ТОП

„Нема закана, туку укажување“ - судска медицина под притисок од прашања, Лешко три месеци ја чека обдукцијата за починатиот син

Потрагата по одговори на семејството Лешко за нивниот починат син, за кој трет месец немаат обдукциски наод, за Судска медицина е притисок. Ова е објаснувањето на директорот, проф. д-р Александар Станков за „Скопје1“, кога го прашавме зошто се упатени закани кон мајката Кате Лешко, која се јавила да бара одговори – дали од струен удар, природна смрт или трета причина, таа го закопа нејзиниот 19-годишен Љупчо. Станков децидно негира дека станува збор за закани, туку укажување.„Родителите и блиски роднини на покојниот во повеќе наврати се примени на разговор во Институтот за судска медицина, со нив е дополнително разговарано и им е дадено објаснување. Закани за кривична пријава кон нив немало од ниту еден вработен во Институтот, туку им е укажано дека вршењето на притисок врз службено лице може да резултира со кривична пријава. Работата на нашиот Институт не е брзо завршување на обдукционите наоди, туку  нивно прецизно, точно и со докази и анализи поткрепено изготвување“, вели директорот Станков за „Скопје1“.Побаравме одговор, зошто три месеци по аутопсијата, се уште немаат изготвено наод од што почина диџеј Љупчо, на приватна забава во Скопје, каде бил најмен да пушта музика.„Се работи за многу комплексен случај за кој е потребно подолго време за анализи, се со цел да се обезбедат квалитетни и прецизни докази според кој ќе се донесе заклучок за причината за смртта. Се работи за случај кој е во фаза на истрага која според Законот за кривична постапка е тајна“, додава директорот Станков за „Скопје1“.Го прашавме и колку обдукциски наоди се несработени, иако аутопсиите се завршени, на што не добивме конкретен одговор.„Тоа е мојот одговор на сите ваши прашања. Друго немам што да додадам“, посочува Станков.Наместо одговор од што починал нивниот син, родителите на починатиот Љупчо добиле закани од Судска медицина. Ова го просведочи мајката Кети Лешко во „Претрес“.Три месеци поминаа од трагедијата кога на приватна забава во Радишани, Љупчо почина од засега недокажан струен удар.Мајката во поткастот „Претрес со Ландов“ кажа дека нема да престане да трага по одговори и детали за смртта на нејзиниот син. Посочи дека никакви, како што кажа, закани, нема да ја заплашат или поколебаат. Споменувањето на кривична одговорност од страна на вработена во Судска медицина за неа е закана, а не „укажување“ како што велат оттаму.Родителите сведочат како работат институциите:?t=4878

Македонија | пред 1 година

(Видео) „Муртезани секој ден го демантира Мицкоски, бараме итна затворена седница“, вели Филипче

Претседателот на СДСМ, Венко Филипче денеска во изјава за медиумите истакна дека во Владата има спротивставени ставови за евроинтегративните процеси на Македонија и тоа е уште поголема причина за собраниска седница на која премиерот Мицкоски треба да ги каже плановите на Владата за напредокот на земјата. Филипче смета дека спротивставените ставови на премиерот Христијан Мицкоски и министерот за европски прашања Орхан Муртезани, се потврда за неспособноста на Владата да обезбеди јасен план за евроинтегративниот процес на државата.„Многу најави има од премиерот за некаква поддршка од некои држави, за менување на преговарачката рамка, нешто што наводно би ја подобрило нашата положба во процесот на евроинтеграции. Меѓутоа сето тоа е обвиено со мистерија и не знаеме никакви детали. Премиерот има обврска тоа да го соопшти, прво пред Собранието, пред народните избраници а понатаму и пред граѓаните. Да знаеме, сега кога еднострано го запре евроинтегративниот пат, нешто за што сметам и ќе повторам, нема никакво право, ниту политичко, ниту етичко, морално, напротив има обврска пред граѓаните да го продолжи тој пат којшто го очекува огромно мнозинство на граѓаните, и потврдено преку огромната поддршка на граѓаните на сите анкети направени досега наназад. Тоа е местото каде што се дискутира“-изјави Венко Филипче, претседател на СДСМ.Филипче истакна дека во Собранието треба да се расчистат овие „дисонантни тонови“, бидејќи тоа е местото каде што треба да се дискутира за иднината на државата и клучните прашања во врска со патот на Македонија кон Европската унија.„Жалам што неговиот министер Муртезани го демантира во неговите најави и изјави дека наводно има некаква поддршка да се донесат уставни измени со одложено дејство. Самиот министер кажа дека воопшто во ЕУ во ниту една држава нема расположение за таква работа. Сметам дека тие конфузни изјави, тие дисонантни тонови во Владата коишто оставаат впечаток дека таму владее една целосно бесперспективност, мора да се расчистат во Собранието. Мора да знаеме кој е планот на Владата ако воопшто го има и како ние ќе го продолжиме евроинтегративниот пат“-изјави претседателот на СДСМ, Венко Филипче.Тој додаде дека СДСМ секојдневно покажува конструктивност по прашањето за продолжување на евроинтегративниот пат на државата, но за жал одговор од премиерот во таа насока нема.

Македонија | пред 1 година

Правна голгота и тромозење: Правдата за загинатиот пешак кај мостот „Гоце Делчев“ не е ни на повидок, откако пресудата беше укината

Нецели три години се развлекува постапката во која се лоцира одговорноста кај кумановката Гордана Филиповиќ, која со „БМВ Х5“ удри во сега загинатиот Слободан Ангеловски на мостот „Гоце Делчев“ кај МНТ.  Судијката Елена Илиевска Јосифова во октомври 2023 изрече затворска казна од 3 години која во мај 2024 година беше укината бидејќи во предметот нема супервештачење, а до денеска судењето не може да започне да се суди одново. Судијката Џенета Бектовиќ која требаше да ја суди повторената постапка во Кривичен суд, замина да биде член на Судски совет, па денешното рочиште беше одложено. Кој и од кога ќе почне да го суди овој судски процес – засега никој не знае.За цело ова време, семејството Ангеловски очекува да се дознае вистината за загинатиот Слободан, кој бил во „Водовод“ да плати сметки, а дома не се вратил и загина на пешачки премин. Апелација смета дека пресудата не може да опстои, бидејќи во предметот има три вештачења, од кои двете на Обвинителството и оштетеното семејство се совпаѓаат, а третото кое го нарачала обвинетата - носи сосема други факти и околности. Па затоа, предметот го укина и побара Кривичен суд да го суди одново, но, прво да обезбеди супервештачење.“Судот пропуштил да ги утврди сите решителни факти во предметот кои се од битно влијание за одлучување во конкретниот кривично-правен настан, прадо што, обжалената пресуда не може во целост и со сигурност да се испита во однос на нејзината правилност и законитост.... Првостепениот суд ќе треба да нареди супервештачење, при што со сигурност ќе  ја утврди брзината на движењето на возилото на обвинетата, како и да го утврди придонесот на учесниците за настанување на сообраќајната незгода, како и правецот, мстото на кој дел од пешачкиот премин и на која сообраќајна лента пешакот изгубил рамнотежа и паднал, евентуалните причини кои довеле до губење на рамнотежата и пад на истиот, како и дали доказот доставен од законскиот записник на покојниот изготвениот вешт наод и мислење може да биде релевантно ценет со оглед дека оваа постапка се води по службена должност на ЈО, каде единствен овластен да предложи и побара изготвување на вешт наод и мислење има јавниот обвинител“, стои во пресудата на Апелација.Ова образложение ќе значи ново тормозење на семејството Ангеловски. Прво ќе треба да чекаат да се најде нов судија кој ќе го земе предметот во работа. Потоа, да се одреди рочиште за прво судење. Предметот нема да биде приоритет на судијата бидејќи не е притворски, а тоа значи дека може да се одржува и по едно рочиште и на два месеци. Судијата по воведните зборови и изјаснувањето за вина на обвинетата Филиповиќ, ќе треба да нареди супервештачење. И тука има нова кочница, бидејќи супервештачењето може да се изработува и неколку месеци – со оглед на праксата која се гледа низ судовите изминативе години.Овој предмет, во претходната постапка во Кривичен суд, стоеше девет месеци во фиока, додека се чекаше судот да го оцени, а АКМИСОТ да го распредели кај судија.Обвинетата Филиповиќ е мајка на кумановката Јелена која имаше 17 години, а пред три години исто така загина во сообраќајна несреќа. Возачот кој ја прегази доби 7,5 години затвор.

Македонија | пред 1 година

Божиновска ги излажа граѓаните за бугарското државјанство и пасош, вели СДСМ

„Министерката за енергетика Сања Божиновска ја излажа јавноста. Божиновска тврдеше дека се откажала од бугарското државјанство и бугарскиот пасош но јавноста преку медиумите во Бугарија дозна дека не само што се уште има бугарско државјанство туку и целото нејзино семејство има бугарско држајанство и пасош“, вели СДСМ.„Божиновска исто така се уште нема одговорено ниту за долгот на фирмите од 1 милион евра.Граѓаните не може да имаат доверба во Божиновска кога таа ја крие вистината и ги лаже“, соопшти СДСМ

Македонија | пред 1 година

„Цената на автопатот Кичево – Охрид, СДС и ДУИ ја зголемиле за 200 милиони евра без образложение“, велат од ВМРО-ДПМНЕ

„За да одиме напред, мора да имаме информации за минатото, поточно што ни остави владата на СДС. Руинирани институции кои тонат поради корупција и криминал е состојбата која ја остави владата на СДС и ДУИ“, вели ВМРО-ДПМНЕ.„Дека единствен приоритет на претходната владата на СДС и ДУИ и бил сомнителни тендери, се гледа и од тендерот за автопатот Кичево-Охрид.Фактите говорат дека на ДУИ и СДС приоритет им било местење на тендери, а не капитални инвестиции и изградба на инфраструктура.Ова го потврдува Извештајот на Државниот завод за ревизија. Автопатот Кичево-Охрид, иако проектиран колку ќе чини, наеднаш станал поскап за 200 милиони евра и тоа без никакви детали.Или кога станува збор местење тендери, ова е случај во најголем број од нив.Одлика на тендерите на Владата на СДС и ДУИ е одложена изведба и зголемени трошоци, со што се оптеретувал државниот буџет“, соопшти ВМРО-ДПМНЕ.

Македонија | пред 1 година

„Популарноста на Зеленски е на најниско ниво, да се ​​гласаше денеска ќе беше поразен, јасна предност има Залужни“, вели украински историчар

Јарослав Хрицак, професор по историја на Универзитетот во Лавов, во интервју за Corriere della Sera зборуваше за слабостите на украинскиот претседател Володимир Зеленски.„Популарноста на Володимир Зеленски е на најниско ниво. Да се ​​гласаше денеска ќе беше поразен. На Украина и требаат избори што е можно поскоро за да го врати своето политичко лидерство. За жал, треба да почекаме: нема да можеме да одиме на избори се додека земјата е под руска закана“, рече Хрицак.Тој објасни зошто сега не може да се одржат избори. „Ова не е можно од практична гледна точка, со дел од окупираната територија, толку многу граѓани во странство или под бомби. Постои и ризик од ослободување на внатрешните тензии, кои не слабеат“, нагласи тој.Тој смета дека популарноста на Зеленски паѓа поради две причини. „Првата причина: тој не можеше да освои ниту една победа повеќе од една година. Освен можеби напредокот во регионот Курск, кој, сепак, може да се покаже многу кревок. Втората причина: Зеленски не третира како да сме децата кои не се способни за расудување и на кои не треба да им се кажува вистината“, рече тој.„Зеленски продолжува да ја повторува херојската приказна од првите месеци, според која мораме да останеме обединети и да се бориме за ослободување на сите региони окупирани од Русите, вклучувајќи го и Крим. Но, никој повеќе не ја прифаќа оваа приказна: очигледно е дека не може да се врати на границите од 1991 година и во секој случај тоа би довело до многу смртни случаи и уништувања, што земјата не може да ги поднесе во реалноста“, продолжи тој.Тој предвиде и кој ќе победи на претседателските избори денеска. „Последните анкети укажуваат на јасна предност на поранешниот шеф на вооружените сили Валериј Залужни“, предупреди Хрицак.Тој не е сигурен дека Зеленски е свесен за проблемот. „Тој се опкружи со лојални спроведувачи кои се обидуваат да го држат подалеку од лошите вести. Сржта на проблемот останува неговата желба да ја концентрира моќта во свои раце: тој избира соработници врз основа на лојалност, а не на професионализам“, рече тој.„Имаме традиција на претседател кој се обидува да владее во стилот на неговата претходна работа. Зеленски беше добар актер и се уште се однесува така. Тој сонува да ја игра улогата на украинскиот Черчил. Итноста на војната му помогна: тој го отелотворуваше дарежливиот и храбар волонтеризам на Украинците, кои сакаа да се борат по секоја цена“, истакна тој.„Но, играта стана потешка кога стана јасно дека војната ќе се одолговлекува и дека треба да се развијат иновативни политики на отпор. Го споредувам со Горбачов: многу популарен на почетокот, но потоа сè поизолиран; почитуван па дури и сакан во странство, но презрен дома“, додаде тој.Тој ја поддржува идејата за опозиција која сака да создаде влада на национално единство за да преговара со Путин. „Да, тоа би можело да биде решение. Зеленски не е систематски мислител, му требаат стручни советници кои развиваат долгорочни политики и стратегии. Треба да преминеме од надеж за победа во политика на опстанок. Но Путин победува, обидувајќи се да земе што е можно повеќе од Украина, тој не е подготвен на компромиси“, истакна тој.Тој се осврна и на напредувањето на руската армија во Донбас. „Ова е класична војна на трошење. И војните како оваа завршуваат со колапс на една од двете армии. Резултатот зависи од тоа колку долго општеството е подготвено за жртви. Но, засега не гледам никакви знаци на колапс на Украина. “ рече тој.„Очигледно, западната помош и ракетите со долг дострел играат централна улога. Ситуацијата овде е тешка. Но, во Русија може да биде полошо. Се чини дека повеќето Руси сакаат војната веднаш да заврши“, заклучи тој.

Свет | пред 1 година

(Видео) Ураганот на векот оди кон САД, патиштата се блокирани, снема бензин: „Кој ќе остане ќе умре“

Флорида се подготвува за една од најсилните тропски бури во последните сто години. Ураганот Милтон се движи кон брегот на САД, а властите ги повикуваат жителите веднаш да се евакуираат.Милтон повторно се засили до категорија 5 и може да биде најсилната бура што некогаш ја погодила Флорида. Иако се прогнозира дека ќе ослабне пред да падне на копно, ќе порасне во големина, што значи дека неговите катастрофални влијанија ќе се почувствуваат на поширока област. Доцна денеска се очекува да стигне до брегот на Флорида.Во тек е масовна евакуација. Десетици илјади луѓе ги блокираа патиштата и заглавија во сообраќајот.„Ова ќе биде бура што ќе го промени животот“, изјави за Би-Би-Си Џералд Лемус, жител на Флорида, кој цел живот живее на американскиот полуостров и никогаш не се евакуирал поради ураган.„Никогаш не сум видел толку тивко овде. Сите ги нема“, рече друг жител, Стив Крист.

Свет | пред 1 година

Неофицијални детали за смртта на мајката и ќерката во тетовско: таткото однесен во полициска станица

На телата на мајката и ќерката кои попладнево беа пронајдени починати во куќа во тетовското село Слатино, немало траги на насилство, пренесува Телма.50-годишниот Р.Ш., сопруг на починатата 36-годишна К.Ш, која заедно со нејзината керќа беше пронајдена мртва во домот во тетовското село Слатино, по укажаната медицинска помош во тетовската болница, со полициско возило беше однесен во тетовската полиција.Во јавностa се шпекулира дека смртта е настанатa со труење од храна. Исто така 9-годишниот син е пренесен на скопската клиника.Во СВР Тетово денеска околу 14 часот доктор од Теарце пријавил дека бил повикан за интервенција во Слатино, а таму констатирал смрт кај 36 годишна жена и нејзината ќерка. Докторот бил повикан од мајката на почината К.Ш (36).- Веднаш било постапено по пријавата и обезбедено лице место каде што екипа при СВР Тетово во содејство со Јавен обвинител извршиле увид. Сопругот Р.Ш. (50) заедно со неговиот малолетен син, се префрлени во Клиничка болница Тетово за укажување на лекарска помош, а потоа лицето Р.Ш. ќе биде задржано во полициска станица за понатамошна постапка, информираат од СВР Тетово.По наредба на обвинителот телата на починатите биле предадени за обдукција.

Македонија | пред 1 година

(Видео) ДУИ: Скандал - 380.000 евра за браварско-заварувачки услуги од нелегитимната Влада во ЕСМ

Денеска преку прес-конференцијата за медиуми ДУИ објави нов скандал за како што велат „корумпираните, неспособните кадри на коалицијата Вреди“.„После скандалот со набавките на цвеќиња за 9000 денари за едно парче од страна на Бурим Латифи- прв братучед на Изет Меџити и Директор на Мепсо, денеска објавуваме нов скандал на корумпираните, неспособните кадри на коалицијата Вреди.И тоа, за Фатмир Лимани- Браварот кој преку Претседателот на огранокот и воедно управител на РЕК- Осломеј реализирал тендер за браварско-заварувачки услуги иако РЕК- Осломеј има над 1000 вработени“, велат од ДУИ.„За скандалот да биде уште поголем, вредноста на трите тендери со две фирми опфаќа вредност од над 23 500 000 денари или над 380 000 Евра.Тоа значи дека скоро 30 Евра за еден час работа за браварски услуги или поинаку кажано за да се смени брава. Имено, ЕСМ со овој скандалозен договор ќе треба да плати 1780 денари за час работа за горенаведените услуги.Овој договор, освен корумпиран не може да биде поинаков, затоа ги повикуваме надлежните органи да постапуваат за вакви криминални договори кои се реализираат од страна на неспособните управители“, соопшти ДУИ.

Македонија | пред 1 година

Спречен обид за нелегална трговија со марихуана и лекови

На граничен премин Блаце царинските службеници спречија обид за нелегална трговија на опојна дрога, марихуана. Притоа, запленети се 36,4 килограми опојна дрога марихуана, чијашто вредност на нелегалниот пазар на големо се проценува од близу 100 илјади евра, а на мало до три пати повеќе. Опојната дрога спакувана во 36 пакувања од по околу еден килограм, е пронајдена при контрола на возило управувано од македонски државјанин, каде била скриена во 4 големи куфери. Инспекторите од Секторот за контрола и истраги презедоа понатамошни дејствија при што по наредба на јавен обвинител е извршено вештачење, а против лицето е поднесена кривична пријава заради основано сомнение дека сторил кривично дело неовластено пуштање во промет на наркотични дроги.Заплена на лековиНа граничен премин Јажинце царинските службеници спречија обид за криумчарење на вкупно 7.847 ленти разни лекови. Притоа запленети се лекови ксалол од еден мг, бромазепам од 6 мг, флормидал од 15 мг и бенсадин од 10 мг со вкупна вредност од 8,7 милиони денари. Случајот е октриен при контрола на товарно моторно возило во сопственост на македонска фирма. Возилото кое се пријавило за празно е селектирано за детална контрола при што во кабината на кревет кој бил во подигната позиција имало 4 кутии со лекови излепени со леплива трака. Возилото и лековите се запленети, а против сторителот ќе се поднесе кривична пријава заради прекршување на кривичниот законик.Заплена на девизиНа излез од државата на граничен премин Деве Баир, царински службеници запленија 12.690 евра. Во случајот, двајца странски државјани кои патувале со автомобил, на прашање дали имаат да пријават нешто за царинска контрола одговориле негативно, но при извршената контрола, во три паричници сместени во рачна чанта биле пронајдени 32.690 евра. Сопатничката изјавила дека 10 илјади евра се нејзини, кои согласно законските прописи и се вратени, додека останатите 22.690 евра биле сопственост на возачот. Поради тоа што возачот не поседувал документ за потекло или потврда за внесени ефективни пари во државата, 10 илјади евра, износ што нерезиденти можат слободно да го изнесат од државата, му биле вратени, а 12.690 евра биле привремено задржани. За сторениот девизен прекршок против возачот ќе биде поведена прекршочна постапка.Заплена на цигариЦарински службеници на граничниот премин Богородица запленија 44 штеки цигари со вкупна вредност од 128.100 денари, откриени при контрола на празен камион со македонски регистарски таблички, управуван од македонски државјанин, пријавен за влез во државата на граничниот премин Богородица. Штеките со цигари биле скриени во кабината на камионот, во фабричките празнини за изолација над возачкото и совозачкото седиште и над креветот за спиење, како и во кутиите за ПП апарати закачени на предниот дел на полуприколката. Непријавените цигари се привремено задржани а против возачот ќе биде поведена прекршочна постапка.Заплена на облека- Мобилни тимови запленија 1.230 парчиња облека, 1.300 кутии за накит, и 455 килограми текстилно платно откриени при контрола на стока пријавена за увозно царинење во царинска испостава Скопје 1. Вкупната вредност на непријавена стока изнесува 443.745 денари, при што избегнатите давачки изнесуваат 116.314 денари. Стоката чиј испраќач е од Турција, наменета за увозник од Струмица, не била опфатена со царинската декларација. Против правното лице е поднесена прекршочна пријава до надлежен суд.Заплена на разни производи со потпис на заштитени трговски марки- Во четири случаи, вкупно 38.462 парчиња разни производи со потпис на заштитени трговски марки се запленети од страна на мобилни царински тимови и царински службеници на граничен премин Богородица поради сомнение дека повредуваат права од интелектуална сопственост. Стоката била наменета за увозници од Скопје и Тетово. Во тек е процедура за утврдување на нивната оригиналност.Конкретно, мобилни тимови во два случаи на контрола на стока со потекло од Кина наменета за фирма од Тетово, запленија вкупно 4.532 играчки со потпис на познати трговски марки. Фирмата која увезувала играчки и школски прибор, дел од производите ги пријавила како обични производи, а не како производи кои се со потпис на познати трговски марки. При контрола на стоката мобилните тимови, запленија дел од стоката заради сомневање за повреда на права од интелектуална сопственост.Во третиот случај мобилен тим при контрола на стока со потекло од Кина наменета за увозник од Скопје, пријавена за увозно царинење во царинската испостава Скопје 3, пронајдоа 30.858 разни производи со потпис на заштитени трговски марки.Во последниот случај царински службеници на граничниот премин Богородица при контрола на товарно возило со македонски регистарски таблички натоварено со стока од испраќач од Кина, наменета за фирма од Скопје, запленија 3.072 парчиња обувки со потпис на познати брендови.

Македонија | пред 1 година

Уапсен маж од Косово, се сомничи дека го подметнал пожарот во општина Тетово

Вчера во 20.15 часот на улица „Маршал Тито“ во Тетово, полициски службеници од СВР Тетово го лишиле од слобода Б.Р.(38) од Република Косово, со привремен престој во Скопје.Тој се сомничи дека претходниот ден го подметнал пожарот во подрумските простории на општина Тетово.Лицето било задржано во полициска станица и по документирање на случајот против него ќе биде поднесен соодветен поднесок по член 288 од Кривичниот законик.

Македонија | пред 1 година

Касами: Човек од Косово го подметна пожарот во подрумските простории на општина Тетово

Градоначалникот на општина Тетово, Билал Касами вели пожарот кој избувна во подрумските простории на општина Тетово бил намерно предизвикан и ова го потврдиле и безбедносните камери. Тој рече дека се работи за лице кое не е државјанин на Македонија. Првите сомнежи се дека тој е државјанин на Косово.Дефинитивно се сомневаме дека намерата овде е дека се работи за фантомско лице, односно без документи, кое подолго време се движело во регионот. Се сомничи дека се работи за лице кое е од Косово и нема никакви документи или македонско државјанство. Се сомневаме дека е соодветен профил да се злоупотреби за вакво дело бидејќи се работи и за палење документи кои се од последните избори кои се оштетени – рече Билал Касами, градоначалник на општина Тетово.Касами рече „не се работи за изолиран случај туку со предумисла за поголема штета.“Значи овде не се работи за изолиран случај туку со предумисла за поголема штета да се создаде забуна во јавност туку и да се создадат предуслови за она што опозицијата подолго време предупредува за создавање меѓуетнички тензии во Тетово. Се сомневам, се сомневам, па со оглед на личноста и неговиот профил, овој човек не може да го направи овој чин и да замине без да остави трага и дека воопшто не е пронајден. Секако, тоа е предупредување за општината, но и другите објекти да ја зголемат безбедноста. Апелирам до сите кои мислат дека со ваквите постапки можат политички да имаат корист, ви порачувам дека општината не е само на една партија туку на сите граѓани на Тетово без разлика и уште помалку политички – додаде тој.

Македонија | пред 1 година

(Видео) Соопштението од фронтот го вознемири Киев: „Русите влегоа во Торецк“

Руските сили влегоа во предградието на градот Торецк во источна Украина, соопшти доцна синоќа украинската војска, помалку од една недела по падот на блискиот град Вухледар.„Ситуацијата е нестабилна, борбите се водат буквално на секој влез (во градот)“, изјави за украинската национална телевизија Анастасија Бобовникова, портпаролка на Оперативно-тактичката група Луганск.„Русите влегоа во источната периферија на градот“, додаде таа.Русија, која сега контролира нешто помалку од една петтина од територијата на Украина, од август напредува кон Торецк, земајќи село по село со пешадија поддржана од зголемена употреба на високо деструктивни наведувани бомби. За Украина, Торецк е град на првата линија десет години, бидејќи е блиску до украинската територија што ја зазедоа сепаратистите поддржани од Русија во 2014 година и оттогаш стана сидро на одбраната на Киев.За Москва, заземањето на градот, ќе го приближи претседателот Владимир Путин до неговата цел да го заземе регионот на Донбас.Откако не успеа да го освои главниот град Киев кога започна сеопфатна инвазија на Москва во февруари 2022 година, Путин се фокусираше на заземање на старото индустриско срце во источна Украина познато како Донбас, кое ги покрива регионите Луганск и Доњецк.Падот на Торецк, велат украинските воени аналитичари, ќе и овозможи на Москва да ги попречи клучните логистички правци што го поврзуваат оперативниот заден дел на силите на Киев во областа со борбената зона, вклучително и главниот пат Покровск-Костјантинивка.

Свет | пред 1 година

Познати речиси сите детали од обвинението: што снимија камерите во Бањско Поле каде што беше убиена Данка Илиќ

Обвинението за убиството на двегодишната Данка Илиќ во Бањско Поле беше покренато пред точно две недели, односно на 24 септември, а како што објавија тогаш српските медиуми, опфатени се Дејан Драгијевиќ и Срѓан Јанковиќ, како и таткото на Дејан, Радослав, а јавноста со будно око го чека епилогот на овој случај, односно дали ова обвинение ќе биде прифатено од судот или не.Познати се речиси сите детали од обвинението, но она што се уште не е објавено е што пишува во обвинителниот акт кога станува збор за снимките од камерите од Бањско Поле каде што наводно е убиена Данка.„Во обвинителниот акт пишува дека камерите го снимиле движењето на возилото во кое се наоѓале Дејан и Срѓан, но не и дека е снимен контактот помеѓу возилото и детето во Бањско Поле. Поточно, не се гледа дека детето било удрено од автомобилот“, објавија српските медиуми.Наведено е и дека Днка Илиќ (2) е убиена така што и го прекинала доводот на воздух со рака, но исто така се забележува дека ова тврдење се заснова на признанието на обвинетиот, кое подоцна го повлекол.Како што се наведува понатаму, судот по обвинението треба да се произнесе до крајот на овој месец.Откако Вишиот суд ќе донесе одлука, се чека Апелацискиот суд во Ниш.

Свет | пред 1 година

Мицкоски: Кога ќе има нови детали со Бугарија ќе ја информирам опозицијата, нема да ја повторувам нивната грешка да не информираат за ништо

Претседателот на Владата, Христијан Мицкоски во Отворено студио „100 дена Влада“ на МРТ, на прашање за повикот на лидерот на СДСМ, Венко Филипче за информирање на планот за надминување на проблемот со Бугарија истакна дека кога ќе има нови детали опозицијата ќе биде информирана, оваа влада нема да ја повтори грешката на СДСМ кога беа на власт и сами го тераа процесот без да информираат и без да се консултираат со опозицијата.„Не ја повторуваме истата грешка и нема да ја повториме. Кога ќе има нешто за кое би требало да биде информирана опозицијата, тогаш верувајте веднаш ќе ги информираме. Односно да има напредок за да може да го споделиме со опозицијата. Во моментов се е на позиционирање и поставување на играта и нема поместување.“, рече Мицкоски.Премиерот Мицкоски потенцираше дека ова што го зборува јавно би им го кажал и на нив, а разликата од тоа кога СДСМ беа на власт е суштински различна.„Пред да се прифати т.н. Француски предлог ние имавме два месеци прес конференција во која повикавме на вклучување на опозицијата, затоа што имавме информации дека се случува тоа и тоа. Повикавме немојте, ќе направите грешка, тие рекоа дека не ги интересира, сами ќе си го тераме процесот. И видовме до каде го дотераа. Првиот момент кога ќе има поместување ќе ги информираме, лично ќе го повикам и него ќе повикам и лидерска средна со сите други и ќе ги запознам со напредокот или можното решение.“, изјави Мицкоски.Мицкоски нагласи дека додека е премиер никогаш нема да влезе во процес клучен за државата и иднината на граѓаните во кој опозицијата и другите политички партии нема да бидат запознаени.

Македонија | пред 1 година

Столиците беа однесени, компјутери немаше, апокалипска беше кога влеговме во Владата, вели Мицкоски

Премиерот Христијан Мицкоски, тврди дека кога влегле во Владата ги немало дури ни столиците, а ни компјутерите. Според Мицкоски, било тотален хаос.„Кога влеговме прв ден во Владата, буквално пикавци имаше по патосите, немаше компјутери, столици беа дури однесени, тоа беше една би рекол апокалиптична сцена која ја наследивме таму, посебно по канцелариите. Без никаква дисциплина, тоа беше еден тотален хаос. Полека но сигурно влегуваме на шини, ги ставаме работите на шини, функционира системот. Се доекипираме и од утре ќе имаме портпарол на Владата и заменик-портпарол и мислам дека на тој начин, полека но сигурно прв круг на соработници околу мене се затовра“, вели Мицкоски.Именувањето на портпаролите ќе биде утре на владина седница.

Македонија | пред 1 година

Тачи и официјално му сврте грб на Ахмети: ДПА и јас нема да бидеме дел од Европскиот фронт

Претседателот на Демократската партија на Албанците, Мендух Тачи вечерва соопшти дека тој и неговата партија веќе нема да бидат дел од Коалицијата „Европски фронт”.-Сто дена се малку за да се анализира работата на една Влада. Причината зошто отсуствував на прес-конференцијата за стоте дена за владеењето на Владата организирана од „Европски фронт“ е поради тоа што јас и ДПА веќе нема да бидеме дел од Фронтот, рече Тачи вечерва во телевизиско гостување на Телевизија Клан Македонија.Пратеничката група на Коалицијата „Европски фронт“ функционира во полн состав, истакна денеска координаторот на пратеничката група Блерим Беџети одговарајќи на новинарско прашање околу наводите во медиуми дека претстедателот и пратеник на ДПА, Мендух Тачи се повлекува од коалицијата.

Македонија | пред 1 година

(Видео) „Овој случај ќе се заврши како незнајна смрт“, родителите на Љупчо сведочат дека лице од МВР им прогнозирало како ќе се затвори случајот

Во официјалниот билтен на МВР стои дека 19-годишниот диџеј Љупчо Лешко починал од струен удар. Официјално лице кое правело увид на местото им кажало на родителите дека не починал од струен удар.Иако вештачењата и обдукцијата не се завршени, според нив, официјалното лице прогнозирало и како ќе се затвори случајот. Според кажувањата на родителите, лицето од МВР рекло дека се ќе заврши како „незнајна смрт“, што значи дека тие нема да знаат од што починал Љупчо.Сведоштвото кое ја фрапираше македонската јавност е достапно во поткастот „Претрес со Ландов“.?t=4876

Македонија | пред 1 година

Со инвестиција од 3,7 милиони евра, Царинската управа ќе работи на воспоставување на нов граничен премин Клепало со Бугарија

Со инвестиција од вкупно 3,7 милиони евра, Царинската управа ќе работи на воспоставување на нов граничен премин Струмјани-Берово (Клепало) со Република Бугарија. За овој проект се обезбедени 3,1 милиони евра грант од ИПА 3 Програмата на ЕУ за прекугранична соработка со Бугарија, а 551.548 евра се национално ко-финансирање. Денеска во Берово, се одржа настан за одбележување на почетокот на проектот за воспоставување на новиот граничен премин, на којшто се обратија директорот на Царинска управа Бобан Николовски, министерот за локална самоуправа Златко Перински и директорот на Заедничкиот секретаријат на Програмата за прекугранична соработка со Република Бугарија, Тони Јакимовски.Министерот Перински вели дека Програмата и покрај континуираните политички спорови меѓу Бугарија и Македонија, испраќа позитивна порака до сите засегнати дека регионалната соработка и добрососедските односи можат да придонесат за раст и просперитет на пограничниот регион со што ќе се овозможи поквалитетен живот на граѓаните, што во суштина е и целта на ИПА програмата, финансирана од Европската Унија.„Отпочнувањето на овој долгогодишен очекуван стратешки проект е од големо значење по многу основи како за нашата земја, така и за целиот пограничен регион. Отворањето на преминот Клепало ќе има значителна корист за регионалната поврзаност, ќе ја подобри и олесни комуникацијата помеѓу двете земји и ќе овозможи директен пристап до автопатот Струма во Бугарија, кој е важен дел од трансевропската транспортна мрежа. Користењето на овој граничен пункт освен што ќе заштеди време, ќе значи и олеснување на сообраќајот на луѓе и стоки меѓу двете земји и ќе создаде услови за економски развој во Малешевскиот крај кој ги поседува сите потенцијали за развој на туризмот. Ова е само уште еден проект кој се финансира преку ИПА програмата, финансирана од Европската Унија, чија имплементација ќе придонесе за зајакнување на прекуграничната соработка, а во интерес на граѓаните“, потенцира Перински.Директорот на Царинска управа, Бобан Николовски истакна дека воспоставувањето на преминот Клепало како и реконструкцијата и надградбата на граничниот премин Деве Баир испраќаат силна порака дека Македонија е силно посветена на процесот за пристапување во ЕУ, при што ќе се инвестира во подобрување на граничното управување на сите премини.Денешниот настан, како што вели, е јасен доказ за нашата посветеност во процесот на пристапување во ЕУ, при што воспоставувањето на преминот Струмјани - Берово е еден од стратешките проекти.Директорот Николовски вели дека со овој проект се очекува подобрување на регионалната поврзаност, зголемување на протокот на луѓе, унапредување на економските односи и зајакнување на трговските врски.- Нашата цел е побрз пристап во единствениот пазар на ЕУ. Овој проект, проектот за реконструкција на Деве Баир, проектот за видео надзор, автоматизацијата на терминалите, јасно ја покажуваат нашата посветеност во остварување на стратешките приоритети за економска трансформација, безбедност на државата и жестока борба со криминалот, вели Николовски.Директорот на Заедничкиот секретаријат на Програмата за прекугранична соработка со Република Бугарија Тони Јакимовски вели декасоздавањето на нов Граничен премин Струмјани – Берово (Клепало) претставува важен чекор во зајакнувањето на прекуграничната соработка меѓу двете соседни земји."Ваквите проекти претставуваат одраз на нашата заедничка визија за одржлив и интегриран регионален развој. Програмата Интеррег е создадена со цел да поттикнува прекугранична соработка и да ја поддржува интеграцијата на региони преку конкретни проекти кои носат долгорочни придобивки. Изградбата на новиот граничен премин Струмјани – Берово е одличен пример за оваа цел, овозможувајќи поголема мобилност на луѓето и стоки, зајакнување на економиите и подобрување на инфраструктурата од двете страни на границата", вели тој.Вкупната инвестиција за воспоставување на граничниот премин изнесува 11,1милион евра, при што 7,7 милиони евра се грант преку ИПА 3 Програмата за прекугранична соработка на ЕУ, а преостанатите средства се национално ко-финансирање од страна на Македонија и Бугарија.

Македонија | пред 1 година

(Видео) Мицкоски: Со премиерот на Србија Вучевиќ разговаравме за продлабочување на економската соработка помеѓу двете земји

Премиерот Христијан Мицкоски денеска се сретна со премиерот на Република Србија, Милош Вучевиќ.Како што извести Мицкоски на прес-конференцијата, на средбата било разговарано како да ја продлабочат економската соработка, како да ги поврзат луѓето и како да се создадат можности за идните генерации кои доаѓаат.„Посебно се осврнавме на културната соработка и образованието. Се согласивме дека инвестирањето во младите е инвестирање во иднината. Кога нашите млади уште повеќе ќе се поврзат, ќе учат едни од други и ќе создадат заеднички проекти, тогаш сме сигурни дека регионот ќе оди напред.Исто така, зборувавме за предизвиците со кои се соочува регионот. Во овие турбулентни времиња, неопходно е да бидеме заедно, да бидеме глас на разумот и да работиме кон стабилност и безбедност на целиот регион. Ја истакнавме важноста на дијалогот како единствен пат за решавање на спорови и недоразбирања.Во однос на нашите европски аспирации, ја потврдивме заедничката визија дека иднината на регионот е Европската Унија. Знаеме дека патот до таму не е лесен, но веруваме дека со заеднички напори и поддршка можеме да ги исполниме критериумите и да ги донесеме придобивките од европската интеграција на граѓаните во регионот“, рече Мицкоски.„Исто така можам да кажам дека зборувавме во делот на енергетското поврзување на двете земји. Посебно ја истакнавме важноста од изградбата на гасниот интерконектор којшто ги поврзува или ќе ги поврзува во иднина двете земји. Бидејќи ние сме сега во фаза на завршување на тендерска постапка со којашто конечно ќе отпочне изградбата на интерконекторот со нашиот јужен сосед, за да обезбедиме дополнителна опција за снабдување на гас на Централна Европа. Овој интерконектор со нашиот северен сосед е исклучително значаен. Тоа беше еден од важните сегменти во нашите разговори.Во фаза сме да го пуштиме во употреба или продуктоводот или во јасноста познат како нафтовод којшто ја поврзува нашата земја со нашиот јужен сосед. Цениме дека тоа би било добра опција, да истиот тој продуктовод или нафтовод биде поврзан и со нашиот северен сосед и на тој начин да обезбедиме уште еден коридор.Зборувавме и за изградба на брзата пруга којашто е дел од Коридорот 10, којашто претставува стратешки приоритет на нашата Влада исто како што е и Коридорот 8. Но заеднички приоритет е изградба на Коридорот 10 и со нашиот северен и со нашиот северен сосед. И на тој начин практично ги опфативме оние теми кои што се важни, видовте и самите, присуствувавте на потпишување на Меморандум за соработка во делот на енергетиката, рударството и минералните суровини. Така што можам да кажам дека регионалното поврзување останува приоритет за двете држави и тоа регионално поврзување да биде дел од идното поврзување и интегрирање во рамките на Европската Унија.Исто така ја отворивме темата за одржување на заеднички влади, нешто кое што го правиме вообичаено со владини седници, истото што го правиме и со другите наши соседи. Така што мислам дека односите помеѓу двете земји се на исклучително високо ниво и во периодот кој што следи истите треба да ги продлабочуваме.Како македонска Влада нашата ориентација е многу пати повторена, ќе ја повторам и денеска, а тоа е да градиме добрососедски односи со сите наши соседи и нормално заеднички како регион да бидеме дел од Европска Унија“, соопшти Мицкоски.

Македонија | пред 1 година

Опожарен контејнер во Ѓорче Петров

Во текот на изминатиот викенд, непознати сторители опожариле еден контејнер наменет за одлагање комунален отпад лоциран на главната улица во скопската општина Ѓорче Петров. Опожарениот контејнер беше со зафатнина од 3,2 м3 и е целосно уништен и неупотреблив.Од почетокот на годинава беа опожарени вкупно 19 пластични контејнери поставени на јавни површини. Со цел да не се наруши динамиката на одлагање, собирање и транспорт на комуналниот отпад, ЈП Комунална хигиена-Скопје во најкус можен рок сите опожарени садови ги замени сонови.ЈП Комунална хигиена-Скопје апелира да престане уништувањето на садовите за одлагање отпад, за екипите на Претпријатието да можат навремено да ги извршуваат своите работни обврски на терен, согласно Оперативната програма за работа.

Скопје | пред 1 година

Во Гостивар водата од водоводот не е за пиење, а во Тетово количеството вода во водоводот е намалено

ЈКП „Шар“ од Тетово информира до ЦУК дека поради загаденоста на водата во изворите на Лешница, системот на филтер станицата на Лешница засега е целосно затворен, градот Тетово се снабдува со намалено количество вода, а дека екипите на ЈКП „Шар“ се на теренот за брзо решавање на проблемот.Истовремено, известуваат дека ќе има ограничување на водата во градскиот водовод од 13.00 до 15.00 часот и во период од 01.00 до 04.00 часот.Од ЈП „Комуналец“ од Гостивар е добиено известување во ЦУК дека поради контаминација предизвикана од обилните врнежи од дожд, најновите физичко-хемиски и микробиолошки анализи потврдуваат дека водата од јавната водоводна мрежа во моментов не е безбедна за пиење.До натамошно известување, од ЈП „Комуналец“ од Гостивар велат да не се пие водата од чешма, од водоводот, соопшти ЦУК.

Македонија | пред 1 година

Годишнината од терористичкиот напад на Хамас; ОН: Изминатата година на Блискиот Исток беше неумолива трагедија

„Изминатата година на Блискиот Исток беше неумолива трагедија“, соопштија денеска Обединетите нации.Денеска се одбележува годишнината од терористичкиот напад на палестинската исламистичка милиција Хамас и други, во кој загинаа повеќе од 1.200 луѓе во јужен Израел, а околу 250 беа земени како заложници во Појасот Газа.Израел возврати со масовни напади во кои загинаа повеќе од 41.800 луѓе, соопшти Министерството за здравство на Хамас. Хамас не прави разлика помеѓу смртта на милитантите и цивилите. Бројките не можат да се потврдат независно.„Ниту една статистика или зборови не можат целосно да го опишат степенот на физичкото, менталното и социјалното уништување што се случи“, рече Џојс Мсуја, вршител на должноста шеф на Канцеларијата на ОН за координација на хуманитарни прашања (OCHA).Мсуја ги повика земјите-членки на ЕУ да го „искористат своето влијание“ за да обезбедат почитување на меѓународното хуманитарно право и човековите права.„Тие, исто така, мора да работат на ставање крај на неказнивоста. Моментален прекин на огнот и траен мир се одамна потребни“.Речиси целото население на Газа е раселено, а цивилите се соочуваат со екстремна оскудност, со мал или никаков пристап до здравствена заштита, храна, електрична енергија или хуманитарна помош, соопшти OCHA.Повеќе од 300 хуманитарни работници се убиени во Газа - повеќе од која било друга криза, што го прави најопасно место за хуманитарните работници, додава агенцијата.„Хуманитарните работници мора да бидат заштитени и да им се олесни работата. Сторителите мора да одговараат за секое сериозно кршење на меѓународното хуманитарно право. И нападот врз Газа мора да престане“, соопшти Канцеларијата на ОН.

Свет | пред 1 година

(Видео) Погодено складиште за нафта на Крим, се крева густ црн чад

По напад со беспилотни летала, избувнал пожар во складиште за нафта во Феодосија, Крим, пренесува рускиот Телеграм канал Астра.Веста за пожарот ја потврди и Олег Криучов, помошник на шефот на Крим поставен од Русите. „Пожар во складиште за нафта во Феодосија. Руското Министерство за вонредни ситуации работи. Нема повредени и загинати. Заменик премиерот Игор Михајленко отпатува во Феодосија“, објави тој. Локалните жители јавуваат дека пред да избие пожарот се слушнале експлозии. Патем, нафтениот терминал во Феодосија е најголемиот на Крим во однос на капацитетот за претовар на нафтени производи. Има само два такви терминали на полуостровот, вториот е во Севастопол.

Свет | пред 1 година

Нов жесток напад врз Бејрут

Официјалната либанска новинска агенција Ани извести за четири израелски напади во неделата навечер врз јужните предградија на Бејрут, упориште на Хезболах што е гранатирано веќе неколку дена, а израелската војска соопшти дека ги гаѓала магацините за оружје на движењето таму.„Непријателските воени авиони извршија два напади врз јужните предградија, првиот насочен кон областа Сен Терез, а вториот кварт Бурџ ал Барајне“, соопшти агенцијата, цитирана од Франс прес.Ани потоа пријави уште два израелски напади во предградијата, вклучително и еден против градот Хада.Во соопштението објавено во текот на ноќта во неделата, израелската војска соопшти дека нејзините авиони биле насочени кон „терористички цели во разузнавачкиот штаб на Хезболах“ и „магацини за оружје“ на вооруженото движење во регионот на Бејрут.„По ударот беа идентификувани секундарни експлозии, што укажува на присуство на оружје“, додаде војската.Видеото на АФП покажува четири удари, од кои два предизвикуваат огромни секундарни експлозии, голем пламен, како и густи облаци од црн чад.Повеќе од 30 напади ги погодија јужните предградија во текот на ноќта, според Ани, во една од најинтензивните ноќи на бомбардирање, поради што многу луѓе од соседните населби избегаа.

Свет | пред 1 година