тендери

Јон Фрчкоски со детали за 51 тендер: „16 милиони евра за омилена фирма на ВМРО“

Антикорупцискиот тим на СДСМ денеска изнесе обвинувања за, како што тврдат, серија сомнителни јавни набавки во општини раководени од ВМРО-ДПМНЕ, при што една иста компанија во изминатите години добила значителен број тендери.На прес-конференција, членот на Извршниот одбор на СДСМ, Јон Фрчкоски, соопшти дека станува збор за фирмата „Пирамид билдинг солушнс“, која, според податоците што ги презентираше партијата, од 2022 година наваму добила вкупно 51 тендер во општини управувани од градоначалници на ВМРО-ДПМНЕ. Вкупната вредност на овие договори, според СДСМ, изнесува околу 16 милиони евра.Како што беше наведено, најголем дел од тендерите се реализирани во Општина Аеродром, каде што фирмата наводно добила 22 договори, како и во Гази Баба со 10 тендери. Дополнителни јавни набавки, според изнесените информации, биле склучени и во Ѓорче Петров, Прилеп, Битола, Гевгелија и други општини каде локалната власт е под контрола на ВМРО-ДПМНЕ.Од СДСМ тврдат дека дел од овие тендери биле финансирани и со средства од унгарскиот кредит, додавајќи дека на тој начин јавни пари завршувале кај фирми блиски до власта, додека обврските за отплата паѓале врз граѓаните.Како конкретен пример беше посочен договор склучен во декември 2025 година со Град Скопје, вреден околу 320 илјади евра, за кој од СДСМ наведуваат дека бил доделен веднаш по преземањето на градоначалничката функција од Орце Ѓорѓиевски.Фрчкоски изјави и дека преку дигиталната платформа МИЦКО.мк до Антикорупцискиот тим на СДСМ биле доставени информации од свиркачи, според кои брачни партнери на високи функционери на ВМРО-ДПМНЕ наводно биле ангажирани од оваа компанија преку договори за дело. Тој нагласи дека овие наводи сè уште се предмет на проверка и дека дополнителни детали ќе бидат објавени откако ќе заврши внатрешната анализа.Од СДСМ побараа реакција од Јавното обвинителство, Финансиската полиција и Државната комисија за спречување на корупцијата, оценувајќи дека институциите досега не постапиле по претходно објавени случаи со слични обвинувања.

Македонија | пред 1 седмица

СДСМ прашува: За колку тендери ЗНАМ ја продава Македонија

СДСМ преку соопштение се осврна на објавената ,,бомба” дека тендер од 1,2 милиони евра добила фирма на нивни советник од општина Кисела Вода.,,Колаборантите од ЗНАМ го потврдија скандалот што го објави АКТ.Ама реакциите за скандалот се како оние на ВМРО: Фактите се тие, советникот кој зема 1,2 милиони евра е наш ама „се оградуваме од инволвираност“, велат од СДСМ.,,Фатени живи овие од ЗНАМ уште малку ќе кажат дека не го знаеле нивниот Советник и носител на листа во Кисела Вода.Нема бегање. Фактите се јасни, потврдени со документи и јавно објавени.Дали е ова прва рата од исплатата за предавството на Македонија?За колку тендери ЗНАМ ја продава Македонија?”, велат одСДСМ и ги повикуваат ДКСК, Јавното обвинителство и Финансиската полиција да отворат истрага.,,Како тоа фирма што не исполнувала услови добила тендер од 1.2 милиони евра од Пошта? Како тоа се менува сопственик само 20 денови по добивање на милионскиот тендер“, прашува СДСМ преку соопштение.

Македонија | пред 3 седмици

СДСМ со порака до новиот претседател на ДКСК: „Постапете за корупцискиот случај од 9 милиони евра, фактите се на ваша маса“

СДСМ го повика новоизбраниот претседател на Државната комисија за спречување на корупцијата, Адем Чучуљ, веднаш да се зафати со случајот кој партијата го квалификува како корупциски скандал тежок девет милиони евра.Според нив, фирма основана минатата година со само двајца вработени успеала во период од шест месеци во 2025 година да добие шест државни тендери во вкупна вредност од девет милиони евра. Четири од договорите, како што наведуваат, се доделени од Генералниот секретаријат на Владата, еден од ЕСМ и еден од Министерството за администрација.Партијата нагласува дека документите, фактите и доказите за случајот се веќе објавени, достапни за јавноста и официјално доставени до ДКСК заедно со пријава поднесена од СДСМ.„Новиот шеф на ДКСК треба само да ги погледне, да ја прочита пријавата и да делува“, наведуваат од СДСМ, додавајќи дека „работата не е завршена“.

Македонија | пред 1 месец

(Видео) СДСМ:Исти криминални шеми, иста банда, Обвинителството да постапи за скандалот од 9 милиони евра

СДСМ бара Јавното обвинителство да постапи за големиот корупциски скандал со тендери од речиси 9 милиони евра, доделени на фирма со само двајца вработени, изјави Богданка Кузеска, портпаролка на СДСМ.,,Јавно и детално, пред граѓаните, со факти и докази веќе ја презентиравме целата корупциска шема. Сите докази се јавно достапни, објавени, проверливи и повеќе од доволни за старт на истрага. Поднесовме и пријава до Државната комисија за спречување на коруцпија. Јавното обвинителство не смее да молчи туку да делува. Крадењето на народот преку корупциски шеми за пумпање на парите мора да запре и да следува одговорност.Власта на големо спроведува грабеж преку шема за испумпување на народните пари. Ова се истите шеми на Никола Груевски и Сашо Мијалков, со кои се испумпаа 2 милијарди евра пари на граѓаните. Мицкоски само го продолжува тоа што го научил од неговите учители“, рече Кузеска.

Македонија | пред 1 месец

СДСМ поднесе пријава до ДКСК за тендери во вредност од 9 милиони евра

СДСМ денеска достави пријава до Државната комисија за спречување корупција (ДКСК) во врска со државни тендери во вредност од околу 9 милиони евра. Од партијата информираа дека со пријавата се приложени документи и материјали кои изминатите денови ги објавија на прес-конференции.Пред поднесувањето на пријавата, членот на Извршниот одбор на СДСМ, Петар Огњеновиќ, изјави дека партијата реагира по вчерашната изјава на премиерот Христијан Мицкоски, кој во телевизиско гостување порача дека институциите треба да постапат доколку има основ за сомнеж.Огњеновиќ истакна дека, според нивните сомневања, фирма основана пред една година со двајца вработени добила повеќе државни договори во значителна вредност, од кои голем дел се склучени со Генералниот секретаријат на Владата.„Нашата обврска беше да ги доставиме сите материјали до институцијата што е надлежна да утврди дали има елементи на корупција“, рече Огњеновиќ. Тој додаде дека од ДКСК очекуваат да отвори предмет и да ги испита околностите поврзани со доделените договори.Од СДСМ најавуваат дека ќе продолжат да ги доставуваат сите документи со кои располагаат, а од институциите бараат, како што велат, „целосна проверка и постапување согласно закон“.Од Владата засега нема реакција на поднесената пријава.

Македонија | пред 1 месец

Канческа-Милеска ослободена за случајот „Тендери“

Судијата Осман Шабани и даде ослободителна пресуда на ексминистерката за култура, Елизабета Канческа-Милевска. Тој и судиите поротници ги анализирал сите докази по што утврдил дека јавниот обвинител не докажал дека таа ја фаворизирала фирмата „Бетон“ од Штип да го гради Музејот на ВМРО. Додаде дека не е докажано ниту дека имало градежни работи уште пред тендерот да биде распишан. Ослободени се и другите три обвинети.„Јавниот обвинител не успеа да ја докаже вината кај обвинетите, надвор од разумно сомневање. Обвинетите се ослободуваат од обвинение“, рече Шабани.Тој кажа дека имало јавен оглас за завршни градежни работи. Па согласно Законот за јавни набавки огласот бил објавен во Службен весник. По објавата, имало четири економски оператори, а само „Бетон“ од Штип доставила понуда.„Во присуство на членовите на Комисијата за јавни набавки, констатиран е прием на една понуда. Извршен е избор на фирма за градежни работи на музеите“, додаде Османи.Случајот се судеше пет години. Се врати и на повторно судење откако пред изрекување на пресудата, судија-поротник отиде во пензија.

Македонија | пред 2 години