СТАМЕНКОСКА ТРАЈКОСКА

Стаменкоска Трајкоска: Создаваме еднакви можности и подобра иднина за сите ученици

Продолжува соработката меѓу Општина Кисела Вода, осумте општински основни училишта и општествено одговорни правни субјекти, која има за цел да им обезбеди поддршка на децата од семејства во социјален ризик. Оваа соработка се реализира во рамки на проектот „Грижа и сигурност за секое дете“, кој Општина Кисела Вода континуирано ќе го спроведува и во текот на учебната 2025/2026 година.Во рамки на проектот, децата од социјален ризик имаат можност без никаков паричен надомест да посетуваат настава по странски јазици, информатика и програмирање, како и да бидат вклучени во различни спортски активности. Воспоставена е соработка со 14 спортски клубови (кошарка, фудбал, карате, одбојка, ракомет и кик-бокс), во кои во моментов тренираат 26 деца, како и со 6 училишта за странски јазици, што ги посетуваат 9 ученици, и 2 училишта за информатика и програмирање, со 4 ученици вклучени во наставата.Овие активности беа тема на денешната работна средба меѓу градоначалничкат Бети Стаменкоска Трајкоска, претставниците на општинската администрација и директорите на општинските основни училишта, која претставува уште една потврда за континуираната заложба на Општина Кисела Вода за унапредување и заштита на правата на децата.Во својата изјава, градоначалничката истакна дека Општина Кисела Вода континуирано инвестира во унапредување на наставниот процес, со цел секое дете да има еднаква можност за развој и напредок.-Остануваме целосно посветени на создавање еднакви и подобри услови за образование и поголема достапност до современи образовни и спортски активности. Благодарни сме на сите општествено одговорни правни субјекти кои со својата поддршка и ангажман се значаен партнер на Општина Кисела Вода во оваа важна мисија- изјави градоначалничката Бети Стаменкоска Трајкоска.

Скопје | пред 1 седмица

Новогодишни пакетчиња за децата од ОУРЦ „Д-р Златан Сремец”, ДУРДМОВ „Димитар Влахов” и децата со оштетен слух и говор од ООУ “Кузман Јосифовски-Питу”

Градоначалничката на Општина Кисела Вода, Бети Стаменкоска Трајкоска, заедно со отец Оливер Петровски од Хуманитарната организација „Св. Спас“, денеска ги посетија дечињата од ОУРЦ „Д-р Златан Сремец“, ДУРДМОВ „Димитар Влахов“ и учениците со оштетен слух и говор од ООУ „Кузман Јосифовски-Питу“.Во рамки на посетата, на децата им беа поделени новогодишни пакетчиња, а им беа упатени и честитки за претстојните новогодишни и божикни празници. Градоначалничката истакна дека ваквите средби претставуваат силен мотив за понатамошна посветена работа и најави дека Општина Кисела Вода и во 2026 година ќе продолжи активно да спроведува политики и мерки за унапредување на квалитетот на живот на лицата со попреченост.– Секогаш се радувам на средбата со овие дечиња и на можноста празниците да им ги збогатиме со моменти на радост. Заедно со мојот драг пријател отец Оливер Петровски и хуманитарната организација „Св. Спас“, им поделивме новогодишни пакетчиња и им посакавме година исполнета со здравје и радост. Нашата заложба е и понатаму да реализираме иницијативи и проекти насочени кон поддршка и инклузија на лицата со посебни потреби – изјави Стаменкоска Трајкоска.Таа упати и јавен повик до сите деца од општината да присуствуваат на заедничка дружба и новогодишна програма, која ќе се одржи во вторник, на 30 декември, со почеток во 10 часот, во паркот Шопен.

Магазин | пред 1 месец

Стаменкоска Трајкоска: Сета енергија и сиот фокус ќе ги ставам во насока на подобра Кисела Вода

Бети Стаменкоска Трајкоска, кандидатка за градоначалничка од ВМРО-ДПМНЕ на општина Кисела Вода, беше гостинка во емисијата ,,За или против“ на телевизија Алфа. Стаменкоска Трајкоска зборуваше за нејзината кандидатура, што според неа да се биде градоначалник значи голема пожртвуваност, фокус, енергија и посветеност.„Со сегашниот градоначалник и идниот градоначалник на Град Скопје, Орце Ѓорѓиевски, имавме многу тесна соработка. Ние мораме да знаеме со какви проблеми е општината или делот од каде што живееме, бидејќи тоа е микросредина која што на нас ни е многу битна. Тоа е нашиот дом“, рече Стаменкоска Трајкоска.Таа истакна дека да се биде градоначалник значи пожртвуваност, енергија, фокус и посветеност.„Како таа енергија те храни за да издржуваш во тие тешки моменти, а секако многу тешка функција од аспект на тоа што бара навистина пожртвуваност, бара многу енергија, бара многу фокус посветеност и ред други работи“, кажа Стаменкоска Трајкоска и додаде:„Кога се разговарало пак за темата Град Скопје, јас секогаш сум знаела да кажам, Кисела Вода не ја оставам и склопот на сите околности. Во еден момент морам да признаам, предизвикот заради тоа што сум жена ми даде еден мотив да кажам од една страна, да навистина почнам да размислувам во тоа што значи да се биде градоначалник на една општина. Општина Кисела Вода е општина која што навистина заслужува многу треба многу треба многу за општина кисела вода ќе се прави“.

Скопје | пред 4 месеци