СЛАТКАРИСТИКА

„Приказната зад камерите е поинаква“: Сања Николиќ со порака по одлуката на Слаткаристика

По реакциите што се појавија во јавноста околу финансиската поддршка за документарниот филм посветен на неговиот живот, Марко Маринковиќ – Слаткар, попознат како Слаткаристика, соопшти дека проектот ќе продолжи да се реализира, но без средствата доделени од Агенцијата за филм.Во својата објава на социјалните мрежи, раперот истакна дека изминативе денови внимателно ги следел коментарите и јавните реакции, по што одлучил да ја разјасни ситуацијата. Тој нагласи дека финансиската поддршка не му била доделена нему лично, туку на тимот што веќе две години работи на документарниот проект.„Сакам една работа да биде јасна – ниту барав, ниту мене ми се доделени пари. Поддршка доби документарен филм и еден многу посветен тим што веќе две години работи на приказна што преку мојот живот зборува за многу повеќе од мене“, напиша Слаткаристика.Тој додаде дека е благодарен што проектот бил препознаен од комисијата на Агенцијата за филм, но нагласи дека не сака филм што промовира разбирање, прифаќање и поддршка да биде причина за поделби.„Затоа одлучивме филмот да се реализира без средствата доделени од Агенцијата за филм. Продолжуваме понатаму заедно со сите наши поддржувачи, соработници и пријатели. Светот ќе го чуе гласот на најтивките, се гледаме на премиера“, порача тој.По неговата објава, поддршка му даде и сопругата Сања Николиќ, која преку Инстаграм сподели фотографија и кратка порака.„А приказната зад камерите е поинаква... секогаш искрена, но понекогаш доста тешка. И тој... еден и свој“, напиша Николиќ.

Магазин | пред 2 дена

Слаткаристика се откажа од државните пари за филмот: Ниту барав, ниту мене ми се доделени пари, проектот ќе се работи без пари од буџетот

Раперот Слаткаристика објави дека документарниот филм посветен на неговиот живот ќе се реализира без средствата доделени од Агенцијата за филм, по реакциите во јавноста поврзани со одлуката проектот да добие државна поддршка.Во објава на социјалните мрежи, тој посочи дека изминатите денови бил изложен на критики и коментари, но нагласи дека лично не побарал ниту добил финансиски средства.„Сакам една работа да биде јасна... ниту барав, ниту мене ми се доделени пари. Поддршка доби документарен филм и еден многу посветен тим кој веќе две години работи на приказна што преку мојот живот зборува за многу повеќе од мене“, напиша Слаткаристика.Тој изрази благодарност до Комисијата на Агенцијата за филм што ја препознала важноста на темата, но посочи дека не сака проект кој, според него, зборува за разбирање, прифаќање и поддршка да започне со поделби.„Затоа одлучивме филмот да се реализира без средствата доделени од Агенцијата за филм“, соопшти тој.Слаткаристика додаде дека проектот ќе продолжи со поддршка од соработници, пријатели и луѓето што го следат и поддржуваат неговото работење.„Продолжуваме понатаму... Заедно со сите наши поддржувачи, соработници и пријатели на кои сум им неизмерно благодарен. И со најважната поддршка од вас, луѓето кои ме сакаат, почитуваат и ценат. Светот ќе го чуе гласот на најтивките. Се гледаме на премиера“, напиша тој.Реакциите во јавноста следуваа откако беше објавено дека проектот добил поддршка од Агенцијата за филм, при што дел од критиките се однесуваа на неговото учество во кампањата за референдумот поврзан со Договорот од Преспа и промената на уставното име на државата.

Македонија | пред 2 дена

По реакциите, Министерството за култура го објаснува филмот за Слаткар: Не е приказна само за музиката, туку за децата со комуникациски потешкотии

Министерството за култура и туризам соопшти дека внимателно ги следи реакциите во јавноста поврзани со одлуката за поддршка на документарниот филм „Слушни ме“, нагласувајќи дека проектот е избран поради неговата општествена, едукативна и инклузивна вредност.Од Министерството појаснуваат дека филмот не е посветен исклучиво на музичката кариера на Слаткаристика, туку преку нејзината лична приказна ја обработува темата за говорните и комуникациските потешкотии кај децата и младите. Проектот ја истражува улогата на музиката и уметноста како можни алатки за надминување на овие предизвици и испраќа порака за прифаќање, еднакви можности и општествена инклузија.Според ресорното министерство, станува збор за тема што директно засега голем број семејства, а филмот има потенцијал да придонесе за подигнување на јавната свест и отворање поширока дебата за поддршката што им е потребна на децата со говорни и комуникациски потешкотии.Во соопштението се наведува дека проектот веќе обезбедил значителен дел од финансиската конструкција преку спонзорства и партнерства, како и поддршка од програмата „Креативна Европа МЕДИА“, Министерството за здравство и Центарот за рехабилитација на патологија на вербалната комуникација. Средствата одобрени преку конкурсот на Агенцијата за филм, како што посочуваат, претставуваат само 1,6 проценти од вкупно распределените средства за поддржаните филмски проекти во овој конкурс.Од Министерството додаваат дека најголемиот дел од буџетот е насочен кон проекти на автори и режисери со значајни меѓународни признанија, меѓу кои Георги М. Унковски и Јани Бојаџи, како и Тамара Котевска и Љубомир Стефанов, авторите на „Медена земја“.Воедно, се посочува дека продуцент на „Слушни ме“ е „ОХО продукција“, која во моментов работи и на телевизиска серија и документарен филм посветени на животот и творештвото на Тоше Проески.„Нашата обврска е да поддржуваме разновидни филмски проекти кои, покрај уметничката вредност, носат и општествена корист. Веруваме дека културата е важен механизам за отворање општествени теми, поттикнување емпатија и создавање поинклузивно општество“, наведуваат од Министерството за култура и туризам.

Македонија | пред 5 дена

(Видео) Од аплаузи, до солзи: Слаткар и Тони Зен со три часа музика, емоции и текстови што ја трогнаа цела сала

Од најголемите аплаузи до солзи, од еуфорија до ѕвездено небо за Кочани – вака изгледаше тричасовниот концерт на Слаткаристика и Тони Зен каде беа собрани и стари и млади. Многу емоции преплетени со забава, а на сцената се појавија и нивни блиски соработници меѓу кои Калиопи, Некст тајм, Два бона. Тони Зен неколкупати повтори дека овој концерт го посветува на неговото семејство кое беше на трибините, додека Слаткаристика рече дека настапува со посебна возбуда бидејќи првпат во публиката е неговиот син Моша.Најемотивниот момент дојде со автобиографската „Да полетам“ со која пораснаа низа генерации, а за која многумина велат дека е повеќе од само неколку стихови. Истата е напишана за тешката состојба во која се наоѓало семејството на Слаткаристика. Овојпат, за првпат, тој ја изведе во придружба на Калиопи, а подоцна им се придружи и Тони Зен.Уште од самиот момент кога излегоа на сцената беа поздравени со громогласен аплауз кој доаѓаше од преполната арена „Борис Трајковски“. Аплауз кој траеше и беше проследен со врисоци. А веќе во следниот момент започна „Спушти се доле“, хит кој го паметат низа генерации.По неколку заеднички траки, Тони Зен се повлече, а „Два бона“ се качија на сцена. Следуваше „Дијаманти“ апсолутен моментален хит. Слаткар продолжи сам со „Бетмен“, „Олабави ме“, „ФМ“, „Тик-так“... но и „Дими џам“ со која публиката се потсети и на легендарниот Ферус. Не беа изоставени и баладите „Сара“, па „Магдалена“ која ја испеаја со Некст Тајм – двете со текстови базирани на вистински приказни. Целата сала ја пееше и „Океани“.А на сцената, Тони Зен порача „Овој концерт е за моето семејство. Ве поздравувам и Петковски и Јованови“, по што започна познатиот ритам на „Интелекет“ и влезе во полн ефект. Продолжи со „Во мој стил“, па прокоментира „Наше а светско а?“. Со Слаткар изброаја до 12 додека цела сала ја пееше „Жими се“.Не ги заборавија ниту повредените, ниту жртвите од кочанскиот клуб „Пулс“. Цела сала со вклучени светилки на телефоните направија ѕвездено небо во нивна чест.Концертот го организираше Прагма продукција.

Магазин | пред 7 месеци