СИНАГОГА

(Видео) МВР со детали: Најден е канистарот од горивото со кое две лица ја палеа синагогата во Скопје

Министерството за внатрешни работи соопшти нови детали за обидот за опожарување на синагогата во Скопје.Според информациите од МВР, денеска во 07:22 часот во СВР Скопје, лицето Ј.Ј. пријавило дека на улицата Апостол Гусларот, во дворот на верски објект, забележал канистар за гориво и траги од горење.По добиената пријава, полициски службеници веднаш излегле на местото на настанот и започнале со увид, при што се преземаат мерки и активности за целосно расчистување на случајот.За обид за палење на објект на Еврејска заедница во Македонија, веќе има реакции и осуди во јавноста.Истрагата е во тек, а од МВР најавуваат дека по нејзиното завршување ќе следуваат соодветни поднесоци против сторителите.

Настани | пред 4 часа

(Видео) Снимка од обидот да се запали синагогата во Скопје: две лица фатени на камера

Амбасадорката на Израел во Македонија, Вивијан Ајзен, објави видео-снимка од обидот за опожарување на синагогата во Скопје, направена од безбедносни камери.На снимката се гледаат две лица како прескокнуваат ограда и се доближуваат до влезот на објектот. Потоа, тие прскаат со запалива течност, по што фрлаат бакља и предизвикуваат пожар.Според видеото, лицата носеле ракавици, што укажува на обид да се избегне идентификација.Објавата доаѓа по реакцијата на Еврејска заедница во Македонија, која претходно соопшти дека станува збор за сериозен инцидент и повика на целосно расветлување на случајот.Очекувањата се дека токму оваа снимка ќе биде клучен доказ во истрагата за пронаоѓање на сторителите.

Скопје | пред 5 часа

Обид да се запали објектот на Еврејската заедница и синагогата

Еврејската заедница во Македонија вечерва соопшти дека денеска бил извршен обид за опожарување на нејзиниот објект и синагогата. Го осудуваат овој чин и апелираат до надлежните органи за целосно расветлување на случајот и доследна примена на законите, како и за гласна и обединета осуда од сите верски лидери, институции и граѓани.– На 12 април, првпат во поновата историја беше извршен обид за опожарување на објектот на Еврејската заедница и синагогата. Овој чин не е само напад врз еден верски објект, туку длабоко вознемирувачки удар врз темелните вредности на цивилизираното општество – соживотот, достоинството и заемната почит. Еврејската заедница, како најмалубројна, но историски длабоко вкоренета заедница на овие простори уште од времето на Антиката, отсекогаш го градела својот опстанок и придонес врз принципите на мир, солидарност и заедништво. Ние сме живееле посебно во нашите верски традиции, но заедно во секојдневието – рамо до рамо со сите наши сограѓани, споделувајќи ги и радостите и премрежјата на ова општество, се вели во соопштението до медиумите потпишано од претседателот на Еврејската заедница во Македонија, Пепо Леви.Со особена загриженост, се вели во известувањето, констатираме дека во последниве години се засилуваат појавите на говор на омраза, нетолеранција и опасно поистоветување на Евреите со сложените геополитички случувања на Блискиот Исток. Таквите тенденции не се само погрешни, туку и длабоко неправедни, и тие го отвораат патот за оживување на антисемитизмот – појава која човештвото одамна требаше да ја остави зад себе.– Обидот за подметнување пожар е алармантна последица токму на таквата атмосфера. Остро и недвосмислено го осудуваме овој чин. Истовремено, повикуваме на јасна, гласна и обединета осуда од сите верски лидери, институции и граѓани. Само преку заедничка одговорност и будност можеме да обезбедиме ваквите појави никогаш повеќе да не се повторат. Апелираме до надлежните органи за целосно расветлување на случајот и доследна примена на законите. Но, уште поважно, апелираме до совеста на општеството – да не дозволиме омразата, стравот и незнаењето да станат погласни од разумот, човечноста и правдата, се вели во соопштението.

Македонија | пред 5 часа