токсикологија

Тројца жители на Трубарево денеска се амбулантски прегледани: Во текот на ноќта извршени се 13 интервенции од Итната помош

Во текот на изминатата ноќ заклучно со попладнево во реонот на Трубарево извршени се 13 интервенции од Итната медицинска помош, при што едно лице е транспортирано во болница и извршен е транспорт на неподвижно лице до друго населено место.- Министерството за здравство ја следи состојбата и здравствениот систем е мобилизиран за справување со новонастанатите предизвици. Од извршените интервенции на Итната медицинска помош, само едно лице е транспортирано во јавна здравствена установа, на Клиниката за токсикологија. Воедно, кризниот штаб кој веднаш како Министерство го формиравме, континуирано заседава и во следниот период ќе се преземаат соодветни мерки согласно околностите, порача министерот Алиу.Директорот на Клиника за токсикологија, д-р Арѓенд Имери информираше дека пациентката која во текот на ноќта е примена на Клиниката за токсикологија е во добра состојба.Пациентката имала и други пропратни симптоми и од тие причини е задржана на лекување, но најважно е дека се наоѓа во добра состојба. Денеска во текот на денот уште тројца пациенти се амбулантски прегледани на Клиниката и пуштени дома, истакна д-р Имери.

Скопје | пред 3 месеци

Возачка на автобус на ЈСП изгасила пожар во автобус во движење, заврши на Токсикологија

Во раните утрински часови, денеска (21 јули 2025) во 07.16 часот, во СВР Скопје било пријавено дека на булеварот „Борис Трајковски“ избувнал пожар во автобус на ЈСП кој бил во движење.Според пријавеното, огнот го изгасила возачката на автобусот, С.Б., која потоа била пренесена со возило на Итната медицинска помош во Клиниката за токсикологија при комплексот клиники „Мајка Тереза“, каде ѝ е укажана лекарска помош.Полицијата презема мерки за целосно расчистување на случајот.фото: архива/Скопје1

Скопје | пред 5 месеци

17-години има најмладата пациентка на Токсикологија, а затруено со алкохол било и момче на 14-години

Помалку пациенти се примени на Токсикологија за време на новогодишната ноќ. Директорот д-р Андон Чибишев кажа дека вчера се примени вкупно 22 пациенти. Примен е и пациент кој измешал алкохол со таблети.„Од 22 прегледи, 18 пациенти се со акутни труења со алкохол. Четири пациенти се од женски пол, а 14 од машки пол. Сите пациенти се пуштени на домашно лекување“, рече Чибишев.Тој ја кажа и возраста.„Кај женските, најмладата пациентка е 17 години, а најстарата е 26 години. Кај машките 14 години има најмладиот пациент, 38 години е најстариот пациент“, додаде Чибишев.

Македонија | пред 1 година

Ексдиректорката на Токсикологија Бесија Иљази оди на суд: Ја оштетила клиниката, исплаќала лица кои и немале договор

Јавен обвинител од Основното јавно обвинителство Скопје поднесе Обвинителен предлог против поранешната организациска директорка на Клиниката за токсикологија Бесија Иљази од Тетово, за кривично дело – Злоупотреба на службена положба и овластување од член 353 став 1 од Кривичниот законик.„Обвинетата, во својство на организациски директор на Јавна здравствена установа – Универзитетска клиника за токсикологија, ги пречекорила своите службени овластувања со намера да овозможи противправна имотна корист за 17 лица. Постапувајќи спротивно на Законот за спречување корупција и судир на интереси, Изборниот законик и Законот за здравствена заштита во мај годинава склучувала договори за дело со лицата за нивно работно ангажирање на Клиниката, по што ретроактивно издавала платни налози со кои им исплаќала месечен надомест за нивен претходен наводен работен ангажман.На списокот додавала и лица со кои воопшто не бил склучен договор за дело и на кои исто така им се исплаќал надомест за наводно извршени работи. На овој начин буџетот на Клиниката бил оштетен за сума од 659.781 денар, а истовремено на ангажираните лица им била овозможена противправна имотна корист“, вели Обвинителството.Categories

Македонија | пред 1 година

Биле надрогирани, имаат повреди во пределот на главите: Се освестиле четворицата малолетници на Токсикологија

Малолетниците кои вчера завршија на Клиниката за токсикологија не биле пијани, туку надрогирани. Станува збор за четири лица на возраст од 14 до 17 години, кои имале пореметена свест, но и низа повреди по телото кои не се посериозни.Според последните информации од Клиниката, малолетниците ќе бидат задржани неколку денови на лекување. Сите се контактибилни иако повредите им се и во пределот на главата. Станува збор за две момчиња и две девојчиња.Сите четири лица биле пронајдени откако во МВР било пријавено нарушување на јавен ред и мир. Тие се наоѓале во куќа на 40-годишен скопјанец.Детали од МВР засега нема.

Македонија | пред 1 година

Струмичанец каснат од „црна вдовица”, Чибишев предупредува

Новиот директор на Универзитетската клиника за токсикологија, Андон Чибишев преку социјалните мрежи се обрати до граѓаните со предупредувања дека овие денови инсектите и влекачите стануваат поактивни, и поагресивни.Тој информира дека викендот на Клиниката за токсиколгија бил примен пациент во исклучително тешка здравствена состојба заради каснување од инсект кој, според информациите од дежурниот доктор од Општата болница во Струмица и од кажувањето на пациентот, бил црн инсект кој личел на пајак, познат како црна вдовица.Еве што напиша Чибишев:„Добивам пораки од загрижени граѓани кои се жалат дека се каснати од инсекти и дека во својата околина виделе влекачи, воглавно гуштери и змии.Одредени видови на змии и инсекти кои живеат на нашето поднебје можат ако ве каснат сериозно да ви го нарушат здравјето.Во текот на викендот на Универзитетската клиника за токсиколгија е примен пациент во исклучително тешка општа состојба заради каснување од инсект кој според информациите од дежурниот доктор од Општата болница во Струмица и кажувањето на пациентот бил црн инсект кој личел на пајак.Според клиничката слика и клиничките манифестации пациентот е каснат од пајак ,, црна вдовица ,, ( Latrodectus), инсект чие каснување може сериозно да го загрози здравјето и животот.Би сакал лично да го истакнам високопрофесионалниот пристап и реакцијата на дежурната екипа од Општа болница во Струмица кои пружиле соодветна итна помош и по пријавување на случајот во Токсиколошкиот информативен центар на Универзитетската клиника за токсикологија и консултација со нашиот дежурен доктор и дежурната екипа итно го транспортираа пациентот во нашата институција.Исто така, сакам да го истакнам високостручниот пристап според воспоставените протоколи на дежурната екипа од Универзитетската клиника за токсикологија кои го хоспитализираа и во текот на неколку часа ја стабилизираа состојбата на пациентот.Колеги, браво за исклучително професионалнот и стручен пристап и брзата реакција.Се во интерес на пациентите“.

Македонија | пред 1 година

Вработени на Токсикологија: Самоволието на В.Д. организационата директорка продолжува со несмалено темпо

Продолжува незадоволството кај дел од вработените на Клиниката за токсикологија од В. д. организациската директорка на Клиниката за токсикологија Бесија Иљази. Тие посочуваат: „И покрај сите укажувања од релевантните институции во државата, самоволието на В.Д. организационата директорка на УК токсикологија продолжува со несмалено темпо“.Писмото ви го пренесуваме целосно:1. Извршена е исплата на сите 18 лица за периодот 15 април – 15 мај 2024 година, иако во истиот период немаа валиден договор со Клиниката и не исполнуваа ниту една од своите работни задачи, а дел од нив се уште користат „годишни одмори“ иако користењето на платен годишен одмор е неспоиво со договор на дело.2. Иако во горенаведениот период на Клиниката се уште имаше медицински директор. исплатата е извршена без негов потпис и одобрение.3. Во текот на денешниот ден доставен е урнек за пополнување на барањата за годишни одмори за 2024 година, достапен исклучиво двојазично, со изразито лош и нелитературен македонски јазик, со што грубо се крши законот за примена на јазиците, според кој двојазични формулари се право на избор а не на наредба.4. На распоредот за дежурства на медицински сестри, сите мед. сестри со договор на дело се ставени со работни задачи само во дневните смени, што е еклатантен доказ дека реално нема никаква потреба од истите, бидејќи работниот процес 24/7 се одвива и без нивното присуство.5. Меѓу болничарите на кои им е продолжен договорот се наоѓа и човекот кој јавно призна дека сакал да фалсификува токсикплпшки резултат, а за своето „јуначко дело“ е награден и со годишен одмор, кој е неспоив со статусот договор на дело.6. Со дезорганизацијата која ја направи организационата сиректорка половина месец, Клиниката ќе биде без болничар во ноќните часови, кога фреквенцијата е најголема.[caption id="attachment_291583" align="alignnone" width="714"] Screenshot[/caption][caption id="attachment_291584" align="alignnone" width="704"] Screenshot[/caption][caption id="attachment_291585" align="alignnone" width="692"] Screenshot[/caption]

Македонија | пред 1 година

Директорката на Токсикологија Иљази забранила вработените да комуницираат со новинари

Организациската директорка на Клиниката за Токсикологија, Бесија Иљази издала наредба со која им забранува на докторите, сестрите и болничарите на клиниката да даваат изјави на медиумите без нејзина согласност.Наредбата е закачена на огласна табла и во неа пишува:,,Организацискиот директор донесе наредба за забрана за неовластено присуство, давање изјави за јавност преку интервјуа и свикување прес конференции. Се забранува неовластено свикување на конференции за печатени и електронски средства за информирање, давање интервјуа и слично, со што би се нанело штета на интересите и на угледот на клиниката. Средби со новинари само со претходно известување до в.д. организацискиот директор. Непочитувањето на оваа наредба подлежи на санкции“.Без да се објасни врз основа на кои законски решенија е донесена наредбата, таа доаѓа ден по одлуката на Бесија Иљази да им ги додели решенијата за работа на 18 работници кои имаа истечени договори на дело на Токсикологија и една недела откако министерот за здравство го разреши медицинскиот директор Данил Петровски кој користи годишен одмор.Дали е ова законски ДСЗИ ќе проверува деновиве.

Македонија | пред 1 година

Се поплави Токсикологија: Вода од трети течела до први кат

Пукната цевка го поплавила третиот кат во Клиниката за токсикологија, а водата течела и по долните катови. Ова се случило синоќа и било интервенирано, а информации за штетата нема. Неофицијално, од извори во Клиниката, се вели дека водата течела половина час. Станува збор за пукната цевка од парно.За ваква несреќа пред неколку дена предупредил вработен на Клиниката за токсикологија, кој преку допис упатен до медиумот предупредил дека Клиниката за токсикологија не е осигурана. Според информациите на медиумот, медицинскиот директор д-р Данил Петровски се потпишал на клиниката да биде осигурана, но економскиот директор Бесија Иљази не го дала обврзувачкиот потпис за решението, па клиниката не е осигурана.„Клиниката нема спроведено постапка за осигурување на имот, осигурување на скапа медицинска опрема и осигурување од лекарска грешка, бидејќи в.д. месеци, иако за тоа сме обврзани со закон“, се вели во реакцијата на вработените во Токсикологија.Пукнатата цевка од парно била во административни простории, а водата течела се до првиот кат.

Македонија | пред 1 година

Нашиот авион го возат кецароши од задната клупа кои се поддржани од мафијата, вели Најчевска за Токсиколгија

Професорката по право, Мирјана Најчевска посочува дека министерот за здравство треба кривично да одговара за случувањата на Клиниката за токсикологија. Таму, единаесет лица работеле без важечки договор, дел од нив и без соодветно образование. Ова го констатираше Државниот санитарен и здравствен инспекторат.„Има еден постар филм се вика: “Има ли пилот во авионот“. Нашиот авион очигледно нема пилот. Го возат кецароши од задната клупа кои се поддржани од мафијата. За ова мора кривично да одговара министерот за здравство и секој од раководните кадри кои знаеле а не предупредиле и не повеле соодветна постапка за заштита на пациентите. За ова се оди во затвор на долго време“, вели Најчевска.Пет медицински сестри, тројца болничари, двајца биолози и еден лаборант работеле на Токсикологија, без потребните квалификации.„Издадено е решение за да се преземат следните мерки – здравствени услуги на Клиниката да се укажуваат од здравствени работници и соработници кои имаат важечки договори, здравствени услуги да се укажуваат од здравствени работници кои имаат соодветно образование, согласно закон. Медицинскиот и организацискиот директор да ги извршуваат непречено обврските од самостојна, а особено заедничка надлежност“, изјави докторка Рената Младеновска, директорка на ДСЗИ.

Коментари | пред 1 година

Се алармира за хаос на Токсикологија: Се случува деорганизација, в.д. директорката доаѓа по 4,5 часа на работа и го зголемува долгот

Преку мејл-адреса, лица кои се претставуваат како вработени во Клиниката за токсикологија, ја обвинуваат организациската директорка Бесија Иљази дека за два месеци го зголемила долгот за два милиони денари. Додаваат и дека не доаѓа на работа. Посочуваат и на други нерегуларности.„Сакаме да ве известиме дека со назначување на В.Д организациски директор Бесија Иљази на ден пред формирање техничка влада на нашата клиника(иако не ги исполнува условите пропишани со закон за директори) се случува деорганизација, а не организација. Поточно од нејзиното назначување за помалку од два месеци долгот на клиниката го зголеми за приближно два милиони денари, со дневно работно време од 4 часа и 30 минути поточно на работа доаѓа во 10:00 часот а работното време и завршува во 14:30Исто така клиниката нема спроведено постапка за осигурување на имот, осигурување на скапата медицинска опрема и осигурување од лекарска грешка, бидејќи в.д директорката не сака да потпише затоа што не е прифатен нејзиниот брокер за осигурување и моментално клиниката два месеци не е осигурана иако за тоа сме со закон обврзани.Поради одбивање да потпише согласност за договор на дело за двајца дипломирани биолози,токсиколошката лабараторија веќе два месеци истата не врши валидација на издадените резултати“, велат во мејлот Вработени на ЈЗУ Клиника за токсикологија.

Коментари | пред 1 година

(Фото) Распарчување: Пациент со количка не може да влезе на Токсикологија, изгледа не постоиме за нив, ами да си ги „мериме“ кој е поважен, реагира вработена

Лаборант од Универзитетската клиника на Токсикологија, објави фотографија од паркирани возила пред влезот на болницата. Напоменува дека пациент со количка не може да влезе.„Мене ми ја изгребаа колата вчера на паркингот на ГАК, ама колава на г-ѓава или г-динот пред Токсико не можат да ја изгребаат. Тоа што не може да влезе пациент со количка на Токсико е друг муабет. Изгледа веќе и не постоиме за да пружаме здравствени услуги на пациентите, ами да си ги "мериме" кој е поважен во установата. Оваа кола богами и те како мисли дека е важна“, напиша таа.На ова се надоврза и проф. д-р Нико Беќаровски.„Човек ќе отпатува на само 3-4 дена од работното место и веднаш некој нов бисер. Од Универзитетска клиника со повеќедецениско реноме, само за 60 дена успеавме да станеме "установа за забава на народните маси". ПРИСТАПОВ Е ИСКЛУЧИВО НАМЕНЕТ ЗА КОЛИ НА БРЗА ПОМОШ И ЛИЦА КОИ СЕ ТРАНСПОРТИРААТ СО КОЛИЧКИ. Верувајте на Нас вработените воопшто не ни е до смеење. За огромна жал и неверување колата е сопственост на член на Раководството од Клиниката“, напиша Беќаровски.

Коментари | пред 1 година

Економската директорка на Токсикологија не знае македонски и доаѓа на работа со татко ѝ?

Новоназначената економската директорка на Клиниката за токсикологија Бесија Илјази не знае македонски јазик, пишува медиумот „Мкд.мк“. Додаваат дека кога мора да соработува со колегите, преведувачи ѝ се двете секретарки врботени во оваа клиника. Во текстот се додава дека таа не ретко на работа доаѓа со својот татко кој постојано е со неа како да е нејзино обезбедување.„Ја видовме само еднаш кога дојде да се претстави. Тоа што го кажуваше го читаше од ливче на исклучително лош македонски јазик. Неколку пати ја видовме како низ ходниците оди со татко ѝ кој личи како да е нејзино обезбедување“, велат извори за „Мкд.мк“.Од Министерството за здравство добиле кус одговор дека Иљази е назначена за директорка на Клиниката за токсикологија на 14 февруари годинава.„Бесија Иљази е назначена за организациски директор на Клиниката за токсикологија на 14 февруари оваа година, секоја универзитетска клиника според законот за здравствена заштита треба да има по двајца директори, еден медицински и еден организациски директор. Таа има завршено економски факултет, со претходно работно искуство во струката“, пишува во одговорот од Минстерството за здравство.

Македонија | пред 1 година