ТОП

Сведоштво од Карпош: Млада девојка која шеташе милениче ја нападна глутница кучиња, ја соборија на земја!

Жителка на Карпош, во понеделникот објави сведоштво, каде според неа, млада девојка била нападната го глутница кучиња. Ова доаѓа во период кога скопјани посочуваат дека постојано се сведоци на чопор кучиња, а на социјалните мрежи има и куп снимки.„Добро вечер, утринава бев сведок на многу непријатен, страшен настан, на улица Вич, во Карпош 4, веднаш до градинката, млада девојка додека си го шеташе миленичето ја нападнаа глутница кучиња. Девојката се обидуваше да се одбрани, но беа премногу кучиња околу неа, успеаа да ја соборат на земја, за среќа на помош и притрча маж и успеа да и помогне. Бидете внимателни кога излегувате со вашите миленичиња, а и кога се движите низ населбата. Премногу улични кучиња има =во школскиот двор на училиштето Петар Поп Арсов, спроти градинката, во паркот кај Трите убавици, (улица Вич број 24, 26 и 28) секоја вечер има глутници од најмалку десетина кучиња. Живеам на повисок кат и не успевам добро да ги снимам глутниците кои секоја вечер се во паркот, има и спроти Тинексот на Парапунов... Се јавив во Лајка, ми рекоа прати маил, тоа и ќе го направам, но не ми дадоа голема надеж дека нешто ќе се промени, направи....“, пишува во сведоштвото.На ова, жителката посочи и: „Мажот кој и помогна на девојката не живее во населбата, туку работи тука, на реновирање на некој од становите во низот. Носеше униформа и вадеше алати од службено возило. Ве молам не ширете дезинформации, и не го користетет постов да си израмните сметки со некој. Девојката ја нападна глутница кучиња, не едно и немаше никој околу неа, се додека човекот не се стрча да и помогне“.Дел од граѓаните одговорност не лоцираат во ЈП Лајка задолжена за третирање на бездомните кучиња, туку во неодговорните сопственици.„Кога ќе престанат сопствениците да си ги испуштаат кучињата кога ќе им здосадат, кога ќе има казни за неодговорно сопствеништво и тоа по 500 евра најмалку за нечипирано куче, кога ќе се воведе задолжителна стерилизација на сите миленици барем додека не се реши проблемот, ни Лајка ни Анима никој не може да помогне. 20 се ловат, истиот ден 15 нови се пуштаат. Да не зборувам за цели исфрлени легла“, пишува друга жителка.Поплаки и од Карпош 3.„Кога ќе престанат сопствениците да си ги испуштаат кучињата кога ќе им здосадат, кога ќе има казни за неодговорно сопствеништво и тоа по 500 евра најмалку за нечипирано куче, кога ќе се воведе задолжителна стерилизација на сите миленици барем додека не се реши проблемот, ни Лајка ни Анима никој не може да помогне. 20 се ловат, истиот ден 15 нови се пуштаат. Да не зборувам за цели исфрлени легла“, пишува жителка на оваа населба.Аеродром навечер. Незгрижените улични кучиња се надлежност на ЈП Лајка, кое е под Град Скопје. Тие пак според програмата ги третираат и враќаат на улица. Кучињата се групираат, а граѓаните реагираат дека тоа им предизвикува страв да се движат слободно по улица. Други пак, на социјалните мрежи ги бранат кучињата што лаат и трчаат по луѓе велејќи: „Бранат територија“. Сепак, проблемот - останува.Првотимецот на ракометниот клуб Вардар Вуко Борозан е искасан од куќиња и има 15-тина конци по рацете, нозете и телото и е неизвесен за утрешниот дуел на скопскиот клуб со Порто во Европската лига, изнформираше денеска тренерот на Вардар, Владо Недановски.-Не знам што се случува во градот. Нападнат е од кучиња скитници кои го имаат искасано. Си ги бранел децата на прошетка, рече Недановски за (не)спортската повреда на црногорскиот ас.

Скопје | пред 1 година

(Видео) Мрдна истрагата за младиот ди-џеј Љупчо, но уште нема обдукциски наод: додека семејството го исплакува, и натаму не знаат како почина

Сведоците од забавата во Радишани кои виделе што се случило со младиот ди-џеј Љупчо Лешко, кој почина на приватна забава – повикувани се во МВР да дадат исказ, дознава „Скопје1“. Според нашите информации, по поткастот „Претрес“ каде родителите јавно сведочеа дека никој не презема ништо за да се утврди како го загубија нивниот син – истрагата мдрнала од мртва точка. Обвинителството за кое семејството кажа дека цело време било заангажирано да се утврди како Љупчо починал, сега испратило и ургенции.Семејството Лешко веќе сподели со јавноста преку „Претрес“ дека и други деца се пожалиле дека на изнајмениот имот каде била забавата, ги пецкало струја. Едно од децата посочило и дека струја здрмало и кога ја допрела миксетата на која работел сега починатиот Љупчо.Лешко бараат да се утврди точната причина за смртта, бидејќи од Судска медицина трети месец немаат извештај, а тие имаат живо дете на хартија, додека секојдневно му одат на гроб. Сметаат дека одговорност треба да се понесе ако истата се утврди, но дека би прифатиле и ако истрагата не утврди вина кај никого.Потресното сведоштво погледнете го тука:?t=4877

Македонија | пред 1 година

Сиљановска помилува и осомничен за пукањето во Чаир од пред една недела

Претседателката Гордана Сиљановска-Давкова помилувала осуденик кој пред девет дена учествуваше во пукање во Чаир, дознава „Скопје1“. Според нашите информации, Акиф Равманоски од Арачиново на кого со потпис на Сиљановска-Давкова му се укина затворот и му се одреди условна осуда, бил дел од групата која пукала.Ако се гледа хронолошки, пукањето во Чаир се случи на 15 октомври, а Сиљановска го потпишала помилувањето на 21 октомври. Тоа значи дека претседателката го ослободила Равмановски седум дена по вооружениот инцидент.Рамадановски учествуваше во пукањето, додека се уште издржуваше затворска казна во „Идризово“ (за која е помилуван). Во моментот на пукањето, тој бил излезен од затворот бидејќи користел погодност - работен ангажман. Но наместо на работа, полицијата го лоцирала на местото каде се пукало. Равмановски по пукањето се врати во „Идризово“, од каде со полиција беше однесен во станица.Како што и претходно објавивме, меѓу останатите помилувани се Владимир Талески, ексградоначалник на Битола, кому Сиљановска му скрати една година од затворот, а е осуден во предметот „Транспортер“. Делумно помилување доби и Марјан Ефремов, на кого му се скратени три месеци, а првообвинет во предметот „Шпион“.Акиф Равмановски, јавноста го опишува како член на наркокланот „Барон“, а Шенол Маслани кој исто така е помилуван е брат на познатиот Шенки, кој во јавноста стана познат по опседнатоста со модниот бренд „Версаче“.Во согласност со Законот за помилување, постапката за евентуално помилување на осудени лица од страна на претседателот започнува со поднесување молба за помилување до судот којшто ја донел првостепената судска одлука.Молбата, заедно со потребната документација, судот ја доставува до Министерството за правда.Според законски утврдената постапка, министерот за правда ги разгледува молбата и останатите документи, и дава свој предлог којшто го доставува до претседателот на Република Македонија.Комисијата за помилување на претседателот на Република Македонија, како постојано работно тело во служба на претседателот, на редовни седници поединечно ја разгледува секоја пристигната молба за помилување заедно со предлогот на министерот за правда.Комисијата, со мнозинство гласови од присутните членови, утврдува мислење односно предлог којшто го доставува до претседателот на Република Македонија.Врз основа на мислењето на Комисијата, како и врз основа на предлогот на министерот за правда, претседателот на Република Северна Македонија донесува конечна одлука.Одлуките на претседателот се јавни и се објавуваат во „Службен весник на Република Македонија“.

Македонија | пред 1 година

За пукањето во Арачиново: го повикале да излезе пред врата, па пукале во него

На 22.10.2024 во 20.50 часот во СВР Скопје од Комплексот клиники „Мајка Тереза“ било пријавено дека кај нив бил донесен Ќ.Д.(42) од с.Арачиново-скопско со повреди од огнено оружје во пределот на десната нога.Од страна на полициски службеници излезено било на местото на настанот и констатирано било дека околу 20.00 часот Ќ.Д. од едно лице бил повикан да излезе пред вратата од неговата куќа, по што лицето пукало кон него.На местото на настанот биле пронајдени две чаури од огнено оружје. Се преземаат мерки за расчистување на случајот.

Скопје | пред 1 година

Апсења во Битола и Македонски Брод, при претрес пронајдени пет пушки, над 100 парчиња муниција

На 22.10.2024 во 15.20 часот од страна на полициски службеници од СВР Битола бил извршен претрес кај E.М.(53) од с.Бистрица, битолско. При претресот биле пронајдени пет пушки, над 100 парчиња муниција, како и различни делови за оружје. Е.М. бил приведен во полициска станица и по документирање на случајот ќе биде поднесена соодветна пријава.Исто така, на 22.10.2024, во времето од 10.30 до 11.30 часот од страна на полициски службеници од ОВР Македонски Брод при СВР Битола, а по претходно издадена судска наредба, извршен е претрес во с. Белица, во домот на Д.И.(46) од с.Белица, Македонски Брод, при што пронајдена била муниција од различен калибар. Д.И. е приведен во полициска станица и по документиурање на случајот ќе следува соодветна пријава.

Македонија | пред 1 година

50 килограми кокаин, вреден 5 милиони евра, пронајдени во босански камион во Италија, уапсен возачот

49-годишен државјанин на Босна и Херцеговина е уапсен откако во неговиот камион биле пронајдени дури 50 килограми кокаин чија улична вредност се проценува на пет милиони евра, јавуваат италијанските медиуми.Полицијата го запрела во општина Регело при рутинска контрола на одмор на автопат, по што решила да го прегледа возилото. Во кабината, зад креветот на возачот, пронашле пет кеси со вкупно 50 килограми супстанца за која подоцна е утврдено дека е кокаин.Мажот се обидел да сокрие огромно количество дрога во кабината на својот трактор-приколка, држејќи ги пакетите што е можно поблиску до себе. Ги сокрил зад креветот на преклоп каде што одмараше меѓу патувањата.Зад возачкиот кревет, полицијата пронашла пет проѕирни пластични пакувања. Секое содржело по десет килограми супстанца за која по тестирањето било потврдено дека е кокаин, како што полицијата веднаш се посомневала.Според полицијата, уличната вредност на запленетиот кокаин е околу пет милиони евра. Возачот од БиХ, по наредба на обвинителот од Фиренца, веднаш бил однесен во затворот Прато, каде ќе се чека понатамошна правна постапка.

Свет | пред 1 година

ЕУ го избра Пицула да биде известувач за Србија; Вучиќ: Ја разбравме пораката

Хрватскиот европратеник Тонино Пицула е именуван на три важни функции, меѓу кои се издвојува онаа на постојан известувач за Србија, соопштија вчера од кабинетот на Пицула.Имено, Пицула во следните пет години ќе биде задолжен за анализа, следење и известување до властите на Европската унија за ситуацијата во Србија и за усогласување со европското правно законодавство, основните вредности и конкретните политики.На оваа позиција Пицула во име на Европскиот парламент ќе ги покрива сите теми поврзани со односите меѓу Европската унија и Србија и ќе го претставува Комитетот за надворешни работи на Европскиот парламент.„Со оглед на големото искуство што го стекнав и моето познавање за состојбите во Западен Балкан, како и за политиката за проширување на ЕУ, ова назначување го доживувам како признание за мојата мината работа. Оваа нова позиција претставува континуитет на бројни активности, особено за време на мојот минат мандат.Како и секогаш, го поздравувам и поддржувам фактот што политиката на проширување повторно е во фокусот на ЕУ. Очигледно има поголема политичка поддршка од претходно, но пристапниот процес сепак мора да се заснова на исполнување на критериумите! Секоја земја треба да се оценува поединечно според нејзините резултати“, посочува Пицула.Стигнаа реакции и од Србија.Претседателот на Србија, Александар Вучиќ изјави дека Србија добро ја разбира пораката што и ја испрати Европскиот парламент со назначувањето на хрватскиот пратеник Тонино Пицула за известувач на Европскиот парламент за Србија.„Не брзам да коментирам, ќе разговараме со него и ќе соработуваме со него. Но, многу добро ја разбравме пораката на Европскиот парламент“, рече Вучиќ по трилатералната средба со премиерите на Словачка Роберт Фицо и Унгарецот Виктор Орбан во Комарн, одговарајќи на прашање за назначувањето на Пицула.Вучиќ истакна дека најголем дел од функциите во Европскиот парламент, кои се однесуваат на Србија, ги извршуваат Естонците.„Знаете дека Каја Калас е одговорна за безбедноста и надворешните работи на Европската унија. Главен човек е Матија Маасикас, исто така од Естонија. Значи двајца од нив се од Естонија. Знаете ли кој е известувач за таканареченото Косово во Европскиот парламент? Според моите сознанија, сега повторно ќе биде назначен Естонец. А знаете ли кој раководи со Канцеларијата на Европската комисија во Косово? Повторно естонски. Сосема необично, ќе се согласите. Но, добро, ни доделија Хрват“, рече Вучиќ и додаде дека проблемот не е во тоа што Пицула е Хрват, туку во неговите ставови.Реагираше и Ана Брнабиќ. „Секоја чест. Разбравме се“, напиша на Твитер Ана Брнабиќ, шеф на српскиот парламент.

Свет | пред 1 година

Ким Џонг Ун ја посети ракетната база: „Американското нуклеарно оружје е се поголема закана“

Севернокорејскиот лидер Ким Џонг Ун ги посети стратешките ракетни бази и ја испита подготвеноста „за стратешко одвраќање“ додека ги нарече стратешките нуклеарни капацитети на САД како закана, објавија денеска државните медиуми.Стратешките нуклеарни средства на САД претставуваат „сè поголема закана“ за безбедносната средина на Северна Кореја и долгорочните закани бараат „темелна и остра“ контрамерка од севернокорејските нуклеарни сили, објави новинската агенција КЦНА.Ким, исто така, повика на модернизација на вооружените сили со давање приоритет на стратешките ракетни сили во иднина, нарекувајќи го „важен принцип на стратегијата за изградба на националната одбрана“.За време на посетата на ракетните бази, тој беше придружуван од неговата моќна сестра Ким Јо Јонг и Ким Јонг Сик, првиот заменик директор на Одделот на Централниот комитет на владејачката Работничка партија на Кореја, пренесе КЦНА.

Свет | пред 1 година

Сиљановска Давкова упати честитка: Денес, кога го живееме нивниот сон, да не заборавиме дека државноста е тешко стекната, дека не ни е подарена и треба да се брани

Претседателката Гордана Сиљановска Давкова упати честитка до граѓаните по повод 23 Октомври – Денот на македонската револуционерна борба.„Нека ни е честит 23 Октомври, Денот на македонската револуционерна борба.Ви посакувам празникот да го минете во мир и хармонија, радост и среќа, уживајќи ги придобивките на тешката борба за слободна, независна и демократска македонска држава.Идејата-водилка на основачите на Македонската револуционерна организација, коишто пред 131 година визионерски зачекорија по трнливиот пат кон политичка автономија, еволуираше и се доградуваше низ годините. Резултатот е самостојна македонска држава исправена пред нови предизвици.Прославувајќи го Денот на македонската револуционерна борба, да се потсетиме на сите знајни и незнајни херои и на нивните идеали, убедувања и жртви. Денес, кога го живееме нивниот сон, да не заборавиме дека државноста е тешко стекната, дека не ни е подарена и треба да се брани со демократски инструменти, наместо со оружје, како некогаш.Затоа, да се грижиме за татковината и да си ја чуваме, оти друга немаме! Да се почитуваме еден со друг, оти без нас сите, нема македонска држава. Да им ја оставиме на потомците, како што нам ни ја оставија, македонските револуционери.Нека ни е честит празникот“, се вели во честитката на претседателката Гордана Сиљановска Давкова.

Македонија | пред 1 година

Нема фотографија

Американската војска собори 5 беспилотни летала на Хутите: Бунтовниците немилосрдно гаѓаат западни бродови

Американската војска рано утрово собори пет беспилотни летала над Црвеното Море, објави американската Централна команда (USCENTCOM) на социјалната мрежа X.Овие беспилотни летала, според USCENTCOM, претставуваат непосредна закана за американската коалиција и трговскиот брод во регионот.„Овие активности се преземаат за да се заштити слободата на навигација и да се обезбедат меѓународни води за американската коалиција и трговскиот брод“, додаде УСЦЕНТКОМ.Од ноември минатата година, Хутите напаѓаат комерцијални бродови во Црвеното Море и Аденскиот Залив со проектили и беспилотни летала во, како што велат, поддршката за палестинската милитантна група Хамас во конфликтот со Израел во Појасот Газа.

Скопје | пред 1 година

Нема фотографија

Претседателот на Хрватска поднесе оставка, првоаприлска шега на хрватски Индекс

И политичарите се мета на првоаприлски шеги. Хрватски Индекс денеска објави првоаприлска шега, на која тврдеше дека Зоран Милановиќ ненадејно поднесе оставка од функцијата претседател на Република Хрватска.Еве го текстот на Индекс:Во продолжение целиот текст од првоаприлската шега:Во новиот сплет на околности, титулата на претседател му паѓа на Мирослав Шкоро. Милановиќ кој досега зборуваше дека нема намера да си поднесе оставка, во маневар кој никој не го предвиде вчеравечер тој ја поднесе својата оставка во Уставниот суд. Според хрватските извори, оставката ја имал поднесено за да може активно да се судри со сегашниот Премиер на Хрватска, Андреј Пленковиќ во изборната кампања за следните избори.

Свет | пред 1 година

Братот на Шенки „Версаче“ и Владимир Талески-Двојче меѓу помилуваните од Сиљановска - објавена листата!

Претседателката Гордана Сиљановска-Давкова денеска го помилуваше Шенол Маслани, брат на познатиот Шенки кој од глава до пети е облечен во „Версаче“. Освен него, помилуван е и ексградоначалникот на Битола Владимир Талески, дознава „Скопје1“.Полицијата го гонеше Шенол Маслани дека е дел од 12 члена група која се заканувала на полицаец, се занимавала со дрога, поседувала оружје. Шенол Маслани во 2019 година беше уапсен во голема полициска акција кога полицијата заплени пушки, пиштоли, луксузни автомобили, пари и дрога.Владимир Талевски-Двојче беше осуден за случајот „Транспортер“. Со одлуката на претседателката доби намалување за една година.Помилување од три месеци доби и Марјан Ефремов, но не е познато дали е ова осудениот во случајот „Шпион“, предмет кој се однесуваше за шпионирање во корист на разузнавачки структури.Ова се останатите:Во согласност со Законот за помилување, постапката за евентуално помилување на осудени лица од страна на претседателот започнува со поднесување молба за помилување до судот којшто ја донел првостепената судска одлука.Молбата, заедно со потребната документација, судот ја доставува до Министерството за правда.Според законски утврдената постапка, министерот за правда ги разгледува молбата и останатите документи, и дава свој предлог којшто го доставува до претседателот на Република Северна Македонија.Комисијата за помилување на претседателот на Република Северна Македонија, како постојано работно тело во служба на претседателот, на редовни седници поединечно ја разгледува секоја пристигната молба за помилување заедно со предлогот на министерот за правда.Комисијата, со мнозинство гласови од присутните членови, утврдува мислење односно предлог којшто го доставува до претседателот на Република Северна Македонија.Врз основа на мислењето на Комисијата, како и врз основа на предлогот на министерот за правда, претседателот на Република Северна Македонија донесува конечна одлука.Одлуките на претседателот се јавни и се објавуваат во „Службен весник на Република Северна Македонија“.

Македонија | пред 1 година

Директорката на „Козле“ за случајот со 14-месечното бебе: Нема лекарски пропуст

Д-р Каролина Симоновска – директор на ЈЗУ Универзитетска клиника за респираторни заболувања кај децата „Козле“ во врска со случајот со починатото 14-месечно бебе вели дека формирала стручна комисија на клиниката која го разгледала целиот случај.Како што кажа директорката, Комисијата не нашла никаков лекарски стручен пропуст во третманот, следењето и лекувањето на пациентот во „Козле“, објави Фокус.Според неа во клиниката „Козле“ е преземено се во третманот на детето.Пациентот бил веднаш прифатен во Клиниката „Козле“, биле направени бројни анализи, бебето било поставено на терапија според интерните протоколи на клиниката, било мониторирано и под кислородна поддршка, вели директорката и додава дека поради невообичаеното рапидно и прогресивно влошување на состојбата на детето, било препратено на КДБ по претходен договор и најава со дежурниот педијатар, со организиран транспорт на ИМП во придружба на лекар и медицинска сестра, во согласност со интерниот протокол за префрлување на болно дете во друга институција за продолжување на лекувањето.

Македонија | пред 1 година

Таравари очекува дека ќе се разбуди свеста кај менаџментот на „Козле“: Ако не веруваат на извештајот, нека си направат свој, лекарски пропусти има

Министерот за здравство Арбен Таравари очекува кај менаџментот на Клиниката за белодробни заболувања кај децата „Козле“ да се разбуди свеста и да бидат преземени чекори за случајот со починатото 14-месечно бебе.Таравари вели дека со правната екипа во Министерството ги имаат разгледано сите можности што на нив им се на располагање.„Ќе дадеме се што треба официјално до Лекарска комора, таму има етичка комисија што треба да одлучува. Наши препораки ќе има, извештајот е тука. Доколку не веруваат на извештајот, нека си направат свој, меѓутоа, дека има одреденни пропусти, лекарски, има“, рече Таравари.Таравари вели дека одлуката, времено да се отстранат двајцата доктори од Детската клиника, е добра и оти се надева дека ќе се разбуди совеста и кај менаџментот на болницата во Козле.Министерот смета дека добро би било сите заедно да дадат одреден сигнал до граѓаните да почнуваат да веруваат во системот.Директорот на Универзитетската клиника за детски болести во Скопје, Реџеп Мемеди донесе решение за времено отстранување на двајца здравствени работници – доктори специјалисти од здравствената установа, за кои се води дисциплинска постапка до донесување на конечно решение во дисциплинската постапка.

Македонија | пред 1 година

Само за една четвртина од онколошките пациенти има биолошка терапија, останатите не добиваат

Сите онколошки пациенти кои би можеле да ја користат биолошката терапија, истата не ја добиваат, односно пари има само една четвртина од нив, според последниот извештај на Државниот завод за ревизија за работата на Универзитетската клиника за радиотерапија и онкологија.За набавка на биолошката терапија минатата година биле одобрени речиси 21 и пол милиони евра. Иако има зголемување за двојно на средствата за оваа намена, тие не се доволни.„И покрај зголемувањето, одобрениот условен надоместок не е доволен за вклучување на сите пациенти кои според медицинските индикации би можеле да ја примаат терапијата. Од добиените податоци пациенти кои терапијата ја примаат во дневна болница чиј број во 2023 година изнесува 54.423 утврдивме дека само 24% се приклучени на биолошка терапија“, се вели во ревизорскиот извештај.Иако од лани се изготвени и се применуваат повеќе протоколи/упатства за дијагностика, третман и следење на онколошки пациенти во кои како терапија е вклучена и биолошката, се уште не се одобрени од страна на Министерството за здравство.Единица за централна подготовка на цитостатска терапија, односно KATO системот исто така се уште не е во функција. За негова набавка се дадени околу 162 илјади евра, а лани биле детектирани проблемите.„Системот е делумно опремен, недостасуваат клучни компоненти, а просторот не е адаптиран за стерилно работење. Дополнително, подготовката на терапијата со овој систем трае подолго време, што ќе го зголеми времето на чекање за апликација на терапија, Клиниката нема доволен број фармацевти за работа со системот, а потребни се и дополнителни средства од околу 8 милиони денари годишно за потрошен материјал“, се додава во извештајот.Министерството за здравство годинава спровело тендер за набавка на делови потреби за да се стави системот во употреба, но не била поднесена ниту една прифатлива понуда.Ревизорите откриле и дека клиниката во 2023 година примила донирани лекови вредни над половина милион евра кои ги немало во финансиската евиденција.

Македонија | пред 1 година

„Нивните 2.7 километри од пругата за Коридорот 8, ќе ги доправеле 'најдоцна до 2030'!?! Инаку сега сме 2024“, реагира Георгиевски на изјавата на бугарската министерка

Експремиер Љубчо Георгиевски преку социјалните мрежи реагираше за изјавата на бугарската министерка за транспорт, Красимира Стојанова дека тунелот од бугарска страна на Коридорот 8 ќе биде целосно завршен најдоцна до 2030 година.„Ја слушам министерката за транспорт на Бугарија. Нивните 2.7 километри од пругата за Коридорот 8, ќе ги доправеле 'најдоцна до 2030'!?! Инаку сега сме 2024. Очигледно и на бугарската политика не им недостасува демагогија“, пишува Георгиевски.

Македонија | пред 1 година

Вработени во ЗОО се оградија од раководството: Се прелеа чашата

Синдикалната организација на СОНК при ЗООЛОШКА градина, Скопје, го демантира соопштението за јавноста што е поставено на Facebook страната на ЗОО градина, дека таму влегле лица со оружје и извршиле масакр врз птиците без документи.„Тврдењата во Соопштението дека инспектори на Агенциата за храна и ветеринарство (АХВ), придружувани од лица со оружје упаднале во 300 Скопе и извршиле масакр врз птиците, без налог, решение или друг доказ се невистинити. Постапката беше уредно спроведена, со соодветна документација, согласно закон. Имено, од страна на надлежен официален ветеринар, спроведен е надзор во ЗОО Скопје и наредени се мерки за надзор на болеста, а согласно Законот за ветеринарно здравство и Правилникот за мерки за сузбивање и искоренување на болеста Авизарна инфлуенца (вирус на Птичіи грип). Агенцијата нареди и мерки за дезинфекција, испитување на другите птици присутни во 300 Скопе, зголемување на биосигурносните мерки и други мерки, со цел да се сузбие болеста и да се спречи нејзино ширеье надвор од 300 Скопіе кај животните и кај луѓето“, стои во демантот од членовите на СОНК – вработени во ЗОО Скопје.Тие додаваат: „Со цел да ја разјасниме ситуацијата во коа се наоѓаме, би сакале да потенцираме неколку работи. Во изминатиот период, ЗОО Скопе jа пратеа низа инциденти, позади кои сметаме дека стојат политички мотиви. Би сакале, како вработени во ЗОО Скопе, да jа известиме јавноста и да се оградиме од сите политички злоупотреби кои се ставаат на наш грб.Последниов инцидент, со упад на нашата facebook страна и нашата електронска пошта, преку која е испратено соопштението, но и видеата и сликите со вознемирувачка содржина, кон се пуштени во медиуми и на социјални мрежи, без согласност на лицата кон се поврзуваат во материјалот, jа прелеа чашата, за што вработените ќе преземат законски мерки против лицата кои го снимаа и го обавија видео материјалот“.

Скопје | пред 1 година

Исчезна стружанец, отишол да собира шумски плодови и два дена не се вратил дома

Шеесетгодишниот стружанец К.М. од пред два дена се води за исчезнат во реонот на селото Брчево, информираат од Планинската спасителна служба (ПСС) при Црвениот крст Охрид.Стружанецот, според информациите од Секторот за потраги по исчезнати лица при Министерството за внатрешни работи, на 20 октомври излегол од својата куќа во селото и заминал да собира шумски плодови.Соседите од селото рекле дека К.М. до 16:30 часот не се вратил во својата викенд-куќа.Лицето за исчезнато било пријавено вчера во попладневните часови.Според информациите од Планинската спасителна служба, во потрагата по лицето на терен во координација со струшката полиција вклучени се три нивни члена и водич на куче за пребарување од здружението „Куче спасител“ од Охрид.Од Центарот за управување со кризи денеска, исто така, информираа дека во полициската станица во Струга има пријава за исчезнато лице. Исчезнатиот бил пријавен од неговиот брат Љ.М..

Македонија | пред 1 година

„Незадоволни од резултатите, организацијата и целосната катастрофална ситуација во која се наоѓа клубот, навивачите се обединуваат во „Народен фронт-за Вардар“, велат Комити Запад

„Навивачите на фудбалскиот клуб Вардар, незадоволни од резултатите, организацијата и целосната катастрофална ситуација во која се наоѓа клубот, одлучија да се спротивстават, обединувајќи се во голем „НАРОДЕН ФРОНТ-ЗА ВАРДАР“, велат Комити Запад преку соопштение.„Како што е веќе познато, по финансискиот крах, клубот за време на изминатите две сезони беше целосно управуван од страна на здружението на навивачите, односно народот кој апсолутно даде поддршка на оваа приказни. Благодарение на нашата напорна работа, но и на помошта од страна на неколкуте Општини, како и на многуте компании кои ја видоа нашата искрена намера и се приклучија кон оваа борба, клубот успеа да опстои и по две сезони минати во Втората лига, да се врати во елитата.По завршувањето на минатата сезона, беше постигнат договор помеѓу Здружението ,,35 години Вардарци”, односно ВД раководството на клубот составено од искрени вардарци и навивачи на овој клуб и новата сопственичка структура, на чело со Атилла Бижен Жалили. Верувавме дека ваквиот расплет ќе донесе подобра иднина за клубот, финансиска стабилност и дека ќе се воспостави вистински правец по кој ќе се движи клубот, секако незанемарувајќи ги основните постулати на борбата ,,за клубот на народот” за која деноноќно, волонтерски се бореа искрените Вардарови навивачи. Меѓутоа, неколку месеци подоцна, не само ние, туку и целата македонска јавност сведочи за катастрофалната ситуација, во која од ден на ден се повеќе тоне и клубот и приказната која со многу труд и љубов ја создаваа навивачите и народот.Причината за катастрофалниот тек на сезоната ја гледаме во лошата кадровска политика, односно во неформалното раководството на клубот, на чело со Миленко Неделковски, кој заедно со својот тим, докажаа дека се во целост неспособни за да водат клуб каков што е големиот Вардар.Поучени од искуството и минатото во кое во неколку наврати сме биле обвинети за виновници, кои не дозволиле влез на нови сопственички структури, овојпат одлучивме да дадеме време и можност, како што од нас побара и самиот инвеститор, иако уште на самиот почеток го потенциравме нашиот сомнеж во капацитет на предложеното раководство.Но, за жал, веќе е и повеќе од јасно дека е потребна промена ВЕДНАШ. Оваа агонија мора да заврши час поскоро, а за тоа да се случи, потребна е масовна мобилизација на сите Вардарови навивачи, симпатизери, на целокупната јавност која ја повикуваме да се приклучи кон оваа борба и да застане повторно во одбрана на клубот.Во среда, на 23.10.2024, на Арената Тодор Проески во Скопје, ќе се одигра 1/8 финалето од Купот на Македонија, помеѓу екипите на Вардар и ГФК Тиквеш од Кавадарци.На овој натпревар, од западната трибина јасно и гласно ќе биде искажан ставот на навивачите. Затоа упатуваме апел до сите, да дојдат и да бидат дел од НАРОДНИОТ ФРОНТ! Народен фронт за Вардар!Бараме одговорност, бараме професионализам! Бараме инвеститорот да го разреши постоечкото раководство и да постави вистински професионалци кои Вардар ги заслужува.Натпреварот ќе биде одигран во 14:00ч а најважно од се е, сите заедно да бидеме обединети на западната трибина. Безразлика дали сте Комити, Вардарци, навивачи или симпатизери, сите заедно рамо до рамо. Западната трибина повторно застанува во одбрана на нашата светост.Тука се брани Вардар, тука се брани приказната за ,,клубот на народот”, тука се брани црвено-црното!Се гледаме на Запад! За Вардар и Македонија!“, се наведува во соопштението на Комити Запад.

Спорт | пред 1 година

„Бојан Христовски е личен избор на Мицкоски - партизацијата на АНБ ја потврди и Таравари“, велат од СДСМ

„Поставувањето на Бојан Христовски на чело на АНБ е личен избор на премиерот Христијан Мицкоски. Коалицискиот партнер Таравари ја потврдува во целост опасната партизација на АНБ. Дури и на оние на кои не им беше јасно сега им е кристално јасно сè. Поставувањето на Христовски на директорската позиција на АНБ е избор и директива на Мицкоски. Тој сака свој човек кој во целост ќе го контролира и ќе му служи само на него и на ДПМНЕ“, соопшти СДСМ.„Мицкоски го враќа времето на директни злоупотреби на безбедносните служби во партиски и лични цели како што беше во минатото.Затоа по секоја цена се турка партиски кадар - претседател на Градски комитет на ДПМНЕ, близок до Мицкоски, спротивно на член 10 од Законот за АНБ и со бројни сомнежи дали воопшто ги исполнува критериумите за оваа позиција.Бојан Христовски во едно интревју самиот призна дека нема безбедносен сертификат „Државна тајна“ а барањето за ваков сертификат го поднел дури откако беше назначен на директорската позиција.Се уште е отворено и прашањето дали Христовски воопшто има 5 години стаж на раководни позиции сигласно законските услови или не? Во неговата објавена биографија недостасуваат прецизни датуми за неговото раководно искуство од 2012 до 2017 година.Не е потврдено ниту дали Христовски има вистински документ за соодветно познавање на Англиски јазик. Затоа што документот што го приложил е од училиште во Пловдив Бугарија а во Пловдив воопшто нема TOEFL центар за тестирање.Ова се премногу спорни работи за вака важна позиција.Затоа Христовски треба да биде разрешен и да биде назначен нов директор на АНБ.Професионализмот мора да се заштити и АНБ да биде во функција на државните интереси, а не на интересите на Мицкоски и ВМРО-ДПМНЕ“, се наведува во соопштението на СДСМ.

Македонија | пред 1 година

ВМРО-ДПМНЕ: Ја молиме СДС помалку да пие од апчињата за заборавање, Македонија памети

„СДС применува нов феномен на политичката сцена, а тоа мора да е интензивно пиење на апчињата за заборавање. Па така, Виктор Димовски кој беше член на Извршниот одбор на СДС и член на партиското дипломатско тело, тој беше и раководен кадар во АНБ“, велат од ВМРО-ДПМНЕ.„Да не се заборави ниту улогата на Еролд Муслиу кој зема активно учество во кампањата на СДС, која партијата катастрофално ја загуби и за време на која Муслиу како партиски портпарол, но во исто време и прв разузнавач, креираше лажни документи, кодошеше и манипулираше при доделувањето на безбедносните сертификати и редица други злоупотреби.Да не заборавиме ниту на улогата на семејството Ременски, која е пример за тоа како брачен пар ја злоупотребува политичката моќ за партиски цели.Воедно, да не се заборави ниту функцијата на доскорешниот Генерален директор на СДС, Миле Зечевиќ кој се само нарекуваше Вардарски, кој беше поранешен директор на УБК. Значи, Генералниот секретар на СДС контролирал и бил прв човек на разузнавачките служби.Ја молиме СДС помалку да пие од апчињата за заборавање. Ако тие забораваат, Македонија памети“, се наведува во соопштението на ВМРО-ДПМНЕ.

Македонија | пред 1 година

Утрото студено, преку денот претежно сончево

Утрото студено, преку денот претежно сончево. По одделни котлини ќе има услови за појава на утринска магла или ниска облачност. Ќе дува слаб ветер од јужен правец.Минималната температура ќе биде во интервал од -3 до 8, а максималната ќе достигне од 17 до 24 степени.Во Скопје утрото студено, преку денот сончево и претежно тивко.Минималната температура ќе се спушти до 4, а максималната ќе достигне до 21 степени.ВРЕМЕТО ВО НАРЕДНИТЕ ДЕНОВИЌе продолжи периодот на стабилно и претежно тивко време со студени утра и утрински температури кои наместа ќе се спуштаат до неколку степени под нулата. По одделни котлини ќе има услови за појава на утринска магла или ниска облачност. Дневната температура до средината на неделата ќе биде во постепен пораст.

Македонија | пред 1 година

Медведев: Трамп се занесе, тој е мазен како свила во преговорите

Дмитри Медведев, поранешниот руски претседател и актуелен заменик-шеф на рускиот Совет за безбедност, ја коментираше изјавата на републиканскиот кандидат за претседател на САД, Доналд Трамп, кој рече дека му се заканил на рускиот претседател Владимир Путин дека ќе ја нападне Москва во случај на инвазија на Украина.„Трамп се занесе. Дали навистина зборуваше за „напад на ѓаволската Москва“? Секако дека не. Тој е генерално мазен како свила во преговорите. А на ваквите зборови има само еден одговор: и вашиот ѓаволски Вашингтон ќе биде погоден. Генерално, нашиот однос со него е прилично топол“, напиша Медведев на Х.

Свет | пред 1 година

(Видео) Објавена снимка од апсењето на Илир Мета

Поранешниот претседател на Албанија и лидер на Партијата на слободата, Илир Мета, вчера беше уапсен во Тирана по налог на Специјалното обвинителство за корупција и организиран криминал на таа земја.Тој беше уапсен на влезот во Тирана додека се возел до местото каде требало да одржи прес-конференција. Според последните информации, најверојатно е уапсен поради случајот за корупција и одбивање да пријави имот, пренесува „Јуроњуз Албанија“.Оваа вест ја потврди и поранешниот премиер Сали Бериша, кој рече дека станува збор за политички прогон.

Свет | пред 1 година

Земјотрес регистриран во Македонија

Слаб земјотрес со јачина од 2, 1 степени по Рихтеровата скала попладнево е регистриран во Македонија.Според евиденцијата на Европскиот медитерански сеизмолошки центар (ЕМСЦ), потресот се случил во 18:32 часот според локално време.Епицентарот на земјотресот е регистриран на 12 километри североисточно од Демир Капија, на длабочина од пет километри.

Македонија | пред 1 година