ТОП

Во Македонија уапсен екс припадникот на ОВК–косовското МНР бара негово ослободување

На влез во државава, на граничкиот премин со Косово „Јажинце“ синоќа во 16 часот македонската полиција го уапсила Блерим Рамадани, поранешен припадник на УЧК, кој се бара со потерница од Интерпол Србија.Како што информираа од МВР тој бил уапсен при пасошката контрола откако системот јавил дека лицето се евидентира со мерката „АПСИ“, по што бил предаден на полициски службеници од СВР Тетово.Во меѓувреме, Србија бара Рамадани да им биде испорачан, додека од Косово порачуваат да не се екстрадира во Србија каде што е баран за извршени воени злосторства за време на војната 1999 година.-Многу често се случува земјите да уапсат некого, а потоа да не го екстрадираат. Ако некој навистина сака да се бори против воените злосторства, ако има документирани обвиненија, тогаш секако очекуваме да биде екстрадиран за да одговара за злосторствата,- Ивица Дачиќ - Вицепремиер на Србија и МВР.

Македонија | пред 1 година

Невреме во Скопје: Кровна конструкција се заплетка на кабли од далновод

Поради силното невреме кое го зафати Скопје, дел од кровна конструкција заврши на далновод.Кровната конструкција која ветрот ја оддува се заплетка во каблите од високонапонски далновод за струја.Граѓаните бараат надлежните веднаш да дојдат на терен и да го отстранат делот од кровот додека не дојде до поголема катастрофа.“Да се обавестат дежурните служби дека од невремето во сред населба хиподром на високонапонскиот далновод има закачен дел од кровна конструкција”, стои во објавата на социјалните мрежи.

Скопје | пред 1 година

Маж се удави во Дојранско Езеро

Претпладнево околу 10:10 часот во СВР Струмица било пријавено дека во Дојранско Езеро се удавил маж.Според информацијата од полицијата, машкото лице скокнало во водата од чамец, пливало неколку метри, по што се удавило.На местото се повикани нуркачки екипи за пронаоѓање на лицето, информираа од СВР Струмица.Полициски службеници од ОВР Гевгелија се на местото на настанот.Засега не се соопштува идентитетот на удавениот.Повеќе детали од полицијата најавуваат за подоцна.

Македонија | пред 1 година

Претседателката Сиљановска Давкова во посета на зоната на пожари во неготинско – донесена одлука за ангажирање на дополнителни 200 армиски припадници

Претседателката Гордана Сиљановска Давкова, денеска ги посети припадниците на Армијата вклучени во гаснењето на големиот шумски пожар на планината Серта, кај неготинското село Калањево.Претседателката Сиљановска Давкова од страна на директорот на Центарот за управување со кризи, Стојанче Ангелов, беше информирана за актуелната состојба со пожарите и активностите што се преземаат за нивно локализирање.Врз основа на укажаната потреба и побарувања за поголем обем на ангажман во гасењето на пожарите, претседателката Сиљановска Давкова изутринава донесе одлука за ангажирање на дополнителни 200 припадници на Армијата во напорите за гасење на пожарите, со што вкупниот број на ангажирани армиски припадници е 300.Припадниците на Армијата од составот на Командата за операции и Командата за обука и доктрини ќе извршуваат активности по насока на Центарот за управување со кризи, кој е надлежен за координација на сите вклучени институции.

Македонија | пред 1 година

Уапсен маж за убиство на полицаецот во Лозница: Фатен во Бјелина

Денеска во Бјелина е лишено од слобода лице кое е поврзано со осомничениот за убиството на еден и ранувањето на друг полицаец во Лозница, неофицијално дознава БН ТВ.Како што неофицијално дознава БН ТВ, осомничениот бил уапсен во угостителски објект на улицата Рачанска.Улицата „Рачанска“ во Бјелина претходно беше блокирана од полицијата, односно воспоставен е пункт каде се проверуваат возило и лице.Да потсетиме, МУП на Српска утрово соопшти дека и во Српска активно се трага по сторителот на убиството на полицаецот во Лозница.Како што се наведува во соопштението, полициски службеници на Министерството за внатрешни работи на Република Српска преземаат низа мерки и дејствија во врска со потрагата по лице кое синоќа извршило кривично дело тешко убиство, при што полицијата офицер на Министерството за внатрешни работи на Република Србија е убиен во Лозница.

Свет | пред 1 година

Оперативна акција „Пожар 2024“: Целосна мобилизација на МВР во спречување и справување со пожарите

Денеска во Mинистерството за внатрешни работи се одржа координативен состанок на министерот за внатрешни работи Панче Тошковски, директорот на Бирото за јавна безбедност Александар Јанев и началниците на секторите за внатрешни работи и други организациски единици во МВР на кој тема беше целокупната состојба со пожарите кои ја зафатија нашата држава, активностите што ги презема МВР заедно со другите институции за нивно гасење и активностите за превенција од настанување на нови пожари.На состанокот е донесен заклучок за целосно мобилизирање на сите расположливи човечки и технички ресурси на МВР под оперативна акција „Пожар 2024“. Со оваа оперативна акција сите материјално-технички средства со кои располага МВР, ќе бидат ставени во функција на справување со пожарите. Секторите за внатрешни работи како регионални единици на МВР ќе бидат постојано на терен со зголемено присуство и тесно ќе соработуваат со останатите сектори како Одделот за специјални полициски операции, Одделот за воздухопловни единици, Одделот за гранични работи и миграција, Крим полицијата и други оддели при Бирото за јавна безбедност.Присуството на полицијата на терен ќе биде зголемено. Постојат индиции дека дел од пожарите се подметнати и ќе бидат преземени сите неопходни мерки за расчистување на случаите и санкционирање на сторителите.Апелираме до граѓаните да бидат исклучително внимателни кога се движат во природа. Исто така, ако граѓаните забележат било какво сомнително движење или активности, веднаш да пријават во најблиската полициска станица или на телефонот 112.Секоја активност во насока на намерно или ненамерно предизвикување на пожари ќе биде санкционирана најстрого во рамките на законските норми.

Македонија | пред 1 година

Идната недела ќе се прска против комарци

Градот Скопје ги известува граѓаните дека терестичната дезинсекција на подрачјето на градот Скопје, против возрасни форми на комарци, ќе се реализира од 22 до 25.07 2024 година, во период од 22.00 до 03.00 часот, наредниот ден.Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истите термини.

Македонија | пред 1 година

Ангелов: Пожарот во близина на Радовиш ставен под контрола

Директорот на ЦУК, Стојанче Ангелов преку видео изјава информираше за состојбата со пожарите низ државата. Во моментов активни се 15 пожари.,,Рано утрово во 5 часот се одржа брифинг со домашните и странските пилоти кој учествуваат во гаснењето на пожарите. Рано утрово полета големиот српски хеликоптер со пет тони вода кон пожарот во Радовиш и слободно можам да кажам дека овој пожар во непосредна близина на Радовиш и селото Штурово веќе е ставен под целосна контрола. На територијата на Општина Чашка кај селата Горно и Долно Јаболчиште дејствува еден црногорски хеликоптер и еден полициски хеликоптер. На територијата на Општина Росоман кај селото Сирково дејствува еден полициски хеликоптер и трите „ер трактори“ на ДЗС. На нив во секој момент треба да се приклучи хрватски „канадер“, кој покажа одредени слабости и истите треба да бидат отстранети во секој момент. Кај Лисец ќе дејствува романскиот „спартак“ кој ќе фрли пет тонски водни бомби.”, вели Ангелов.Ангелов информира дека на вчерашната седница одржана во Неготино, бил донесен заклучок за зголемување на бројот на припадниците на Армијата за помагање во справувањето со пожарите.,,Рано утрово претстедателката потпиша указ со кој ни се доделуваат 300 припадници на Армијата како помош во справувањето со пожарите. И за плус 30 припадници е зголемен и бројот на полицајци. На располагање денеска имаме и 60 припадници на Единицата за брзо распоредување.”, вели тој.

Македонија | пред 1 година

Во вчерашното пукање во Чаир повреден 31-годишен скопјанец

Во синоќешната престрелка во Чаир повреден е 31-годишен маж Д.Б. од Скопје.Според информациите на МВР тој вчеравечер пред 22 часот бил пренесен во Градската општа болница „Наум Охридски“ откако се здобил со повреда од огнено оружје.МВР презема мерки за расчистување на случајот.

Македонија | пред 1 година

Уапсен Блерим Рамадани, поранешен припадник на ОВК по потерница од Србија, Косово од македонската полиција бара ослободување

Македонската полиција го успси Блерим Рамaдани, поранешен припадник на ОВК, соопшти Министерството за надворешни работи и дијаспора на Косово.Рамадани е поранешен припадник на оперативната зона Неродиме на Ослободителната војска на Косово, соопштува Министерството за правда на Косово.Организацијата на воени ветерани на Косово упати повик до институциите на Северна Македонија веднаш да го ослободат Блерим Рамадани.Амбасадорот на Косово и косовските властите работат на брзо ослободување на Рамадани.,,Нашиот амбасадор во Северна Македонија, Флоријан Ќехаја, интензивно се заложи за постапување по овој случај и како Министерство за надворешни работи работиме со македонските власти за брзо ослободување на Рамадани”, велат косовските власти.Рамадани е уапсен во Северна Македонија, врз основа на налог за апсење издаден од Србија.

Македонија | пред 1 година

По екстремно високите температури, следната седмица ладен бран ќе ја зафати цела Европа

По екстремно високите температури кои зафатија многу делови од европскиот континент, особено источните предели од истиот, секако и Балканскиот Полуостров, во текот на следната седмица ладен бран од север ќе ја зафати речиси цела европа и ќе предизвика голем пад на температурите и тие ќе бидат потпросечни за месец јули.Потпросечни температури следната седмица очекуваме и во поголем дел од регионот, како и во нашата Македонија. Дури во Алпскиот регион е можна и појава на врнежи од снег, особено на највисоките места, и тоа особено кон крајот на овој, како и на самиот почеток на месец август.Што се однесува до врнежите, најмногу врнежи следната седмица се очекуваат во југоисточна европа, односно кај нас на Балканот, како и во источна европа. Со ова растат и условите за појава на локални временски непогоди.Локални временски непогоди се очекуваат и до крајот на оваа недела ширум регионот, како и во нашата Македонија.

Македонија | пред 1 година

Нема фотографија

Се започнало кога полицаецот побарал да ја прегледа чантата, па напаѓачот почнал да пука: Вака се случил нападот на полицајците на МВР во Лозница

Во нападот што се случи синоќа во Лозница загина полицаецот Никола Крсмановиќ (34), а неговиот колега Вјекослав Илиќ (50) е ранет. Сè започнало час по полноќ кога полицајците кои биле на должност на контролниот пункт запреле такси со турски регистарски таблички кое им изгледало сомнително, а во кое имало двајца мажи, возачот и сопатникот.Полицијата ги идентификувала патниците кои им изгледале сомнително, па еден од полицајците, како што неофицијално дознава порталот Нова.рс, побарал еден од мажите во автомобилот да им покаже торба. Тој одбил, а потоа пукал во полицијата.Во престрелката смртно е ранет полицаецот Никола Крсмановиќ, кој бил застрелан во градниот кош, а неговиот колега Вјекослав Илиќ бил погоден во рамото.Напаѓачите побегнале од местото на настанот.Ранетите полицајци биле префрлени во Општата болница во Лозница, каде Крсмановиќ им подлегнал на повредите.На местото на престрелката полицијата пронашла патни исправи од таканареченото Косово како и германска лична карта на име Артан Хајзири, а се претпоставува дека тој е лицето кое пукало во полицајците.Потрагата по напаѓачот е во тек.

Свет | пред 1 година

Нема фотографија

Бајден вчера добил лоши вести: Ќе има неколку дена да размисли за се на мир

Белата куќа потврди дека американскиот претседател Џо Бајден е позитивен на Ковид-19. Дијагнозата тешко дека би можела да дојде во полош момент за Бајден, пишува Politico. Не само што го скрати неговиот престој во Невада, туку се заканува да ја продлабочи внатрепартиската анксиозност и отпорот кон неговата реизборна кампања.Веста најпрвин беше соопштена на толпата шпанско активисти кои го чекаа говорот на Бајден во Лас Вегас, а не долго откако беше официјално потврдена од Белата куќа. Дијагнозата сигурно ќе ја зголеми загриженоста за возраста, здравјето и издржливоста на Бајден.Многу демократи веќе го повикаа Бајден да се откаже од трката по неговиот катастрофален настап во дебатата за Си-Ен-Ен. Сега дури и оние демократи кои јавно не го повикаа Бајден да се откаже, но приватно се склони кон таа идеја, би можеле да го зголемат притисокот.„Тајмингот за ова не може да биде полош. Тоа ги потсетува сите колку години има Џо Бајден“, рече демократ запознаен со внатрешните дискусии во Белата куќа. Паралелно со објавувањето на дијагнозата, ABC News објави дека лидерот на демократското мнозинство во Сенатот Чак Шумер во приватен разговор му рекол на Бајден дека би било добра идеја тој да се пензионира.Во тој разговор, Шумер му призна на Бајден дека е загрижен за потенцијалниот пораз на демократите на ноемвриските избори, потврди за Политико човек близок и на Бајден и на Шумер.Бајден ја паузираше кампањата додека не закрепне од короната. „Болен сум“, напиша Бајден на Х веднаш по напуштањето на Лас Вегас. Необичната објава набрзо се покажа како дрзок трик за собирање финансиски средства, бидејќи на сметката беше објавен одговор кој продолжи: „Ми здодеа од Илон Маск и неговите богати пријатели кои се обидуваат да ги купат овие избори“.Соочен со постојани критики од некои претставници и донатори, Бајден беше упорен во својата одлука да биде кандидат на претседателските избори. Така, во интервју минатата недела, тој изјави дека само „Семоќниот Господ“ може да го натера да се премисли.81-годишниот Бајден веќе имаше корона. Пред бавно и донекаде несигурно да се искачи по скалите за да се качи на Air Force One минатата ноќ, Бајден им рече на новинарите дека се чувствува „добро“. Во официјалното соопштение на неговиот лекар, д-р Кевин О'Конор, симптомите кои првпат се појавиле вчера наутро ги опишал како благи.Помошниците рекоа дека Бајден ќе се опоравува во својот дом во Рехобот Бич, Делавер. Патем, Бајден ќе исчезне од очите на јавноста во моментот кога Трамп ќе ја претстави својата кампања од сцената на Републиканската национална конвенција во Милвоки.

Свет | пред 1 година

(Видео) Запалена зграда во Франција, седум мртви

Седум лица загинаа во пожар што избувна во станбена зграда во Ница во југоисточна Франција, соопштија пожарникарите.„И покрај големите напори, за жал седум лица загинаа при пожарот“, соопштија од итните служби. Три лица итно се префрлени во болница.Во гаснењето на пожарот учествувале 72 пожарникари.

Свет | пред 1 година

Утрово активни 13 пожари: Од рани зори противпожарно дејствуваат сите летала

Центарот за управување со кризи (ЦУК) информира дека во последното деноноќие имаше вкупно 24 пожари на отворено, од коишто активни утрово се 13, врз коишто од рани зори противпожарно се дејствува по земја и со воздухопловна поддршка од сите летала што се во моментот на располагање и домашни и од другите земји кои испратија ПП летала како помош во кризната состојба заради пожарите од поголеми размери во Македонија.Активните 13 пожари, од вкупно 24-те пожари на отворено во последното деноноќие, беа во општините:Од вкупно пожари на отворен простор 24, утрово вкупно активни се 13, во:-Општина Неготино: с.Калањево (каде што гориниско стеблеста шума и грмушки);- Општина Гевгелија: Помеѓу с.Негорци и с.Кованец (мешана шума);- Општина Радовиш: кај с.Штурово (Ниско стеблесна шума);- Општина Чашка: с.Јаболчишта и с.Дреново врв Лисец (високостеблеста вегетација)-Општина Росоман: с.Сирково и с. Подлест (нискостеблеста шума и ниска вегетација);- Општина Студеничани: место викано Бегово Поле (ниска вегетација и шума);-Општина Зелениково: с.Вражале (ниска вегетација и шума);- Општина Штип: помеѓу селата Драгоево и Селце, м.в.Хаџи Реџепи (ниска вегетација и грмушки);-Општина Чашка: с.Габровник префрлен пожар од с.Слепче, (мешана шума и ниска вегетација);- Општина Долнени с. Слепче и с.Гостиражни (ниска вегетација и дабова шума);-Општина Ново Село: над с.Бадилен (дабова шума и борова шума)-Општина Конче: кај с Горни и Долни Липовиќ (нискостеблеста шума) и во- Општина Делчево (се уште гори градска депонија).Вкупно изгаснати се 11пожари на отворено, во општоните:- Општина Битола: кај месноста „Гермаски гробишта“ над нас. „Баир“ (каде што гори ниска вегетација и шума);-Општина Крушево: градска депонија (борова шума и ниска вегетација);-Општина Аеродром: во реон на нас.Лисиче (ѓубре);- Општина Арачиново: с.Арачиново (ниска вегетација);- Општина Зелениково: с Дејковец ( високостеблеста вегетација);- Општина Кавадарци: кај с.Шивец (ниска вегетација);- Општина Росоман: с.Трстеник (ниска вегетација)- Општина Штип: с.Радиње (стрниште)-Општина Пробиштип: с.Лезово (ниска шума и грмушки)-Општина Тетово: кај „Палма Мол“ (ѓубриште) и во- Општина Гостивар: кај нас. „Питарница“ (ѓубриште)

Македонија | пред 1 година

Пукање во Чаир, еден повреден: тргнале да се смируваат, па почнало пукање

Син на сопственик на позната чајџилница има престрелна рана по вчерашното пукање, кое вчеравечер се случи во Чаир.Првичните неофицијални информации се дека оваа пресметка се врзува со обид за помирување на две семејства од кои едното е од Сингелиќ.Полицијата дознала за настанот по пријава на чаирчанец кој чул пукање на улицата „Дижонска“. Сведоци посочуваат дека на локацијата имало траги од крв.Последните информации за повредениот се дека тој е опериран и е во стабилна состојба.Деталите за лоцирање на убиецот се очекуваат од МВР.

Скопје | пред 1 година

Голем дел од Скопје утре без струја

Од ЕВН Македонија АД известуваат дека утре (четврток) без електрична енергија ќе останат:- во периодот од 09:00 до 10:30 часот, корисниците од село Радуша, село Свиларе, село Дворце, село Орашје (општина Сарај)- во периодот од 10:30 до 12:00 часот, корисниците од Село Рашче, село Бојане, село Копаница (општина Сарај)- во периодот од 10:15 до 11:15 часот, корисниците од Ул.11 ,Ул.1 и Ул.9 во село Кадино (општина Илинден)- во периодот од 06:00 до 12:00 часот, корисниците од дел од ул.Благоја Мучето (Скопје-Аеродром)- во периодот од 06:00 до 14:00 часот, корисниците од Ајватовци, Мршевци, Бучинци и фотонапонските централи ПВПП Ајватовци (Бис Оил), ТС Ајватовци, ТС Фреш Фарм, ПВПП Солант, ПВПП Симао 1, ПВПП Симао 2, ПВПП Симао 3, ПВПП Мијак, ПВПП МЕЦ Солар, ТС Мршевци 2, ТС с. Мршевци, ПВПП Го Страт (општина Илинден)- во периодот од 06:00 до 09:00 часот, корисниците од ул.Орце Николов бр.66 (општина Центар)- во периодот од 08:00 до 10:00 часот, корисниците од с.Белимбегово Ул.8 (од бр.1 до бр.25) (општина Илинден).- во периодот од 06:00 до 11:00 часот без електрична енергија ќе останат корисниците од с.Пакошево (општина Зеликово).

Скопје | пред 1 година

Пожарот кај „Богородица” изгаснат, граничниот премин е отворен

Пожарот кај „Богородица/Евзони“ е ставен под контрола. Граничниот премин е отворен.При гаснење на пожарот имало асистенција и од македонска страна.Протокот на возила е повторно овозможен.Поради пожарот, кој избувна на грчката страна од границата, сообраќајот беше запрен, па се создаде гужва и од македонска страна.

Македонија | пред 1 година

Јаневска: Дојде време да се работи по закон, ерозијата на високото образование мора да запре

Во Министерството за образование и наука постојано стигнуваат поплаки за работата на одредени универзитети и факултети, но за ерозијата на високото образование се неопходни сериозни, транспарентни и законски засновани постапки, рече министерката за образование и наука во емисијата „За или против“ на Алфа ТВ.„Во моментов работиме на 3 пријави, за еден државен и два приватни универзитети. За кои универзитети конкретно станува збор, ќе говориме кога ќе имаме сериозни докази. Дојде време да се работи по закон. Нема да има селективност. Она што сега можам да го кажам е дека ќе следи реевалуација и реакредитација на сите универзитети“, нагласи министерката Јаневска.Информираше дека Министерството за образование и наука на јавна расправа ќе стави и предлог за државни дипломи само во 9-то одделение и во завршна година од средно образование.„Добивме нов е-дневник со средства од ЕУ, којшто е многу посовремен и поефикасен. Тој е во фаза на тестирање и одобрување и истиот овозможува печатење на свидетелства. Но реално, учениците имаат потреба од свидетелства само во 9. одделение и во завршна година од средно образование, за да го продолжат образованието или за да се вклучат на пазарот на труд. Можеби е подобро и поекономично, училиштата да ги печатат другите свидетелства, а завршните свидетелства да ги печати државата. И овој предлог ќе го ставиме на јавна дискусија“, појасни министерката Јаневска.

Македонија | пред 1 година

Познати имињата на сите заменици министри

Владата на Република Северна Македонија до Собранието ги предложи следните имиња за заменици министри, при што целосно се комплетира владиниот тим.За заменик министер во Министерството за одбрана се предлага Елфет Исмаили. Исмаили е дипломиран економист. Своето работно искуство го започнува во Фонд за магистрални и регионални патишта. Од 2006 до 2008 била директорка на ГЦПЦ Пошта Скопје 2, а од 2008 до 2019 била вработена во АД Македонска Пошта како соработник за маркетинг. Во 2019 до 2024 година била Придружничка на лице упатено во Делегацијата на РС Македонија при НАТО, Брисел, Кралство Белгија.За заменик министер во Министерството за внатрешни работи се предлага Астрит Исеини. Исеини завршил на Факултетот за физичко образование, спорт и здравје, а се стекнал и со титулата доктор на Науки по Кинезиологија, вонреден професор. Во моментот е вонреден професор на Тетовски универзитет и на Факултет за Биотехнички науки во Битола.За заменик министер во Министерството за правда се предлага Ален Деребан. Деребан е магистер по право од областа на меѓународно право и меѓународни односи, со завршен правосуден испит. Од 2014-тата година има сопствена адвокатска канцеларија, а во два мандата е и советник во Советот на Општина Струга.За заменик министер во Министерството за односи со заедници се предлага Неждeт Мустафа. Мустафа е дипломиран професор по филозофија. Од 1996 до 2002 година бил градоначалник на Општина Шуто Оризари. Потоа бил дел од македонското собрание како пратеник, а од 2006 до 2017 година е назначен за Министер без ресор – Национален координатор на Декадата и Стратегија за Ромите.За заменик на министерот во Министерството за надворешни работи и надворешна трговија се предлага Зоран Димитровски. Димитровски е магистер на политички науки, а има долгогодишно работно искуство во медиумите, како главен и одговорен уредник. Димитриевски од 2020 до 2023 година бил избран за заменик министер за локална самоуправа.За заменик министер во Министерството за европски прашања се предлага Викторија Трајков. Трајков завршила на Универзитет Св. Климент Охридски Битола, и се здобила со титулата доктор на економски науки. Од 2010 година е вработена во Министерството за надворешни работи и надворешна трговија. А од 2019 година е избрана за доцент на Универзитет Скопје.За заменик на министерот во Министерството за финансии се предлага Николче Јанкуловски. Јанкуловски е доктор на економски науки, а во моментот е редовен професор на Катедрата за агроекономија на Универзитетот Св. Климент Охридски во Битола. Има издадено повеќе домашни и меѓународни публикации.За заменик на министерот во Министерството за економија и труд се предлага Марјан Ристески. Ристески е дипломиран економист, од 2005 до 2017 година бил Градоначалник на Општина Прилеп. Добитник е на неколку меѓународни и домашни признанија.За заменик на министерот во Министерството за енергетика, рударство и минерални суровини се предлага Мирослав Лабудовиќ. Лабудовиќ е магистер по електротехника и информациски технологии. Од 2022 година е менаџер на инженеринг во Корпорацијата Теламон.За заменик на министерот во Министерството за земјоделство, шумарство и водостопанство се предлага Флакрон Беџети. Беџети е професор по политички науки на Универзитет Мајка Тереза Скопје. Тој има долгогодишно работно искуство во Фондот за пензиско и инвалидско осигурување во Република Северна Македонија. Бил државен секретар во Министерството за труд и социјална политика, а во моментот е раководител на одделение за претставки и предлози, Правен сектор.За заменик на министерот во Министерството за здравство се предлага Јовица Андовски. Андовски е дипломиран економист, од 2011 до 2017тата година бил заменик министер за здравство. Тој бил В.Д. Директор на Секретаријатот на Здравствената мрежа на Југоисточна Европа, како и национален координатор на SEEHN на Република Северна Македонија.За заменик на министер за образование и наука се предлага Лулзим Алиу. Алиу е доктор на филолошки науки. Тој е редовен професор по предметот Методика на наставата по албански јазик, Литература за деца на Педагошки факултет „Свети Климент Охридски” Скопје при Универзитет „Св. Кирил и Методиј – Скопје”. Од 2023 до 2024 година бил Продекан.За заменик на министерот во Министерството за социјална политика, демографија и млади се предлага Ѓоко Велковски. Велковски е дипломиран економист. Има долгогодишно работно искуство во Министерството за труд и социјална политика, бил Секретар на Град Скопје, а во последната техничка Влада беше технички министер за труд и социјална политика. Од 2013 до 2024 година бил советник во Советот на Општина Чаир.За заменик министер во Министерството за локална самоуправа се предлага Ерџан Селими. Селими е магистер по политички науки. Од 2009 до 2014 година бил советник во кабинетот на министерот без ресор. Од 2014 до 2024 година бил државен службеник во Генералниот секретаријат на Владата, а од 2017 до 2024 година бил советник во Советот на Град Скопје.За заменик министер во Министерството за култура и туризам е предложен Седат Сулејмани. Сулејмани има завршено Педагошка Теологија на Универзитет Улудаг – Бурса во Турција. Бил заменик министер за култура, а од 2023 година е вработен во Општина Тетово како советник за стручно административна поддршка на општинскиот инспекторат.За заменик министер за дигитална трансформација е предложен Радослав Настасијевиќ Варџиски. Настасијевиќ Варџиски е магистер на економски науки – отсек маркетинг менаџмент, а од 2019 до денес работи во Општина Куманово.За заменик на министерот кој ќе раководи со Министерството за јавна администрација се предлага Лазе Јаќимоски. Јаќимоски е вонреден професор на Правен факултет – Кичево, Универзитет Св. ,,Климент Охридски” Битола. Има издадено повеќе домашни публикации.За заменик на министерот во Министерството за транспорт се предлага Калтрина Зеколи Шаќири. Зеколи Шаќири е доктор на науки. Од 2016 до 2023 година е професор на Универзитетот Мајка Тереза, Факултет за социјални науки, а од 2023 до 2024 година била избрана за в.д декан.За заменик на министерот во Министерството за животна средина и просторно планирање се предлага Ане Лашкоска. Лашкоска дипломирала на Природно математичкиот факултет во Скопје и се здобива со титулата инженер по хемија. Лашковска беше долги години пратеник во македонското Собрание.За заменик на министерот во Министерството за спорт се предлага Сафије Садики Шаини. Садики Шаини е инженер по Информатика на Природно – математичкиот факултет при Државниот универзитет во Тетово, каде што од 2012-2019 била вонреден асистент по информатика. Таа била пратеничка во парламентарниот состав 2020 до 2024 година. Од 2020 година е асистентка по информатика на Универзитетот Мајка Тереза.

Македонија | пред 1 година

Нови директори во АВРМ, три инспекторати, затворот „Тетово“..

Владата на Република Македонија вчера на шестата седница донесе повеќе одлуки за разрешување на досегашните и именување на нови кадровски решенија, и тоа:Фејсаљ Беадини, се именува за в.д. директор на Биро за процена, орган во состав на Министерството за правда.Седад Рушани се именува за в.д. директор на Биро за метрологија орган во состав на Министерството за енергетика, рударство и минерални суровини.Шабан Алајбегу се именува за в.д. директор на Државниот просветен инспекторат.Хаќим Рамадани се именува за в.д. директор на Државниот инспекторат за локална самоуправа.Зухејр Реџепи се именува за в.д. директор на Државен инспекторат за градежништво и урбанизам.Месуд Јакупи, се именува за в.д. директор на Агенција за стоковни резерви.Џеладин Џеладини се именува за в.д. директор на Казнено поправна установа Затвор Тетово.Сељатин Бељули, се именува за в.д. директор на Агенција за вработување на Република Северна Македонија Скопје.Весна Пешова се именува за в.д. заменик директор на Агенција за вработување на Република Северна Македонија Скопје.Ељјеса Незир се именува за в.д. директор на Државниот завод за индустриска сопственост.Гранит Османи се именува за в.д. директор на Агенција за примена на јазикот што го зборуваат најмалку 20% од граѓаните на Република Северна Македонија.

Македонија | пред 1 година

Во следните денови не очекува и понатаму многу топло време, но со развој на попладневни грмотевични облаци

Поради продор на атмосферски фронт од север, атмосферата над нашата територија, како и над целиот регион во следните денови се повеќе ќе се дестабилизира, па така ќе започнат да растат условите за локален развој на грмотевични облаци кои ќе условуваат појава на пороен дожд, грмежи и засилен ветер.Во Македонија утре (среда) а особено во четврток најпрвин особено во планинските места ќе има развој на вакви грмотевични облаци, при што е можна и појава на локално и краткотрајно невреме. Во петок, како и за време на викендот над целата територија на Македонија ќе се развиваат локални грмотевични облаци, па така пороен дожд, грмежи и засилен ветер ќе има на повеќе места.Можна е и појава на поинтензивни атмосферски процеси во вид на невреме, проследено со поројни врнежи од дожд, силни грмежи и електрични празнења, краткотрајно силен ветер и со појава на град. И во делови од Скопската котлина во овие денови ќе има развој на грмотевични облаци, со што е можно и краткотрајно невреме.Сепак и покрај ова, за време на викендот очекуваме само минимален пад на температурите на воздухот, и тоа за најмногу 3 до 4 степени, што значи дека многу топлото време продолжува, но сепак со локални попладневни освежувања.

Македонија | пред 1 година

Пронајдени шест тела во луксузен тајландски хотел, на дното на чашите имало бел прав

Шест лица се пронајдени мртви во луксузен хотел во центарот на Бангкок, причината како што велат властите, можеби е труење.Хотелски работник вчера пронашол тела на три жени и тројца мажи во апартман на петтиот кат во хотелот Гранд Хајат Ераван. Починатите биле Виетнамци, а двајца имале американско државјанство, изјави тајландскиот премиер Сретта Тависин.Се верувало дека тие биле мртви најмалку 24 часа пред да бидат откриени нивните тела, соопшти полицијата, додавајќи дека собата била заклучена одвнатре, но еден член на персоналот успеал да влезе низ посебна врата.Причината за смртта се уште не е позната, пренесува Гардијан. Сепак, Сретха рече дека нема знаци на грабеж или насилство. Тој додаде дека во собата имало „чаши со траги од бел прав“, заедно со недопрена храна што била нарачана претходно. Не е исклучено труење, рече Тити.Надлежните моментално трагаат по седмиот кој го резервирал станот со шестмината починати.„Храната беше недопрена, но искористени се сите шест чаши. Ќе провериме се. Не најдовме ништо друго сомнително, ниту на подот, туку на дното на чашите најдовме некаков прав“, соопшти полицијата. командант Тити Саенгсаванг.„Мораме да ги откриеме мотивите“, рече тој, додавајќи дека смртта не е самоубиство. Срета рече дека се сретнал со виетнамскиот амбасадор и наредил брза истрага за случајот.Полицијата соопшти дека сега трага по седмо лице. „Го следиме секој чекор откако тие излегоа од авионот“, рече Тити.Американскиот Стејт департмент „внимателно ја следи ситуацијата“ и наведува дека е „подготвен да обезбеди конзуларна помош“.Инцидентот доаѓа додека Тајланд се обидува да ја зајакне својата туристичка индустрија, која е тешко погодена од пандемијата и е клучна за економијата.

Свет | пред 1 година

Ангелов: Ќе се обидеме да воспоставиме контрола врз пожарот на планината Серта

Утрово е одржан брифинг со пилотите на хеликоптерите кои полетуваат кон пожарите низ целата држава, извести Стојанче Ангелов, директор на ЦУК.,,Кон пожарот на планината Серта, испраќаме четири хеликоптери. На територијата на Општина Гевгелија, над с.Негорци, испраќаме два словенечки хеликоптери. Додека на територијата на Општина Ново Село, на планината Огражден, исппраќаме еден турски и еден српски хеликоптер кои што носат 5 тона вода.Денес ќе се обидеме да воспоставиме контрола врз пожарот на планината Серта.На сите места, на земја имаме противпожарни единици, на кои ќе им се придружат 100 војници од армијата и 30 припадници на полицијата.", вели Ангелов.Денес околу осум и триесет часот на аеродромот Петровец се очекува да слета авион од Романија, кој носи водни бомби од повеќе од пет тона.

Македонија | пред 1 година

(ФОТО) Сообраќајка утрово во Аеродром

Сообраќајка утрово во Аеродром.На крстосницата помеѓу булевароте Јане Сандански и Васко Карангелески се судрија две возила.Полицијата во моментов врши увид на местото на настанот.Нема информации за повредени лица.

Скопје | пред 1 година