ТОП

Потерница и 8 дена притвор за Васко Ковачевски

Судот го прифати предлогот на Обвинителството и определи мерка притвор во траење од осум дена за поранешниот директор на АД ЕСМ Васко Ковачевски, кој е недостапен за органите на прогонот.Засега не се знае каде е Ковачевски кој е осомничен за проневера на 6,5 милиони евра.Согласно Законот за кривична постапка, предметните јавни обвинители до МВР, како што информираат од ЈОРСМ, доставиле и наредба за распишување на национална потерница и изјава за распишување на меѓународна потерница по осомниченото лице.Инаку Основното јавно обвинителство за гонење на организиран криминал и корупција денеска го прими Решението на судијата на претходна постапка при Основниот кривичен суд – Скопје, со кое предлогот за определување мерки за претпазливост против осомничен во предметот „Адитив“ се отфрла, наведувајќи дека осомничениот не е достапен на органите на прогонот.Согласно своите законски надлежности, јавните обвинители кои постапуваат во предметот, до судијата на претходна постапка веднаш доставија Жалба по однос на донесеното Решение за отфрлање, како и Предлог за определување на мерка притвор за осомничениот која мерка ќе биде активна по неговото пронаоѓање. Судијата на претходна постапка го прифати предлогот на обвинителството и на осомничениот му определи мерка притвор во траење од 8 дена.Применувајќи ги одредбите од Законот за кривична постапка, предметните јавни обвинители до МВР доставија Наредба за распишување на национална потерница и Изјава за распишување на меѓународна потерница по осомниченото лице.Истрагата за предметот под кодно име „Адитив“ започна на 10 декември и со него се опфатени 23 физички лица и четири правни лица за кои постои основано сомнение дека сториле кривични дела против јавните финансии, платниот промет и стопанството и кривични дела против службената должност и против правниот сообраќај.

Македонија | пред 1 година

Јован Деспотовски осомничен дека како директор на ТИРЗ направил злоупотреби - објавени детали

Основното јавно обвинителство Скопје, постапувајќи по пријава од Управата за финансиска полиција, оформи предмет и поведе постапка против 8 лица поради основано сомневање дека како соизвршители сториле кривично дело – Злоупотреба на службената положба и овластување по член 353 став 4 во врска со став 1 од Кривичниот законик.Во текот на предистражната постапка која Управата за финансиска полиција ја водеше во координација и под раководство надлежниот јавен обвинител, се обезбедија докази дека во временскиот период 26.01-12.07.2022 година, првиот осомничен како службено лице – директор на Дирекцијата за технолошки индустриски развојни зони во Скопје, заедно со три службени лица задолжени за спроведување на управната контрола при Бирото за јавни набавки и уште четири лица од Државната комисија за жалби по јавни набавки, со неизвршување на нивната службена положба, му овозможиле на едно правно лице да прибави противправна имотна корист која надминува значителна вредност од 622.981.190 денари.Првиот осомничен, по претходно донесена одлука, објавил оглас за јавна набавка за изградба на основна внатрешна инфраструктура за ТИРЗ Штип и ТИРЗ Струмица. На објавениот оглас во предвидениот законски рок се јавиле два заинтересирани економски оператори кои доставиле понуди со предвидените критериуми. Една од компаниите понудила повисока цена, но драстично пократок рок на изведба на работите во календарски денови, врз основа на што таа била избрана за изведувач.Трите лица од Бирото за јавни набавки – Комисија за вршење управна контрола, не извршиле контрола на исполнетоста на условите од тендерската документација по однос на техничката и професионална способност за изведување на предвидените работи, како и по однос на рокот на изведба на работите како критериум за квалитет. Тие не ги увиделе неправилностите и до Дирекцијата за технолошки индустриски развојни зони Скопје, доставиле записник од извршена управна контрола со дадено мислење дека договорниот орган може да продолжи со постапката за јавна набавка.Вториот учесник во постапката поднел жалба до Државната комисија за жалби по јавни набавки, но таму претседателот и три члена го игнорирале доставениот стручен наод и мислење од вешто лице од областа на градежништвото кој бил основа за жалбените наводи, па донеле решение со кое жалбата на другиот економски оператор ја одбиле поради неоснованост. На тој начин Дирекцијата склучила договор со избраната фирма за изградба на основна внатрешна инфраструктура за ТИРЗ Штип и ТИРЗ Струмица со рок на изведба од 120 календарски дена од моментот на воведување во работа.Два месеца по почетокот на работите, осомничениот директор потпишал анекс-договор со кој ја зголемил вредноста на основниот договор за 84.688.628 денари или 19,77% од основниот договор и дополнително го продолжил првичниот рок за изведба на работите. По три месеци тој потпишал и втор анекс-договор со кој ја зголемил вредноста на основниот договор за дополнителни 34.921.240 денари и уште еднаш го продолжил рокот за изведба на работите.Кога фирмата не го испочитувала дадениот рок од 120 календарски дена за изведба, кој бил најважен услов за добивање на зделката, осомничениот директор не презел службени дејствија во насока на раскинување на Договорот за јавна набавка, активирање на доставените банкарски гаранции и наплата на договорна казна преку пенали за доцнењето при изведбата.Со неизвршување на нивната службена должност, осомничените придонеле правното лице да ја добие јавната набавка врз основа на нереално низок понуден рок за изведба кој фирмата не успеала да го реализира, а со значително повисока цена од нејзиниот конкурент, па на тој начин тие за правното лице прибавиле противправна имотна корист.Имајќи ги предвид известувањата од финансиските институции за моменталната финансиската состојба според кои правното лице застапувано од неговиот управител е краен корисник на противправната имотна корист прибавена со стореното кривично дело, надлежниот јавен обвинител до Основниот кривичен суд Скопје достави барање за привремено одземање на имот и предмети заради нивно обезбедување со цел идна конфискација.Со мерката, Основното јавно обвинителство Скопје предлага замрзнување – хипотека на недвижен имот во Карпош и Кисела Вода, забрана за располагање со средства од четири трансакциски сметки (три на физичко и една на правно лице), како и забрана за располагање со список подвижен имот во сопственост на правното лице (две патнички, осум товарни возила, кипери и градежна опрема).Освен ова, по предлог на јавниот обвинител, Судот му го одзеде пасошот на осомничениот кој во моментот на сторување на делото ја извршувал функцијата директор на Дирекцијата за технолошки индустриски развојни зони Скопје.

Македонија | пред 1 година

Обвинителство крева раменици за распит на Ахмети, сметаат дека они немаат што да го викаат, а МВР можат ако сакаат

Откако Али Ахмети застана во одбрана на бегалецот Артан Груби, а вицепремиерот Иџет Меџити побара лидерот на ДУИ да биде повикан на разговор - Обвинителството ја префрли топката. Тие сметаат дека тоа не треба да го прават, напротив, им посочуваат на МВР како институција која трага по Груби, да го викне Ахмети на разговор, ако сметаат дека треба.“Јавното обвинителство издаде наредби за распишување национална и меѓународна потерница за осомниченото лице.Домашните и меѓународните органи задолжени со извршување на тие наредби ги имаат сите овластувања да ги преземат сите неопходни дејствија за трагање по лицето, вклучително и да повикуваат и да вршат разговори со други лица кои би можеле да имаат некои сознанија за локацијата на која се наоѓа осомничениот”, велат од Обвинителство.

Македонија | пред 1 година

Дете прегазено во Тетово

На 29.12.2024 во 15.00 часот во СВР Тетово било пријавено дека на локален пат с.Сиричино кон с.Туденце, тетовско, патничко возило „опел“ со тетовски регистарски ознаки, управувано од Е.Д.(19) од с.Туденце, удрило во малолетен пешак.Во несреќата, пешакот се здобил со тешки телесни повреди, констатирани во Клиничка болница Тетово.Увид на местото извршила екипа од СВР Тетово.

Македонија | пред 1 година

14 казни: под лупа на инспекторите и месарниците во земјава

Приближно 620 килограми небезбедна храна од животинско потекло, нештетно уништија официјалните ветеринари на Агенцијата за храна и ветеринарство (АХВ) во рамки на спроведените 191 вонредни инспекциски надзори во изминативе две недели, во месарници, месарници со работилници и други специјализирани продавници за храна од животинско потекло.За ставање во промет на брзо замрзната храна која не е означена, незадоволување на хигиенските барања, односно неимплементирани процедури на Добра хигиенска и Добра производствена пракса, нецелосна декларација на производите, продажба на производи кои не се одобрени, неспроведени задолжителни здравствени прегледи за вработените, неподнесена пријава до АХВ за престанок на работа на објектот,официјалните ветеринари издадоа 29 решенија за отстранување на утврдените недоследности.Изречени се опомени на тројца оператори со храна, а 14 се парично казнети.

Македонија | пред 1 година

Ристовска треба да поднесе оставка, одлуката за Христовски ја поткопува довербата во ДКСК, вели СДСМ

„Државната комисија за спречување на корупција (ДКСК) со своите постапки треба да биде пример за одговорно и независно постапување и одлучување а не да остава сомнежи за својата работа“, вели СДСМ.„Последната скандалозна одлука за директорот на Агенцијата за национална безбедност, Бојан Христовски и сомнежите за судир на интереси во самата ДКСК фрлаат црна дамка на работата на комисијата и ја поткопува довербата во оваа важна институции.Сомнежите за судир на интереси кај членката на ДКСК, Цвета Ристовска, која истовремено била предавач на истиот Универзитет од каде што е спорната диплома на Христовски, како и фактите објавени во медиумите дека дипломата е стекната за само 1 година ја компромитира објективноста и независноста на одлуката.Од овие причини Цвета Ристовска треба да си поднесе оставка а Државната комисија за спречување корупција да ја повлече и да ја преиспита одлуката за директорот на АНБ.Дополнително, потребно е целосно расчистување на евентуалните неправилности во анализата на Државниот просветен инспекторат.Носители на функции во ДКСК мора да бидат пример за одговорност, интегритет и транспарентност. Судирите на интереси, манипулациите и злоупотребите мора да бидат санкционирани без исклучок. Само така може граѓаните да имаат доверба во оваа важна институција“, се вели во соопштението на СДСМ.

Македонија | пред 1 година

Лотарија функционирала како приватна фирма на Груби и ДУИ, СДС само молчеле на криминалот, вели ВМРО-ДПМНЕ

„Лотарија функционирала како приватна фирма на ДУИ, СДС само молчеле на криминалот. Со молчењето и прикривањето, СДС се соучесници на криминалот на Груби во Лотарија“, вели ВМРО-ДПМНЕ.„СДС со Филипче, веќе 20 дена не се оградуваат од Груби и го поддржуваат криминалот.Новото раководство од третиот и четвртиот ешалон на СДС, кои се деца на Заев, се само продолжена рака и поддржувачи на криминалите на нивниот ментор.Затоа во СДС нема ништо ново, туку се е како до сега.СДС се веќе прочитана приказна и нивното владеење со ДУИ заврши.ВМРО-ДПМНЕ не поддржува криминал и корупција и се бори против истото“, се наведува во соопштението на ВМРО-ДПМНЕ.

Македонија | пред 1 година

Кривична пријава против 12 македонски државјани и 1 странец, за 45 кривични дела поврзани со криумчарење луксузни возила како и фалсификување исправи и злоупотреба на службена положба

На 29.12.2024 врз основа на воспоставена криминалистичка контрола од страна на СВР Скопје- ЕВР Ѓорче Петров, во координација со Одделот за криминалистичка полиција, Единицата за брзо распоредување, Единицата за интервентна полиција, СВР Битола, ОВР Гевгелија и ОВР Неготино, а по издадени наредби од страна на судија за претходна постапка и јавен обвинител заради докажување на кривични дела поврзани со криминал со луксузни моторни возила, извршени се 10 претреси кај 10 лица, од кои седум се во Скопје, еден во Дојран, еден во Неготино и еден во Битола, при што се лишени од слобода шест лица: К.С., Н.П., М.С. и Д.И. од Скопје, В.Ц. од Стар Дојран и Н.Г. од Битола. За И.А., Д.М. и Ф.С. од Скопје и А.Т. од Неготино се преземаат мерки и активности за пронаоѓање.При претресите се пронајдени и одземени четери возила, разновидна службена документација, околу 32.500 евра и разни документи, купопродажни договори, пет германски регистарски таблички, околу 25 грама кокаин, лап топ компјутери, повеќе мемориски уреди, други предмети поврзани со кривичните дела. МВР според предходно одземени 5 ПМВ и сообрани материјални докази ќе поднесе Кривична пријава до ОЈО против 13 лица, од кои двајца се поранешни вработени во МВР, а еден е се уште вработен во МВР, каде во текот на ноќта и утрото лицата се изведени пред судија на предходна постапка.

Македонија | пред 1 година

Почина Џими Картер на 100 години: поранешен американски претседател и добитник на Нобеловата награда

Поранешниот американски претседател и добитник на Нобеловата награда за мир Џими Картер почина во неделата на 100-годишна возраст, јавуваат американските медиуми.Картер, демократ, беше 39-ти претседател на САД од 1977 до 1981 година. Џими Картер наполни 100 години во октомври и беше најстариот жив американски претседател на сите времиња.Поранешниот американски претседател Џими Картер почина на 100-годишна возраст, објави Atlanta Journal-Constitution.„Поранешниот претседател Џими Картер, човекот кој редефинира каков би можел да биде животот по претседателската функција, почина во неделата. Имаше 100 години“, се вели во материјалот.Сепак, добротворната фондација Џими Картер сѐ уште не ја потврди оваа информација.Според весникот The Washington Post, Картер починал во неделата во својот дом во Плејнс, во американската сојузна држава Џорџија, потврдил неговиот син Џејмс Е. Картер Трети.

Свет | пред 1 година

Милановиќ за малку ја испушти победата: Хрватска ќе го добие претседателот во вториот круг

Во вториот круг од претседателските избори влегоа актуелниот претседател на Хрватска Зоран Милановиќ кој го поддржа Социјалдемократската партија и Драган Приморац кој беше поддржан од Хрватската демократска заедница.Според привремените резултати на Државната изборна комисија, по обработени 98,85 отсто од избирачките места, Милановиќ добил 49,20, а Приморац 19,43 отсто од гласовите.За Милановиќ гласале 779.995 гласачи, а за Приморац 307.991 гласачи и таа разлика е многу поголема отколку што предвидуваа предизборните анкети.Марија Селак Распудиќ освои 9,21, Ивана Кекин 8,84, Томислав Јоњиќ 5,01, Миро Буљ 3,79, Бранка Лозо 2,41, а Нико Токиќ Картело 0,88 отсто од гласовите.Вториот круг од изборите ќе се одржи на 12 јануари.

Свет | пред 1 година

Ахмети го брани Груби: Не побегна, си зема одмор од папараците и јавноста

Лидерот на ДУИ, Али Ахмети, застана зад својот близок соработник иако како партија се оградија од Груби.За време на неговата посета на Косово, каде што учествуваше на прием организиран од Рамуш Харадинај за ветераните на ОВК, Ахмети изјави дека Груби, не побегнал од Македонија, туку се наоѓа на „албанските простори“.Според него, Груби е подготвен да се појави пред органите на правдата, но само пред судски процес кој не е „одмазднички или селективен“, како што посочил .Според Ахмети, товарот и стресот што го носи една ѕвезда како Артан Груби во Македонија е голем и повика на разбирање од јавноста.

Македонија | пред 1 година

Две години криумчареле луксузни автомобили: познати сите детали за акцијата

По спроведена претходна постапка и врз основа на обезбедените докази, Основното јавно обвинителство Скопје ќе поведе постапка против вкупно 10 лица за кои постои основано сомнение дека учествувале во дејствија криумчарење, фалсификување исправи и службени исправи, како и прикривање на стоки кои се предмет на криумчарење и царинска измама.Лицата во текот на 2021 и 2022 година, со лажни документи и преправени броеви на шасија, внесувале во земјава автомобили кои биле предмет на меѓународна потрага, како и автомобили за кои на друг начин ја избегнувале царинската контрола.Возилата тука ги регистрирале и еден дел по неколкупати меѓусебно си ги препродавале за да го прикријат криумчарењето, по што ги отуѓувале на крајни корисници.Меѓу осомничените се две службени лица – вработени во управни служби за регистрација на возилата.Еден од осомничените е државјанин на Република Грција и за него, со оглед на претходно воспоставената соработка меѓу Основното јавно обвинителство Скопје и грчките органи, кривичниот прогон ќе биде отстапен на Република Грција.

Македонија | пред 1 година

МВР за претресите: Им влегле на 10 лица, а им нашле кокаин, уреди, документи

Одделот за криминалистичка полиција, Одделот за сузбивање на организиран и сериозен криминал, СВР Скопје, ЕВР Ѓорче Петров, СВР Битола, ОВР Неготино и ОВР Гевгелија во координација со Основното јавно обвинителство Скопје, по наредба на судија на претходна постапка, преземаат дејствија за обезбедување докази во постапка за кривични дела поврзани со криумчарење луксузни автомобили од странство.Извршени се 10 претреси кај 10 лица на повеќе локации во Скопје, Неготино, Дојран и Битола.При претресите е пронајдена разновидна документација, околу 25 грама кокаин, лап топови, телефони и други предмети поврзани со кривичните дела.

Македонија | пред 1 година

(Фото) Од станицата во Ѓорче Петров координирана акцијата за луксузните автомобили

Македонската полиција работи и во недела.Министерот за внатрешни работи Панче Тошковски информираше дека утрово ги посетил полициските службеници во ЕВР Ѓорче Петров, каде одблиску се запознал со текот на акцијата што денеска се спроведува од страна на СВР Скопје во координација со Одделот за криминалистичка полиција.„Акцијата е насочена кон сузбивање на организирана криминална група која се занимава со криумчарење на скапи моторни возила, фалсификување исправи и злоупотреба на службена положба, за што утрово се вршеа претреси на повеќе локации.Продолжуваме со борба против сите облици на криминал, затоа што македонските граѓани заслужуваат да живеат во стабилна и безбедна држава“, додаде Тошковски.

Македонија | пред 1 година

Приведен син на поранешен функционер во МВР поради индиции дека учествувал во пробивање на акцијата во Арачиново

Приведен е син на поранешен висок функционер во Македонија. Лицето со иницијали Ќ.Б., е приведено поради сомневање за кривично дело „Оддавање службена тајна“.Тој е приведен поради индиции дека дошол до информации за акцијата која се спроведуваше во Арачиново, а потоа ги кажал на припадници на криминална група, за тие да избегаат.Според информации на „Скопје1“, индициите за лицето се дека тоа сторило кривично дело-оддавање на службена тајна, па затоа, одземен му е и телефонот. Се е спроведено во координација со Обвинителството.Сомневањата на полицијата се дека токму од ова лице, протекле информациите дека МВР влегува во Арачиново и Сингелиќ. Тоа се и причините за пробивање на акцијата. На десетина минути пред полицајците да влезат, неколку лица избегаа. Првичните информации се дека приврзаници на групата „Беланоца“ дознале детали, кои е можно да протекле од телефонот на синот на поранешниот висок функционер во министерството.

Македонија | пред 1 година

(Видео) Најмалку 151 лице загина во авионската несреќа во Јужна Кореа

Најмалку 151 лице загина денеска кога авион слета без тркала, се лизна од пистата и се запали откако удри во ѕид на меѓународниот аеродром Муан во Јужна Кореја, соопштија пожарникарите.Летот на Jeju Air 7C2216, кој доаѓал од главниот град на Тајланд, Бангкок со 181 патник и член на екипажот, се обидел да слета околу девет часот наутро по локално време на аеродромот на југот на земјата.Тоа е најтешката авионска несреќа на јужнокорејска авиокомпанија во последните 30 години.На видеата се гледа како боинг 737-800 со два мотори се лизга по пистата без опрема за слетување, удира во ѕид и експлодира во огромна огнена топка. Други фотографии покажуваат чад и оган околу делови од занаетот.Двајца членови на екипажот, маж и жена, се спасени од запалената опашка на авионот, изјави на прес-конференција шефот на противпожарната служба Ли Јунг-Хјун.

Свет | пред 1 година

Голема акција: Се претресува во пет града во Македонија, за криумчарење на луксузни автомобили

Акција за криумчарење на автомобили, од кои дел украдени и внесени во Македонија, се одвива во пет града. Припадници на МВР вршат претреси, а има и приведени лица. Според првичните информации, освен во Скопје, полицијата ја спроведува акцијата и во Битола, Неготино, Дојран, Гевгелија.„Под раководство на јавен обвинител од Основното јавно обвинителство Скопје од утрово се преземаат дејствија за обезбедување докази во постапка за кривични дела поврзани со криумчарење луксузни автомобили од странство. Надлежниот јавен обвинител од судијата на претходна постапка обезбеди наредби за претрес на повеќе локации во Скопје и други градови. Меѓу осомничените има и службени лица и еден странски државјанин.Претресите се спроведуваат од припадници на МВР, а за натамошниот тек на постапката и за конкретните дејствија за кои постојат сомненија дека ги сторило секое од инволвираните лица, обвинителството ќе информира по нивното завршување“, велат од Обвинителството.

Македонија | пред 1 година

ВЛЕН: ДУИ биле посветени на служба на Мијалков и Груевски

ВЛЕН, која за себе вели дека е надеж за Албанците во соопштение напипа дека во рок од еден месец, се срушила кулата изградена две децении со криминал и корупција.„Американскиот Стејт департмент го прогласи Артан Груби за нон грата, означувајќи го како непожелна личност. Мирисот на корупцијата им ги сруши нивните лажни шатори, но албанскиот јазик не беше засегнат.Бегството го гледаа како пат за спас. Откако ги избркаа граѓаните, дојде моментот да ги спакуваат куферите и да избегаат, први Груби и Бајрами, а другите со една нога се внатре, а со друга надвор од државата. На Рамиз Мерко му беше одземен пасошот. Гореа возила и локали, с сега започна горењето на партијата од корен“, стои во соопштението.Направени се милионски штети во Домот на културата велат од ВЛЕН, потоа корупција во Државната лотарија.„Најсериозното, чисто разоткривање дека вршеле валкана служба за криминалецот, Сашо Мијалков.Сериозен обид за враќање на Никола Груевски, преку конкретен и организиран план.Секоја минута што овие валкани слуги останале на власт предизвикала ненадоместливи штети за Албанците и за нашето национално достоинство. Тие, со целото свое битие, биле посветени на служба на Мијалков и Груевски“, велат од ВЛЕН.

Македонија | пред 1 година

Сончево со мала локална облачност - времето денеска

МИНИМАЛНИ ТЕМПЕРАТУРИ (во °С)-7 Маврови Анови, Берово, -5 Скопје-Петровец, Тетово, Битола, -4 Крива Паланка, Претор, Прилеп, Штип, Демир Капија, Струмица, Крушево, Попова Шапка, -3 Охрид, Виница, -2 Скопје-Зајчев Рид, Кавадарци, 0 Велес, 4 Гевгелија.ВИСИНА НА СНЕЖНА ПОКРИВКА во 07 часот (во сm)54 Маврови Анови, 52 Попова Шапка.ВРЕМЕТО ВО ТЕКОТ НА НОЌТА И ИЗУТРИНАВАВо текот на ноќта ведро и студено, а утрово е сончево со мала локална облачност. Дува слаб до умерен ветер од северозападен правец.ВРЕМЕТО ДЕНЕСКАСончево со мала локална облачност. Ќе дува слаб до умерен ветер од северозападен правец, поизразен долж Повардарието.Максималната температура ќе достигне од 4 до 11 степени.Во Скопје сончево со мала облачност и со слаб до умерен северен ветер. Максималната температура ќе достигне до 9 степени.

Свет | пред 1 година

Сведоци на авионска несреќа во Кореја: Чкрипење, серија експлозии, два обиди за слетување

Сведоци на смртоносната авионска несреќа во јужнокорејскиот југозападен регион Муан изјавија дека виделе пламен во моторот на авионот и слушнале повеќе експлозии пред инцидентот.Летот на Jeju Air излетал од пистата при слетување и удрил во ограда на меѓународниот аеродром Муан во округот Муан, околу 288 километри југозападно од Сеул, во 9:07 часот.Снимките прикажани на локалните телевизиски станици покажуваат како авионот се обидува да слета без спуштена опрема за слетување.41-годишниот Јо Јае Јонг, кој престојувал во изнајмена куќа во близина на аеродромот, рекол дека пред падот видел искра на десното крило на авионот.„Му кажував на моето семејство дека нешто не е во ред со авионот па слушнав силна експлозија“, рече Ју.Друг сведок, идентификуван само со презимето Чо, рече дека пешачел 4,5 километри од аеродромот кога се случила несреќата.„Го видов авионот како се спушта и помислив дека ќе слета кога забележав блесок на светлина“, рече Чо. „Потоа имаше силна експлозија, проследена со чад во воздухот, а потоа слушнав серија експлозии.Друг сведок, Ким Јонг-чеол (70), рече дека авионот не слетал при првиот обид и се вратил на вториот обид пред несреќата.Ким се присети дека двапати, околу пет минути пред несреќата, слушнала звук на „гребење метал“.Ким рече дека погледнал во небото и видел како авионот повторно полета по неуспешното слетување, пред да слушне „силна експлозија“ и да види „црн чад како се издига во воздухот“.Официјални лица веруваат дека неисправноста на опремата за слетување, најверојатно предизвикана од удар на јато птици, можеби ја предизвикала несреќата. Полицијата и противпожарните власти почнаа увид на лице место за да се утврдат точните причини.

Свет | пред 1 година

Најмалку 120 загинати во авионската несреќа: удар во птици можната причина да откаже опремата за слетување

Најмалку 120 луѓе загинаа во авионска несреќа што се случи кога Боинг слета на аеродромот Муан во Јужна Кореја.Летот на Jeju Air, со 181 патник, летал од Бангкок, Тајланд до Муан, кога излетал од пистата, удрил во ѕид и се запалил.Спасувачките тимови извлекоа двајца преживеани членови на екипажот од остатоците на Боингот 737, а потрагата продолжува.Опремата за слетување на Боинг 737-800 откажа, веројатно поради удар на птица, шпекулира новинската агенција Јонхап. Пилотот наводно не успеал да слета во првиот обид, па се обидел да го подигне авионот и да се обиде повторно.На фотографиите од јужнокорејските медиуми се гледаат остатоците од авионот во пламен и чад.Вршителот на должноста претседател Чои Сунг-мок наредил сите служби да се вклучат во спасувањето, соопшти неговата канцеларија.Портпаролот на Jeju Air изјави дека се уште собираат информации за несреќата. Аеродромот во меѓувреме ги откажа сите домашни и меѓународни летови, објави Јонхап.Боинг изрази сочувство до семејствата на жртвите. Американската управа за безбедност на воздухопловството не одговори веднаш на барањето на Ројтерс за коментар за несреќата.

Свет | пред 1 година

Претседателски избори во Хрватска, Милановиќ е фаворит

Во Хрватска во 7:00 часот почнаа осмиот избор за претседател на Републиката, за таа функција има осум кандидати, избирачките места се отворени од 7 до 19 часот.Покрај во Хрватска, претседател на Републиката се избира и во странство, во 38 земји, девет помалку од пред пет години, а право да го изберат имаат вкупно 3.762.224 гласачи.Според досегашните политички анкети фаворит е актуелниот претседател Зоран Милановиќ (58), кој повторно влезе во трката за нов петгодишен мандат како кандидат на опозициската Социјалдемократска партија (СДП) и партнер од централно-левичарските и централните партии, јавува новинската агенцијата Бета.Предизборните анкети предвидуваат дека Милановиќ во недела нема да може да освои повеќе од 50 отсто од гласовите кои излегле на гласање, што е неопходно за победа во првиот круг, но дека во вториот круг ќе се соочи со кандидатот на владејачката Хрватска демократска заедница (ХДЗ), Драган Приморац.

Свет | пред 1 година

ЈОРСМ: Коцевски е раководител на одделението за мета податоци и следење на комуникациите од 2023 година

Скопје1 побара одговори од ЈОРСМ дали по барање на државниот обвинител Љупчо Коцевски, кој претходно беше обвинител во тоа обвинителство бил следен Христијан Мицкоски, дали е запознаен со конкретниот случај како засегнат обвинител и дали со предметот кој го обелодени премиерот дека како опозиционер бил следен, ќе биде опфатен и обвинителот кој предложил вакви мерки до Врховен суд, од Службата за односи со јавност на ЈОРСМ го добивме следниот одговор:„Во периодот за кој се однесуваат наводите на Претседателот на Владата на РСМ, Јавниот обвинител на Република Северна Македонија се уште не бил избран за јавен обвинител во републичкото обвинителство ниту раководел со Одделението во ЈОРСМ за мета-податоци и следење на комуникациите. Од неговото назначување за раководител на ова одделение кон средината на 2023 година, обвинителот Коцевски оваа одговорна задача ја извршува во согласност со Уставот, законите и со максимално почитување на човековите слободи и права“, велат од Обвинителство.

Македонија | пред 1 година

Одземен пасошот на ексдиректорот на ТИРЗ, Јован Деспотовски, демантира дека бил приведен

Кривичниот суд го прифати предлогот на обвинителството и му го одзеде пасошот на поранешниот директор на ТИРЗ, Јован Деспотовски и му определи мерки за повремено јавување во судот.Претходно, обвинителството извести доставиле предлог до судот за одземање на патната исправа и обврска за повремено јавување како мерки на претпазливост за Деспотовски, за кого се води истрага за злоупотреба на службената положба.Од обвинителството соопштија дека се води истрага за злоупотреба на службената положба против едно лице поради основано сомневање за сторено кривично дело – Злоупотреба на службената положба и овластување, според член 353 од Кривичниот законик.Поранешниот директор на ТИРЗ, Јован Деспотовски, ги демантира тврдењата објавени во дел од медиумите дека бил приведен по налог на Управата за финансиска полиција (УФП). Според него, информацијата дека е приведен поради сомневање за проневера од два милиона евра е намерно дезинформирање на јавноста.„Во моментов, ги преземам сите потребни правни чекори за заштита на мојата чест и углед. Навистина очекувам медиумите да ја проверат точноста на информациите пред нивно објавување, со цел да избегнат понатамошно ширење дезинформации. Мојата достапност и за институциите и за медиумите досега е потврдена во пракса и ќе остане така и во иднина“ - вели Деспотовски.

Македонија | пред 1 година

Сиљановска-Давкова и министерот за правда разговараа за соработката во процесот на помилување

Претседателката Гордана Сиљановска-Давкова денеска оствари работна средба со министерот за правда, Игор Филков.Двајцата соговорници рaзговараа за соработката во процесот на помилувањето, но и за потребата од донесување на нов Закон за помилување.На средбата беа разменети аргументирани мислења за актуелните и претстојните реформи во правосудството.Претседателката Сиљановска-Давкова и министерот Филков се согласија да остваруваат редовни средби поврзани за нивните надлежности низ призма на правото и правдата.

Македонија | пред 1 година