Принцот Ендру под истрага по наводи за сексуални престапи

Британската полиција покрена истрага против Ендру Маунтбатен-Виндзор по наводи за сексуални престапи, откако жена пријавила дека била одведена во неговиот дом за да има интимни односи со него.

— реклама —

Помошникот началник на полицијата во Темза Вали, Оливер Рајт, изјавил дека истрагата продолжува и дека станува збор за сложен случај кој бара анализа на голем број информации добиени од јавноста и други извори.

— реклама —

Ендру Маунтбатен-Виндзор, брат на Чарлс III, ги негира сите обвинувања и тврди дека не бил вмешан во никакви криминални дејствија.

— реклама —

Според британските медиуми, истрагата е поврзана и со документите од случајот на Џефри Епстајн, објавени во јануари, во кои наводно се споменува и принцот Ендру.

— реклама —

Полицијата проверува повеќе можни кривични дела, меѓу кои сексуални престапи, измама, корупција и попречување на правдата. Во тек е и соработка со обвинителството за да се утврдат сите околности поврзани со случајот.