ТОП

Доколку пушите, ова задоволство ќе ве чини и по 10 денари поскапо

Некои видови на цигари се продаваат поскапо за 10 денари. Трговците велат дека до крајот на неделата и останатите ќе поскапат, а неофицијално, причината е да се пресретне јануарското поскапување на акцизата, со што ќе одат повеќе пари во државната каса.Станува збор за дел од брендовите Родео, Бос, Давидов и Вест.Според измените на Законот за акцизите, кои стапија на сила од почетокот на годинава, предвидено е усогласување на акцизната стапка кај цигарите со минималната акцизна стапка во ЕУ, како и изедначување на учеството на вкупната акциза на цигарите во пондерираната просечна малопродажна цена со онаа пропишана во Директивата на ЕУ.Според измените на Законот за акцизите усвоени во октомври 2023 та, цигарите, пурите, несогорливите тутунски производи и течноста за електронски цигари ќе поскапуваат секоја година на 1 јануари. Со овие измени, Владата предвиде дополнително зголемување на приходите во буџетот за околу 13 милиони евра годишно.Инаку, Македонија има меѓу најниските цени на цигарите во регионот, што ја прави водечка по бројот на пушачи.

Македонија | пред 1 година

Разрешен судијата Лазар Нанев

Судијата и поранешен претседател на Основниот суд во Кавадарци, Лазар Нанев е разрешен од функцијата судија.Судски Совет, донесе едногласна одлука, расправата и одлуката да се водат без јавност.Лазар Нанев е разрешен од судија, зад затворени врати за да се заштител угледот на сега екссудијата.Подносител на барањето за одговорност на Нанев е претседалката на Судскиот совет, Весна Дамева.Според наводите, дознава Скопје1, Лазар Нанев со обвинет во предмет кој што го водел, остварил 95 повици во период од шест месеци во 2020 годинa.За Нанев имаше две постапки во Судскиот совет за утврдување на негова одговорност.Втората постапка е дека и го нарушил угледот на претседателката на Судскиот совет, Весна Дамева.

Македонија | пред 1 година

Велибор ни кажа дека Љупчо Палевски го убил Панче, му пукал со пиштол во тилот, сведочеше ексначалник на СВР Велес

Поранешниот началник на СВР Велес Ристе Самарџиев сведочеше денеска за исчезнувањето на Панче Жежовски од Велес.Самарџиев кажа дека прво бил лоциран мобилниот телефон на жртвата. Тоа било третиот ден од исчезнувањето. Кога потоа го нашле и запалениот цитроен во околината на Скопје, сфатиле дека човекот е можеби убиен.На прашање на обвинителката на денешното судење за двојното свирепо убиство, тој одговори дека уапсениот Велибор Манев ги однел кај запаленото возило.„Панче и Велибор имале долга врска, релација од три години“, кажа сведокот.Сведокот изјави дека Велибор му го посочил местото каде што е закопана Вања, а потоа и местото каде што е закопан Панче.Тоа било место викано „Дупка“.„Викнавме пожарна тие дојдоа да ја откопаме дупката и да го извадиме“, додаде сведокот.„Велибор ни кажа дека Љупчо Палевски го убил, му пукал со пиштол во тилот. Пронајдена беше и чаурата“, сведочеше Самарџиев.На прашање на судијата, сведокот кажа дека мобилниот телефон му го пронашле 4-5 дена по пријавување на исчезнувањето.„Кога ја видовте снимката од бензинската пумпа на која се гледа Панче во автомобилот ден пред да го грабнат“, праша судијата.„Тие снимки ги гледаа и ги анализираа надлежните колеги и мислам дека тоа беше веднаш по пријавувањето на исчезнувањето на Панче“, одговори тој.Судењето продолжува в петок, со нови сведоци на обвинителството.

Македонија | пред 1 година

Оваа година нема дополнителен час евтина струја, кажа Бислимоски

Граѓаните оваа година нема да добијат уште еден час плус евтина струја, останува временскиот период од 13 до 15 часот, изјави претседателот на Регулаторна комисија за енергетика, Марко Бислимоски.Воведувањето на уште дополнителен еден час евтина тарифа ќе се одложи за наредната година. Бидејќи цената на струјата на берзите е многу висока. Тој исто така информираше дека до следното лето цената на парното нема да се зголеми„Но, кога разговаравме за воведување на евтина тарифа, за жал од 20 до 24 часот, цените се убедливо високи во сите останати периоди и во евтина и во скапа тарифа. И доколку би го следеле пазарот, воведување на евтина тарифа би било од 12 до 16 часот, но ќе треба оваа евтина тарифа што ја имаме од 22 до 24 часот, кога имаме реално високи цени, да се укине.Ние како РКЕ од воведувањето на евтината дополнителна тарифа нема да се откажеме, ќе ги следиме случувањата, но не сакаме да предизвикаме дополнителни проблеми пред се во ЕСМ, затоа што зголемената потрошувачка во дневна евтина тарифа ќе треба да се надомести од некаде. Разговаравме со ЕСМ и со ЕВН Хоум, немаат забелешки и тие се за дополнителен час евтина тарифа, заеднички заклучивме дека ќе ја следиме сутацијата имајќи предвид дека ќе имаме сериозни најави за зголемување на електирчната енергија од јануари“, изјави Бислимоски.„Ние сме единствена земја во регионот со евтина енергија преку ден и верувам дека ќе воведеме дополнителен час кога ќе се создадат услови. Ако ја прекинеме евтината струја од 22 до 24 часот, нема да биде прифатено поради навиките на граѓаните. Реално ако тие ги ставиме во скапа тарифа, граѓаните ќе имаат помалку бенефит“, дополни претседателот на РКЕ.

Македонија | пред 1 година

(Видео) Александар беше упорен дека девојчето е убиено, сведочи инспектор од МВР кој трагал по Вања

Помошник началник на СВР Скопје денеска сведочеше на судењето за убиството на 14-годишната Вања Ѓорчевска и Панче Жежовски.Тој прв контактирал со родителите на девојчето, кога веќе постоеле индиции дека Вања е киднапирана.„Од моментот кога имаше пријава за исчезнато девојче бев информиран согласно хиерархијата, каде што тогаш бев надлежен да ги информирам службите. Ме избрифираа дека има таков настан за исчезнато девојче и дека се е преземено во насока за пронаоѓање.Во текот на денот се вклучи и мојата единица за насилен криминал, се вклучивме директно да помогнеме да се најде исчезнатото девојче. Првото запознавање со родителите беше во ЕБР центар доцна вечерта, со се цел да ни кажат сѐ што има за да се најде девојчето.Во тој момент се запознавме со родителите мајката беше поприбрана, првиот момент на таткото беше потиштен и конфузен. Во многу изјави имаше чудно однесување според нас, ние што го прашувавме за да ни помогнат во истрагата“, кажа Музафер Каишиќ, помошник началник на СВР Скопје за криминалистички работи.„По некоја случајност ние разговаравме во полицијата, да ги поделиме работите на тоа инсистираше Александар да ги поделиме работите. Тогаш се понудив лично јас да ги отидеме заедно, јас да разговарам со таткото, а Дејан со мајката. Не се штедевме сите работевме на случајот. Роднина на Зорица дојде со нас да разговараме, таа кажа дека има стан во Капиштец, рече јас немам стан, клучевите се кај Александар.Со еден колега баравме да одиме, но Александар кој бараше да пребаруваме секаде, рече да не одиме за џабе бидејќи тој веќе бил. Кога се качивме со лифт, Александар отклучи. Полупразен беше. Александар цело време велеше дека си го губиме времето дека ќерка му е киднапирана, убиена, да не си го губиме времето. Немаше ништо во станот, и излеговме. Па ја поминавме територијата на Капиштец сѐ што не асоцираше каде може да се скрие.По пат цело време велеше џабе одиме џабе ќе бараме ама ајде ќе одиме. Александар не излегуваше од возилото. Тогаш го праша роднината зошто не излегува да бара со нас, тој рече џабе губиме време да ја бараме, таа е киднапирана, таа е убиена.. цело време велеше ајде да бараме, а кога баравме велеше џабе бараме. Коментарите и на роднината беа зошто човеков не излегува од кола“, кажа тој.Како што сведочеше помошник началникот на СВР Скопје, Александар не навел конкретна причина зошто мисли така.„Конретна причина не наведе. Дали има некои долгови, дали е некој функционер да мисли така зошто девојчето би било киднапирано. Ја прашавме мајката зошто така се однесува. Мајката рече дека е специфичен, ама ниту таа не знаеше зошто така се однесува.По пребарувањето на Водно се вративме во полициската станица, јас и Александар се качивме горе кај што беа неговата поранешна сопруга и другата ќерка. Не знам колку долго траеше тоа, потоа секој си замина накај дома“.Заменик началникот сведочеше дека се слушал со Александар секојдневно по неколку пати и дека му праќал слики и пораки, но бил упорен во тоа дека девојчето е убиено.„Тој побара средба со мене. Се видовме пред зградата. Дојде уште едно лице кое ми се претстави дека се вика Гоце. Околу 40-тина години. Прв пат кога го видов мислев дека има нешто да ми каже, дека има нешто да ми презентира. Дајте да видиме со некои мафијаши групи некои. Убиена е 100%. Кога прашав кој е човеков пред да го почнам разговорот, тој одговори дека 20 години се немаат видено, биле во станот кај него“, кажа заменик началникот.На прашањето какви пораки му биле испраќани, тој одговори дека тоа биле снимки и слики.„Тоа беа снимки, слики од згради, ми ја испрати спроти зградата кај што е киднапирана Вања. Како има камера што гледа директно кон влезот. Тогаш видовме до самиот објект и камерата гледаше точно кон влезот. Јас ќе ви обезбедам број од газдата, рече но не знам како. Ни обезбедија број и лицето дојде ни ги даде камерите. Тој објект виде дека нема струја, синоќа бевме имаше струја, и кога прошетаме видовме дека кабелот е исечен. Ни дадоа сѐ што имаат за да провериме“, додаде при сведочењето.На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Македонија | пред 1 година

Пиштоли, рамки, шаржер за пиштол, околу 1000 куршуми, бомби и хероин пронајдени во домот на скопјанец, поведена истрага

При претрес во домот и подрумските простории во сопственост на 48-годишен скопјанец, полициски службеници на 14 октомври пронашле поголемо количество оружје и муниција кои тој ги држел неовластено.Во домот на улица „Козјак“ биле пронајдени три пиштоли, рамки, шаржер за пиштол како и околу 1000 куршуми со различен калибар. Освен тоа, осомничениот поседувал две рачни шок бомби и една рачна флеш бомба кои на граѓаните им се забранети. При претресот била откриена и наркотична дрога – хероин во вкупна нето маса од 7,75 грама, како и сива дигитална вага со остатоци од хероин.Врз основа на обезбедените докази, јавен обвинител од Основното јавно обвинителство Скопје донесе Наредба за спроведување истражна постапка за кривично дело – Неовластено изработување, држење, посредување и тргување со оружје и експлозивни материи по член 396 став 5 во врска со став 3, како и за кривично дело – Неовластено производство и пуштање во промет на наркотични дроги, психотропни супстанции и прекурсори по член 215 став 1 од Кривичниот законик.Надлежниот јавен обвинител до Основниот кривичен суд Скопје достави предлог за определување мерка притвор поради опасност од бегство, можност за влијание врз постапката и сведоците, како и оправдан страв дека осомничениот би можел да го повтори делото.

Македонија | пред 1 година

„Ја удирал по носот, вилицата, стомакот и грбот, нанесувајќи и тешки телесни повреди – контузија, фрактури и крвни подливи“, покрената постапка против скопјанец

Основното јавно обвинителство Скопје поведе постапка против 32-годишен скопјанец поради основано сомнение за кривично дело – Тешка телесна повреда според член 131 став 2 во врска со став 1 од Кривичниот законик.Осомничениот, на 14 октомври, со умисла при вршење семејно насилство тешко телесно ја повредил својата вонбрачна партнерка. Двајцата со такси возило се враќале во нивниот дом кога меѓу нив настанала вербална расправија. Во моментот кога дошле во близина домот, осомничениот ја фатил оштетената за коса, ја извадил од такси возилото и ја удрил со глава во челото со што и ја пукнал левата аркада. Потоа продолжил да ја удира по носот, вилицата, стомакот и грбот, нанесувајќи и тешки телесни повреди – контузија, фрактури и крвни подливи.Според проценката на јавниот обвинител, во конкретниот кривично-правен настан се исполнети законските претпоставки за определување на мерка притвор – опасност од бегство и можност да го повтори семејното насилство кон оштетената. Од тие причини, до судијата на претходна постапка од Основниот кривичен суд Скопје, обвинителството достави предлог за определување мерка притвор.

Македонија | пред 1 година

Фатен бегалец од затвор осуден на затворска казна од 13 години

Вчера полициски службеници од Оперативен тим потраги при СВР Скопје и полициски службеници од ПС Драчево во 18:30 часот на улицата „Иван Хаџиниколов“ во Скопје го лишија од слобода 43-годишниот Д.Ј. од Скопје, баран со потерница поради бегство од затвор, а осуден на казна затвор во траење од 13 години и еден месец поради сторени кривични дела по чл.237, чл.215 и чл.236 од КЗ на РСМ.Лицето ќе биде предадено на надлежната казнено поправна установа.

Македонија | пред 1 година

Студено утро, сончево и релативно топло преку ден

Утрото постудено, преку денот сончево и релативно топло со мала до умерена локална облачност поголема кон крајот на денот. Ќе дува слаб до умерен ветер од северен правец.Минималната температура ќе биде во интервал од 2 до 12, а максималната ќе достигне од 22 до 28 степени.Во Скопје сончево со мала облачност и со слаб до умерен северен ветер. Минималната температура ќе се спушти до 6, а максималната ќе достигне до 26 степени.Утре наутро постудено, а преку денот сончево и релативно топло време со појава на локална облачност. Од четврток ќе има зголемена облачност и утринските температури ќе бидат малку повисоки, а по одделни котлини ќе има услови за појава на магла. Во петок и сабота ќе има повремени локални врнежи од дожд и дневните температури ќе бидат пониски за 5 до 7 степени.

Македонија | пред 1 година

17 години од трагичната сообраќајка во која загина Тоше Проески

Земјава и Балканот се сеќаваат на Тоше Проески кој на денешен ден пред 17 години трагично го загуби животот во сообраќајна несреќа кај Нова Градишка, Хрватска.Една од традициите за сеќавање на Тоше е маратонот кој маратонците од Нова Градишка го трчаат до Крушево. И оваа година четиринаесет учесници го трчаат маратонот во чест на Тоше.Се очекува маратонците да пристигнат околу пладне во Крушево.По повод 17-годишнината од смртта на Тоше, Скопскиот Брас Квинтет во соработка со Скопскиот Брас Фестивал, ќе одржи два концерта во Хрватска.Животот на Тоше заврши во годината кога одбележуваше десет години успешна кариера и кога таа почна да станува меѓународна. Но албумот на англиски јазик што го подготовуваше беше постхумно промовиран (The Hardest Thing).Тоше објави седум албуми – неколку и во превод на српски/хрватски јазик. Последниот – „Игри без граници“ беше промовиран две недели пред несреќата, а последниот концерт, кој беше хуманитарен и за подобрување на условите во образованието во Македонија, го одржа на Градскиот стадион на 5 октомври 2007.

Магазин | пред 1 година

Нема фотографија

Голема акција во струмичко и гевгелиско: апсење на полицајци

Под раководство на предметен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција, во тек е голема полициска акција во струмичко гевгелискиот регион.Со детали МВР и ОЈО ГОКК ќе излезат во текот на утрешниот ден.

Македонија | пред 1 година

Угина и лавот во ЗОО-Скопје

„Со големо жалење и тага ве информираме дека денеска на 16годишна возраст не напушти нашиот лав Жика, кој во Скопје беше дојден од зоолошката во Белград“, велат од Зоолошката градина-Скопје.Тие додаваат: „Лавовите во природа живеат од 10 до 14 години, а нашиот Жика имаше 16. Лавот Жика со оглед на длабоката старост, изминатата година почна да развива тумороидни израстоци на повеќе места на телото, за кои што во февруари со целосен тим на професори и ветеринари од Факултетот за ветеринарна медицина беа извршени хируршки интеревенции и истите беа отстранети, но изминатите два дена состојбата се влоши и веднаш беше реагирано од страна на тимот на ЗОО Скопје, заедно со тимот на ветеринари од Факултетот за ветеринарна медицина. Сите заедно направивме се што можевме, лавот примаше терапија, но за жал не издржа.Секогаш грациозен, со својата величенствена грива го привлекуваше вниманието на сите посетители. Го сакаа и децата и возрасните, а најмногу вработените. Ова е голема загуба за сите нас“.Пред него, еватаназираша беше слоницата, а угинаа и две жирафи.

Скопје | пред 1 година

Четворица уапсени за пукањето во Чаир, двајца од нив издржуваат затвор во Идризово, а излегле поради работен ангажман

СВР Скопје го расчисти кривично правниот настан случен вчера (14.10.2024) околу 18 часот во Скопје на ул. „Христијан Тодоровски- Карпош“, во близина на општина Чаир, каде што од огнено оружје во левата нога е повреден Е.А. (35) од Скопје.Веднаш по добиената пријава преземени се опсежни мерки и активности од страна на полициски службеници од СВР Скопје – Единица за насилен криминал, во координација со „Безбеден град“ Скопје, како и OJO Скопје, при што се утврдени сите учесници во кривично правниот настан и тоа: Л.А. (32) и И.Т. (30), кои се лишени од слобода и задржани во полициска станица за понатамошна постапка, како и А.Р. (29) и М.И. (32), осудени лица на издржување на казна затвор во КПУ Идризово, а кои во текот на 14.10.2024 година, во времето на извршувањето на кривичното дело, користеле излез од затворот Идризово, по основ на работен ангажман.Од лице место подигнати се траги од биолошко потекло, применети се апликатори за барутен тест од утврдените учесници во кривично правниот настан, обезбедени се видео записи од „Безбеден град", а исто така утврдено е и возилото со кое едниот сторител доаѓа на лице место, по што истото е подигнато за криминалистичко техничка обработка.По целосно документирање на настанот, во координација со OJO Скопје, од страна на ЕНК при СВР Скопје ќе бидат поднесени соодветни пријави.

Македонија | пред 1 година

(Видео) Tажен сум што нашите браќа од Mакедонија не успеаја да влезат во оваа фаза, иако беа први, рече Еди Рама

Албанија го отвори првиот кластер, кој се состои од пет преговарачки поглавја, со Европската унија на денешната меѓувладина конференција. Албанија формално ги отвори пристапните преговори со ЕУ, заедно со Македонија во јули 2022 година, но Македонија остана блокирана поради условот да се внесат Бугарите во Уставот.На прес-конференција во Брисел, албанскиот премиер Еди Рама кажа дека е тажен поради тоа што Македонија не продолжи со преговорите.„Се чувствуваме тажни и стотици пати кажувам дека нашите браќа од Македонија сѐ уште не успеале да влезат во оваа фаза од процесот, иако беа први. Се чувствувам малку засрамено што треба да размислувам за понижувањето на Северна Македонија која го смени и името. Различните ставови за тоа која била мајка на народниот херој и со кого водела љубов, дали биле поврзани кога решиле да водат љубов, се многу интересни теми за историчарите, но мислам дека не се дел од сето она што нѐ поврзува да станеме дел од ЕУ. За нас и за мене, достигнувањето на ЕУ е да научиме да го гледаме патот со очите на иднината“, кажа Рама.Албанија им се приклучи на Црна Гора и Србија како трета земја од Западен Балкан, која ги отворила преговарачките кластери со ЕУ.

Македонија | пред 1 година

Скопје меѓу градовите со најлош јавен превоз во Европа, според Еуроњуз

Според истражувањето кое го спроведе Еуроњуз, Македонија е меѓу трите земји кои имаат најлош јавен превоз во Европа.Како што се вели во истражувањето седум од десет луѓе во Европа се задоволни од јавниот превоз во нивниот град, но сепак постои голем јаз во нивоата на задоволство од јавниот превоз во европските градови.Во Скопје само 47 проценти од граѓаните се задоволни од јавниот градски превоз, а понезадоволни од нас се само во Албанија и Италија. Најмногу задоволни се Австријците со 91 отсто.Во нордиските престолнини пак, најдобар градски превоз има во Хелсинки, па следуваат Осло и Стокхолм кои се тесно следени од Копенхаген, со 81 отсто задоволство. Главниот град на Исланд, Рејкјавик, е исклучок со пониска стапка на задоволство од 56 отсто во овој регион.Кога се споредуваат факторите како што се достапноста, безбедноста, зачестеноста и доверливоста, постои географски тренд каде градовите од северна и западна Европа известуваат за поголемо задоволство од јавниот превоз, додека градовите од јужна и источна Европа покажуваат пониски стапки на задоволство.

Македонија | пред 1 година

Од Комунална до МКЦ ја споделија Арсовска од Брисел: Коментарите говорат за перцепцијата на граѓаните...

Градоначалничката на Град Скопје, Данела Арсовска, преку Секторот за односи со јавност на градот се пофали дека е во Брисел. Нејзиното патување е во време кога приватните превозници се исклучија од сообраќај, автобуските често се преполни оти нема доволно автобуси, ЈСП не постигнува да вози според возниот ред, граѓаните се жалат на хигиената, вработени кои се избркани бараат правда пред Трудовиот инспекторат и Управна инспекција.Нејзината објава (во моментов на објавување на веста) е споделена 45 пати. Ако се провери кои се профилите, ќе се забележи дека тоа најчесто е на фејсбук-страници на училишта под ингеренции на Градот и градоначалникот, културни институции, јавни претпријатија.Најбројни се коментарите под објавата споделена на профилот на МКЦ.[caption id="attachment_307314" align="alignnone" width="1346"] Screenshot[/caption]Под објавата на профилот на Зоолошката градина-Скопје има два коментари. На страницата на Град Скопје до моментов нема ниту еден лајк во знак на поддршка.[caption id="attachment_307315" align="alignnone" width="1253"] Screenshot[/caption]Арсовска во Брисел беше со советничката Ирена Витина.

Скопје | пред 1 година

Запленети златен накит, лекови, облека, цигари и друго

Во текот на минатата недела, царинските службеници открија повеќе обиди за криумчарење разна стока, при што привремено се задржани златен накит, лекови, облека, електроинсталациони производи, цигари и фалсификати.Златен накит (прстени, обетки, нараквици златен часовник)- 19 парчиња златен накит и еден златен рачен часовник, откриени при контрола на автобус со турски регистарски таблички кој сообраќал на редовна линија на релација Истанбул-Печ, пријавен за влез во државата на граничниот премин Деве Баир. При преглед на автобусот и багажот на патниците, во ранец на косовски државјанин, патник во автобусот, бил пронајден беџ за посета на саем за накит во Истанбул. При личен претрес на патникот, во џеб од неговите фармерки биле пронајдени 10 златни приврзоци со син камен, 1 прстен бело злато со бел камен, 1 златен прстен со виолетов камен, 2 златни прстени со зелен камен, 2 обетки од бело злато, 3 златни нараквици и 1 златен часовник марка GENEVE, а во неговиот паричник била пронајдена една златна монета. Истите се привремено задржани а против патникот ќе биде поведена соодветна постапка.Лекови- 56 пакетчиња DYSPORT 500 mg, 18 парчиња Оxymetholone, 150 инекции тестостерон TITANS и 50 таблети тестостерон ТITANS, откриени во два одвоени случаи од страна на мобилните царински тимови.Во првиот случај, на бензинска пумпа на регионалниот пат Скопје – Блаце, покрај паркиран автобус со турски регистарски таблички, било забележано лице како префрла производи од најлонска кеса во кутија од стиропор со мраз. При извршената контрола било утврдено дека се работи за 56 пакетчиња со лекови DYSPORT 500 mg, кои возачот, турски државјанин, имал намера да ги пренесе во Косово. Автобусот сообраќал на релација Истанбул – Призрен.Во вториот случај, при контрола на такси возило, сопрено на влезот во Скопје кај клучката во Хиподром, биле откриени 18 парчиња Оxymetholone, 150 инекции тестостерон TITANS и 50 таблети тестостерон ТITANS. Лековите биле пронајдени во чанта сместена на задното седиште и во вреќа сместена на подот зад предните седишта.Во двата случаи лековите се привремено задржани а против возачите ќе бидат поведени прекршочни постапки.Облека- женска бунда, 2 машки костуми, 2 женски чанти и 2 батерии за дрон, откриени при контрола на автобус со македонски регистарски таблички пријавен за влез во државата на граничниот премин Табановце. Непријавените производи, кои имале ознаки на познати светски брендови и чија вредност е проценета на 3,9 милиони денари а избегнатите давачки изнесуваат 1,2 милиони денари, биле пронајдени вокуфер сместен во тоалетот на автобусот. Возачот изјавил дека куферот го преземал како пратка од лице од Италија и не знаел што има внатре.Производите се привремено задржани а против возачот ќе биде поведена соодветна постапка.- 197 парчиња женска облека, откриени од страна на Службата за мобилни скенери при контрола на македонски автобус кој сообраќал на релација Белгија – Македонија, пријавен за влез во државата на граничниот премин Табановце автопат. При скенирање на автобусот биле забележани неправилности во просторот за багаж, по што била извршена физичка контрола. Притоа, во една торба и неколку кеси биле пронајдени непријавените производи, со вредност од 147 илјади денари и избегнати давачки од околу 59 илјади денари. Истите се привремено задржаниа против возачот, македонски државјанин ќе биде поведена прекршочна постапка.- 156 парчиња женска и машка облека откриени при контрола на патничко моторно возило со македонски регистарски таблички, со кое за влез во државата на граничниот премин Богродица, се пријавиле две возрасни и две малолетни лица, сите македонски државјани. Непријавените производи, пронајдени во црни вреќи сместени во багажникот и во просторот помеѓу предните и задните седишта, се привремено задржани а против возачот ќе биде поведена прекршочна постапка.Вредноста на производите е проценета на 70.600 денари а избегнатите давачки инесуваат 27.268 денари.Електроинсталациони производи- 691 електроинсталациони производи (светилки, конектори, приклучници и напојувања) и 3.971 метри кабел за електрични инсталации, откриени при контрола на стока од испраќач од Турција наменета за увозник од Скопје, пријавена за увозно царинење во царинската испостава Скопје 3. Непријавената стока, која не била опфатена со царинските документи, е привремено задржана а против увозникот ќе биде поведена прекршочна постапка.Цигари-16 штеки цигари, откриени при контрола на автомобил со македонски регистарски таблички, управуван од македонски државјанин, пријавен за влез во државата на граничниот премин Богородица. При извршениот преглед покрај пријавените три штеки цигари пронајдени се 12 штеки цигари PS и 4 штеки цигари WINSTON.Непријавените цигари се привремено задржани а против возачот ќе биде поведена прекршочна постапка.Производи за кои постои сомневање дека повредуваат права од интелектуална сопственост- 314 звучници и 9.000 светилки за патнички возила со ознаки на заштитени трговски марки, откриени од страна на мобилните царински тимови при контрола на стока со потекло од Кина сместена во јавен царински склад наменета за фирма увозник од Скопје. Производите се привремено задржани поради сомневање дека повредуваат права на интелектуална сопственост, и согласно законските прописи поведена е постапка за утврдување на нивната оригиналност. Вредноста на производите, доколку би се продавале како оригинални, е проценета на околу 2,2 милиони денари.- 30.000 запалки, 13.000 батерии и 1.440 пакувања жилети со ознаки на заштитени трговски марки, откриени при контрола на товарно возило со македонски регистарски таблички, пријавено за влез во државата на граничниот премин Дојран. Возилото било натоварено со стока со потекло од Кина, наменета за увозник од Косово.Сомнителните производи, чија вредност доколку би се продавале како оригинални се проценува на околу 3,2 милиони денари, се привремено задржани, и согласно законските прописи започната е постапка за утврдување на нивната оригиналност.

Македонија | пред 1 година

14-годишно момче од Бугарија осомничено дека ја убило мајката

14-годишен тинејџер е уапсен во Пловдив под сомнение дека ја убил мајка си.Во станот било пронајдено тело на 50-годишната жена.Според неофицијални информации, семејството имало проблеми со алкохолот.Вечерта настанала жестока расправија помеѓу мајка и син, која за жал завршила трагично.Момчето во еден момент ја турнало мајка си, таа паднала, удрила во главата и починало на лице место.По доаѓањето на местото на настанот, полицијата го привела момчето кое е задржано во притвор.

Свет | пред 1 година

„На власт не им чинеше балансерот, сега плачат по него со цел да дефокусираат, ДУИ ги штитат местачите на тендери и се закануваат со дестабилизација“, вели ВМРО-ДПМНЕ

„ДУИ треба да сфати дека мора да прекине со манипулациите. Едно зборуваа кога беа на власт, сега во опозиција друго. Да ги потсетиме ДУИ, кога беа на власт усвоија Стратегија за реформи во администрација за 2023-2030 година. Во истата констатираат дека балансерот како алатка се злоупотребува и треба да се укине. И Брисел порача и тоа јасно дека балансерот треба да се укине“, велат од ВМРО-ДПМНЕ.„Како за ДУИ во 2023 година балансерот се злоупотребувал, а сега е неопходен?! ДУИ додека беше на власт беше преоптоварена со местење тендери, бизниси во четири очи, а наоѓаа време во државни институции да играат фудбал.ДУИ додека беше на власт не ја интересираше што стотина илјади млади заминаа, што граѓаните лошо живееја.Сега ја сменија песната затоа што се опозиција имаат слободно време и гледаат само како да напаѓаат.Сега од ДУИ гледаат само како да направат незадоволство, да дестабилизираат, односно како да го одвлечат вниманието од главната тема, а тоа е дека нивните функционери треба да одговараат.ДУИ има една цел нивните функционери да не одговараат на ниеден начин и тоа се спремни да го попречат по секоја основа.На ДУИ им порачуваме дека нивните обиди за замајување на јавноста не поминуваат!“, соопшти ВМРО-ДПМНЕ.

Македонија | пред 1 година

Тренчевска: За само 110 дена новата влада не врати назад, Албанија е веќе пред нас на пат кон ЕУ

Во изминатите 110 дена не видовме никаков оптимизам за државата, туку песимизам, за само 110 дена со новата влада на ДПМНЕ толку сме назад, што не тргнаа од патот кон ЕУ, не сме веќе заедно ниту со Албанија, истакна пратеничката на СДСМ Јована Тренчевска во дебатната емисија „Анализа“ на телевизија 24.Тренчевска порача дека СДСМ нема да биде кочничар, како што беа ВМРО-ДПМНЕ, на европскиот пат на Македонија но ќе се спротивстави на секоја манипулација на власта.Власта, додаде таа, има обврска да го претстави планот како ќе продолжи европскиот пат понатаму или да каже која е алтернативата.-Ние како СДСМ повикуваме на затворена седница да разговараме за европската иднина, да даде извештај и вицепремиерот за европрски парашања и премиерот и да видиме како понатаму, нагласи Тренчевска.Пратеничката Тренчевска потсети дека СДСМ го заврши скринингот и тоа е голем успех и ако ВМРО-ДПМНЕ во изминатиот период не беше кочничар на европскиот пат, да се донесеа уставните измени, сега ќе одевме напред со Албанија, сега ќе имааше втора меѓувладина конференција, на која што ќе почнеа преговорите за првото поглавје.

Македонија | пред 1 година

Мицкоски од Берлин: Шолц потврди дека Германија е наш силен сојузник, не водиме политика на свиткана кичма, заслужуваме да ги отвориме поглавјата кон ЕУ

На маргините од првиот ден на таканаречениот „Берлински процес" кој се одвива во Сојузна Република Германија премиерот на Република Северна Македонија Христијан Мицкоски во интервју за Македонската Телевизија ги истакна впечатоците од бројните средби со политичарите учесници на настанот.Тој средбата со германскиот канцелар Олаф Шолц ја оцени за доста продуктивна и потврди дека Германија останува наш силен и активен поддржувач.Пораката која што овде во Берлин стигна до мене е дека Германија останува наш силен поддржувач, сојузник и партнер во процесот на евроинтеграциите, истакна Мицкоски кој додаде дека истата поддршка беше реафирмирана и од другите лидери на Влади и политички лидери кои учествуваат во процесот.Премиерот на македонската Влада од Берлин посочи дека пред присутните ги презентирал и приоритетите на владата.„Ова беше добра можност да ги преставиме нашите планови во делот на економијата и во делот на нашата амбиција да бидеме раскрсница на Балканот, во смисла на тоа да бидеме раскрсница на енергетските текови, патната инфраструктура и железничката инфраструктура, бидејќи и природно и географски, ние сме таа раскрсница на 2 важни европски коридори, коридорот 8 и коридорот 10.“, истакна Мицкоски.Во делот на енергетиката премиерот Мицкоски истакнал дека целта е да стане државата потполно енергетски независна.„Наша политичка, но и економска цел е до 2026та година да произведуваме онолку домашно количество на електрична енергија, колку што и ќе трошиме, односно да бидеме 0 увозници на електрична енергија, а до 2027година со реализирање на проектите на овој план и да бидеме извозници, изјави премиерот Мицкоски. Во разговорите на берлинскиот процес Мицкоски го отвори прашањето и за евроинтегративните процеси на државата.Во делот на евроинтегративните процеси уште еднаш ќе го потенцирав ставот на владата дека премногу имаме, и како народ и како држава во изминатите децении дадено и дека заслужуваме шанса да ги почнеме процесите безусловно, дека заслужуваме да ги отвораме поглавјата и да ги покажеме нашите капацитети за тоа колку бргу ќе ги затвораме.Притоа останувам подготвен да разговарам со било кого за да изнајдеме решение кое што ќе значи на долг рок вистинско решение со јасен крај, а крајот треба да биде членство на Македонија во рамките на Европската Унија.“, изјави од Берлин премиерот Христијан Мицкоски.За средбата со канцеларот Шолц, Мицкоски посочи дека таа беше исклучително корисна, пријателска и искрена.На средбата беа разменети позиции и ставови поврзани по овие, но и по останатите геостратешки прашања коишто се важни за македонските граѓани.„Ние, не водиме дипломатија на свиткана кичма, туку водиме дипломатија којшто се темели на аргументи. Не водиме дипломатија со која ќе прифаќаме се што ќе ни биде поставено на маса, туку водиме дипломатија во којашто ќе ги браниме интересите на нашите граѓани на нашата татковина, а истовремено и ќе работиме со нашите партнери.Германија е наш најголем поддржувач, наш партнер и убеден сум дека заедно ќе можеме да ги надминеме сите оние предизвици коишто се исправени пред нас и дека ќе се радуваме конечно на членството на нашата татковина во рамките на Европската Унија.“, изјави премиерот Мицкоски.

Македонија | пред 1 година

Се јави Груби: Укинување на балансерот е само почеток на рушење на еднаквоста

„Укинувањето на инструментот за етничка еднаквост наречен „Балансер“, кој е во согласност со спроведувањето на принципот на правична и соодветна застапеност, произлезен од Охридскиот договор и Уставот од 2001 година, е само почеток на рушење на еднаквоста“, вели Артан Груби, ексфункционер на ДУИ.„По оваа одлука, на ред е Бадинтер, клучниот инструмент на Охридскиот договор кој спречува мајоризација, надгласување, маргинализација и неправда во Собранието.На балансерот му претходеше отстранувањето на државното знаме од канцелариите, отстранувањето на албанскиот јазик од државните институции почнувајќи од Претседателот, отстранувањето на Албанците од работните места и раководните позиции, оддалечувањето од Европа и конечно укинувањето на законот за албанскиот јазик во овој уставен суд.Наша вина е, според опозицијата, што никогаш не го дозволивме ова и што ги направивме Албанците државотворни и горди.озиции, оддалечувањето од Европа и конечно укинувањето на законот за албанскиот јазик во овој уставен суд.Наша вина е, според опозицијата, што никогаш не го дозволивме ова и што ги направивме Албанците државотворни и горди“.

Македонија | пред 1 година

Ѓорѓиевски: Поради неспособноста на Арсовска учениците не можат да стигнат до училиштата

Градоначалникот на Општина Кисела Вода и претседател на ЗЕЛС, Орце Ѓорѓиевски, во гостувањето на МТВ посочи дека состојбата во Град Скопје предводен од Данела Арсовска, како и во градските претпријатија е катастрофална, нагласувајќи дека тоа, за жал, преку Јавното сообраќајно претпријатие го чувствуваат сите патници, меѓу кои и учениците.-Со постоечката законска регулатива во делот на јавниот транспорт не постои можност за одземање на таа надлежност. Сите градоначалници од скопските општини на заедничка прес -конференија упативме апел и загриженост за состојбата во ЈСП. Ние обезбедуваме финансии за превоз на ученици, а тој не е редовен, а некаде и воопшто го нема. Конкретно, во Усје за тоа пред неколку дена имаше протест од жителите. Покрај проблемите со хигиената, со ЈП Паркови и зеленило, сега сме сведоци дека градоначалничката Арсовска преку ЈСП продолжува да се изживува со сите скопјани, меѓу кои се и најмладите ученици, со тоа што не обезбедува соодветни услови за транспорт за да стигнат до своите училишта, изјави Ѓорѓиевски.Тој потенцираше дека во рамки на ЗЕЛС, во координација со Владата и со ресорното министерство се подготвуваат законски измени кои би овозможиле одземање на ингеренции на одреден градоначалник, додавајќи дека се подготвува и законски механизам за предвремено отповикување на одреден градоначалник доколку не ја оправдува довербата дадена од граѓаните на локални избори.

Скопје | пред 1 година

Неколку скопски општини денеска без струја

Поради планирани технички интервенции во електродистрибутивната мрежа на ЕВН, денеска без електрична енергија ќе останат корисниците на неколку општини во Скопје.Во период од 08.30 до 11.00 часот дел од улицата Методија Митевски објектите околу ОУ Исмаил Ќемали (Рајко Жинзифов), ОУ Исмаил Ќамали, ул. Никола Грчето, ул. Петар Ичко во oпштина Чаир.Од 11.30 до 14.30 часот улица Никола Малешевски, улица 7 Црвена Вода и улица Сремски Фронт во општина Центар.Од 09.30 до 11.00 часот дел од улица Франце Прешерн (на почеток на улицата) во општина Ѓорче Петров.Од 09.00 до 14.00 часот корисниците на Горно Соње, дел од село Соње и населба Коштан во општина Сопиште

Скопје | пред 1 година

Детали од МВР за пукањето во Чаир: должничко-доверителски односи се причината

Денеска (14.10.2024) околу 18.10 часот од ГОБ „Св.Н. Охридски“ во СВР Скопје е пријавено дека во болницата бил донесен повреден Е.А. (35) од Скопје, со прострелна рана во ногата.“Повредениот бил донесен од страна на неговиот брат, кој појаснил дека додека Е.А. се движел пеш по ул.„Христијан Тодоровски-Карпош“ во Скопје му се приближило едно лице кое му пукало во ногата, најверојатно поради должничко-доверителни односи”, велат од МВР.Се преземаат мерки за расчистување на случајот.

Скопје | пред 1 година