Во 06.00 часот, денеска е добиена информација од БППЗ на Град Скопје дека пожарот се уште бил активен и на терен биле три противпожарни возила од БППЗ на Град Скопје, а околу 09.30 часот бил доизгаснат, извести ЦУК.Во моментот пожарот е комплетно изгасен, но состојбата со опожарениот дел на зградата и состојбата на становите во зградата допрва ќе се утврдува, додаваат од ЦУК
Македонија | пред 1 година
Американска бомба од Втората светска војна експлодираше на јапонски аеродром. Бомбата била затрупана под такси патеката што ги поврзува трибините и пистата на аеродромот.Експлозијата остави голем кратер и откажа повеќе од 80 летови, но нема повредени, соопштија јапонските власти. Во моментот на експлозијата на аеродромот Мијазаки во југозападна Јапонија немало авиони во близина, соопштија властите, додавајќи дека е во тек истрага зошто експлодирала бомбата тешка 225 килограми.Видеото снимено од блиското воздухопловно училиште покажува како експлозијата фрла парчиња асфалт во воздух
Свет | пред 1 година
„Во првите 100 дена од владеењето на Христијан Мицкоски и ДПМНЕ власта покажа тотална негрижа во однос на исполувањето на основните потреби на работниците. И покрај барањето и на работниците и на Синдикатите за приоритетно покачување на минималната плата на 450 евра, Владата не презеде никакви мерки“, велат од СДСМ.„Нема покачување на минималната плата со Мицкоски и ВМРО-ДПМНЕ. Владата на Мицкоски не само што не го исполни своето ветување, туку и продолжува да ја игнорира потребата на работниците.За време на овие 100 дена, не се одржа ниту Социо-економскиот совет. Ова е показател за недостатокот на интерес на актуелната влада за решавање на проблемите на работниците.СДСМ неколкукратно ја зголемуваше минималната плата преку социјален дијалог. Во времето на ДПМНЕ минималната плата беше 9.000 денари а СДСМ ја зголеми на 22.000 денари и оваа година минималната плата требаше да порасне повторно.Денеска гледаме дека Мицкоски и ДПМНЕ ја враќаат политиката на евтина работна сила и понижување на работниците“, соопшти СДСМ.
Македонија | пред 1 година
„За да одиме напред мора да знаеме факти за минатото, односно што затекнавме од владата на СДС и ДУИ. Актуелниот претседател на СДС, Венко Филипче кога беше министер за здравство освен катастрофи, не направи ништо. Тоа посебно се виде во корона епидемијата кога него го интересираа само тендерите“, велат од ВМРО-ДПМНЕ.„Филипче и континуирано во својот мандат се интересираше само за тендери. За неговото министерување освен сомнителни тендери, корупција и криминал немаше ништо.Филипче откога седна на министерската фотеља на 25 декември 2017 година се префрлија 7 милиони евра од Министерството за здравство и здравствените установи во Македонија завршиле на сметката на Синерџи. Синерџи е компанија во сопственост на Горан Филипов партнерот на Катерина Савеска, тешта на Филипче. Или тештата Савеска и Филипов се јавуваат заедно како инвеститори.Филипче само за една година од здравството на Синерџи префрлил два милиони евра. Реалноста која ни ја остави владата на СДС може кратко да се опише – корупција, криминал, руинирани институции, Македонија на дно во регионот по сите параметри“, соопшти ВМРО-ДПМНЕ.
Македонија | пред 1 година
Кети и Раде, родителите на диџејот Љупчо Лешко кој почина на приватна забава од пријавен струен удар, во „Претрес“ со Ландов бараа одговори од надлежните која е вистинската причина за смртта на нивниот син.„Поминаа три месеци, а немаме одговор. Свесни сме дека треба време за испитување и обдукции. Не се сомневам дека е струен удар. Имаше полиција, вештак, јавен обвинител, не знам што се работеше. Три кабли и адаптерот се земени. Струен удар од краток спој стоеше во билтенот од МВР. Не обвинувам никого, но симптоматично ни е, дека според кажување на децата таму цело време имало пецкање од струја”, вели таткото.Дел од опремата бил нивен, а дел на сопственикот.Таму инаку се забавувале 40-50 деца. Целата опрема на Љупчо била исправна кога им ја вратиле.„Лице од крвни деликти ни кажа дека нашиот син имал проширено срце бидејќи бил фудбалер. Нашиот син не бил фудбалер. Друго ни кажа - немало струен удар и дека ќе заврши како незнаен случај”, вели Раде.Предметот до минатата недела не е даден во форензика. Нема обдукциски наод и тие не можат да извадат посмртница. Мајката вели наместо одговори од лекарка добила закана со кривична пријава ако се јави уште еднаш.„Нема одговори дали е несреќен случај, струен удар или нешто сосема друго. Љупчо влегол во базенот, излегол и продолжил да пушта музика. Љупчо немал толку зголемено срце како што тврдат, Љупчо немаше здравствени проблеми, само забрзано работење на срцето пред неколку години”, велат родителите.Мајката посакува никој да не доживее таква болка како тие, но ја бараат вистината и се грижат за другите две деца.
Македонија | пред 1 година
Пред да се предаде на правосудните органи, Александар Трпковски, еден од осомничените за грабнувањето на Самоил Костадиновски, внукот на Љубе Бошкоски, седна пред камерата и даде ексклузивно интервју за Претрес со Ландов.„Не сме имале проблеми, никогаш не сум работел со хероин, а ни Самоил. Немало должничко-доверителски односи“, вели Трпковски.Денот кога Самоил бил грабнат имал секојдневни семејни обврски.„Со моќта на Љубе Бошкоски и на Оливер Спасовски татко му вршеше притисок и мене да ме вметнат во случајот. Имаше притисоци од таткото на Самоил кој седеше пред куќи со оружје. Љубе и Оливер му даваа одврзани раце“, рече за Претрес, Александар Трпковски.12 години таткото лежел во затвор за бизнис со хероин. Работата излезе од контрола, вели Трпковски и таткото сака повеќе луѓе да инволвира. Не знае каде е Самоил.И обвинителството тврди имало притисоци.Во емисијата го поканивме и таткото на Самоил, но тој не одговори на нашите телефонски повици и пораки.
Македонија | пред 1 година
Во „Претрес со Ландов“, гостуваше Никола Димитриевски, осуден за обидот за убиство на Зијадин Села на 27 април при упадот во Законодавниот дом.Тој тврди во критичните моменти не бил пијан. Призна дека користел недозволени супстанци, но со ресоцијализацијата е чист.„Вистината ќе излезе на виделина. Бараме повторно судење. Го сакам ова парче земја. Ова не беше терористичко загрозување, немаше оружје, само револтиран народ“, рече Димитриевски.Тој кажа дека од 5 години е член на ВМРО-ДПМНЕ. Комитите, рече тогаш не беа активни.Нинџа го запознал во затвор, но не сакаше да коментира.„Највеќе се виновни тие што ги отворија вратите. Пратениците требаше да ги решат проблемите внатре“, рече тој за Претрес.
Македонија | пред 1 година
Не сум убиец и не го удрив Села, рече во „Претрес со Ландов“, Никола Димитриевски, осуден за обидот за убиство на Зијадин Села на 27 април при упадот во Законодавниот дом.„Не го направив ова за што сум осуден. Во Собрание влегов поради револтот за изборот на Талат Џафери. Не требаше народот тоа да го решава туку внатре пратениците ова да си го решат“, рече Димитриевски.Во Собранието влегол со капуљача со превоз, но носел вообичаено капуљача.„Мислев дека нешто добро за народот ќе направиме. Верувам во лидерот на ВМРО-ДПМНЕ, дека ќе се изнајде решение, јас не барам милостина туку правда“, вели за Претрес.Тој објаснува дека самоиницијативно отишол во Собрание и никој не ги повика.„Во пресудата стои дека тие што мавале се НН лица, јас не го мавав, туку како што стои во пресудата сум барал начин како да го удрам“, вели Димитриевски.Призна дека мавал со предмети, но дека не е убиец.„Немав желба да го удрам Села“, рече Димитриевски.Тој е на отслужување на казната затвор, а во моментов е на лекување.
Македонија | пред 1 година
Пред да се предаде на правосудните органи, Александар Трпковски, еден од осомничените за грабнувањето на Самоил Костадиновски – седна пред нашата камера. Ексклузивно ви ја носиме втората страна за исчезнувањето на внукот на Љубе Бошковски.▫️Во студио, ќе го претресеме Никола Димитриевски, осуден за обидот за убиство на Зијадин Села на „27 април“. Имало ли претходен план? Дали осудените ќе ги одлежат казните или ќе добијат ново судење? Ова се првите прашања.Се враќаме нецели три месеци назад. На кобниот 13 јули. Тогаш, двајца родители изгубија син, сестра изгуби брат, семејството чедо. До ден денеска се сеќавам дека веста јас ја дочекав во Охрид, кога ми кажаа 19-годишен диџеј загинал од струен удар. Веста ја дознавме преку билтенот на МВР.Оттогаш, до денеска, уште нема одговор: КАКО ПОСЛЕДИЦА НА ШТО ПОЧИНА 19-ГОДИШНИОТ ЉУПЧО ЛЕШКО. По одговори трагаат и родителите.СЛЕДЕТЕ ВО ЖИВО:
Македонија | пред 1 година
На 02.10.2024 во 01.55 часот во СВР Скопје било пријавено дека настанал пожар во подрумски простории во зграда на ул. „Серава“ во Скопје. На лице место биле упатени екипи на Бригадата за противпожарна заштита Скопје и полициски службеници од СВР Скопје.Поради вдишување на чад, во комплекс клиники „Мајка Тереза“ во Скопје за укажување помош се јавиле повеќе лица, од кои еден пожарникар и еден полициски службеник.Во 06.30 часот од кровот на зградата биле симнати повеќе станари и ниту еден нив немал повреди. Се преземаат мерки за расчистување на случајот.
Скопје | пред 1 година
На 01.10.2024 во 12.30 часот во СВР Скопје било пријавено дека во Скопје, на подрачјето на Карпош, по претходна расправија, бил нарушен јавниот ред и мир со физичка пресметка помеѓу М.Б.(33) и Е.П.(35), двајцата од Скопје. По целосно документирање на случајот ќе следува соодветен поднесок.На 01.10.2024 во 18.30 часот во СВР Скопје, било пријавено дека на паркинг простор во Скопје, на подрачјето на Карпош, по претходна расправија околу паркинг место, бил нарушен јавниот ред и мир со физичка пресметка помеѓу К.Ј.С.(44) и А.Н.(35), двете од Скопје. По целосно документирање на случајот ќе следува соодветен поднесок.На 01.10.2024 во 12.30 часот во СВР Скопје, Х.С.(22) од с.Сингелиќ, скопско, пријавила дека на 30.09.2024 во 06.30 часот во с.Матка, скопско, во дворот на семејната куќа на нејзините родители, била физички нападната од едно лице кое употребило и остар предмет. Се преземаат мерки за расчистување на случајот.На 01.10.2024 во 10.30 часот во СВР Скопје, С.А.(40) од Скопје пријавил дека околу 09.30 часот во Скопје, на подрачјето на Шуто Оризари, неговиот малолетен син бил физички нападнат од друг малолетник, кој бил со уште двајца малолетници и притоа му се заканил со остар предмет. Се преземаат мерки за расчистување на случајот.На 01.10.2024 во 15.00 часот во СВР Скопје, Д.М.(40) од Скопје пријавил дека на 30.09.2024 околу 19.50 часот на паркинг простор на подрачјето на Гази Баба со тврд предмет бил нападнат од Е.Н. и А.Н., кои претходно го оштетиле неговото патничко возило. По целосно документирање на случајот ќе следува соодветен поднесок.На 01.10.2024 во 21.45 часот во СВР Скопје, С.М.(68) од Скопје пријавил дека околу 20.00 часот на подрачјето на Бит Пазар, едно лице со употреба на физичка сила му одзело чанта во која имало лични документи и мобилен телефон. Се преземаат мерки за расчистување на случајот.На 01.10.2024 во 23.15 часот во СВР Скопје, Х.К.(57) од Скопје пријавила дека околу 22.30 часот на подрачјето на Бит Пазар едно лице со употреба на физичка сила ѝ одзело мобилен телефон. Се преземаат мерки за расчистување на случајот.
Скопје | пред 1 година
Европскиот фронт, кој веднаш по изборите ја започнабитката за легитимитетот, откако Владата одлучи да влезе во коалиција со Вреди, порачува дека без избори нема да бидат дел од ничија влада. Тие сметат дека е време да му покажат на премиерот Христијан Мицкоски кои се црвените линии и до каде има право да постапува со овој народ.„Не сме заинтересирани да станеме дел од оваа влада, бидејќи не сме резервна гума, па да ја ставаат кога имаат дефекти на патот“, рече Ахмети.Тој смета дека не треба да се подгреваат меѓуетничките односи во време кога Европа е во војна и кога се вжештува ситуацијата на Блискиот Исток. „Ние не сакаме да се вратиме назад. И Европа, ако ги отвори овие прашања, ако ја отвори Пандорината кутија, не се знае каде ќе завршат работите, а уште помалку не треба кај нас да се отвори Пандорината кутија во Македонија, но и во Западен Балкан, затоа што работите одат толку далеку што нема решение кое може да ги среди работите што ќе излезат од оваа кутија. Ние сме држава со демократија и сензитивни меѓуетнички односи. Затоа, како што инвестирале албанските партии во изминативе 23 години во добри меѓуетнички односи, така треба да работат и партиите на Македонците“, порача Ахмети.
Македонија | пред 1 година
Стопанска банка а.д. Битола преку официјално соопштение дистрибуирано преку веб страницата на Македонска берза информираше за измени во органите на управување.Стевчо Јолакоски и Игор Камбовски се избрани за членови на Надзорен одбор на 03.07.2024 година, додека Народната банка издаде согласност на 27.09.2024 година. Двајцата нови членови се по предлог на мнозинскиот сопственик сопственик на акции, „Пелистерка АД“.“Врз основа на Одлука од Собрание на акционери бр.02-8051/1/II-3 од 3.7.2024 година и Решение за издавање на претходна согласност од Народна банка на Република Северна Македонија бр.15-25796/6 од 27.9.2024 година, за член на Надзорен одбор на Стопанска банка а.д. Битола е назначен г. Стевчо Јолакоски.Исто така, врз основа на Одлука од Собрание на акционери бр.02-8051/1/II-3 од 3.7.2024 година и Решение за издавање на претходна согласност од Народна банка на Република Северна Македонија бр.15-27231/8 од 27.9.2024 година, за член на Надзорен одбор на Стопанска банка а.д. Битола е назначен г. Игор Камбовски”, се вели во објавата.
Македонија | пред 1 година
Можноста да се отповика градоначалник ќе се предвиди со новиот Закон за локална самоуправа, кажа денеска министерот за локална самоуправа Златко Перински.„Постојното законско решение е постаро од 20 години и во него не е предвидена можност за отповикување на градоначалник. Токму затоа сметаме дека треба да интервенираме во овој закон и преку широка консензус со странски и домашни експерти да најдеме заедничко решение и оваа аномалија да ја смениме“, рече Перински.Тој додаде и дека со новиот закон ќе се предвиди воведување на комунална полиција.„Сакаме во законот да го препознаеме моделот на комунална полиција бидејќи се соочуваме со секојдневни проблеми во овој дел. Сакаме да го адаптираме законот и да го направиме согласно модерните услови на живеење“, дополни министерот.
Македонија | пред 1 година
Лажни казни за паркирање со QR-код за онлајн наплата се оставаат низ Скопје. Граѓани посочуваат дека неколку пати имаат забележано, па алармираат дека на ваков начин можат да се украдат податоци за картичките на граѓаните и потоа да се искористат за други трансакции.Изгледот на казните е направен да биде исти како оние кои Паркинзи на општина Центар ги издаваат секојдневно. Единствената разлика е во делот на QR-кодот, кој кога ќе го скенирате води до страница „https://freezonebelgrade.org/PayDpk.html“, со исти дизајн како оној за наплата на казни на ПОЦ.„Ве известуваме дека денес пријавена е поставена лажна Дневна Паркинг Карта (ДПК) при која се злоупотребени дизајнот и логото на ЈП Паркинзи на Општина Центар. На неа стои QR код кој треба да се скенира и да се изврши онлајн уплата за истата, а истиот води кон веб-адреса која нема поврзаност со ЈП ПОЦ и е со цел преку измама да се извлечат парични средства. Ги замолуваме граѓаните да бидат внимателни и доколку забележат ДПК од овој тип веднаш да нѐ известат. Единствената веб-адреса за онлајн наплата на ДПК на претпријатието е https://users.poc.mk/PayDpk. Од наша страна во моментов се преземаат мерки за пријави до надлежните органи и информирање на јавноста со цел заштита на граѓаните. Во прилог фотографија од лажната ДПК“, велат од ПОЦ.
Скопје | пред 1 година
Најмалку шест лица се повредени во голем пожар кој утрово избувнал во станбена зграда во скопската населба Чаир.Огнот според информациите почнал да се шири од подрумските простории на зградата од каде се издига и густ чад.Според информациите, шест лица на скопските клиники побарале помош поради вдишување на чад.
Скопје | пред 1 година
Основното јавно обвинителство Струга поднесе Обвинителен предлог против службено лице – градоначалник на Општина Струга за кривично дело – Несовесно работење во службата од член 353-в став 1 од Кривичниот законик.Обвинетиот свесно ги повредил законските прописи при именување вршител на должност – директор на општинско основно училиште во селото Радолишта. Иако Законот за основно образование предвидува дека вршител на должноста директор се избира од редот на вработените во училиштето кои ги исполнуваат условите за директор, обвинетиот на 12.01.2022 година за вршител на функцијата во училиштето во Радолишта именувал лице кое не ги исполнувало таквите услови, односно немало работно искуство од најмалку пет години во воспитно-образовна работа.Именуваната ја вршела функцијата директор на училиштето во периодот од 12.01.2022 до 31.07.2023 година, за кој период и биле исплатени плата и придонеси како в.д. директор со што му била нанесена штета на училиштето.
Македонија | пред 1 година
Министерството за надворешни работи и надворешна трговија го осудува синоќешниот ирански ракетен напад врз Израел, како и терористичкиот напад во Тел Авив, при што беа убиени шест цивили.Амбасадата во Тел Авив веќе стапи во контакт со надлежните институции на Израел, со цел потврда дека меѓу жртвите и повредените нема државјани на нашата земја.Имајќи ја предвид влошената безбедносна состојба на Блискиот Исток, Министерството за надворешни работи и надворешна трговија, апелира до македонските граѓани да ги одложат патувањата кон Израел, Иран и Либан, додека државјаните кои се наоѓаат на територијата на овие држави да ги следат упатствата на локалните власти и движењето да го сведат на минимум, велат од МНР.Потсетуваме на СОС дежурните телефони на Министерството +389 75 273 732 и +389 75 268 736, како и дежурниот телефон на Амбасадата во Тел Авив +972-54-926-7378, која е целосно екипирана и ставена на располагање за нашите граѓани.Министерството за надворешни работи и надворешна трговија ќе продолжи да ги следи состојбите во Либан, Израел, Иран и регионот и навремено да ги информира нашите државјани за евентуални насоки за постапување, се додава во соопштението на МНР.
Македонија | пред 1 година
„Елми Азири, пратеник од таканаречениот Европски фронт, во телевизиска изјава јавно призна дека учествувал на состанокот одржан во собраниска канцеларијата 161!“, велат од ВРЕДИ.„Со оваа, пратеникот Азири го призна тоа што Коалицијата ВЛЕН го зборува во контуинитет: Состанокот помеѓу ВМРО и ДУИ заедно со нејзините сателити се случил на барање на Али Ахмети пред основањето на Владата. Средбата е одржана во Собрание во канцеларијата 161. На тој фамозен состанок присуствувале Блерим Беџети, Елми Азири и Мендух Тачи.Оваа „европска“ тројка коленичела пред претставниците на ВМРО со цел да издејствуваат да станат дел од Владата наместо ВРЕДИ со само четири министри и без претседател на Собрание. Дури, нуделе на локалните избори да сработат ВМРО да добие Македонци за Градоначалници на Кичево и Струга и да направат список на поранешни функционери на ДУИ кои Ахмети бил подготвен да ги жртвува само за да ги спаси своите внуци.Со оваа јавно признавање, паднаа сите маски. Се потврди дека „Европскиот фронт” за да ги спаси своите поранешни функционери од кривична одговорност за сторена политичка корупција нема дно кое може да го пробие“, соопштуваат од коалицијата ВРЕДИ.
Македонија | пред 1 година
„Првите 100 дена од изборот на новата Влада не беа лесни, но беа клучен период во кој многу работи станаа јасни – каде сме и каде треба да одиме и што е потребно за да стигнеме таму. Но, најважно покажавме дека сме одлучни и посветени да се справиме со предизвиците без разлика на опструкциите со кои се среќаваме и проблемите и стапиците што се поставени пред нас“, кажа на денешната прес-конференција, премиерот Христијан Мицкоски.Премиерот истакна дека наследената состојба била многу полоша отколку што кој било очекувал, а состојбите биле далеку од идеални.Мицкоски посочи дека за сто дена Владата реализирала, донела или отпочнала над 100 проекти, мерки и одлуки важни за граѓаните.„Колку повеќе знаеме дека состојбата е пооптоварувачка отколку што очекуваме, нашата решителност станува поцврста. Наследивме потрошен годишен буџет за само шест месеци. Држава од која младите се иселуваат, 600 илјади кои живеат само со 150 денари на ден и многу други горливи проблеми. Но, тоа само ги засили нашите ангажмани и мотивираност да ги исправиме и да излеземе на правиот пат. Денешната цел е недвосмислена – 100 проценти посветеност кон реализација на проектите и исполнување на ветувањата“, кажа Мицкоски и додаде дека овие 100 дена не биле лесни, но биле само почеток.„Нашата примарна задача и фокус беше да ги стабилизираме финансиските текови, да ги затвориме буџетските дупки и да се справиме со дефицитите и хаосот оставени од претходната влада. Работиме на враќање на долговите, затворање на задолженоста на институциите и јавните претпријатија и имплементација на конкретни мерки во даночната и социјалната политика. Подготвуваме и екипиравме институции, договараме инвестиции кои се значајни за нашата економија и кои ќе отворат многу нови работни места, и работевме и подготвуваме стотици нови проекти“, посочи Мицкоски.„Се грижиме за сите, за најмладите, за нивното образование и за старите со првата половина од зголемување на пензиите и други нови проекти што ги планираме. Не ги забораваме ни земјоделците, ниту работниците, ниту наставниците и професорите, ниту лекарите. Обезбедивме за првпат бесплатни учебници за сите на време после долго време. За пасоши и лични документи нема редици, покачивме пензии, исплативме долгови и заостанати плати. Секој ден се обидуваме да покажеме дека делуваме, дека сме присутни со активности, но и да донесеме по некоја нова мерка и се обидуваме да се подобриме, да покажеме дека може поинаку и може подобро“, рече Мицкоски.Тој нагласи дека со поддршка на општините се обидуваат да ја развиваат државата и да обезбедуваат проекти кои ќе подобрат нешто.Мицкоски исто така кажа дека за само 100 дена новата влада преку линеарното покачување на пензиите овозможи повисоки пензии за над 330 илјади пензионери, нови странски инвестиции, поевтини катастарски услуги, поевтини лекови преку проширување на позитивната листа, највисока откупна цена за винското грозје, ограничена маржа за над 70 прехранбени производи.„Следуваат многу повеќе проекти, мерки и реформи за кои ќе работиме со целата наша енергија, со целото наше срце. Следуваат нови инвестиции, ценовни намалувања, одлуки за инвестиции, но и мерки за младите, и можам да кажам дека даноците ќе се намалат. Во наредните четири недели очекувајте одлука за дополнително намалување на даноците со што ќе станеме држава со најниски даноци во Европа“, додаде премиерот Мицкоски.
Македонија | пред 1 година
Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против 18 службени лица (12 – дванаесет се полициски службеници - припадници на Мобилната единица за безбедност на патниот сообраќај, додека останатите шест се вработени како службени лица на наплатна рампа Романовце при Јавното претпријатие за Државни патишта) поради постоење основи на сомнение за сторено кривично дело „злоупотреба на службена положба и овластувања“ по член 353 од Кривичниот законик. По преземени мерки било констатирано дека шест службени лица од патарината Романовце, со претходно изготвен список на регистарски таблички на приватни возила, им овозможиле на 12 полициски службеници премин без да се изврши наплата 959 пати во периодот од 01 јануари 2024 година до 15 август 2024 година, односно ја искористиле својата службена положба на полициски службеници и прибавиле материјална корист со неплаќање билет за премин на наплатна станица Романовце на автопатот Куманово – Миладиновци и обратно со своите приватни возила.Одделот за внатрешна контрола, криминалистички истраги и професионални стандарди, согласно своите надлежности и овластувања, против полициските службеници ќе поднесе предлог за поведување на постапка за утврдување на дисциплинска одговорност и ќе изрече задолжителни мерки за отстранување од работното место до завршување на дисциплинската постапка.
Македонија | пред 1 година
Владимир Туфегџиќ, екссудија кој ја водеше истражната постапка пред А1 Телевизија да се затвори, во поткастот „Претрес со Ландов“ за првпат зборуваше за процесот, но и однесувањето на газдата Велија Рамковски кој доби висока затворска казна. Кажа дека прво си го поставувал прашањето зошто со години УЈП не правела контроли во А1 Телевизија, за потоа, да го добие одговорот преку обезбедени видео снимки.„Има таму една снимка кај што Велија ги брка на клоци инспекторите“, екссудијата Туфегџиќ за А1 Телевизија и постапката.?t=8252
Македонија | пред 1 година
Каролина Ристова - Астеруд, професорка на правниот факултет Јустинијан Први, даде свој коментар за започнатите преговори на Албанија, а замрзнатиот пристап на Македонија во ЕУ.Нејзиниот став во целост:СТАТУСИ ПО ФБ: “Албанија дојде пред нас. Утре ќе нѝ поставува услови како Грција и Бугарија. Фала!”; “Албанија нема веќе да биде само географски Запад за нас”.МОЈ КОМЕНТАР:Навистина? По таа логика, Србија е пред Албанија, а Црна Гора уште повеќе. Зарем сериозно мислите дека Албанија ќе дојде до позиција некому да му става вето? Мислите дека ЕУ не учи од претходните искуства?Ако ги тргнеме настрана внатрешните сериозни и легитимни проблеми кои ќе го кочат секое проширување ( очигледно не се следи тоа одвнатре ЕУ, а и што му се случува на голем дел од еврограѓанството, а и се заборава кои се’ се играчи и конечни носители на одлуката за прием на нова држава -членка, сосе и со задолжителен референдум во игра), ако се тера проширувањето како процес, многу пологично е Албанија да биде во друштво со Србија, отколку со МК, ако веќе не може сите заедно, иако во крајна линија и идеално, и МК треба со нив. Единствено само ЦГ може да се шмугне прва и сама, ништо чудно, за да се обнови мотивацијата и посветеноста кај останатите, да не’фокусираат на нашиот евроидентитет, а и да се зајакнат белите крвни зрнца кај нас Балканците во однос на разно-разни штетни воневропски и вонзападни влијанија, најдиректно и најпрво на штета на нас самите. Тука да потсетам и ова: за конечната одлука за прием на нова држава -членка, не одлучуваат само критериумите, туку и други фактори, некои и од доменот на политичката метафизика, еве така да се изразиме. Тоа е така, меѓу другото, затоа што влегувањето во ЕУ не е како да влегуваш во класична меѓународна организација, туку многу повеќе како некому да му влегуваш во неговата нај-нај домашна политичка заедница( попозната како “држава”, ма сосе најлокалната му самоуправа), а по низа аспекти, малтене како буквално дома-дома да му влегуваш, со право да му ги “редиш штипките” по дома, нема врска што таа дома не си ја правел ти.Ние секако сме несреќни и онепревдани со ветата на два соседи (иако, не по линија на реално неисполнување на критериумите за ЕУ-членство, дефинитивно не помалку од Албанија, но нешто што го подзабораваме или си го мислиме за нешто од што сме ослободени заради жртвите што им ги приложивме), кои пак не се најумни да видат дека со тоа се поткопуваат и себеси од аспект на тоа кој и што им се инсталира во МК, како смртно сериозен проблем и за нив како за во директен комшилук и на своја физичка државна граница, а и за цела Европа и за цел Запад, односно кој се’ го користи за себе тој и таков вакум и ерозија на етномакедонскиот мнозински агенс како сосед.Но, баш ме интересира, ако треба да одлучите, кои проблеми да ги имате, што ќе изберете, дали тие на МК или на Албанија , сосе приколката на албанскиот фактор во Косово и во МК што они си ја имаат? А размислете го и “од втора” , т.е и од позиција на Европјаните кои се веќе во ЕУ, замислете се, еве, домородни етнички Австријци, Французи, Германци, Швеѓани, итн., родители и старатели на такви деца, внуци, правнуци, кои, згора на се’, еве, многу ја обожаваат Тејлор Свифт, и многу сакаат да одат на нејзини концерти во Виена? ( ако ова последново не ви е јасно од прва зошто тука и така спомнато, има подолу разјаснување ).На пример, дали сакате МК да има “фишеа” од типот на озлогласена и брутална (македонска) етничка мафија, како што им е на товар на Албанците албанската мафија, единствена таква домородно европска од тој тип и калибар, која најдеструктивно коси луѓе и ресурси по Европа со најтешки форми на транснационален криминалитет со најтешки дроги, шверц на илегална воневро имиграција, своја сопствена масовна не/легална имиграција, згора со придружен проблем на неинтеграција и нелојалност (двата феномени во каузалитет со неевропски форми на екстремен етнички и верско/теократски трибализам по основ на ислам /муслиманство), трговија со жени и девојчиња за сексуално ропство и присилна проституција, секако индикативно селективна по основ на нивен немуслимански идентитет (да си знаете, ич не е случајно)?Имате јака желба да сте на нивно место, па во свој двор да имате растечки канцер на исламофаши теократија во сопственото ткиво,како антитеза и метастазирачка закана за севкупниот евро поредок, не само јавен ред и мир и јавна/државна безбедност, сосе и исламофаши тероризам? Ај, на пример, ѕирнете го најновото, не мора многу како ние што постудиозно мора да следиме, откажаните концерти на Тејлор Свифт во Виена заради исламофаши терористичка закана, која, доколку беше успешна, ќе беше со најмногу жртви досега - тоа во чие “фише” оди? Сакате во вашето, можеби? Тоа што тие од чиј двор доаѓа сето ова најбесрамно и по своја културна социопатологија си го ќутат и кријат, дефокусираат, релативизираат, а и други заќутуваат да зборат (они за оние во и по ИСИС тоа, не па за ова), што мува не ги лази, што нема mea culpa и не се самокамшикуваат и кога не треба, камоли кога ептен треба, онака типично по европски (впрочем, културата не им е обликувана под влијание на христијанството, па и во лаицизирана и секуларизирана форма), не значи дека не е брутално реален и смртно сериозен проблем, фатен веќе на радарот и точно локализиран, па и идентитетски.Сето тоа и МК ја втурнува во тој и таков жив песок, но, секако не по основ на македонскиот мнозински етнички агенс, туку баш од албанскиот ( а и бошњачки, а и тоа на Ромите што им прават, во какво друштво ги вовлекуваат). Впрочем, кој тоа и чиј агенс прави МК катадневно се’ помалку да личи на Европа, туку небаре на старо-нов пашалак на Ердоганова Турција, ма чиниш забревтан да стане прв исламски калифат на тлото на Европа, ма небаре повторно сме колонизирани и покорени од калифатџиите, дури и повеќе од она што било во минатото заради развојот на техниката и технологијата која овозможува поголем досег, опсег и ефект ( на пример, тоа што џамии присилуваат немуслимани да слушаат зборовно исламски верски проповеди петпати 24/7/365 не е дозволено никаде по Европа, ниту е евро начин и режим на религиозен израз, ниту тукашните би имале таква “потреба” ако не беа сериозно оттуѓени од својот евроидентитет), а и се’ повеќе тероризирани како инфидели и инфиделски општество и држава кои треба да се исламотеократизираат по императивите на политичкиот ислам, а во овој втор историски обид , уште пострашно, со се’ поголемо инфилтрирање и на блискоисточни арапски верзии, никогаш претходно стапнати во овој дел на Европа? Најциничниот развој и колатерала е што и Рамковниот се инструментализира за таа цел, за полесна инфилтрација и инсајдерско делување во тој правец, колку и сите овдешни да се прават трите мајмуни.Признале или не, многу од работите што ги тера албанскиот фактор во регионот, а особено баш во МК, немаат врска со било што од типичниот евроиндентитет, култура, традиции, обичаи , разбирања за право (инфилтрирање толкувања по шеријат) и политика ( она партиските им изборни коалиции на ДУИ, забележавте што им беше заеднички именител, неќе да беше етникум по вообичаено како тераат, ами тоа кампањи по џамии, полова/родова сегрегација по кампањи без пардон и на увид на сите, инфилтрирање на женска хиџабизација за рушење на секуларизмот во верски неутрални државни/јавни простори, а и како прашање на култура, а веќе и никабите и бурките како следна фаза навлегуваат, секако прво за муслиманките, а доживеавме и претседател на Собрание да ни е некој кој тера исламотеократизација со надворешно-манифестни исламски обреди во срцевината на нашиот граѓански и државен суверенитет), етика, начин на живот, односи мажи-жени, родители-деца, што се јаде и пие ( со злоупотреба на правото, веќе во сред Скопје на евро каурите им се негираат во самопослуги свинско и алкохол, ете и тоа има веќе, а во низа места на свој малопродажен монопол, и најефективно се негира пристап по пат на абнормално комплицирање да се набави), дали и кој (смее да) да се шета и журка, каков е односот кон сексуалноста, бракот и семејството, моногамија, полигамија, однос кон друга и туѓа религиозност (сосе и доминантната и формативната за и во Европа -христијанството), секуларизам, лаицизам, атеизам, апостатство, агностицизам, каде и како се сака надворешно да се манифестира религиозност и во функција на што, дали се негува и слуша (евро/западна) музика, итн., итн., итн. - уште од Отоманско тоа се доживува европско- инфиделско, се самооттуѓиле од тоа. Со кого огромен број од нив повеќе се препознаваат и идентификуваат, ма и како муабет-размена за просечно животно искуство и стил на живеачка, со остатокот на Европјаните или со некои други? А кој следи воневропска муслиманска имиграција по Европа, многу феномени во односот кон домородните Европјани, кон државата, итн., ќе им заличат на некои од овдешните (а има и бетер, верувале или не), иако немаат никаков друг заеднички именител, освен (политичкиот) ислам како формативен фактор на културата и политиката.Е сите овие прашања се’ повеќе (ќе) одат на товар кај Албанија, и таа ќе треба да се справува со истите како држава-матица на Албанците, да и даде одговор на Европа/ ЕУ, дали овојпат во историјата ќе пресечат во прилог на својот евроидентитет, или како во Отоманско, ќе чиракуваат како петта колона против Европа. Дали можат да живеат со “каури”, и како мнозинство, и како малцинство, а да не гледаат да ги деконстуираат (благ израз) по императивите на исламотеократијата, па и во мутирана лаичка форма, ударно на албанскиот национал-шовинизам, но карактеристично форматиран токму од доктрини на (политичкиот) ислам? Еве, највоочливо од култура на ставање етнички и партиски албански знамиња и друга таква симболика таму каде треба да е граѓански-неутрален (државен, јавен) простор, како дериват и пермутирана форма на исламскиот теократски тоталитаризам кој не признава таков тип на неутралност, тоа е строго европско acqui communitaire, но тотално туѓо и оттуѓено како концепт за нив.А секако и дали слично како Турција/Грција во однос на Кипар за спорните прашања во врска со Косово? Ако се стават во пакет со Србија, помалку се шансите за таква динамика, поголеми шанси за разрешница, подобро и полесно и за /во самото Косово, но и за негово последователно евроинтеграње.Ако го сведеме сето ова на едно прашање , тоа е: Дали Албанија и Албанците ќе станат “втора Турција”, оваа Ердогановата ( дали воопшто следиме?!), секако во контекст на ЕУ-проширувањето, по сето горенаведено како сериозен проблем и предизвик?Севкупно, ако и навистина Албанија наскоро почне со преговори, во овој и ваков контекст, тоа е добро и за регионот, и за цела Европа. Во интерес на сите е евроинтеграцијата на Албанија да се стави “на стереоиди”, а таа потоа како центрифуга да ги завлече Албанците во МК и Косово на пат на нивна реевропеизација, обновување на нивниот евроидентитет, и оттргнување од канџите на гореспоменатите смртно сериозни проблеми, најакутно тој на политичкиот ислам/исламофашизмот кој е егзистенцијално заканувачки за Европа и Западот, и не само од геополитички аспект. А и јамка околу врат на самите Албанци, која, досега, парадоксално, само се мимикрира/ше и амортизира/ше токму заради измешаноста со инаку омразените им словенски каури, нешто слично што засега се оценува како доволно за истиот канцер што метастазира меѓу Бошњаците во БиХ, но, нели, угоре Хрватска, удолу Србија и ЦГ, дали баш паметно за таму, друг муабет. Сето ова што поскоро треба да го сконтаат и нашиве два соседи на југ и на исток, оти Македонија може да стане најакутна во тој дел, многу повеќе и од Косово што е. Па нека му ја мислат и они пофокусирано што сето тоа ќе значи за нив, ако продолжат и натаму да газат по МК и Македонците, што може да си добијат на своите граници и од европската страна, небаре малку им е тоа што веќе го имаат од другата страна, а не дека немаат и историска ука и референци, само треба да ги препознаат современите манифестни облици и начини на делување на старо-новите закани за нив и за цела Европа.
Коментари | пред 1 година
Ученици не можат да стигнат на настава, вработени на работа. Приватните автобуси останаа паркирани, а возилата на ЈСП не можат да ги опслужат сите патници. Турканици, нервоза, расправии – ваква беше атмосферата на дел од автобуските кои беа преполни. Учениците се принудени да прават снимки за да оправдаат зошто не стигнуваат на време во училиште.„Чекај сеа на класнава, еве на школо како доаѓаме. Висат луѓе, одвај се затвори. Ќе висат сега до кај мене на станица“, вели ученикот кој не може да стгине на настава, снимката ја достави до нашата редакција.Главната менаџерка на Градот Скопје, Данела Арсовска, вчера има две објави на социјалните мрежи, поврзани со културни случувања. Но ниту една за проблемот со автобускиот превоз. Проблемот започна минатата недела, а револтот изби откако приватните превозници побараа повисоки цени по услугата за изминат километар.Побараа од Советот да заседава на вонредна седница, а вчера имаше и координација на советнички групи, но на истата, не присуствувала Данела Арсовска ниту некој претставник од Градот Скопје. Заклучоците засега не се понзати.Проектот на градоначалничката Данела Арсовска за набавка на нови еколошки автобуси или не е ставан на дневен ред или не ја добива поддршката од мносинството советници, а премиерот Мицкоски пак пред извесно време рече дека тој нема веднаш да го реши проблемот на граѓаните бидејќи како што посочи и да се нарачаат возила сега тие нема веднаш да бидат испорачани.
Скопје | пред 1 година
Пензионерите во Република Северна Македонија од денеска добиваат зголемени пензии за 2500 денари. Согласно, Законот за изменување и дополнување на Законот за пензиското иинвалидското осигурување, околу 340.000 пензионери кои се стекнаа со правото на пензиско осигурување заклучно со 31 август, се опфатени со линеарното покачување на пензиите.Овие законски измени предвидуваат линеарно зголемување на пензиите во м. Септември и м. Март. Поконкретно, на 1 Септември 2024 година, сите видови на пензии остварени согласно овој закон заклучно со 31 Август 2024 година, се зголемуваат за 2.500 денари и на 1 март 2025 година, сите видови на пензии остварени согласно со овој закон заклучно со 28 февруари 2025 година, се зголемуваат за 2.500 денари.Целта на измените и дополнувањата на Законот за пензиското и инвалидското осигурување е обезбедување на пораст на животниот стандард и подобар и поквалитетен живот за пензионерите.Линеарното зголемување на пензиите е едно од клучните исполнети предизборни ветувања на оваа Влада, која во фокусот на своето работење го има подобрувањето на економскиот статус на граѓаните и воопшто економската состојба на државата.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
