ТОП

Таравари: Курти е еден од најомилените премиери за нас, кој мисли поинаку, ја сменил албанската ДНК со онаа од интерес

„Претседателот на Владата на Република Косово, Албин Курти е еден од најомилените премиери за нас и дефинитивно тој и премиерот на Република Албанија, Еди Рама се едни од најважните премиери во светот за сите Албанци и тоа е тоа“, напиша министерот за здравство Арбен Таравари на социјалните мрежи и додаде дека секој кој мисли поинаку ја сменил албанската ДНК со онаа од интерес.Претходно, лидерот на ДУИ, Али Ахмети и потпретседателот на таа партија, Бујар Османи ја осудија изјавата на косовскиот премиер Албин Курти за албанскиот јазик во Македонија, нарекувајќи ја „скандалозна“ и „штетна“.Османи појасни дека Курти ја поткопува точката од Охридскиот договор која регулира употреба на албанскиот јазик во Македонија, која е постигната преку измена на Уставот во 2001 година.Ахмети пак истакна дека Охридскиот договор е постигнат „со крвта на мачениците и е оживеан со најдобрите синови на ОВК кои го продолжија својот идеал во ДУИ“, „додека ДУИ е жива, во опозиција или на позиција, нема да толерираме да биде погоден Охридскиот договор“.

Македонија | пред 1 година

Договорот за Коридор 8 е криминален, ама ако се раскине ќе останеме и без пари, и без автопат, вели Мицкоски

Премиерот Христијан Мицкоски смета дека е касно за раскинување на договорот со „Бехтел и Енка“, за кој и натаму има став дека е криминален и антидржавен. Според него, треба да биде одговорен од позицијата која ја извршува, за да со платените пари, да се добие автопат.„Мојот став за тој коридор не е променет. Но како одговорен политичар не би дозовлил да одам чекор назад од тоа што е почнато. На тој начин освен што освен покрај авансот, имајќи во предвид тој антидржавен договор, ќе завршиме на арбитража која ќе ја изгубиме и така ќе платиме уште нови 350 милиони долари, а ќе дојдеме до цифра од една милијарда. И нема да имаме ни километар автопат. Затоа рековме, да засукаме ракави, да се задржиме во рамки на сумата и да го изградиме овој проект. Мојот став е ист“, вели Мицкоски.

Македонија | пред 1 година

Штрајк пред Град Скопје, нема плата во „Улици и патишта“ поради лошото менаџирање на Арсовска и Глигоров, најавија вработени во претпријатието

Вработени во јавното претпријатие „Улици и патишта“ најавуваат штрајк пред Град Скопје, бидејќи повторно немаат плата. Тие во соопштението до медиумите, посочуваат дека вината ја гледаат кај градоначалничката Данела Арсовска, старо-новиот секретар на Градот, Зоран Глигоров и разрешениот директор Ванчо Умленски.„Најавен штрајк пред Собранието на Град Скопје - повторно нема плата во ЈП Улици и патишта. Поради лошото менаџирање на двоецот Арсовска - Глигоров преку разрешениот директор Ванчо Умленски, претпријатието повторно како и минатиот месец има сериозни проблеми со исплата на личниот доход на вработените. Причините за ваквата состојба се следните: 1. Презадолжување на претпријатието кон добавувачи на материјали во износ од 240 милиони денари; 2. Не плаќање на долгот од страна на директорот, односно градоначалничката, т.е. селективно плаќање на фирми блиски до секретарот и градоначалничката; 3. Сметката е блокирана во износ од 10 милиони денари и извршни решенија во износ од 40 милиони денари кои ќе стапат на сила наредниов период; 4. Во претпријатието нема основни средства за работа како нафта, ризла, тампон, рабници. Причина за ова е не плаќањето на обврските кон добавувачите, а со тоа и испораката на материјалите; 5. Градежни машини и возила што поради погоре наведените причини се со дефекти и не се сервисираат со месеци; Вработените се принудени преку штрајк да го остварат своето право на личен доход и истиот ќе биде пред Собранието на Град Скопје кога вработените ќе дојдат со целата механизација. За почетокот на штрајкот ќе бидете дополнително информирани“, се вели во соопштението пратено до медиумите од вработени во ЈП „Улици и патишта“.„Скопје1“ побара став и од Град Скопје, односно Арсовска и Глигоров за тоа, зошто јавното претпријатие е доведено во ваква состојба, како ги коментираат најавите за штрајк, како и, зошто вработените се уште немаат плата, а сметката на претпријатието е блокирана. Оттаму, не очекуваме одговор бидејќи Град Скопје нема одговорено ни на претходни дваесетина дописи со новинарски прашања, а Арсовска се крие односно не се појавува на гостувања во „Претрес“.И во септември, вработените во Улици и патишта се жалеа дека не им била исплатена плата во рокот до 15-ти во месецот. По дописот во јавност за лошата состојба во претпријатието, Град Скопје ги негираше таквите наводи, па претпријатието исплати плати на вработените.

Скопје | пред 1 година

Во пожар во село Стримница изгоре маж

Регионалниот ЦУК Тетово, ја пренесува информацијата од Територијалната противпожарна единица (ТППЕ) Тетово дека во период од 23.34 до 02.45 часот после полноќ со 11 пожарникари и четири противпожарни возила гаснеле запалена куќа во село Стримница, општина Желино.Уште во текот на интервенцијата од ПС Групчин, конкретно во 00:19 часот дежурните известиле дека машкото лице на 90-годишна возраст го загубило животот во големиот пожар.Од страна на тетовските пожарникарите починатото лице е извадено од куќата и за настанот беа известени јавен обвинител и лекар по судска медицина за понатамошна постапка, а увид на местото на пожарот извршила екипа од СВР Тетово.РЦУК Скопје ја пренесува информацијата од Бригадата за противпожарна заштита БППЗ на Град Скопје дека во изминатото деноноќие имала две помали интервенции на отворен простор.

Македонија | пред 1 година

(Фото) Автобус на ЈСП се запали во Злокуќани при движење

Автобус на ЈСП се запалил во Злокуќани, а интервенирала и Противпожарната бригада. Ова се случило околу девет часот утрово, а за среќа, во автобусот во моментот, немало патници.Од страна на Бригадата за противпожарна заштита пожарот бил изгаснат. Повредени лица нема. Излезено било на местото на настанот од полициски службеници од СВР Скопје.Ова не е прв автобус на ЈСП во изминативе месеци што гори среде автобуски станици. Претходно ова се случи и кај Железничката станица, како и Бутел. Постојано има дефекти, а јавноста го памети случајот кога гума на автобус излета среде Партизанска кај Соборниот храм.„Скопје1“ во повеќе наврати бара одговори од директорот Драги Кушовски, поставен од Данела Арсовска, која е причината што вакви автобуси воопшто се пуштаат во сообраќај, но и чија е вината. Претходно, од Кушовски баравме и одговор кој ќе понесе одговороност при евентуална несреќа. Од него нема одговори.Истовремено, Арсовска бара нови автобуси, но не е јасно зошто не се сервисираат и постоечките, за да може нормално да се сообраќаат. Советниците се децидни дека автобуси мора да се набават согласно соодветна постапка, но тоа не е решение. Тие гледаат спас во нормалнизирање на сообраќајот со приватните превозници и автобусите на ЈСП.

Скопје | пред 1 година

Скопје шести најзагаден град во светот

Скопје го доби шестото место во рангот на градови со најзагаден воздух во светот, покажува сервисот „IQAir“ кој црпи податоци од мерни станици на сите светски метрополи. Според индексот на загаденост, воздухот не е здрав за вдишување, поркажува истиот сервис.Позагаден воздх има во пакистанскиот град Карачи и Сараево. Најзагаден град е Делхи во Индија и Каиро во Египет. На третото место е Лахор, уште еден град во Пакистан.

Скопје | пред 1 година

Реакција и од Ахмети: Додека ДУИ е жива, во опозиција или на позиција, нема да толерираме да биде погоден Охридскиот договор

Лидерот на ДУИ, Али Ахмети, реагираше на коментарите на премиерот на Косово, Албин Курти за Законот за јазиците.Ахмети истакна дека Охридскиот договор е постигнат „со крвта на мачениците и е оживеан со најдобрите синови на ОВК кои го продолжија својот идеал во ДУИ“, „додека ДУИ е жива, во опозиција или на позиција, нема да толерираме да биде погоден Охридскиот договор“.Како што објавува косовскиот „Бота сот“, ова Ахмети синоќа го говорел на средба со стотина симпатизери и членови на партијата во Бутел.

Македонија | пред 1 година

„Изјавата на Курти е скандалозна и штетна“: Османи ја осуди изјавата на косовскиот премиер за албанскиот јазик во Македонија

Потпретседателот на ДУИ, Бујар Османи, ја осуди изјавата на косовскиот премиер Албин Курти за албанскиот јазик во Македонија, нарекувајќи ја „скандалозна“ и „штетна“.Ова е ставот на Османи кон оценката на премиерот на Косово, Албин Курти, дека не станува збор за загрозување на употребата на албанскиот јазик во Северна Македонија.„Не, не е загрозено“, одговори Курти, на прашањето за оваа загриженост.„Има закон кој ја споменува бројката од 20%, но тој не е закон за албански, туку за употреба на јазиците. Од друга страна, сметам дека сите таму треба да чекаме правична одлука на Уставниот суд, кој не прави ниту исклучоци, ниту дискриминација и кој таму ја почитува повеќејазичноста“, рече Курти.„Во Република Северна Македонија не може да се каже дека албанскиот бил официјален јазик и сега е загрозен“, додаде тој.Османи појасни дека Курти ја поткопува точката од Охридскиот договор која регулира употреба на албанскиот јазик во Македонија, која е постигната преку измена на Уставот во 2001 година.Според Османи, македонската страна сметала дека албанскиот јазик треба да биде официјален само во општините со над 20% Албанци, додека албанскиот јазик на сите нивоа е изедначен со македонскиот.Османи ја поврза изјавата на Курти со антиалбанската политика што, како што тврди, доминира во Македонија, и предупреди дека ова ја поткопува функционалноста на мултиетничката демократија во земјата.

Македонија | пред 1 година

По 7 години урнисана економија од СДС и ДУИ предлог буџетот за 2025 година ги интегрира најсуштинските потреби на граѓаните, велат од ВМРО-ДПМНЕ

„По 7 години урнисана економија од СДС и ДУИ предлог буџетот за 2025 година ги интегрира најсуштинските потреби на граѓаните. По 7 години отсуство на развоен концепт и стратешко планирање предлог буџетот за 2025 претставува концепт и суштинска промена во водењето на јавните финансии“, велат од ВМРО-ДПМНЕ.„Владата со буџетот за 2025 одвојува над 25% повеќе средства од тоа што владата на СДС и ДУИ имаа предвидено за 2024 година. Со буџетот за 2025 година кој е предложен од Владата до Собранието се одвојуваат 7.5 милијарди денари за здравството, во споредба со 5.9 за оваа година.Владата на ВМРО-ДПМНЕ го реализира ветеното и инвестира во здравството и подобрување на условите во здравството.Со буџетот за 2025 година ќе има повеќе средства за набавка на медицинска опрема за потребите на јавните здравствени установи, изградба, реконструкција и доградба на објектите во јавните здравствени установи.Владата на ВМРО-ДПМНЕ вложува во реконструкции на следните ЈЗУ: Општа болница Кичево, Специјална болница за ортопедија и трауматологија „Св. Еразмо“ - Охрид и Клиника за хируршки болести „Св. Наум Охридски“ – Скопје.Исто така предвидено е да продолжи изградбата на Клиничката болница во Штип, проект кој беше и предизборно ветување на ВМРО-ДПМНЕ.Со буџетот за 2025 година се планираат и средства за градежни активности и реконструкции во Здравствен дом Скопје, Kлиниката за психијатрија и други установи.ВМРО-ДПМНЕ ги реализира ветувањата и вложува во суштински реформи и промени во здравството каде пациентите и граѓаните се на прво место.ВМРО-ДПМНЕ работи на трансформација на здравството во Македонија“, соопшти ВМРО-ДПМНЕ.

Македонија | пред 1 година

Без вода дел од Центар, Гази Баба и Сопиште

ЈП Водовод и канализација денеска ќе започне со чистење и хлорирање на десната комора од резервоар Припор 2. Активностите ќе отпочнат во периодот од 08:00, а можно е да има мал прекин на водоснабдување општина Сопиште.Денеска поради уличен дефект на водоводен цевка Ф 5/4“на улица Јани Лукровски 9-2., прекинато водоснабдување ќе имаат корисниците од улицата Јани Лукровски. Водоснабдувањето ќе биде прекинато од 08:30 часот до завршување со работните активности во општина Гази Баба.Поради изведување на водоводен приклучок ф100мм на улица МаџирМаало бр.15 (населба Маџир Маало – Центар), денеска прекинато водоснабдување од 10:00 часот ќе имаат дел од корисниците на ул.Охридска (потегот од ул.Петричка до ул. Ѓуро Ѓоновиќ) до завршуање со работните активности. општина Центар

Скопје | пред 1 година

Мицкоски увезува, граѓаните плаќаат - Нови 10 милиони евра за скапа струја, велат од СДСМ

„СДСМ ја осудува неспособноста на владата предводена од Христијан Мицкоски да обезбеди стабилен и одржлив енергетски систем. Наместо да се вложува во зголемување на домашното производство на електрична енергија, власта повторно увезува скапа струја. Само за овој месец, граѓаните ќе платат дополнителни 10 милиони евра, а за последните три месеци вкупната сума за увоз надмина 20 милиони евра“, велат од СДСМ.„Ваквиот трошок директно го плаќаат граѓаните, кои веќе страдаат од високите сметки за електрична енергија. Ова е директен резултат на неспособноста на власта да управува со нашите најголеми енергетски капацитети.РЕК Битола, најголемиот домашен енергетски капацитет, долг период не работеше, а сега функционира само делумно, бидејќи ремонтот кој требаше да биде завршен одамна сè уште трае. Дополнително, хидропотенцијалите, кои би требало да обезбедат значителна количина енергија, работат само со 13% од својата акумулирана енергија, што е далеку под просечниот капацитет.Оваа влада е неспособна да ги реши енергетските проблеми и на граѓаните им остава само долгови и скапи сметки. Наместо одговорна енергетска политика и инвестиции во обновливи извори и зголемување на домашното производство, добиваме хаос, скапа струја и хронична негрижа.СДСМ повикува на одговорност од владата предводена од Мицкоски. Граѓаните не смеат да бидат тие што ќе го плаќаат цената за неспособноста на оваа власт. Потребна е итна реорганизација и инвестиции во домашното производство на електрична енергија. Граѓаните заслужуваат стабилен и ефикасен енергетски систем, а не хаос и долгови“, соопшти СДСМ.

Македонија | пред 1 година

(Видео) Мециновиќ: Мицкоски излажа за Чебрен и продолжува со приватните интереси

Пратеникот од Левица, Амар Мециновиќ, критикувајќи го Предлог-буџетот за 2025 година, ја потенцираше важноста на проектот Чебрен како единствениот одговор за енергетската стабилност. Тој истакна дека, иако во предизборието го најавуваа, сега, ВМРО - ДПМНЕ за 2025 година не предвидуваат да насочат ниту денар за енергетска независност.„ДПМНЕ направи ново Министерство за енергетика. Некој би рекол дека ова е приоритет на ДПМНЕ, дека со отворање на ова Министерство за енергетика, сака да ја зголеми енергетскатанезависноста на државата, но, ако видиме меѓу редови, дека припадниците на оваа Влада се претставници на приватниот енергетски интерес, па да не кажам енергетска мафија, и ако видиме како им е конципиран Буџетот - тоа значи дека Министерството за енергетика е создадено само за приватниот енергетски интерес.“ – заклучи пратеникот Мециновиќ.„Од друга страна, имаме зголемување, на средствата за вооружување и за НАТО, за 2 милијарди дополнителни денари, и ние сме веќе блиску до таа препорачана стапка од 2% за трошење за НАТО, т.е. рекет за НАТО. А за 2026, Мисајловски и Мицкоски пак, предвидуваат дуплирање на таа цифра! Зошто една од најсиромашните држави сака да ја надмине стапката од препорачани 2%, кога покадарни држави не се приближуваат до таа стапка, туку ги приоритизираат социјалните и сите цели кои служат за вдахнување живот во капацитетите на државата?!“ – праша тој.Мециновиќ потсети на 1991 година и кажа дека Македонија тогаш преживеа без сопствена полиција, војска и парична валута – затоа што имала независен енергетски систем, а денес, таа независност е потполно уништена.„Ситуацијата дополнително се комплицира со тоа што ТЕЦ Неготино сѐ уште работи на мазут, со тоа што е еколошки и економски неодржливо; РЕК Битола за време на енергетската криза во 2022 година, еден од реакторите се испостави дека 365 дена бил во квар и еден ден само работел. И наместо да се свртиме кон развивање на сопствените енергетски капацитети, а одговорот е очигледен, тоа е Чебрен на Црна река - ние не гледаме дека оваа Влада воопшто има ваков план.“ – продолжи пратеникот од Левица.„Има едно 10 изјави од Мицкоски за Чебрен, како и за многу работи во неговата политичка кариера... И сега? Каде е приоритетот за Чебрен? Дајте да почнеме барем со првата од десетгодишната фаза. Нема ништо! Затоа што не е приоритет развивање на независноста на енергетскиот систем на Македонија, туку приоритет е Мицкоски со неговите хидроцентрали, со неговите пријатели и Владата наполнета со неговите партнери од времето на неговиот ангажман во енергетскиот сектор. Наместо Чебрен, ние ќе добиеме приватен интерес и дополнителна корозија на енергетскиот систем“ – кажа Мециновиќ којшто поднесе и амандман кон Предлог-буџетот со цел да се пристапи кон изградба на хидроцентралата Чебрен.„Сите државни елементи во овој цел систем се во долг! АД Електрани се во долг, неплатен долг од 4,4 милијарди денари и недоспеан долг во висина од 5,7 милијарди денари. Што значи вкупен долг од 10 милијарди денари или околу 165 милиони евра. Од друга страна, ЕСМ за производство на топлинска енергија има вкупен доспеан и недоспеан долг од над 510 милиони денари. А во контраст на ова, приватните енергетски компании како ЕВН Македонија, во 2023 година имаат добивка од 28 милиони евра, што претставува раст од 546% споредено со 2022 година!“, акцентираше Мециновиќ на комисиската седница.„Приватните компании во овој систем, ги искасапија нашите граѓани. Дури има статистика дека со мрежарината што ја воведе Регулаторната комисија, која е околу 150-200 денари месечно - никој од нас една сијалица да не запали во Македонија, за 8 години ЕВН ќе направи профит од 200 милиони евра т.е. онолку колку му требаше да го купи делот од ЕСМ“. Мециновиќ објасни и дека, иако велеа дека нема, сепак, околу Нова година ќе следи покачување на цената на струјата.„Заклучокот е дека енергетската криза со која се соочуваме не е само резултат на глобални трендови, туку и на нашиот сопствен недостаток на стратешко планирање и поставување на луѓе со мафијашки интереси на позиции. Абе не може цело време Украина да ни е крива за сѐ, кога ние во Буџетот не предвидуваме средства за Чебрен. Крива ни е, очигледно, нашата политичка гарнитура и консталација која со децении не може да одговори на потребите на граѓаните“, додаде пратеникот од Левица.

Македонија | пред 1 година

(Видео) Протест пред канцелариите на Арсовска поради проблемите со јавниот превоз

Протест пред канцелариите на Данела Арсовска поради проблемите со јавниот превоз, најави Курто Дудуш, градоначалник на Шутка.„Секој ден се соочуваме со проблем, со немање јавен превоз, со саати чекање на автобуски станици. Нема да дозволиме на ова ладно време, на минусни температури, нашите жени, деца и стари да чекаат по два, три саати да чекаат автобус и тоа да биде како на лотарија - ќе дојде или нема да дојде“, рече градоначалникот на Шутка, Курто Дудуш.Како што најави Дудуш, мирниот протест ќе се одржи в петок од 13 часот.

Скопје | пред 1 година

Советот на јавни обвинители гласаше за суспензија на шефот на вишото обвинителство Хајрулахи

Советот на јавни обвинители донесе одлука за суспензија на вишиот обвинител Мустафа Хајрулахи. За одлуката гласаа седум члена на Советот.Советот на јавни обвинители со ова го потврди решението на републичкиот јавен обвинител Љупчо Коцевски за оддалечување од функцијата на вишиот јавен обвинител Мустафа Хајрулахи. Дополнително, Советот ја одби како неоснована жалбата на Хајрулахи.„Се потврдува одлуката со која вишиот јавен обвинител Мустафа Хајрулахи се оддалечува од функцијата вршење јавен обвинител за време додека трае кривичната постапка. Да се потврди решението, а жалбата да се одбие како неоснована“, рече претседателката на Советот, Душица Димитриевска.Против гласаше членот Кети Петкова, за која одлуката за суспендирање на Хајрулахи треба да се преиначи, бидејќи, како што оцени, со неа републичкиот јавен обвинител го крши Законот за јавно обвинителство и задира директно во правата и самостојноста на јавните обвинители.Во меѓувреме, од Советот на јавните обвинители го чекаат мислењето на Коцевски, за да можат потоа да постапуваат по пријавата на двајцата обвинители Хајрулахи и Јован Цветановки за наводите дека републичкиот обвинител им вршел притисок за случајот со бонусите на екс обвинителите од СЈО.

Македонија | пред 1 година

Директорот го украл ехо апаратот во болницата во Кичево

ОВР Кичево поднесе кривична пријава против 49-годишниот С.Т. од Кичево поради постоење основи на сомнение за сторено кривично дело „проневера во службата“.Тој, во периодот од 08.07.2021 до 07.08.2024, во својство на директор на ЈЗУ Општа болница- Кичево, со намера да се стекне со противправна имотна корист, неовластено присвоил ехо апарат M9 Mindray, кој му бил доверен во службата, како донација од Министерство за труд и социјална политика во вредност од 2.134.482 денари.

Македонија | пред 1 година

„Голем срам за градот е да не можат да обезбедат нафта, не е само да седнете во фотелја, треба и да се работи“, велат од Независниот синдикат на ЈСП

Според Африм Муча од независниот синдикат на ЈСП, јавното претпријатие се уште е без нафта. Од таму велат ова е голем срам за градот.„Се уште не е дојдена нафта од двете автобази. Со нафтата имаме проблем последните три месеци, а можеби и повеќе, последните 6 месеци. Секој ден кубуриме за нафта. И затоа денеска и мене ми се јавија патници, прашуваа. Не знам што се случува. За мене ова е голема неспособност, дали од градоначалничката, дали од директорите, јас мислам дека е од двете страни“, рече Африм Муча од независниот синдикат на ЈСП.„Да не можат обезбедат нафта, тоа е голем срам, голем срам за нив. Не е само да седнете во фотелја, да бидете градоначалник или да бидете директор на некое јавно претпријатие, туку да се работи, како што бараат од вработените возачи кои работат на овие услови без парно, без ништо“, изјави Африм Муча од независниот синдикат на ЈСП.

Скопје | пред 1 година

Со нож избодел двајца малолетници: побаран притвор за 15-годишник

Јавен обвинител од Основното јавно обвинителство Скопје до судијата за деца при Основниот кривичен суд – Скопје поднесе Барање за поведување подготвителна постапка против дете во судир со законот родено 2009 година за кое постои основано сомнение дека извршило дејствија кои со закон се предвидени како кривично дело – Насилство од член 386 став 3 во врска со став 1 од Кривичниот законик.На 25 октомври, детето заедно со други непознати лица, започнале разговор со малолетник, но набрзо потоа без особен повод започнале да го удираат со тврди предмети. Детето во судир со законот извадило нож и ја прободело жртвата во натколеницата.На 13 ноември, во автобус на ЈСП Скопје, тој, во група со уште три непознати лица, извршил грубо насилство и нанел телесна повреда – убоди со нож во главата на 15-годишник, со што кај останатите патници предизвикал чувство на несигурност, загрозување и страв.Јавниот обвинител до судијата за деца достави и предлог за определување мерка притвор за детето во судир со законот.

Македонија | пред 1 година

„Проклети да сте, имбецили, не чека Трета светска војна“: Пристигнаа реакциите на Кремљ, одлуката на Бајден ја коментираше и синот на Трамп

Откако американскиот Њујорк тајмс објави информација за тоа како американскиот претседател Џо Бајден ги овластил Украинците да користат ATACMS за длабоки удари на руска територија, доаѓаат реакции.Ако западните земји навистина и дозволија на Украина да нападне со оружје со долг дострел на територијата на Русија, тогаш тоа значи нова рунда на тензии, изјави портпаролот на Кремљ, Дмитриј Песков.„Посветивме внимание на медиумските извештаи“, рече Песков и нагласи дека тие не се повикуваат на никакви официјални извори.„Позицијата на руската страна беше формулирана сосема јасно и недвосмислено од претседателот на Русија, Владимир Путин“, рече Песков.Путин веќе коментираше за потенцијалното давање дозвола на Киев да користи оружје со долг дострел за напади на руска територија, изјави официјалниот претставник на руското Министерство за надворешни работи, Марија Захарова.„Претседателот веќе кажа се за ова прашање“, рече Захарова.Давањето дозвола на Киев да користи оружје со долг дострел ќе ја промени самата суштина, природата на конфликтот, рече рускиот претседател Владимир Путин во септември 2024 година.„Ќе донесеме соодветни одлуки врз основа на заканите што ќе ни бидат создадени“, изјави тогаш рускиот претседател.„Се работи за донесување одлука дали земјите од НАТО се директно вклучени во воен конфликт или не“, посочи тој.Синот на Трамп: Проклети да сте, имбецилиЛуѓето блиски до новоизбраниот претседател на САД, Доналд Трамп, ја коментираа и одлуката.Илон Маск, кој во мандатот на Трамп ќе го води Одделот за ефикасност на американската администрација, се вклучи во дискусијата на социјалната мрежа X. На статусите во кои се наведува дека „либералите ја сакаат војната“, Маск напиша „вистина“.Одлуката на администрацијата на Бајден ја коментираше и синот на Доналд Трамп, кој остро го критикуваше овој потег.„Се чини дека воено-индустрискиот комплекс сака да се увери дека Третата светска војна ќе започне пред татко ми да добие шанса да создаде мир и да спаси животи. Проклети да сте, имбецили“, рече Доналд Трамп Џуниор.Кина: Додаваат масло на огнотМеѓу првите земји кои реагираа беше Кина.„Кина се противи на какви било чекори кои би можеле да доведат до ескалација на украинскиот конфликт и зголемување на тензиите. Позицијата на Кина за украинската криза е конзистентна и јасна. „Кина е посветена на унапредување на мировните преговори и се спротивставува на какви било чекори што би можеле да доведат до зголемување на тензиите и ескалација на ситуацијата во регионот“, изјавија тие. Тие порачаа и дека овој потег не придонесува за намалување на тензиите, пренесува Klix.ba.„Наместо да долеваат масло на огнот и да поттикнуваат конфликти, релевантните страни треба да се стремат да создадат услови за политичко решение на украинската криза преку дијалог и преговори“, беше соопштено.Одлуката ја коментираше и претседателот на Венецуела Николас Мадуро. „Владите на САД, Франција и Велика Британија одобрија употреба на ракети со долг дострел за напад на нашата сестра Русија. „Американскиот империјализам влезе во фаза на лудило и одмазда“, рече Мадуро.

Свет | пред 1 година

Мицкоски оди во Косово на меѓувладина седница, ќе се потпишат и протоколи и меморандуми за соработка

Денеска во Приштина ќе се одржи меѓувладина седница помеѓу Владата на Република Северна Македонија и Владата на Република Косово.За 10:30 часот е најавено пристигнувањето на косовската и македонската делегација, по што следува пречекот на македонскиот премиер Христијан Мицкоски од страна на косовскиот премиер Албин Курти.Предвидено е пред почетокот на меѓувладината седница, односно од 11:20 часот да се одржи тет-а-тет средба помеѓу премиерот Христијан Мицкоски и премиерот на Владата на Косово, Албин Курти, како и тет-а-тет средби помеѓу министрите од двете Влади.Во 12:00 часот ќе се одржи меѓувладината седница, по чие завршување ќе се потпишат протоколи и меморандуми за соработка во три области.Првиот е меморандум за енергетика, рударство и минерални суровини каде се дефинираат иницијативи за соработка во полето на енергетиката, гас, јаглен, електрична енергија и на релевантни инфраструктурни проекти за интерконекција за гас и други проектни иницијативи, како и иницирање соработка за испитување на можноста за развој на нова директна врска за гас Република Косово-Република Северна Македонија.Вториот е информација за склучување на Протокол помеѓу Владите на Република Северна Македонија и Република Косово за спроведување на Договорот за заеднички гранични премини „Блаце - Елез Хан“ и „Јажинце-Глобочица“. Со овој протокол се регулира начинот на проверки и царинска контрола, инфраструктурата на заедничките гранични точки, меѓусебно поврзување на системите на гранично управување, и начинот на одржување на објектите.Третиот документ кој ќе се потпише е меморандум за разбирање и соработка меѓу Министерството за образование и наука на Северна Македонија и Министерството за образование, наука, технологија и иновации на Косово. Страните се согласни да работат заедно со цел подигање на квалитетот во стручното образование и обука и во образованието на возрасните во двете држави, имајќи ги предвид законските прописи на двете држави, со кои се уредува нивната работа. Страните со меморандумот се согласни за размена на искуства за стручното образование и обука, вклучително размена на информации за начинот на функционирање на регионалните центри за стручно образование и обука.Во 13:45 часот ќе одржи заедничка прес-конференција на претседателот на Владата на Република Северна Македонија Мицкоски и претседателот на Владата на Република Косово, Курти.

Македонија | пред 1 година

Захарова за дозволата на САД, Украина да користи американски ракети со долг дострел

Американскиот претседател Џо Бајден и даде дозвола на Украина да користи американски ракети со долг дострел за цели на руска територија. Белата куќа и Пентагон се уште не ги потврдија овие наводи.Портпаролката на Министерството за надворешни работи на Русија, Марија Захарова денеска не сакаше да ги коментира написите во медиумите. Претседателот Владимир Путин веќе кажа сè за тоа, рече Захарова.Зборувајќи за можноста Украина да користи западно оружје за цели на руска територија, Путин во септември рече дека поместувањето на војната понатаму на исток нема да биде крај, „бидејќи војната ќе стигне до Западот“.

Свет | пред 1 година

Снег ќе го покрие речиси целиот Балкан, a од среда и Македонија, најавува метео-прогнозер

„Почнувајќи од 20 Ноември (среда) целиот Балкански Полуостров, вклучувајќи ја и нашата Македонија ќе бидат зафатени од моќен циклон кој ќе биде со центар токму над Балканот, но и над Италија и истиот ќе условува обилни врнежи, најпрвин од дожд, а потоа од снег“, најавува метео-прогнозерот Славчо Попоски и додава:„Сето ова ќе биде проследено со бурен ветер, кој понекаде ќе достигнува брзина од над 80/90 км/час, локално и со брзина дури и од над 100 км/час.Снег ќе го поркие речиси целиот Балкан следната седмица, а што се однесува до Македонија, истиот ќе го има особено на повисоките места и на планините, но од средината на седмицата, поточно од четврток 21.11.2024 повремен снег ќе има понекаде и на пониските места, особено во западните и во северните предели. Можно е помало формирање на снежна покривка и во пониските места во Македонија.Во следните мои метео објави следува нова и по потреба обновена метео анализа токму околу оваа огромна промена на времето која не очекува во текот на новата седмица“.

Свет | пред 1 година

Град Скопје вети редовен превоз од ЈСП од утрово, а се пожали и на притисоци - претходно имаше поплаки

Во текот на викендов, жители на Скопје се жалеа на нередовниот јавен превоз. Покрај автобусите на приватните превозници кои не возат поради нереализирани барања од Град Скопје, корисници на јавен превоз посочуваа дека ниту ЈСП не вози според возниот ред. „Скопје1“ побара одговори за овие случувања од директорот Драги Кушовски, поставен од Данела Арсовска, но не доби одговори.Сепак, од Град Скопје, вчера, доцна вечерта пред полноќ, известија дека имало притисоци, без да посочат какви и од кого. Потоа додадоа дека превозот од утрово ќе биде редовен.„Ве известуваме дека и покрај сите притисоци, од утре ЈСП ќе сообраќа редовно и во полн капацитет“, се вели во кусото соопштение од Град Скопје предводен од Арсовска.Ова соопштение дојде откако претходно имаше низа јавни критики.„Скопје1“ побара одговори од директорот на ЈСП, Драги Кушовски, поставен од Данела Арсовска, уште во саботата. Бидејќи граѓани се жалеа дека нема автобус на линијата 66, цел ден, зошто е тоа така? Притоа, прашавме дали се точни информациите дека ЈСП снемува нафтени деривати, како и дали се точни информациите дека се префрла нафта од автобус во автобус за да можат дел од линиите да имаат возила. На ова нема одговор, како и на прашањето дали се користат резервите и каква е состојбата во тој дел.

Скопје | пред 1 година

„Покрај притисоците, ЈСП ќе се сообраќа редовно и со полн капацитет“ велат од Град Скопје, а по жестоките реакции во јавност

Од Град Скопје, без објаснувања, испратија соопштение во кое тврдат дека од утре автобусите на ЈСП ќе возат во полн капацитет. Тие посочуваат дека имало притисоци и дека без разлика на истите, ќе продолжат со работа. Но од Град Скопје, нема никакво објаснување на каков притисок мислат и кој го правел.„Почитувани, Ве известуваме дека и покрај сите притисоци, од утре ЈСП ќе сообраќа редовно и во полн капацитет“, се вели во краткото соопштение на Град Скопје.Викендов, имаше куп поплаки од граѓани за автобуси кои не се сообраќале на редовните линии.Имаше и јавни објавни на социјалните мрежи во кои се повикуваше итно да се преземе нешто со превозот, во спротивно се најавуваше протест.

Скопје | пред 1 година

Америка и дозволи на Украина да напаѓа длабоко во Русија, она што очајно го бараа со месеци

Американскиот претседател во заминување Џо Бајден им дозволи на Украинците да го направат она што очајно го бараа со месеци - да напаѓаат цели длабоко во Русија со западни ракети со долг дострел.Ова за Ројтерс го потврдија три извори запознаени со одлуката. Ова е значајна промена во политиката на САД во украинско-рускиот конфликт. Украина планира да ги изврши првите напади со долг дострел во наредните денови, велат изворите. Се очекува првите напади да бидат изведени во руската област Курск, каде што Русите и Севернокорејците ги напаѓаат елитните бригади на Украина.Како што објави „Фигаро“, веднаш по САД, Велика Британија и Франција донесоа одлука со која им дозволија на Украинците да напаѓаат цели длабоко во Русија со западните ракети со долг дострел SCALP и Storm Shadow.

Свет | пред 1 година

Сејдини останува прв човек на ФФМ до 22 декември, кога ќе се бира неговиот наследник

„По 7 извонредни години исполнети со историски достигнувања, решив да се повлечам од позицијата претседател на Фудбалската федерација на Македонија. Оваа одлука е резултат на моето размислување дека дојде момент за промена, по период што ќе остане запаметен како најуспешен во историјата на нашиот фудбал“, објави досегашниот претседател на ФФМ, Мухамед Сејдини и додаде:Заедно со вас, напишавме златни страници за македонскиот фудбал: историското учество на Европското првенство ЕУРО 2020, второто место во квалификациската група за Светското првенство и незаборавната победа над Италија во Палермо, успесите во Лигата на нации со премин во Лига Б и реализацијата на бројни инфраструктурни проекти во соработка со УЕФА и ФИФА. Ја напуштам оваа позиција со гордост и огромна благодарност до сите кои придонесоа за овие успеси: фудбалерите, селекторите, клубовите, инвеститорите, администрацијата, Управниот Одбор и секој љубител на фудбалот.Јас ќе продолжам да ја извршувам својата улога до 22 декември, кога на Вонредно Собрание ќе биде избран мојот наследник.Со целосна верба во иднината на Федерацијата и македонскиот фудбал, од срце ви благодарам за поддршката и соработката во изминатите години“.

Скопје | пред 1 година