ТОП

Зеленски: Путин се обидува да манипулира со мировните напори на Трамп, нема да успее

Украинскиот претседател Володимир Зеленски изјави дека рускиот претседател Владимир Путин се обидува да манипулира со напорите на американскиот претседател Доналд Трамп да обезбеди мирно решавање на руската речиси тригодишна војна во Украина.Зеленски рече дека шефот на надворешната разузнавачка служба на состанокот на украинската воена команда зборувал за „рускиот воен потенцијал и подготвеноста на Путин да ја продолжи војната и да манипулира со светските лидери“.„Конкретно, тој се обидува да манипулира со желбата на американскиот претседател да постигне мир“, рече тој во своето ноќно видео обраќање.„Убеден сум дека нема да успеат повеќе руски манипулации“, додаде тој.

Свет | пред 1 година

(Видео) „27 април“: Ќе се бара ново судење, најавено дека јавноста ќе се згрози од тоа како се обезбедувале лажни докази и сведочења

Барање за повторување постапка поради нови докази кои можат да го сменат текот на постапката ќе биде поднесено до Кривичен суд од осудените за „27 април“ кои веќе седум години лежат низ затворите, дознава „Скопје1“. Собрани се списи и веројатно, до крајот на месецот, тие ќе бидат поднесени и постапката ќе биде почната. Засега за ова нема официјална потврда, но со оглед на реакциите по дадената амнестија во предметот „Организатори на 27 април“ – очекувано е сѐ да тече уште побрзо.Во поткрепа на ова оди и ставот кој пратеничката од ВМРО-ДПМНЕ, Дафина Стојаноска го кажа во поткастот „Претрес со Ландов“. Таа посочи дека наскоро целата јавност ќе биде згрозена од тоа што се правело во предметот „27 април“. Стојаноска секогаш била во одбрана на осудените кои за неа се уставобранители, а и не го криела контактот со истите.„Се работи на тоа да се соберат докази, и мислам дека многу скоро, ние и целата јавност ќе бидеме згрозени од тоа што ќе се откријат многу вистини како се обезбедувале лажни докази и како се обезбедувале лажни сведочења и тука не мислам само на Нинџа туку и за многу други“, рече Стојаноска, ексклузивно во „Претрес“.По одлуката да се амнестираат организаторите за 27 април и процесот против нив да биде прекинат, премиерот Мицкоски вели ако нема организатори, не може да има и терористи.?t=6272„Факт е дека ако нема организатори не може да има терористи. Никој не вели дека тие луѓе не згрешиле, никој не вели дека тие луѓе не направиле престап, но тие луѓе за тој престап доволно време поминале таму и треба тие кои водеа политички монтиран процес за коишто сто пати сме кажале во минатото, да си стават прстот на чело и да размислат што прават и што направиле“, рече премиерот Христијан Мицкоски.

Македонија | пред 1 година

(Видео) Еве како е на Онкологија: Стрес и трауми - пациентите се справуваат со хаос и канцер, персоналот со напади

Пациентка раскажа како сама морала да купува скапа биолошка терапија бидејќи немале залихи на Онкологија, ходниците на Клиниката преполни, персоналот разочаран се обидува да помогне на сите. Вака во една реченица може да се опише состојбата на Онкологија која ја затекна екипата на „Претрес со Ландов“. Пациентите гледаат вина кај државата што борбата со канцерот им ја прават уште потешка. Истовремено, персоналот посочува дека неколку сестри делат терапија на илјадници пациенти. Ако една отиде на одмор, а друга се разболи – функционирањето е уште полошо.Најтешко им паѓа скандалот „Онкологија“, бидејќи нема се уште јавно-обвинителска одлука – има ли некој вина и за што. Себеси се гледаат како жигосани.Онкологот Маја Иванова раскажа што се трпеле откако се обелодени скандалот „Онкологија“. Таа посочува дека трпела разни напади. Раскажа низ што све минувала со колегите.„Тоа е стрес, една траума. Ние бевме експонирани на јавен медиумски линч. За жал ниту една институција тогаш не не заштити. Ние како 25 онколози кои работат на Онкологија бевме дадени на Твитер со име и презиме- ајде да одиме да ги тепаме”, вели за Претрес, д-р Маја Иванова.Погледнете го вториот дел од „Крик за живот“ – репортажа од Онкологија која ќе ви ја прикаже реалната состојба.

Македонија | пред 1 година

Разбиена терористичка ќелија во Македонија

Разбиена е уште една терористичка ќелија во државата.Приведени се четири лица кои се организирале на социјалната мрежа Телеграм, формирале терористичка организација, ширеле пропаганден материјал на ИСИС и регрутирале нови членови.„Намерата на членовите на терористичката ќелија била извршување на терористички акт на цивилни, или така наречени меки цели, односно јавни објекти на територија на Северна Македонија, со намера да се создаде чувство на несигурност или страв кај граѓаните“, посочуваат од МВР.Полицијата извршила претреси на дом и други простории на пет локации во Скопје и Гостивар. Пронајдени и одземени автоматска пушка, пиштол, пропаганден материјал, телефонски апарати, компјутерска опрема и други предмети кои ќе бидат предмет на понатамошни форензички вештачења.„Постапувајќи по кривичната пријава, надлежниот обвинител донесе наредба за спроведување на истражна постапка против овие лица за кои постои основано сомнение дека сториле кривично дело терористичка организација, соопштија од Јавното обвинителство.На осомничените им е определен притвор од 30 дена.

Македонија | пред 1 година

(Видео) Автомобил прегази студентка во Нови Београд, на протестниот марш

За време на протестниот марш во Нови Београд, автомобил се залетал во насобраните граѓани и удрил во студентка, пренесува Нова.рс.На снимките на социјалните мрежи се гледа како девојчето лежи на земја додека чека Брза помош, а толпата се втурнува во возилото и го оштетува. Колоната средношколци и граѓани кои пристигнаа од центарот на Белград и таа од Нов Белград се здружија, а прошетката продолжи низ Нов Белград, јавува Нова.рс.

Свет | пред 1 година

Македонското прашање не е затворено додека не влеземе во ЕУ, а Фројд е чудна работа, вели Мицкоски откако Грците реагираа на негова изјава

Премиерот Христијан Мицкоски вели дека е Фројд е чудна работа и дека не знае каде се препознале Грците, откако вчера грчкото МНР реагираше на неговата изјава дадена пред иселениците во Њу Џерси дека македонското прашање не е решено. Од грчкото МНР го обвинија Мицкоски за иредентизам и додадоа дека македонското прашање е затворено со Преспанскиот договор.„Второ, вие знаете дека Судот за човекови права има донесено плејада пресуди што се однесуваат на човековите права на македонската заедница во нашиот источен сосед, а кои не се почитуваат. Зборуваме за 21 век, зборуваме за земја членка на Европската Унија, која не ги почитува човековите права на македонската заедница. И тоа е нешто што претставува сериозен проблем. Вие гледате дека во 21 век сè уште е предизвикан и македонскиот идентитет. Би било неодговорно, несериозно, издајнички од мене ако кажам дека македонското прашање е затворено. Не е затворено и ќе се борам за македонското прашање сè додека ја вршам оваа улога што ја вршам, а тоа е претседател на македонската Влада, бидејќи граѓаните тоа го очекуваат од човекот што ја предводи македонската Влада“, изјави премиерот Мицкоски.Според Мицкоски, поразително е што во 21 век, Бугарија како земја-членка на ЕУ која не ги почитува човековите права, согласно одлуките на Судот за човекови права во Стразбур.„Вие знаете дека Судот за човекови права има донесено плејада на пресуди кои што се однесуваат на човековите права на македонската заедница кај нашиот источен сосед кои што не се почитуваат. Зборуваме за 21 век, зборуваме за членка на ЕУ која што не ги почитува човековите права на македонската заедница и тоа е нешто кое што претставува сериозен проблем. Вие гледате дека во 21 век се уште е предизвикан македонскиот идентитет“, дециден е Мицкоски.Изјавите на Мицкоски за македонското прашање деновиве предизвикаа реакции во Грција, која оцени дека Мицкоски се обидува „да го врати на преден план прашањето кое еднаш засекогаш е решено“.„Не знам каде се препознале, дали можеби имаат грижа на совест па работи потсвеста. Фројд е чудна работа, но јас нема да навлегувам во таква дебата. Македонското прашање никогаш нема да биде затворено додека главните и стратешки цели не се реализираат, а тоа е полноправна членка на ЕУ“, рече Мицкоски.

Македонија | пред 1 година

Горан Ангелов-Ќосето не се извинува и ја одби понудата на судијата, адвокатот Пешевски: Горчина се ствара!

Пораката на судијата Илија Трпков до осудените за „27 април“, при носење на решението за амнестија на организаторите, дека треба да наведнат глава и да се извинат - беше дочекана со критика од лицата кои повеќе од седум години се по затворите. Но исто така, реагираа и адвокатите.Драган Пешевски, адвокат на Горан Ангелов, напиша „Јас и Горан Ангелов-Ќосето глава не наведнавме, нит па имаме намера. Понудата е одбиена "честити" суде!!!“.Потоа тој додаде:„Нека им е честита слободата на амнестираните организатори за 27ми април. Не навлегувам во анализа, ниту објаснувања за команданти и војници, организатори и извршители, не е тоа целта на постот. Целта на постот е горчината што се ствара верувам кај сите и кнедлата што се појавува во грлото кога ке видиме селективност во судница. Некои се очигледно поеднакви пред законот од други. Селективност имаме во судница по партиска припадност, посебно по висина на партиска функција. Јас учев дека правдата е слепа, ама оваа нашава изглеа ѕирка под превезот а мачот и е отапен!!!“.

Коментари | пред 1 година

Ѓоковиќ го предаде полуфиналниот меч на АО

Српскиот тенисер Новак Ѓоковиќ го заврши учеството на отвореното првенство на Австралија (АО), откако му го предаде мечот на Александар Зверев.По завршувањето на првиот сет, Ѓоковиќ се доближи до мрежата и му ја соопшти својата одлука на Германецот, очигледно неспособен да го продолжи мечот поради повреда.Двајцата тенисери одиграа 81-минутен сет кој Зверев го доби во тај-брејк (7:6), Во текот на сетот Ѓоковиќ се обиде да ја ублажи болката со апчиња, но овој пат тоа не му помогна.Раптурата на мускулот што ја доживеа на дуелот против Карлос Алкараз овојпат беше посилна од него.На крајот откако го предаде мечот, помал дел од публиката реши да го исвирка Новак, очигледно незадоволни од тоа што платиле билети само за еден сет.Ѓоковиќ потоа на прес-конференцијата објави дека ова би можело да му биде последен Австралија опен.

Спорт | пред 1 година

Според Захарова, Франција прави подготовки за судир со Русија

Марија Захарова, портпаролката на руското Министерство за надворешни работи, изјави дека францускиот претседател Емануел Макрон ја подготвува својата војска за судир со Русија, пренесува агенцијата „Анадолија“.Захарова го коментираше неодамнешното обраќање на Макрон до вооружените сили, каде што рече дека безбедносната линија на Франција оди „преку границите во Европа и Украина“.„Прашувате какви цели има Емануел Макрон… Јасно е дека Париз се подготвува за понатамошно соочување со нашата земја“, нагласи Захарова.„Таа посочи дека Франција со години ги зајакнува своите воени капацитети и дека во 2022 година Макрон ја објави својата намера да ги подготви вооружените сили за „војување со висок интензитет“ и да ја префрли економијата на „воена основа“. По ова, додаде таа, следеше нов закон за воено планирање, кој го удвојува францускиот буџет за одбрана.Захарова рече дека развојот на напредно оружје е во тек, а многу од оружјата се тестираат во Украина, што таа го опиша како „тест за хибридната војна на Западот против Русија“.Таа го критикуваше недостатокот на мировни иницијативи од Франција, велејќи дека тоа е дополнителен доказ за „воинствените намери“ на Франција.Тврди дека француската младина се подготвува за конфликт со Русија под превезот на доброволни мерки.

Свет | пред 1 година

Навистина историски ден: Доналд Трамп потпиша наредба пред камери што светската јавност ја чекаше повеќе од 60 години

Американскиот претседател Доналд Трамп им нареди на официјалните лица да развијат планови за декласификација на сите документи поврзани со трите најважни политички убиства во историјата на САД - атентатите на Џон Кенеди, Роберт Кенеди и Мартин Лутер Кинг Јуниор, јавува Би-Би-Си.„Многу луѓе го чекаа ова долго време, со години, со децении“, им рече Трамп на новинарите во Овалната соба во четвртокот додека ја потпишуваше извршната наредба за декласификација на документите, па додаде: „И сè ќе биде откриено“.Наредбата бара од високите службеници во администрацијата во рок од 15 дена да презентираат план за декласификација на документите. Експертите велат дека деталите во документите дополнително ја комплицираат официјалната верзија на приказната, според која еден куршум ги погодил и претседателот Кенеди и гувернерот на Тексас Џон Конали, кој го преживеа нападот додека се возеше во претседателската поворка.Џеферсон Морли, експерт за атентатот ЏФК, рече дека новите информации дополнително ја оспоруваат теоријата дека Ли Харви Освалд дејствувал сам и предвиде дека целосното објавување на сите редактирани документи може значително да го прошири знаењето на јавноста за случајот.Сепак, тој забележува дека можеби нема „непобитен доказ“ и дека ЦИА и другите безбедносни агенции ќе настојуваат да задржат одредено ниво на тајност.„Оваа приказна не е завршена“, рече Морли.За време на церемонијата на потпишување на наредбата во Белата куќа, Трамп побара пенкалото со кое го потпиша решението да му биде предадено на Роберт Кенеди Џуниор, син на РФК, внук на ЏФК и кандидат на Претседателот за министер за здравство.РФК Џуниор долго време изразува сомневање за официјалните верзии за атентатите на неговиот вујко Џон Ф. Кенеди, како и на неговиот татко Роберт Ф.Кенеди Сениор беше убиен во сала за танцување во Лос Анџелес од Сирхан Сирхан, Палестинец кој беше огорчен од американската поддршка за Израел. РФК Џунио разговарал со Сирхан во затвор и изјавил дека не верува дека Сирхан го убил својот татко, иако другите членови на семејството Кенеди го отфрлаат ова тврдење.Мартин Лутер Кинг Џуниор беше убиен од куршум од белиот националист Џејмс Ерл Реј. Членовите на семејството на Кинг тврдеа дека Реј не дејствувал сам, туку бил дел од поширок заговор.Претседателот Џон Ф. Кенеди беше убиен во Далас во 1963 година.Многу документи поврзани со истрагите беа објавени во текот на годините, иако илјадници сè уште се редактирани, особено оние поврзани со опсежната истрага за атентатот на ЏФК.Сепак, неодговорени прашања долго го прогонуваат овој случај, поттикнувајќи алтернативни теории за вмешаност на владини агенти, мафијата и други сомнителни актери - како и побизарни теории на заговор.Анкетите на јавното мислење во текот на децениите покажуваат дека повеќето Американци не веруваат дека Освалд бил единствениот убиец.Во 1992 година, Конгресот донесе закон со кој се бара објавување на сите документи поврзани со истрагата во рок од 25 години. И Трамп во неговиот прв мандат и претседателот Џо Бајден објавија низа документи поврзани со ЏФК, но илјадници - од вкупно милиони документи - сè уште остануваат делумно или целосно тајни.Трамп вети дека ќе ги декласифицира сите досиеја за време на неговиот прв мандат, но тој не го исполни ветувањето откако претставници на ЦИА и ФБИ го убедија да чува некои документи во тајност. Во денешната извршна наредба се наведува дека континуираната тајност е „неконзистентна со јавниот интерес“.„Како изјава за намери, добро е што претседателот го стави своето ветување на хартија. Тоа е важно“, рече Морли, поранешен репортер на Вашингтон пост, експерт за убиства на ЏФК и уредник на онлајн билтенот ЏФК факти.„Но, деталите и имплементацијата се клучни. Овој процес е само почеток. Воопшто не е јасно како точно ќе се спроведе ова“, додаде тој.Неодамнешното објавување на документи откри нови детали за околностите на атентатот, вклучувајќи го и опсежното набљудување на Освалд од страна на ЦИА.

Свет | пред 1 година

Жесток петок во Србија: Се запира, целото општество стои покрај студентите, од доктори до актери, Вучиќ се заканува со откази, бизарни сцени и на РТС

На генералниот штрајк на повик на студентите се приклучуваат порталите на Јунајтед Медиа – Нова.рс, Н1, Данас, Радар, Спортклуб, ТВ Нова, како и весниците Нова и Данас. На повикот за генерален штрајк се приклучува и компанијата СББ со тоа што во петок на 24 јануари не врши комерцијални активности, вклучително и затворање на продавниците, како поддршка на студентите.Членовите на Коалицијата за слобода на медиумите најавија дека ќе ја поддржат акцијата на студентите со приклучување кон генералниот штрајк.„Го повикуваме нашето членство, како и другите медиуми и медиумски работници да го сторат истото“, стои во повикот.На списокот на медиуми кои нема да работат во петок е и редакцијата на „Истиномер“. Во штрајк ќе стапи и екипата на популарниот сатиричен портал Njuz.net. Како што наведуваат во објавата на Фејсбук, нема да има објави на нивната веб-страница, социјалните медиуми и каналот на YouTube во петок, 24 јануари 2025 година.„Се гледаме каде велат студентите“, велат од редакцијата.Студентите, кои повеќе од два месеци блокираа околу 60 факултети во Србија поради трагедијата на железничката станица во Нови Сад, во четврток повикаа на генерален штрајк во петок и добиваат се поголема поддршка од час во час.Во исто време, српскиот претседател Александар Вучиќ и владејачката Српска напредна партија повикаа на голем митинг во Јагодина што треба да го означи формирањето на „народно движење за пристојна Србија“, за разлика од се помасовните протести насочени кон борба за поправедно општество засновано на владеење на правото.Генерален штрајк во петок најавија синдикатите, угостителите, претприемачите и културните институции, а некои медиуми ќе известуваат исклучиво за него или ќе молчат 15 минути од 11:52 до 12:07 часот, кога 15 минути ќе се молчи за да им се оддаде почит на 15-те лица кои загинаа при уривање на настрешница на железничката станица во Нови Сад, ќе престане да се емитува медиумска содржина и објави на нивните портали.Студентите во блокадата ги повикаа граѓаните на Србија во петок целосно да ги прекинат сите активности, наведувајќи дека „генералниот штрајк“ треба да биде израз на општа граѓанска непослушност и граѓанска солидарност.Ќе штрајкуваат и бројни лекари. Лекарите од Клиничкиот центар на Србија денеска во 11:52 часот ќе им се придружат на студентите кои ќе го блокираат Булевар Ослобоѓења.Претходно 32 лекари од Универзитетската детска клиника „Тиршова“ испратија писмо до пленумот на студенти на Медицинскиот факултет во кое ја изразија својата поддршка.„Длабоко сме свесни за моментот во кој се наоѓаме сите и затоа ви се обраќаме со желба нашата поддршка да биде повеќе од само декларативна. Време е теоријата да се замени со пракса“, стоеше во него.Српскиот претседател Александар Вучиќ најави дека в петок ќе одржи голем митинг во Јагодина, на кој меѓу другото ќе покрене иницијатива за формирање на движење кое долго време го најавува. Иако претседателот „културно ги покани“ граѓаните на митингот, јасно е дека овојпат повторно се применува познатиот инженеринг на уцени и организирано носење луѓе. Вучиќ организира контрамитинг како одговор на студентските и граѓанските протести ширум земјата.Според информациите на порталот Нова.рс, во пракса се применуваат добро воспоставени методи кои СНС со години ги користи при организирање големи партиски собири. Многу вработени се под притисок да го максимизираат присуството. Овој пат на мета се вработени во центрите за социјална работа, кои се принудени да ги повикуваат пензионерите по општински канали, нудејќи им пари.Дневниот надоместок за присуство на конференцијата се движи од 2.000 до 4.000 динари. Како и досега, од одговорните за мобилизација се бара да направат и да достават списоци на оние кои доаѓаат, но и оние кои одбиваат.Извор од порталот Nova.rs тврди дека на некои дури и им се закануваат отказ.

Свет | пред 1 година

Остри тонови: Мицкоски ги потсети Бугарите да си ги исполнат обврските, ако сакаат Бугари во Устав

Премиерот Христијан Мицкоски нема никакви комуникации со Владата во Бугарија, а порача дека има желба да седне и да се види како би ги решиле прашањата кои ги блокираат европските интеграции на Македонија. Тој е дециден дека во тој момент ќе им порача на Бугарите дека ако договорите важат – тогаш сите треба да ги почитуваат. Кога го вели ова, Мицкоски веројатно мисли на фактот дека Бугарија не го почитува Договорот за добрососедство во делот каде се вели дека тие нема да ја блокираат Македонија на патот кон ЕУ.„Немам комуникација со претседателот на Владата на нашиот источен сосед. Со задоволство би реализирал една таква средба. Со задоволство би имал желба да седнеме, да поразговараме, да видиме какви се можностите и единствената моја порака ќе биде многу јасна и гласна, а тоа е ако договорите важат и треба да се почитуваат за нас треба да важат и да се почитуваат и за нив и дека билатералните прашања не треба да бидат дел од преговарачкиот процес“, рече Мицкоски.Порача дека ако за Македонија важи условот за Бугари во Устав, тогаш и за Бугарија важи почитување на Македонците во нивната земја, а со оглед дека ЕУ нотираше дека немаат никакви заложби за остварување на нивните индивидуални права. Ова значи дека Македонците се уште не можат да основаат здруженија со ваква цел.„Свесен сум за тоа што го направи Бујар Османи како министер за надворешни работи и Димитар Ковачевски како премиер. Јасно ми е дека прифатија нешто што не успеаа да го испорачаат. Сето тоа ми е јасно дека е проблем и дека сега секогаш ќе ни биде ставано тоа на маса како услов. Ако за нас тој услов важи тогаш треба да важат и за сите други оние договори што претходно се прифатени како што е Резолуцијата за почитување на човековите права, Договорот за добрососедство. Сето тоа треба да претставува обврска за сите страни“, рече Мицкоски.Пред четири месеци, Советот на Европа нотираше дека Македонците во Бугарија се обесхрабруваат да се идентификуваат, односно дека не постои свест за правата на малцинствата.„Додека Бугарија играше сè поактивна улога во промовирањето на правата на лицата кои им припаѓаат на бугарските малцинства во странство, вакви напори не биле забележани и во рамките на Бугарија. Како и во претходните циклуси, лицата кои се идентификуваат како Македонци ја повторија својата долгогодишна желба да бидат заштитени според Рамковната конвенција, но бидејќи властите не го прифаќаат постоењето на објективни критериуми за нив, овие лица не можат да уживаат пристап до индивидуалните малцински права. Нивните долгорочни обиди да регистрираат здруженија кои ја промовираат македонската заедница не беа успешни. Власите не гледаат објективни критериуми ниту за лицата кои се идентификуваат како Помаци односно етничките Македонци со исламска вероисповед кои во земјата и натаму се нарекуваат бугарски муслимани“, стои во извештајот на Советодавниот комитет.

Македонија | пред 1 година

Дали Европа е подготвена за Доналд Трамп?

Враќањето на Доналд Трамп во Белата куќа значи и многу промени за Европа.Оваа промена во Белата куќа доаѓа во прилично неповолен момент за Европа, која се соочува со бројни економски и политички превирања. Трамп е убеден дека Европа со години ги користи САД и дека тоа мора да престане.Освен империјалистичката политика преку присвојување на Панамскиот канал и Гренланд, што ја засега и Европа, најважни најави за Стариот континент се оние за царината, НАТО и еколошките прашања.Трамп рече дека ЕУ и другите земји имаат загрижувачки трговски суфицит со САД. \„Европската унија се однесува многу, многу лошо со нас. Тие ќе мора да се соочат со царини. Тоа е единствениот начин да се постигне правичност“, додаде тој.И за време на неговиот прв мандат, Трамп воведе царини за европскиот алуминиум и челик. Овие нови закани за царини од Трамп предизвикаа загриженост во Брисел и меѓу владите ширум Европа. ЕУ соопшти дека се подготвени за договор.ЕУ, навистина, продава многу повеќе на Соединетите Држави отколку што увезува од САД. Во јануари 2022 година трговскиот суфицит изнесуваше 15,4 милијарди евра. Новите царини би можеле да бидат 10 проценти или дури и повисоки за некои стоки, како што се автомобилите.Економистот на Голдман Сакс, Свен Јари Штен, пишува Euronews, предвидува дека царините од 10% ќе го намалат БДП во еврозоната за 1%, при што Германија бележи пад од 1,1%, Обединетото Кралство 0,7%, а Шпанија 0,6%.Покрај фактот што повисоките царини ќе ги направат европските производи поскапи и помалку привлечни за американските купувачи, тарифите на Трамп за Кина претставуваат проблем и за Европа, имајќи предвид дека ризикува кинескиот извоз да заврши во Европа, што може да значи зголемување на царините за Европа на овој азиски џин. Ова би се заканило на целосна трговска војна со Кина.Трамп постојано ги повика членките на НАТО за недоволни трошоци за одбраната. Тој предложи САД да им помогнат само на сојузниците кои ќе ја исполнат целта за воени трошоци на НАТО.Трамп рече дека членките на воената алијанса треба да потрошат 5 отсто од својот БДП за одбрана - што е огромен пораст од сегашната цел од 2 отсто. Сето ова значи дека Европа повеќе не може, барем не толку како порано, да се потпира на САД за својата одбрана и безбедност. Ова важи и за Украина, каде се очекува значително намалување на американската поддршка за земјата.Генералниот секретар на НАТО Марк Руте денеска на панел на Светскиот економски форум во Давос изјави дека американскиот претседател Доналд Трамп е „во право“ и дека Европа троши премалку за одбрана.За геополитичкиот аспект на Трамп 2.0. во ерата во која влегуваме медиумите имаа разговор со надворешнополитичкиот аналитичар Денис Авдагиќ, кој вели дека прашањето за Гренланд, автономна територија на Данска, членка на НАТО и ЕУ, а воедно и трансатлантска држава, е загрижувачки проблем за Европа.„Иако Гренланд има опција да се одлучи за независност на референдум, во овој случај тоа е постојано повторувана изјава за преземање, без разлика дали со купување или на друг начин, иако повикот за одлучување на референдум би бил неточен за односите меѓу сојузниците, но тоа не би било преседан во случајот со Трамп, бидејќи тој исто така го поддржа Брегзит. Сето ова сериозно ја разнишува довербата меѓу сојузниците и поставува прашања за односите и нивната иднина, при што Европејците се многу внимателни“, вели тој.Тој посочува дека не може да биде прифатлив каков било „нетранспарентен напад врз демократијата, за кој со години зборуваме дека се случува од исток“.Враќањето на Трамп на сцена значи и промена за војната во Украина, а со тоа и за цела Европа.„Овде нештата се менуваат речиси секојдневно, последните изјави укажуваат дека ставањето крај на руската агресија ќе биде тешко за Русија, доколку тоа се случи под посредство на Трамп, бидејќи тој дејствува од позиција на моќ, а на Путин му треба проекцијата на моќта за неговиот живот, не е само прашање на имиџ за него. Сите оние кои очекуваат брзо разрешување, укинување на санкциите, тие се обложуваат на погрешна работа“, рече тој.Тој додава дека на Европа и треба мир во Украина.„Условите и исходот на хартија, кои ќе траат како што е договорено, се важни. Европа треба да биде дел од процесот, но и да инсистира Украина да биде главниот актер во донесувањето одлуки“, додава тој.Што се однесува до другите аспекти во кои доаѓањето на Трамп ќе се одрази на Европа, администрацијата на новиот американски претседател веќе најави дека САД по втор пат ќе се повлечат од Парискиот климатски договор, а со тоа ќе ги загрози глобалните напори за борба против глобалното затоплување.Ставот на Трамп е дека САД нема да ја саботираат сопствената индустрија додека Кина загадува неказнето. Аналитичарите сметаат дека оваа одлука ќе ги охрабри критичарите на зелените политики, но и ќе ги забави европските цели за намалување на емисиите на јаглерод.Отворено е и идеолошко прашање, имајќи предвид дека се очекува дека инаугурацијата на Трамп во САД може да доведе до раст на моќта на популистичките екстремно десничарски опции во Европа, кои веќе се во пораст, како што покажуваат неодамнешните примери.Ова е особено важно за предвремените избори во Германија. Како што заклучи Дојче веле, благодарение на Трамп, екстремната десница претставена од АфД се чувствува зајакната.Медиумите го прашаа Авдагиќ дали Европа е подготвена за Доналд Трамп?„И да и не. Европа се подготвуваше за преговори, бараше решенија, беше подготвена да направи отстапки. Од друга страна, континент кој навистина има неверојатни човечки и други ресурси. Затоа постои голема загриженост и тоа практично покажува дека американските претседателски избори ни се поважни од европските, а на првите не учествуваме, не гласаме. Тоа кажува се“, рече тој.Го прашаа и како ќе изгледа оваа Европа кога Трамп ќе ги спроведе сите свои одлуки, во која насока ќе се движи?„Постојат неколку можности, но се се сведува на фактот дека или ќе излеземе од ова како сојузници со Америка, со турбулентна фаза која сепак го издржа тој тест, или Европа оди по својот пат. Нема развод што не е болен, но обично е поболно за едната страна. Ако дојде до таков развод, тогаш сè зависи од нашата европска кохезија, која треба да зајакне од логиката на предизвикот, но живееме во свет во кој не е секогаш сè логично“, додава тој.

Свет | пред 1 година

Трамп спрема царини: Европската унија се однесува многу, многу лошо со нас, тие ќе мора да се соочат со тарифи

Американскиот претседател Доналд Трамп вети дека ќе воведе царини за Европската унија. Трамп рече дека ЕУ и другите земји имаат загрижувачки трговски суфицит со САД.„Европската унија се однесува многу, многу лошо со нас. Значи, тие ќе мора да се соочат со тарифи. Тоа е единствениот начин да се постигне правичност“, рече Трамп.Трамп изјави дека размислува да воведе царина од 10 отсто за увоз на кинески стоки веќе од 1 февруари. Во претходните изјави за новинарите во Белата куќа, тој ја оправда оваа мерка со тврдењето дека Кина испраќа фентанил во САД преку Мексико и Канада. Овие изјави следеа по заканите на Трамп дека ќе воведе царини од 25 отсто на увозот од Мексико и Канада.Еврокомесарот за трговија Марош Шефчовиќ вчера му подаде рака на помирување на Вашингтон, само два дена откако американскиот претседател положи заклетва. Во интервју за Политико, Шефчовиќ рече дека Брисел е подготвен да соработува со новата администрација во Вашингтон - и покрај постојаните закани на Трамп дека ќе воведе царини за стоките од 27-члениот блок.„Многу внимателно ги следиме пораките што доаѓаат од Белата куќа“, рече Шефчовиќ во своето прво интервју по преземањето на функцијата во декември, говорејќи на маргините на Светскиот економски форум. „Нашата порака е јасна: подготвени сме за дијалог. Сакаме да ставиме пакет на соработка на маса и отворени сме да разговараме за сите прашања што ги мачат нашите американски партнери. На тоа можеме да изградиме соработка.Царинските закани на Трамп предизвикаа загриженост во Брисел и меѓу владите ширум Европа во време кога економијата на континентот е ослабена. Неговото ветување дека ќе воведе високи царини за Кина предизвика стравувања дека евтините кинески производи, кои инаку би завршиле на американскиот пазар, би можеле да го преплават европскиот.Изјавите на Шефчовиќ, во кои тој изразува подготвеност за отстапки, се надоврзуваат на планот на Урсула фон дер Лајен, претседателка на Европската комисија, која во вторникот испрати суптилна порака до Трамп. Иако не го спомна директно, таа посочи дека ЕУ има бројни можности, меѓу кои и зајакнување на соработката „не само со долгогодишните партнери со слични ставови туку и со сите земји со кои споделуваме интереси“.Фон дер Лајен веќе сугерираше дека еден начин да се одврати Трамп од новите царини може да биде зголемување на увозот на американскиот течен природен гас. Друга опција за стекнување наклоност кај Вашингтон би била купувањето американска воена опрема.Иако Трамп сè уште не ја исполнил својата закана дека ќе воведе универзални царини, откако ја презеде функцијата тој продолжи да ја критикува ЕУ, обвинувајќи ја за голем трговски дефицит меѓу двете страни на Атлантикот.„Воопшто не ги увезуваат нашите автомобили. Едвај ги купуваат нашите земјоделски производи. Тие земаат многу малку. Имаме трговски дефицит од 350 милијарди долари со Европската унија. Тие не третираат лошо, и затоа ќе мора да се соочуваат со царини“, им рече Трамп на новинарите во Белата куќа.Шефчовиќ, претставник на Европската комисија познат по својата смиреност, не дозволи да биде испровоциран. „Овој однос е толку важен и вреден што мораме да го зачуваме. Треба да се фокусираме на тоа како дополнително да го подобриме“, нагласи тој, истакнувајќи дека трансатлантската соработка сочинува повеќе од 40 отсто од глобалниот бруто домашен производ.

Свет | пред 1 година

Сведокот за убиството на Вања кој беше во бегство, се предаде на полицијата

Гоце Трајковски, лицето кое е осомничено за подметнување пожар во кафуле во Кисела Вода, а воедно е и сведок во предметот за киднапирањето и убиството на Вања Ѓорчевска, се предаде на полицијата, дознава „Скопје1“ од свои извори. Тој пред краток период, сам отишол во ПС Кисела Вода, а откако по него беше распишана потерница.Трајковски е сведокот кој водел истрага со таткото на Вања и заедно трагале по неа. Собирале и прегледувале снимки. Требаше да се појави на судењето на 15 ноември, но неговата мајка Кираца Трајковска која исто така беше сведок, кажа дека тој имал здравствени проблеми. Подоцна се дозна од Обвинителството, дека тој има и својство на осомничен за подметнување на пожар, бидејќи според податоците оттаму, на 13 ноември со уште три лица, запалиле кафуле кое било лоцирано во зграда во Кисела Вода.Трајковски беше еден од првите кои се вклучија во потрагата за 14-годишната Вања. На последното рочиште за убиството, Обвинителството предложи да не се чита искаазот и да се почека, бидејќи ќе успеат да го лоцираат Трајковски. Останува на судот да одлучи, кога ќе го повика на сослушување.

Македонија | пред 1 година

За грчкото МНР, изјавата на Мицкоски е провокација: Прашањето е решено, конечно и неповратно

Официјална Атина одговори на изјавите на Христијан Мицкоски, кој рече дека Скопје не го смета спорот за името со Грција решен.Мицкоски, велат од грчкото МНР, се обидува да го врати во преден план прашањата кое веќе е решено, како што знаеме конечно и неповратно“.Тоа е одговор на коментарите на Мицкоски на собирот на, како што пишуваат грчките медиуми „Северномакедонците“ во Њу Џерси.„Треба да почнеме да победуваме во Вашингтон, Брисел, Берлин, Лондон, Париз, Рим ако сакаме, конечно, македонското прашање да дојде до својата завршница. Нашето прашање не е решено. Тоа тлее со векови и сè уште постои“, рече премиерот.„Овој настан е провокација за Грција”, велат од Миинистерството за надворешни работи на Грција.„Грција потсетува дека натамошниот напредок на билатералните односи со Северна Македонија и непреченото продолжување на европскиот курс на соседната земја бараат целосно почитување на договорот од Преспа и, се разбира, воздржување од иредентистички прокламации и претензии кон соседните земји“, посочуваат од грчкото МНР.

Македонија | пред 1 година

(Видео) Снимка од сообраќајката на Обиколница: три лица во болница

На Обиколница, правец Радишани-Стајковци ноќеска имаше сообраќајка. Три автомобили, камион и автобус се судриле. Три лица се повредени.“На 22.01.2025 околу 20.20 ч. во СВР Скопје е пријавено дека на обиколница Скопје, клучка Бутел кај Смилковско езеро кон Арачиново, се случила сообраќајна незгода во која учествувале три патнички возила, товарно возило и паркиран автобус. Од незгодата со повреди се здобиле тројца учесници кои се пренесени во скопските клиники, наведуваат од МВР.

Македонија | пред 1 година

Ниту еден американски претседател досега не прибегнал кон ваква политичка стратегија, Трамп е првиот

Доналд Трамп повеќе не крие дека царинската политика на неговата администрација не е насочена кон заштита на домашните производители, туку дека тоа е нова политика на управување со светот со помош на притисок.„Европската унија е многу, многу лоша за нас“, рече Трамп во вторникот.„Значи, тие ќе бидат покриени со тарифи. Тоа е единствениот начин да се постигне фер договор“, додаде тој.Водечките кинески државни и финансиски медиуми вчера не ги спомнаа предложените кинески царини, но опширно го анализираа предупредувањето на Трамп за царините за Европската унија.САД се најголемиот трговски партнер на Кина. Кинескиот увоз од САД минатата година падна за 0,1 отсто, додека извозот се зголеми за 4,9 отсто. Тоа значи дека трговскиот суфицит на Кина со САД достигна 361 милион долари минатата година, што е повеќе од 316,9 милиони долари регистрирани во 2020 година, на крајот од првиот мандат на Трамп како претседател, кога Белата куќа ги зголеми царините за кинески стоки во обид да го зголеми извозот на американски стоки во Кина и решавање на долгогодишните грижи на американските бизниси во Кина. Администрацијата на Бајден го задржа најголемиот дел од тој тарифен пакет.Во мандатот на Џо Бајден, САД се обидоа да решат неколку важни трговски спорови со клучните сојузници кои се појавија во ерата на Трамп, но и порано. Како резултат на тоа, на 31 октомври 2021 година, Вашингтон и Брисел во заедничка изјава објавија дека меѓусебно укинуваат значителен дел од царините (пред се оние за челик и алуминиум), кои ќе бидат заменети со билатерални тарифи. Тоа е она што се случи, со услов челикот и алуминиумот и другите стоки за кои се преговара да се квалификуваат за бесцарински статус, мора целосно да се произведуваат во ЕУ.Азискиот трговски центар со седиште во Сингапур тогаш предупреди дека Трамп ја користи трговската политика како тактика за туркање иницијативи за нетрговска политика, особено неговата закана во мај 2019 година дека ќе воведе царини за стоките што ги увезува од Мексико „додека Мексиканците не попуштат надолу за илегалната имиграција“, негативен преседан за идните претседатели на САД и го поткопува кредибилитетот на САД како доверлив трговски партнер.Да не заборавиме, по завршувањето на кампањата за неговиот втор мандат, само неколку дена пред инаугурацијата, Трамп најави дека ќе ги користи тарифите како преговарачка алатка во разговорите со „помалку кооперативните“ земји, како што е, на пример, Данска, што во неговиот последен мандат не покажа - разбирање за неговата идеја да ја предаде контролата над Гренланд на САД (Трамп исто така не ја исклучи употребата на војската за окупација на Гренланд).Во најавениот пакет притисоци, Трамп веќе побара од Брисел ЕУ да купува повеќе американска нафта и гас, но и покрај декларираната подготвеност на Унијата да ја прифати оваа идеја (начелната одлука е донесена уште во 2022 година), владите на За ова одлучуваат поединечни членови, а голем дел од нив денес сè уште купува поевтин ЛНГ од Русија.Прашањето е дали Европската унија може да дејствува како блок во тој случај, како што направи, на пример, кога беа купени вакцините против Ковид (и за кои Урсула фон дер Лајен се најде под истрага).Аналитичарите на светските пазари на стоки на компанијата S&P во својот најнов извештај објавија дека компаниите од ЕУ веќе склучиле договор за испорака на 10,3 милиони тони од американски извори, но дека дополнителни 9,5 милиони тони се уште останале слободни на пазарот.Не треба да се заборави дека Бајден забрани нови договори за извоз на ЛНГ од САД.

Свет | пред 1 година

(Видео) Апасиев сликан со новиот џип, адвокатот Митровски му замери за паркирањето: ја купил за 16.500 евра, 15 дена откако кажа дека оди со точак

Адвокатот Јанаки Митровски на социјалните мрежи објави фотографии од лидерот на Левица, Димитар Апасиев, со неговото ново возило „Пежо 3008“. Му порача дека му е топ џипот, па му замери зошто паркира непрописно, без да плати паркинг. Според анкетниот лист, Апасиев го купил автомобилот пред шест месеци.„Димитар Апасиев честитки, топ ти е џипчево, со здравје да си го возиш. Ова искрено го мислам бидејќи за разлика од тебе јас се радувам кога некој напредува, има, му иде, не барам да го запалат на клада за тоа. Само да те замолам од 3000 евра месечни примања да одвоиш 40 денари и да се паркираш прописно за да не не блокираш вака во маало. И следен пат качи се на кафе, не биди странец, уште сум на истото место кај што доаѓаше да ти пишувам кривични, пошто најјак правник нали“, напиша Митровски.Според анкетниот лист кој го поднел Апасиев, „Пежото 3008“ го купил за 16.500 евра.Апасиев до овој момент не се огласи за новиот автомобил. Претходно, тој често зборуваше за неговата „Алфа“, за која велеше дека е стара и се расипува. Во јавноста, исто така напоменуваше дека се движи со велосипед. 15 дена пред да го купи новото возило, тој беше гостин во поткастот „Претрес со Ландов“, каде што, зборуваше дека „Алфата рикна“, но и дека купува ново возило.„Јас со точак, да идам. ‘Алфата’ готова е више рикна. Дали ќе ја продавам? На лицитација да ја дадам, за 5.000 евра може ќе отиде. Ама не знам, на жена ми е, она што ќе каже“, рече Апасиев во поткастот.?t=3036

Македонија | пред 1 година

(Видео) „Страшно е!“ - пациентка раскажа како сама се снаоѓала за биолошка терапија оти немало на Онкологија

Пациентка на Онкологија во поткастот „Претрес со Ландов“ раскажа за моментите кога на Клиниката немало терапија, а циклусот на лекување не смеела да го прекине. Посочи дека сама се снаоѓала, а државата никогаш не и ги вратила парите. Таа поминувала низ патешествија, наоѓајќи начин за терапијата да ја донесе безбедно на Клиниката. Таа прима „авастин“ – биолошка терапија.„Сега во моментот ја има, две години ја примам. Во овие две години имаше моменти кога ја немаше, беше страшно, а не смееше да се прекине циклусот на примање. Затоа четири пати бев изложена да си ја купувам приватно. Тие четири пати ја набавував приватно, од друга институција, со документи, со профактури и тн. Со нагласено од докторот дека е приватно набавена, а тука аплицирана. Кога си ја побарав од Фондот, до ден денес, си ги барам тие пари. Фондот не ми ги враќа, односно не ме удостојуваат ни со одговор. Не да ме одбијат и да кажат дека ја нема на позитивна листа, туку нема одговор“, вели пациентката која сакаше да остане анонимна.Посочи дека гужвите низ ходниците се страшни.„Во моментите кога ќе влезеш во дневната болница, почнуваш да се чувствуваш пријатно. Имаш чувство дека сите сакаат да ти помогнат, меѓутоа додека чекаш во ходникот, за да стигнеш до дневната болница е страшно. Страшна гужва, едноставно со часови чекаш, исцрпува. Тука за самата институција, сигурна сум дека подобро може да се организира се тоа што се случува надвор во ходниците. Едно време слушнавме дека се работи во две смени, меѓутоа, така работи дневната болница. Ако така работат и докторите – ќе биде порастеретено“, вели пациентка која се бори со канцер, а сакаше да остане анонимна.Гужви, хаос низ ходниците, борба на вработените. Еве од прва рака како изгледа лекување на Онкологија:

Македонија | пред 1 година

Трамп ја менува својата реторика кон Русија: им испрати порака, а одговорија од Москва

Американскиот претседател Доналд Трамп преку својата социјална мрежа Truth Social изјави дека нема да има друг избор освен да воведе даноци, тарифи и санкции за Русија и другите инволвирани земји доколку Москва не постигне договор со Украина.„Не сакам да ја повредам Русија. Го сакам рускиот народ и отсекогаш сум имал многу добри односи со претседателот Путин. Никогаш не смееме да заборавиме дека Русија ни помогна да победиме во Втората светска војна, по цена на речиси 60 милиони животи. Со сето тоа кажано, ќе и направам голема услуга на Русија, чија економија е во колапс, а и услуга на претседателот Путин. Решете се сега и запрете ја оваа смешна војна! Само ќе биде полошо. Ако не се договориме и наскоро, немам друг избор освен да поставам високи даноци, тарифи и санкции за сè што Русија продава на Соединетите Држави и на разни други земји-учеснички. Да ставиме крај на оваа војна која никогаш немаше да започне да бев претседател! Можеме да го направиме тоа на лесен или потешки начин - а лесен начин е секогаш подобар. Време е да се направи зделка. Не смеат да се губат повеќе животи!“, рече Трамп.Набрзо стигна првата реакција на Русија. Заменик-претставникот на Русија во ОН, Дмитриј Полански, изјави за Ројтерс дека Москва треба да види што ќе вклучува договорот што го предлага Трамп.„Не станува збор само за завршување на војната. Пред сè, има прашање за решавање на основните причини за украинската криза“, рече тој.„Значи, мораме да видиме што значи „договорот“ за претседателот Трамп. Тој не е одговорен за она што САД го прават во Украина од 2014 година, правејќи ја „антируска“ и подготвувајќи се за војна со нас, но сега е во негова моќ да ја запре таа злонамерна политика“, продолжи тој.Денешното соопштение на Трамп е само продолжение на неговата се пожестока реторика кон Русија. По неговата инаугурација, Трамп веќе изјави дека претседателот Владимир Путин ја уништува Русија.„Тој треба да постигне договор. Мислам дека ја уништува Русија со тоа што нема да постигне договор“, нагласи тој, мислејќи на инфлацијата и лошата економија на Русија.Тој предупреди дека Путин не може да биде задоволен со неговиот бавен напредок во Украина.„Тој се обидува. Повеќето луѓе мислеа дека војната ќе трае околу една недела, а сега поминаа речиси три години. Не изгледа добро“, рече американскиот претседател.Трамп претходно даде голем број коментари за завршување на војната во Украина, од велејќи дека може да ја „реши“ пред да ја преземе функцијата до ветување дека ќе го реши за „еден ден“.Уште во 2023 година, тој изјави за Си-Ен-Ен: „Ако сум претседател, оваа војна ќе ја решам за еден ден, за 24 часа“.За време на предизборната дебата со Камала Харис, тој рече: „Тоа е војна која едвај чека да се реши. Ќе ја решам уште пред да станам претседател. Ако победам, кога ќе бидам избран за претседател, ќе разговарам со едниот, ќе разговарам со другиот, ќе ги донесам“.Рускиот претседател Владимир Путин повторува дека Москва е отворена за дијалог со новата американска администрација, при што приоритет е решавање на основните причини за кризата. Тој потврди дека Русија ги зема предвид изјавите на Трамп и членовите на неговиот тим за нивната подготвеност да ги обноват контактите и потребата да направат се што е можно за да се спречи третата светска војна.Сепак, нема потврда дека моментално се договара средба меѓу Трамп и Путин. Во исто време, украинскиот претседател Володимир Зеленски потврди дека Киев договара средба со американскиот претседател. Екипите се ангажирани за договарање на средбата. Постапката е во тек“, истакна тој.

Свет | пред 1 година

(Видео) Онкологија нема лекови, ни кој да лекува - како по скандалот? - Крик за живот 2

Скандалот „Онкологија“ на Клиниката за радиотерапија и онкологија отвори многу прашања. Вработените биле мета на напади, за што за првпат сведочат пред камерата на „Претрес“. Пациентите кои се лекуваат од најтешката болест на Клиниката имаат свои проблеми - долги редови за чекање, недостатоци на лекови.„Претрес“ влезе во ходниците на Клиниката и сними огромни гужви, чекање, страв за тоа дали ќе има лек на залиха. Во вториот дел од „Крик за живот“ ви носиме сведоштва од пациенти кои биле принудувани сами да купат, само за да не го прекинат циклусот.Докторите и сестрите посочуваат дека скандалот „Онкологија“ тешко ќе се тргне од клиниката, а лути се бидејќи колективно биле обвинети, наместо вината да биде утврдена кај конкретни лица. Се крадела ли терапија, можно ли е тоа?Гледајте ја премиерата:https://www.youtube.com/live/3k0s8cxDxII?si=Fjpo7JA1lo9Um96K 

Македонија | пред 1 година

Мицкоски: Како Влада правиме сѐ за да вратиме дел од загубеното време и достоинство, за да можете да кажете дека повторно Македонија е ваша

Претседателот на Владата на Република Северна Македонија Христијан Мицкоски, за време на посетата на Соединетите Американски Држави присуствуваше на одбележувањето на 30 годишниот јубилеј од постоењето на црквата „Свети Никола“, на коj присуствуваа и бројни македонски иселеници.Во своето обраќање тој истакна дека овие 7 месеци откако е избрана Владата, таа ја води борбата дома за подобра инфраструктура, подобро здравство, поквалитетно образование, конкурентна економија и дека таа борба ќе продолжи и нема да запре.„Но, таа борба за македонскиот народ се плашам дека не е доволна, дека ќе треба да победуваме и тука во Вашингтон и во Њујорк и во Брисел и во Берлин и во Лондон и во Париз и во Рим и во други светски метрополи, ако сакаме македонското прашање конечно да добие своја разврска, бидејќи тоа не е решено, тоа со векови тлее и трае и сѐ уште постои. Затоа е многу важно оваа врска којашто ја има татковината со Македонците надвор од татковината да продолжи да функционира да се засили, да биде уште посилна. Како Влада сме определени да ја градиме нашата релација со македонската дијаспора. Врската мора да ја засилуваме и таа да биде силна. Не смееме да дозволиме нашата дијаспора да биде разочарана затоа што македонските политички елити не успеваат таа врска да ја негуваат и одржат“, истакна премиерот Мицкоски.Според претседателот на Владата, нема посилна потврда од македонскиот идентитет ако има повеќе Македончиња, без разлика дали тие се родени во Македонија или надвор од Македонија, бидејќи на тој начин се брани нацијата и македонскиот идентитет, со потомство.„Ние Македонците сме едноставни луѓе, со големо срце, домаќини, домаќинки. Нема подобар начин од тоа од мали години, уште од најмала возраст да ги учиме децата на македонските традиции и обичаи. Традицијата и обичаите мора да се негуваат, тие се нераскинлив дел од македонскиот идентитет“, подвлече тој.Тој истакна дека знае дека можеби во овие повеќе од три децении демократија во Македонија, често пати политичките елити знаеле да ги разочараат Македонците и дека често пати тие разочарувања биле причина за многу нашинци да заминат од својата татковина.„Сакам да испратам една порака дека ќе направиме како Влада сѐ што можеме и правиме сѐ што можеме и правиме и повеќе од што можеме за да вратиме дел од тоа загубено време и дел од тоа загубено достоинство за да можете вие да кажете дека повторно Македонија е ваша и повторно ќе бидете горди Македонци. Тоа е нашата цел и тоа е нашата инспирација зошто се нафатиме како генерација да ја работиме оваа работа. Бидете сигурни дека ќе го вложиме секој атом енергија да работиме само за интересот на татковината и на граѓаните“, им порача премиерот Мицкоски на присутните.Тој упати уверување дека и покрај сите предизвици дома и покрај сите предатори коишто не сакаат Македонија да биде успешна, оваа Влада, оваа генерација ќе ги потврди илинденските идеали ќе го продолжи делото на Илинденците, на комитите, на војводите, подоцна и на партизаните за суверена, независна, демократска Македонија, која што ќе биде најбогатата и најпросперитетна држава на Балканот, а зашто тоа да не биде и во Европа.

Македонија | пред 1 година

Во Украина се шират опасни бактерии отпорни на антибиотици

Кога Олексндр Безверкни беше евакуиран во болницата Феофанија во Киев, малкумина веруваа дека ќе преживее, пишува Би-Би-Си. Војникот (27) имал тешка повреда на стомакот. Му беа ампутирани двете нозе. Тогаш лекарите открија дека неговите инфекции се отпорни на вообичаени антибиотици и веќе тешката задача да му го спаси животот стана речиси безнадежна.Антимикробната резистенција (АМР) се јавува кога бактериите се развиваат и учат да се бранат од антибиотици и други лекови, што ги прави неефикасни. Украина не е единствената земја погодена од овој проблем. Околу 1,4 милиони луѓе ширум светот починале од инфекции поврзани со АМР во 2021 година, додека во Британија имало 66.730 сериозни инфекции отпорни на антибиотици во 2023 година. Сепак, се чини дека војната го забрза ширењето на патогени отпорни на повеќе лекови во Украина.Клиниките кои примаат пациенти со воени повреди забележаа нагло зголемување на случаите на АМР. Според заменик-главниот лекар Андриј Строкан, повеќе од 80% од сите пациенти примени во болницата Феофанија имаат инфекции предизвикани од микроби отпорни на антибиотици.Иронично, инфекциите отпорни на микроби често потекнуваат од медицинските установи. Иако медицинскиот персонал се обидува да ги следи строгите хигиенски протоколи и користи заштитна опрема за да го минимизира ширењето на инфекцијата, објектите се преполни со луѓе повредени во војната. Володимир Дубина, директор на интензивна нега во болницата Мечников, рече дека од почетокот на руската инвазија, само неговиот оддел го зголемил бројот на кревети од 16 на 50.Во исто време, многу вработени бегаат од војната или самите се приклучуваат на армијата, па бројот на персоналот е намален. Штрокан објасни како таквите околности можат да влијаат на ширењето на бактериите.„Во хируршките одделенија, една медицинска сестра се грижи за 15-20 пациенти. Таа физички не може да ги мие рацете толку често колку што е потребно за да се спречи ширење на инфекции“, рече тој.Пациентите во војна се изложени на многу поголем број на видови на инфекции отколку што инаку би биле. Кога војниците се преместуваат од болница во болница за лекување, тие често минуваат низ повеќе објекти, секој со свои видови на АМР. Докторите што знаат тврдат дека тоа е неизбежно поради обемот на војната, но сепак го влошува ширењето на инфекциите со АМР.Така беше и со војникот Безверкни, кој се лекуваше во три институции пред да пристигне во болницата во Киев. Бидејќи неговите инфекции не можеле да се лечат со вообичаените лекови, состојбата му се влошила, па дури пет пати добил сепса.Ситуацијата во Украина се разликува од другите неодамнешни конфликти, како што е војната во Авганистан, каде што западните војници би биле лекувани на лице место, а потоа со хеликоптер би биле пренесени во европска клиника наместо да минуваат низ повеќе локални установи.Во Украина тоа не е можно бидејќи, според Дубина, чија болница во Днипро се наоѓа во близина на борбената линија, таков прилив на пациенти не е забележан од Втората светска војна. Кога неговите пациенти ќе станат доволно стабилни, тие се префрлаат на друга клиника, доколку има простор, за да можат воопшто да добијат нови. „Тоа значи дека бактеријата се шири понатаму. Од друга страна, ако не го сториме тоа, не можеме да работиме. Тоа би било катастрофа“, изјави тој.

Свет | пред 1 година

(Видео) Освен терапија, нема ни доволно персонал на Онкологија: „Страшно, здравството ни е уништено“

Освен сериозни недостатоци на лекови за сите пациенти кои се лекуваат, на Клиниката за онкологија има и недостаток на здравствен кадар. Пациенти од цела Македонија примаат терапија токму на Клиниката, а има минимален број на медицински сестри и технички персонал. За ова сведочи и пациентката Тања Цвијановиќ.„Страшно...Здравството ни е уништено....На Онкологија цела Македонија персонал нема во дневната болница персоналот со сите сили пробува да ги опслужи сите пациенти...Викаа не чинело порано сега пак е уште полошо просторијата за зомета затворена бидејќи нема персонал сите си одат од онкологија а тие што се останати неколкумина во дневната се вистински ХЕРОИ....Господ да ни е напомош....“, напиша таа.Вечерва (среда, 22 јануари) за првпат ќе можете да видите каков хаос се случува низ ходниците на Онкологија, како персоналот и раководството се обидуваат да се справат со гужвите, но и како се функционира по скандалот „Онкологија“. „Претрес“ ви го носи вториот дел од репортажата „Крик за живот“.

Македонија | пред 1 година