skopje

(Видео) Прости ни Скопје: „Нашиот Петре, а околу него, мизерија“

Скопјанецот Томислав Цветкоски во видео снимено околу Македонскиот народен театар, покажа како се третира јавното добро. Искршена ограда, купишта отпад.„Нашиот Петре, а околу него, мизерија“, вели тој.Потоа, снимката продолжува на мостот кој води кон другата страна на кејот на Вардар. А низ него, освен отпад имало и кучешки измет.„Мизерија!“, повторува тој.Нехигиената во Скопје е проблем кој трае подолг период. Не е првпат да се алармира за несредени јавни површини, како градски, така и општински. Неретко имаше поплаки дури и за несобрано ѓубре од по улиците кое се трупаше околу контејнерите.

Скопје | пред 8 месеци

Арсовска бара 11 милиони за ПР услуги, тврди партијата која ја донесе на власт

„11 милиони денари побарува Арсовска за пресконференции и приватна продукција за медиумски активности. Пари кои ги бара, како што е наведено за подобрување на транспарентноста“, велат од Центарот за комуникации на ВМРО-ДПМНЕ.Тие додаваат:Не и се потребни 11 милиоми денари, ниту на неа, ниту на Секретарот на градот Скопје за да не бегаат од новинари, кога бараат одговор на прашањата кои ги мачат граѓаните.Арсовска наместо да фрла 11 милиони денари за видеа и разни други форми на комуникација, може да почне со плаќање на долгот кој го има ЈСП кон приватните превозници, а кој го потврди и УЈП дека е точно 1.5 милион евра.А за ПР и видео материјали, Арсовска има Сектор за поддршка на градоначалникот и Одделение за односи со јавноста, каде има раководител и 8 вработени, кои се задолжени за информирање, пресконференции, анализи и изработка на ПР материјали за промоција на градот.Арсовска очигледно дека сака овие 11 милиони да ги троши на чиста лична пропаганда.

Скопје | пред 2 години

Скопје и утре ќе е хаотично, блокирани ќе се булевари

Посебен режим на сообраќај утре (05.12.2022) во СкопјеМинистерството за внатрешни работи ја информира јавноста дека на 05.12.2022 (пoнеделник), поради најавено одржување на протест, со почеток во 06.00 часот, полициски службеници од СВР Скопје ќе преземат мерки за посебен режим на сообраќајот.Притоа, посебниот режим на сообраќај ќе биде воспоставен на бул. „Илинден“ - од крстосницата на бул. „Илинден“ со бул. „Св. Климент Охридски“, до крстосницата од бул.„8 Септември“ и бул. „Илинден“ - крстосницата од ул. „11 Октомври“ и бул.„ Кочо Рацин“ (Црвен крст) и крстосницата од бул. „Гоце Делчев“ и бул. „Крсте Мисирков“ (Судска палата).Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива настанот со цел безбедност на сите учесници во сообраќајот.

Скопје | пред 2 години

(ВИДЕО) Не е шега: Во сабота ќе се истеруваат демони во Скопје

Константин Тино Кајшаров, кој се претставува како исцелувач, најави дека ќе истерува демони в сабота во Скопје.Во неговата објава на Фејсбук се наведува дека оваа сабота во Скопје од 18 часот ќе организира „исцелување, ослободување од демони, од проклетства и магии“.Заинтересираните треба да направат резервација, а учеството е бесплатно, наведува тој.Покрај најавата тој сподели и видео од „истерувањето демони“.Неговата објава предизвика бројни коментари на социјалните мрежи. Многумина предупредуваат дека, иако пишува дека лекувањето е бесплатно, тој „дебело“ наплаќа за сеансите. Ова се дел од коментарите на граѓаните:– Кај главата им ја празни, па и паричникот. Колку што имам слушнато, по 3.000 денари од сесија им земал. Ама си нашол овци, нека ги стриже.– Исцелител со плацебо ефект, би му додала ваков назив, наместо мастер Константин како што самиот се нарекува.Како што пишуваат медиумите, Константин Тино Кајшаров се претставувал себе си како надрилекар, пејач, биоенергетичар, кинезитерапевт, познавач на фреквенции, пастор…Наздравје исцелување в сабота!

Скопје | пред 3 години

Разрешен в.д директорот на Комунална хигиена, откако брат му со пиштол се појави пред толпата демонстранти

Директорот Зуди Енузи е разрешен од позицијата вршител на должност на јавното претпријатие Комунална Хигиена.„Градот Скопје како град на соживот и солидарност не смее да биде центар на насилство и пресметки со огнено оружје и креирање меѓуетнички тензии меѓу нашите сограѓани. Политиката зема замав и во ниту еден случај не смее да влијае на професионалноста на водењето на институциите.И покрај одличното и професионално менаџирање со јавното претпријатие Комунална Хигиена од страна на Зуди Енузи, сепак мојот етички кодекс не дозволува тој да продолжи да раководи со претпријатието. Затоа истиот е разрешен од позицијата вршител на должност“.

Скопје | пред 3 години

(ФОТО) Тешка сообраќајна несреќа на Илинденска

Тешка сообраќајна несреќа утрово се случила на Илинденска, во близина на училиштето Орце Николов, објави порталот СкопјеИнфо.Наскоро повеќе информации.Фото: Скопјеинфо

Скопје | пред 5 години

Во Скопје продолжуваат субвенциите за чистење на оџаци

 Градот Скопје и во 2020 година продолжува со доделување субвенции за чистење на оџаците, со цел намалување на загадувањето на амбиентниот воздух.Со Јавниот повик за субвенционирање на домаќинства и на други субјекти  на подрачјето на Град Скопје за чистење оџаци за 2020 година, предвидени се субвенции во нето износ најмногу до 1.200 денари Скопје.До овој момент до Градот Скопје се пристигнати 34 барања за субвенции, а со јавниот повик ќе бидат опфатени исчистените оџаци од 01.01.2020 година, a Јавниот повик трае заклучно со 30.11.2020 година.Целта на овој проект што Град Скопје го реализира континурано е намалување на загаденоста на амбиентниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците. Мерката има цел да постигне краткорочни и некои подолгорочни ефекти, како што се постигнување на подобро согорување, намалување на штетните отпадни гасови, појава на саѓи и трошоците за затоплување, како и подигнување на јавната свест кај граѓаните за потребата за чистење на оџаците.За потсетување, Град Скопје оваа мерка ја реализираше и во 2018 и 2019 година, кога беа доделени вкупно 634 субвенции.фото: Архива

Скопје | пред 5 години

Пукале и ограбиле бензинска во Бутел

Двајца разбојници пукале во воздух при грабеж на бензинска пумпа во Бутел дознава 24 инфо.Разбојништвото се случило по 23 часот на улицата Александар Урдаревски во пумпа на Макпетрол.Според очевидци, арамиите со пиштоли им се заканиле на вработените по што испукале курѓум во воздух, ги зеле парите и избегале со автомобил.Ова е втор грабеж вечерва откако претходно во Драчево беше огрбена обложувачница.фото: Архива

Скопје | пред 5 години

Гардијан: Кањонот „Матка“ меѓу десетте најубави европски кањони

Кањон Матка e кањон на реката Треска, десна притока на Вардар, зафаќа површина од околу 5.000 хектари и се наоѓа на 17 километри југозападно од Скопје. Според морфогенетските карактеристики претставува клисура-пробојница. На овој простор посебно внимание заслужуваат карстните форми.  Тоа се десетте пештери со должина од 20 до 176 метри и двата пропасти со длабочина до 35 метри.По долината на реката Треска има таинствен свет со прекрасни пештери, високи карпи, големо богатство на дабови и букови шуми, белоглави орли и ретки животински видови. На локалитетот Матка се откриени два нови видови на вистински пајаци и пет лажни скорпии. Во кањон Матка се регистрирани 119 видови дневни и 140 видови ноќни пеперутки. Значајно е да се напомене и тоа дека во кањонот Матка се среќаваат 77 видови на балкански ендемични мали пеперутки, а уште 18 други видови се нови за науката.Во Матка има десетина пештери со должина од 20 до 177 метри и две провалии со длабочина до 35 метри, а најпознати се пештерите Врело, Кршена и Убава кои имаат слична должина. Пештерите се полни со сталагмити, столбови и сталактити. Кањонот на реката Треска е најважниот искачувачки центар во северниот дел на Македонија и главните искачувања започнуваат на пролет кога доаѓаат посетители од цела Европа. Сезоната продолжува во текот на летото и есента до ноември, кањонот на реката Треска е отворен и за кајакарство.Кањонот Матка се најде во репортажата на британски „Гардијан“ меѓу десетте најубави европски кањони.фото: macedonia-timeless.com

Скопје | пред 5 години