СРЕДНО МУЗИЧКО

Страотно сведоштво за средното музичко училиште: Страдав од нагони за повраќање и психичко растројство, а митото и корупцијата беа јавна тајна

Поранешна ученичка во средното музичко училиште "ДМБУЦ Илија Николовски - Луј", се огласи на социјалните мрежи каде напиша дека оваа институција е „дувло на единки со тешки психо-патологии и комплексни фрустрации“.„Јас, Сара Александровска имам 27 години и со цела одговорност на возрасен и свесен човек изјавувам дека музичкото училиште "ДМБУЦ Илија Николовски - Луј" во кое пред 9 години завршив средно школо пред се е дувло на единки со тешки психо-патологии и комплексни фрустрации, со чест на многу малку исклучоци.Јас кога бев дете на 15 годишна возраст по пат на првите блок часови клавир страдав од нагони за повраќање и психичко растројство бидејќи се среќавав со гнасни навреди и со песници мавани по ниските октави на школските клавири, тоа звучно е рамно на гром да мава до тебе. Ние учениците се соочувавме со коментари и навреди како "неписмен, глупак, неталентиран, ќе пропаднеш, никад нема да те биде, глув, смрдиш на ефтин парфем, сељак, копук, клошар, хемиски експеримент, татко ти у тегла свршил кога те правел, у гз си правен" и многу многу други.Помеѓу професорите постоеше реваншизам, омраза и изопачен натпревар на тоа кој е поуништен креативно, креативноста во училиштето беше страна тема и секој кој имаше креативна нишка и потенцијал беше исмеван и понижуван, а славени беа сите оние кои се вклопуваа во оваа демонска шема односно процесија за конечното уништување на духот на музиката и нејзиното претварање во алатка за изживување врз психите на децата ученици. Таму музиката губеше секаква уметност и се претвараше во површна логична математика пренесувана посурово и од во среден век. Во среден век се палеле музичари ако згрешат интервал што не е дозволен од црквата, во ДМБУЦ, во 21 век беа нарушувани детски психи ако не одиш по правилата на демонска шема.Митото и корупцијата беа јавна тајна и суптилно со божем приватни часови се уценуваше ученикот за тоа дали ќе помине или не на некој од предметните испити. Многу талентирани и светли душички си ја загубија искрата и тотално се тргнаа од патот на музиката, души што дури и компонираа суштински композиции во тие години, подлабоки и поискрени од тие на професорите кои беа изопачени од докажување едни кон други кој е поталентиран.Јас Сара ги охрабрувам сите ученици што ја поминале оваа државна институција која наликуваше на лудница за благи пореметувања да го искажат своето мислење јавно и да создадат јавен притисок. Ако доволно луѓе се искажат јавно и ако има добра правна заштита јас ќе именувам по име и презиме.Убивање на духот на музиката е зло дело од вселенски размери и мора да биде воочено и соодветно казнето од нацијата на која и се одземаат идните културни амбасадори и двигатели“, стои во објавата.Фото: Freepik

Коментари | пред 3 години

По страшното сведоштво се собираат докази за случувањата во средното музичко

Маја Блажевска собра храброст јавно и гласно да зборува за вистината која се крие позади ѕидовите на училиштето ДМБУЦ „Илија Николовски- Луј“. Таа преку својата фејсбук објава, отворено го раскажа хоророт и ужасот со кој таа и многу други ученици се соочувале, секојдневно, како ученици таму. Таа низ редовите на својата искрена исповед посака темелни промени во оваа институција, особено во односот професор-ученик. Раскажа дека не посакува никој, особено не на идните генерации деца, на само петнаесет години да слушаат навреди, пцовки и уцени од своите професори.Под нејзината објава се огласија голем број на поранешни ученици кои сведочеа за своите искуства во училиштето, а една од нив ги повика сите оние кои имаат докази и сакаат да сведочат.„Кој има докази (ученици, бивши ученици, родители, професори и било кој друг), аудио/видео или сака да пише изјава, значи да сведочи (на било кој начин), писмено за било кој професор, било која година или оддел/смер, а и нижо, поради: дискриминација по било кој основ, мобинг, заплашување, сексуално вознемирување/загрозување/насилство, психичко, физичко, вербално, емоционално насилство, мито, корупција, рекетирање...Може да се поднесат и белешки од психијатри/психолози/невропсихијатри со примана терапија поврзана со Луј или документи од истите кои што ќе ви ги издаде матичен доктор/психолог/психијатар/невропсихијатар кој што е во системот за да се направи статистика за тоа колку ученици биле на седативи, антидепресиви, антипсихотици, ве молам да се пратат кај мене или кај Маја Блажевска, во инбокс. Доколку сакате сведочењето може да остане анонимно, нема да бидете споменати никаде со име и презиме, ќе ви биде сокриен идентитетот од тие документи но, не препорачувам затоа што со име и презиме има поголема тежина и единствени институции кои што ќе ја имаат вашата изјава се: Министерство за образование и наука, невладините организации и судот. Овие институции не смеат и не би требало да пренесат кои сте вие. Доколку се случи тоа секако ќе се дознае и ќе има последици за кој и да пренесувал такви информации. Доколку не ми верувате мене со истите обратете се во инбокс ќе ви објаснам каде да ги пратите/однесете. Безбедно место е секако.Ако сакате ова да престане имате време до петок, пратете ми да направиме се што можеме. Имаме доволно сведоци и материјални докази но, колку повеќе толку подобро. До петок очекувам видео/аудио записи и сведочења. Имате од прилика три дена за да доставите информации. Доколку сакате да помогнете мора да направите нешто, жртвите се сепак малолетни лица. Нека не ве води стравот, не ви можат апсолутно ништо ни сега па ни во понатамошното школување. Кој и да проба да ве заплаши телефонски, преку социјални мрежи или на било кој друг начин (исто да напоменам, да ве тераат да бришете коментари и да се извинувате, затоа што знаеме дека почнаа да го прават тоа како и секогаш) може да го пријавите кај мене и тие особи ќе се сносат со последици затоа што повторно прават дел од горенаведеното.Ве очекувам“, стои во ојбавата.

Македонија | пред 3 години