ТОП

(Видео) Наместо одговор од што починал нивниот син, родителите на починатиот диџеј Љупчо добиле закани од Судска медицина, сведочи мајката

Наместо одговор од што починал нивниот син, родителите на починатиот Љупчо добиле закани од Судска медицина. Ова го просведочи мајката Кети Лешко во „Претрес“.Три месеци поминаа од трагедијата кога на приватна забава во Радишани каде Љупчо пушташе музика, тој почина од струен удар.Родителите сведочат како работат институциите.?t=4878

Македонија | пред 1 година

(Видео) Каде е внукот на Љубе Бошкоски, кој се уште се води за исчезнат? Одговара обвинетиот за негово грабнување

Александар Трпковски, обвинет за грабнување на Самоил Костадиновски, внук на Љубе Бошкоски кој исчезна пред една година, даде одговор каде е 26-годишникот по кого трагаше цела Македонија. Веќе година и половина нема ни трага ни глас од младиот скопјанец.?t=3234Таткото знаел за „бизнисот“ на исчезнатиот Самоил и лежел 12 години затвор за хероин. Ова го тврди Александар Трпковски, обвинет за грабнувањето. Деталите погледнете ги во поткастот. Во поткастот беше поканет и таткото на Самоил Костадиновски, кој не одговори на поканата.

Македонија | пред 1 година

(Видео) „Што народ сме ние?!“

Вработените во КЈП „Водовод“ од Кочани кои се задолжени за собирање и складирање на отпадот во градската депонија, утрово најдоа кучиња фрлени во отпад.Јавно прашаа: Што народ сме ние?!

Македонија | пред 1 година

(Видео) Затворен патот Охрид-Ресен: целосно изгоре цистерната која се запали во возење

Патот Охрид-Ресен е затворен, откако камионот за кој претходно објавивме, целосно изгоре по пожарот кој избувнал.„Денеска(06.10) на магистралниот пат Ресен Охрид поради запален камион цистерна со албански регистарски ознаки, сообраќајот на магистралниот пат А3 Ресен - Охрид од 12,30 часот е во целосен прекин. Товарното возило се запалило во движење и истото е целосно изгорено. Во пожарот нема повредени лица“, велат од МВР.Претходно:

Македонија | пред 1 година

Поделена 25 тони „Пелистерка“: Рекордни 13.400 учесници на скопските улици на „Скопски маратон“

Рекордни 13.400 натпреварувачи од 55 земји денеска ги исполнија скопските улици со спортска атмосфера, натпреварувачки дух и многу ведри и задоволни лица. Ваква беше сликата на стартот на јубилејното 20-то издание на Виз Ер Скопски маратон.Трките започнаа точно во 8 часот пред Собранието на Република Македонија. Тркачите на маратонот, полумаратонот и штафетниот маратон се упатија накај населбата Хром, по улицата Теодосиј Гологанов, по што се вратија назад во центарот на градот, каде продолжија покрај Тутунски комбинат, на Трета македонска бригада. Потоа се упатија лево по улицата Васко Карангелевски, кај Мајчин Дом, па потоа по Булевар Србија десно, каде полукружно се вратија на Тобако 2 и по Булеварот Јане Сандански се вратија на Трета македонска бригада и финишираа на Порта Македонија, на плоштадот во Скопје.Учесниците на 5км својата трка ја започнаа пред Собранието, по што се упатија во правец на населба Аеродром, односно кај Тутунски комбинат лево, по „Трета македонска бригада“ и откако свртеа полукружно кај Супермаркетот Тинекс, по истата траса се вратија назад до целта, на плоштадот „Македонија“.Во генерален пласман, победник во машка конкуренција на годинешниот Виз Ер Скопски маратон е Хилари Чемвено (Hillary Chemweno) од Кенија, со постигнато време од 02:13:28, второто место го освои сонародникот Даниел Кипротич (Daniel Kiprotich) со време од 02:13:53, а пиедесталот го дополни македонскиот атлетичар Дарио Ивановски со резултат од 02:16:26.Во женска конкуренција, во генерален пласман, прва на целта стигна Ирин Џеруто (Irine Jeruto) исто од Кенија со време од 02:37:52, второпласирана заврши нашата Адријана Поп Арсова со време од 02:39:39, додека третото место ѝ припадна на Вивиен Џелагат (Vivian Jelagat) од Кенија со време од 02:44:16.Според резултатите, во конкуренција на македонските тркачи во маратонската трка, први се Дарио Ивановски и Адријана Поп Арсова како најбрзи Македонци на годинешната спортска манифестација, која ги разбуди скопските улици.Тројцата најдобри на полумаратонската трка во машка конкуренција се турски атлетичари. На полумаратонот најбрз беше Џан Хусеин (Can Huseyin) со резултат од 01:05:54, на второ место заврши Мурат Емектар (Emektar Murat) со време од 01:06:40, додека третото место му припадна на Абдуархман Гедиклиоглу (Gediklioglu Abdurrahman) со време од 01:09:47.Победничка на полумаратонот во женска конкуренција беше Бугарката Милица Мирчева (Militsa Mircheva) со време од 01:15:49, а втората и третата позиција ги зазедоа Албанката Греша Бакрачи (Bakraçi Gresa) со време од 01:21:14 и Норвежанката Џули Ларсен (Julie Larsen) со време од 01:22:04.Во машка конкуренција кај македонските атлетичари победник на полумаратонот годинава е Иван Пешевски со време од 01:12:58, на второ место Александар Арсов со време од 01:13:49, додека трет беше Илија Кироски со време од 01:15:27.Победничка во женска конкуренција кај македонските натпреварувачки на полумаратонот е Милјана Ристиќ со време од 01:22:55, второто место ѝ припадна на Фросина Михајловска со време од 01:31:23, додека како третопласирана заврши Теа Божиновска со време од 01:33:44.Победник во најкратката трка на 5 км, беше Гилман Јунузи со време од 00:15:45 во машка конкуренција, втор заврши Григоријан Никовски со време 00:15:54, а третопласиран беше Бојан Чаприќ со постигнат резултат од 00:16:16. Во трката на 5 км кај дамите, прва низ целта мина Ирма Хајдари со време 00:18:31, а место на пиедесталот имаше и за Дарија Крстевска (00:19:38) и Христина Секулоска (00:20:37).Голема помош во организацијата на годинешниот маратон пружија и вкупно 600 пријавени волонтери, кои им поделија 25 тони вода и 2 тони овошје на учесниците, како и 54.000 безопасни игли за прицврстување на натпреварувачките бројчиња. На секои 900 метри беше поставен освежителен пункт со различно освежување за тркачите, а забавниот дел на манифестацијата беше збогатен и со 10 музички точки.Организаторите на Виз Ер Скопски маратон им честитаа на победниците и учесниците, кои оваа година учествуваа на најмасовната спортска манифестација во Македонија, им се заблагодарија на сите волонтери за вложенениот труд и спортскиот дух, кој што секоја година го краси овој настан.„Задоволство ми е кога ќе ги видам скопските улици исполнети со луѓе уште во раните утрински часови. Им честитам на победниците на трките, како и на сите, кои учествуваа и покажаа дека се грижат за своето здравје преку физичка активност. Благодарност до волонтерите, кои со својот труд придонесоа јубилејниот 20. Виз Ер Скопски маратон да биде одлично организиран и да помине во најдобар можен ред“, изјави Кире Синадиновски, спортски директор на Виз Ер Скопски маратон.Главен покровител на 20. Јубилејно издание на Виз Ер Скопскиот маратон е Министерството за спорт, а покровители се Град Скопје и Канцеларијата на ЕУ во Скопје.

Македонија | пред 1 година

Седум уапсени во Скопје, двајца имаат по 18 години: „Бела ноќ“ ја поминале во станица со прашокот кој го носеле со себе

Денеска (06.10.2024) во 03.15 часот во Скопје, на подрачјето на Центар, полициски службеници од Единицата за недозволена трговија при СВР Скопје го лишиле од слобода А.К.(36) од Скопје, затоа што кај него била пронајдена и одземена прашкаста материја. По целосно документирање на случајот ќе следува соодветен поднесок.Денеска (06.10.2024) во 06.00 часот во Скопје, на подрачјето на Центар, полициски службеници од СВР Скопје го лишиле од слобода А.А.(24) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.Денеска (06.10.2024) во 01.30 часот во Скопје, во угостителски објект на подрачјето на општина Аеродром, полициски службеници од Единицата за недозволена трговија при СВР Скопје го лишиле од слобода А.Д.(24) од Скопје, затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.Денеска (06.10.2024) во 01.30 часот во Скопје, во угостителски објект на подрачјето на Карпош, полициски службеници од Единицата за интервентна полиција при СВР Скопје, го лишиле од слобода Н.М.(38) од Скопје, затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.Денеска (06.10.2024) во 03.00 часот во Скопје, во угостителски објект на подрачјето на Карпош, полициски службеници од Единицата за недозволена трговија при СВР Скопје, го лишиле од слобода Д.С.(34) од Кочани, затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.На 05.10.2024 во 23.20 часот во Скопје, на подрачјето на Карпош, полициски службеници од Единицата за интервентна полиција при СВР Скопје, го лишиле од слобода Л.К.(18) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.Денеска (06.10.2024) во 02.10 часот во Скопје, на подрачјето на Ѓорче Петров, полициски службеници од ОКР Ѓорче Петров при СВР Скопје го лишиле од слобода Р.М.(18) од Скопје, затоа што кај него била пронајдена и одземена марихуана. По целосно документирање на случајот ќе следува соодветен поднесок.

Скопје | пред 1 година

(Видео) Кенијците Чемвено и Кипротих на првите две места, Дарио Ивановски освои трето место

Хилари Чемвено од Кенија победи на овогдинешниот Скопски маратон со време 02:13:28. Тој го понесе првото место во машката конкуренција, а веднаш зад него беше неговиот сонародник Даниел Кипротих со време 02:13:53. Третото место го има македонскиот олимпиец, Дарио Ивановски со време од 02:16:26.Чемвено по завршувањето на маратонот кажа дека ја очекувал победата и дека дошол бидејќи тоа му била целта која ја исполнил. По него, Дарио Ивановски кажа дека без подготовки успеал да го освои третото место. Потсети дека на Олимпијадата во Париз имал повреда, поради што не можел да се посвети на подготовките.

Скопје | пред 1 година

Јабланица: Спасувачките екипи трагаат по 10-15 лица и работат на отстранување на штетите

Шефот на секторот за односи со јавноста при Владата на ХНК, Дарко Јука, за „Фена“ потврди дека се уште се трага по 10-15 лица во Босна и Херцеговина односно Јабланица. Тој посочи дека е воспоставена патна комуникација меѓу Мостар и Јабланица, но само за возила на спасувачките служби и за итни случаи.- Сите служби се на терен, нон-стоп без прекин - рече Јука, додавајќи дека заедно со нив на терен се и околу 300 волонтери, од кои повеќето се во Јабланица.Апелираше и да не се оди самоиницијативно во погодените подрачја.- Секој што сака да помогне на каков било начин, нека се обрати до Оперативните центри за цивилна заштита - додаде Јука.Луѓето кои останаа без домови беа сместени во локалните хотели и во Домот за стари лица во Јабланица, додека мнозинството најде сместување кај пријатели и роднини во станови и семејни куќи во Јабланица и Коњица.Според извештајот на Оперативниот центар за цивилна заштита (OCCZ) на Херцеговско-неретванската жупанија (HNŽ), спасувачките тимови во подрачјата погодени од поплавите трагаат по исчезнатите и работат на отстранување на штетите, додека стручни тимови ги санираат уништените транспортна, телекомуникациска и електроенергетска инфраструктура.Најавено е и пристигнување на меѓународни спасувачки тимови. Цивилната заштита и волонтерите го обезбедуваат населението со основни потреби, а најголеми потреби се од вода за пиење, храна и лекови.Луѓето кои останаа без домови се сместени во хотелите „Јабланица“ и „Максумиќ“ и во Домот за стари лица „Јабланица“. Останатите биле сместени кај роднини и пријатели во куќи и станови.Патната комуникација Мостар - Јабланица е отворена за возила на Спасувачките служби и за вонредни ситуации. На терен има повеќе од 300 волонтери кои му помагаат на населението. ЦЗ Јабланица апелира сите кои нудат помош најпрво да се обратат до Оперативниот центар за цивилна заштита Јабланица за понатамошна координација.Околу 20 домаќинства се целосно уништени во реонот на градот Коњиќ. Екипите се на терен и продолжуваат со потрагата по исчезнатите, а работат на отстранување на штетите. Воспоставена е комуникација (со една сообраќајна лента) кон Бутуровиќ Поље. Во реонот на Мостар воспоставена е патната врска Горња-Доња Дрежница, додека селата Перутац и Рогобрдо останаа отсечени. Според извештајот, ниту еден од локалните жители не е во опасност.

Свет | пред 1 година

Познати деталите за вчерашното пукање во Чаир: 19-години има повредениот, неколку куршуми летале на улицата додека тој пешачел

Скопјанец на возраст од 19-години е лицето во кое беше пукано вчера во Чаир. Тој пред полицијата го посочил и лицето кое излегло од „пасат“ и пукало кон него, додека се движел пеш. На улицата „Цветан Димов“, не бил испукан еден, туку неколку куршуми.Повредениот бил опериран, но и натаму е на болничко лекување во ГОБ „Св.Наум Охридски“ во Скопје. Осомниченото лице е со иницијали Б.Б., познат на полциијата, по кој се трага.Како што објавивме, неофицијално, причината за пукањето се должничко-доверителски односи.Се преземаат мерки за целосно расчистување на случајот.

Македонија | пред 1 година

Драматична ноќ во Украина, алармот во Киев и Одеса траеше повеќе од пет часа: „Нападите дојдоа во бранови!“

Руските воздушни напади ја ставија источна Украина во воздушна готовност повеќе од пет часа, соопшти во неделата украинската војска, а Москва изврши неколку бранови напади врз Киев и други градови.Во текот на ноќта, непријателот повторно ги употреби своите беспилотни летала против Киев!„Руски беспилотни летала влегоа во главниот град на Украина во неколку бранови и од различни правци. Уништено е целото воздушно оружје, а според првичните информации нема извештаи за штети или повредени“, рече Попко.Воздушната тревога за главниот град и регионот беше објавена три пати во текот на ноќта и траеше повеќе од пет часа, рече Попко.Градоначалникот на Одеса, Хенадиј Труханов, на Телеграм изјави дека Русија го гаѓала градот во текот на ноќта и дека биле пријавени неколку експлозии.Нема информации за штети или повредени.Гувернерот на областа Керсон, Олександр Прокудин, во неделата на Телеграм изјави дека во последните 24 часа, еден цивил загинал, а 15 се повредени во руските напади врз регионот.Ројтерс не можеше независно да ги потврди извештаите. Русија не ги коментираше нападите.Двете страни негираат дека целеле цивили во војната, која Русија ја започна во февруари 2022 година со целосна инвазија на Украина. Но, загинаа илјадници цивили, огромно мнозинство Украинци.

Македонија | пред 1 година

Пукање во Чаир: едно лице во болница со неколку рани

Едно лице е тешко повредено од прострелни рани во Чаир, откако во близина на маркетот „Веро“ бил отворен оган кон него. Според првичните информации, мажот се бори за живот на Клиниката „св. Наум Охридски“.Пукањето се случило пред скоро еден час. Неофицијалните информации се дека станува збор за долгови кои лицата ги имале меѓусебно, а биле направени за купо-продажба на дрога.На местото сега има десетици полицајци, истото се обезбедува - додека МВР трага по лицата кои го организирале и реализирале пукањето.„Скопје1“ побара информации од МВР, од каде собираат информации.

Скопје | пред 1 година

МВР со детали за пукањето во Чаир: ликвидаторите биле во „пасат“

На 05.10.2024 во 20.20 часот пријавено е дека на ул. Цветан Димов во Скопје има повредено лице од огнено оружје. Според пријавеното, во повредениот било пукано од возило "пасат".Повредениот е пренесен во ГОБ Св.Наум Охридски за укажување помош.Се преземаат мерки за расчистување на случајот.

Скопје | пред 1 година

„Conti“ донесе загриженост кај вложувачите, но основачите не треба да се грижат: Досега нема истрага, оти нема оштетен

Пропаѓањето на платформата „Conti“ каде македонски граѓани вложуваа пари и чекаа исплати – донесе загриженост кај јавноста. Но истовремено, основачите на „Conti“ во Македонија, кои неофицијално се од Кавадарци – не треба да се загрижени. Засега, Обвинителството нема покренато предистрага, а по низата информации во медиумите кои укажуваат дека можат да настанат големи штети кај граѓаните. Ваква постапка, нема ниту во МВР. Заедничко за двете институции е што ќе чекаат да стигне пријава од граѓани.Сепак, Обвинителството може да покрене предмет за „Conti“ и по допрен глас, но тоа нема да го направат. На ваков начин, досега паднале голем број криминалци, меѓу кои и познати политичари.„До Јавното обвинителство до овој момент не е доставена пријава од оштетени граѓани или надлежен орган. Доколку биде доставена пријава од која произлегува сомнение за сторено кривично дело на територијата на државава, јавно обвинителство согласно месна надлежност ќе оформи предмет“, велат оттаму за „Скопје1“.Министерот за внатрешни работи, Панче Тошковски, изрази загриженост поради наводната финансиска измама поврзана со апликацијата „Conti“, која ги погоди македонските граѓани. Иако, според неговите зборови, до утринските часови не е поднесена кривична пријава, министерот предупреди на сериозноста на ситуацијата. Тој ги повика сите граѓани кои можеби се жртви на оваа потенцијална измама да се обратат до Министерството за внатрешни работи, со цел да се истражи случајот и да се преземат соодветни мерки.„Загрижен сум за повторувањето на ваквите пирамидални финансиски шеми кои се појавуваат во Македонија. Ова не е прв пат да се соочуваме со вакви апликации, во 2022 година имаше сличен случај и тогаш веќе беше упатен апел до граѓаните да бидат претпазливи,“ изјави Тошковски.Пропаѓа ли пирамидалната шема Conti? Ова е главното прашање кое се дискутира во Македонија изминативе денови, а откако се појави наводен разговор на апликацијата „Телеграм“, направен во група со 14.000 членови во кој се пишува дека платформата нема да постои. Голем број Македонци учествуваа во инвестирање во Conti, чија цел беше брза заработка.Conti претставува платформа(апликација) која на корисниците им нуди заработка преку гледање видеа. Апликацијата функционира околу една година. Но за да започнете да заработувате, прво мора да вложите. Во Македонија, луѓе вложуваа од 100 до 3.000 долари. Се заработуваат високи суми, но од вчера многу македонски граѓани се жалат дека се излажани и дека ги изгубиле парите.Од пред неколку дена, групата на „Телеграм“ која има околу 14.000 македонски членови, почнува да згаснува, а корисниците повеќе немаат приливи на Бајненс платформата за тргување со криптовалути.На интернет, ваквите шеми се познати како „pig butchering“. Тоа значи дека измамниците користат скрипти за да ги „здебелат“ нивните жртви, добивајќи ја нивната доверба во период од денови, недели, а понекогаш и месеци, пред да ги „заколат“, односно да ги земат нивните пари.

Македонија | пред 1 година

Едногодишно девојче почина на Детска клиника: таткото сведочи дека три дена одбивале да го задржат детето на лекување

Девојче кое имало 14 месеци почина на Клиниката за детски болести утринава. Смртта е пријавена во полиција, откако родителот кршел низ болницата, по дознавањето на трагичната вест. Родителот според „Слободен печат“, бил дециден дека трипати ја носел сега починатата ќерка, но оттаму не сакале да ја хоспитализираат и додава: „Утринава околу пет часот не кажуваа што се случува не даваа никаква информација. Само потоа гледам, починато“.Бебето било донесено со Итна медицинска помош во болницата околу 03.45 часот. Од МВР посочуваат дека имало интервенција од нивна страна.„Во 04.50 часот на Детската клиника во Клинички центар „Мајка Тереза“, (В.С.) 29-годишен маж од село Гошинце и неговиот брат оштетиле инвентар во болницата откако починала едногодишната ќерка на В.С., информира МВР.За мртвото девојче ќе се бара обдукција.

Македонија | пред 1 година

(Фото) Нова трагична несреќа во Македонија: Едно лице загина

Нова тешка несреќа се случи утринава на патот Струмица-Валандово, поради што и патниот правец беше затворен. Едно лице, го загубило животот.„На излез од село Костурино, струмичко се случила сообраќајна несреќа помеѓу патничко возило и трактор, во која животот го загубило едно лице“, велат од МВР за „Скопје1“.Увид на местото врши јавен обвинител и екипа на СВР Струмица.

Македонија | пред 1 година

(Видео) ЈСП не трпи критики: Избришани купот коментари под објавата за бесплатен превоз, но ние ги имаме

ЈСП најави бесплатен превоз за „Бела ноќ“ односно за денеска во периодот од 18:00 до 02:00 ноќеска, а граѓаните ја искористија објавата за да ги искритикуваат за нивното функционирање. Нервозата кај жителите на Скопје е се поголема поради донцењето на автобусите, нивното недоаѓање, но и поради гужвите во нив. Иако вчера имаше десетици коментари, администраторот на фејсбук страницата на ЈСП, чиј директор е Драги Кушевски, поставен од Данела Арсовска, сите критикити ги избришал.„Скопје1“ уште вчера направи видео од коментарите, па може да прочитате што се граѓаните пишуваа:Утрово, се прикажуваат само три коментари, а само шест стојат како објавени. „Преживеале“ бришење, бидејќи се критикува Владата која нема врска со проблемот во ЈСП, а во другите се бараат автобуски линии.[caption id="attachment_305562" align="alignnone" width="878"] Screenshot[/caption]

Скопје | пред 1 година

Пропаѓа ли Conti: Шема за лесни пари која може да однесе и илјадници евра на вложувачи од Македонија

Пропаѓа ли пирамидалната шема Conti? Ова е главното прашање кое се дискутира во Македонија изминативе денови, а откако се појави наводен разговор на апликацијата „Телеграм“, направен во група со 14.000 членови во кој се пишува дека платформата нема да постои. Голем број Македонци учествуваа во инвестирање во Conti, чија цел беше брза заработка.Conti претставува платформа(апликација) која на корисниците им нуди заработка преку гледање видеа. Апликацијата функционира околу една година. Но за да започнете да заработувате, прво мора да вложите. Во Македонија, луѓе вложуваа од 100 до 3.000 долари. Се заработуваат високи суми, но од вчера многу македонски граѓани се жалат дека се излажани и дека ги изгубиле парите.Од пред неколку дена, групата на „Телеграм“ која има околу 14.000 македонски членови, почнува да згаснува, а корисниците повеќе немаат приливи на Бајненс платформата за тргување со криптовалути.За оваа шема, одамна се шпекулираше дека е нов начин на измама на корисниците на интернет, кои сакаат брза заработка на пари.На интернет, ваквите шеми се познати како „pig butchering“. Тоа значи дека измамниците користат скрипти за да ги „здебелат“ нивните жртви, добивајќи ја нивната доверба во период од денови, недели, а понекогаш и месеци, пред да ги „заколат“, односно да ги земат нивните пари.

Македонија | пред 1 година

Најмалку 21 лице загина, нови детали за драматичната ноќ, трудница починала откако дрво паднало врз неа

Најмалку 21 лице го загуби животот во поплавите во БиХ, а најмалку 16 се сметаат за исчезнати. Поради тешката состојба во поплавените подрачја на северот на Херцеговина и во централна Босна, Централната изборна комисија на Босна и Херцеговина (ЦИК) вечерта одржа вонредна седница на која требаше да процени дали во недела може да се одржат локални избори како и претходно. планирано.Припадниците на ХГСС ќе учествуваат и во операцијата за спасување на жртвите од поплавите во Босна и Херцеговина.Екипите на ХГСС околу 22 часот тргнаа да им помогнат на колегите, а на Фејсбук објавија најава и видео од возилото ХГСС. Тимот вклучува 11 припадници на ХГСС со четири теренски возила и два пловни објекти од станиците Шибеник, Дубровник и Оребиќ и кучето трагач Зара.Министерот за надворешни работи на Босна и Херцеговина Елмедин Конаковиќ ја коментираше ситуацијата во БиХ.„Неколку илјади тони камења од каменоломот ја погодија населбата. Водата поплави друг дел од населбата. Каменолом направи брана, водата потоа отиде во долина каде што има околу 20 куќи. Голем број на жртви“, рече Конаковиќ.Како што јави репортерката N1 од БиХ која се наоѓа во Јабланица, бремена жена починала во селото Злате откако врз неа паднало дрво.

Свет | пред 1 година

Циклонската активност над Македонија: Во изминатите 24 часа наврнаа дури 65 литри дожд на м/2

Циклонската активност над Македонија во изминатите 24 часа услови обилни врнежо од дожд во поголем дел од Македонија. Најмногу дожд до 8 часот утринава наврна во Лазарополе и во Пожаране, дури 65 литри дожд на м/2.Во Крушево и Прилеп утринава е најсвежо со 11 степени, додека најтопло е во Гевгелија со измерени 17 степени.На табелата можете да ги погледнете и останатите температури измерени по градови и места во Македонија до 8 часот утринава, како и количеството на врнежи во изминатите 24 часа, и тоа на мерните станици на УХМР.Инаку, викендов и понатаму ќе бидеме под влијание на циклонска активност, па така и понатаму ќе има повремени врнежи од дожд на повеќе места, локално пообилни и проследени со грмежи и засилен ветер.

Македонија | пред 1 година

(Видео) Снимките од воздух ги откриваат размерите на катастрофата во Јабланица

Репортерите на босански „Аваз“ утрово се на лице место и во Долна Јабланица. Снимките од воздух го покажуваат степенот на катастрофата што ја остави зад себе поплавата.

Свет | пред 1 година

(Видео) Експлозии во Бејрут; Хезболах: Борбите продолжуваат на границата

Либанското милитантно движење Хезболах објави дека продолжуваат борбите против израелските сили на границата, а сведоци од Бејрут јавуваат дека во тој град повторно се слушаат експлозии. Хезболах објави дека израелската армија се обидува да влезе во јужниот либански град Одаисех и дека борбите се во тек, пренесува Ројтерс.Очевидци од либанскиот главен град изјавија за агенцијата дека силни експлозии се слушнале во јужните предградија.Израел претходно издаде три предупредувања до жителите веднаш да ги напуштат тие делови на Бејрут.

Свет | пред 1 година

Трамп: Израел треба да ја нападне иранската нуклеарна инфраструктура

Републиканскиот кандидат за претседател на САД, Доналд Трамп, синоќа изјави дека Израел треба да ја таргетира иранската нуклеарна инфраструктура, откако сегашниот демократски претседател Џо Бајден рече дека кога би бил на местото на Израел „ќе размисли“ дали да ги гаѓа иранските нафтени постројки.Тензиите меѓу Иран и Израел се на високо ниво бидејќи Израел ги разгледува опциите како да одговори на нападот со балистички ракети на Техеран, кој Иран го започна во вторникот како одговор на воената акција на Израел во Либан.Бајден претходно рече дека кога би бил на местото на Израел, тој „ќе размислува за алтернатива на нападот на нафтените постројки“, додавајќи дека Израел сè уште не одлучил како да изведе контранапад и дека „се уште е предмет на дискусија“.Трамп подоцна го критикуваше Бајден во Северна Каролина и отиде чекор подалеку, сугерирајќи дека Израел прво треба да ја „таргетира нуклеарната“ инфраструктура и „подоцна да се грижи за останатите“, според агенцијата Франс прес.

Свет | пред 1 година

(Фото) Автомобил пропадна во Скопје, дојде и прашање до Данела: До каде ќе оди лудилото, потребна ли е жртва? Срам од невидени размери

„До каде ќе оди лудилото, потребна ли е жртва?!“, прашува Дарко Костовски, градоначалник на Бутел кој објави фотографија на која се гледа како автомобил пропаднал со гумата во дупка и додава:„Со месеци се алармира до Град Скопје, Данела и ЈП Улици и патишта да закрпат една дупка на улица “Радишанска” улица која што е надлежност на градот! Ни трага ни глас, како и за се останато.Јавно посочувам дека со лични средства ќе ја поправам оваа дупка, ако Град Скопје бара кој ивестирал во нивна надлежност без нивно одобрение да знаат кого да бараат. Срамота од невидени размери!“

Скопје | пред 1 година

Таравари: Докторите од приватното повторно ќе можат да се вратат во јавното здравство

„Подобрување на здравствениот систем, здравствената заштита и услуги за пациентите се приоритет на Министерството за здравство. 100 дена нова Влада значи вработување на 600 специјализанти во дефицитарните области, укинување на економските директори, нова магнетна резонанца во поликлиника Идадија, реновирано одделение на Дигестивна хирургија и нова апаратура, проширување на позитивната листа за 9 генерици или 87 лека“, посочи министерот за здравство Арбен Таравари.„За 100 дена Влада се укина постоењето економски директори, што значи заштеда за здравствениот систем. Во тек е мерката 300 плус 300 за вработување во јавните здравствени установи во дефицитарните области, која се одвива во две фази, и тоа вработување на 300 специјализанти до крајот на годинава, и 300 специјализанти следната година. Со ова им даваме шанса на младите доктори и покажуваме дека водиме грижа за пациентите.Во првите 100 дена се прошири позитивната листа со 9 генерици или 87 лека, во различни форми, јачини и пакување и тоа за крвен притисок, срцеви заболувања, анти-агреганси, лекови за третман на депресија и за деменција. Ова е значително олеснување за пациентите, со што вкупно еден милион евра ќе останат кај граѓаните“, рече Таравари.„Понатаму, комплетно е реновирано одделение за дигестивна хирургија, набавена е апаратура за лапароскопски столб и изведба на оперативен зафат со употреба на флуоресцентен контраст во вредност од милион евра.Во Поликлиника Идадија во рами на Здравствен Дом Скопје е пуштен во употреба новиот апарат за магнетна резонанца, кој претставува врв во дијагностиката“, додаде министерот.Тој и натаму стои цврсто позади планот кој неговите претходници го ветуваа со години, а тоа е две катни гаражи на Клинички, но и спојување на скопските клиники во еден центар со кој ќе раководи еден или неколку директори.„Моментално, на Клинички центар има 800 паркинг места, вака би имало над 1.600 места за паркирање, што мислам дека ќе биде многу порелаксирано за сите кои работат и кои доаѓаат како пациенти во Клиничкиот центар. Процедурите не можеме да ги забрзаме. Мораме да се придржуваме на сите законски норми. Ќе се обидеме целиот процес да биде што потранспарентен и што побргу да ја завршиме постапката. Барем, ако можеме, од почеток на идната година да се користат катните гаражи“, рече Таравари.Таравари откри дека Владата ја тргнала забраната од претходната власт, за докторите да не можат да се вратат од приватно во државно здравство. Според него тоа е чекор напред за да да се подобрат здравтвените услуги.„Од август 2022 година имаше забрана да не можат од приватни болници да се вработат во државни. Пред три недели го поништивме ова. Сега подготвуваме правилник во Министерството… Јас разговарав со 10 такви лекари, врвни стручњаци, тоа се кадри што гледаат надеж во јавното здравство. Ова е добар чекор, се надевам дека идната година ќе продолжиме со такви доктори кои покажуваат интерес да се вратат во јавното здравство“, заклучи министерот.

Македонија | пред 1 година

(Видео) Пороен дожд во Тетовско: пожарникарите спасија 11 патници од заглавено комбе, вечерва извлечен маж од поплавено возило

Интензивниот дожд што врне повеќе часови во Тетово е причина повторно да има низ Тетовско.ТППЕ Тетово информираат дека имаат повици за интервенции во Мала и Голема Речица, каде се испумпува вода од поплавени куќи и нивните дворови и подруми.Попладнево тетовските пожарникари извлекоа комбе заглавено во насобрана дождовна вода кај подвозникот во Желино и спасија 11 патници.Интервенцијата ја изведоа четворица пожарникари од ТППЕ Тетово.Вечерва пожарникарите повторно извлекуваа човек заглавен во поплавено возило.

Македонија | пред 1 година