ТОП

Казна од 45 евра за непоседување на зимска опрема во возилата

Од 15-ти ноември 2024 година стапува на сила обврската за задолжително поседување на пропишана зимска опрема во моторните возила и мобилните машини. Доколку не се почитуваат правилата за користење и носење зимска опрема во возилата, кои се предвидени во Законот за безбедност на патниот сообраќај, согласно истиот, на секој возач кој постапува спротивно на одредбите ќе му биде издаден платен налог со глоба во износ од 45 евра во денарска противредност, односно ќе му се регистрираат 25 негативни бодови.Според законските одредби и Правилникот задолжителна зимска опрема, моторните возила со најголема дозволена маса која не надминува 3.500 килограми треба да поседуваат зимски пневматици на сите тркала со минимална длабочина на шарата од 4мм или доколку возилото поседува летни пневматици со минимална длабочина на шарата од 4мм да поседува синџири за снег кои одговараат на големината на погонските тркала.Моторните возила со погон на сите тркала (4х4) треба да поседуваат зимски пневматици на сите тркала со минимална длабочина на шарата од 6мм или летни пневматици со минимална длабочина од 4мм доколку возилото поседува синџири за снег најмалку за задната осовина, во случај кога возилото има постојан погон на сите тркала или синџири за снег најмалку за погонските тркала кога возилото има преклопив погон.Возилата кои имаат маса над 3.500 кг треба да имаат зимски пневматици на сите тркала со минимална длабочина на шарата од 6мм или доколку возилото има летни пневматици со минимална длабочина на шарата од 4мм, да поседува синџири за снег соодветни на големината на пневматиците. Автобусите и товарните возила кои не можат да постават синџири на тркалата задолжително треба да поседуваат зимски пневматици на погонските тркала како и прирачен алат.

Македонија | пред 1 година

Што значи ова за Москва? Ким Џонг-ун издаде вонредна наредба: Сакам масовно производство!

Севернокорејскиот лидер Ким Џонг-ун го надгледуваше тестирањето на „самоубиствените“ беспилотни летала и нареди масовно производство на оружјето, велејќи дека воведувањето на такви беспилотни летала ширум светот бара итно ажурирање на воената теорија, објавија во петокот јужнокорејските државни медиуми.Ким претходно го надгледуваше тестирањето на самоубиствените беспилотни летала, поради брзиот развој на воената соработка со Русија, што отвора прашања дали добил техничка помош од Москва за нивниот развој. Познато и како летечка муниција, таквото оружје нашироко се користи во војната во Украина, како и на Блискиот Исток.„Ким ја нагласи потребата да се изгради систем за масовно производство што е можно поскоро и да се влезе во целосни масовно производство“, објави државната новинска агенција КЦНА.

Свет | пред 1 година

(Видео) „Сложни попови и во петок мрсат“: Моника Зајкова не е за намалување на функционерските плати - судри аргументи

Сложни попови и во петок мрсат или молк за 78% покачена плата за функционери. Пратеничката и лидерка на ЛДП, Моника Зајкова не е за намалување на платите. Си има свои аргументи.Судривме ставови.

Македонија | пред 1 година

Експлозија во Керамидница: Раде Трајковски-Штекли бил мета, однесен е во болница

Во дворно место во Керамидница, утрово била фрлена бомба. Повреден е Раде Трајковски-Штекли кој е пренесен во болница. Станува збор за лице кое се поврзува со скопското подземје, а во кое двапати претходно беше пукано.„Денеска во 09.20 часот во СВР Скопје било пријавено дека во дворно место во населба Керамидница во Скопје била фрлена експлозивна направа. Од експлозијата со повреди се здобил Р.Т., кој е пренесен во ГОБ „Св. Наум Охридски“ за укажување на помош“, соопшти МВР.Се преземаат мерки за расчистување на случајот.

Македонија | пред 1 година

(Фото) Раде Штекли објави фотографија

Раде Трајковски-Штекли објави нова фотографија на социјалната мрежа „Инстаграм“. Ова доаѓа откако утрово беше фрлена бомба во дворот на неговата куќа, а тој заврши во болница. Фотографијата е од него, каде се гледаат раните од куршумите, по претходните две пукања во него. Фотографијата е илустрирана со песна „Мафија“.Штекли имаше полесни повреди и беше вон животна опасност. Според информации на „Скопје1“, станувало збор за полесни повреди. Нема информација дали е пуштен на домашен третман.Од МВР нема информации дали се фатени лицата кои ја фрлиле експлозивната направа.

Македонија | пред 1 година

(Видео) Бомбата за Раде Штекли била најавена на „Тикток“: Скопје, Керамидница, карши Ист Гејт! Стиже катаклизма, љуби те брат

Минатата среда, на мрежата „Тикток“ било објавено видео со порака дека ќе има бомба и експлозија кај „Ист гејт“. Токму на оваа локација живее Раде Трајковски-Штекли, во чиј дом, беше фрлена експлозивна направа токму утрово. Снимката со најава е објавено точно осум дена пред денешната експлозија од профил со име „радештекли26“.„Скопје, Керамидница, карши Ист Гејт! Стиже катаклизма, љуби те брат“, стои во натписот на видеото.И ова не е првпат, пред да има обид за убиство на Штекли, тоа биде најавено на оваа социјална мрежа. Истото се случуваше и минатата година, кога три дена пред да биде пукањето кон Штекли во трговски центар, беа објавени снимки. Истите снимки, сега се избришани.

Скопје | пред 1 година

Како се планирало убиството во тетовско: Обвинителството со детали

Основното јавно обвинителство Тетово донесе Наредба за спроведување истражна постапка против двајца сега 41-годишни жители на селото Порој, од кои првиот е директно осомничен за кривично дело – Убиство од член 123 став 1 од Кривичниот законик сторено во 2013 година, додека другиот му помогнал во извршување на убиството и бил соучесник во – Неовластено изработување, држење, посредување и тргување со оружје или експлозивни материи од член 396 став 5 во врска со став 3 од Кривичниот законик.Првоосомничениот, на 12 октомври 2013 година, на излезот од селото Пирок, со умисла лишил од живот лице од Тетово поради претходни нерасчистени недоразбирања. Второосомничениот го ставил на располагање својот автомобил и двајцата заеднички набавиле автоматска пушка која на граѓаните им е забранета.Откако се сретнале со оштетениот, првоосомничениот веднаш започнал да пука, испукал повеќе куршуми, нанесувајќи му телесни повреди со огнено оружје на кои оштетениот им подлегнал. Двајцата осомничени се дале во бегство.Надлежниот јавен обвинител до судијата на претходна постапка достави предлог за определување мерка притвор за двајцата. Согласно донесеното решение, за првоосомничениот притворот е ефективен веднаш, а за второосомничениот, кој е во бегство, притворската мерка ќе започне да се применува по неговото пронаоѓање и лишување од слобода.

Македонија | пред 1 година

Коцевски се колне во транспарентност, а неколку дена не одговара на прашањата на Скопје1, тој осуди притисок и закани кон новинарите

Јавниот обвинител на Република Северна Македонија Љупчо Коцевски денеска се обрати на настанот посветен на одбележувањето на Меѓународниот ден за ставање на крај на неказнивоста на нападите врз новинарите, што се одржа во просториите на Здружението на новинарите на Македонија.Коцевски го искористи настанот за да се осврне на последните настани и недоразбирање со шефот на Вишото обвинителство кој даде материјали на една ТВ на кој се гледа заматен лик на новинарка како прима плико за кои Хајрулахи уверуваше дека се службена одлука. Според него новинарката материјалите ги добила од член на семејството на високо позициониран обвинител.Коцевски ја уверуваше новинарката дека обвинителството презема се за да го расчисти случајот.„Знам дека целиот твој случај добива на тежина поради инволвираноста на јавен обвинител, но те уверувам дека јавното обвинителство има механизми со кои ќе обезбеди независно и објективно постапување по твојата пријава. Сакам на сите да биде јасно дека ја осудувам секоја постапка со која новинарите се предмет на незаконско следење и снимање. Јавно ја осудувам и секоја форма на притисок и закани кои се насочени кон замолчување на новинарите и влијание врз нивната работа. Таков однос кон новинарите е и ќе биде недозволен додека јас сум државен јавен обвинител. Сакам јавноста да знае дека приоритет на јавното обвинителство е заштитата на јавниот интерес и правата и слободите на граѓаните и затоа јас како државен обвинител ниту одобрувам, ниту толерирам притисоци и закани, без оглед од кого и да доаѓаат и сум одлучен да ги преземам сите законски мерки со кои моите вербални заложби ќе се покажат на дело. Во изминатиот период Јавното обвинителство вложи огромна енергија во јакнење на транспарентноста и во активностите за промоција на безбедноста на новинарите и слободата на изразување”, рече Коцевски кој веќе неколку дена не одговара на прашањата на Скопје1 дали во случајот е инволвиран член на неговото семејство.

Македонија | пред 1 година

Обвинителска „војна“: Хајрулахи тврди дека суспендиран откако објавил дека ќерката на неговиот шеф изнесува информации во јавноста за постапки во Обвинителството

Вишиот обвинител Мустафа Хајрулахи, кој е шеф на Скопското вишо обвинителство, кажа дека шефот на републичкото обвинителство, Љупчо Коцевски, врши притисок со суспензијата која му ја одреди. Според него, целта е да се влијае врз предмети кои се работат во Вишото обвинителство.„Од страна на републичкиот јавен обвинител преку службите ми беше доставена одлука за оддалечување од функцијата виш јавен обвинител со образложение дека против мене се води кривична истрага во Обвинителството во Штип. Таа кривична е поднесена од републичкиот јавен обвинител, а тенденцијата е мене да ме заплаши со се колегите кои работат согласно законот. И да се донесат незаконски одлуки. Пред извесно време од 19 септември, републичкиот обвинител ми рече дека по однос на предметот за бонусите на СЈО треба да донесам одлука со која ќе се поткрепи првостепената одлука и да не се даде својство на оштетен на подносителот ВМРО-ДПМНЕ“, рече Хајрулахи.Според него, тој одбил да даде ваква наредба на било кој обвинител.„Јавниот обвинител ме извести дека ќе има вонреден надзор за Вишото јавно обвинителство. Спорното во целиот надзор е тоа што од тројца јавни обвинители, двајца, по сила на закон, не би требало да го вршат – едниот е Елвин Вели до пред заминување во Републичко беше мој прв заменик и обвинител кој постапуваше, а обвинителката Лиле Стефанова не би требало да учествува бидејќи се вршеше надзор на предметите од поранешното СЈО“, додаде Хајрулахи.Посочи дека настанот има цела хронологија.„Кога ме повика и ми вршеше притисок, тој ми кажа дека против мене, неколку вработени во Вишото јавно обвинителство, доставена е претставка до Републичкиот за наводен мобинг. Републичкиот тогаш кажа дека содржината е смешна и крајно несериозна и дека ако има било каков мобинг – тоа треба да се процесуира во граѓанскиот суд. По тоа, го обзнанив настанот, дека ќерката на Коцевски дава информации во одредени медиум за текст... Свиркачот ми рече дека папката со информации, е ќерката на јавниот обвинител“, додаде Хајрулахи.

Македонија | пред 1 година

Во штабот имаше пиштол, Влатко и Велибор имаа поданички однос пред Палчо, сведочи сопартиец

Ѓорѓи Џолев, сопартиец на обвинетиот Љупчо Палевски-Палчо сведочеше на рочиштето за убиството на Вања Ѓорчевска и Панче Жежовски. Тој кажа дека бил сопственик на возилото „рено кангу“ кое се забележува на снимките како се движи позади „цитроенот“ со кој според обвинението била грабната Вања.Тврди дека го дал на партијата „Десна“ оти со жена му не можеле да го одржуваат, а сведокот заминал и во странство.Џолев, со Палчо се познавал од 2017 година. Тврдеше дека знае и за комуникациите помеѓу Палчо и другите двајца обвинети – Влатко Кешишов и Велибор Манев.Најблиски со Палевски беа Влатко Кешишов и Велибор Манев имаа и дури некој поданички однос, дури ми беше и малку чудно. Ние се расправавме со Палевски, но тоа со нив го немаше. Многу чуден однос имаа, така јас би го дефинирал.Боре никогаш сам не бил во Штабот, секогаш беше со Влатко, он имаше некој мерцедес со кој доаѓаше“, раскажа сведокот, кој одел во штабот на „Десна“, па сведочи дека видел и оружје: „Видов пиштол во штабот кај ‘Шампионче’, беше на масата кај што спиеше Палевски, во футрола, но не знам чин беше, па претпоставувам на Палевски. Пиштолот го видов минумум шест месеци пред да се преселиме, на 1-ви октомври партијата се пресели од Кисела Вода кај Веро Џамбо“.Сведокот раскажа дека имале и партиски активности, односно состанок на денот кога Палчо заминал на преглед. Кога се открила поврзаноста на возилото „рену кангу“, сопственикот бил повикан во полиција и отишол, па го известил Палчо преку „телеграм“, додека тој беше отсутен од Македонија.Раскажа и за 22 ноември денот кога бил грабнат Панче Жежовски.„На 22-ри со Влатко, Боре и Велибор, можно е да се видов со Палевски, јас мислам дека бев пополаднето во штабот и се видов со него. Ама не сум сигурен, не знам дали беше 22-ри „реното“ не беше таму, во штабот. Измешани ми се деновите, не би можел да кажам. Со Палевски можно е да сум се видел, бидејќи секој ден комнициравме, ама не ми кажа каде е. Влатко Кешишев беше секој ден во седиштето на партијата, правеше кафе, јадење, го шеташе кучето, спиеше таму“, додаде сведокот, а на прашање од судот, дали овој обвинет живеел таму, сведокот одговори: „Да, живееше“.

Македонија | пред 1 година

Пиштолот беше со Палчо, до него, на биро, масиче - постоеа и две радио станици, сведочи Плотников, сопартиец од „Десна“

Кристијан Плотников, член на партијата Десна сведочеше дека Љупчо Палевски-Палчо со себе носел пиштол, и дека тој тоа го видел. Носењето на оружје го правдаше со наводни претходни напади кои Палчо ги имал. Посочи само дека постоеле две радиостаници. На прашање дали го познава обвинетиот Александар Ѓорчевски, татко на Вања, доби одговор: „Не го познавам човекот сега првпат го гледам, на ТВ го видов“.„Во просториите на партијата немаше пиштол, кај Палчо да, имаше пиштол. Си го носеше со себе чисто за своја безбедност. Беше нападнат пред својот стан, во времето на короната мислам. Не сум сигурен. Беше со него, на дофат, на биро, на масиче, кога спие покрај него“, рече сведокот.Потоа сведокот додаде: Кога беше штабот кај ‘Шампионче’, тогаш и му го земаа, затоа што имаше дозвола за поседување но не и за носење. Мислам дека некаде низ Македонија му го земаа, со него мислам беа Велибор и Влатко“.Тој сведочеше и за близината која ја имал Палчо со останатите обвинети односно Боре Видевски и Велибор Манев.„Последните месеци одев во партијата, но не интензивно. Палевски, Кешишов, Боре и Велибор, и милион други настани и луѓе беа присутни. Кешишев беше најчесто таму. На 30-ти Палевски не беше тука.  Ми се јави генералниот секретар, ми рече дека Џоле (сопственик на возилото ‘рену кангу’ не му се јавува со жена му, дека се во полициска станица, поради возилото, од крвни деликти бидејќи се работи за убиство. 10-тина дена претходно ни кажа претходно дека предолго се подготвува да оди на лекар за кичматаа во Турција, и генералниот секретар рече: ‘како ќе идеш’, a тој одговори: ‘мора да се научите сами да работите морам јас да одам’. Пет-шест луѓе бевме, Влатко беше сигурно, незнам дали во просторијата или во куќата, и ген секот беше рече: ‘мора сам да го водиш одборот’.  Тие денови околку 20-ти ‘Рено кангу’ беше таму, и го возеше кој стигне. По сценарио на „Тетовирање“ на бев повикан, туку приведен. Се видов со Васко и Џоле, сите бевме збунети што се случува“, додаде сведокот.Сведочеше и за претресите во штабот откако беа приведени Манев, Видевски, Кешиев.„При моето доаѓање забележав дека имаше Алфи во сеат возило пред штабот, и Палевски не е тука, Кешишев беше тука во партијата. И јас останав. И покрај инсистирањето на Влатко Кешишев дека се е во ред, да си одам - јас останав. Бидејќи Џоле веќе неколку часа беше во полициска станица и останав. Не го побарав Палевски. Васко кога дојде имаше комуникација со него покрај инспекторите. Васко рече дека го однел во Белград на некои прегледи или не знам зошто.  Сум имал комуникација со Велибор и Кешишев, со Боре не.. Комунициравме преку Телеграм. Со Стефан Димковски се познавам, но не се видовме тој период. И тој ги имаше редуцирано посетите, поради деца близнаци, фамилија, бизнис со Холандија.. Палевски комуницираше со сите, па и со него. Димковски го немам видено по настаните“, додаде сведокот.Палевски го поздрави сведокот бидејќи не го видел една година и го праша: „Дали имало нешто сомнително во претресот на полицијата во просториите на партијата Десна?“, на што сведокот одговори: „Кешишев инсистираше да си оди полицијата бидејќи се било во ред. Чудно беше и кога влезе полицијата и покажа налог, и Влатко Кешишев рече дека се е во ред нека влезат што ми беше исто многу чудно. Не ни кажа полицијата што бараат. Бев приведен после самиот претрес кога требаше возилото да се земе. Во станица ме чекаше лист за лишење од слобода“, додаде тој.Палевски го праша сведокот дали бил сомнителен во однесување, на што доби одговор: „Не, воопшто“.

Македонија | пред 1 година

„Ми рече дека бил во Дебар маало на 27-ми“ - адвокатот кој го однесе Палчо во Белград, по убиството на Вања раскажа што му зборувал обвинетиот

Три дена откако Вања Ѓорчевска исчезна и цела Македонија трагаше по неа, обвинетите за нејзино грабнување и убиство Љупчо Палевски-Палчо и Влатко Кешишов му се јавиле на адвокатот Васко Стојков за кафе. Таму се договориле адвокатот да го однесе Палевски во Белград, во критичните моменти кога се трагаше по девојчето. Стојков во својство на сведок кажа дека му дал 20.000 евра поддршка на Палевски, а му помогнал и за продажба на стан. Договорот да го носи во Белград паднал во стан во Аеродром.„Со Влатко Кешишов отидовме накај Аеродром, па ми рече ‘не тука згрешивме’, па отидовме кај Фондот. Влеговме во еден стан, беше Љупчо и уште едно лице. Кога влеговме, седнавме, и ми направи кафе, тој човекот таму што беше. Палевски ми рече: ‘Имам деститина дена да одам за кичмата, ама за ова возилото на партијата, имам овластувања да го возам но не и за надвор од државата’. Не се прашав зошто е Палевски е таму, тогаш не ми беше чудно. Се знам со Палевски од 2016-2017 година. Јовица Страшевски (сега адвокат на Палевски) нѐ запозна.  За три година му дадов 20 илјади евра поддршка на Палевски. Тоа ни беше односнот освен кафе пиење. Јас му помагав додека да го продаде станот на него и на фамилијата. Тој имаше доверба во мене и јас во него.  Кога бевме во станот, се договоривме да го носам за Белград. Јас Влатко Кешишев и Љупчо, влеговме во колата, не се сеќавам Влатко дали го оставивме во партијата или отиде пешки“, рече сведокот, адвокат Васко Стојков.Според сведочењето, отишле да извадат пари, па пиеле кафе на бензиска пумпа на излез од Скопје, каде размениле и пари.„Ми рече дека има две недели слободни денови, па треба да оди за кичмата па од таму треба за Турција да оди. Он рече: ‘му кажав на Миле, што да прави со Централниот ако не се вратам знае што треба да прави, ако се вратам добро ако не му кажав на Миле’. Ми рече: ‘ќе видам што ќе ми кажат Белград, за кичмата па крајно ќе биде во Турција за ме оперираат’. Не ми кажа дека е хитно. Такво нешто не кажа.  На патот зборувме за работи за политичката партија, за Десна, за што му кажал на генералниот секретар Миле, што треба да се направи. Не знаев дали ќе останува, ниту он не знаеше. Политичката партија Десна поднесе кривични пријави за тогашната власт за големи криминали и за тоа зборувавме. По патот имавме догорено средба со еден најпознат енергетички екеперт во Србија. Само ми рече: ‘деновиве зад мене се движи едно возило велешко, цело време се движи зад мене. Мислам дека е Сашко’“, додаде сведокот.Имале средба со извесен Зоран, па Палчо добил понуда да биде сместен во домот на лицето, но одбил и барал хотел.„Во меѓувреме, ми рече ‘дали може на мое име да му прати пријател пари, јас да ги подигнам’. И ги подигнавме, вечеравме, па отидовме до хотел „Таш“ така го викале, и носевме две торбици, една јас и една тој. Се легитимираше, му побараа пасош и го сместивме. Јас си тргнав назад 9 без 10, и следниот ден ми се јави и ми кажа дека најверојатно ќе оди за Турција. Го прашав за Централниот и рече со Миле е договорено. Рече ‘јас ќе треба да одам за Турција 10-тина дена нема да бидам тука, со Миле ген секот е договорено се’.  Следниот ден околу 17 часот ми се јави брат му на Љупчо дојдоа инспектори бараа возило некое. Не ми кажа какво возило барале/ Ми се јави Џоле (сопственикот на ‘Рену канго’), 19,30 ми вика жена ми ја викнаа во Пролече, тргни натаму. Јас не сум кривичар му реков. Ми се јави пак за 10-тина минути, и вика: ‘за возилото во партијата што беше’. И јас отидов му кажав, кажи им се - прашуваше зошто крвни деликти, помислив дека некој чукнал некого па го бараат возилото.  На први вечерта, кога стигнав во полициска станица, Влатко беше тука. Ноќта околку 3 часот мене ми се јави Влатко ми рече дојде полиција прават претрес рече дека треба адвокат да дојде, па праша дали ќе дојдам. Кога дојдов во партијата, имаше многу инспектори“, додаде сведокот.Кога се појавил адвокатот Стојков, бил испрашуван за тоа кога бил надвор од државата, па им кажал каде го оставил Палчо.„Им кажав дека го иставив во хотел Таш, и ми рекоа јави му се. Он не крена и почна распитот. Претресот заврши за час, час и половина. Христијан Плотников, Кирил и Влатко беа тука во канцеларијата и нив ги приведоа.  Ми се јави Љупчо на први и му реков имаше претрес, тој беше зачуден. Ми рече да најдам кривичар адвокат, ми даде број и јас се јавив.  За време на претресот ми се јави Палевски, дека во медиумите објавиле за уапсени во партијата Десна. Јас им кажав на полицијците дека ми ѕвони Палевски дали да се јавам, полицајците ми рекоа јави се и прашај го каде бил на 27-ми, а тој ми рече дека не се сеќавал.  Подоцна ми се јави, и ми рече дека бил Дебар Маало. Ми рече ако одам кај мајка ми, одам по Илиндеска. Ако сум одел кај овој (н.з.) сигурно сум бил по Ленинова, можно е да бев таму. Можно е на 27 да сум врвел таму и ми кажа дека му бил клиент. Во тие 10-тина дена се движев натаму“, додаде сведокот.Сопственикот на возилото „Рену канго“ бил пуштен од станица, а седиштето на партијата запечатено.„Кучето лаеше од внатре. Кога влеговме внате му рековме на полицаецот, да го извадиме куччето да ни го даде клучот. Влатко Кешишев е пуштен во 8 часот и повторно е приведен во 12 часот и не може да дојде.  Вечерта во неделата во ресторанот бевме, во ресторанот, жена ми се јави и ми рече дека има претрес.. И јас отидов, и тогаш се јави Љупчо, и ми рече „дебел“ така ми викаше, и ме праша: „Што се случува, што е ова - ме имаат местено, знаев дека ќе ме наместат, јас му реков ако не си виновен дојди, мора да се вратиш тука веќе си осуден“.  Ме прашаа во полцииата, дали ја имам видено мајката на Вања со Палевски, и јас им реков не ја немав видено“, додаде тој.

Македонија | пред 1 година

Штекли е вон животна опасност по експлодираната бомба во неговиот дом

Раде Трајковски-Штекли е надвор од животна опасност и нема тешки повреди, дознава „Скопје1“ од извори во болницата. Според нив, тој поминал со помали телесни повреди по експлозијата на бомба, фрлена во неговата семејна куќа. Сепак, директорот на болницата „св. Наум Охридски“, Небојша Настов, каде бил пренесен Трајковски-Штекли, вели дека се прават и дополнителни анализи.„Стабилна здравствена состојба, вон животна опасност, доиследувања се прават во моментов“, вели доктор Настов за „Скопје1“.Засега не се фатени лицата кои ја фрлија бомбата во семејната куќа. Според МВР, други повредени нема. Ова е трет напад врз Штекли.Претходно, во него два пати беше пукано додека шеташе низ трговскиот центар „Ист гејт мол“. Беше погоден и во белодробното крило, но се спаси. Двете ликвидации биле добро планирани, а од беа објавени и снимки од моментот на пукање.Штекли е добро познат во скопското подземје и криминалните кругови. Еден период се поврзуваше со т.н. група „Барон“ од Чаир.

Македонија | пред 1 година

Изгасен пожарот на Беласица

Регионалниот ЦУК Струмица, известува дека шумскиот повеќедневен пожар што започна на 10 ноември годинава во подножјето планината Беласица помеѓу селата Смолари и Мокрино во општина Ново Село е ликвидиран. Зафатена била површина од околу 20 хектари.Вчера на терен беа седум вработени и две теренски возила од ЈП „Национални шуми“ подружница „Беласица“ - Струмица. Територијалната противпожарна единица (ТППЕ) од Струмица од 12.16 до 13.10 часот со четворица пожарникари и едно противпожарно возило гаснеле запалена ниска вегетација, капини и тополи во село Робово во општина Струмица.

Македонија | пред 1 година

СДСМ со амандмани на Буџетот: 20% повисоки плати за МВР, образование, здравство, за прожарникарите

„Со поднесениот Буџет 2025 година Владата на Мицкоски и ДПМНЕ ја покажа својата безидејност и потврди дека има погрешен економски концепт кој во суштина значи постојано задолжување на земјата врз грбот на народот без развој и без план за покачување на платите“, велат од СДСМ.„Вака предложениот Буџет е неразвоен и недомаќински а најлошо е што Владата нема политики за подобар живот на граѓаните ниту за развој на економијата.Затоа СДСМ поднесе повеќе од 200 амандмани на предлог Буџетот за 2025 година. Овие амандмани се конкретни решенија кои значат поголеми плати и повеќе пари за граѓаните.Воведуваме зголемување на платите во полицијата за 20%, во образованието, здравството, јавниот сектор, пожарникарите. Тоа значи повеќе пари во џебот на граѓаните, подобар животен стандард, мотивацијата на работниците а ќе овозможи и поквалитетни услуги.Бараме поддршка за нивно усвојување од сите пратеници, бидејќи тие се во интерес на сите граѓани.Амандманите на СДСМ се повеќе од предлози – тие се конкретен план за Македонија што се грижи за своите граѓани, за нивните приходи и за нивниот животен стандард“, соопшти СДСМ.

Македонија | пред 1 година

Додека Скопје се гуши: Неспособноста и бизнис интересите на нелегитимниот министер за животна средина го загрозуваат животот на граѓаните, велат од ДУИ

„Во време кога Скопје е еден од најзагадените градови во светот, нашите граѓани се соочуваат со директна закана по животот од воздухот што го дишат секој ден. Оваа немилосрдна загаденост ги убива граѓаните тивко, претворајќи го секој здив во отров за нивното здравје“, велат од ДУИ.„Додека болниците се полнат со граѓани кои се жалат на тешкотии со дишењето и здравствени проблеми поврзани со загадувањето, нелегитимниот министер за животна средина продолжува да се занимава со своите приватни интереси во казино бизнисот и многу други. Овој министер, избран не од граѓаните преку слободен и демократски избор, туку на состаноците на ВМРО-ДПМНЕ, е симбол на неодговорна власт која не се грижи за благосостојбата на граѓаните, туку за личните интереси на тесна група.Како да не е доволно што нашите деца ги губат животите во клиники поради лошо управување, додека трошоците за живот се зголемуваат на нивоа што се неподносливи за многу семејства, сега и секој здив на граѓаните е чин што го загрозува нивното здравје и живот. Сето ова се случува затоа што оваа влада постојано не успева да преземе ефективни мерки против загадувањето, да обезбеди чист воздух и да го заштити животната средина.Фактите се јасни: влада која не успева да го заштити правото на граѓаните на чиста и здрава животна средина, не може да се смета ниту за легитимна ниту за компетентна. Додека граѓаните ги трпат последиците од загадувањето, плаќајќи ја највисоката цена – своето здравје и живот – оваа влада останува рамнодушна, игнорирајќи ги итните повици за акција.ДУИ повикува на итни и брзи мерки од надлежните власти за справување со оваа здравствена и еколошка криза. Граѓаните на земјата заслужуваат чист воздух, заштита од загадувањето и влада која ги штити и се грижи за нив, а не влада која ги остава на милост и немилост на околностите“, соопшти ДУИ.

Скопје | пред 1 година

​Орце Ѓорѓиевски: Градоначалник на Скопје е убав предизвик, би го прифатил бидејќи работата ме исполнува

Градоначалникот на општина Кисела Вода Орце Ѓорѓиевски, во своето гостување во емисијата ,,За или против” на телевизијата Алфа, запрашан за тоа дали ќе биде следен кандидат за градоначалник на Скопје од редовите на ВМРО-ДПМНЕ бидејќи неговото име се почесто се споменува во јавноста, рече дека му е особено драго што граѓаните веруваат во него и дека работата е она што го исполнува.„Чест ми е што моето име се почесто се споменува во медиумите и кај народот како иден кандидат за градоначалник на градот Скопје. Тоа е убав и сериозен предизвик и со задоволство би го прифатил бидејќи јас не се плашам од работа туку напротив, ме исполнува.Секако, за тоа треба да одлучат и органите на партијата – Централен, Извршен комитет и секако претседателот на мојата матична партија Христијан Мицкоски. Би кажал само дека кој и да е, ќе биде значително подобар градоначалник од Данела Арсовска.Она на што јас сум фокусиран во овој момент е да ги дореализирам оние малку проекти од мојата ветена изборна програма кои се бројат на една рака, а брои реализација од 95% во целост што не се случило досега во историјата на нашата општина која е една од најстарите.Јас сум исклучително горд на тоа, бидејќи како што реков мене работата не ме изморува, туку ме исполнува и мотивира.Тоа бара енергија, бара сериозен фокус, макотрпна работа да една од најруинираните општини доведете да сега зборуваме за неколку улички што не сме ги доасфалтирале а имаме а имаме простор уште година и некој месец да ги доасфалтираме.Исто така, можеме да говориме и за бисерот на нашата општина и Скопје, спортската сала „Расадник”, која што за многу скоро со министерот Ристовски и премиерот Христијан Мицкоски ќе се појавиме на отпочнување на градежните активности и тоа е проект којшто со децении го очекувале нашите граѓани.Можеме да говориме и за решена состојба во градинките, за училишта со доградби каде што дечињата ќе учат само во прва смена, понатаму за изградени детски катчиња, изградени спортски терени, за подземна инфраструктура, за населени места коишто трајно ги решивме да конечно во населени места не се говори за септички јами во 21 век, да не се говори за слаб притисок на вода, обезбедување на водоводна мрежа итн“, рече градоначалникот Ѓорѓиевски и додаде дека деновиве кои следат ќе организира отчет на кој ќе ги презентира сите реализирани проекти и дека веднаш после тоа, започнува турнеја со неговиот тим низ населбите на кои заедно со граѓаните ќе се креира буџетот и приоритетите за наредната година.

Скопје | пред 1 година

(Во живо) „Претрес“ на Моника Зајкова: Менување ставови, „стресена“ фотелја, закани, уцени, кокетирања со повеќе партии

Врие во ЛДП кај Моника Зајкова. Кој кого и дали некој продава? Желба за либерал-демократски вредности или пак за позиции? За причините, кои се „пучистите”, колкава е нивната моќ, дали од СДСМ се селат во прегратка на ВМРО-ДПМНЕ? Сепак власта има своја сласт и тешко се издржува опозицијата.Ќе враќаат млади, а се обвинувани за непотизам по институции. Сакаат гласови, а внатрепартиски се обвинуваат дека не знаат со кого се. Зајкова велеше дека мора да има уставни измени согласно преогварачката рамка без одложено дејство, а сега и е прифатлива опцијата на премиерот Христијан Мицкоски.Уцени, вулгарности, закани.. Се тресе ли фотелјата на Зајкова?Следете во живо:

Македонија | пред 1 година

Жерновски за обвинувањата дека е амбасадор на диво: Со страст ќе ги отвориме темиве штом заврши мојот мандат

Откако од медиумите дознав дека, како амбасадор, сум се тепал по официјални приеми во Романија, за што следеше приватна тужба од моја страна, вчера на истиот начин дознав нова вест- дека сум бил амбасадор „на диво“, напиша на социјалните мрежи Андреј Жерновски, амбасадор во Романија.„Не знам на тие медиуми од каде им е и кој им ја кажал оваа „генијална” теза, но знам дека со некој од нив ќе мора да се видиме на суд. Не дека го сакам тоа, но мора да се воспостави ред, бидејќи клеветењето и нанесување штета на нечиј личен углед и интегритет е крајно сериозна работа, колку и објавувачите или пренесувачите на вакви невистини да не ги поседуваат наведените особини.Како доказ за трагикомичните лаги, денеска ја објавувам фотографијата од предавањето на моите акредитиви во романското МНР. Дополнително, онаму каде ќе биде потребно, ќе ја доставам и мојата лична карта во Романија, која се издава на дипломати, на која пишува дека сум амбасадор на Република Северна Македонија во Букурешт. Истата е издадена од Министерството за надворешни работи на Романија.Многу ми е жал што, поради внатрешните процедури во нашето МНР, разбирливо, не смеам да давам службени изјави додека трае мојот амбасадорски мандат. Се разбира, кога истиот ќе заврши, со задоволство и со страст ќе ги отвориме сите теми.До тогаш, со оние кои шират лаги и клевети, ќе се гледаме на суд“, порача Жерновски

Македонија | пред 1 година

(Видео) Душо моја, кај и да си дај ми еден позитивен сигнал дека си жива, нашите ќерки, јас, те очекуваме, вели Стево, сопругот на Лидија

Петти ден се трага по исчезнатата Лидија Трајковска од скопско Јурумлери. Сопругот на исчезната Лидија, Свето Трајковски моли за помош за било каква информација. Вели дека немам никаква причина за да неговата сопруга исчезне, пренесе ТВ 24.Последен пат била забележана на камери во 5 часот наутро во петокот на автобуска постојка во село Јурумлери.„Душо моја, срце мое, кај и да си дај ми еден позитивен сигнал дека си жива. Прати ни нешто, барем некој сигнал, прати ни абер. Ти не би направила ништо за да не уништи нас. Нашите ќерки, јас, те очекуваме. Дај ни барем еден сигнал – јави се од некаде. Нашата надеж уште постои. Ти си жива и ќе бидеш жива, ние ќе го продолжиме животот јави се каде и да си душо моја“, вели Свето Трајковски, сопруг на исчезнатата Лидија Трајковска.Братот на Лидија, Александар вели дека по неговата сестра трагаат и дење и ноќе. Денеска во раните утрински часови ја барал неговата сестра околу Соборниот храм по претходни дојави дека била забележана во тој реон. Апелира до МВР д апокрај дронови да се вклучат и кучиња трагачи но и нуркачи кои би ја барале Лидија во реката Вардар.„Бараме помош од цела држава, од секаде. Сестрами веќе петти ден никаде ја нема – никаде. Значи бараме помош да се пуштат нуркачи во Вардар да видиме дали е таму. Значи најдовме кутија цигари од нејзе, нејзин упалјач. Што кажуваат таму џемпер – тој џемпер не е нејзин. Само цигарите азната кутија цигари и нејзиниот упалјач, друго нема. Ние деноноќно ја бараме, не знаеме веќе каде да одиме. Еве сега ќе тргниме пак да ја бараме од Огњанци према Лисиче нагоре по Вардар. Ги молам од МВР, нека ги пуштат од ЕБР, кучиња трагачи да видиме некој траг да се најде.Сабајлево накај 4 часот бевме накај Соборна, вчера цел ден бевме таму, завчера добивме дојава дека сестрами била видена околу 20 минути до 6 часот. Отидовме таму, секаде, 30 души ја баравме. Секое ќоше е проверено, секоја дупка, секој простор проверен – значи не најдовме ништо од нејзе. Тие се прекрасна фамилија, 26 – 27 години се во брак, имаат 3 ќерки, 2 внучиња сега уште малку здравје боже уште едно внуче треба да добијат“, вели Александар Јоциќ, брат на исчезнатата Лидија Трајковска.Од МВР информираат дека интензивно трагаат по исчезнатата Лидија и дека во потрагата искористен е дрон. Сопругот на Лидија вели дека со сопругата живееле среќно и дека немале никакви проблеми.„Петти ден ја нема жена ми. Имаме прекрасна фамилија, 3 ќерки, 2 внуки. Животот ни беше идеален, прекрасен, не знам што се случува и како дојде до ова не знам“, вели Свето Трајковски, сопруг на исчезнатата Лидија Трајковска.Од Министерството за внатрешни работи упатија апел до јавноста за соработка и повикаа секој што има каква било информација за исчезнатата Лидија Трајковска да се јави во полиција.

Скопје | пред 1 година

(Видео) Постоел сомнеж дека Вања ја грабнал педофил, го виделе „цитроенот“, постоеа пораки од таткото кои ги избриша, сведочи роднина на мајката

Маја Спиркоска, прва братучетка на Зорица Ѓорчевска, мајка на убиената Вања сведочеше пред судот за моментите кога дознала дека девојчето го нема, а почнала и потрагата. Посочи дека кога бил лоциран „цитроенот“ со кој според Обвинителството Вања е киднапирана, мислеле дека го возел некој педофил. Виделе и лице кое ја набљудувало зградата утрото, па се качило во возило „БМВ“. Таткото Александар учествувал во потрагата со извесен Гоце.„Сите бевме во паника, сите ја баравме. Имаше инспектори, роднини, пробувавме да најдеме нешто. Гоце во еден момент, среда или четврток, мислам дека имавме некаког траг, ми покажа некој човек што се бара, да не е некој педофил. И јас со поглед му покажав да се тргне не е во ред да зборува пред сестричката на Вања. Не знам дали беа известени полицијците. Ми рече, имавме некаква трага, можно е рече, не беше сигурен, дека човекот со Цитроенот, можеби е некој педофил мислевме тогаш. Претходно видовме еден човек кој ја наблудуваше зградата сабајлето, потоа се качи во БМВ. Нас сето тоа ни беше чудно, зошто некој организирано би го земал детето“, сведочеше роднината на мајката на Вања.Прашана, што велел таткото Александар во тие денови, роднината одговори: Јас многу контакт немав со Сашко, беше вознемирен нормално бараше како сите. Јас бев повеќе со Зорица и сестричката. На Зорица и викаше не се секирај ќе ја најдеме. Јас Сашко не сум го виделе од 2018 година. Едно време ми викаше дека на Илон Маск дека треба да пратам порака за да ја најде преку сателит. Тоа ми беше малку чудно, како да исконтактирам со Илон Маск. Знам дека испратил порака во групата на родителите на класот на Вања, рекоа ‘напишал СашкоЧ Вратете го детото ќе ви дадам пари’. Јас не ја видов ми рекоа така. Потоа ги видовме избришани.Не знам дали се познавале со Палевски, сега читам дека станот биле купен од неговата фирма. Бевме млади, не знаевме тогаш, околу 20 години имавме не се занимававме со такви работи“, додаде роднината.Палевски го праша сведокот: „Дали сте слушнале за некаков проблем со купувањето на станот?“, на што Спиркоска одговори: „Не, тетин ми беше стабилен не верувам дека би имало некаков проблем“.

Македонија | пред 1 година

(Видео) Нови сведоци на судењето за свирепите убиства на Вања и Панче

Судењето за случајот со грабнувањата и свирепите убиства на 14-годишната Вања Ѓорчевска и 74-годишниот Панче Жежовски продолжува денеска во Кривичниот суд во Скопје.Се очекува да сведочат нови лица, односно: Зоран Аваз, Тодорче Георгиевски, Елвис Ибрахуми и Мирче Мицевски.Обвинетите Љупчо Палевски, Боре Видевски, Велибор Манев и Влатко Кешишев, како и таткото на девојчето, Александар Ѓорчевски на првото рочиште се произнесоа дека не се чувствуваат за виновни.

Македонија | пред 1 година

Трагедија во Охрид: загина 18-годишно момче, со возило излетало од пат

Денеска во 01.15 часот, на регионалниот пат Охрид – Св. Наум, во близина на охридската населба „Елешец“, патнички автомобил „пежо“ со охридски регистарски таблици, управуван од 18-годишниот Д.Ц. од Охрид, излетал од патот.Д.Ц. починал на местото на несреќата, а смрт констатирал доктор од Итната медицинска помош, додека 16-годишен сопатник од Охрид е пренесен во болницата „Св.Еразмо“ каде му се констатирани тешки телесни повреди, извести СВР Охрид.Увид на местото на несреќата извршија јавен обвинител, судски вештак и полициски екипи.По наредба на јавен обвинител, телото на починатиот е дадено на обдукција.

Македонија | пред 1 година

(Видео) „Арсовска е трогната, бара да се извинам, но нема бидејќи сѐ е вистина, се гледаме на суд“, избрканиот инспектор се жали на нови притисоци

Избрканиот инспектор, Даниел Митевски кој јавно проговоре за мобингот, за кој кажа дека го трпел од градоначалничката Данела Арсовска, тврди дека пак е мета на притисоци. До него, стигнало барање за извинување кое го испратил Трајче Арсов, адвокатот на Арсовска, кој претходно истото го правеше и кон редакцијата на „Скопје1“. Митевски посочува дека сѐ што кажал во поткастот е вистина, дека нема намера да се извини, како и дека е спремен со Арсовска да се соочи на суд.„Моето излагање на поткастот кај Ландов на телевизијата Прва ТВ очигледно многу ја трогна нашата Градоначалничка па вчера ми испрати барање преку адвокат јавно да се извинам или во спротивно ќе ме тужи на Суд за нарушување на нејзината чест и углед со што продолжува со нејзиниот притисок врз мене, а преку мене и на моето семејство. Јас немам што да се извинувам бидејќи цврсто стојам позади секој мој збор кажан на поткастот бидејќи се што кажав е вистина и само вистина без ниту еден збор лага. Ова го доживувам како уште еден од низата нејзини притисоци за кое сум спремен и лично со Градоначалничката да се соочам на суд. Јас само барам правдата да биде задоволена бидејќи без никаква за мене позната причина сум избркан од работа со што е нарушено моето здравје, нарушени се мојата чест и углед, нарушена е честа и угледот на моето семејство и е загрозен опстанокот на моето семејство“, вели избрканиот Митевски за „Скопје1“.[caption id="attachment_312054" align="alignnone" width="1189"] Барањето за извинување кое избрканиот инспектор го смета за нов притисок, а го добил од адвокатот на Арсовска[/caption]Даниел Митевски поранешен инспектор по сообраќај во Град Скопје по 14 години работи заврши на улица со одлука на градоначалничката Данела Арсовска.Тој во Претрес со Ландов кажа дека е избркан бидејќи наводно не бил 5 дена на работа. Тој посочи дека за достава на одлуката не сакале ни да почекаат, туку му ја доставиле додека имал слободен ден поради давање крв и потоа поради користење денови од годишен одмор. Има и пријава за мобинг, која Трудов инспекторат не успеал да ја најде во просториите на Градот за да постапува, иако таа има архивски печат.„Ме испитуваше, ги спомнуваше моите жена и деца. Ќе останеш без работа. Ми се закануваше градоначалничката. Мене никој не ме пратил. Не верував дека ова може да се случи. Овие стресови не може никој да ви ги надомести“, рече Митевски.Тој не е единствен кој избркан поради иста причина. Сите поднеле тужби за се што доживеале и со што се соочуваат.Целото сведоштво погледнете го во „Претрес“:?t=867

Скопје | пред 1 година

Мицкоски: Немаше администратори, туку окупатори, и таа историска борба не беше против одредени народи туку против фашистички режим

„Денес сме собрани тука, обединети од длабоката љубов кон нашиот главен град, Скопје. Во предвечерието на 13 ноември, ќе кажам дека тоа е печат на нашата историја, сведоштво на храброста и на решителноста на нашиот народ да се бори за слобода и достоинство. На овој ден, Скопје извојува своја победа и таа победа е наша колективна гордост, наша заедничка инспирација“, кажа премиерот Христијан Мицкоски по повод денот на ослободувањето на Скопје.„Овој ден сведочи и за солидарноста која овој град ја носи, но и поривот, длабоката желба и стремежот за слобода. Слободата која денес ја живееме неодминливо беше платена со жртви и човечки страдања, и ние таа ја извојувавме со сопствени сили и наспроти тенденцијата за прекројување на историските читанки и читањето на историјата во зависност од поединечните интереси, вистината е само една, единствена и неделива.Немаше администратори, туку окупатори, и таа историска борба не беше против одредени народи, ниту против одредени држави туку против фашистички режим кој беше поразен од Европа и слободарските народи, меѓу кој беше и македонскиот.И затоа Скопје не е само град; тоа е душата на Македонија, срцето на нашата историја и симбол на нашата издржливост.Оваа метропола повеќе пати израснуваше од урнатини, ги минуваше своите нај темни ноќи и се издигна посилна од кога било.И денес, со секој чекор што го правиме, го носиме тој дух на нашите предци, кој нè потсетува дека слободата никогаш не доаѓа лесно и дека за неа треба да се бориме. Нема откажување, нема невозможни работи силата е во вербата во идејата, и степенот на жртва кој може да се поднесе за нивно остварување“, рече Мицкоски.„Сигурно ниту на Методија Андонов Ченто, ниту пак Димитар Влахов или Михајло Апостолски не им било ниту малку лесно да се соочат со најголемата фашистичка сила дотогаш, но тие веруваа во отпорот, веруваа во идеалите и потоа чекореа гордо низ Слободното Скопје.Таа победа беше на нашиот народ и ние сега и сите генерации потоа ,после нас имаат право да се повикуваат на придобивките од таа победа.Денес, кога ја чествуваме слободата на Скопје, ја чествуваме и нашата одговорност кон иднината.Овој празник е завет – завет дека ќе ја чуваме и унапредуваме оваа слобода, дека ќе се грижиме за нашиот град и за нашата татковина.Скопје е нашиот град. Нашиот дом. Градот распослан на Вардар, со скопското кале, старата чаршија, Водно и уште стотици илјадници места од нашата младост, од нашите животи. Град со премногу проблеми, но и град со душа, на градски култни места, паркови, маалски клупи и дружби, на скопските урбани ликови кои ги нема многу но се паметат и чуваат во спомените на скопјани. Град кој не заборавајте дека повеќе пати изникнуваше од пепелта, историјата која покажува дека требаше да биде уништен, за да живее, кој го преживеа жарот на Пиколомини, земјотресот, поплавите, но и град кој го даде Јустинијан, Мајка Тереза, многу познати уметници, музичари. Градот на Леб и сол, Меморија, на Горан Стефановски, Златното Славејче и Александар Џамбазов, стотици други кои се големата приказна, парче душа на овој град. Има и такви кои цртаат замислени граници, подигаат завеси, робуваат на стереотипите, бараат лева и десна страна на градот, но вистинските луѓе во реката Вардар не гледаат граница, туку точка на поврзување. Во Камениот мост не гледаат поделеност, туку точка на заедништво. Затоа што Скопје е едно и единствено кое не познава граници, кои ги надживува стереотипите, поделбите, ја замира омразата, и ја подигнува солидарноста. Во таков град јас израснав и во такви вредности јас верувам. И знам дека душата на градот не зависи од десетина луѓе кои се на позиции и кои го водат градот, туку од стотиците илјади останати кои живеат во него и се дел од нашето Скопје“, изјави премиерот.„Денес Скопје се соочува со бројни предизвици. Градот го води администрација далеку од можноста да одговори на потребите на граѓаните. Во моментите кога во дел од напредните градови во светот имаат подземни железници и метроа кои се движат со повеќе 200 километри на час, во нашето Скопје е привилегија и бинго да ви дојде автобус со задоцнување помало од еден час. Да не говорам за тоа колку се потфрли во воспоставувањето на ред во сообраќајот, или третирањето на отпадот, или проблемот со кучињата скитници, кои неретко на туристите им изгледаат како некоја егзотична епизода на афричка сафари оаза. Навистина не мислам овој мој говор да го претворам во полемика за тоа што му треба на Скопје, или колку им е тешко на скопските градоначалници кога имаат неразумна страна од градот за да одговорат на потребите, и колку многу дадоа за напредокот на општините во состојба кога од другата страна имаат противник, наместо партнер во градот, ниту пак пробувам да се амнестирам за грешката наречена актуелна градоначалничка на Скопје, и колку таа ме чинеше и колку политички куршуми примив и колку ме разочара лично и ги разочара скопјани.Сократ рекол животот без спознание вистински не вреди. Очигледно оваа лекција е научена и сега знам дека на Скопје му треба човек кој ќе обединува и кој има визија. Кој ќе има емпатија и ќе пулсира со градот. Кој ќе умее да ја негува душата на градот и ќе решава проблеми. Не го знам името на нашиот иден кандидат за градоначалник на Скопје, затоа што тоа е прерано, но го знам карактерот на личноста која ќе ја избереме. На Скопје не му требаат експерименти туку докажани луѓе и Скопје е уморно од големи приказни кои најчесно завршуваат како големи разочарувања.Време е за нова страница, за зафаќање за решавање на клучните проблеми на градот. Загадувањето, организирањето на јавниот превоз, ставањето на ред во урбанизмот, поврзувањето и сообраќајот. На Скопје му е потребно човек кој докажал дека умее да работи, не му треба кадар кој ќе го пробуваме допрва дали ќе му тргне, туку човек кој ќе даде се од себе да ги решава проблемите. Човек со искуство, и реализирана личност. Кој го знае градот, кој има успешен живот. Тука е централната власт да помогне како што и помагаме на многу други општини од различни политички ориентации, кои досега побараа поддршка. Скопје мора да заврти нов лист, и да имаме нов почеток. Мора да обезбедиме механизми идниот градоначалник да го вети и реализира ветеното и од тоа да нема отстапување. Со целата наша помош да изградиме сеопфатна програма која ќе ги реши горливите проблеми на скопјани- урбанизмот, сообраќајот, превозот, истото така и почист воздух. И верувам дека тоа заедно ќе го оствариме“, истакна Мицкоски.

Скопје | пред 1 година