ТОП

(Видео) Сам се предаде третиот осомничен за грабнувањето на внукот на Бошковски, ексклузивно: Таткото со моќта на Спасовски и Бошковски ме ставија во делото!

Александар Трпковски, третиот осомничен за грабнување на Самоил Костадиновски, внук на Љубе Бошковски, утрово сам се предаде на македонската полиција, која го спроведе во затворот „Скопје“ во Шутка. Додека беше во бегство, екипата на поткастот „Претрес со Ландов“ разговараше со него и тој ексклузивно за првпат ја кажа својата страна од приказната - зошто не се вратил во Македонија кога бил исконтактиран од полицијата.„Единствен проблем што било е тоа што тој (Самоил) бил со Виктор кој бил мој близок другар. Така излегов јас осомничен, мора Аце нешто да знае! Мора нешто Виктор него да му каже. Неговиот татко со моќта на Оливер Спасовски и Љубе Бошковски, ме става во делото“, вели Трпковски во ексклузивен разговор за „Претрес“, кој се емитува во среда.Трпковски е третоосомничен во случајот. Според обвинението, заедно со Виктор Милановски кој е осуден, и второ лице од кое земале автомобил, го грабнале внукот на Бошковски.Во разговорот открива какви закани добивал откако исчезнал Костадиновски, детали за таткото на исчезнатиот, но и за бизнис-зделките кои ги имале. Какви биле односите на Трпковски и исчезнатиот, како станал осомничен, од кого добивал закани?Каде е Самоил?Среда, 21 часот, во живо.СТАВЕТЕ САБСКРАЈБ НА ЈУТУБ - КАНАЛОТ ПРВАТВМК - https://www.youtube.com/@prvatvmk

Македонија | пред 1 година

Обвинетиот Видевски за убиството на Вања и Панче задржан во болница: Има проблем со бубрегот, кој му е дониран

Боре Видевски, еден од обвинетите за убиството на Вања Ѓорчевска и Панче Жежовски е задржан на Клиниката за нефрологија. Ова го потврдува директорот на затворот во Шутка, Бобан Утковски за „Скопје1“. Според информациите на нашата редакција од клиниката, тој е вон животна опасност.Извори ни тврдат дека Видевски има еден бубрег и тоа дониран, за кој треба да прима терапија. Останува отворено прашањето дали прима соодветна терапија или одбива.Се очекува наскоро тој да биде вратен во притворското одделение на Скопје, бидејќи состојбата му е подобрена.Ова не е првпат Видевски да биде носен на проверки на Клиника, по негови поплаки за влошена состојба.

Македонија | пред 1 година

Нови цени на горивата

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,19% во однос на одлуката од 23.9.2024 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,339%, кај дизелот зголемувањето е за 0,612%, кај екстра лесното масло исто има зголемувањето од 2,039% додека кај мазутот има намалување за 0,206%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,2553%.Од 1.10.2024 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 74,50 (денари/литар)Моторен бензин ЕУРОСУПЕР БС - 98 76,50 (денари/литар)Дизел гориво ЕУРОДИЗЕЛ БС (Д-Е V) 67,50 (денари/литар)Масло за горење Екстра лесно 1 (ЕЛ-1) 67,00 (денари/литар)Мазут М-1 НС 41,672 (денари/килограм)Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 0,50 ден/лит.Малопродажната цена на ЕУРОДИЗЕЛ (Д-Е V) не се менува.Малопродажната цена на Екстра лесното масло за домаќинство на (ЕЛ-1) се зголемува за 0,50 ден/лит.Малопродажната цена на Мазутот М-1 НС се намалува за 0,155 ден/кг и сега ќе изнесува 41,672 ден/кг.Напоменуваме дека ова се максималните цени на нафтените деривати од 00:01 часот на 1.10.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

Тошковски: МВР ги има соодветните капацитети за да одговори на начин на кој што ќе биде потребно сè со цел сите граѓани да се чувствуваат безбедно и мирно

Во изјава за медиуми по отворањето на Регионалниот центар К9 во Полицискиот центар Ѓорче Петров, Тошковски изјави дека службите проследуваат соодветни информации до надлежните.,,Службите во рамки на институционалните форми кои што ги имавме во државата, а се занимаваат со овој тип на надлежност, проследуваа и проследуваат соодветни информации до надлежните раководни органи во рамки на истите. Тие беа споделувани соодветно и со премиерот и со претседателката. Така што, сето она кое што сме го говореле во минатото, од аспект на обиди какви што веќе видовме во овие месец дена, за подгревање на меѓуетнички тензии, дека се реалност, соодветно одговоривме, соодветно ќе одговориме и во иднина. Кога велам соодветно одговараме, велам дека МВР ги има соодветните капацитети за да одговори на начин на кој што ќе биде потребно сè со цел сите граѓани да се чувствуваат безбедно и мирно и во рамки на тој безбеден и мирен систем да ги остварува правата.", рече Тошковски.Тошковски информираше и дека во рамки на МВР во изминатиот период и во иднина ќе следат голем број на постапки врз основа на кои што ќе треба да се одбере соодветен раководен кадар.,,Како на оние позиции каде што немаме моментално, како и на оние позиции кои што се нераководни, а има потреба од ангажирање на полициски службеници како од самото министерство, така и однадвор. Секое постапување ќе биде транспарентно споделено со јавноста во однос на сите дејствија што ги преземаме. Секој еден во рамки на МВР кој што исполнува соодветни законски услови ќе може да аплицира за предметното место за кое што има интерес и соодветна комисија во рамки на министерството ќе одлучи кој е во игра, кој не е во игра.", вели тој.

Македонија | пред 1 година

На 4 октомври застарува затворската казна на Груевски за случајот „Тенк“ за набавката на мерцедесот

На 4 октомври годинава застарува двегодишната затворска казна за случајот „Тенк“ на поранешниот премиер. Случајот се однесува за набавка на луксузен „мерцедес“.Груевски на 4 октомври 2018 година беше правосилно осуден, така што на 4 октомври годинава поминуваат шест години, што е законски предвидениот рок за застарување на одлежувањето на казната.Според Кривичниот законик застареноста на извршувањето на казната настапува кога ќе помине двапати онолку време колку што е потребно за застарување на делото, а во случајот на Груевски, рокот за застареност изнесува два пати по три години.Во случајот „Тенк“ си Груевски осудени беа и поранешната министерка за внатрешни работи Гордана Јанкулоска – четири години и поранешнииот помошник министер во МВР, Ѓоко Поповски – четири и пол години, кои веќе ги одлежаа своите казни.На Груевски му преостанува да одлежи една и пол година затвор за случајот „Насилство пред Општина Центар“, која му застарува за три години, односно во 2027 година, како и девет години затвор за случајот „Плацови на Водно“, дело кое што му застарува во 2043 година.Претходно на Груевски му застареа делата во предметите „ТНТ“ и „Траекторија“, а останува обвинет уште во предметите Титаник“ и „Талир“.

Македонија | пред 1 година

Ново обвинение за Нефи Усеини

По спроведена истражна постапка, Основното јавно обвинителство Охрид поднесе Обвинителен акт против две лица за кривично дело – Бесправно градење согласно член 244-а став 1 од Кривичниот законик.Осомничените на возраст од 49 и 48 години, како соизвршители, на 27.07.2023 година започнале да градат објект на нивно земјиште, без одобрение за градба издадено од надлежен орган. На постоечкиот објект во центарот на Охрид изградиле доградби од северната страна, во сутеренот, приземјето и на катот, проширувајќи ги со армирани бетонски плочи и столбови, по што продолжиле да го надградуваат објектот со две армирано бетонски плочи со кои ја зголемиле неговата катност.Против првиот обвинет во овој предмет се води судска постапка за уште едно бесправно градење во центарот на Охрид.

Македонија | пред 1 година

Предупредување: Утре изутрина поради ниските температури, можна е појава на мраз и на слана

Поради влијанието на студената воздушна маса која се спушти од север кон Балканот и во Македонија, но и поради целосното разведрување, утре (вторник) во утринските часови ќе биде особено студено, па така минималните температури ќе се спуштаат во интервалот од -2 до 6 степени во најтоплите југоисточни предели од државава.Поради ваквата состојба, на повеќе места во Македонија, особено во повисоките населени места, во Беровскиот регион,како и на планините е можна појава на слана и на мраз. Токму поради ова, апелираме земјоделците навремено да ги заштита своите земјоделски култури.Инаку до среда температурите преку ден ќе бележат тенденција на постепен но не многу голем пораст, додека од четврток следува нова поголема промена на времето, пониски температури и пообилни врнежи од дожд.

Македонија | пред 1 година

Утрово пронајдена 72-годишна планинарка на Шар Планина без знаци на живот

,,Регионалниот ЦУК Тетово, извести дека преку Единствениот повикувачки број за итни случаи 112 во 11.57 часот, вчера беше примен повик за исчезната повозрасна планинарка (72-годишна) на Шар Планина во реон на Љуботен, по што беше организирана потрага што продолжи и денеска од утрово, кога се раздени.Во потрагата беа вклучени ренџери од НП „Шар Планина“ заедно со нивниот директор, 12 специјалци од МВР, 5 полициски службеници од ПС Теарце. Утрово, од НП „Шар Планина“ известија дека денеска во 07.30 часот е пронајдена жената во месноста „Ружен Камен“, но без знаци на живот.За извлекување на настраданата жена од тежок и не пристапен терен се интервенира и од страна на алпинистот Надир Мурсели, којшто помага при вакви случаи на Шар Планина.Увид на местото ќе изврши екипа од СВР Тетово, а е известен и Јавен обвинител.", информираат од ЦУК.

Македонија | пред 1 година

Спасувачка акција на Дојранско Езеро

,,На 112 во ЦУК околу 16.30 часот е барано помош за лице коешто пливало во езерото заради лошото време со ветер, бранови и езерски струи кај месноста „Калдрма“ во Дојранско Езеро.Лицето е пронајдено живо од страна на полициски службеници од ПС Дојран.Конкретно од СВР Струмица известија дека лицето испливало до брегот во близина на грчката граница. Истото од таму е земено од страна на припадниците од МВР и е надвор од животна опасност.Инаку, полицајците од ПС Дојран со чамец на концесионерот на езерото беа излезени на теренот при силен ветер и бранови и вршеа пребарување на Дојранското Езерото на местото каде што било забележано лицето. ДЗС немаше чамец на Дојранско Езеро.”, информираат од ЦУК.

Македонија | пред 1 година

(Видео) Неконтролиран пожар се шири во Грција: Има жртви

Пожар во областа Коринт, на југот на Грција, поради силниот ветер неконтролирано се шири, а две безживотни тела се пронајдени неколку часа откако две лица беа пријавени за исчезнати, соопшти денеска грчката противпожарна служба.Станува збор за двајца мажи кои тргнале со мотори за да му помогнат на својот познаник, пренесува Катимерини. Жителите на неколку загрозени села добија наредба да се евакуираат, а пожарникарите цела ноќ се бореа со огнот, пишува порталот.Борбата со пожарот ја отежнува силниот ветер.На терен се околу 350 пожарникари, 110 возила, 5 авиони и 4 хеликоптери.Регионалниот гувернер на Пелопонез, Димитрис Птохос изјави дека пожарот брзо се проширил и излегол од контрола поради многу силните ветришта што вчера дувале во областа.„Изгоре голема површина од шумата, но во моментов не можеме да процениме колку хектари. Исто така, изгореа и некои рурални куќи“, рече Птохос. Тој додаде дека училиштата во општина Ксилокастро-Евростини денеска нема да работат.Пожарот избувна во неделата наутро во шумска област на Коринт.

Свет | пред 1 година

Бројот на жртвите од ураганот Хелена се зголеми на 116, илјадници луѓе останаа без домови

Бројот на загинати од ураганот Хелена, кој го погоди југоисточниот дел на САД, се искачи на 116, оставајќи илјадници луѓе без покрив над главата во погодените области.Официјалните лица набрзина доставуваат основни материјали за настраданото население, го обновуваат снабдувањето со електрична енергија и ги расчистуваат блокираните патишта, јавува CBS News.Ураганот Хелена предизвика големи разурнувања и прекин на електричната енергија кај неколку милиони луѓе.Невремето го зафати копното во четвртокот вечерта на брегот на Биг Бенд, Флорида, а Хелен е третиот ураган што ја погодил областа во последните 13 месеци.Американскиот претседател Џозеф Бајден во неделата вечер доби извештај за ефектите од разорната бура на огромен дел од јужниот дел на САД и најави дека оваа недела ќе ги посети областите погодени од ураганот.Белата куќа објави и дека потпретседателката Камала Харис ќе ги посети областите погодени од невремето „што е можно поскоро“.Потпретседателката на САД одлучи да ја прекине кампањата во државата Навада и денеска да се врати во Вашингтон на брифинг за одговорот на последиците од ураганот Хелена, соопшти Белата куќа.

Свет | пред 1 година

Напад кој траеше повеќе од пет часа: Руски беспилотни летала лансирани кон Киев

Синоќешниот руски напад со беспилотни летала Шахед врз Киев траеше повеќе од пет часа, но како што пренесуваат украинските медиуми, нема уништени или човечки жртви.Шефот на воената управа на Киев, Серхи Попко, изјави дека руските сили, како и при претходните напади, користеле јуришни беспилотни летала од типот Шахед, пренесува Укринформ.„Вечерашниот напад врз Киев беше изведен во бранови и од различни правци. Воздушната тревога во главниот град траеше повеќе од 5 часа“, изјави Попко.Тој додаде дека сите руски нападни беспилотни летала кои биле лансирани во Киев биле неутрализирани од украинските системи за противвоздушна одбрана.

Свет | пред 1 година

Израел утрово изврши напад врз центарот на Бејрут, убиен лидерот на Хамас во Либан

Народниот фронт за ослободување на Палестина (ПФЛП) во Либан објави дека тројца негови членови биле убиени во воздушен напад во Бејрут во раните утрински часови. Штрајкот во близина на мостот Кола е првпат локација во границите на либанската престолнина да биде погодена во актуелната војна. Тоа е и прв напад врз центарот на Бејрут по војната во 2006 година.Вооружената група соопшти дека се убиени Мохамед Абед Ал-Ал, член на нејзиното политичко биро и шеф на воено-безбедносниот оддел, Имад Одех, член на воениот оддел и воената команда во Либан и Абдул Рахман Абед Ал-Ал.ПФЛП вети дека „ќе го продолжи патот на борбата и отпорот сè додека окупацијата не биде збришана без разлика колку долго ќе трае и колку се големи жртвите“.Израелската армија изјави за Си-Ен-Ен дека „го истражува инцидентот“, пишува Индекс.хрЛибанскиот премиер Микати рече дека бранот воздушни напади ги принудил луѓето да го напуштат Бејрут и другите делови на земјата, вклучително и јужните погранични области.Израелскиот портал Вала објави дека иако се уште не е донесена одлука на политичко ниво, израелската армија (ИДФ) завршува „значајни операции“ во подготовка за копнена инвазија на јужен Либан.Беше објавено дека постои консензус на врвот на ИД и на политичко ниво дека копнената инвазија е само прашање на време.„Целта на копнените маневри е да се уништат целите, но и да се проектира моќта на Израел и ИД на Блискиот Исток, особено врз Хезболах“, беше објавено.

Свет | пред 1 година

(Видео) Разговорите од Заев за убиствата кај Смилковско донесоа само страдање за семејствата! Туфегџиќ откри за муабетите меѓу функционерите

Судијата кој ја водеше истражната постапка за убиството кај Смилковското Eзеро, Владимир Туфегџиќ, во „Претрес со Ландов“ кажа дека се направила класична злоупотреба преку прислушуваните разговори од страна на носителите на проектот „Вистината за Македонија“ во кој беше и тогашниот лидер на СДСМ, Зоран Заев. Која е вистината за МОНСТРУМ?„За семејствата на жртвите прислушваните разговори од „Вистината за Македонија“ донесоа патња и страдање. Во тие разговори беа најавени вистинските извршители... Тие кажаа дека наводно се инволвирани државни функционери. Разговори од функционери имало! Тие разговори никаква поврзаност немаат со настанот!“, вели Туфегџиќ кој објасни што се слуша во тие разговори, кои биле ценети и при судењето.Одговорот од Туфегџиќ, ќе го најдете во „Претрес со Ландов“:?t=7037

Студио | пред 1 година

Обид за убиство на малолетник во тетовско: 28-годишник го сечел на вратот и увото, тој избегал

Основното јавно обвинителство Тетово донесе Наредба за спроведување истражна постапка против едно лице за кривично дело – Убиство од член 123 став 1 во врска со член 19 (во обид) од Кривичниот законик.Осомничениот 28-годишник, на 26 септември, во фабрика во селото Голема Речица, со умисла се обидел да лиши од живот 17-годишник, нанесувајќи му посекотини со скалпел кај вратот и десното уво. Оштетениот успеал да побегне, а осомничениот со скутер го напуштил местото на настанот.Јавниот обвинител до судијата на претходна постапка од Основниот суд во Тетово достави предлог за определување мерка притвор за осомниченото лице, бидејќи постои опасност да се даде во бегство или да го повтори односно да го доврши обиденото кривично дело.

Македонија | пред 1 година

Компанијата тврди патниците направиле непотребна паника: „Имаше пареа, не чад“; Пријава во МВР нема

Компанијата чиј автобус вчера се враќаше од Грција, а патниците виделе чад па кршеле прозори, велат дека тоа било само пареа. Според „Ројал Травел“, се создала непотребна паника.„Надвор имаше пареа, немаше чад, само ги искршија стаклата и излегоа. Патниците ги фати паника, не сакале да завршат трагично, но всушност ништо не се случи. Во разговор сме и со членовите на семејството, немаме проблем со никого, сите велат дека нема проблем, само патниците предизвикаа непотребна паника“, велат од „Ројал травел“ во изјава за ТВ 21.„Скопје1“ побара информации од МВР дали знаат за овој случај, но истиот не е пријавен во полиција.

Македонија | пред 1 година

Младо момче загина на патот Тетово-Скопје, излетал од патот со „голф“

На 28.09.2024 околу 20.30 часот во СВР Тетово, било пријавено дека на автопатот Тетово-Скопје, патничко возило „голф“ со регистарски таблици од Свети Николе, управувано од В.З.(24) од Свети Николе, излетало од коловозот.Во несреќата возачот починал на местото на настанот, а смрт констатирал лекар од Итната медицинска помош од Тетово.По наредба на Јавен обвинител при ОЈО Тетово, телото на починатиот било дадено на обдукција. Увид бил извршен од увидна екипа од СВР Тетово.

Македонија | пред 1 година

(Видео) Подгответе се за невреме во Скопје со силен ветер

Од УХМР известуваат:Во регионот на Скопје и на североистокот започна да дува засилен до силен северен до северозападен ветер.Овој засилен до силен ветер (и над 70 км/час) ќе се прошири особено долж Повардарието и во источните делови, а ќе продолжи да дува и особено во првиот дел од ноќта.На северозапад има и зголемена нестабилна облачност со која има појава на пороен дожд кој брзо се преместува и наместа е проследен со ретки грмежи.Услови за нестабилност во текот на денот ќе има претежно на северот и на североистокот од земјата.

Скопје | пред 1 година

(Видео) Сурови одговори од судијата кој му даде 12 години затвор на Мијалков за прислушувањето: Сме слушале ехо, немало такво нешто!

Владимир Туфегџиќ беше еден од судиите кои му досуди 12 години на Сашо Мијалков за прислушувањето со кое СДСМ дојде на власт.„Аферата прислушување нема судски епилог, а штом нема - тоа значи немало ништо, ние сме слушале некакво ехо, некакви приватни разговори, тука завршува тој дел за наводното прислушување“, вели во дел од одговорот Туфегџиќ за „Претрес“.Во “Претрес” беше суров и одговори на многу прашања за овој предмет:?t=5740

Македонија | пред 1 година

(Видео) Сириец удрил со комбе во продавници во Германија и предизвикал пожари, 30 повредени: „Имаше мачета!“

Околу 30 лица се повредени во два одвоени пожари во западниот германски град Есен, меѓу кои и две мали деца во критична состојба поради вдишување чад, соопштија локалните власти.Полицијата соопшти дека е уапсен 41-годишен Сириец од Есен, кој е поврзан со пожарите.Човекот е поврзан и со инцидент со комбе кое удрило во две продавници, изјави портпаролот на полицијата. Во инцидентот нема повредени, додаде тој.https://twitter.com/jreichelt/status/1840278790431264986Апсењето се случило во близина на двете продавници. Полицијата соопшти дека не може да даде детали за осомничениот или неговите мотиви.На повредените им била укажана лекарска помош, а некои се пренесени во болница, изјави портпаролот на полицијата.https://twitter.com/YveK22/status/1840150962435977543?ref_src=twsrc%5EtfwМеѓу осумте тешко повредени деца има и две мали деца чија состојба се уште е критична поради вдишување чад, соопштија пожарникарите.Портпаролот на полицијата одбил да ги коментира информациите дека мажот некому се заканил со нож и мачета.Властите ги прегледуваат снимките што кружат на социјалните мрежи, додаде тој.

Свет | пред 1 година

(Видео) Експлозија на северот на Косово: Оштетена пумпа и автомобили

Во центарот на Звечани на северот на Косово, нешто по полноќ одекна силна експлозија.Според косовската полиција, во експлозијата нема повредени, но оштетени се пумпата и автомобилите. Причината за експлозијата се уште се утврдува.„Околу полноќ одекна експлозија во близина на бензинската пумпа во центарот на Звечани. Во оваа експлозија нема повредени, а причинета е материјална штета на објектот на бензинската пумпа и неколку автомобили во близина. Се уште не можеме да кажеме што ја предизвикало оваа експлозија, додека надлежните единици се на терен“, соопшти полицијата.Инаку, експлозијата се случила во близина на пумпата НИС со која сега стопанисува фирмата „Лаб оил“.

Свет | пред 1 година

Родилка почина во кумановската болница, новороденчето пренесено на скопска Гинекологија

Родилка на возраст од 31-година почина во кумановската болница, а новороденчето е итно префрлено во Клиниката за гинекологија во Скопје. Од здравствените институции нема официјални информации за текот на бременоста, како и состојбата на новороденчето.Причините пак, за смртта, ќе ја испитува судска медицина.„На 27.09.2024 во 21.35 часот во СВР Куманово, директорот на Општа болница Куманово пријавил дека на Одделението за гинекологија во болницата починала 31 - годишна родилка од Куманово. Увид извршиле екипа од СВР Куманово и јавен обвинител, по чија наредба телото на починатата било дадено на обдукција“, велат од МВР за Скопје1“

Македонија | пред 1 година

Пак наплати со „пари на рака“ во ноќните линии на ЈСП

Поминаа пет дена, ЈСП молчи заедно со директорот Драги Кушовски, а праксата во автобус да се наплаќаат билети по 50 денари – продолжи. И вчера, патници за „Скопје1“ сведочат дека им биле приморани билети да платат кај возачот. За разлика од претходното сведоштво, сега парите се плаќаат кај шоферот на автобусот.„Кажуваат оди кај возачот да извадиш билет, се плаќа по 50 денари, а не знам дали им даваше билет. Не видов никој да плаќа преку апаратчето“, вели читател за „Скопје1“.Неспорно е дека во ноќните линии не важат слободните карти, но плаќањето во автобусите е регулирано да биде електронски, а билетите беа исфрлени од употреба. Во случајов, повторно има наплати директно во автобус.„Скопје1“ уште пред една недела упати прашања на оваа тема до директорот на ЈСП, Кушовски, но тој, исто како и на другите медиуми – не испрати одговори. Меѓудругото, во текот на оваа недела имаше и повеќе расипани автобуси низ градот. Побаравме одговор дали ќе сноси одговорност при сериозна несреќа, со оглед дека се дозволува вакви автобуси да возат низ градските улици. Од него – молк.За потсетување:

Скопје | пред 1 година

Македонија на удар на силен и ладен атмосферски фронт: Температурите нагло ќе опаднат за 10 до 20 степени

Ладниот бран од север, поврзан со Атмосферски фронт, полека го зафаќа Балканскиот Полуостров. Што се однесува за времето во нашата Македонија, до крајот на денов ќе имаме претежно сончево и топло време со температури кои ќе се искачуваат во интервалот од 27 до 33 степени.Во ноќните часови од запад облачнота ќе се зголемува и од запад ќе започнат локални врнежи од дожд. Утре (недела) ќе има поголема облачност проследена со повремени локални врнежи од дожд, локално проследени со грмежи. Уште од претпладневните часови ќе започне да дува северен ветер, кој особено во попладневните и вечерните часови, како и во текот на ноќта кон понеделник, и во понеделник повремено ќе биде силен (над 60 км/час). Најизразен ветерот ќе биде Долж Повардарието.Поради продор на многу постудена воздушна маса од север, утре (недела) попладне и навечер, како и во текот на ноќта кон понеделник не очекува нагло и големо заладување на времето, со пад на температурите за 8 до 1о степени, а во северните предели од државава дури и за околу 15 степени во споредба од оние кои ги имаме денес. Поради заладувањето, не се исклучува можноста и за провејување на снег на највисоките планински места во Македонија.Утре преку ден температурите ќе се искачуваат во интервалот од 19 до 28 степени, додека како што напоменав попладнето и вечерта нагло ќе опаднат. Нјастуден ден ќе биде понеделник кога максималните дневни температури ќе се искачуваат во интервалот само од 10 до 18 степени. Наутро пак во понеделник и вторник температурите на повеќе места ќе се спуштат и под 5 степени, а во Беровскиот регион, како и на повисоките и на планинските места тие ќе се спуштат и под нулата.Во понеделник и во вторник во ноќните и во утринските часови можна е појава дури и на слана и на мраз на повеќе места во Македонија.НАПОМЕНА: Оваа нагла и голема промена на времето која доаѓа во Македонија, особено лошо ќе се одрази врз метеопатите.Да напоменам дека во регионот температурите ќе опаднат дури и за околу 20 степени.

Македонија | пред 1 година

(Видео) Можеби се спремале и други ликвидации на други луѓе, а никој ништо не знае - каде беа службите?!, прашува Туфегџиќ

Осомничените за убиството на Вања копалe дупки низ Македонија, една година пред да се случи ликвидацијата. Ова го тврди адвокатот Владимир Туфегџиќ, кој го брани таткото Александар Ѓорчевски во судскиот процес.Според него, како можело ексминистерот за внатрешни работи Оливер Спасовски на прес-конференцијата за случајот со двете убиства да седне и напише дури пресуда, а службите да не знаат што правеле овие лица цела година претходно.„Група си копала дупки низ Македнија, можеби се спремале ликвидации за други луѓе, а никој ништо не знае!“, вели Туфегџиќ.Во „Претрес“, адвокатот Туфегџиќ, бранител на таткото на Вања, зборуваше и за мотивот на убиството, погледнете го тоа во поткастот:https://youtube.com/live/bLCIpcqjXyQ?feature=share

Македонија | пред 1 година