Пукање вечерва во скопската населба Чаир, дознава ТВ21.Според сегашните информации, едно лице е рането и е пренесено на укажување лекарска помош во Градската болница.За само неколку денови, ова е второ пукање откако претходно во престрелка во истата населба Чаир беше повреден 19-годишен скопјанец.
Македонија | пред 1 година
Зорица Ѓорчевска, мајка на убиената Вања, не беше сигурна каде, но беше децидна дека таткото Александар ѝ кажал дека нивната ќерка е киднапирана, во деновите кога по неа се трагало.„Не сум сигурна дали во автомобилот. Дома го кажа тоа. ‘Нема што друго да биде, треба на некој да должиш’. Не можам да кажам со сигурност дека го зборуваше тоа на 27-ми (денот кога исчезна Вања). Во текот на наредните денови кажуваше да, дека е киднапирана. Во еден момент му се развикав престани да кажуваш, полицијата има друга терминологија. Велеше дека нешто друго не може да биде“, рече Зорица Ѓорчевска одговарајќи на прашање од судот.Ѓорчевска рече дека Александар дошол брзо откако му се јавила и додаде: „не е вообичаено тој брзо да се подготвува, знае да доцни, но јас кога му се јавив брзо дојде. Не ми рече ништо околу снемувањето на Вања, јас се правдав дека не знам каде е, дека не сме се скарале, зборувавме каде да одиме, каде да ја бараме“. Сведочеше дека таткото бил потиштен додека се трагало по ќерка му.Според мајката, ден пред исчезнувањето на Вања, на 26 ноември, таткото Александар ѝ пратил порака (слика) на Зорица, со принтскрин (слика) од разговор со Вања, каде ѝ велел да се облече во топла облека, оти утредента, на 27 ноември кога таа беше грабната и убиена, ќе биде ладно.„Тоа беше принтскрин од чет со Вања, каде ѝ вели како да се облече, да се облече топло, оти утредента ќе биде ладно. Јас не сум ја видела пораката, оти телефонот навечер ми е на полнење. Во неделата, на 3 декември, ме повикаа во полициска станица во 2 часот, нѐ раздвоија и мене ми кажаа дека е пронајдена мртва и ме однесоа да ја идентификувам. Од медиумите дознав дека е уапсен“, додаде таа.Посочи дека без станот во Дебар маало, таа поседува три стана.На прашање од адвокатот на Љупчо Палевски-Палчо, дали на неа ѝ е познато дека татко ѝ соработувал со обвинетиот – таа рече: „Не ми е познато, но јас ги имам сите документи. Не постоеле никакви недоразбирања и татко ми ќе се повлечел ако имало недоразбирања“.
Македонија | пред 1 година
Сведокот Ана Киркова, ќерка на грабнатиот и убиен Панче Жежовски, раскажа за деновите кога татко и го немало. Раскажа за познанството помеѓу обвинетиот Велибор Манев и Панче. На прашање од Љупчо Палевски-Палчо, дали Панче имал контакт со него, сведокот рече дека татко и никогаш не разговараше со кого контактира. По два дена откако не кревал на телефон, сопругот на ќерката отишол да види што се случува – а внатре биле оставени вклучени, ламбата и греалката.„Од средата татко ми веќе го немало, ѕвонам - татко ти го нема. Пријателката го барала, викам може да не им се јавува на нив. Беше чесен, праведен. Почнав да ѕвонам - мене мора да де јави. Но, не ми крена, помислив работи нешто, се занимава низ дворот, стар човек. Околу 16 часот со сопругот отидовме дома. Почна да ме фаќа паника. Татко ми го нема никаде и отидовме во полиција и пријавивме“, раскажа Киркова.Таа посочи дека обвинетиот Велибор Манев работел на поплочување во куќата на татко и.„Го изнајми за да направи поплочување. Околу бекатонските плочки татко ми не беше задоволен. Не можам да се сетам. Мислам дека татко ми тужеше. Не ни кажуваше ништо не сакаше да не вовлекува во проблемите негови“, додаде сведокот Киркова.Таа раскажа дека со татко и се гледале еднаш неделно, не сакал внимание и им викал да си ги гледаат децата.„Јас си сопругот пријавивме дека го нема татко ми. Живееше надвор од градот на 15 минути. За жал живееше сам. Татко ми не сакаше околу него да се обрнува внимание, водеше здрав живот, еднаш неделно ако се видевме. Не сум јас старец, велеше 'оди дома гледај си ги децата'. Ние пријавивме дека него го нема. Полиција почна да го бара“, додаде Киркова.
Македонија | пред 1 година
Зорица Ѓорчевска, мајка на грабнатата и убиена Вања Ѓорчевска, пред судот сведочеше за критичниот ден кога исчезна девојчето. Пред судот посочи дека не познава никој од обвинетите, како и дека не е скарана со таткото Александар. Вања тргнала од дома во 07:45 минути, а во 7:43 добила порака од класната дека Вања не е на час. Ѓорчевска сведочи дека таткото Александар и кажал дека ќерка му може само да е киднапирана и нема што друго да биде.„Од 9 ти септември живееме на Борче Наумовски .Вања околу 7:20 се подготви и излезе за на училиште. Јас во 7:45 излегов за на работа класната ми имаше во 7:43 беше пратена пораката и јас веднаш и свртев. Јас не знаев што да правам дали да влезам во автомобил или да одам пешки до училиштето. Со Александар се упативме на локацијата каде што последен пат и го покажуваше телефонот на Вања. Не ми рече ништо, јас влегов во автомобилот. Колегите од мојот оддел, веднаш дојдоа и полицијата им рече дека ќе добијат налог и да проверуваат каде е сигналот на телефонот“, рече Ѓорчевска.Таа посочи дека со таткото Александар се разделиле во моментот кога дошле двајца полицајци.„Јас отидов во станот, а Александар на локацијата“, додава таа.Потоа, посочи дека Александар и кажал дека Вања е киднапирана.„Тврдеше дека Вања е киднапирана а на прашањето зошто - одговараше нема што друго да биде“, додаде Ѓорчевска.Зорица објаснуваше и за вообичаената пракса, како Вања заминувала во училиште со сестра и.„Децата вообичаено одеа заедно. Генерално кога имаа часови дека не смеат доцнат. Секој петок Вања одеше сама затоа што помалата ќерка одеше од 8:10. Класната беше болна и поради губеа први час“, додаде Зорица Ѓорчевска.Раскажа како течел и обидот за пронаоѓање на Вања.„На ниту една снимка, на ниту една камера ја намаше Вања. Се понудија повеќе фирми бурекчилница приватни куќи ни даваа снимки за да видиме за да можеме да ја најдеме Вања но нејзе ја немаше“, додаде Ѓорчевска.„Во прегледувањето на камерите - Сашко ги гледаше камерите и незнам кој ден се појави Гоце Трајковски кој дојде да му помогне на Сашко за да ги гледаат камерите. Со Гоце не се познавав лично знам кој и имав слушнато. Незнам како помагаше, они беа во собата, работеа ги прегледуваа камерите разговараа со полицијата. Имал пријатели во полицијата ги знаел инспекторите и во тој контекст се разговараше“, додаде Ѓорчевска.Судењето за убиството на Панче и Вања почна на 20 септември. Првообвинетиот е Љупчо Палевски, а обвинети се и Боре Видевски, Велибор Манев, Влатко Кешишов, како и таткото на девојчето, Александар Ѓорчевски.Малолетната Вања и велешанецот Панче Жежовски беа пријавени за исчезнати на 27 и 24 ноември минатата година.Тие беа пронајдени мртви во близина на Скопје и Велес на 3 декември 2023 година.
Македонија | пред 1 година
Продолжува судењето за убиството на 14-годишната Вања Ѓорчевска и велешанецот Панче Жежовски.Боре Видевски, еден од обвинетите за убиствата е вратен во Истражниот затвор Скопје. Тој поради влошена здравствена состојба кон крајот на минатиот месец беше пренесен на болничко лекување.Токму поради неговата хоспитализација претходните рочишта беа одложени.Судењето за убиството на Панче и Вања почна на 20 септември. Првообвинетиот е Љупчо Палевски, а обвинети се и Боре Видевски, Велибор Манев, Влатко Кешишов, како и таткото на девојчето, Александар Ѓорчевски.Малолетната Вања и велешанецот Панче Жежовски беа пријавени за исчезнати на 27 и 24 ноември минатата година.Тие беа пронајдени мртви во близина на Скопје и Велес на 3 декември 2023 година.
Македонија | пред 1 година
Денеска продолжува судењето за убиството на 14-годишната Вања Ѓорчевска и велешанецот Панче Жежовски.Во судот се појави и мајката на убиената Вања, Зорица која денеска ќе сведочи.Боре Видевски, еден од обвинетите за убиствата е вратен во Истражниот затвор Скопје. Тој поради влошена здравствена состојба кон крајот на минатиот месец беше пренесен на болничко лекување.Токму поради неговата хоспитализација рочиштата закажани за минатата недела беа одложени.Судењето за убиството на Панче и Вања почна на 20 септември. Првообвинетиот е Љупчо Палевски, а обвинети се и Боре Видевски, Велибор Манев, Влатко Кешишов, како и таткото на девојчето, Александар Ѓорчевски.Малолетната Вања и велешанецот Панче Жежовски беа пријавени за исчезнати на 27 и 24 ноември минатата година.Тие беа пронајдени мртви во близина на Скопје и Велес на 3 декември 2023 година.
Македонија | пред 1 година
„Од кога граѓаните ги казнија на последните избори и ги испратија во опозиција по 20 години, "зелената" партија ДУИ, секојдневно глуми жртва пред граѓаните“, вели ВМРО-ДПМНЕ.„Иако и тие самите пред само една година, на седница на тогашната Влада предводена од СДС-ДУИ коалицијата, донеле одлука за укинување на алатката "балансер", изминатава недела сведочиме на низа прес-конференции каде што велат дека укинувањето не смее да се случи.Да не заборавиме, Владата на ДУИ и СДС во 2023 година донесе Стратегија за реформи на јавната администрација за период 2023-2030, со која се предвидува укинување на балансерот. Притоа, препораката на Европската Комисија јасно вели дека алатката е истрошена и треба да се укине.ДУИ најавува протести и дестабилизација на државата, а беа дел од власта повеќе од 20 години и не направија ништо, освен играње фудбал по канцеларии, калливи патишта во Арачиново и купување на молови.ДУИ се прочитани од граѓаните и изјавите на нивните политичари не проаѓаат во албанскиот блок.Да потсетиме, ВМРО-ДПМНЕ се согласува со Европската Комисија дека балансерот е злоупотребен, сметаме дека рамноправната застапеносост треба и ќе се реши со закон“, соопшти ВМРО-ДПМНЕ.
Македонија | пред 1 година
Четири војници загинаа, а повеќе од 60 лица се повредени во напад со беспилотно летало врз воена база во северниот дел на Израел, објавија израелските одбранбени сили (ИДФ) додадоа дека седум војници се тешко повредени во нападот на базата кај Бињамина. град кој се наоѓа на околу 33 километри јужно од Хаифа.Тоа е еден од најкрвавите напади врз Израел од почетокот на војната во октомври минатата година. Хезболах ја презеде одговорноста за нападот, велејќи дека целта бил камп за обука на бригадата Голан на израелските одбранбени сили (ИДФ) во областа, лоцирана меѓу Тел Авив и Хаифа.Канцеларијата за медиуми на вооружената група соопшти дека нападот бил одговор на израелските напади во четвртокот во јужен Либан и Бејрут, во кои загинаа 22 лица, а беа ранети 117, соопшти либанското Министерство за здравство.Групата соопшти дека го нападнала кампот во северен Израел користејќи „рој дронови“.Хезболах се закани со нови нападиХезболах му се закани на Израел со нови напади доколку продолжи неговата офанзива во Либан.Во соопштението, групата го опиша нападот врз Бињамина како „сложена“ операција, во која беа лансирани десетици проектили кон Нахарија и Акре северно од Хаифа „со цел да се ослабат одбранбените системи на Израел“.Во исто време беа лансирани „ескадрили беспилотни летала, од кои некои се користеа за прв пат“, кои успеаја „да поминат покрај израелските радари за воздушна одбрана без да бидат откриени“ и да го погодат кампот за обука Бињамина јужно од Хаифа. .Тие „експлодираа во просториите каде што имаше десетици офицери и војници на израелскиот непријател“, се вели во соопштението на Хезболах.
Свет | пред 1 година
„Новите скандали кои ја тресат ЈПДП покажуваат дека во ДПМНЕ нема никаква промена, се враќа грубата партизација и бруталната злоупотреба на институциите“, вели СДСМ.„Шефот на контрола во Наплатната служба на патарините во Петровец, Миланчо Митревски, ДПМНЕ и Коце Трајановски го поставија на оваа позиција иако не ги исполнува условите поради тоа што бил фатен со бројни злоупотреби. Митревски наплаќал повеќе пари на патарините а вишокот пари си ги земал за себе.Но скандалот е уште поголем затоа што кадарот на Коце и ДПМНЕ, Митревски не плаќа патарини.За ова говорат снимки од патарините кои ни ги доставија свиркачи, како и електронската евиденција на патарините кои целосно потврдуваат дека Митревски кога проаѓа со возилото на патарина не плаќа патарина откако е назначен.Тоа што ДПМНЕ застана во целосна одбрана на Митревски говори дека ДПМНЕ вака ја замислува власта.Партиските шерифи да ја злоупотребуваат позицијата, да не ги почитуваат законите и прописите, да не плаќаат патарина, со еден збор да прават што сакаат.СДСМ повикува на итна одговорност и разрешување, потенцирајќи дека злоупотребите се показател за неспособноста на раководството на ЈПДП и Коце Трајановски“, соопшти СДСМ
Македонија | пред 1 година
ДУИ остануваат на ставот дека можеби ќе излезат на протести, оти е укинат балансерот кој со години беше злоупотребуван за вработувања во државната администрација. Не се предомислуваат дури ни по најавите дека во процедура влегува носење на нов закон за правична застапеност. Тие не знаат што стои во него.„Новиот закон за правична застапеност требало да се достави порано. Како што слушаме од сегашните учесници во Владата, тек сега ќе достават предлог-закон. По одлуката на Уставен. Ние ќе ги користиме сите демократски методи за искажување на нашето незадоволство. Во иднина секако ќе Ве известиме за сите работи кои ќе ги преземеме за да излеземе во пресрет на ваквите вредности“, рече Диана Тоска од ДУИ.Прашана дали ДУИ е против новиот закон за правична застапеност, таа рече: „Требало порано. А не откако ќе се тргне балансерот, да се достави. Не знаеме што ќе содржи тој закон“.
Македонија | пред 1 година
Сообраќајка се случи ноќеска на раскрсницата кај кулите „Џеваир“ во Аеродром. Се судрија два автомобили, а возачите биле однесени во болница, бидејќи се жалеле на повреди.Според првичните информации, тие немале тешки повреди и скршеници, по што, по прегледите биле пуштени на домашно лекување. Делови од автомобилите беа разлетани на булеварот.На местото била повикана и полиција која направила увид. Деталите се очекуваат од МВР.
Скопје | пред 1 година
Експремиерот и претседател на СДСМ, Димитар Ковачевски, во „Претрес со Ландов“ одговараше дали Миле Зечевиќ беше најдобар кадар со кој располагаа за да биде назначен за генерален секретар.„Што е најдобро, во одреден момент, има различна тежина. Кога доаѓате за претседател на одредена партија, располагате со одредени ресурси. Во тој момент тој беше единствениот кандидат за генерален секретар. Имаше свој амбиција да стане генерален секретар“, рече Ковачевски.Тој одговараше и дали има страв од Зечевиќ:?t=3687
Македонија | пред 1 година
Земјотрес кој утрово беше регистриран во Врање, беше почувствуван и во Куманово. Според информациите од ЕМСЦ, јачината била 3,7 степени според Рихтеровата скала. Но освен во Македонија, тој бил почувствуван и во Бугарија, како и Косово.Според информациите од Републичкиот сеизмолошки завод - Србија, земјотресот се случил во 05 часот утрово. Интензитет во епицентарот беше проценет на V-VI степени од Меркалиевата скала.Засега нема информации за штети, иако земјотресите со оваа јачина знаат да предизвикаат.
Свет | пред 1 година
„Ве информираме дека во периодов зачестена е појавата на лажни профили на социјалните мрежи кои се преставуваат во име на Интерпол или Министерството за внатрешни работи или во име на компании кои нудат некаков вид на помош, посредување па дури и враќање на парични средства на лица кој своите средства ги изгубиле во лажни онлајн инвестиции како што беше „Конти“ и други слични на него.Во однос на горенаведеното сакаме како Министерство за внатрешни работи да информираме а воедно и да предупредиме дека се работи за класични интернет измами или таканаречени Phishing измами чија цел е прибирање на лични податоци со цел понатамошно нивно користење во криминални деанија, како и злоупотреба на нивните платежни картици со цел стекнување на финансиска корист.Апелираме до граѓаните да не наседнуваат на ваквиот вид на измами и да бидат многу внимателни каде ги оставаат своите лични податоци како и податоците од своите платежни картици. Исто така напоменуваме дека Министерството за внатрешни работи има свои канали на комуникација, односно сите линкови кои се поврзани со нашето министерство можете да ги најдете на официјалната на страна на министерството за внатрешни работи, односно www.mvr.gov.mk“, велат од МВР.
Македонија | пред 1 година
Нема причини за да се одложи судењето против обвинетите за убиството на Вања Ѓорчевска и Панче Жежовски, па во понеделник во судница се поканети тројца сведоци. Судот испрати наредба за спровод на обвинетите од затворот „Скопје“ во Шутка, како и покани до сведоците. Прва ќе сведочи Зорица Ѓорчевска, мајка на грабнатата и убиена Вања Ѓорчевска.Мајката и таткото на Вања се разведени, а Ѓорчевска беше старател на Вања. Таа прва јавила кај таткото дека девојчето не се појавило во училиште, па потоа имало и пријава до полциијата. Ѓорчевска била постојано вклучена и во истрагата.Во подкастот „Претрес со Ландов“, адвокатот Владимир Туфегџиќ раскажа кои одговори ќе се бараат од мајката на Вања. Посочи и дали од мајката биле земени уреди за вештачење по грабнувањето, но и за контактот меѓу таткото и мајката. Туфегџиќ беше прашан и дали можеби мајката се знае со обвинетиот Љупчо Палевски-Палчо.?t=4590Со враќањето на обвинетиот Боре Видевски од болница во затвор, нема повеќе причини за одлагање на рочиштата.Обвинителот останува на тврдењето дека целта на грабнувањето на Вања било да се присили член на семејството да даде откуп за детето, но и дека имало комуникација помеѓу таткото Ѓорчевски и Палевски. Грабнувањето било по излегување од лифтот, па со украдениот „цитроен“ од убиениот Жежовски, била однесена на ридот кај Скопска Црна Гора. Според обвинителката, планот за откупот не се реализирал, бидејќи Вања се барала преку апел на социјалните мрежи, по што била убиена и закопана во дупка. Панче Жежовски, според обвинителот, бил убиен за да му се одземе возилото „цитроен“ за да го користат за грабнување на детето. Тој имал претходни познанства со дел од обвинетите.14-годишната Вања беше пријавена за исчезната на 27 ноември, а велешанецот Панче на 24 ноември. Нивните тела беа пронајдени на 3 декември. Во врска со двата случаи, осомничени се пет лица, од кои тројца (Влатко Кешишов, Велибор Манев и Боре Видевски) признаа вина.
Македонија | пред 1 година
На 11.10.2024 околу 06.50 часот во ОВР Кочани било пријавено дека на експресниот пат Штип – Кочани, атар на Кочани, се случила сообраќајна несреќа помеѓу автобус „ивеко“ со пробиштипски регистарски ознаки, управувано од О.М.(49) од Штип и возило комбе „фолксваген“ со штипски регистарски ознаки, управувано од З.С.(57) од Штип.Во несреќата со тешки телесни повреди се здобиле Л.П.(63) и Д.П.(40), двајцата од Штип, сопатници во комбето, додека со телесни повреди се здобиле возачот З.С. и сопатниците од неговото возило З.П.(62), Т.П.(30), Ј.С.(53) и малолетник, сите од Штип, констатирани во Клиничка болница Штип.Увид на местото извршила екипа од ОВР Кочани.
Македонија | пред 1 година
Институциите се размрдаа откако мајката и таткото на 19-годишниот диџеј Љупчо Лешко јавно во поткастот „Претрес со Ландов“ ги изнесоа сите сомнежи и чудни околности за смртта на нивниот син. Три месеци не знаат што е причината за смртта бидејќи Судска медицина нема изработено обдукциски наод. Љупчо почина во приватна вила во Радишани. МВР објави дека причината е струен удар. Но, миксетата наместо на вештачење - останала кај сопственикот на вилата, кој ја вратил кај родителите, а родителите ја донесоа и во студиото на „Претрес“. Осум дена по поткастот - таа е одземена од нив.Раде Лешко, татко на диџејот Љупчо Лешко, за „Скопје1“ откри дека од нив била побарана медицинска документација и комплетната опрема на неговиот син, за која претходно се разговараше во „Претрес“. Од нив се одземени шест предмети, меѓу кои и лаптопот и ДЈ-контролерот преку кои Љупчо пуштал музика критичната ноќ.„По налог на јавен обвинител доставивме целокупна медицинска документација на Љупчо и неговата комплетна опрема, земена за вештачење во Крвни деликти“, вели Лешко за „Скопје1“.?t=4915Сепак, и натаму недостига причината за смртта. Семејството Лешко и натаму талка по одговорот - како почина Љупчо. Три месеци чекаат за обдукцискиот наод, кој Судска медицина не го изготвија. Наместо тоа, добија најава за можна кривична пријава, оти честото јавување со прашања, за директорот е притисок.Според директорот на Судска медицина, Александар Станков, ова е само укажување, а не закана.„Родителите и блиски роднини на покојниот во повеќе наврати се примени на разговор во Институтот за судска медицина, со нив е дополнително разговарано и им е дадено објаснување. Закани за кривична пријава кон нив немало од ниту еден вработен во Институтот, туку им е укажано дека вршењето на притисок врз службено лице може да резултира со кривична пријава. Работата на нашиот Институт не е брзо завршување на обдукционите наоди, туку нивно прецизно, точно и со докази и анализи поткрепено изготвување“, вели директорот Станков за „Скопје1“.Сепак, родителите тврдат дека не биле на никаков разговор. Единствено таму била сестрата на Љупчо, Стефанија. Тие пак, посочуваат дека секојпат кога ќе се јавеле им велеле да ги побараат за два-три дена. Кети Лешко, мајка на починатиот Љупчо, бара Судска медицина да го докаже ова со снимки од надзорните камери, дека тие навистина биле таму на разговор.„Како одговор на изјавата на директорот на судска медицина сакам да ви потврдам дека ние како родители никогаш не сме биле физички во судска медицина, туку од страна на доктор беше повикана нашата ќерка на информативен разговор само околу срцето на нашиот син, но не и за информации за причината за смртта, што беше изречито кажано од истата докторка. Понатаму, ако зборовите 'Дека ако повторно пратиме блиско лице, или досаѓаме по телефон', дека како службено лице вработено во таа институција има право да поднесе кривична пријава за вршење притисок и мешање во истрагата не е закана, тогаш не знам што е, ама укажување секако не е. Ако прашањата дали има резултати се мешање во истрагата или вршење притисок, во ред, ќе прифатиме. Сепак, мислиме дека не се. И ако е така, тогаш би го замолил директорот да им укаже на неговите вработени, кога ќе се јавиме да не ни викаат јавете се за два дена, три дена, другата недела итн. Нашата ќерка беше таму и имаше краток разговор за кој она ќе ви пише и ќе ви каже каков одговор добила“, вели Раде Лешко, татко на починатиот Љупчо.Родителите посочија и дека вработен во МВР, уште на стартот на истрагата која го бара одговорот од што починал Љупчо, им кажал дека случајот ќе се затвори како незнајна смрт.
Македонија | пред 1 година
Далибор Драгијевиќ, братот на обвинетиот за убиството на Данка Илиќ, во изјавата во полиција рече дека Дејан тој ден работел прва смена на Водовод и дошол дома во 15 часот и 30 минути.Тој во сведочењето рече дека забележал дека брат му чудно се однесува и дека подоцна на вестите слушнал дека исчезнало дете.„Колку што се сеќавам, на 28 март после 16:00 часот Дејан дојде дома со своето сино пежо 307, а потоа видов бела торба во багажникот на неговиот автомобил. Го прашав што има во неа, а тој рече дека има дете не се чувствував добро, го прашав што прави, какво дете, а тој рече дека детето го прегазил и го собрал, па нашиот татко Радослав Драгијевиќ ја виде и чантата“, изјави Драгијевиќ.Според изјавата до која дојде Телеграф.рс, Далибор го прашал својот брат што има намера да прави со чантата и детето, а потоа се договориле да ја однесат во напуштена куќа на новиот Злотски пункт. Тој кажа и дека таму отишле со автомобил, чантата ја оставиле на приземје од куќата и се вратиле дома.Пред да го уапсат, Дејан ми кажа дека торбата со телото ја зел од куќата каде што ја оставивме и дека ја пренел и ја закопал некаде во близина на Брестовачкиот мост“, заврши изјавата на Драгијевиќ.Обвинението за убиството на малата Данка се уште не е потврдено.
Свет | пред 1 година
Јавни обвинувања за тортура врз вработени во Град Скопје, за кои Данела Арсовска и секретарот Зоран Глигоров - молчат. Заканите за тужби не нѐ заплашуваат, туку очигледно мотивираа луѓе и јавно да пишуваат. Градот Скопје тоне во проблеми. А проблеми има и внатре, кај администрацијата.Еве што точно се случува:Претходно:
Скопје | пред 1 година
Боре Видевски, обвинет за убиството на малата Вања Ѓорчевска и велешанецот Панче Жежовски, е вратен во затворот „Скопје“ во Шутка. Ова доаѓа откако тој претходно беше задржан на Клиниката за нефрологија, поради проблеми со бубрегот. Директорот на затворот, Бобан Утковски за „Скопје1“ посочува дека сега обвинетиот е во добра здравствена состојба.„Притвореникот за кого покажувате интерес е вратен од болничко лекување во затворот ‘Скопје’ и е во добра здравствена состојба“, вели Утковски за „Скопје1“.Видевски остана околу осум дена на болничко лекување. Извори ни тврдат дека Видевски има еден бубрег и тоа дониран, за кој треба да прима терапија. Ова не е првпат Видевски да биде носен на проверки на Клиника, по негови поплаки за влошена состојба.Поради влошената здравствена состојба на Видевски, беа одложени две рочишта за убиството на Вања и Панче. Претходно, сите обвинети, сосе оние кои во текот на истрагата признаа вина – пред судот, негираа дека ги сториле делата.Обвинителот останува на тврдењето дека целта на грабнувањето на Вања било да се присили член на семејството да даде откуп за детето, но и дека имало комуникација помеѓу таткото Ѓорчевски и Палевски. Грабнувањето било по излегување од лифтот, па со украдениот „цитроен“ од убиениот Жежовски, била однесена на ридот кај Скопска Црна Гора. Според обвинителката, планот за откупот не се реализирал, бидејќи Вања се барала преку апел на социјалните мрежи, по што била убиена и закопана во дупка. Панче Жежовски, според обвинителот, бил убиен за да му се одземе возилото „цитроен“ за да го користат за грабнување на детето. Тој имал претходни познанства со дел од обвинетите.14-годишната Вања беше пријавена за исчезната на 27 ноември, а велешанецот Панче на 24 ноември. Нивните тела беа пронајдени на 3 декември. Во врска со двата случаи, осомничени се пет лица, од кои тројца (Влатко Кешишов, Велибор Манев и Боре Видевски) признаа вина.
Македонија | пред 1 година
Бизнисменот Фатмир Етеми, се огласи во јавноста откако вчера МВР поднесе пријава до Обвинителството за измама во македонска банка, против како што објавија, член на надзорен одбор. Етеми практично посочува дека пријава е против него, но негира дека направил било какви малверзации. Според него, целта е да се креира расположение за негов јавен линч.„Во врска со вчерашната пријава поднесена од страна на Одделот за сузбивање на организиран и сериозен криминал, Единица за финансиски криминал во соработка со Одделот за криминалистичка полиција при МВР, сакам да ја информирам јавноста дека станува збор за погрешно утврдена фактичка состојба со која надлежните институции и граѓаните се доведени во заблуда, а на мене лично ми е нанесена штета и нарушен угледот кој го градам години наназад во бизнис секторот и затоа најостро ги демантирам наводите по повод оваа измислена поднесена кривична пријава.Бидејќи неточните информации пласирани во јавноста имаат цел да го моделираат јавното мислење и однапред да креираат атмосфера на линч, уште пред да стигне пријавата во ЈО, се чувствувам обврзан да ја презентирам вистината и целиот случај да го објаснам до детал.Формално правно не постои никакво прекршување на законот на Кривичниот законик, Законот за хартии од вредност и правилници и акти донесени од Комисијата за хартии од вредност и Македонската берза.Сакам јасно да кажам дека нема апсолутно никаков основ за злоупотреба на внатрешни информации која се однесува со висината на дивидендата за 2023 година , бидејќи моето стекнување на 500 акции е речиси еден месец подоцна, откога висината на дивидендата за 2023 година е јавно објавена за целата јавност СЕИ Нет, Систем за електронски информации за котирани акционерски друштва на Македонска берза за хартии од вредност.Имено, висината на дивидендата е јавно објавена на СЕИ Нет на ден 30.01.2024 во Програмата за мерки и активности на деловната политика и Финансиски план за 2024 година на банката , додека моето стекнување на акции е на крајот од месец февруари 2024 година. Дополнително и напротив од тврдењата дека акциите се стекнати по пониска цена, сакам да истакнам дека моето лично купување и купување на лица од моето потесно семејство е по далеку повисоки цени од берзанските цени кои биле во периодот после објавувањето на висината на дивидендата која е објавена во Финансиски план за 2024 година на банката објавен на 30.01.2024 се до моето стекнување на акции на на крајот од месец февруари 2024. Во овој меѓу период вкупно од страна на останати инвеститори и лица се стекнале и се истргувале повеќе од 17.000 акции од банката кои се количини на акции далеку поголеми и цени далеку пониски од моето стекнување на 500 акции на крајот од месец февруари 2024.Сакам да истакнам и дека моето лично стекување на акции и купување на лица од моето потесно семејство е извршено во редовно класично тргување по цени кои биле берзански и пазарни на денот на моето купување врз основа на побарувачката и понудата на редовниот пазар на Македонката берза.Сакам и да потенцирам дека не е основано тврдењето дека имам прибавено некаква противправна имотна корист со купувањето на акциите оваа година, бидејќи акциите кои ги купувам лично и акциите кои ги купува моето потесно семејство се купуваат континуирано и сукцесивно во изминатите 5-6 годни , истите акции се купуваат стратешки и долгорочно и немам извршено никаква продажба на акции за да имам прибавено некаква противправна имотна корист за мене или за моето семејство.Сакам да ја запознаат и јавноста дека висината на дивидендата која е објавена во Финансискиот план за 2024 година на банката објавен на 30.01.2024 , Согласно Законот за трговски друштва требала да биде биде усвоена и е надлежност и предмет на финално одлучување и распределба од страна на Собранието на акционери одржано после 2 месеци од моето стекнување со акции.На крај сакам да истакнам дека јас и мојата компанија имаме традиција на успешно работење во градежништво која во своето дваесетгодишно работно искуство има успешно инвестирано, проектиранo и изведено бројни проекти од областа на архитектурата и градежништвото и целиот капитал го има инвестирано во земјата кои врз основа на тие активности се плаќаат огромен износ на јавни давачки и даноци кон државата а дополнително сме и во улога како една од најголемите општествено одговорни компании кои има, реализирани повеќе хуманитарни проекти и донации.Без разлика на обидот некој однапред да изврши притисок врз органите на прогонот и да креира атмосфера на линч,со изнесување на невистинити информации за да ми се наштети на мојата репутација интегритет и кредибилитет на мене лично и на моето семејство верувам дека институциите ќе бидат на ниво на задачата, нема да подлегнат на притисоците и ќе одлучуваат исклучиво врз база на законите и прописите во земјата“, вели Фатмир Етеми во дописот.Инаку, Етеми е познат по градежниот бизнис, но и како акционер во Комерцијална банка.
Македонија | пред 1 година
Чии интереси застапуваше министерот за надворешни работи, Бујар Османи, министер во Владата на Ковачевски? Баравме одговор од експремиерот и експретседател на СДСМ.Со пари од буџетот лобираше за Косово. Зошто ова го дозволувал првиот човек на Влада? Дискусија, аргументи, судир на ставови..?t=6002
Македонија | пред 1 година
Откако од страна на СВР Скопје беа извршени сите подготовки и беше обезбеден влез во објектот, Основното јавно обвинителство Скопје и полициски екипи ги започнаа увидните дејствија во зградата на улицата “Прохор Пчињски” во Чаир каде на 2 октомври избувна пожар во подрумските простории, а беше изгаснат по 30 часа.„Пристапот до објектот се врши строго контролирано и најпрвин во присуство на станарите се врши попис на предмети и штетата на станбените единици.Подрумските простории, од каде според првичните информации започнал пожарот, се уште се обезбедуваат за пристап и испитување на причините.Траењето на увидните дејствија на терен ќе зависи од времето неопходно за прибирање на сите докази“ велат од Обвинителството.
Скопје | пред 1 година
Земјотрес со јачина од 3,2 степени според Рихтеровата скала ја погоди Македонија, јавува ЕМСЦ.Земјотресот е регистриран на 13 километри од Демир Капија, на длабочина од девет километри.
Македонија | пред 1 година
Пет колони и стотици автомобили од рано утринава чекаат на граничниот премин „Богородица“ да поминат граница и продолжемиот викенд да го поминат кај јужниот сосед.Иако од АМСМ известуваат дека нема подолги задржувања за излез од државата, сепак, патници сведочат дека се чека и по 45 минути, а колоните се километарски.Повод за одењето во Солун е неработниот петок. Заминувањата на продолжен викенд започнаа од вчера кога наплатните рампи беа блокирани, особено, рампата „Миладиновци“ за излез од Скопје.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
