ТОП

Кешишов нѐ однесе до телото, викаше ‘Палчо ќе не убие’ – се шокиравме, сведочи началник за пронаоѓањето на убиената Вања

Обвинетиот Влатко Кешишов ги однел полицајците до местото каде била закопана убиената Вања, сведочи во судница Дејан Димовски, началник за единица за насилен криминал во СВР Скопје. Тој кажа дека тимот на МВР бил во шок кога отишле на местото. Сведокот посочува дека Кешишов се плашел дека Љупло Палевски-Палчо ќе го убие, ако каже сѐ што знае.„Цело време му викал на колегата дека се плаши дека Палчо ќе го убие, имал многу луѓе во полиција. Тогаш ни рече ќе не носи кон ридот (во Бразда). Бараме нешто, некој леш, ама не знаев што бараме. Покажуваше со главата, не покажуваше со рака. Покажуваше кон мушама перници, ги тргнавме и видовме земја“, раскажува началникот.Тие копале и виделе дека земјата е мека. Кешишов покажал кон местото каде е закопана Вања, а додека полицајците ги растегнувале ѓубрињата не сакал да гледа со грб бил свртен.„Дојде колегата и ни кажа дека Кешишов му рекол дека тука е маленкото, девојчето Вања. Го викнавме да копа и тој со нас. Дојде зема стап и копаше. Потоа пак се помести. Кога дојдовме до телото шок, солзи ни дојдоа на очи. Ги известивме сите“, вели началникот.Дејан Димовски, началник за единица за насилен криминал во СВР Скопје посочи дека тие биле во шок: „Девојчето како го извадија беше буквално како живо. Рацете и нозете и беа врзани. На устата имаше лента. Не видовме траги на насилство“.Сведочењето е во тек.

Македонија | пред 1 година

Ексдиректорот на ЗОО-Скопје ќе тужи, но и ќе формира фондација со цел да најде пари за вработените и животните

„Поради големиот интерес во јавноста, чувствувам должност да ги известам граѓаните и медиумите дека два месеца по завршувањето на огласот за директор на ЗОО Скопје, огласот сè уште е отворен, а одамна се поминати сите законски рокови за жалби. Во присуство на адвокат, денеска бев во ЗОО Скопје да ги подигнам моите документи и истите одбија да ми ги вратат со банални објаснувања документите не се разгледани (пликото не е отворено) ниту пак се пратени до градоначалничката на Град Скопје, поради што ќе следува тужба од моја страна“, извести преку социјалните мрежи, поранешниот директор на ЗОО Скопје Ѓорѓи Галетановски.„Без разлика на сите отежнителни околности со кои се соочувам во моментов, јас не се откажувам од она за што се залагам. Сакам да ги известам посетителите и моите колеги од Зоолошката градина дека мојот следен чекор е формирање фондација под името „За европска зоолошка“, чија примарна цел ќе биде обезбедување финансиска поддршка за Зоолошката градина во Скопје и нејзините вработени.Фондацијата ќе биде посветена на развојот и одржувањето на Зоолошката градина според европски стандарди, овозможувајќи соодветни услови за живот на животните, унапредување на инфраструктурата, како и обезбедување средства за професионален развој и соодветни услови за работа на вработените - какви што впрочем заслужуваат, а во моментов ги немаат.Со формирањето на фондацијата ќе се стремам за зголемување на свесноста за важноста на заштитата на животинскиот свет и едукацијата на јавноста за овие прашања, во соработка со релевантни европски институции и организации. Воедно, ќе бидат активирани многу домашни и странски фирми и донатори кои ќе помагаат со финансии за потребите на ЗОО Скопје. Од редот на вработените во ЗОО Скопје ќе назначам и ополномоштам вработен кој ќе има увид во финансиите, со право да управува со истите.Сакам да им се заблагодарам за поддршката и да ги охрабрам моите колеги од институцијата кои работат посветено и професионално, а кои се соочуваат со притисоци - да се борат за нивните права и заслуги исто како што се боревме заедно! Никој не смее изживува со нив и да врши мобинг. Ги повикувам, доколку имаат потреба од правен совет, мојот адвокат секогаш ќе биде на располагање за било какво прекршување на Законот за работни односи, со цел да бидат заштитени.Департизацијата на Зоолошката градина Скопје останува моја прва и единствена цел и останувам да се борам за тоа!“, вели Галетановски.

Скопје | пред 1 година

Како е најден „цитроенот“ со кој е киднапирана Вања: началник од МВР откри дека се допишувала со виртуелен дечко со слики од ИСИС и се губело време проверувајќи кој е

Дејан Димовски, началник за единица за насилен криминал во СВР Скопје, вклучен во истрагата за пронаоѓање на убиената Вања Ѓорчевска. Тој кажа дека случајот имал многу нелогичности додека траела потрагата.„На помошникот наш му било чудно зошто Александар остана во кола. Александар велел дека е киднапирана и убиена што му било чудно. Пребаруваа и во станот и во Охрид дека и таму имале стан. Ни беше чудно дека таткото постојано што зборуваше дека е киднапирана. И тоа ќе беше добро да рече: „Па проверимe“, сведочи началникот Димовски.Тој посочи дека време се изгубило додека се проверувале пораки на Вања со момче од Шведска, кое имало знамиња на ИСИС на профилот.„Девојчето имало виртуелен дечко со кој што комуницирала од Шведска кој зборувале цело време како дечко и девојка виртуелно буквално чудно се овие нови генерации. Па имаше и знамиња од ИСИС на неговиот профил, тука следуваа проверки на граница дали тоа лице влегло во Македонија. Ги мапиравме сите камери на влезот во зградата но забелажавме еден мртов агол кој што не го фаќаше ниту една камера. Од тоа заклучивме дека девојчето нема шанси пешки да излегла од зградатата. Ние бевме убедени дека девојчето е излезено со возило затоа што ако излезеш од зградата на 10 метри влегуваш во реон на некоја од камерите“, додаде началникот од МВР.Првите помисли на полицајците биле дека Вања е лута на родителите, па избегала.„Не видовме кај ниту едно од возилата кои поминаа дека во нив има девојче“, додаде тој.Посочи дека од Одделението за крвни деликти добиле информација дека било најдено целосно изгорено возило во село Бразда, ама беше направен увид утредента, кога се разденило.„Бидејќи имаше информација дека со тој автомобил има исчезнато лице веднаш колегите мислам дека и со кучиња пребаруваа да не има нешто но не најдоа ништо. Колегите кои што работеа на запалениот „цитроен“ (на убиениот Панче) бараа камери во село Бразда. Таму знаете нема камери, најдоа една од општината беше мислам, но не можеа да земаат материјалите бидејќи било неработен ден, поради ОБСЕ нели, и после цел ресивер го земале и виделе дека со „цитроенот“ оди и некакво пикапче велеа, но не се гледаше регистрацијата на второто возило од таа камера“, посочи началникот.Потоа, била дадена насока да се утврди каде се движел „цитроенот“ и пикапот на 23, 24, 25 ноември.„И од Александар бевме известувани цело време. И ми се јави на 1 - 2 декември имам едно возило кое е интересно сомнително и викам ајде прати го ќе го провериме. Имавме луѓе кои дремеа пред монитори, и колегите го видоа тоа како возило кое беше нормално“, додаде началникот во сведочењето.Тој просведочи за моментот кога правеле претрес во седиштето на партијата „Десна“. Таму бил сега обвинетиот Влатко Кешишов. До седиштето ги довело возилото „рено кангу“ кое се движело позади „цитроенот“. Внатре, Кешишов и уште три лица. Адвокатот кој бил таму раскажал дека претседателот Љупчо Палевски-Палчо не е во Македонија, но и посведочил како Палчо посочил дека пред неколку дена се пожалил дека го следело велешко возило „цитроен“.„Ги легитимиравме Кешишев, таму седеше. Тогаш нормално и ги прашавме кај ви е председателот? И адвокатот Васко рече: ‘јас го носев Палчо за Белград имал човекот проблеми со кичмата’. Знаеш што е интересно, ми рече ‘едно велешко возило ме следи неколку дена’, прашавме, ‘какво возило’, рече ‘па цитроен некој ме следи’.Распитот е во тек.

Македонија | пред 1 година

(Видео) Продолжува судењето за убиствата на Вања и Панче

Продолжува судењето за случајот со убиствата на 14-годишната Вања Ѓорчевска и велешанецот Панче Жежовски. Се очекува денеска да бидат испитувани сведоци предложени од Обвинителството.На минатото рочиште сведочеа поранешниот началник на СВР Велес Ристе Самарџиев и Музафер Каишиќ, помошник началник на СВР Скопје за криминалистички работи.Обвинети во случајот се Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски. Сите на првото рочиште од судењето се изјаснија дека не се чувствуваат виновни.

Македонија | пред 1 година

(Видео) СДСМ бара да се разреши Христовски: „Тој е партиски кадар и пропагандист на ДПМНЕ“

„Со назначувањето на Бојан Христовски власта на Мицкоски и ДПМНЕ прави опасна партизација на Агенцијата за национална безбедност и ги крши законите. Во член 10 од Законот за АНБ јасно стои дека директор на Агенцијата не смее да биде член на политичка партија или член на органи и тела на политичка партија“, вели Методија Илиевски од СДСМ.„Наместо професионалец, на чело на АНБ власта поставува партиски човек, претседател на Градскиот комитет на ВМРО-ДПМНЕ и активен пропагандист на власта.Бројни објави, фотографии и натписи на неговата Фејсбук страница кои целосно го потврдуваат ова. Буквално секој негов пост, е посветен на ДПМНЕ и во функција на пропагандата на Мицкоски.Христовски го има на слики во речиси сите партиски штабови на ДПМНЕ во Скопје. Може да се види многу горд со Мицкоски, со Силјановска, и како ревносно ги пропагира политиките на неговата партија.Буквално нема неполитичка, ниту некаква професионална објава на Христовски, сите му се партиски. Дури и во последните објави на Христовски се гледа тоа. На 25 септември, со слика пред седиштето на ВМРО-ДПМНЕ ќе објави дека „ја чува организацијата“.Кога ги гледате овие објави многу смешно личат изјавите на Мицкоски и ДПМНЕ дека се деполитизирал, тоа едноставно е чиста лага.Но, има и објави кои се загрижувачки и кои покажуваат какви се неговите скриени намери против самата институција на којашто е поставен.Еве ја таа објава. На 1 септември оваа година Христовски ќе напише, цитирам „Нека е честит петтиот и последен роденден на Агенцијата за национална безбедност!“Се поставува прашањето дали Христовски по партиски налог всушност ќе работи за уништување на АНБ?Со партизација на оваа важна институција, власта има единствена цел повторно да ги злоупотребува безбедносните служби за партиски цели. Исто како и во времето пред 2016 година.АНБ треба да остане независна институција која ќе работи за доброто на сите граѓани, а не за интересите на една партија и еден човек, а тоа се Мицкоски и ДПМНЕ.На политиката и на партиските кадри не им е местото во АНБ.Бараме итни мерки за департизација, односно разрешување на Христовски и назначување на нов директор на АНБ, со што ќе се врати професионализмот и довербата во оваа институција“, соопшти Методија Илиевски од СДСМ.

Македонија | пред 1 година

„Планот на Зеленски е глупав и нелогичен“, вели портпаролот на Путин

Портпаролот на Кремљ Димитриј Песков денеска изјави дека победничкиот план на украинскиот претседател Володимир Зеленски има за цел да го официјализира учеството на НАТО во конфликтот во Украина.Песков рече дека Зеленски со овој план сугерира: „Да, НАТО претходно учествуваше во конфликтот, но неофицијално. Сега сакаме официјално да го имаме НАТО на теренот“. Песков го нарече планот кусоглед, непромислен и нелогичен со оглед на моменталната ситуација.Според него, „планот за победа“ не е план за мир, туку за дополнително влошување на ситуацијата и наведе дека таквиот план може да ги доведе НАТО и Русија на „работ на конфликтот“.Коментирајќи ја реакцијата на Западот, Песков посочи дека западните земји очигледно не се задоволни од „планот за порамнување“. Тој додаде дека Европејците не биле воодушевени од овие предлози, кои ги оцени како нелогични и, како што наведе, „глупави“.Зеленски пред два дена во украинскиот парламент Врховна Рада претстави „план за победа“ кој се состои од пет точки. Првата точка се однесува на официјалната покана на Украина за членство во НАТО, додека трите точки се доверливи. Други точки од планот вклучуваат одбрана, ненуклеарно одвраќање, економија и повоена безбедносна архитектура во евроатлантската област.

Свет | пред 1 година

„И честитаме на градоначалничката Арсовска, освен за врева, за ништо друго не ја бива“, велат од општина Гостивар

„И честитаме на градоначалничката на Град Скопје, Данела Арсовска, која што, освен креирање на врева, за ништо друго не ја бива. Таа за скоро четири години власт во Скопје, освен за коалицијата со Блерим Беџети, за друго нешто не е позната во јавноста. Наместо реализација на конкретни проекти и унапредување на животот на граѓаните на Скопје, нејзиното мандатско наследство останува празно и беззначајно“, велат од општина Гостивар.„Скопје, како главен град, заслужува модерни решенија, но за жал, во рацете на Арсовска, секој проект се претвора во мистерија. Зошто не се реализира проектот „Скопје – БУС РАПИД“, за кој секој ден доцнење носи финансиски загуби за скопјани? Дали граѓаните на Скопје ќе добијат конечен одговор за пречистителната станица, која беше најавувана како стратешки приоритет, а остана само на хартија?Претпоставуваме дека нервозата на Арсовска се должи на нејзината неспособност да аплицира за средства дестинирани за општините. Тоа не е ништо ново – додека другите општини успешно ги завршуваа своите проекти, Арсовска е заглавена во административни пропусти. Затоа, како тим од општина Гостивар, нудиме помош во изработка на проекти, и тоа на волонтерска база – за доброто на граѓаните на Скопје. Не е срамота да се побара помош кога не можете сами да го направите тоа што сте ветиле.Воедно, нудиме и помош во математиката, бидејќи градоначалничката очигледно има проблем со разбирање на бројките. Според неа, долгот на општина Гостивар изнесува астрономски 108 милиони евра, но вистинската бројка е далеку поскромна – 9.1 милион евра. Ваквите неосновани обвинувања само ја отсликуваат нејзината несериозност и неспособност да се справи со фактите.Арсовска мора да престане да ги мами граѓаните и конечно да преземе одговорност за својот неуспех. Скопје заслужува подобро, а ние сме тука да ѝ помогнеме, дури и ако тоа значи да ѝ го покажеме патот во земјата на чудата каде што очигледно се наоѓа“, соопшти општина Гостивар.

Скопје | пред 1 година

Тошковски: За два дена разбиени две големи криминални групи

Министерот за внатрешни работи Панче Тошковски во гостување на емисија на ТВ Алфа истакна дека борбата со организираниот криминал и корупција е еден од главните приоритети на министерството а криминалот нема никаква етничка, национална или било каква припадност освен криминална.„Во текот на вчерашниот ден се апсеа група од 15 цариници и еден полицаец за коишто во рамки на една оперативна акција спроведена по насока на Обвинителството за гонење на организиран криминал и висока корупција во кој има силни докази за поткуп и злоупотреба на службена положба и овластување. Денес имавме друга опсежна акција во неколку градови во западниот дел на државата на разбивање на криминална група која 20 години оперирала и никој не ја пипнал. Делата на таа група се бројни од трговија со дрога, трговија со луѓе, злоупотреба на службена положба и овластување. Ние мора да покажеме јасна цврста и силна волја против организираниот криминал и корупцијата. И тоа го покажуваме. Вчера со акција против корупција денес со акција против организиран криминал од највисоки размери. И така и ќе продолжиме“, потенцираше министерот Тошковски.Тошковски нагласи дека и борбата против криминалот нема да биде ефективна не се расчисти ефикасно и со криминалците во институциите и дека МВР интензивно работи и на пронаоѓање и факање на криминалците и во своите редови за што досега има значителен број реализирани дела.

Македонија | пред 1 година

(Видео) Тешка сообраќајка во Турција, се преврте автобус, има загинати

Најмалку шест лица загинаа, а 25 се повредени при превртување на туристички автобус во Аксарај, Турција.Туристичкиот автобус од непозната причина се превртел на локацијата Аципинар на автопатот Аксарај - Анкара. На местото на настанот се испратени бројни возила на брза помош, полиција и пожарникари.Според првичните податоци, во несреќата загинале шест лица, а 25 се повредени.Гувернерот на Аксарај, Мехмет Али Кумбузоглу, изјави дека туристичкиот автобус се движел од Балукешир кон Кападокија.„Во оваа сообраќајна несреќа за жал загинаа шест наши граѓани. Според првичните информации имаме 25 повредени лица. Покрената е истрага“, додаде Кумбузоглу.

Свет | пред 1 година

Мицкоски: Арсовска нема капацитет да реализира капитални проекти, беа доделени 10 милиони евра за изградба на булевар кој не е почна и за кој нема потрошено фенинг

Претседателот на Владата Христијан Мицкоски во Тема на денот во Централниот дневник на ТВ Сител, вели дека Данела Арсовска нема капацитет да реализира капитален проект за изградба на Булеварот „Хасан Приштина“, потенцирајќи дека иако веќе 2 години 10 милиони евра се префрлени на сметката на Град Скопје нема потрошени ниту фенинг од тие средства.„Е сега кога сме кај тоа. Да тоа е капитален проект. Треба да е комплетен, а второ треба да се потрошени оние 10 милиони евра кои што веќе се дадени за реализација на еден таков капитален проект како што е Булеварот „Хасан Приштина“ кој што не само што не е почнат две години, туку ниту фенинг не е потрошен“, рече тој.„Сега ако некој нема капацитет да реализира капитални инвестиции, како што е тој булевар, тој патен правец, иако морам да признам до мене стигаат многу информации дека се тргува со тие средства кој што ги има Градот Скопје на својата сметка од страна на државата префрлени, па се бараат градежни фирми кои што тоа ќе го изведуваат и итн., има институции со тоа што се занимава. Но, факт е дека тој проект не е почнат со реализација и сега кога вие ќе видите дека некои 10 милиони евра му стојат 2 години на сметка, а не инвестирал ниту фенинг од тие 10 милиони евра, тогаш логично е да го поставите прашањето зошто па и тие 10 милиони евра не си ги вратиме назад во буџетот и да ги искористиме за нешто кое што е потребно за граѓаните во некои општини кои што се по подготвени“, дециден е Мицкоски.

Скопје | пред 1 година

(Видео) Убиен првиот човек на Хамас, објавени снимки од неговите последни моменти

Израел објави дека Јахја Синвар, првиот човек на Хамас, е убиен во Рафа во Појасот Газа. Израелците тврдат дека цел на нападот биле тројца милитанти и дека не знаеле дека меѓу нив е и Синвар.Контраадмиралот Даниел Хагари, портпарол на израелските одбранбени сили (ИДФ), рече дека израелските војници забележале тројца терористи како трчаат од куќа до куќа во областа Тал Ел Султан во Рафа. Тој прикажа и видео на кое се гледа како на Синвар му приоѓа дрон. Синвар е маскиран на видеото и има повреда на раката.Тој фрла нешто што личи на стап кон дронот, пред да заврши видеото.По убиството на Синвар, израелскиот премиер, Бенјамин Нетанјаху, рече дека „на злото му е зададен тежок удар, но предупреди дека војната во Газа не е завршена“.

Свет | пред 1 година

Уапсени 14 лица: делувале како мафија, куп проституција и дрога

Јавен обвинител од Основното јавно обвинителство за гонење на организиран криминал и корупција ја координираше акцијата на Одделот за сузбивање организиран и сериозен криминал при МВР и истражители од Истражниот центар на ОЈО ГОКК, во рамките на која е целосно разоткриено злосторничко здружување во западниот дел од земјата. Во акцијата од слобода се лишени 13 лица, а едно лице е недостапно на органите на прогонот. Претреси се извршени на 17 локации во тетовскиот регион и во Охрид.Групата одреден временски период се занимава со посредување во вршење проституција и недозволена трговија со дрога, а нелегално стекнатите приходи од овие кривични дела припадниците на групата ги прикривале со перење пари и други приноси од казниво дело.Организираната група ја создал 35-годишник од селото Боговиње, кој ги организирал и координирал криминалните активности на другите припадници на групата и во угостителски објекти во с.Жеровјане, с.Горно Седларце и во Охрид наведувал на проституција девојки-странски државјанки кои работеле како танчерки во стриптиз-клубови.Фактичкото работење на два од клубовите го организирал и раководел неговиот брат (второосомничениот), додека третиот осомничен раководел и ја организирал работата на стриптиз-клубот во Охрид. Четвртиот осомничен учествувал во наведувањето на проституција на девојките во угостителските објекти и бил задолжен за организација на нивното патување и влез во нашата земја, како и за олеснување на процедурите за добивање на документи за легален престој за странските државјанки, а давал и насоки за криминалните активности на другите припадници на групата во однос на сместување и превоз на девојките. Петмина припадници на злосторничкото здружување биле задолжени за обезбедување и неовластена продажба на дрога, најчесто кокаин, на девојките и гостите во угостителските објекти. Едниот од нив ги помагал и олеснувал активностите за пренос на дрогата и посебно бил ангажиран за предупредување при полициските контроли и бил задолжен да го следи движењето на полицијата на патот кон клубовите за што ги информирал членовите на групата.Двајца осомничени припадници на групата учествувале во наведувањето на проституција на девојките. Тие биле задолжени за обезбедување на девојки кои ќе работат во стиптиз клубовите, ги пронаѓале преку нивни контакти во странски држави, веб страници и на интернет, го организирале нивниот влез во земјава, организирале изработка на лажна документација за фиктивен престој на девојките по хотели во нашата земја со што ги заобиколувале процедурите за добивање легален престој од управните органи. За превоз на девојките од аеродром и автобуските станици до стриптиз клубовите каде престојувале и биле сместени, како и превозот при нивното движење пред и по работата во ноќните клубови бил задолжен дванаесеттиот осомничен.Дел од криминалната група биле и две службени лица – затворски службеник од Затворот во Тетово и полицаец – виш инспектор од Тетово кои користејќи ја својата својата позиција и контактите, ја предупредувале групата за полициски акции, а вршеле влијание и за олеснување на прекршочните постапки кон групата и кон странските државјанки.Со повеќемесечни координирани дејствија на истражителите од Истражниот центар на ОЈОГОКК и припадниците на Одделот за сузбивање организиран и сериозен криминал при МВР активностите и задолженијата на секој член во ова злосторничко здружување се детално документирани и утврдени.Јавниот обвинител од Основното јавно обвинителство за гонење организиран криминал и корупција поведе истрага против сите инволвирани за кривичните дела Злосторничко здружување од чл.394 и Посредување во вршење проституција од чл.191 од Кривичниот законик. Тројца се осомничени и за кривично дело – Перење пари и други приноси од казниво дело од чл.273 од Кривичниот законик, додека против петмина од осомничените е поведена истрага и за – Неовластено производство и пуштање во промет на наркотични дроги, психотропни супстанции и прекурсори чл.215 од Кривичниот законик.Во текот на денешниот ден осомничените ќе бидат изведени пред судија на претходна постапка при Основниот кривичен суд – Скопје. Јавниот обвинител имајќи ги предвид околностите цени дека се исполнети условите за определување на мерка притвор, па на судијата на претходна постапка за сите осомничени ќе предложи да им биде определена мерка притвор.

пред 1 година

(Видео) Хаос на паркингот на Клинички: Брза помош со ротација, заглавени возила, паркирани на сред улица

Вака изгледа хаосот на Клинички центар. Заглавени возила.Недоволно паркинг места, Брза помош која не може да се помрдне и да стигне до некоја од клиниките.Многу власти ветуваа дека ваквите слики ќе бидат минати, но тоа не се случи.

Скопје | пред 1 година

(Видео) Посредување при проституција, оружје и дрога - детали за акцијата со апсења во Тетово и Охрид

Посредување при проституција, дрога и оружје. Ова се трите работи поради кои има апсења во Тетово и Охрид, дознава „Скопје1“. Полициската акција координирана од Обвинителството за гонење организиран криминал и корупција започна рано утринава, а се вршат претреси на повеќе локации.Според информации на „Скопје1“, акцијата е резултат на подолго време следење на повеќе лица, од кои дел, неофицијално биле и под ПИМ мерки. Овие информации засега се непотврдени, со оглед дека Обвинителството најави детали по завршување на акцијата.„Под раководство на јавен обвинител од Основното јавно обвинителство за гонење на организиран криминал и корупција, во тек е голема полициска акција во регионот на Тетово и Охрид. Се вршат претреси на повеќе локации, има и приведени лица. Со детали од акцијата МВР и ОЈО ГОКК ќе излезат во текот на денот“, велат од Обвинителството.Се огласија и од МВР.„Под раководство на јавен обвинител од Основното јавно обвинителство за гонење на организиран криминал и корупција, во тек е голема полициска акција во регионот на Тетово и Охрид. Се вршат претреси на повеќе локации, има и приведени лица. Со детали од акцијата МВР и ОЈО ГОКК ќе излезат во текот на денот“, велат оттаму.

Македонија | пред 1 година

МВР со детали за вчерашната трагедија: комбето излетало од патот и се превртело, загинатите се од Велес, тешко повредени пет лица

Вчера во СВР Скопје било пријавено дека во 17.35 часот на автопатот Скопје – Велес, пред тунелот кај Катланово, патничко возило „форд транзит“ со скопски регистарски ознаки, управувано од 32-годишниот О.Д. од Велес, излетало од патот и се превртело.Од здобиените повреди на местото на несреќата починале сопатниците А.Н.(37), Ј.А.(47) и Д.Ц.(66), сите од Велес, а смрт констатирал лекар од итна медицинска помош.Додека, со тешки телесни повреди се здобил возачот О.Д. и сопатниците З.С.(59), В.З.(67), Н.Н.(33) и Б.П.(41), сите од Велес, констатирани во Градската општа болница „Св.Наум Охридски“ во Скопје и Комплексот клиники „Мајка Тереза“ во Скопје.Увид на местото на несреќата извршиле увидна екипа на СВР Скопје и јавен обвинител, по чија наредба телата на починатите биле предадени на обдукција.

Македонија | пред 1 година

„Не сум судија, ниту обвинител, но очекувам одговорност од докторите кои направиле превид“, рече Таравари

Министерот за здравство, Арбен Таравари на денешната прес-конференција изјави дека Извештајот за починатото 14-месечно бебе е направен од професионалци кои Министерството за здравство ги назначило и е испратен од институциите.„Извештајот е испратен до Специјалната болница Козле, Универзитетската Клиника за педијатрија и до Лекарската комора. Тие можат да поднесат жалби, но до овој момент кај нас не е стигната никаква жалба“, кажа Таравари.Во однос на коментарот дека Клиниката во Козле нема респиратор, Таравари кажа дека таа болница имала респиратор, но е прераспределен во некоја клиника каде што, рече, имало повеќе потреба. Министерството треба да обезбеди што поскоро таму да има инвазивен респиратор, додаде тој.На прашањето што ќе се случува со докторите кои направиле превид, тој кажа дека очекува одговорност.„Не сум судија ниту обвинител, ангажирав Комисија која даде детален извештај што се случило. Извештајот е испратен до Клиниките, чекаме да видиме како ќе постапат директорите, ние можеме да постапиме врз директорите. Министерот не може да избрка од работа, Министерството треба да инсистира на директорите да бидат преземени мерки кон тие доктори што направиле превид“, изјави министерот Таравари.Тој додаде дека се надева дека двајцата директори ќе преземат мерки. Министерот додаде дека не би сакал да има предрасуди во однос на тоа што ќе донесат, но очекува одговорност.

Македонија | пред 1 година

(Видео) Голема полициска акција во Тетово и Охрид, уапсени се повеќе лица

Под раководство на јавен обвинител од Основното јавно обвинителство за гонење на организиран криминал и корупција, во тек е голема полициска акција во регионот на Тетово и Охрид.Се вршат претреси на повеќе локации, има и приведени лица. Со детали од акцијата МВР и ОЈО ГОКК ќе излезат во текот на денот.

Македонија | пред 1 година

Се утврдуваат причините за тешката сообраќајка на автопатот Скопје-Велес, ќе се вештачи комбето, наредена е обдукција на телата

Основното јавно обвинителство Скопје интензивно презема дејствија за утврдување на причините за вчерашната тешка сообраќајна несреќа на автопатот Скопје-Велес.Во текот на ноќта издадени се повеќе наредби за вештачење на траги пронајдени на лице место и за обдукција на починатите.Комбето е подигнато од местото на несреќата и ќе се врши и вештачење со цел да се испитаат сите околности кои довеле до настанот.

Македонија | пред 1 година

Внимавајте на фиктивни инвестициски платформи кои нудат брза заработка и вложувања во виртуелни односно крипто-средства, апелира Управата за финансиско разузнавање

Во период на зголемени рекламни активности на социјалните мрежи поврзани со т.н. „платформи за остварување на брза заработка преку интернет“, Управата за финансиско разузнавање како надлежна институција основана за целите на прибирање и анализа на извештаи за сомнителни трансакции и други информации од значење за спречување и откривање перење пари и финансирање на тероризам, се придружува на апелите од страна на останатите надлежни органи и ги предупредува граѓаните да бидат внимателни со сопствените парични средства и навремено да препознаат фиктивни измамничко-инвестициски платформи, односно да не инвестираат во ваквите платформи и апликации.Од друга страна, имајќи предвид дека голем дел од граѓаните се стекнаа со крипто-средства преку давателите на услуги поврзани со виртуелни средства во нашата држава (најчесто локални менувачници во државата кои се задолжени да применуваат мерки и дејствија за спречување перење пари и финансирање на тероризам), ги повикуваме истите да не ги поттикнуваат и да не им помагаат на граѓаните во вршењето на трансакции, односно депонирање на крипто-средства кон ваквите потенцијално измамнички апликации, велат од Управата за финансиско разузнавање.„Ги повикуваме граѓаните да се запознаат со т.н „Измамнички апликации со задачи“ или Тask-scam Apps кои преставуваат вид на измама каде што измамниците ги примамуваат жртвите со ветувања за лесни и брзи заработки преку едноставни задачи, при што со истите се стекнуваат со заработка во форма на крипто-средства. Измамите се состојат во тоа што иницијално жртвите на измамите се контактирани од т.н регрутери или претставник на апликацијата или пријатели, а заработката се обезбедува со мали задачи кои се лесни за завршување и нуди непосредни, мали исплати. За почеток најчесто е потребен иницијален депозит во форма на крипто-средства. Апликацијата или платформата функционира одредено време со што има за цел да изгради доверба и да покаже дека можноста за профит е легитимна. Овие апликации немаат реален производ или услуга и преставуваат параван зад т.н пирамидални шеми, односно се финансираат од вложувањето на новите членови. По одредено време организаторите ја згаснуваат платформата, а средствата на лицата коишто ги депонирале во ваквите платформи никогаш нема да имаат можност да ги повратат. Измамата не завршува најчесто тука, туку продолжува во втора фаза односно измама за т.н. „поврат на средства“, каде што организаторите на ваквата платформа уште еднаш ги искористуваат жртвите и ги насочуваат лицата дека преку депонирање на нови средства можат да ги повратат претходно изгубените средства. На тој начин жртвите на измамата се измамуваат по втор пат, а средствата секако нема да им бидат вратени назад.Организација на обединетите нации (ООН) во своите извештаи поврзани со криминалитетот во пост-Ковид19 периодот, како и останати меѓународни организации укажаа на нов облик на организиран криминал, генерално од азискиот регион кој вклучува трговија со луѓе, каде илјадници лица кои се жртви на облик на насилен криминал се принудени да вршат измами поврзани со инвестирања во виртуелни односно крипто-средства и барање на жртви низ целиот свет“, соопшти Управата за финансиско разузнавање.„Како да препознаете потенцијално измамничка платформа за брза заработка на средства?Не е предмет на сеопфатна регулатива и надзор од надлежна институција во државата или земја од Европската Унија.Не постои т.н инвеститорска програма или анг. (white-paper) за самиот проект во форма на крипто средства одобрен од надлежен орган или тело.Не можат да се најдат податоци за називот на компанијата, лицата од менаџментот односно одговорните лица во правното лице, а понекогаш воопшто не постои регистриран ентитет.Не можат да се пронајдат податоци дека правното лице е лиценцирано за активноста што ја врши, односно покажува фиктивни “сертификати“ за регистрација кај надлежен орган или тело на странска држава.Интензивна маркетинг кампања преку социјалните мрежи и најчесто за иста платформа односно апликација, преку различни акаунти односно профили на социјалните мрежи.Комуникацијата со лицата кои се претставуваат дека се надлежни или администратори/регрутери се одвива исклучиво преку социјалните мрежи како Telegram, Whatsapp, односно слични апликации за комуникација, при што зачленувањето е исклучиво во затворен круг односно преку покана на пријател или лице коешто е член на групата односно администраторот.Апликациите коишто нудат „брза заработка“ не се достапни на „PlayStore“ односно „AppleAppStore“ и истите можете да ги инсталирате на вашиот електронски уред исклучиво со претходна покана на пријател.Не можете да најдете податоци за техничка поддршка за самата платформа, односно не постојат ниту телефонски броеви ниту електронско сандаче за контакт.Средствата коишто ги депонирате не можете да ги располагате слободно, односно истите не можете да ги повлечете тогаш кога сакате или доколку постојат такви можнoсти истото се врши за одредена провизија, која понекогаш може да биде поголема од самата „инвестиција“.Платформата интензивно се рекламира дека соработува со реномирани компании со цел да прикаже дека поседува легитимитет.Заработката од платформата е поврзана со извршување на одредени задачи, внесување на нови членови како и инвестирање со цел напредување во хиерархијата на апликацијата која овозможува дополнителна заработка.Дополнително, Управата за финансиско разузнавање ги повикува менувачниците за крипто-средства во целост да го почитуваат Законот за спречување перење пари и финансирање на тероризам, односно да ги применуваат мерките и дејствијата за спречување перење пари и финансирање на терроизам кои вклучуваат изготвување на проценка на ризикот од перење пари и финансирање на тероризам и нејзино редовно ажурирање, воведување и примена на програми за ефикасно намалување и управување со идентификуваниoт ризик од перење пари и финансирање на тероризам, анализа на клиентите односно идентификација на секоја трансакција независно од износот, известување и доставување на податоци, информации и документација до Управата, чување, заштита и водење евиденција на податоци, именување на овластено лице и негов заменик и/или формирање на оддел за спречување на перење пари и финансирање на тероризам.Апелираме, граѓаните коишто се жртви на ваквите измами, истите да ги пријават до надлежните органи, се наведува во соопштението на Управата за финансиско разузнавање.

Македонија | пред 1 година

Со тупаници истепал дете во училиштен двор, а потоа со клоци и полицаец, повредена постапка против маж од Кочани

Основното јавно обвинителство Кочани поведе постапка против 24-годишник за кого постои основано сомнение дека ги сторил кривичните дела – Насилство врз дете од член 201-а и Напад на службено лице при вршење работи на безбедноста од член 383 од Кривичниот законик.На 15 октомври, во утринските часови, во дворот на средно училиште во Кочани, осомничениот извршил физичко насилство над дете родено 2008 година, удирајќи го со тупаници по лицето, носот и устата и нанесувајќи му телесни повреди.Петнаесеттина минути подоцна, кога полициски службеници дошле да го приведат лицето, осомничениот им се заканувал и ги навредувал. Во полициската станица во Кочани во еден момент и физички нападнал полицаец оштетениот, удирајќи го со нога неколку пати во пределот на градниот кош и нозете со што му нанел телесни повреди.Јавниот обвинител до судијата на претходна постапка од Основниот суд во Кочани достави предлог за определување мерка притвор за осомничениот.

Македонија | пред 1 година

Во „Премин“ паднаа 15 цариници и еден полицаец: шест побарани притвори - барале поткупи, биле и пријавувани

​Под раководство на предметен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција, вчера во попладневните и вечерните часови се спроведе голема полициска акција под кодно име ПРЕМИН. Акцијата е резултат на повеќемесечна предистражна постапка што обвинителството во соработка со Одделот за сузбивање на организиран и сериозен криминал при МВР ја спроведуваше по доставена пријава од граѓанин против три лица. Во текот на акцијата беа извршени претреси на 26 локации во Струмичко-гевгелискиот регион и при тоа се лишени од слобода 14 царински службеници од Царинската управа на РСМ, еден пензиониран царински службеник и еден полициски службеник. Со оглед дека во текот на предистрагата беа спроведени посебни истражни мерки, при претресите беа пронајдени паричните средства што биле примени како поткуп, во вкупен износ од 50.000 евра.Предметниот јавен обвинител, постапувајќи по кривичната пријава поднесена од МВР против 15 лица, денеска донесе Наредба за спроведување на истражна постапка против 16 лица за кои постои основано сомневање дека сториле кривично дело Примање поткуп од чл.357 ст.1 од КЗ, додека за две лица пријавени за кривично дело Злоупотреба на службена положба и овластување од чл. 353 од КЗ ќе се спроведе скратена постапка. Од прибавените докази во текот на предистражната постапка, произлегува дека осомничените како вработени во Царинската управа на РСМ, а распоредени во Царинските испостави Ново Село и Дојран, во временскиот период започнувајќи од 21.03.2023 година, па сѐ до вчера - 15.10.2024 година, со умисла извршиле повеќе временски поврзани дејствија што претставуваат повеќекратно остварување на исто дело. Тие искористувајќи ист траен однос, исти прилики и слични околности, при вршење на царински прегледи на стоката што се увезувала во државата преку граничните премини, од превозниците на стоката директно барале и примале парични средства за себе во износи од по 20, 50, 70, 100 и 150 евра, за да не извршат службено дејствие што би морало да го извршат. Откако ќе го примеле поткупот, што потоа го делеле меѓу себе, осомничените не ја вршеле својата службена должност и не правеле пресметка и наплата на увозните давачки, согласно Законот за царинската управа, Уредбата за спроведување на царинскиот закон и Законот за царинската тарифа. Така, увезената стока ја пуштале во слободен промет, со намера за себе и превозниците да прибават имотна корист, а на штета на средствата на Буџетот на РСМ во висина од ненаплатените царински увозни давачки.Ценејќи дека се исполнети законските услови, предметниот јавен обвинител до судијата на претходна постапка при Основниот кривичен суд Скопје поднесе предлози за определување на мерка притвор спрема шестмина осомничени, додека за останатите десет осомничени лица предложи мерки на претпазливост – обврска за повремено јавување на определено службено лице, привремено да им бидат одземени патните исправи за преминување на државна граница и забрана за преземање на определени работни активности поврзани со кривичното дело.Согласно КЗ за кривичното дело Примање поткуп запретената казна е од четири до десет години затвор, додека за кривичното дело Злоупотреба на службената положба и овластување е предвидена казна затвор од шест месеци до три години.

Македонија | пред 1 година

(Видео) Русковска: Со Заев не сум правела пазар, но тој ми бараше полесна квалификација на делото за 27 април

Ни помалку ни повеќе не сум горда за предметот за 27 април од другите предмети, тврди разрешената шефица на ОЈО ГОКК, Вилма Русковска во „Претрес“ кај Ландов.„Професионално го сработев предметот. Не сум правела селекција. Захарие Симовски беше осуден“, рече Вилма Русковска.Ландов во емисијата ѝ покажа изјава дека Симовски носел оружје, признал во судница, но бил амнестиран.Негираше дека имала пазар со Заев. Не одговори конкретно колку пати се слушнала со Заев.„Заев ми бараше да биде полесно кривично дело за 27 април поради уставните измени”, вели Русковска, но тоа за неа не било влијание.

Македонија | пред 1 година

(ВО ЖИВО) Вилма Русковска за „Претрес“: Мислам дека СДСМ ме спакува со помош од ВМРО-ДПМНЕ

Екс шефицата на ОЈО ГОКК, разрешена од функцијата, Вилма Русковска, гостуваше во „Претрес“ кај Ландов.Таа е среќна што жива и здрава дочекала пензија.„Јас не сум верник и не верувам во колнење. Тие што колнат ги стигнува казна”, рече Русковска.Таа се уште се шета со обезбедување. Русковска посочи дека обвинителите се само странка во постапката. Судиите го имаат последниот збор.„Секогаш сум работела според докази.Совесно сум ја работела работата. Чиста ми е совеста”, вели Русковска.За изјавата пред 4 години дека и да сакаат не можат да ја сменат, вели „они не ме сменија, туку ме разрешија“.„СДСМ ме спакуваа со помош од ВМРО-ДПМНЕ”, рече Русковска, посочувајќи дека има адут да докаже за СДСМ. Според неа, сѐ почнало кога почнала да ги гони поранешните генерални секретари на Владата, Рашковски и Зекири.

Македонија | пред 1 година

(ВО ЖИВО) „Претрес“ на Вилма Русковска! 27 април, Рекет, Империја, Мијалков и Камчев, спогодби, бегства...

За првпат во студио ќе претресеме обвинителка, и тоа не било која, туку Вилма Русковска. За нејзиното име се врзуваат многу предмети, но и многу обвинувања. Многу очи се вперени кон нејзиното постапување, пред неславно да ја заврши кариерата – со разрешување.Од Рекет, 27 април, разговорот со Сашо Мијалков (неговите спогодба и бегство кое не е бегство), до обидот да го спакува директорот на Финансовата полиција Арафат Муареми, Меѓународен сојуз, претресите кои таа ги правела, но и спогодбите кои ги склучувала...Што и зема политиката и кој политичар и наштети, до ацкијата во Грчец и одговорот на прашањето: како на неа и протекоа информациите?! Како избега Груевски?! За протечените документи од Обвинителството, но и цели разговори во „Ла верита“.. Нема да заборавиме да ја прашаме и за Фехми Стафа, Орце Камчев, нејзиниот внук кој е обвинител, снимката на која се смее а зборува за истрага.. За империјата од „Империја“ со која се спогоди.Ова е само дел, следете „Претрес со Ландов“ во живо:

Македонија | пред 1 година

Три лица загинаа на патот Скопје-Велес: нова трагедија, се преврте комбе

На автопат Скопје-Велес, пред тунелот, се превртело комбе.До сега е констатирана смрт кај три лица, а пет се пренесени во болница за укажување помош.На лице место се упатени полициски екипи и јавен обвинител.

Македонија | пред 1 година