џефри Епстин, упати од Вашингтон порака што предизвика внимание во Велика Британија.Тој во изјава за Sky News порача дека „можеби ова ќе биде крај на монархијата“.Американскиот политичар смета дека постојат прашања на кои британскиот крал Чарлс III треба да одговори во врска со скандалот во кој е вмешан неговиот помлад брат Ендру.„Мислам дека британската монархија сега е поранлива од кога било досега. Треба да постават прашања до кралот и кралицата и можеби ова ќе биде крај на монархијата“, оцени демократскиот конгресмен кој е иницијатор на Законот за транспарентност на досиејата за Епстин, законот што доведе до нивно објавување.Кана додаде дека „ако (кралот и кралицата) немаат одговори, ако се вмешани во класата на Епстин, тоа не е добро за британската монархија“.„Кралот мора да одговори на она што го знаел, што знаел за Ендру, само одземањето на титулата на Ендру не е доволно. Ендру мора да излезе пред нашиот одбор и да почне да одговара на прашања. Не мислам дека соодветна казна е тоа што повеќе не може да биде принц. Мора да има повеќе од тоа. Мора да одговорат и кралот и кралицата, не го разбирам тој британски обичај кога некој ќе ѝ постави прашање на кралицата, таа да се навреди што ѝ се поставува прашање? Мислам, ве молам. Таа носи иста облека, јаде иста храна, таа е само човечко суштество, мора да одговори на истите прашања како и сите“, рече Кана.Британската телевизија потсетува дека Ендру Маунтбатен-Виндзор ги негирал обвинувањата за незаконско постапување и наведува дека немало назнаки дека поширокото кралско семејство било вмешано во аферата околу Епстин.Сепак, објавените документи покажале дека Епстин бил покануван во Бакингемската палата и дека го посетил кралскиот имот Балморал.Конгресменката Џасмин Крокет, која како и Кана е демократски член на одборот што ја истражува аферата Епстин, била прашана дали смета дека постојат прашања што треба да ѝ се упатат на пошироката кралска фамилија.„Наша должност е да ги разгледаме доказите и да се обидеме да утврдиме кој е вмешан во оваа многу сложена мрежа. Мислам дека треба да разговараме со секого, дури и ако тоа значи да одиме толку високо“, порача Крокет.Бакингемската палата објави соопштение во кое портпаролот наведе дека кралот Чарлс III јасно изразил „длабока загриженост“ поради обвинувањата што се однесуваат на Ендру.„Ако ни се обрати полицијата, подготвени сме да им дадеме поддршка, како што и би очекувале“, наведе портпаролот на кралското семејство.

Свет | пред 4 месеци