ТОП

Сања Божиновска лично потпишала: Изјавувам дека имам бугарска самосвест и дека имам бугарско потекло, објави Бгнес

Пред две децении, еден од најблиските министри до премиерот, Христијан Мицкоски, го покажа своето убедување дека има бугарски идентитет и корени, објави Бгнес.„Изјавувам дека имам бугарска самосвест и бугарско потекло“. Ова во 2004 година го напишала актуелната македонска министерка за енергетика и бугарска државјанка Сања Божиновска, пренесе Бгнес.На 18 октомври годинава Божиновска свечено соопшти дека „ниту еден граѓанин на (Северна) Македонија кој се стекнал со бугарско државјанство не се чувствува како Бугарин“. Таа тврди дека поднела барање за бугарско државјанство, како и десетици илјади други Македонци, исклучиво од „економски причини“. Божиновска ја нарече постапката „измама со документи воведена од бугарската држава“.Во октомври 2004 година, пак, во изјавата кога аплицираше за бугарско државјанство, Божиновска изјави дека нејзината мајка и татко - Перо и Виолета - биле Бугари.„Ниту еден граѓанин на Македонија не потпишал декларација дека се чувствува како Бугарин, бидејќи тоа го прават бугарските адвокати кои земаат пари за посредување“, напиша Божиновска во својата објава на Фејсбук од 18 октомври.Наспроти нејзините тврдења, Божиновска, а не нејзиниот адвокат, лично потпишала декларација во која напишала: „Изјавувам дека имам бугарска национална свест и имам бугарско потекло“.Така, пред две децении, еден од најблиските министри до премиерот Христијан Мицкоски го покажа своето убедување дека има бугарски идентитет и корени. Во декларацијата на Божиновска не се наведени „економски причини“ или „работа во странство“ како причина што таа ја тврди. Вакви основи за државјанство не постојат според бугарското законодавство. Згора на тоа, во 2004 година, Бугарија сè уште не беше членка на Европската унија. Сања Божиновска добро знаела за постапката, бидејќи покрај мајка и и татко и, нејзиниот брат Даниел е бугарски државјанин.Божиновска е кривично одговорна според бугарското законодавство доколку приложила лажни податоци во декларацијата што ја потпишала.

Македонија | пред 1 година

Најмалку 95 загинати во Шпанија, спасувачките операции се во тек: „Сè е како од филм за катастрофа“

Страшни поплави ја погодија Шпанија. Валенсија беше најтешко погодена. Најмалку 95 лица загинаа, десетици се водат како исчезнати. Спасувачките операции се во тек.„Јас сум во дел од градот Валенсија наречен Ла Торе и, кога сонцето почнува да изгрева, јасно може да се види степенот на уништувањето во оваа област.Само што одев 10 минути по патот, се обидов да ги избројам уништените автомобили, но десетици и десетици од нив се расфрлани насекаде.Пред мене е куп од девет автомобили „наредени“ пред локалната банка. По целата должина на коловозот се протега дебел слој кал и шут.Локалните жители одат кон градот и видов некои како се враќаат со големи шишиња вода. Полицијата патролира во областа.Тешко е да се опише, но се чувствувате како да сте на снимање на филм за катастрофа - но ова е реалноста за луѓето кои живеат овде. Ќе треба долго време да се санира штетата“, напиша репортер на Би-би-си.

Свет | пред 1 година

Странец осомничен за давање поткуп на Блаце, доставен предлог за притвор

Основното јавно обвинителство Скопје донесе Наредба за спроведување истражна постапка против турски државјанин за кого постои основано сомнение дека сторил кривично дело – Давање поткуп согласно член 358 став 1 од Кривичниот законик.На 30 октомври, на граничниот премин “Долно Блаце”, при влез во државава, осомничениот 50-годишник директно на службено лице му дал подарок за да изврши службено дејствие што не би смеело да го изврши.Откако претходно, при пасошка контрола и проверка, полицискиот службеник констатирал дека осомничениот веќе престојувал во Република Северна Македонија 90 дена во изминатиот период од 180 дена, по што му одбил влез, осомничениот за 20-тина минути се вратил на граничниот премин и директно на раководителот на смена му дал парични средства во износ од 100 евра со цел да му дозволи да оствари влез во државава.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, особено имајќи предвид дека станува збор за странски државјанин кој нема регулиран престој во земјава и дека постои реална опасност од бегство.

Македонија | пред 1 година

(Видео) Мазнева-Николиќ: Данела Арсовска беше лошо решение, но кукавички чин е да се откажете од личноста која сте ја поддржале

Косана Мазнева-Николиќ, сменетата директорка на Комунална хигиена, во поткастот „Претрес“, рече дека Данела Арсовска беше лошо решение за градоначалник на Скопје.„ВМРО-ДПМНЕ ја утна работата со изборот на Данела Арсовска за кандидат за градоначалник на Скопје. Сакам да им се извинам на граѓаните што бев дел од таа приказна”, рече Мазнева-Николиќ.Таа нагласи дека брдо пари беа потрошени за кампањата на Арсовска за градоначалник, но кукавички чин е да се откажете од личноста која сте ја подржале.

Скопје | пред 1 година

(🔴Во живо) „Претрес“ на Косана Мазнева: за Данела Арсовска, „мафиите“ во Комунална, (не)чистотата во Скопје

Змии и глувци ни шетаат низ центарот на Скопје. Препознатлива слика за скопјани се полните и смрдливи контејнери. Ова треба да го решава првата градска дама Данела Арсовска со нејзините соработници, кои кај нејзе имаат и краток рок на траење. Во овој „Претрес“ ќе го соголиме проблемот на скопјани, но и работењето на Арсовска во комуналниот дел. Кој до волку го изгнаси Скопје?Едно време добри пријателки и соработнички... Ја расипаа калимерата... Каде и зошто пукна тиквата помеѓу Данела Арсовска и Косана Мазнева? Каква е состојбата во Комунална хигиена? Зошто градот е во лоша комунална кондиција?Вергла не пали, луфта на предница, тропа мењач, не шалта мењач – се дел од дефектите поради кои возилата за подигање на смет се вон функција.Koј го изгнаси Скопје до овој степен? За мафијашките структури кои ги збореше Арсовска, борбата со ветерници, клоцата по фалбите, тендерите... ќе ја претресеме Косана Мазнева, ексдиректорка на Комунална хигиена..Има ли надеж за ова претпријатие?! Дознајте сега, во живо во „Претрес со Ландов“:https://www.youtube.com/live/cCwc_8u_ofc

Скопје | пред 1 година

Влегува ли ЛДП на Зајкова во Влада - Мицкоски има став

„Секој кој ја поддржува владата е добродојден и може да се приклучи“, одговори премиерот Христијан Мицкоски на прашањето дали Моника Зајкова од ЛДП ќе се приклучи на владината коалиција.„Владината коалиција е стабилна. Секој кој ги поддржува политиката, може да се приклучи. Не сме разговарале во рамките на партијата и коалицијата, но е процес кој треба да добие поддршка од сите политички чинители, и не е важно само што Мицкоски ќе каже“, рече Мицкоски.Премиерот присуствуваше на поставување на камен темелник на детска градина во Ѓорче Петров.

Македонија | пред 1 година

(Видео) Пази на глава: Виси фасада на улица „Македонија“, може да падне во секој момент

На улицата Македонија, во строгиот центар на Скопје висат парчиња од барокните фасади на зградите.Парчињата можат секој момент да паднат врз граѓаните кои секојдневно минуваат низ улицата или седат во кафулињата.

Скопје | пред 1 година

Коментари за ЈСП: „Вие пуштете автобуси па после фалете се со новитетите, никогаш не би ви платила за ваков безобразлук каков што гледам“

ЈСП промовираше нов начин на плаќање, а граѓаните во коментари упатија низа критики за нередовниот автобуски превоз, непочитувањето на возниот ред, но и за нефункционирање на апликацијата. Апликацијата „Скопска“ е заменета со новата „Скопјебус“. Се обидовме да ја симнеме апликацијата, но, безуспешно. Иако во објаснувањето стои дека треба да работи од изминатиов понеделник.„Вие пуштете автобуси па после фалете се со новитетите, среќа не користам ваш превоз инаку никогаш не би ви платила за ваков безобразлук каков што гледам...срам да ви е што народот го множите со нула.....А СЕГА АКО САКАТЕ ИСФИЛТРИРАЈТЕ ГО МОЈОТ КОМЕНТАР“, стои во еден од коментарите.„Имав купено месечен билет во износ од 1400 ден. Истите не се префрлија на новата апликација па бев приморана утринава да купам нов билет. Автобуси немате ама битно нов систем за наплата имате. Срамота!“, стои во друг коментар.„Оправете се со возниот ред. Нема возила“, пишува жителка на Скопје.„Еве го 30ти, ни Скопје ни Бус, уште нема ни трага ни глас од апликацијата“, додава друг корисник на услугите на ЈСП.

Скопје | пред 1 година

(Видео) Aпокалиптични сцени од Шпанија, најмалку 50 загинати, владее хаос

Спасувачите во Шпанија ги извлекуваат мртвите бебиња од поплавите што ја зафатија таа европска земја. Досега се извлечени телата на најмалку две бебиња, а бројот на загинати во невидените поплави надмина 50. Како што јавија локалните медиуми, спасувачите ги извлекле телата на четири лица, двајца мажи, една жена и едно бебе, во градот Паипорта. Во градот Торент спасувачите пронашле пет безживотни тела, меѓу кои и бебе. Најтешко беше погодена Валенсија, каде неколку лица се уште се водат како исчезнати.Туристите кои дојдоа да ја посетат Валенсија велат дека биле заробени во возилото речиси 10 часа. Виталиј Фарафонов и неговата сопруга биле во посета на Валенсија кога полицијата синоќа околу 20 часот ги извлекла од автопатот.„Беше хаос. Изброивме девет или 10 превртени камиони на дел од автопатот за помалку од еден километар. Никогаш не сме виделе такво нешто“, рече Фарафонов.Снимките кои кружат покажуваат како луѓе се обидуваат да се спасат од поплавите качувајќи се на дрвја. Властите користат хеликоптери за да ги спасат жителите од нивните домови.Други видеа споделени од шпанските радиодифузери покажуваат дека водата навлегува во куќите додека автомобилите ги носи низ улиците.Радио и ТВ станици добија стотици повици за помош од луѓе заробени во поплавените подрачја или во потрага по најблиски, бидејќи службите за итни случаи не можеа да стигнат до сите погодени локации.

Свет | пред 1 година

ЈО да истражи во чии џебови завршија три милиони евра повеќе од предвиденото за набавка на уред од МЕПСО, бара ВМРО-ДПМНЕ

„СДС и ДУИ се симбол за криминал, корупција, скандали, злоупотреби на службените должности и овластувања за лично богатење на поединци во нивните редови и лица блиски со нив“, велат од ВМРО-ДПМНЕ.„Владеењето на СДС и ДУИ е забележано со бројни криминални и корупциски скандали, таков е последниот во МЕПСО каде постојат сомнежи и индиции за злоупотреба на три милиони евра пари на граѓаните. Компанијата, под водство на лица од овие партии, склучила договор за набавка на уред за три милиони евра поскап од предвидениот План за развој, кој самите го донеле.Под водство на Зуди Енуз од, така наречениот, фронт на ДУИ и поставен од СДС, во јуни годинава МЕПСО склучил договор со албанска фирма „Шанси Инвест“ за набавка на уред за корекција на напонски профил на трансформаторска станица. Во Планот за развој на електро преносниот систем на МЕПСО 2021-2030 година, буџетот предвиден за уредот за корекција изнесува 2.8 милиони евра, а во договорот склучен со оваа фирма истиот уред изнесува 5.864 милиони евра, што е за три милиони евра повеќе од планираното.Дополнителен загрижувачки факт е што на овој тендер албанската фирма Шанси Инвест учествува со Далековод АД Загреб, која е фирма за производство на таквиот вид на опрема и која се јавува како поголем партнер во конзорциумот.Од сето ова се покренуваат сомнежи за улогата на албанската фирма кога истата опрема доаѓа, можела да се набави и да биде монтирана директно од фирмата производител. Дали Шанси Инвест е фирма која послужила за вадење на профитот од над 3 милиони евра повеќе од планираното?Го повикуваме Јавното обвинителство веднаш да отвори случај и да истражи во чии џебови завршила разликата од три милиони евра“, соопшти ВМРО-ДПМНЕ.

Македонија | пред 1 година

Две директорки осудени за лажни сертификати како на Христовски, Обвинителството мора да постапи, бара СДСМ

„Откако Мицкоски ја киднапираше Агенцијата за национална безбедност, скандалот со незаконското поставување директор станува се поголем. Две директорки на јавни установи се осудени на условни казни затоа што приложиле ТОЕФЛ сертификат издаден од компанијата „Јулија ЦО ЛТД“ од Пловдив, Бугарија“, велат од СДСМ.„Тоа е од истото место и од истото правно лице од каде што е и серитфикатот на директорот на АНБ, Бојан Христовски.За случаите со двете директорски институциите постапиле и не чекале ниту да се изјасни ДКСК, ниту јавно некој да ги повикува, МВР поднело кривични пријави и лицата се осудени.Сега зошто Панче Тошковски не постапува, по ист пример и за исто дело, употреба на исправа со невистината содржина? Зошто МВР нема поднесено кривична пријава за Христовски?Тошковски штити некој што прекршува закон? Или за него партиската припадност на Христовски е карт бланш дека не смее да биде гонет?МВР би требало да има исти критериуми и да постапува по закон, неселективно а не да штити прекршување на законите.Го повикуваме Тошковски да почне да ја работи работата за којшто е платен од граѓаните.Јавното обвинителство не треба да чека, согласно своите надлежности трева да постапи и да отвори истрага за утврдување одговорност на Христовски за овој скандал со незаконско поставување на директор на АНБ“, соопшти СДСМ.

Македонија | пред 1 година

„Ја држел затворена и насилно ја претепал, таа со нож си ги исекла вените“, обинителството поведе постапка против битолчанец

Основното јавно обвинителство Битола поведе постапка против 39-годишен битолчанец, осомничен за дело – Противправно лишување од слобода од член 140 став 5 во врска со став 2 и со став 1, како и – Телесна повреда од член 130 став 2 во врска со став 1 од Кривичниот законик.На 21 октомври, при вршење на семејно насилство и на свиреп начин, осомничениот противправно ја затворил и ја држел затворена, а потоа и телесно ја повредил неговата поранешна партнерка. Оштетената, пред нејзината куќа, влегла во неговото возило. Тој започнал да вози и најпрво со тупаница ја удрил во пределот на главата Потоа ја однел во неговата викендица во Нижеполе, каде насилно ја турнал, ја заклучил и додека ја држел затворена, еден час ја удирал со шлаканици, тупаници и клоци по главата и телото.Оштетената не можела повеќе да го издржи ваквото негово насилничко однесување, па посегнала по нож од кујната со кој си ги исекла вените на левата рака. Но, осомничениот продолжил свирепо да ја удира, нанесувајќи и повеќе телесни повреди.Јавниот обвинител до судијата на претходна постапка достави предлог за определување мерка притвор, но осомничениот е во бегство, па притворската мерка ќе започне да се спроведува сметано од денот на неговото пронаоѓање, лишување од слобода и приведување.

Македонија | пред 1 година

Пронајден е Хадис, објави неговиот татко - се чека МВР со детали

Малиот Хадис кој беше изгубен во Ченто, е пронајден, објави неговиот татко Самир Абазов.„Детето е пронајдено живо и здраво, фала ви од срце“, напиша тој.Засега не е познато каде е пронајден Хадис и како исчезнал. Детални информации „Скопје1“ побара од МВР, од каде очекуваме одговор.

Македонија | пред 1 година

(Видео) Се огласија од хотелот во Берово, каде викендов изби пожар

Менаџерите од хотелот „Манастир“ во Берово објавија дека продолжуваат со работам по полжарот го изби во комплексот во текот на викендот. Тие посочуваат дека зафатен бил само мал дел од кујната, а сите делови од комплексот се во функција.„Со голема радост ви објавуваме дека од понеделник, 04.11.2024, продолжуваме да ве пречекуваме во нашата и ваша уникатна безвременска приказна хотел МАНАСТИР, Берово Иако на 27.10 вечерта имавме пожар во еден дел од хотелскиот комплекс Манастир – во дел од ресторанот каде е отворената скара – со радост можеме да ве известиме дека само помал дел од ресторанот е зафатен и пожарот е успешно локализиран благодарение на брзата реакција на колегите, пријателите и противпожарните служби. Сите други делови од комплексот се во совршена функција – сместувачките капацитети, кујната, вториот дел од ресторанот, терасите, СПА-то, паркот.... и ве чекаат, подготвени да ви понудат гостопримство и високо квалитетна услуга по која сме препознатливи. Периодов ќе следи и санација на погодениот дел од ресторанот, за брзо враќање на неговиот автентичен амбиент“, вели Дина Муцунска.„Голема благодарност кон медиумите кои ни оддадоа внимание, а со тоа и големо уважување, а особено голема благодарност и почит кон противпожарните служби, најнапред до нашата ТППЕ Берово, а секако и до оние од Пехчево, Делчево, Виница, Кочани и Струмица, кои со голема пожртвуваност и професионалност овозможија нашиот хотел и натаму да биде ваша омилена дестинација за одмор, работа и уживање“, додава таа.

Македонија | пред 1 година

(Фото) Дојава за бомба во фабрика во Скопје

Утрово во 08.20 часот во СВР Скопје, вработена во правно лице од населба Илинден во Скопје пријавила дека на службениот меил на правното лице во 06 часот стигнала порака дека во фабриката е поставена експлозивна направа.Веднаш се упатени екипи на СВР Скопје и Единицата за антитероризам и откако биле извршени потребните проверки, не била пронајдена експлозивна направа, односно констатирано е дека станува збор за лажна пријава.

Скопје | пред 1 година

Пишман претседателка-закажа па откажа дебата за помилувањата

Претседателката Гордана Сиљановска- Давкова, за денеска поканила членови на сите досегашни членови на Комисиите за помилување да дебатираат за подобрување на процесот на помилување во пракса.Како ја закажа, така се премисли и ја откажа, по електронска пошта, без образложение. Дебатата требаше да помогне во решавање на проблемите по бурните реакции во јавноста за 10 лица помилувани меѓу кои и водачот на кланот Барон Акиф Равмановски кој во меѓувреме е повторно вратен во затвор.Како што дознава Скопје1 од денеска треба да почнат и консултациите за формирање на новата Комисија за помилување, откако во саботата актуелниот состав колективно си поднесе оставка, а претседателката ги прифати оставките.Вчера, премиерот Мицкоски, ја поздрави оставката на комисијата, притоа потенцирајќи дека кој работи и греши и дека е важно што Комисијата ја прифати грешката.„Комисијата не призна грешка како што посочува Мицкоски, туку дека се придржува до принципи”, е ставот на Гордан Калајџиев, сега поранешен член на Комисијата за помилување.Опозициската СДСМ побара оставка од претседателката бидејќи таа е последниот филтер кој одлучува, а Комисијата е само советодавно тело.

Македонија | пред 1 година

Севдије Коџа признала во суд дека станала директорка на дебарската болница со лажен сертификат по англиски добиен во Бугарија

Директорката на Општа болница Дебар, педијатарката Севдије Коџа, на 4 октомври годинава, признала вина во суд дека со лажен сертификат по англиски јазик од Бугарија конкурирала за да стане директорка, дознава „Слободен печат“. Осудена е на две години условна казна, зашто вината е утврдена со признание, а за висината на условната осуда Обвинителството нема приложено жалба. Додека против неа беше поднесена кривична пријава за ова дело, министерот за здравство Арбен Таравари повторно ја назначи за директорка, со образложение дека немало пресуда и „дека ги исполнува законските услови за директорка“.Кривичната пријава што против поранешната членка на ДУИ ја поднесе МВР за лажен сертификат за познавање англиски јазик. Еден од предводниците на коалицијата „Вреди“, лидерот на Беса и градоначалник на Тетово Биљал Касами, се пофали на Фејсбук за „трансферот“ на докторката Коџа во „Вреди“ .„Докажани жени во различни професии континуирано се приклучуваат на големото семејство на надеж и достоинство. Севдије Коџа, началник на Одделот за педијатрија во Општата болница Дебар, докторка со над 15 години искуство во здравствените институции во Северна Македонија, се приклучува на движењето Беса, за да придонесе за зајакнувањето на улогата на жените во нашето општество. Добредојде Севдије во движењето на надежта, со среќа!“, напиша Касами во објавата од 6 август годинава.„Слободен печат“ ја побара пресудата за Коџа од Основниот кривичен суд денеска, бидејќи на сајтот на Кривичниот суд не е објавена. Се јавивме и кај директорката Коџа да ја прашаме како се случило да го добие сертификатот и каде го добила во Бугарија, но таа негираше дека признала вина за фалсификувана исправа и тврдеше дека не знае за што зборуваме.„Пријавената С.К. вработена во Општата болница Дебар, набавила лажен меѓународен сертификат за познавање англиски јазик, издаден од училиште за јазици од Република Бугарија. С.К. го употребила сертификатот за познавање англиски јазик при аплицирање на конкурс за именување директор на ЈЗУ Општа болница Дебар, по што од министерот за здравство била именувана за вршител на должноста – директор на ЈЗУ Општа болница Дебар“, пишува во билтенот на МВР од 14 февруари годинава кога на Коџа ѝ беше поднесена кривичната пријава.Заедно со кривичната пријава против Коџа, на истиот ден (14 февруари 2024 година) единицата за корупција при Одделот за сузбивање на организиран и сериозен криминал, до Основното јавно обвинителство Скопје, поднесе кривична пријава и против Т.К.(49) од Скопје по истиот основ – постоење основи на сомнение за сторено кривично дело „употреба на исправа со невистинита содржина“.Пријавената Т.К., вработена во основно училиште во село Драчево, Скопско, и пријавената С.К., вработена во Општа болница Дебар, набавиле лажни меѓународни сертификати за познавање на англиски јазик, издадени од училиште за јазици од Република Бугарија. Т.К. го употребила сертификатот при аплицирање на јавен оглас за избор на директор на основно училиште во село Драчево, по што со решение на градоначалникот на Општина Кисела Вода била именувана за директор во училиштето. На сличен начин, С.К. го употребила сертификатот за познавање англиски јазик при аплицирање на конкурс за именување директор на ЈЗУ Општа болница Дебар, по што од министерот за здравство била именувана за вршител на должноста – директор на ЈЗУ Општа болница Дебар, се наведува во билтенот на МВР.

Македонија | пред 1 година

Две работи се сигурни, сите ќе заминеме од овој свет и нема да има зголемување на платите на функционерите, кажа Мицкоски

„Две работи се сигурни. Првата е дека еден ден сите ќе заминеме од овој свет, а втората е дека нема да има зголемување на платите на функционерите“.Ова го изјави премиерот Христијан Мицкоски на денешната прес-конференција, уште еднаш потврдувајќи дека е сигурно оти платите на функционерите нема да се зголемат во рамки на усогласувањето со минималната плата на почетокот на идната година.– Едно е сигурно. Покрај онаа работа дека еден ден сите ќе заминеме од овој свет, е дека од догодина нема да има зголемување на платите на функционерите – кажа премиерот пред почетокот на Првата годишна конференција на „Блумберг Адрија“ во Скопје насловена: „Back to business: Економски потенцијал и развојни можности за Македонија“.Инаку, предвидено беше платите на функционерите повторно да се зголемат во јануари 2025 година, согласно растот на годишната просечната плата, која е основица за пресметување. Се очекуваше зголемување од околу 330 евра за највисоките функционерски плати за премиерот, претседателот и за спикерот, до околу 130 евра за најниските.Избраните и именувани функционери од април минатата година земаат плати повисоки за 78%, што предизвика незадоволство и протести кај разни групи работници и кај пензионерите.

Македонија | пред 1 година

„Визер“ ги укина летовите од Скопје до Келн, Копенхаген и Стокхолм

Унгарската нискобуџетна авио-компанија „Визер“ укина три авиолинии од аеродромот во Скопје, до Келн, Копенхаген и Стокхолм, со стапување на сила на зимскиот распоред.На сајтот на авио-компанијата повеќе ги нема овие дестинации и не можат да се купат карти, а нема информации дали повторно овие линии ќе бидат пуштени на пролет со летниот ред на летање.„Визер“ се повлекува од Келн поради високите цени за услуги и давачки што ги воведе аеродромот Келн-Бон. За да се надомести интересот за тој дел од Германија, компанијата ќе ги зголеми фрекфенциите од Скопје за Дортмунд, па така во ноември и декември ќе има летови по шест пати неделно, а во шпицот околу Нова година и Божиќ ќе лета секој ден до овој град во Северна Рајна Вестфалија.На патниците што летаа за Копенхаген во Данска, сега им останува можноста да летаат до соседниот аеродром Малме во Шведска, но засега „Визер“ не го има зголемено бројот на летови. Стокхолм останува непокриен за патниците што досега летаа до главниот град на Шведска.Претходно, министерот за транспорт Александар Николоски најави дека во 2025 ќе бидат воведени шест нови линии.Од Скопје ќе се лета до Дубаи, Барселона, Лион, Штутгарт, а од Охрид кон Истанбул и Базел Милхауз.

Македонија | пред 1 година

Пукање на Бит Пазар, оштетени куќи и возила: полицијата го расчистува случајот

Вчера вечер, во 22.55 часот во СВР Скопје било пријавено дека на подрачјето на Бит Пазар од огнено оружје биле оштетени прозорци од куќа и две патнички возила „фолксваген артеон“ и „фолксваген пасат“, двете со скопски регистарски ознаки, во сопственост на А.С.(40) од Скопје, а исто така биле оштетени и прозорци од соседната куќа, во сопственост на Џ.Л.(35).Повредени лица нема. Извршен бил увид од увидна екипа од СВР Скопје и од местото на настанот подигнати се чаури и предадени за понатамошна постапка. Се преземаат мерки за расчистување на случајот.

Скопје | пред 1 година

ДОМ: Владата да не го одолговлекува чистењето на линданот

Демократска обнова на Македонија изразува загриженост за пролонгирањето на расчистувањето на малата депонија со НСН изомери во поранешната фабрика ОХИС АД.„За истата имаше изјави од министрите за животна средина дека ќе се расчисти до почетокот на 2023 година. Дополнително обезбедените средства на 27-та седница (23.10.2024) на Владата на РС Македонија во висина од 27.453.000 денари (400.000 евра) се минорни за целосно расчистување.УНОПС како имплементациона агенција која имаше обврска да мобилизира дополнителни средства за комплетна ремедијација на малата депонија досега не обезбеди средства и ДОМ- Демократска обнова на Македонија очекува Владата на РС Македонија во Буџетот за 2025 година да придвиди средства за конечно расчистување на малата депонија како би се намалило влијанието врз здравјето на луѓето и животната средина во Скопје“, соопшти ДОМ.

Македонија | пред 1 година

„Доколку МВР и Тошковски продолжат да молчат ќе поднесеме кривична пријава за Бојан Христовски“, велат од СДСМ

„МВР и Панче Тошковски молчат за скандалот со сертификатот на назначениот партиски директор на Агенцијата за национална безбедност со што директно се ставаат во негова заштита“, соопшти СДСМ.„Очигледно МВР и Тошковски имаат селективен пристап и двојни стандарди кога функционерите на власта се во прашање.Како поинаку може да се толкува тоа што МВР во април оваа година поднела кривична пријава против 44 годишна жителка на Велес поради „употреба на исправа со невистинита содржина“ односно TOEFL сертификат за познавање англиски јазик од Пловдив Бугарија.А молчи и не презема ништо за директорот на АНБ, Бојан Христовски кој исто така има сертификат за TOEFL од истото место, Пловдив Бугарија, иако во Пловдив воопшто нема испитен центар за TOEFL?МВР и Тошковски по овој пример од Велес треба да поднесат кривична пријава против Бојан Христовски за кривично дело „употреба на исправа со невистинита содржина“, согласно член 380 од Кривичниот законик.Доколку тоа не го направат Тошковски и МВР, СДСМ ќе поднесе Кривична пријава против Христовски“, се вели во соопштението на СДСМ.

Македонија | пред 1 година

Синот на осудениот врховен судија Георгиев ќе одлучува за извршувањето на санкции во Скопје

Судијата Кирил Георгиев, син на осудениот врховен судија Наќе Георгиев, е назначен за судија за извршување санкции во Кривичниот суд, дознава „Скопје1“. Ова ќе значи дека Георгиев ќе има комуникации со затворите и ќе одлучува за судбините на лицата кои треба да издржуваат затвор, но и кои ќе бараат прекин на казнатаКирил Георгиев станува судија за санкции откако неговиот татко, пред месец и половина, од притворското одделение во затворот во Шутка, е преместен во струмичкиот затвор. Судијата Кирил е избран минатата година за од Судскиот совет, кога неговиот татко си поднесе оставка за да нема судир на интереси.Инаку, три години затвор испазарил врховниот судија Наќе Георгиев за земените 10.000 евра во кеш со кои беше фатен на паркинг во Скопје. Георгиев призна дека заедно со Иџет Мемети му ветувале на ексградоначалникот на Ново Село, Боро Малборо дека за 30.000 евра во случајот со марихуаната ќе му ја обезбедат најниската затворска казна. Според соопштението на Обвинителството, само за да го разгледа случајот судијата Георгиев барал 5.000 евра. Синот на Боро Малборо му ги однел на врата, во неговиот дом во Струмица. Судијата ги земал овие пари и ветил дека преку заменик претседателот на Советот на јавни обвинтели Иџет Мемети ќе издејствува спогодба со обвинителството за најниската можна казна од 5 години.Во казната на судијата Георгиев ќе му се засмета и времето поминато во притвор.

Македонија | пред 1 година

(Видео) Тошковски и МВР да поднесат кривична пријава за Бојран Христовски по примерот од Велес, бара Кузеска

„На 25-ти април оваа година, МВР до ОЈО Велес поднела кривична пријава против 44-годишна жителка на Велес поради, како што тогаш соопштиле, постоење на основано сомнение за сторено кривично дело „Употреба на исправа со невистинита содржина“. Кривичната пријава била поднесена за прекршување на член 380 од Кривичниот законик“, рече Богданка Кузеска, портпарол на СДСМ.„Еден ден подоцна, на 26-ти април за оваа кривична пријава се пофалил на неговиот Фејсбук профил и министерот Панче Тошковски со објава во којашто изнесува детали за пријавата.„Пријавената прибавила меѓународно признаен сертификат (TOEFL IBT) за познавање на англиски јазик со нејзино име, издадена од училиште за јазици од Пловдив, Р. Бугарија.Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата.“Ова е објавата на Тошковски од 26 ти април.Прашањето е каде е сега Панче Тошковски и МВР? Зошто молчат и не преземаат ништо за директорот на АНБ, Бојан Христовски?Каде им е Единицата за корупција при Одделот за сузбивање на организиран и сериозен криминал?Бојан Христовски исто така приложил сертификат за TOEFL од истото место, Пловдив Бугарија, а во Пловдив воопшто нема испитен центар за TOEFL.И македонски и бугарски медиуми го потврдија ова.Значи Христовски нема меѓународно признаен сертификат за познавање англиски јазик туку се користел со фалсификуван документ.Тоа претставува прекршување на Законот и кривично дело кое повлекува одговорност.Функционерите на ВМРО-ДПМНЕ не се заштитени мечки и одговорност мора да има.Бараме Тошковски по овој пример од Велес да поднесе кривична пријава против Бојан Христовски за кривично дело „Употреба на исправа со невистинита содржина“, согласно член 380 од Кривичниот законик.Доколку тоа не го направат Тошковски и МВР, СДСМ ќе поднесе Кривична пријава против Христовски.Очекуваме и Јавното обвинителство да отвори постапка соодветно на своите надлежности, да спроведе транспарентна исрарага која точно и непристрасно ќе утврди одговорност за скандалот.Ова е еден од најсериозните скандали кои го поткопуваат безбедносниот систем во нашата земја и мора целосно да биде расчистен“, изјави Богданка Кузеска, портпарол на СДСМ.

Македонија | пред 1 година

Мицкоски: Предвидени се 350 капитални проекти од општините, само во секторот транспорт

Претседателот на Владата на Република Северна Македонија, Христијан Мицкоски денеска по извршениот надзор во работата на автопатската делница Гостивар – Букојчани, одговарајќи на новинарско прашање колку проекти се предвидени од транспортот и инфраструктурата, при отпочнувањето на првата фаза за капитални проекти од општините, информираше дека вкупно 350 проекти се предвидени, вклучително со дополната којашто треба да се случи до средината на месец ноември. Средствата кои ќе бидат наменети само за секторот транспорт се повеќе од 2 милијарди денари.„Во тотал со оние проекти кои очекуваме да бидат дополнети до кај 15 ноември, ќе ја заминеме бројката 350. Минус една општина којашто за жал конкурираше со проект кој е во фаза на изградба на избран изведувач и тука ние не можеме ништо да направиме. Жалам што така одлучи раководството на таа општина, градоначалникот. Во секторот транспорт, мислам дека е повеќе од 2 милијарди денари. Мислам дека 2 милијарди и 400. Таму ќе има нови улици, водоводи, канализации, булевари навистина ќе биде нешто коешто досега не се случило. Епски проект, она коешто им е битно на граѓаните”, истакна премиерот Мицкоски.Премиерот подвлече дека фокусот на Владата е да работи за интересот на граѓаните, не како што работеше претходната Влада, којашто го гледаше својот интерес.„Наш интерес се граѓаните, ние работиме за нив. Не работиме како што работеше претходната разбојничка влада на СДСМ и ДУИ, да го гледаш својот интерес, па сега во опозиција ќе си пишуваме писменце, туку работиме за интересот на граѓаните. Тоа е она коешто е наш фокус ние не го губиме времето во пишување писменца, туку во работа и така и ќе продолжиме“, додаде премиерот.

Македонија | пред 1 година