ТОП

Посебен режим на сообраќај во Скопје во сабота

СВР Скопје ги известува граѓаните дека на 12.10.2024 (сабота) во периодот од 06.00 до 18.00 часот, поради снимање на филм на мостот Беласица, Единицата за безбедност на патниот сообраќај ќе преземе мерки за посебен режим на сообраќај.Имено сообраќајот на ул.„Беласица“ (мост Беласица) периодично ќе се затвора на потегот од крстосница со ул.„Ѓуро Ѓоновиќ“ до крстосница со бул.„Гоце Делчев“ во Скопје и ќе се пренасочува по околните сообраќајници.СВР Скопје апелира до граѓаните да ги почитуваат наредбите што ги издаваат полициските службеници.

Македонија | пред 1 година

Шестгодишно дете е жртвата во училиштето во Ѓорче: наставничка суспендирана, четири имаат дисциплинска, директорот се повлече

Шест годишно дете било жртва на булинг за време на одмор во основно училиште во општината Ѓорче Петров, дознава „Скопје1“. Настанот кој бил пријавен од таткото, во МВР е заведен како физички напад со обид за полово дејствие. Според информации на „Скопје1“, детето било нападнато од соученик кој бил на иста возраст и второ дете кое било трето одделение. Полицијата испитува дали сѐ се случило како резултат на детска игра.Градоначалникот на Ѓорче Петров, Александар Стојкоски, изрази жалење и упати осуда за настанот. Четири наставници добија дисциплиска постапка, а еден наставник е веќе супспендиран. В.Д. директорот на училиштето, сам се повлекол од морални причини.„Изразувам жалење и најсилна осуда за немилиот настан во едно од нашите ООУ, во која се инволвирани ученици од најмалите одделенија. Информираме дека сме во постојана комуникација од моментот на пријавување на настанот со сите инволвирани институции, МВР, МОН, социјални служби и обвинителство. Општината и училиштето соодветно ги презедоа сите мерки согласно Законот за основно образование и Законот за наставници и стручни соработници, како и согласно Упатството за постапката за пријавување и заштита на ученици жртви на насилство, злоупотреба и занемарување.Во рамките на овие активности, е формирана комисија која ќе поведува дисциплинска постапка против четири наставници, а веднаш е суспендиран еден наставник, одговорен за одделението. Во текот на денешниот ден оставка од лични и морални причини поднесе и директорот на училиштето, а веднаш е именуван и нов ВД директор. По утврдувањето на одговорноста на секој од нив, зависно од дејствијата кои ги презеле или пропуштиле, соодветно ќе бидат санкционирани. Педагошко-психолошката служба активно постапува во согласност со упатството, со цел да се обезбеди безбедна и поддршка средина за нашите ученици. Настанот мора да биде расветлен во целост и да биде лоцирана одговорноста на секој инволвиран во случајот“, напиша градоначалникот Стојкоски.

Скопје | пред 1 година

Измама во македонска банка - член на надзорен одбор е осомничен за малверзација со акции

Денеска (10.10.2024) Одделот за сузбивање на организиран и сериозен криминал, Единица за финансиски криминал во соработка со Одделот за криминалистичка полиција, поднесе кривична пријава против Ф.Е. од Скопје, поради основано сомнение за сторено кривично дело „измама при работењето со хартии од вредност и удели по чл. 275 ст. 3 од кривичниот законик.Пријавениот во својство на член на Надзорен одбор на банка од Скопје, злоупотребил внатрешна информација која се однесува на висината на дивидендата за 2023 година, која како член на надзорен одбор ја дознал во текот на 2024 година. На тој начин користејќи ja ценовно чувствителната информација истиот се стекнал со 500 обични акции, по просечна цена на чинење на акција од 16.400,00 денари или вкупно за акциите платил 8.200.000,00 денари.Кривично пријавениот сензитивните информации ги пренел и на трети лица поточно на членови на негово потесно семејство со што истите ја искористиле информацијата на начин што купиле 701 хартија од вредност (акција) на банката, по цена пониска од цената која што ја достигнала хартијата од вредност (акција). Односно за акциите бил платен вкупен износ од 11.520.967,00 денари, а овозможило да се стекнат со вкупна корист од 639.000,00 по основ на ценовната промена на акцијата како и вкупно 646.100,00 денари по основ на дивиденда. Со ова лицето Ф.Е прибавил противправна имотна корист за себе и за членовите на неговото семејство и на тој начин сторил кривично дело „Измама при работењето со хартии од вредност и удели по чл. 275 ст. 3 од КЗ.

Македонија | пред 1 година

Деца мета на деликвенти во Скопје: Две ограбени со закана во Центар, други на Бит Пазар

Во СВР Скопје, И.З.(45) од село Крушопек, општина Сарај, пријавил дека на 06.10.2024 околу 20.30 часот на подрачјето на Драчево, неговиот малолетен син бил физички нападнат од неколку лица, кои употребиле и тврд предмет.На 09.10.2024 во 21.50 и во 22.50 часот во Полициската станица Центар, И.И.(46) и Ј.Т,Ј.(61), двете од Скопје, пријавиле дека околу 20. 00 часот во кругот на основно училиште на подрачјето на Центар, двајца малолетници со закана со остар предмет од нивните малолетни синови одзеле пари.На 09.10.2024 во 18.00 часот во СВР Скопје, Д.М.(44) од Скопје и И.З.(55) од село Морани, скопско, пријавиле дека на подрачјето на Бит Пазар, нивните две малолетни деца биле физички нападнати од неколку лица, кои употребиле и тврд предмет.Сите случаи се расчистуваат.

Скопје | пред 1 година

(Видео) Ако не се случат уставните измени, Македонија не треба да постои како држава, рече Шаќири од ВЛЕН

Пратеникот на ВЛЕН, Ријад Шаќири вчера имаше шокатна изјава по однос на уставните измени и внесување на Бугарите во Уставот.Водителот неколку пати му го поставуваше истото прашање на пратеникот на Влен, што ќе се случи доколку не се донесат уставните измени и дали Влен ќе ја напушти коалицијата со ВМРО-ДПМНЕ?Шаќири невешто го избегнуваше одговорот за на крај да изјави дека доколку не се случат уставните измени Македонија не заслужува а постои како држава.-Ако Македонија не ги направи уставните измени, тогаш не треба да постои како држава, ако нема перспектива за членство во Европската Унија, не треба да постои како држава, изјави Шаќири.Пратеникот Скендер Реџепи, кој беше дел од Алтернативата, а сега дејствува како независен пратеник, прв од пратениците доби збор на седницата за уставните измени за вметнување на Бугарите. Тој бараше да се избрише формулацијата „20 отсто“ од Уставот при измените што треба да се донесат следниот период. Реџепи рече дека со вметнувањето на Бугарите ќе се отворат хоризонтите кон ЕУ, но во државата ќе има меѓуетнички тензии. Според него, Албанците не смее да бидат заложници.„Може да се случат и други барања, албански општини да бараат пат кон ЕУ, одделно од македонските општини. Ова не би го посакувале, но реалноста е таа“, рече Реџепи.Oва не изолиран инциден па така истиот тој Шаќири од ВЛЕН во реплика на пратеникот Борислав Крмов ијзави „ќе се молиме секаде каде што сакаме и треба, а шота ќе се игра во Тирана, Скопје и Приштина“.Шаќири истакна дека Албанци го ослободувале Скопје во 1913 и дека сите практики кои важеле до сега ќе важат и отсега.ВМРО-ДПМНЕ немаше никаков одговор на навредите кон македонскиот народ од пратеникот Ријад Шаќири!

Македонија | пред 1 година

Им дал алкохол на тинејџери, па потоа таблети „за подобро расположение“, обвинение против скопјанец

По спроведена истражна постапка, Основното јавно обвинителство Скопје поднесе Обвинителен акт против 40-годишен скопјанец за Тешки дела против здравјето на луѓето по член 217 став 1 во врска со член 212 став 1, како и четири кривични дела – Излагање на опасност согласно член 134 став 2 во врска со став 1 од Кривичниот законик.Обвинетиот, на 11 и 12 јули годинава, во неговиот дом во Козле, ставил во промет лекови што се штетни за здравјето и им дал да ги употребуваат на четири деца родени 2006, 2007, 2008 и 2009 година. Тој заедно со децата почнале да конзумираат алкохол првично на летниковец во дворот, а потоа во текот на ноќта и во дневната соба од куќата. Во текот на вечерта обвинетиот од комодата во дневната соба извадил лекови „тергатол 200 мг”, „запира 10 мг” и „дијазепам 5 мг” кои ги користел како ординирана терапија за одвикнување од алкохолизам. Дел во таблети, а дел изронети за да можат да се земат преку шмркнување со носот, им ги понудил на оштетените деца „за подобро расположение“. Иако бил свесен дека од ваквата комбинација на лекови и алкохол може да настапи штетна последица, тешко им го нарушил здравјето на децата. Кога лековите почнале да делуваат со нивното дејство кое манифестира вртоглавица, нерамнотежа и нарушување на свеста, децата започнале да паѓаат и се здобиле со повеќе телесни повреди.Обвинетиот ги оставил децата и си заминал да спие во спалната соба. Утрината кога станал повторно ги затекнал како лежат во безсознание и ги оставил без каква било помош, иако претходно самиот го довел во опасност нивниот живот.При интервенција по пријава за нарушен ред и мир, полицијата ги пронашла децата паднати на подот во дневната соба со сериозно влошена здравствена состојба. Со возило на итна медицинска помош тие биле префрлени на Клиниката за токсикологија, каде што кај нив било констатирано присуство на бензодијазепини во зголемена концентрација, како и присуство на “карбамазепин“, “диазепам“, „нордазепам“, „циталограм“, „темапзепам“ и „парацетамол“ во крвта.

Македонија | пред 1 година

(Видео) Тошковски го пофали Дачиќ дека има долга кариера, тој му врати: Само што започнав бре!

Министерот за внатрешни работи Панче Тошковски во Куманово денеска ja делегација од Република Србија предводена од вицепремиерот и министер за внатрешни работи Ивица Дачиќ. Тие зборуваа за меѓуграничните проблеми на двете држави и нивното решавање. Истовремено, во еден момент, Тошковски го пофали Дачиќ, на што српскиот министер возврати: Само што започнав бре!На средбата било разговарано за соработката на двете полиции која беше оценета како одлична. Најавено е продлабочување со оперативни соработки. Се барало и решение за подобрување на транзитот на граѓаните низ премините.

Македонија | пред 1 година

(Видео) Лаат и трчаат по и пред автомобили: глутница кучиња кај Железничка, граѓаните со поплаки

Скопјани се жалат дека глутници улични кучиња шетаат низ главниот град, лаат и трчаат по и пред автомобили. Снимени се кај новата Железничка станица. Двајца различни читатели на „Скопје1“ испратија снимки од кои се гледа однесувањето на уличните кучињаЈП Лајка е задолжена за решавање на проблемите со уличните кучиња. Познато е дека тие имаат проблем со финансиите, како и дека собираат донации за да можат да ги третираат. Ова претпријатие е под надлежност на Град Скопје, однсоно градоначалничката Данела Арсовска.Скопјани неретко кажуваат дека се плашат кога ќе видат глутница кучиња. Посочуваат дека не се чувствуваат сигурни. Наспроти ова, има и граѓани кои ги сожалуваат и кажуваат дека тие се ненахранети и провоцирани да нападнат. Во дневните билтени на МВР постојано има пријави за лица каснати од напуштено куче.

Скопје | пред 1 година

Шок: Рафаел Надал објави крај на кариерата!

Шпанскиот тенисер Рафаел Надал објави емотивно видео во кое најави повлекување од професионалниот тенис!Ова значи дека Надал официјално се пензионираше на 10 октомври 2024 година, а во емотивното видео кое го објави на неколку јазици им се заблагодари на сите.Во текот на кариерата освои 92 титули, од кои 22 Грен слемови. Тој исто така освои златни олимписки медали и во сингл и во двојки, како и пет Дејвис купови. - Здраво на сите. Овде сум да ве информирам дека се повлекувам од професионалниот тенис. Реалноста е дека тоа беше тешка година, особено последните две, каде што не можев да играм без ограничувања. Очигледно, ова е тешка одлука, за која ми требаше долго време да ја донесам - изјави Рафа.Надал најави дека 2024 година ќе биде последната година од неговата тениска кариера и дека Дејвис купот ќе биде неговиот последен турнир.Оваа одлука дојде по долг период обележан со повреди, особено повреда на мускулот на левата нога, која го спречи да ја игра речиси целата сезона во 2023 година.

Спорт | пред 1 година

Готови се извештаите за смртта на родилката во Куманово и бебето на Детска клиника, Таравари: Ако има лекарска грешка судските органи да делуваат

Министерот за здравство Арбен Таравари кажа дека попладне ќе излезе со извештај за случаите со починатата родилка во кумановската болница и смртта на 14-месечното бебе на Детската клиника во Скопје.„Извештаите се речиси подготвени. Чекав извештај од професионални и компетентни педијатри за да дадат одреден заклучок за случајот со починатото бебе. Се надевам дека денеска или најдоцна во понеделник, како Министерство за здравство да имаме прес-конференција на која ќе ги кажеме сите детали од случувањата со родилката од Куманово и 14-месечното бебе“, рече тој.Министерот информираше дека е доставен извештајот за случајот со почината родилка, а за починатото бебе очекува да го добие денеска.„Веќе кажав, ако очекувате јас да судам, тоа не го можам. Ние не сме судски орган. Ќе излеземе со извештај, да кажеме дали има лекарска грешка, а потоа судските и истражните органи треба да делуваат“, додаде Таравари.Бебето почина на 5 октомври на Детската клиника, а 31-годишната родилка почина на 27 септември во Општата болница Куманово.

Македонија | пред 1 година

(Видео) Го удрил ли Ковачевски, претседателот на СДММ со телефон по глава?

Направивме уште еден „Претрес“ – многу неспоменати информации сега се најдоа во поткастот, кој треба да го изгледате. Наш гостин беше експремиерот Димитар Ковачевски.Имавме дебата за сите скандали кои го пратеа како премиер: од пазарењето со камери по маркети, до семејни бизниси, ДУИ, Мијалков, Груевски… даде одговор на буквално сите прашања кои досега беа неодговорени.?t=3926

Македонија | пред 1 година

(Видео) Превртени чамци, илјадници без струја, сообраќајот во прекин: најмалку еден загинат во ураганот Кирк што ја погоди Франција

Најмалку едно лице загина кога ураганот Кирк го погоди јужниот дел на Франција, а повеќе од 65.000 домаќинства останаа без струја, јави утринава француската телевизија BFM. Ветерот преврте три чамци во близина на пристаништето Сет, на југот на Франција, при што едно лице загина а еден е во критична состојба.Трите најзагрозени општини се Атлантските Пиринеи, каде 16.000 домаќинства се без струја, Ду, каде 9.500 домаќинства остануваат без струја и Јура, 4.900. Железничкиот сообраќај утрово беше во прекин на неколку локални линии во пет региони поради поплави и дрвја кои паднаа на шините поради ураганот Кирк. Францускиот весник „Фигаро“ објави дека синоќа е забележана голема штета во просториите на Националното собрание. Во делот каде што се наоѓаат пратеничките канцеларии, вода навлегла во дел од просториите, особено во подрумот, јавува Танјуг.

Свет | пред 1 година

Лукаревска: Бараме затворена седница, ВМРО-ДПМНЕ мора да понуди решение за ЕУ интеграцијата

СДСМ бара седница за да го слушнеме лекот на власта за продолжување на европскиот процес којшто го најавуваше во кампањата, рече пратеничката Сања Лукаревска во емисијата „24 анализа“ на ТВ 24.-Ние и јавноста сакаме да го слушнеме оној лек за евро интегративниот процес којшто го слушавме во рамки на кампањата, да видиме кој е. Да го видиме решението на власта, нивната рамка, временски рокови. Да ја видиме која е содржината на тоа писмо коешто се најавува до европските институции. Власта има обврска за тоа. Патот којшто го поминуваме за членство во ЕУ е макотрпен, еве шанса да ги откочиме тие процеси за земјата да продолжи понатаму, рече Лукаревска.Затоа СДСМ бара да се одржи една таква седница во Собранието затоа што ова е клучно стратешко прашање, за власта да ја презентира стратегијата, кој е нивниот план и дали има алтернатива ако не успее, потенцираше таа.-Кога беше актуелен Францускиот предлог ние подадовме рака и ја повикавме опозицијата на лидерска средба за да може заеднички да седнеме. Но денеска што гледаме? Едно се зборуваше пред и во рамки на кампањата друго се зборува сега. Реалноста е таа. Одложено дејство на уставните измени, подобра преговарачка рамка и слично. Но што ако не успее тоа, јавноста нема одговори која е алтернативата, рече пратеничката Сања Лукаревска.

Македонија | пред 1 година

(Видео) Сателитска снимка од моментот кога ураганот го погоди брегот на Флорида

Ураганот Милтон во средата навечер навлезе во Флорида како бура од трета категорија, според Националниот центар за урагани на САД, и ќе продолжи да предизвикува поројни поплави и бранови опасни по живот, оставајќи повеќе од еден милион луѓе без струја и многу мртви.Ураганот Милтон стигна до Флорида во средата околу 20:30 часот по локално време, во близина на Сиеста Ки, јужно од Тампа, со максимална брзина на ветерот од околу 200 километри на час, објави Си-Ен-Ен. Моментот кога ураганот Милтон падна на копно беше фатен од Кооперативниот институт за атмосферски истражувања.Истражувачката организација објави сателитско видео од моќната бура додека се движеше низ државата, вклучувајќи го и моментот кога падна на копно во близина на Сиеста Ки - помалку од осум километри јужно од градот Сарасота.

Свет | пред 1 година

(Видео) Ураган на векот во Флорида, пристигнуваат драматични снимки

Ураганот Милтон пристигна на Флорида околу 20:00 часот по локално време, предизвикувајќи торнада и го зафати регионот со дожд и ветрови.Наредена е евакуација на неколку милиони луѓе на 300-километарскиот брег. Поплавени се бројни области, забележани се повеќе од 20 торнада, а секоја минута пристигнуваат драматични снимки од Флорида.

Свет | пред 1 година

Ковачевски: Гоце Делчев е Македонец, францускиот предлог не е уцена

Македонија е единствена држава која направи големи отстапки за членство во НАТО и почеток на преговорите со ЕУ, рече во Претрес со Ландов екс премиерот и лидер на СДСМ, Димитар Ковачевски.„Францускиот предлог не е уцена. Гоце Делчев е Македонец”, рече Ковачевски.

Македонија | пред 1 година

(Видео) Ковачевски: Со Груевски не се познавам

Димитар Ковачевски, пратеник, експремиер и поранешен лидер на СДСМ, вечерва во „Претрес“ со Ландов изјави дека со Никола Груевски не се познава.На настанот за МНТ, на кој говорел Груевски, а позади е и тој, Ковачевски вели бил во работно време како претставник на Телеком.

Македонија | пред 1 година

(Видео) Ковачевски: Со Заев не сум се скарал никогаш

Експремиерот и лидер на СДСМ, пратеникот Димитар Ковачевски, вечерва во „Претрес“ со Ландов одговара на актуелни теми.„ДУИ се вратија на националната агенда со својот стар партнер ВМРО-ДПМНЕ. И јавно сум му укажувал на Ахмети за грешките“, рече Ковачевски, не одговарајќи конкретно на прашањето за грешките на ДУИ.„Со Заев не сум се скарал никогаш, имаме колегијална соработка и ми даде поддршка за изборот“, рече Ковачевски.

Македонија | пред 1 година

(Видео) Ковачевски во Претрес: Добро е што се укина балансерот

Добро е што се укина балансерот, вака во Претрес со Ландов, поранешниот премиер и лидер на СДСМ, актуелен пратеник, Димитар Ковачевски ја коментираше денешната одлука на Уставен суд.Балансерот е решение кое произлезе од Охридскиот мировен договор и уставните амандмани.„Но, балансерот потоа се злоупотребуваше. Македонци се изјаснуваа за Албанци, Роми Турци, Албанците за Турци, Власи за вработување и не ги даде резултатите“, рече Ковачевски.Конкретно не сакаше да ја коментира одлуката на уставните судии.„Ова е одлука на Уставен суд и не се коментира. Надминато е решението. Добро е што се укина балансерот бидејќи ќе треба ново решение“, рече Ковачевски.

Македонија | пред 1 година

🔴ВО ЖИВО: „Претрес“ на Димитар Ковачевски: скандали, „Маџар телеком“, ракоплескање на Груевски, смешкање на Ахмети

Гостин во „Претрес со Ландов“ вечерва е експремиерот и претседател на СДСМ, Димитар Ковачевски кој во текот на изборите рече „Јас пак ќе бидам премиер, а РСМ ќе биде во ЕУ до 2030 година“. За скандалите со купување мечиња од државна сметка, приватните бизниси, францускиот предлог кој донесе нови блокади од Бугарија, за Заев и Црвенковски.Беше 18 години дел од „Телеком“ и на него се лепат многу скандали. Му плескаше на Груевски за „Скопје 2014“, му се смешкаше на Али Ахмети на стадионските трибини. Дали е претивок пред ВМРО-ДПМНЕ? Зошто?Кој на кого удри со нож во грб: Ковачевски-СДСМ или обратно? Зошто остана пратеник, ако крена раце од претседателското место во СДСМ? Кој му го наметна Миле Зечевиќ? Правдал ли свои одлуки викајќи „бев во Амбасада“? За олигархијата, јавувањата кај Артан Груби, уцените, присуството на срам, реваншизмот.СЛЕДЕТЕ ВО ЖИВО:

Македонија | пред 1 година

Талкајќи по одговор за починатиот син, Лешко добија нови удари: Ни викаа да се јавиме за два-три дена, па потоа „ако досаѓаме имаат право на кривична“

Родителите на Љупчо Лешко, кој почина на приватна забава, а за кого три месеци нема обдукциски наод и причина за смртта, го демантираат директорот проф. д-р Александар Станков кој кажа дека биле на разговор во Судска медицина. Тие за „Скопје1“ тврдат дека била повикана само нивната ќерка, но не за причината за смртта. Раше Лешко, татко на починатиот Љупчо, посочува дека заканите за кривична пријава дошле откако самите вработени им укажувале да се јават за некој ден, за да добијат информации.„Како одговор на изјавата на директорот на судска медицина сакам да ви потврдам дека ние како родители никогаш не сме биле физички во судска медицина, туку од страна на доктор беше повикана нашата ќерка на информативен разговор само околу срцето на нашиот син, но не и за информации за причината за смртта, што беше изречито кажано од истата докторка. Понатаму, ако зборовите "Дека ако повторно пратиме блиско лице, или досаѓаме по телефон, дека како службено лице вработено во таа институција има право да поднесе кривична пријава за вршење притисок и мешање во истрагата не е закана, тогаш не знам што е, ама укажување секако не е. Ако прашањата дали има резултати се мешање во истрагата или вршење притисок, во ред, ќе прифатиме. Сепак мислиме дека не се. И ако е така тогаш би го замолил директорот да им укаже на неговите вработени, кога ќе се јавиме да не ни викаат јавете се за два дена, три дена, другата недела и.т.н. Нашата ќерка беше таму и имаше краток разговор за кој она ќе ви пише и ќе ви каже каков одговор добила“, вели Раде Лешко, татко на починатиот Љупчо.Стефанија Лешко, сестра на починатиот Љупчо, која била во Судска медицина, раскажа за ситуацијата.Јас сум Стефанија Лешко,сестрата на покојниот Љупчо Лешко.Пред се' од срце се заблагодарувам за Вашата ангажираност околу случајот со мојот за жал,прерано починат брат.На ден 27.09.2024 отидов во судска медицина и на приемен шалтер ја побарав докторката. Потоа, излезе доктор кој рече дека докторката не е тука и дека може да му се обратам нему со прашање бидејќи и тој е дел од обдукцијата на мојот брат. На почетокот немав баш прием како за лице кое дошло на Судска медицина да праша за свој член бидејки имав нервозен испад од докторот (причина: сум ја побарала докторката? најверојатно) иако јас не ни знаев дека освен докторката има и друг(и) кои работат на случајот. Бев прашана: која сте Вие за да ви дадам информации, а по моето претставување се беше поинаку. Прашав кога ќе биде извештајот и кога докторката ке биде на работа по што добив одговор "па би требало при средината на следната недела,евентуално вторник или среда јави се". Тоа беше моето единствено физичко присуство на Судска медицина, бидејќи сум дополнително ангажирана и со факултетски обврски кои бараат временски и психички влог од мене“.Таа додава: „Замолувам да не ни се става сол на раната,единствено по кое што трагаме е вистината за нашиот најсакан. Притисок не може да биде прашање за "кога би било готово,па нели е предолго да чекаме" или одредени прашања поврзани со искази на наши сведоци. Одговорно тврдам дека во ниеден случај не сме наметнувале што да се пише, не сме се заканувале и не сме биле некултурни кон вработените во Институтот за судска медицина. Во последниот наш телефонски разговор со докторката реков "би сакала да се видиме,да се запознаам со Вас и да разговараме околу можното генетското преоптоварување со хипертрофична кардиомиопатија, а извештајот кога биде-нека биде".Родителите во поткастот „Претрес со Ландов“ раскажаа како нивниот син бил заведен дека починал од струен удар во приватна вила каде бил ангажиран на забава како диџеј, за потоа, како што велат, да им кажат дека можеби и не е струен удар. Талкаат по одговори и посочуваат дека не бараат вина, но доколку некој има - треба да одговара пред законот. Директорот на Судска медицина, Станков, за „Скопје1“ посочи дека родителите неколкупати се јавувале, а дека лицата само им укажале, а не дека се заканиле, дека вршење притисок е кривична одговорност.

Македонија | пред 1 година

Двајца малолетници се обиделе да силуваат соученик со тврд предмет во училиштен двор во Ѓорче Петров

Вчера во 20.00 часот во СВР Скопје, 44-годишен маж од Скопје пријавил дека во периодот од 11.00 до 15.00 часот во двор на основно училиште на подрачјето на Ѓорче Петров, неговиот малолетен син бил физички нападнат од двајца негови соученици, кои со тврд предмет се обиделе да извршат полово дејствие врз него.Се преземаат мерки за расчистување на случајот.

Македонија | пред 1 година

Го обвинија Јован без да покажат ниту еден доказ, виновен беше само затоа што е мој син, вели Мицкоски

Со одлуката на Антикорупциската комисија се потврдија лагите на СДСМ. Го обвинија Јован, му судеа и го осудија без притоа да покажат ниту еден доказ, пишува премиерот Христијан Мицкоски на социјалните мрежи.„Виновен беше само затоа што е мој син. Останува горчината за лагите на СДСМ и нивните мегафони, посебно што нападнаа тинејџер кој ќе живее, учи и се гради како личност во средина во која политичките лешинари не бираат средства и начин во политичката арена. И тогаш имате морален хазард, истите градат среќа врз туѓото инволвирање во политика, затоа што со реални факти и аргументи не можат. Но вистината победи.Во моето однесување никогаш не сум прекршил закон, тaка и ќе продолжам. А ти синко…, те молам да ми простиш, не си ти виновен што мора сето ова да го живееш. Заедно ќе живееме за да победиме за Македонија и никогаш повторно ова да не му се случува на ниту еден тинејџер во иднина“, вели Мицкоски.Синот на премиерот Христијан Мицкоски сам си ги платил авиобилетите и сместувањето во Њујорк и Вашингтон за време на самитот на НАТО во јули годинава и не бил дел од владината делегација е епилогот од случајот кој го отвори Антикорупциска по допрен глас.Јован Мицкоски не бил ни сместен во истиот хотел со владината делегација, туку изнајмил апартман.„Од приложените фактури се констатира дека ова лице не престојувало во хотелите каде била сместена владината делегација, туку во апартманско сместување и истите не се фактурирани на име на делегацијата на РСМ, како што е случајот со фактурите за хотелското сместување на владината делегација. Истите фактури гласат на име на физичко лице“, рече рече Зоран Богоевски, член на ДКСК.

Македонија | пред 1 година

Труење е веројатната причина за смртта на мајката и детето во Слатино, покажуваат првите сознанија од обдукцијата, велат од МВР

Министерството за внатрешни работи заедно со Основното јавно обвинителство Тетово преземаат мерки и активности за расчистување на настанот во тетовското село Слатино каде вчера беа пронајдени починати мајка и дете. Првичните сознанија од наредената обдукција упатуваат на труење како веројатна причина за смрт на лицата, па од починатите се земени примероци за дополнителни токсиколошки анализи со цел да се утврди причината за труењето.Кај починатите не се пронајдени други траги на насилство. Исто така, по наредба на јавен обвинител ќе бидат земени примероци од крв и урина и од останатите членови на семејството - татко и уште едно дете, со цел да се провери евентуално присуство на токсини и кај нив. Се преземаат и други мерки за целосно расчистување на случајот.

Македонија | пред 1 година

Само на глуп народ му се случува ова - доаѓа на власт краде, од опозиција ја критикува власта дека краде, вели Најчевска

„Доаѓа на власт и краде. Оди во опозиција и ја критикува власта затоа што краде за да може повторно да дојде на власт и да краде. И никој не е осуден и никому не му се одзема украденото“, напиша Професорката по право, Мирјана Најчевска.„Само многу глуп народ дозволува ова да му се случува 30 години“, додаде таа.

Македонија | пред 1 година