ТОП

(Видео) Со предлог на СДСМ за укинување на ДДВ ќе поевтинат над 250 категории на производи, вели Тренчевска

„Со усвојување на предлог законското решение на СДСМ за укинување на ДДВ на основните производи храна, граѓаните ќе може да заштедат и до 2.000 денари месечно. Со ова законското решение се опфатени над 250 категории на производи за кои ДДВ то ќе се намали од 5% на нула проценти“, рече Јована Тренчевска - пратеничка на СДСМ.„Тоа ќе даде реален ефект и вистински ќе ги намали малопродажните цени на прехранбените производи, со што ќе се намали и вредноста на потрошувачката кошница.Учеството на храната и пијалакот во потрошувачката кошничка изнесува 23.000 денари, што значи ефектите од оваа мерка со заштеда и до 2.000 денари ќе влијае на заштита на стандардот на граѓаните и состојбата на семејните буџети.Бенефитите ќе бидат за граѓаните а воопшто нема да ги оптоваруваат компаниите. Оваа мерка нема да може да биде изиграна од трговците како што тоа се случи со мерките на Владата.После еден месец се покажа дека владината мерка за замрзнување на маржите не донесе никаков резултат. Потрошувачката кошничка се намали само за 57 денари во споредба со минатито месец, во период кога просечната плата се намали за 1.000 денари.Затоа СДСМ ги повикува сите пратеници да го поддржат ова законско решение.Ја повикуваме ВМРО-ДПМНЕ да не води политички инает врз грбот на граѓаните. Наместо постојано да одбива добри законски решенија предложени од опозицијата да се одважи и да ги поддржи.Нема ниту еден аргумент ВМРО-ДПМНЕ зошто е против оваа мерка, против ова законско решение за укинување на ДДВ-то на основните производи. Освен дека е против затоа што е поднесена од СДСМ.Споредбите со периодот кога СДСМ успешно спроведе мерки за намалување на цените се несоодветни. Само со една од мерките што СДСМ ја донесе пред две години, поевтинија над 500 производи, или околу пет пати повеќе од сега.Граѓаните немаат време да чекаат, додека трошоците за живот секој месец растат. Потребни се ефикасни, реални и системски решенија како ова законско решение.За овој предлог закон треба да дадат поддршка сите пратеници, затоа што е во интерес на граѓаните и ќе овозможи подобар животен стандард и одржлива економија. Тоа е обврска на сите пратеници, без разлика каква политичка идеологија имаат или од која партија доаѓаат“, изјави Јована Тренчевска - пратеничка на СДСМ.

Македонија | пред 1 година

Филипче треба да даде одговори за снимката од приватна журка со Заев во Дубаи која руши рекорди на интернет, вели ВМРО-ДПМНЕ

„Венко Филипче е должен да даде одговори на јавноста за видеото кое руши рекорди на социјалните мрежи од приватна журка со Заев од луксузниот хотел Хилтон во Дубаи. Откако СДС, Заев и Филипче направија историски грабеж на државата и аздисано ги трошеа државните пари, излезе видео на кое се гледа како лудуваат и се забавуваат на приватни журки во луксузниот Дубаи каде влезниците на настанот се и по стотици евра“, велат од ВМРО-ДПМНЕ„Во време кога Македонија се соочува со сериозни економски и социјални предизвици поради владеењето на СДС во изминатите 7 години, а народот мака мачи како да преживее до 1-ви во месецот, Заев и Филипче покажуваат раскалаштено однесување и воопшто не се загрижени за народот и состојбите во државата.Во време кога рејтингот на Филипче е 5 % и тоне кон ниво на статистичка грешка, кога дури ни во сопствената СДС не знаат кој им е лидер, Филипче се забавува на скапи журки во странство и испраќа погрешна порака и слика во јавноста за приоритетите и вредностите кои треба да ги поседува лидер на партија.Јавноста треба да знае дека на СДС и Филипче воопшто не им е грижа за народот и животниот стандард на граѓаните, додека се обидуваат да ја замајуваат јавноста со безсмислени прес конференции.Нема јака опозиција со вакви репрезенти.Додека бившиот и сегашниот лидер на СДС организираат забави во странство, ВМРО-ДПМНЕ само за 4 месеци донесе неколку нови странски инвестиции во износ од повеќе од 600 милиони евра и нови 1600 вработувања.ВМРО-ДПМНЕ ги поставува темелите за нова економска реалност. ВМРО-ДПМНЕ работи на привлекување на нови странски инвестиции, нови работни места, повисоки плати и пензии и подобар животен стандард за граѓаните“, соопшти ВМРО-ДПМНЕ.

Македонија | пред 1 година

(Видео) Трамп ги нападна Камала и Бајден: Ќе ја спасиме Америка

Трамп штотуку го заврши митингот во арената Ван Андел во Гранд Рапидс, Мичиген. Неговиот последен митинг донесе враќање на главните теми на неговата кампања - економијата и имиграцијата.Тој повтори некои од неговите предизборни ветувања, вклучително и дека сака смртна казна за секој мигрант кој ќе убие службеник на законот или американски државјанин.Поранешниот претседател, исто така, помина голем дел од својот говор критикувајќи ги Камала Харис и Џо Бајден и нивните политики во изминатите четири години, но ја истакна својата амбиција „да го реши секој проблем со кој се соочува Америка“.„Мислам дека ќе постигнеме одличен резултат“, изјави тој пред публиката. Мислам дека ќе победиме во Мичиген“.На крајот од митингот на сцената му се придружија и неговите деца.„Конечно, со вашиот глас, ќе ја собориме Камала и ќе ја спасиме Америка. Ќе ви ги намалиме даноците и инфлацијата, ќе ги намалиме цените, ќе ги зголемиме платите и ќе вратиме илјадници фабрики назад во Америка и назад во Мичиген, а многу од тоа ќе се случи со мојот омилен збор - царина“, рече тој, по што доби аплауз од публиката.

Свет | пред 1 година

До 2.000 денари заштеда за граѓаните со предлогот на СДСМ за укинување на ДДВ за основните производи, вели опозициската партија

„Усвојување на предлог Законот на СДСМ за укинување на ДДВ на основните производи на храна значи месечна заштеда за граѓаните и до 2.000 денари. Со предлог Законското решение на СДСМ се опфатени над 250 категории на производи за кои ДДВ то ќе се намали од 5% на нула проценти“, соопшти СДСМ.„Бидејќи учеството на храната и пијалакот во потрошувачката кошничка изнесува 23.000 денари, ефектите од оваа мерка со заштеда и до 2.000 денари значително ќе влијае на заштита на стандардот на граѓаните и состојбата на семејните буџети.СДСМ ја разви оваа мерка во консултации со експерти и бизнис секторот и бенефитите ќе бидат за граѓаните а нема да ги оптоваруваат компаниите.За спроведувањето на предлог-законот не е потребно обезбедување на финансиски средства и оваа мерка нема да може да биде изиграна од трговците како што тоа се случи со мерките на Владата на Христијан Мицкоски.После еден месец примена владината мерка за замрзнување на маржите не донесе никаков ефект. Потрошувачката кошничка се намали само за 57 денари додека просечната плата се намали за 1.000 денари.СДСМ ги повикува сите пратеници да го поддржат законот. ВМРО-ДПМНЕ да не води политички инает врз грбот на граѓаните и наместо постојано да одбива добри законски решенија предложени од опозицијата да се одважи и да ги поддржи“, велат од СДСМ.

Македонија | пред 1 година

Почнуваат најважните избори во светот: трката никогаш не била толку тесна

Денеска се одржуваат американските избори.Повеќе од 78 милиони луѓе гласаа пред денот на изборите во САДТрката се уште е речиси изедначена. Камала Харис има 0,8% водство на национално ниво пред Доналд Трамп.

Свет | пред 1 година

Почувствуван земјотрес во Скопје

Вечерва во 20 часот и 36 минути беше почувствуван земјотрес во Скопје.Според првичните информации на веб страната EMSC, епицентарот на земјотресот е во близина на границата со Косово.

Скопје | пред 1 година

Кривична против поранешни вработени во МВР: се приклучиле на организирана криминална група и пренесувале службени тајни

Одделот за сузбивање на организиран и сериозен криминал - Сектор за криминалистички истраги - Единица за корупција, до Основно јавно обвинителство за гонење на организиран криминал и корупција, поднесе кривична пријава против Д.Г.(58), Е.А.(58) и О.П.(44), сите од Скопје, поради постоење основи на сомнение за сторени кривични дела „злосторничко здружување“, „оддавање службена тајна“, „попречување на правдата“ и „противправно стекнување и прикривање имот“. Пријавените Д.Г. и Е.А., во периодот кога биле вработени во Министерството за внатрешни работи, заедно со О.П., се приклучиле на организирана криминална група за која прибавувале, соопштување, пренесување или на друг начин овозможувале достапност на податоци што претставуваат службена тајна.Во периодот од декември 2019 година до март 2021 година, знаејќи за постоење на интерес на поголем број на личности за добивање на вакви податоци и службени информации за актуелни криминалистички истражувања, планирани мерки и активности за лишување од слобода, со посебен акцент за податоци дали и против кои личности и од кои причини се спроведуваат оперативни и истражни дејствија, како и дека таквите податоци и информации можат да се прибават со давање на парични награди, се поврзале со оваа криминална група во која имале посебна улога за пренесување службени информации, поврзани со организирани криминални групи инволвирани во извршување на криминални активности од повеќе области, особено на тешки кривични дела, од кои за некои е предвидена и казна доживотен затвор. Имено, Бирото за јавна безбедност при МВР во координација со јавен обвинител од ОЈО ГОКК, од октомври 2023 година до јануари 2024 година спроведуваше истрага за македонски државјани, кои како членови на меѓународна криминална група, користејќи ја енкриптираната SKY/ECC апликација договарале и преземале активности за организирање на набавка и пренесување на кокаин од земјите на Јужна Америка до земјите на ЕУ и РС Македонија и учествувале во извршување на други кривични дела, а која заврши со кривична пријава против 16 лица. По поднесување на кривичната пријава, Одделот за криминалистичка полиција продолжи со анализа на податоците добиени од Еуропол и Еуроџаст и во координација со јавен обвинител од ОЈО ГОКК обезбедени се докази врз основа на кои е дојдено до сознание дека пријавените ги сториле делата.Начинот на кој пријавените ги извршувале делата предизвикало штета врз работењето на државните органи во постапките за кривичен прогон на лица, кои се од значење за јавната безбедност, безбедносните и разузнавачките активности на органите, како и прибирање и пренесување на информации кои не се наменети за јавна употреба, а со чие откривање се намалила ефикасноста на работењето на државните органи. На 03.11.2024, по преземени оперативно - тактички мерки и активности, како и врз основа на наредби од Основен кривичен суд Скопје, извршен е претрес во домовите на лицата, при што се пронајдени и одземени повеќе мобилни телефони, лап - топ компјутер и разновидна документација. Лицата се лишени од слобода.

Македонија | пред 1 година

(Видео) Жолтите комбиња станаа дронови, шилото стана црвче Мицкоски кажува лаги оти е неспособен да води држава, вели Филипче

„Немоќта на Христијан Мицкоски да се справи со водењето на државата, ги затскрива со измислени состојби и лаги“. Претседателот на СДСМ, Венко Филипче на денешната прес-конференција одговарајќи на новинарско прашање за наводно следење со дронови на Мицкоски кога бил лидер на опозиција, ја потести јавноста за серијата измислени ситуации пласирано во јавноста од сегашниот премиер.„Лагите на премиерот еволуираат во зависност од тоа како еволуира технологијата. Во еден дел жолтите комбиња еве станаа дронови, во друг дел видовме на собраниската седница шилото, стана црвче. Премиерот откога е на функција, како да живее во некој паралелен Универзум, некои работи само тој ги гледа. Имаше некое мито за Коридорот, железничките кое само тој го виде, имаше дестабилизација, па сега нема. Па беше Бехтел и Енка скандалозно коруптивен проект на кој што сега се сликаат и повикуваат на промоција“-изјави Венко Филипче.На собраниска седница, Мицкоски одбегнувајќи да одговори на пратеничко прашање на претседателот на СДСМ, Филипче поврзано со скандалозното назначување на Бојан Христовски за директор на АНБ, рече дека кога било ВМРО ДПМНЕ во опозиција, безбедносните го следеле со дронови. Познатата теза на претходникот на Мицкоски, Груевски „вистината е како шило“, сега Мицкоски ја преиначи во „вистината е како црвче“. Кога беше во опозиција Христијан Мицкоски велеше дека договорот со „Бехтел и Енка“ е историски криминал, за пред некој дена да каже дека е супер проект. Премиерот пред неколку месеци говореше и дека за Коридорот 8, секција 3 за железницата, му понудиле мито, но и од тој случај не излезе ништо на видело. Мицкоски исто така гледаше и најавуваше опасност од дестабилизација.„Би рекол дека тој измамнички пристап е карактеристичен само за луѓе кои што не можат да се носат со функцијата и бегаат во лага тогаш кога имаат сериозен предизвик и не може да изреагираат, немаат што да направат“-изјави Филипче, претседател на СДСМ.

Македонија | пред 1 година

(Видео) СДС прави упад во Академијата за судии и јавни обвинители, Советот на јавни обвинители и Судскиот совет да ги преиспитаат одлуките, вели Лефков

„СДС врши упад во Академијата за судии и јавни обвинители, покрај тоа што Советот на обвинители и Судскиот совет назначија свои членови во УО на истата, кои немаат право да ги назначат, за заменик член во Академијата ја назначија и Емел Кранли, братучетка на Ветон Кранли, началник на организирам криминал во време на Спасовски“, рече Миле Лефков, пратеник и член на ИК на ВМРО-ДПМНЕ.„Емел Кранли, е назначена за заменик на Антоанета Димовски, која е сестра на Снежана Калевска Ванчева од СДС.Ветон Кранли беше десна рака на Оливер Спасовски во МВР. Очигледна е партиската поврзаност при назначувањето на неговата братучетка во УО на Академијата за судии и јавни обвинители.СДС со последни сили се обидува да ја партизира Академијата.Очигледно е дека Судскиот совет и Советот на јавни обвинители делуваат како испостава на СДС.Упадот во Академијата за судии и јавни обвинители е диригиран од СДС.Најновите назначувања во УО на Академијата за судии и јавни обвинители се спротивни на закон и истите треба да се повлечат.Очекуваме Судскиот совет и Советот на јавни обвинители да ги преиспитаат своите одлуки, а ДКСК и ЈО да реагираат по овој упад диригиран од СДС, а извршен преку двата совети“, изјави Миле Лефков, пратеник и член на ИК на ВМРО-ДПМНЕ.

Македонија | пред 1 година

Почина творецот на „Зоки Поки“, писателката Оливера Николова

На 88-годишна возраст почина Оливера Николова, една од најголемите писателки во Македонија.Родена во Скопје во 1936, дипломирала на Филозофскиот факултет при Универзитетот „Св. Кирил и Методиј“ во Скопје. Целиот работен век го поминала во Македонската радио-телевизија, работејќи како уредник и драматург. Таа е член на Друштвото на писателите на Македонија од 1963 година.И покрај богатиот книжевен опус, Николова е најпозната како автор на првиот градски лик во македонската книжевност „Зоки Поки“.Николова е авторка на неколку телевизиски проекти: „Зоки Поки“ (тв-куклена серија); „Среќен пат, Зоки!“ (тв-куклена серија, со Глигор Поповски и Видое Подгорец); „Девојките на Марко“ (тв-серија во шест епизоди). Исто така, таа е автор и на неколку радио-игри: „Земја во која не се стигнува“, „Игра за мама“, „Од палец до сон“, „Како расте татковината“, „Големото зошто“.„Вредностите на Оливера Николова во македонската книжевност за деца, од нејзината прва книга, континуирано, се мошне високо рангирани. Сите критичари кои се занимавале со нејзините книги за деца потенцирале дека со нејзиното творештво македонската книжевност за деца се збогатува со дотогаш неоткриени мотиви. Оливера Николова е писателка која сака секогаш да биде нова, која ја истражува и формата, но која пред сè, реагира на животот и на новините кои се случуваат во него менувајќи го сензибилитетот на современото дете“, велат од ДПМ.За своето творештво, Николова добила бројни награди. Така, за „Земја во која никогаш не се стигнува“ во 1966 година ја добила наградата на РТВ Скопје и СВП. Во 1975 година повторно ја добила истата награда, овојпат за делото „Пријателите Бон и Бона“. Во 1977 година по третпат ја добила таа награда, за делото „Мојот звук“, кое се закитило и со наградата „Младо покољење“ за 1978 година. Исто така, таа е добитник на „Змаевата награда“ за 1983 година за посебни постигнувања во современиот израз на литературата за деца.Ш2ЌВо октомври 2012 година, за романот „Куќичка“, беше номинирана како македонски претставник за наградата „Балканика“. Во декември 2013 година, го одбележа јубилејот 50 години од литературното творештво, исто колку и познатиот лик од нејзините раскази за деца, Зоки Поки. По тој повод, издавачката куќа „Детска радост“ објави избор од творештвото на Николова во три тома, насловени како: „Ти чука ли срцето за мене?“, „Ми чука ли срцето за тебе?“ и „Ни чукаат ли срцата за нас?“. За своето книжевно дело, Николова ги освои наградите „Стале Попов“, „Рациново признание“, како и „Роман на годината“ на Утрински весник.Добитничка е на Орден за заслуги за Македонија во 2024 година.

Македонија | пред 1 година

ВРЕДИ: „Фронтот на Ахмети и Села е без компас“

„Сметавме дека 100 дена се доволно време Ахмети и Села да ја прифатат реалноста и да се свртат кон внатрешен кадровски и програмски ремонт пред воопшто да почнат да се обидуваат да ја бараат довербата кај Албанците. Меѓутоа, тие наивно потценувајќи ја интелигенцијата на народот, упорно сакаат демократската околност што не се дел и од оваа Влада да го претворат во причина за меѓуетнички тензии. Тоа што оваа подмолно сценарио не им поминува кај Албанците, кои јасно им ставаат до знаење дека нема да станат алатка за заштита на нивните поранешни корумпирани функционери, ги прави Ахмети и Села фрустрирани, збунети и без компас. Цело лето најавуваа есенски протести, па се префрлија на средби со нивното разочарано членство, пишуваат патетични писма и ги тераат пратениците да бидат подвижни паноа“, велат од ВРЕДИ.„Коалицијата ВРЕДИ ја потсетува дезориентираната Албанска опозиција дека и должи на јавноста одговори на многу чувствителни прашања кои се останати во нивната меморија како заштитен знак на нивниот режим и потсетници за нивното сегашно лицемерие и дволичност. Зошто „западњаците“ од ДУИ му се поклонија на Лавров среде Скопје? Зошто додека беа власт му дадоа државјанство на Александар Онишченко, додека илјадници Албанци родени во Македонија ги оставија без државјанство? Зошто му дадоа бизниси во Тетово на Дака Давидовиќ, кој е на црна листа на САД?Зошто Ахмети не пишуваше писма за одбрана на Албанците кога беше дел од Владата на Груевски и Мијалков? Зошто Ахмети одлучи да го спречи Арбен Таравари да влезе во вториот круг на претседателските избори и ги повика гласачите на бојкот на гласањето за Претседател на 8 мај? Зошто Ахмети лажно тврдеше дека е сигурен коалиционен партнер на ВМРО-ДПМНЕ во Владата, затоа што наводно ја има поддршката на стратешките меѓународни партнери? Кој е креатор на срамната понуда на ДУИ, изречена во собраниската канцеларија број 161 за влез во Влада наместо ВРЕДИ, со четири министерства, без Претседател на Собрание и ветување за теренска поддршка за да се изберат Македонци за градоначалници во Струга и Кичево на локалните избори во 2025?Зошто Ахмети преку своите инсталации во правосудниот систем се обидува да ја дестабилизира земјата преку одлуки за задржување на воинот на УЧК Блерим Рамадани во притвор, укинување на балансерот, Законот за бранители и проблематизирање на употребата на Албанскиот јазик?Како и со чии милиони евра Дрин Ахмети стана сопственик на Соравија?Колку тендери внуците на Ахмети имаат добиено благодарение на режимот на ДУИ? Каде се милионите од казино бизнисите на Артан и Прпарим?Колку народни пари се завршени во џебовите на функционери на ДУИ? Зошто Ахмети и Османи активно работат против полноправното членство во ЕУ со спречување да се случат уставни измени?Се додека нема одговори на овие и многу други прашања, фронтот на Ахмети и Села нема што да бара од Албанците. Коалицијата ВРЕДИ е надежта на Албанците!“, се наведува во соопштението на ВРЕДИ.

Македонија | пред 1 година

Полицијата ги пронајде планинарите кои се изгубија во Тетовско

Вчера во 22.10 часот над село Пршовце, тетовско, по преземени мерки и организирана потрага, полициски службеници од СВР Тетово во добра здравствена состојба ги пронајдоа 12-те планинари од село Боговиње, село Лисец, село Раковец, село Пршовце и Тетово, за кои во 21.30 часот А.Р. од тетовско Боговиње пријави дека не можел да стапи во контакт со нив, извести МВР.Имено, во текот на денот тие заминале во планината над село Пршовце за да одат до место викано „Доброшки езера“, а последната локација од каде контактирале била кога се наоѓале кај „Три Чешми“ во близина на границата со Косово.Лицата биле пренесени во Клиничката болница Тетово на преглед.

Македонија | пред 1 година

Карпош, Сопиште, Кисела Вода и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:- во периодот од 09.00 до 13.00 часот, корисниците од улицата Козле од бр.130 до бр.170 во општина Карпош, како и дел од корисниците од ул.24 во населба Сопиште во општина Сопиште.- во периодот од 09.00 до 14.00 часот, корисниците од улиците Петар Дељан и Ѓорѓи Сугаре, како и дел од корисниците лоцирани на булеварот Борис Трајковски во општина Кисела Вода.- во периодот од 12.00 до 14.00 часот, дел од корисниците од улицата Франце Прешерн во општина Ѓорче Петров.

Скопје | пред 1 година

„Се молиме да издржи“: млада кошаркарка ја загуби раката во страшната несреќа во Нови Сад

Студентката Ања Р.(23) од Параќин е тешко повредена при пад на настрешницата на железничката станица во Нови Сад. Таа се наоѓа во Клиничкиот центар во Војводина, е во тешка состојба и и е загрозен животот, а поради степенот на повредите и е ампутирана раката. Има внатрешно крварење и моментално е на дијализа, објави српски Телеграф.- Ања беше во Нови Сад во несреќен момент. Таму живее нејзиното момче. Можеби се враќала во Белград или штотуку пристигнала. Не знаеме. Се молиме да издржи - кратко изјави нејзината братучетка.Со неа е целото семејство на Ања и сите нејзини пријатели. Загрижени се, се молат девојчето што побрзо да закрепне и да се врати кај родителите и браќата.Женскиот младински кошаркарски клуб е со Ања затоа што таа активно играше кошарка. Велат дека оваа битка за живот сега мора да се добие.Ања е исто така студентка, која студира кинески јазик на Филолошкиот факултет во Белград.Директорот на Клиничкиот центар во Војводина рече дека сите тројца повредени во несреќата се во тешка состојба и дека „вакви тешки повреди се среќаваат само во воени услови“.Во врска со несреќата сослушани се 26 лица, а на распит се уште осум.Да потсетиме, падот на настрешницата во Нови Сад доведе до смрт на 14 лица, додека две жени и еден маж се во тешка состојба во болница.

Свет | пред 1 година

Почина бебе старо осум дена на Детска клиника: Со закаснување донесено во тешка состојба, тешка сепса

Бебето старо осум дена кое починало на Детската клиника пред два дена било предвреме родено, со ниска родилна тежина, а на клиниката било донесено од Струмица со тешка сепса и во многу лоша здравствена состојба, соопшти менаџментот на клиниката.Директорот на Детската клиника во Скопје, д-р Реџеп Мемеди, изјави дека нема спорни околности во случајот со осумдневното бебе кое било донесено од Струмичката општа болница во критична состојба и починало на клиниката.Д-р Мемеди објаснува дека осумдневното бебе било донесено со доцнење и веќе развиена сепса. Најпрво било згрижено во струмичката болница, но поради сериозноста на состојбата било итно префрлено во Скопје на одделот за интензивна нега. Според д-р Мемеди, иако на осумдневното бебе му била обезбедена целосна нега и терапија, кај предвремено родените деца со компромитиран имунитет, ризикот од смртност е значително зголемен при појава на сепса, што било случај и со ова бебе.„Се работи за прематурно бебе, со интраутерино страдање, ниска родилна тежина за возраста. Донесено е од Струмица после неколку дена, сите дома биле болни. Со закаснување донесено во тешка состојба, тешка сепса. Обезбедена е целосната нега и професионална грижа од Оддел за интензивна нега, но за жал кај бебиња со компромитиран имунитет, прематурни, раната сепса има висок степен на смртност.“ - УК за детски болести.

Македонија | пред 1 година

Усмртиле пешак, па лажеле да избегнат вина: преку уличните камери во Скопје се дознала вистината

На 02.11.2024 во 17.25 часот во СВР Скопје било пријавено дека на крстосницата од ул.„500“ и ул.„401“ во село Марино, скопско, патничко возило „хонда цивик“ со скопски регистарски ознаки, удрило во В.Н.(78) од село Марино, а потоа возилото го напуштило местото на настанот. Во несреќата, од здобиените повреди, на местото на настанот починала В.Н., а лекар од Итната медицинска помош констатирал смрт. По насоки на јавен обвинител телото на почината било предадено на обдукција. Извршен бил увид од јавен обвинител и увидна екипа од СВР Скопје и биле преземени низа оперативни мерки за пронаоѓање на возачот и возилото. Прегледани се видео снимки од околни објекти, разговарано е со лице- сведок, како и со лицата кои се сопственици на возилото, кои во службен разговор изјавиле дека го дале возилото на непознато лице без купопродажен договор.Но, по преглед на снимките од „Сејф сити”, констатирано е дека се работи за лажна изјава на сопственичката на возилото Ј.С. од Скопје, која веднаш е приведена во ПС Гази Баба и признала дека нејзиниот сопруг И.С. (46) го управувал возилото. По документирање на случајот ќе биде поднесена соодветна пријава.

Скопје | пред 1 година

(Видео) Косана Мазнева за разрешувањето: Извршив долг на фирма за која ми кажаа дека е поврзана со Данела Арсовска

Косана Мазнева тврди дека направила присилна наплата на долг од фирма која се поврзува со Данела Арсовска во салата „Расадник“. Потоа, беше разрешена. Мазнева вели: „Можеби тоа беше причината“. Го покажа и документот за извршување! За првпат ќе чуете многу работи за Данела Арсовска односно нејзиното раководење со градот. Поткастот е на јутуб-каналот prvatvmk и веб: pretres.mk.?t=660

Скопје | пред 1 година

Драма во паркот во Ѓорче: Мајка пријавила дека жена се обидела да и го киднапира детето

Драма се одвивала во паркот во Ѓорче Петров во текот на вчерашниот ден. Мајка пријавила обид за киднапирање на нејзиното дете, од страна на жена која седела на една од клупите во парк. Според информациите кои „Скопје1“ ги доби и од очевидци, жената прво го викнала детето и му дала да јаде, потоа го фатила за рака и го носела со неа, надвор од паркот.Кога мајката забележала што прави, почнала да вика да застане, а поради сомнежот дека се обидува да и го киднапира детето, почнала да вика и „полиција, полиција“. Жената застанала и и рекла да престане да се дере. Случајот е пријавен и во полиција, а жената која го земала детето посочила дека целта и била да го однесе кај нејзините деца додека го најде родителот - иако мајката била цело време близу со детето.„Ддодека била со нејзините две деца, М.М.(46) од Скопје, која била со своето дете, викнала едно од децата на А.Б. да седи со нејзиното дете и им дала да јадат. Потоа М.М. со детето на А,Б. тргнала накај пазарот, по што А.Б. истрчала по нив и си го земала детето. Со М.М. е извршен службен разговор во ПС Ѓорче Петров и посочила дека сакала да го однесе детето кај своите деца додека да го најде родителот“, велат од МВР за „Скопје1“За случајот е известен и јавен обвинител.

Скопје | пред 1 година

(Видео) Познати уапсените за убиството во Арачиново: двете лица завршија во затворот во Шутка

Во врска со извршеното кривично дело „убиство" на 01.11.2024 во с.Арачиново, скопско, каде што со огнено оружје беше убиен С.А. (56) од с.Арачиново, a Х.А. (20) од с. Арачиново, се здобил со прострелни рани, од страна на Единицата за насилен криминал при СВР Скопје преземени се мерки и активности, при што утврден е идентитетот на сторителите и тоа Ш.Ш. (23) од с.Арачиново и Е.Ш. (31) од с.Арачиново.Исто така, утврдено е и возилото со кое е извршено кривичното дело "ауди А5" со скопски регистерски ознаки, во сопственост на Е.Ш., кое е пронајдено и одземено.На 02.11.2024 од страна на ЕНК-ОКСД во координација со ОЈО Скопје поднесена е кривична пријава по брза постапка против Ш.Ш. за кривично дело „убиство" предвидено и казниво по член 123 од КЗ и кривично дело „убиство" предвидено и казниво по член 123 во врска со член 19 од КЗ и кривична пријава против Е.Ш. за кривично дело „убиство" предвидено и казниво по член 123 во врска со член 22 од КЗ и кривично дело „убиство" предвидено и казниво по член 123 во врска со член 19 во врска со член 22 од КЗ, при што Е.Ш. е лишен од слобода, а Ш.Ш. е во бегство и се преземаат мерки за негово пронаоѓање..Од страна на Судија на претходна постапка на двете пријавени лица им е одредена мерка притвор во траење од 30 дена.

Скопје | пред 1 година

Нападнат Никола Димитров: Пријавив, бидејќи имаше физичка агресија

Ексминистерот за надворешни работи, Никола Димитров, бил нападнат во присуство на неговиот син. Случајот сведочи дека го пријавил во полиција бидејќи имало агресија, покрај заканите.„Ние сме јавни личности, ние мораме да имаме повисок праг на толеранција на критика и да сме свесни дека не сите граѓани ќе ја почитуваат или ќе се задоволни од нашата работа. Но, во моментот кога таа критика е изблик на вербална или физичка агресија, мора да се реагира. Должност е да се реагира. Затоа и случајот уредно го пријавив. Јас сум добро, самиот инцидент не сакам ни да го коментирам, си бркаат работа органите на редот, ама очигледно не е добра македонската демократија и тоа си заслужува коментар“, напиша Димитров.Тој ги повика надлежните да воспостават ред во Македонија, со оглед на фактот дека моментално се случува хаос. Тој потсетува на меѓуврзничкото насилство, дивеењето, тепачките од билтенот на МВР.

Македонија | пред 1 година

Ова се настраданите во Нови Сад: Меѓу 14-те загинати има и две девојчиња - оделе на родендени, прослави, посетувале семејства...

Во трагедијата што се случи на Железничката станица во Нови Сад животот го загубија 14 лица, кога ненадејно се урна настрешницата пред влезот. Меѓу загинатите има и четири деца. Меѓу жртвите има и две девојчиња кои отишле со својот дедо кај друг дедо и баба да прослават, една девојка и еден дечко кои отишле да го прослават својот 21 роденден, додека најмладата жртва има само 5 години. Меѓу 14-те загинати има и маж од Македонија.Васко Саздовски (45) МакедонијаКомар Немања (17) од СтепановиќевоРуман Андела (20) од Стара ПазоваЃорѓе Фириќ (53) од КовиљеФириќ Валентина (9) од КовиљиФириќ Сара (5) од КовиљиАдамовиќ Милица (16) од КаќМилева Карановиќ (76) од КаќАрбутина Ќириќ Сања (35) од КаќХрка Стефан (27) од БелградМилосављевиќ Милош (21) од КничанинШвоња Ѓуро (77) од СтепановиќевоРаковиќ Вукашин (69) од БуковацРаца Горанка (58) од Нови СадМеѓу загинатите е и Васко Саздовски (45), научник од Македонија, кој работел во Институтот Биосен во Нови Сад, каде што се истражуваат и развиваат информатичките технологии за земјоделството. Зад себе ги остави сопругата и двете деца.- Саздовски работеше во Центарот за сензорски технологии. Се вработил во водечка европска институција како искусен научник. Претходно имаше научна кариера - изјави директорот на Институтот Владимир Црнојевиќ.Анѓела Руман (20) од Стара Пазова и Милош Милосављевиќ Киви (21) од Книќанин кај Зрењанин пред несреќата отишле да го прослават неговиот роденден. Милош бил млад фудбалер, а пред да го прослави роденденот требало да одигра натпревар во неговиот клуб во Кничанин - клубот сподели заедничка фотографија и се прости од трагично повредениот пар.- На железничката станица во петокот ја чекал девојката Анѓела Руман (20) од Стара Пазова. Роденденот на Милош беше во четврток на 31 октомври, а прославата требаше да се одржи на стадионот денеска. Наместо роденденска прослава, во клубот и селото владее молк и неверување. Сите до последен момент се надевавме дека е повреден, дека е во болница и затоа не се јавуваше на телефон. Милош зад себе ги остави постарите сестри Наташа и Милица, а нивните родители Оливера и Горан - изјави за „Курир“ Милан Иќиќ, вујко на Милош.Девојчињата Тина (9) и Сара (5) заминале со нивниот дедо Ѓорѓе Фириќ, со кого чекале воз. Од тој момент семејството во солзи пред Ургентниот центар во Нови Сад, чекале вести за Сара и Тина.- И двете умреа, ги нема - рекол друг дедо од Лозница, Бранко Матиќ, кој вчера нетрпеливо ги чекал да дојдат кај него на вториот ден од крштевната слава на Свети Лука.Дедото Ѓорѓе го затрупале урнатините... А спасувачите успеале да ги извлечат девојките. Но не успеале да ги спасат поради сериозните повреди.Семејството по ранецот ја препознала Милица Адамовиќи (16) од Каќ, една од трите жртви од ова место.- Го прашав таткото на Милица каков ранец носи. И рече на розев и ми го покажа, знаев дека е таа. Околу 11 часот се слушнала со мајка си, а во 11 часот и 30 минути со брат и се договориле да го гледаат натпреварот, но не го гледале - раскажала нејзината братучетка.- Боже, колку младост помина во еден миг. Прерано почина уште едно девојче, почивај во мир убавице - имаше кратки пораки упатени до убавата Милица, под кои се редеа потресни коментари за уште еден изгубен невин живот.Милева Карановиќ (75) од Каќ седела на клупа пред железничката станица кога се случила трагедијата. Познаници на семејството велат дека Милева неодамна имала повреда на ногата, поради што вчера отишла на лекар.- Имаше гипс на ногата и вчера требаше да го извади. Кога го отстраниле гипсот, таа се вратила дома. Веројатно затоа седнала на таа проклета клупа, бидејќи не можешла да издржи. Слушнавме дека бетон ја закопал, а синот ја препознал по раката - раскажуваат познаници.Сања Арбутина Ќириќ (35) од Каќ загина во невидена трагедија во Нови Сад, додека нејзиниот сопруг споделува шокантни зборови кои ја кинат душата.- Сања вчера отиде на цветниот пазар во Нови Сад да купи цвеќе, три пати и се јавив и таа не ми одговори. Мислев дека не го слуша телефонот, кога ќе ги види пропуштените повици ќе ми се јави. Мислам дека не одговара. Влегов во автомобилот и отидов во Нови Сад... Знаев што значи тоа, знаев дека ја изгубив Сања, мојата љубов, целиот мој свет - рекол сопругот Никола Ќириќ.Граѓаните на Степановиќ од ова место се простуваат од Немања Комар (17), кој загина во трагедијата.„Прости ни, не знаевме дека те испраќаме во смрт“, потресните зборови напишани под фотографијата на Немања, додека една објава се издвои во морето од други - а напишано е од раката на мајката на врсникот на Немања, чие дружење го прекина неговата тешка судбина.- Почивај во мир невино момче. Момчето кое загина трагично беше школски другар на мојот син. Го пишувам ова со солзи во очите и се прашувам зошто и кога ќе престанат страдањата на невините луѓе. Длабоко и искрено сочувство до семејствата кои ги загубија своите најблиски – напиша оваа жена погодена од трагедијата.Ивана Раковиќ, ќерка на Вукашин Раковиќ изјавила дека Вукашин е татко на четири деца и дедо на осум внуци. Тој бил на пат кон Каќ кога се случила трагедијата.- Му се јавија на брат ми, но не ме известија. Седеше на клупа, немаше телефон. Имаше две операции, носеше канила и не можеше да зборува. Но, тој се движеше - рече Ивана и додаде дека нејзината мајка тешко ја поднесувала оваа тешка вест.Пријател на починатата Горанка Рача (58) сподели шокантни зборови откако дозна за трагичната смрт.- Само што дознав дека една од загинатите во вчерашното злосторство во Нови Сад е мојата пријателка Горанка Гога Рача. Драга Гога, каква судбина е ова? Се надевам дека вашата душа најде мир. Благодарение на тебе ја открив Хомеопатијата и засекогаш ќе ти бидам благодарна за тој подарок – напиша пријателката на Гога збогувајќи се со неа.Меѓу жртвите е и Ѓуро Швоњо (78) од Степановиќи, кој е втора жртва од ова место, заедно со Немања Комара (17).

Свет | пред 1 година

Двајца браќа осомничени за убиство и обид за убиство во Арачиново

Јавен обвинител од Основното јавно обвинителство Скопје донесе Наредба за спроведување истражна постапка против двајца браќа од Арачиново на возраст од 23 и 30 години, кои се осомничени дека како соизвршители сториле по едно кривично дело – Убиство од член 123 став 2 точка 1 и по едно кривично дело – Убиство од член 123 став 2 точка 1 во врска со член 19 (во обид) од Кривичниот законик.Тие заеднички и со умисла на подмолен начин лишиле од живот едно лице, а се обиделе да го лишат од живот и неговиот син,  поради нерасчистени должничко доверителски односи, односно поради долг од 7.000 евра, кој сега починатиот го имал кон покојниот татко на осомничените.Двајцата браќа се договориле да се најдат со таткото и синот, при што постариот брат тргнал кон нив физички да се пресмета, а помладиот извадил огнено оружје – пиштол и испукал неколку пати кон оштетените, нанесувајќи им повеќе прострелни рани. Кај нападнатиот татко настапила смрт, додека неговиот син се здобил со тешки телесни повреди. Двајцата осомничени со автомобил веднаш го напуштиле местото.Подоцна постариот брат е пронајден и лишен од слобода, а по помладиот се трага.Јавниот обвинител до судијата на претходна постапка од Основниот кривичен суд Скопје за двајцата достави предлог за определување мерка притвор, со тоа што за лицето во бегство таа ќе се применува од неговото пронаоѓање и лишување од слобода.  До Судот е доставено и барање за издавање наредба за приведување на осомничениот кој е недостапен на органите на прогонот.

Скопје | пред 1 година

Загинатиот Саздовски бил научник во Институт во Нови Сад

Меѓу загинатите на Железничката станица во Нови Сад, каде што бетонскиот покрив се урна од зградата на станицата, беше и Васко Саздовски од Македонија.Според информации на „Политика“, тој имал 45 години и како научник работел во Институтот „Биосенс“ во Нови Сад, каде што се истражуваат и развиваат информатички технологии за земјоделството.Саздовски работел во оваа водечка европска институција како искусен научник.Саздовски работел во Институтот околу една година, а речиси секој викенд го поминувал дома во Македонија, каде што живеат неговата сопруга и двете деца.

Македонија | пред 1 година

Еден уапсен за убиството во Арачиново: позната причината за пукањето

Дежурен јавен обвинител од Основното јавно обвинителство Скопје синоќа изврши увид во Арачиново, каде во оружен инцидент едно лице е лишено од живот, а уште едно е потешко повредено.Се преземаат сите дејствија за расчистување на настанот. Од лице место се подигнати траги и материјални докази, обезбедени се и се прегледуваат снимки од видео надзор, на телото на починатиот ќе се врши обдукција.Првичните сознанија упатуваат на нерасчистени должничко-доверителски односи како можен мотив на сторителите, од кои едниот е лишен од слобода, а по другиот се трага.

Скопје | пред 1 година

(Видео) Што превезуваат ѓубретарките на Комунална ноќе низ Скопје: „...Крв до колена, не попуштам!“

Што превезуваат ѓубретарките на Комунална хигиена низ Скопје?! Зошто група вработени „се тепа“ да биде трета смена?! Ова прашање се отвори во „Претрес“ со разрешената директорка Косана Мазнева.„Таквото однесување, блискоста на одредени полцииски структури со бандитската криминогена група да се ниво на ;брат не сме сме се виделе, викни го овој викни го оној'.. Дали мислите за 34 посто ноќен труд работеа, не ви е малку чудно?!“, вели Мазнева во дел од поткастот „Претрес“.Tврди дека заканите кон неа и нејзиното семејство, од „мафијаши“ во претпријатието биле грозни и живото-загризувачки.„Јас им кажав може крв да падне до колена на сред возен парк, нема да попуштам“, додава Мазнева.Сите нечуени детали:

Скопје | пред 1 година