сад избори

(Видео) Харис на работ од солзи одржа губитнички говор

Потпретседателката на САД и демократска кандидатка на изборите, Камала Харис, не успеа да и обезбеди победа на својата партија, а сега првпат се огласи по поразот.Таа уште на почетокот им се заблагодари на сите луѓе кои гласаа за неа. Илјадници луѓе дојдоа да ја слушнат и видат Камала во живо, а громогласен аплауз го придружуваше нејзиното појавување на сцената, додека многумина плачеа во публиката.„Моето срце е полно денес, полно со благодарност, љубов кон нашата земја. Исходот не е онаков каков што сакавме, за што се боревме, за што гласавме. Но, слушајте ме, светлината секогаш ќе гори, се додека се бориме“, изјави Харис, која и самата беше на работ на солзите.Истакна дека е горда на борбата и како таа се водеше, но и дека нема да се откаже од неа.„Го признавам поразот, но не се откажувам од борбата што ја водев во кампањата. Борбата за слобода, правда... Тоа е борба од која никогаш нема да се откажам. Никогаш нема да се откажам од фактот дека Американците можат да ги остварат своите аспирации, во Америка каде жените имаат избори, во која училиштата и улиците се заштитени од оружено насилство“, рече таа.Соопшти дека демократите ќе се придржуваат до принципот на мирен трансфер на власта.„Ова ја разликува демократијата од монархијата и тиранијата. Не му должиме лојалност на претседателот и партијата, туку на американскиот Устав“, рече таа.Претходно Харис му се јави на Трамп да го признае поразот и да му честита за победата на претседателските избори. Таа зборуваше за „важноста од мирно предавање на власта и дека да се биде претседател е важно за сите Американци“, рекоа нејзините советници.

Свет | пред 1 година

(Видео) Трамп: Напишавме историја, имаме неверојатен политички успех

Доналд Трамп објави победа на американските избари. Тој рече дека победата ќе обезбеди повторно „Америка да стане голема“.„На нашата земја и е потребна помош, вечерва ги надминавме сите пречки кои никој не веруваше дека ќе ги надминеме. Го посигнавме најневеројатното нешто, погледнете што се случи. Ова е политичка победа која нашата земја ја нема видено, ниту има видено нешто слично. Благодарност до сите кои гласавте и ме одбравте за 47. американски претседател. Ќе се борам за секој граѓанин, секој ден ќе се борам за секој од вас со секој здив и нема да се одморам додека не ви испорачам безбедна, цврста и силна иднина“, рече Трамп.Посочи дека добил моќен мандат без преседа, па се пофали дека ја повратиле и моќта во Сенатот.„Ќе се борам за вас, вашите семејства, вашата иднина. Нема да застанам додека не испорачаме силна и просперитетна Америка. Ова ќе биде златно доба за Америка. Ќе ве направиме горди и среќни. Сакам да погледнете наназад еден ден и да бидете горди што гласавте за оваа група луѓе зад мене. Секаде победивме со мега движењето кое беше од голема, неверојатна помош. Победата беше неверојатна. Сакам да се заблагодарам на сите вам, ќе имате одлични сенатори, значајни сенатори. И извесно е дека ќе ја задржиме контролата и во Претставничкиот дом“, додаде Трамп.Трамп најави дека ќе ги затвори границите.„Ќе се погрижиме за границите, ќе сакаме луѓето да ни се вратат. Ќе ги затвориме границите, па ќе мора легално да се вратат дома. Ќе мора по легален пат“, додаде Трамп.

Свет | пред 1 година

(Видео) Венс: Ова е најголемиот политички камбек во американската историја

Џеј-Ди Венс излезе на сцената во Вест Палм Бич, Флорида. Тој веднаш му оддаде признание на Доналд Трамп, заблагодарувајќи му се за можноста да му биде потпретседател.„Мислам дека штотуку бевме сведоци на најголемото политичко враќање во историјата на Соединетите Американски Држави“, вели тој.„Под водство на претседателот Трамп, никогаш нема да престанеме да се бориме за вас, за вашите соништа, за иднината на вашите деца. И по најголемиот политички камбек во американската историја, ќе го водиме најголемиот економски камбек во американската историја - под раководството на Доналд Трамп“, рече Венс.

Свет | пред 1 година

Орбан: Најголемото враќање во политичката историја на САД

Унгарскиот претседател Виктор Орбан му честиташе на Доналд Трамп.„Најголемото враќање во политичката историја на САД! Честитки до претседателот Доналд Трамп за неговата огромна победа. Многу потребна победа за светот“, напиша тој на Икс.

Свет | пред 1 година

Од штабот на Камала: Таа денеска нема да се обрати, се уште не е готово

Американците избираат претседател. Според сегашните податоци, Доналд Трамп води пред Камала Харис.Се огласија од нејзината кампања.„Ви благодариме за сè што направивте, ви благодариме што сте тука. Ви благодариме што продолживте да верувате во ветувањето што го претставува Америка. Имаме уште гласови за броење, сè уште имаме држави за броење. Ќе продолжиме да се бориме за да обезбедиме да се брои секој глас, да се слушне секој глас. Вечерва нема да го слушнете обраќањето на Камала Харис, но утре таа ќе и се обрати на целата нација. Ви благодарам, верувам во вас, Господ да ве чува, напред Харис“, рече Седрик Ричмонд, менаџер на кампањата на Камала Харис.

Свет | пред 1 година

(Во живо) Трамп ќе и се обрати на јавноста

Доналд Трамп наскоро ќе и се обрати на јавноста.Се очекува Доналд Трамп наскоро да пристигне на забавата за неговата кампања во Вест Палм Бич, Флорида, каде што треба да одржи говор.Сите избирачки места во САД се затворени, а Доналд Трамп има предност пред Камала Харис.Доналд Трамп моментално води во Пенсилванија, Мичиген и Висконсин - трите главни држави во Rust Belt. Тој има шест поени предност во Мичиген, со преброени 62% од гласовите, три поени во Пенсилванија (92% преброени) и четири поени во Висконсин (86% преброени).

Свет | пред 1 година

Обложувалниците го фаворизираат Трамп

Обложувачите исто така внимателно ги следат случувањата во САД.Досега, повеќе од 125 милиони фунти се ставени на победата на Доналд Трамп, додека обложувалниците ставија 46 милиони фунти за победата на Камала Харис.BetFair Predicts со седиште во Обединетото Кралство, кој користи податоци во живо од американскиот изборен пазар за обложување за да ги визуелизира и предвиди шансите за победа на кандидатите, сподели што мислат обложувачите дека ќе се случи во седумте клучни држави.Пенсилванија - победа на ТрампХарис - 5/4 (48%)Трамп - 8/11 (52%)Аризона - победа на ТрампХарис - 100/30 (27%)Трамп - 2/7 (73%)Џорџија - победа на ТрампХарис - 7/4 (36%)Трамп - 4/7 (64%)Мичиген - победа на ХарисХарис - 8/15 (63%)Трамп - 15/8 (37%)Невада - победа на ТрампХарис - 5/4 (42%)Трамп - 4/5 (58%)Северна Каролина - победа на ТрампХарис - 15/8 (37%)Трамп - 8/15 (63%)Висконсин - победа на ХарисХарис - 8/11 (59%)Трамп - 5/4 (41%)BetFair Predicts го предвидува Трамп како севкупен победникДоналд Трамп 4/6 (шанса 60%)Камала Харис 6/4 (шанса 40%)

Свет | пред 1 година

Соработник на Трамп: Се зависи од одѕивот

Врвните советници на Трамп, кои велат дека се внимателно оптимисти за резултатите на Трамп денес, веруваат дека нивниот успех или неуспех во овие последни часови ќе зависи од една работа: одѕивот.„Мислиме дека сега сме во позиција каде што Трамп треба да победи ако луѓето за кои мислиме дека ќе гласаат за него навистина излезат на гласање. Прашање е само да се оствари. Блиску е. Навистина е блиску“, рече висок функционер на Трамп за Си-ен-ен.„Знам дека звучам банално со одѕивот, но на крајот на денот, тоа е она на што сме фокусирани во моментов“.Советниците на Трамп веруваат дека ова е најдобриот изборен циклус што Трамп го имал досега, особено кога се споредуваат анкетите со 2016 и 2020 година.Советникот ја наведе како пример најновата анкета на NBC News/Wall Street Journal од изборниот циклус во 2020 година, која покажа дека Бајден води пред Трамп на национално ниво со 10 процентни поени меѓу регистрираните гласачи.Сепак, една скриена загриженост при анализата на тие податоци, која советниците и луѓето блиски до Трамп приватно ја признаваат, е дека тие веруваат дека сега има помалку од оние „тивки“ гласачи на Трамп кои го поддржуваа во 2016 и 2020 година.„Иако одѕивот за него можеби беше изненадувачки претходно, особено во 2016 година, а многу луѓе молчеа за својот глас, што не беше секогаш одразено во податоците, не е јасно дали ќе ја видиме таа разлика овој пат“, рече еден од луѓето, блиски до Трамп за Си-ен-ен.

Свет | пред 1 година

Кога ќе го знаеме победникот на изборите во САД? И други клучни прашања

Дојде денот на изборите во Америка. Демократската кандидатка Камала Харис и републиканскиот кандидат Доналд Трамп се во трка за претседател на Соединетите Американски Држави.Повеќе од 78 милиони луѓе гласаа пред денот на изборите. Трката за претседател е многу тесна.Како всушност функционираат американските избори и кои се одговорите на клучните прашања.Како се одредува победникот?Секоја држава делегира на избирачкиот колеџ онолку избирачи колку што му припаѓаат во однос на нејзиното население. Има вкупно 538 електори, што е бројка што одговара на бројот на конгресмени и сенатори во американскиот парламент.Тоа значи дека има вкупно 538 електори: 435 претставници и 100 сенатори, плус три за округот Колумбија. Кандидатот кој ќе освои најмалку 270 електори станува претседател.Калифорнија е најнаселената американска сојузна држава и има најмногу електори (54), а потоа следат Тексас (40), Флорида (30) и Њујорк (28). На другиот крај од спектарот се ретко населените држави како Алјаска, Вермонт, Делавер, Вајоминг или Монтана, кои имаат само по тројца електори.Со два исклучоци, во сојузните држави владее начелото „победникот зема се“ - кандидатот кој во таа држава ќе го освои поголемиот број гласови од бирачите, макар и со најмала можна разлика го освојува сите нејзини електори. Исклучпѕ се Небраска и Мејн, кои ги делат електорите пропорционално на бројот на освоени гласови.Кога ќе го дознаеме победникот?Ова е многу незгодно прашање и вистинскиот одговор е - зависи од неколку работи. Некои држави можат да ги објават резултатите прилично брзо, но за многумина тоа би можело да биде долг процес - особено ако има голем број на предвремени гласања и гласачки ливчиња по пошта кои се пребројуваат ноќта по оние кои биле лично дадени.На последните претседателски избори во САД во 2020 година, американските медиуми беа доволно самоуверени да го објават резултатот во саботата, четири дена по денот на изборите.Кога победникот ја презема функцијата?Едно нешто што знаеме е дека кој и да победи на денешните избори формално не станува претседател до Денот на инаугурацијата - кога ќе положи заклетва пред американскиот Капитол во Вашингтон пред главниот судија на Врховниот суд. Тој ден е понеделник, 20 јануари 2025 година.

Свет | пред 1 година

(Видео) Трамп ги нападна Камала и Бајден: Ќе ја спасиме Америка

Трамп штотуку го заврши митингот во арената Ван Андел во Гранд Рапидс, Мичиген. Неговиот последен митинг донесе враќање на главните теми на неговата кампања - економијата и имиграцијата.Тој повтори некои од неговите предизборни ветувања, вклучително и дека сака смртна казна за секој мигрант кој ќе убие службеник на законот или американски државјанин.Поранешниот претседател, исто така, помина голем дел од својот говор критикувајќи ги Камала Харис и Џо Бајден и нивните политики во изминатите четири години, но ја истакна својата амбиција „да го реши секој проблем со кој се соочува Америка“.„Мислам дека ќе постигнеме одличен резултат“, изјави тој пред публиката. Мислам дека ќе победиме во Мичиген“.На крајот од митингот на сцената му се придружија и неговите деца.„Конечно, со вашиот глас, ќе ја собориме Камала и ќе ја спасиме Америка. Ќе ви ги намалиме даноците и инфлацијата, ќе ги намалиме цените, ќе ги зголемиме платите и ќе вратиме илјадници фабрики назад во Америка и назад во Мичиген, а многу од тоа ќе се случи со мојот омилен збор - царина“, рече тој, по што доби аплауз од публиката.

Свет | пред 1 година

Почнуваат најважните избори во светот: трката никогаш не била толку тесна

Денеска се одржуваат американските избори.Повеќе од 78 милиони луѓе гласаа пред денот на изборите во САДТрката се уште е речиси изедначена. Камала Харис има 0,8% водство на национално ниво пред Доналд Трамп.

Свет | пред 1 година