Два камиони се судриле денеска на превојот Стража, по што патниот правец Гостивар – Кичево е затворен во двата правци.[caption id="attachment_308346" align="alignnone" width="646"] Screenshot[/caption]Од Автомотосојузот на Македонија потврдија дека има застој. На превојот има километарска колона.[caption id="attachment_308347" align="alignnone" width="608"] Screenshot[/caption]Нема информации за повредени лица.
Скопје | пред 1 година
Змија си се прошета на скопскиот плоштад „Македонија“. Ова е вторпат за краток период, граѓаните да бидат сведоци на ваква слика.Кај Романска амбасада на ул. Рајко Жинзифов беа снимени мачка и глушец кои се бркаа.Убиен глушец беше снимен и пред една недела. Беше оставен мртов на мостот покрај кејот на Вардар, каде постојано има туристи.Дали се прави дезинсекција и од каде појавата на змии и глувци низ центарот на градот - не е познато. Она што е јасно е дека скопската градоначалничка Данела Арсовска нема одговорено на над 15 дописи со прашања од нашата редакција - меѓу кои, многу во кои прашуваме и за хигиената во Скопје. Дел од граѓаните имаат впечаток дека појавата на глувци и змии е резултат на нечистотијата која владее.
Скопје | пред 1 година
Основното јавно обвинителство Скопје поднесе Обвинителен акт против три лица кои ги товари за продолжено кривично дело – Проневера во службата според член 354 став 5 во врска со став 3 и став 1 од Кривичниот законик.Трите соизвршителки, во временскиот период од 01.12.2018 година до 05.08.2021 година, со умисла извршиле повеќе временски поврзани дејствија што претставуваат повеќекратно остварување на исто дело, искористувајќи ист траен однос и исти прилики. Тие заеднички, како одговорни лица вработени во Јавното сообраќајно претпријатие – Скопје, со намера да прибават за себе противправна имотна корист, присвоиле пари доверени во службата во вкупен износ од 23.133.245 денари, што претставува значителна имотна корист.Две од обвинетите, продавачки на билети на продажните места – билетарници „Зелен пазар“ и ГТЦ уплаќале помалку парични средства наплатени во готово, додека третата обвинета, самостоен референт-сметководител во Одделение за сметководство-Сектор за финансиско работење во ЈСП, иако знаела дека паричните средства не се уплатени и раздолжени, сметководствено вршела докнижувања, прекнижувања, исправки и други книговодствени дејствија без документација, за да може сметководствено да ги оправда и покрие неуплатените готови пари од дневниот пазар.Јавниот обвинител, со поднесување на обвинителниот акт, предложи и определување мерки на претпазливост – забрана за напуштање на живеалиштето, односно престојувалиштето, обврска на обвинетите да се јавуваат повремено на определено службено лице или кај надлежен државен орган, привремено одземање на патна или друга исправа за преминување на државната граница односно забрана за нејзино издавање.
Македонија | пред 1 година
Вработените во Јавното обвинителство на Македонија се уште немаат добиено плата за месец септември 2024 година.„Ја известуваме јавноста дека во Јавното обвинителство на Р.С. Македонија во континуитет од неколку месеци, платите се даваат со задоцнување и пробивање на законскиот рок кој е до секој 15 ти во месецот, поради што реагираме и појаснуваме дека:Работодавач во Јавното обвинителство на Р.С.М е Републичкиот јавен обвинител, но одобрението за добивање на плата го дава Министерството за финансии. Иако Јавното обвинителство има сопствен Буџет, кој треба да изнесува најмалку 0,4% од БДП, Министерството за финансии одобрува и префрла едвај 0,2% од БДП.Поради разликата помеѓу платите на јавните обвинители и јавнообвинителската служба која што е во сооднос 4:1, во 2023 година, се случи штрајкот на јавнообвинителската служба кој траеше 3 месеци. Во овој контекст појаснуваме дека платите за јавнообвинителските службеници се поделени на основна и исклучителна компонента. Во исклучителната компонента спаѓаат додатоците на плата за посебни услови за работа, доверливост и висок ризик и вкупната сума на додатоците може да достигне 35%, кои од 2016 година, наваму од кога е донесен законот за Јавнообвинителска служба, скоро никогаш не се исплаќаа“, се наведува во писмото до јавноста од Синдикалната организација на јавните обвинителства при Синдикатот на УПОЗ.„По доаѓањето на новата власт за јавнообвинителските службеници се исплаќаат додатоците на плата во износ од 20%. Исплатата на платите за сите вработени, јавните обвинители и службата не оди без проблеми, односно според информациите со кои ние располагаме тешко се добива одобрувањето од Министерство за финансии за пренамена на средствата за да може да се земат додатоците на плата, што прави да се одолговлекува исплатата на платата. Ние сме свесни за целосно руинираниот буџетот на државата, но ние не бараме повеќе од она што ни следува по закон.Сакаме да ја запознаеме јавноста дека функционерите (обвинителите) и службениците воопшто не се исти. Службениците во обвинителствата ги извршуваат своите работни задачи, чесно, ефективно и ефикасно иако еден службеник извршува работни задачи за тројца или четворица, поради недостатокот на вработени. Ние како јавнообвинителски службеници не се мешаме во политиките на владата, само бараме да се цени трудот на оние кои што си ја вршат работата ревносно и професионално и да не се дозволи да трпат сите оние кои што за ништо не се виновни ниту за довербата, ниту пак за функционирањето на обвинителството.Просечната плата на вработените во јавнообвинителските службеници е 28.000,00 денари.Исплатите на плата по месеци од моментот на одржувањето на штрајкот и неговото ставање во мирување е следниот:Претходно исплатата на додатоците е 0%10 месец 2023 година - 10 % исплатена на 07.11.2023 година;во 11 месец - 20%, исплатена 14.12.2023 година;во 12 месец - 15 %, исплатена 05.01.2023 година;во први месец 2024 година - 15% исплатена 07.02.2023 година;во предизборниот период додатоците не се исплаќаа;во месец 2,3,4 и 5 месец. 2024 година -0% додатоци;во 6 месец 2024 - 20% исплатена на 16.07.2024 година;во 7 месец 2024 година – 20% исплатена на 08.08.2024 година;во 8 месец 2024 година -20% исплатена на 18.09.2024 година по донесување на ребалансот на буџетот; а за 9 месец 2024 година платата сеуште не е исплатена“, се додава во писмото.
Македонија | пред 1 година
Претседателот на Социјалдемократскиот сојуз на Македонија и пратеник, Венко Филипче и пратеничката група на СДСМ, денеска во Собранието на Република Северна Македонија, предложија измени и дополнувања на Законот за минимална плата. На прес-конференцијата, Филипче порача дека ваквиот предлог е поради моменталната голема економска несигурност и погрешните економски политики на актуелната власт.„Со измените, предвидуваме минималната плата да се покачи на 27.700 денари, што претставува пораст од 12,3%. Со ова, не само што ќе обезбедиме финансиска стабилност на работниците, туку и ќе влијаеме на порастот на просечната плата, што ќе има позитивен ефект врз секое семејство во државата. Методологијата за усогласување на минималната плата со порастот на трошоците за живот и просечната плата останува и понатаму како дел од овој закон, со тоа ќе обезбедиме сигурен и постојан раст на приходите на граѓаните во иднина“, рече Филипче.На прес-конференцијата, Филипче посочи дека Владата на ВМРО ДПМНЕ не исполни ниту едно ветување во однос на раст на платите. Пред изборите ветуваа дека ќе ја зголемат минималната плата, но реалноста е поинаква не само што нема најава за тоа, туку ситуацијата се влошува.„Потрошувачката кошничка во септември 2024 година достигна 61.306 денари, цените на основните прехранбени производи растат, а куповната моќ на граѓаните значително е намалена. Само за потсетување, Владата предводена од СДСМ во период од седум години, креираше политики за постојан раст на платите и работеше за значително да се подобри животниот стандард на работниците. Во 2016 година, просечната месечна нето-плата изнесуваше 22.460 денари, додека во мај 2024 година достигна 41.252 денари. Ова е резултат на посветените политики кои имаа за цел да го подобрат животот на секој граѓанин, особено на работниците“, рече Филипче.При тоа, Филипче потсети дека во времето на Владата на СДСМ, минималната плата беше приоритет и се зголеми од 8.000 денари на сегашните 22.567 денари.„Оваа плата не само што го зголеми стандардот на работниците, туку влијаеше и на порастот на просечната плата во целата земја. Работниците во Македонија заслужуваат плати кои се во согласност со европските стандарди, а ние како одговорна партија тоа и го исполнивме“, порача Филипче.
Македонија | пред 1 година
Денеска во клубот на ПЦЕР на улицата Иво Лола Рибар бр. 152 во Тетово фрлена е експлозивна направа.Сите прозори се искршени, а причинета е значителна штета, соопшти Самка Ибраимовски, претседател на Партијата за Целосна еманципација на Ромите од Република Северна Македонија – ПЦЕР.„Најостро го осудуваме овој чин на нетолеранција и непочит кон нас и кон Ромите од овој град и од целата држава. Ги повикуваме надлежните институции од Република Северна Македонија да го истражат случајот и навремено да постапат“, вели Ибраимовски.
Македонија | пред 1 година
Турскиот муслимански проповедник Фетула Ѓулен, за кого Анкара тврди дека стои зад неуспешниот пуч во 2016 година, починал во Пенсилванија, САД, каде што живееше, објавија турските медиуми и веб-страницата поврзана со Ѓулен. Имаше 83 години.Изградил силно исламско движење во Турција и пошироко, но последните години од својот живот ги помина соочувајќи се со обвинувања дека организирал обид за државен удар против турскиот лидер Реџеп Таип Ердоган. Ѓулен негираше.Веб-страницата Херкулес, која ги објавува проповедите на Ѓулен, на својот Х профил објави дека Ѓулен починал во неделата вечерта во болницата каде што бил на лекување.Ѓулен некогаш беше сојузник на Ердоган, но нивните односи драматично се влошија, а Ердоган го обвини дека е одговорен за обидот за пуч во 2016 година, во кој бунтовничките војници запленија воени авиони, тенкови и хеликоптери. Во обидот за државен удар загинаа околу 250 луѓе.Ѓулен живееше во самонаметнат егзил во САД од 1999 година.Смртта на Ѓулен треба да отстрани една од главните точки на спор меѓу Турција и САД. Ердоган побара од САД да го екстрадираат Ѓулен, но во последните години тие барања стивнаа. Со смртта на Ѓулен, прашањето за неговата екстрадиција повеќе нема да биде проблем во односите меѓу САД и Турција.
Свет | пред 1 година
„Партиски назначениот директор на АНБ, Бојан Христовски во интервју за емисијата КОД потврди дека нема соодветен безбедносен сертификат. Христовски нема сетрификат „Државна тајна“ и поднел барање за ваков сертификат дури откако по партиска диркетива беше назначен за директор на АНБ“, вели СДСМ.„АНБ како безбедносна служба располага со многу класифицирани информации од највисок степен до кои актуелниит директор нема право да има увид се додека не го добие сертификатот.Ова ги потврдува сите сомнежи дали Христовски воопшто ги исполнува законските услови да биде на волку висока позиција.Останува отворено прашањето дали Христовски има виситински документ за познавање на Англиски јазик затоа што приложил Уверение од училиште во Пловдив – Бугарија, а во Пловдив воопшто нема TОEFL центар за тестирање.Понатаму, отворено е и прашањето дали Христовски воопшто има 5 години стаж на раководни позиции сигласно законските услови?Во неговата објавена биографија недостасуваат прецизни датуми за неговото раководно искуство во УБК во периодот од 2012 до 2017 година.ВМРО-ДПМНЕ брутално ги партизира институциите а со назначувањето на директор на АНБ води кон целосно уништување на безбедносните структури.СДСМ бара повлекување на Христовски и назначување нов директор на АНБ со почитување на сите прописи и законски норми“, соопшти СДСМ.
Македонија | пред 1 година
Кралот Чарлс се соочи со скандирањата „ти не си мој крал“ од жена сенатор веднаш откако го заврши својот говор во австралискиот парламент. Лидија Торп викаше и ја прекина церемонијата во главниот град Канбера околу една минута пред да биде испратена од обезбедувањето.Кралот само што се оддалечи од говорницата за да и се придружи на кралицата Камила, кога Торп почна да вика додека одеше напред од задниот дел на собранието. Откако упати обвинувања за геноцид, таа можеше да се слушне како вика: „Ова не е твоја земја, ти не си мој крал!“По смирувањето на ситуацијата, кралската двојка ги поздрави граѓаните собрани околу парламентот. Се собраа и помал број демонстранти.
Свет | пред 1 година
Српската поп-дива и една од најпопуларните пејачки на Балканот, Јелена Карлеуша, вчера имаше концерт во Скопје. Таа направи шоу во салата „Јане Сандански“, каде ги отпеа последните хитови од нејзиниот албум „Алфа и омега“.Во исто време со нејзиниот настап, концерт имаше поп-дивата Калиопи, пред преполна сала „Борис Трајковски“.
Магазин | пред 1 година
Разрешената обвинителка Вилма Русковска беше гостина во поткастот „Претрес со Ландов“, каде се разговараше за многу постапувања од нејзина страна во текот на кариерата. Меѓу другото за „27 април“ и за „Рекет“. Нејзе и беа покажани пораките кои Бојан Јовановски-Боки 13 и јавно ги објави, на што таа кажа: Да, сум имала комуникација.Во пораките имаше нарачки на камери, покани за ручеци во Белград, приватни комуникации. Вилма Русковска ги искоментира.?t=4455
Македонија | пред 1 година
Денеска (20.10.) во 02.15 часот во Скопје, на подрачјето на Карпош, полициски службеници од Единицата за недозволена трговија при СВР Скопје го лишиле од слобода Е.Б.(27) од Гостивар затоа што кај него биле пронајдени и одземени марихуана и дробилка со остатоци од марихуана. По целосно документирање на случајот ќе следува соодветен поднесок.Денеска (20.10.) во 02.30 часот во Градскиот парк во Скопје, во угостителски објект на подрачјето на Карпош, полициски службеници од Единицата за недозволена трговија при СВР Скопје го лишиле од слобода М.П.(21) од Скопје затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.Денеска (20.10.) во 03.25 часот во Скопје, во угостителски објект на подрачјето на Карпош, полициски службеници од Единицата за недозволена трговија при СВР Скопје го лишиле од слобода М.А.(24) од Тетово затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.Денеска (20.10.) во 03.40 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода Н.Р.(29) од Скопје затоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.На 19.10.2024 година во 12.20 часот во Скопје, на подрачјето на Шуто Оризари, полициски службеници од Единицата за интервентна полиција при СВР Скопје го лишиле од слобода Т.К.(23) од Куманово, со престој во Скопје, затоа што кај него билa пронајденa и одземенa кафеава грутчеста материја. По целосно документирање на случајот ќе следува соодветен поднесок.На 19.10.2024 година во 15.40 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода К.Ѓ.(25) од Скопје затоа што кај него билa пронајденa и одземенa марихуана. По целосно документирање на случајот ќе следува соодветен поднесок.На 19.10.2024 година во 22.30 часот во Скопје, на подрачјето на Гази Баба, полициски службеници од Единицата за недозволена трговија при СВР Скопје го лишиле од слобода Д.В.(44) од Скопје затоа што при извршен преглед над него и во патничкото возило марка „Опел“ со скопски регистарски ознаки, кое тој го управувал, билa пронајденa и одземенa марихуана. По целосно документирање на случајот ќе следува соодветен поднесок.На 19.10.2024 година во 23.20 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода М.С.(22) од село Инџиково, скопско, затоа што кај него билa пронајденa и одземенa марихуана. По целосно документирање на случајот ќе следува соодветен поднесок.На 19.10.2024 година во 21.45 часот во Скопје, полициски службеници од Полициската станица Бит Пазар го привеле Е.Х.(37) од Скопје затоа што кај него бил пронајден и одземен нож. По целосно документирање на случајот ќе следува соодветен поднесок.
Скопје | пред 1 година
Се бара одговорност за хаосот во Зоолошката градина. Реакции има од граѓаните, но и од политичките партии и здруженијата за заштита на животните. Утрово се огласија од ЛДП каде бараат одговорнсот за случувањата во неа.„Градската организација на ЛДП бара итно пломбирање на Зоолошката градина Скопје и преземање одговорност од надлежните лица за случувањата во неа. Целосна истрага и транспарентност се неопходни за да се осигура дека ризици по здравјето на луѓето и животните нема повеќе да се повторат. За хаосот кој владее треба да се има и чин на морална одговорност - оставка на градоначалничката на Скопје која законски има можност да ги поставува по сопствена одлука директорите на градските институции вклучително и на ЗОО која е подолго време оставена сама на себе. Градската организација на ЛДП изразува длабока загриженост за вчерашната вест за птичји грип, како и за низа настани и скандали кои ја следат скопската Зоолошка градина. Здравјето на посетителите децата и вработените е сериозно загрозено поради сомнеж за појава на птичји грип, дојде до итна евакуација на истите, но не смее да се заборават и животните кои секојдневно полека умираат во тоа мачилиште. Веќе неколку пати алармираме за проблемите со управување на Зоолошката градина, но инцидентите продолжуваат – од смртта на жирафите, тигрицата, слоницата, лавот до актуелниот ризик од зарази како птичји грип. Одговорност мора да има“, велат од ЛДП.Птичји грип не се превенира со кршење вратови, фрлање живи во канта и стрелање со пушки, велат од Анима мунди, кои исто така повикуваат на одговорност.„Иако во Македонија не е забележан ниту еден случај на птичји грип кај домашната живина и вирусот на птичји грип е речиси без никаква опасност по здравјето на луѓето, за само еден ден направен е масакар врз птици во Зоо Скопје. Поточно, што е видливо и на овие грозоморни видеа, најсурово – со пушки, кршење вратови, фрлање живи во канти за ѓубре - се ликвидирани 24 патки, 6 гуски, 5 кокошки и една чавка, која била присутна на локацијата. Прашуваме кој извршил тестирање и докажал присуство на птричји грип и кој се шансите да не се во право? Кои се шансите во ЗОО Скопје, каде не е извршен увоз на ниту една птица периодов; да се пријави птичји грип, а никаде во државава да го нема?Прашуваме, дали птичји грип фаќаат само небитни живи битија, небитни животи кои немаат економска вредност - гуски, патки, чавки, кокошки - или фаќаат и орли, мршојади, ара папагали , птици кои се заштитени со закон, ретки видови птици пред истребување? Како тоагаш тие во ова лудило спасиле жива глава, или е во прашање страв од јавноста, домашна и странска која како никогаш до сега е во шок и ова најостро го осудува! Не само тоа, страв од сериозна правна, кривична одговорност во случај кога вака би ликвидирале со закон заштитени птици! Бараме ова лудило да запре, бараме комплетна транспарентност, документи на увид, имиња и презимиња/ евиденција за тоа кој констатирал и докажал птичји грип и најстрога одговорност доколку се докаже дека не се во право“, велат од Анима мунди.Реакции има и од граѓани.„Видео материјалот кој прикажува брутално постапување кон животните, како во овој случај со птиците во зоолошката градина, би можело да се смета за кршење на законот за заштита и благосостојба на животните... Според овој закон, е забрането непотребно малтретирање, мачење и нанесување болка на животните. Исто така, законодавецот стипулирал од истиот закон, дека секое убивање на животно мора да се спроведува хумано и со минимално страдање... Понатаму, Кривичниот законик, каде што се регулира „Малтретирање на животните.“ Државниот инспекторат за животна средина, да си ги проверат протоколите дали при отстранување на животни под сомнеж на птичји грип се почитувале законските пропишаните протоколи за хумано отстранување“, пишува Мартин Тасевски.
Македонија | пред 1 година
Македонската поп-дива Калиопи ја преполни салата „Борис Трајковски“ на спектаклот со кој прослави 40 години на сцената. Од најстарите хитови до најновите песни се најдоа на репертоарот вчеравечер. Присутните ги пееја „Обои ме“, „Најммила“ - со кои многу генерации израснаа.Специјални гости беа Марко Мариковиќ-Слаткар кој има дует со Калиопи, а ја отпеа и неговата „Да полетам“.Огрганизатор на концертот беше Прагма продукција.
Магазин | пред 1 година
Ексдиректорот на Зоолошка градина-Скопје, Ѓорги Галетановски тврди дека бактерија „птичиј грип“ е најдена во оваа установа и дека таа е затворена за посетителите.„Смртоносна бактерија „птичји грип“ е најдена во Зоолошка градина Скопје. Во моментов Зоолошка е затворена посетителите евакуирни инспектори се веќе влезени.Ги замолувам посетителите и колегите сите што ја посетиле деновиве да се проверат“, објави Галетановски.„Скопје1“ побара став од директорот на ЗОО, Зоран Попов околу ова тврдење, засега, нема одговор.
Скопје | пред 1 година
Агенцијата за храна и ветеринарство од утрово е во скопската Зоолошка градина. Од таму се земаат примероци за испитување, со цел, проверка дали има присуство на птичиј грип.Инспекторите ја испразниле зоолошката, со цел да се извршат сите проверки, па да се потврдат или негираат сомнежите за ова заболување кое се пренесува на луѓето.„Скопје1“ побара став од директорот на ЗОО, Зоран Попов, кој не одговара на пораката. До овој момент, нема информација ниту од Град Скопје, под чии ингеренции е Зоолошката градина.Исконтактиравме и со Оливер Миланов, директор на АХВ, кој е на лице место, но во моментот не ни одговори на позивите.
Македонија | пред 1 година
„Повторно се потврдува секташката политика на Владата на Христијан Мицкоски“, велат од ЗОО-Скопје и додаваат:„Имено, од изутринава без налог, решение или било каков друг доказ инспектори на АХВ придружувани од лица со оружје упаднаа во ЗОО Скопје и извршија масакр врз птиците. Без образложение, овие лица по наредба надиркторот на АХВ, а без доказ до овој момент убија неколку десетици птици кои слободно се шетаа во зоолошката градина.Станува збор за украсни видови на шатки и гуски кои живеат во градскиот парк, а имаат природен пристап во зоолошката градина од градскиот парк.Целта на оваа секташка политика е да се предизвика нов измислен проблем, и да се обезбеди алиби за затварање на ЗОО Скопје со цел наштетување на угледот. За оваа дело ЗОО Скопје ќе поднесат кривични пријави против директорот на АХВ како и до инспекторите и лицата кои со оружје упаднаа во ЗОО Скопје”.
Скопје | пред 1 година
Основното јавно обвинителство Гостивар поведе постапка против 44-годишник за кого постои основано сомнение дека сторил кривично дело – Напад врз службено лице при вршење работи на безбедноста предвидено во член 383 од Кривичниот законик.На 18 октомври осомничениот, најпрво вербално со навреди и пцовки, а потоа и физички нападнал полициски службеник, барајќи објаснување зошто на неговиот син му бил издаден прекршочен платен налог за погрешно паркирање. По интервенција и на други полициски службеници, осомничениот бил совладан и приведен. Случајни минувачи го снимиле целиот настан, а снимката била објавена и на социјални мрежи.Јавниот обвинител до судијата на претходна постапка од Основниот суд во Гостивар достави предлог за определување мерка притвор за осомничениот.
Македонија | пред 1 година
Викендов времето во Македонија ќе биде променливо облачно и релативно свежо со сончеви периоди, а ќе дува и слаб до умерен ветер од југоисточен правец, и истиот, особено до крајот на денешниот ден и Долж Повардарието повремено ќе засилува на интензитет.Ќе има услови и за слаб локален дожд, особено во западните предели.Во Скопје и околината викендов ќе имаме слично време, променливо облачно со сончеви периоди и со слаб до умерен, а до крајот на денешниот ден повремено засилен ветер од југоисточен правец.Што се однесува до температурите, тие ќе се искачуваат во интервалот од 14 до 20 степени. Во Скопје максималната температура викендов ќе се искачува во интервалот помеѓу 18 и 19 степени.
Македонија | пред 1 година
Секој што е политичар треба да има само македонско државјанство. Ова е ставот на професорката Мирјана Најчевска откако бугарската потпретседателка, Илијана Јотова, зборуваше дека ги видела документите на министерката за енергетика, рударство и минерални суровини, Сања Божиновска во кои таа изјавува дека има бугарска самосвест и потекло„Според мене ниту еден политичар и функционер во власта не смее да има двојно државјанство. Воопшто не е важно дали е тоа бугарско или некое друго. Едноставно тоа е дел од принципот на забрана на конфликт на интереси“, вели Најчевска.Претходно, низ медиумите циркулираа низа други имиња кои имаат двојно државјанство, а се дел од политичката сцена.
Македонија | пред 1 година
Министерот за локална самоуправа Златко Перински во интервју за МИА, коментирајќи ги најавите на четирите општини Тетово, Гостивар, Желино и Чаир дека ќе го финансираат работењето на здружението Албанска академија на науките и уметностите, вели дека законска можност за такво нешто нема.Според Перински, посоодветно е локалните самоуправи да работат на зголемување на квалитетот на живот на граѓаните, а не да одвојуваат средства за нешто коешто едноставно нема да има функција во годините што следат.- Во суштина тоа е строго опишано во Законот за локална смаоуправа во членот 11 кој вели дека приходите на локалните самоуправи треба да се трошат исклучиво за надлежностите кои се утврдени согласно Законот што во превод значи дека Законот сака да каже дека сите средства што општината ги колектира по било кој основ, ги распределува преку усвојување на одлуки и буџети на седница на Совет и треба да бидат исклучиво насочени за спроведување и реализација на основните законски надлежности на самата локална самоуправа. Во тие надлежности, Албанска академија на науките и уметностите не стои. Општината има можност да финансира здруженија и невладини организации, но и тие здруженија и невладини организации треба на некој начин да ги спроведуваат основните надлежности за кои таа локална самоуправа постои што значи дека ако точно се чита законот, законска можност за вакво нешто нема, истакнува Перински.Градоначалниците на коалицијата Вреди заедно со претседателите на општинските совети и академици денеска во Тетово одржаа работна средба на тема годишно финансирање на проекти од суштинско значење за унапредување на интелектуалната и научната мисла на Албанците.Поводот за денешната средба, како што е наведено во партиското соопштение, е динамизирање на реализацијата на научниот проект на Коалицијата Вреди за формирање на Албанската академија на науките и уметностите.„Неопходноста за создавање на Албанската академија е инертноста на МАНУ за реформи кои треба да ја одразуваат фактичката состојба, а не се случуваат веќе 57 години. Овој исклучиво научен проект на Вреди нема за цел да предизвикува етнички тензии ниту паралелизам во државната образовна номенклатура, туку да изградиме уште една научна установа која ќе ја обедини автентичната албанска мисла во заеднички и рамномерен општествен развој. Овој проект ја рефлектира нашата визија за зајакнување на националниот идентитет на Албанците во најстратешките области – науката и уметноста. Академијата, со седиште во Тетово, ќе создаде нови можности за албанските истражувачи и уметници да придонесуваат со квалитетни истражувања и да го зачуваат нашето културно наследство. Убедени сме дека оваа иницијатива ќе биде поттик за квалитетно образование и развој на една силна интелектуална заедница“, се вели во соопштението.
Македонија | пред 1 година
Констатирани се пропусти во лекувањето на 14-месечната Руа Сулиси, сооптија од Клиниката за детски болести.„Врз основа на Извештазот на Комисијата за стручен надзор формирана од Министерството за здравство на РСМ во врска со случајот на починатото 14 месечно дете Руа Сулиси, каде се констатирани елементи на лекарски пропуст, согласно член 187 од 333 и чл.30 од Статутот на J3 Универзитетска клиника за детски болести-Скопіе, в.д директорот на J3 У Универзитетска клиника за детски болести на ден 18.10.2024 год. донесе одлука за формиране Комисија за водење на дисциплинска постапка и поднесе пријава за утврдуванье на дисциплинска одговорност за сторен дисциплински престап на здравствените работници- двајца доктори специјалисти кои биле дежурни и извршиле преглед на малото дете на ден 03.10.2024 год“, велат од Клиниката и додаваат:Истовремено директорот на Универзитетската Клиника за детски болести- Скопје донесе Решение за времено отстрануваье на двадцата здравствените работници- доктори специјалисти од здравствената установа, за кои се води дисциплинска постапка, согласно член 192 став 2 од Законот за здравствена заштита, до донесување на конечно решение во дисциплинската постапка“.
Македонија | пред 1 година
„Лекарска комора, на 16.10.2024 година, во попладневните часови од Министерството за здравство го доби „Извештајот од извршен надзор над стручната работа на Универзитетската клиника за детски болести, Скопје и ЈЗУ Универзитетска клиника за респираторни заболувања кај децата - Козле, Скопје“, подготвен од страна на Комисија за стручен надзор формирана од Министерот за здравство, а во врска со лекувањето и третманот на починатото дете Р.С.“, велат од Лекарската комора.„Комисијата за етички и правни прашања при Лекарска комора, утредента, на 17.10.2024 г. одржа седница на која го разгледа овој извештај и во однос на наодите Комората го дава следното мислење:Комисијата за етички и правни прашања нема законски ингеренции да ја преиспитува работата на Комисијата за стручен надзор формирана од страна на Министерството за здравство, ниту самоиницијативно да утврдува мерки, особено затоа што не располага со медицинската документација врз основа на која извештајот е изготвен.Најголем дел од пропустите нотирани во извештајот се системски пропусти во овие здравствени установи, за кои Комората нема директна надлежност, но изразува голема загриженост, затоа што сериозно го засегаат работењето на здравствените установи и квалитетот на здравствените услуги. Веруваме дека здравствените установи, како надлежни за овој сегмент од извештајот, во соработка со Министерот за здравство, во зададените рокови ќе ги отстранат пропустите.Во однос на стручните пропусти во третманот нотирани во извештајот, Лекарска комора може да постапува само во рамки на законски утврдена постапка согласно Законот за здравствена заштита, односно само врз основ на решение изготвено од страна на Министерот за здравство. Во конкретниот случај вакво решение досега не е доставено до Комората, а Комората нема законска можност самоиницијативно да пристапи кон утврдување на индивидуална одговорност и да предлага мерки само врз основа на доставениот извештај.Лекарска комора ќе постапи веднаш, согласно своите надлежности и ингеренции, штом добие Решение од министерот за здравство со кое точно ќе се прецизира индивидуалната одговорност и ќе се предложат конкретни мерки согласно законските прописи. Целосно ја разбираме потребата на јавноста за побрзо лоцирање и утврдување на одговорност, но постапувањето надвор од законските прописи и ингеренции носи ризик одлуките да бидат обжалени и прогласени за ништовни“, соопшти Лекарската комора.
Македонија | пред 1 година
Потпретседателката на Бугарија, Илијана Јотова тврди дека лично ги видела документите на министерката за енергетика, рударство и минерални суровини, Сања Божиновска во кои таа изјавува дека има бугарска самосвест и потекло, објави БТА.„Јас лично ги видов нејзините документи и декларација, лично потпишана од неа, во која таа наведува дека има бугарскa самосвест и потекло“, рече Јотова.„Ние Бугарите сакаме Република Северна Македонија, чие самоопределување како земја први го направивме во цела Европа, да напредува посигурно во нејзината европска интеграција. Ова е можно само кога се почитуваат меѓународните ветувања и јазикот на омразата е напуштена“, додаде таа.
Македонија | пред 1 година
Сведокот Дејан Димовски, кој во тоа време работел како началник на единица за насилен криминал во СВР Скопје на прашањето зошто таткото на Вања, Александар бил сомнителен, рече дека тогаш сите им биле сомнителни и го анализирале и движењето на Александар.Една индиција, посочи Димовски, била кога виделе дека тој со неговото возило возел кон Качанички пат. Кога го прашале зошто оди по тој пат, рекол дека мисли дека е изнесена надвор од државата и тоа бил најкраткиот пат до граница.– Тој да не кажам како да ги предвидуваше работите, изјави сведокот.Друга индиција, рече сведокот, е што најдовме една порака во телефонот на Зорица, од скриншот на Александар со Вања, каде и вели да биде топло облечена утре.– Во разговор со Зорица и рекол дека ако е киднапирана не е проблем за пари дека ќе најдат од некој Хари, само колку пари треба да кажат. Друг индикатор е дека Александар ја згрешил групата и во групата на родители пратил порака што потоа ја избришал. Од сведочења на родители во групата, пишувало „Кажете само колку пари треба“, изјави сведокот.За денешното рочиште се повикани уште четворица сведоци, предложени од Обвинителството.Обвинетите Љупчо Палевски, Боре Видевски, Велибор Манев и Влатко Кешишев, како и таткото на девојчето, Александар Ѓорчевски на првото рочиште се произнесоа дека не се чувствуваат за виновни.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
