ТОП

(Видео) Ужасна се состојбата со ЈСП: Од септември ќе биде полошо, тоне во долгови, нема автобуси, откажуваат сервисите поради неплатени сметки!

„Не можеме да го опслужуме ни летниот возен ред“, призна директорот на ЈСП, Драги Кушовски, кој на функцијата не е ни цел месец.Најави дека од септември со зимскиот возен ред, ситуацијата ќе биде далеку полоша.„Од денешен апсект, да не ни се расипе ни еден автобус, ќе недостасуваат 100 автобуси. Во моментов има недостаток од 40-50 автобуси“, рече тој.Посочи дека и сервисите на автобусите се одвува тешко, дека има долгови кон добавувачите.„Откажуваат соработка на некој начин, бидејќи ЈСП не може да ги сервисира обврските кон тие договори“, рече директорот.

Македонија | пред 1 година

Обвинение за групата на Шеваљ кој е во Дубаи: подготвувале планови и носеле одлуки за тоа кој, кога, каде и на кој начин да биде убиен!

По спроведена сеопфатна истражна постапка што се водеше од почетокот на оваа година, предметниот обвинител од Основното јавно обвинителство за гонење на организиран криминал и корупција денеска до Основниот кривичен суд Скопје поднесе Обвинителен акт против пет лица.Според описот наведен во првиот дел од диспозитивот на Обвинителниот акт тројца од обвинетите како припадници на организираната меѓународна криминална група извршиле кривично дело Неовластено производство и пуштање во промет на наркотични дроги, психотропни супстанции и прекурзори од чл.215 ст.3 од Кривичен законик. Тие како припадници на организирана меѓународна криминална група, заедно со други лица од кои дел се осомничени во предметот и се недостапни на органите на прогонот, дел се починати, а дел веќе осудени, заеднички делувале, секој во својата улога на неовластена набавка, пренесување, држење, продажба и посредување во купопродажба. Во повеќе наврати во текот на 2020 година овие тројца обвинети биле инволвирани во неовластено купување на 15,005 килограми наркотична дрога – кокаин, нејзино пренесување и пуштање во промет во државава.Меѓународната криминална група чии припадници се обвинетите, делувала во временскиот период од 14.06.2019 до 09.03.2021 година при што во повеќе наврати спровела неовластено купување на наркотична дрога – кокаин од земјите од Јужна Америка, организирајќи го и нејзиното пренесување преку воден пат до Европските земји. Неовластеното пренесување на наркотичната дрога – кокаин наменета за неовластена продажба во Р.СМакедонија од Кралството Белгија и од Р.Албанија преку Косово го договарал и организирал еден од осомничените во предметот – недостапен на органите на прогонот кој е организатор на групата во РСМакедонија.На останатите двајца обвинети им се става на товар дека сториле кривични дела Злосторничко здружување од чл.394 ст.3 и Убиство од чл.123 ст.2 т.5 од Кривичен законик. Имено, во временскиот период од декември 2019 до март 2021 година, осомничениот организатор на погореспоменатата криминална група кој е во бегство, заедно со уште едно лице недостапно на органите на прогонот и двајца починати создале криминална група која имала за цел вршење на кривично дело Убиство од одмазда и по порачка. Припадници на групата покрај двајца починати станале и двајца осомничени во предметот – недостапни на органите на прогонот, како и двајцата обвинети. Организаторите на криминалната група подготвувале планови и носеле одлуки за тоа кој, кога, каде и на кој начин да биде лишен од живот. Одлуките ги спроведувале лично или преку припадниците на организираната криминална група, кои ги прифаќале и спроведувале, а договорите, налозите и упатствата биле пренесувани во непосредни контакти или преку енкриптирани телефони на кои била инсталирана апликацијата “SKY“. Така, организаторите врз основа на претходни сознанија во кои биле цврсто убедени, дека едно лице наводно е учесник и предводник во престрелката во Хотел „Александар Палас“ во Скопје, каде со употреба на огнено оружје било пукано кон дел од членовите на групата, започнале да прават план за лишување од живот на лицето. Откако донеле одлука да го убијат ги ангажирале двајцата обвинети и уште едно сега починато лице, давајќи им налог да го следат неговото движење. По неколку неуспешни обиди на 5.3.2021 година, обвинетите и сега починатиот употребувајќи светлосни сигнални уреди – флешери го запреле возилото во кое се наоѓало лицето кое им било цел со уште три други лица и со употреба на автоматско оружје и пиштол го лишиле од живот , притоа убивајќи уште едно лице кое седело зад него.Со Обвинителниот акт предметниот обвинител достави и посебен предлог на обвинетите да им се продолжи мерката притвор заради постоење на можност обвинетите да се дадат во бегство или да го повторат делото.Наредбата за спроведување на истражна постапка беше донесена во јануари против 15 лица. За четири лица кои се недостапни на органите на прогонот, обвинителството преку Министерството за правда ги има преземено сите неопходни активности согласно Законот за меѓународна помош во кривична материја. Така, за две лица се доставени документи за екстрадиција до Обединетите арапски емирати, за едно лице до Р. Хрватска и за едно лице до шпанските власти. Постапките за екстрадиција се водат согласно процесните закони на државите во кои се наоѓаат осомничените лица и за нив истражната постапка ќе продолжи по нивното обезбедување, како и за останатите осомничени.

Македонија | пред 1 година

(Видео) Страотни снимки од планината Серта каде македонската Армија, полиција, пожарна се бори со страшниот пожар

На некои места гори и покрај патот кој минува низ планината Серта. За информираше директорот на ЦУК, Стојанче Ангелов.

Македонија | пред 1 година

Бизнисменот Радомировиќ има рана од куршум во глава: полицијата објави детали

Бизнисменот Чедомир Радомировиќ имал прострелна рана во главата, објави МВР и додава:На 15.07.2024 во 18.50 часот во с.Орман, скопско, до патничко возило „лексус“ со скопски регистарски ознаки, сопственост на приватна фирма од Скопје, полициски службеници од СВР Скопје со повреда на главата од огнено оружје го пронашле Р.Ч.(67) од Скопје.Тој бил пренесен во Комплексот клиники „Мајка Тереза“, каде што починал.Увид на местото извршила екипа од СВР Скопје и на местото бил пронајден пиштол „Црвена застава“ и чаура.По наредба на јавен обвинител телото на починатиот било дадено на обдукција.

Македонија | пред 1 година

Уште едно убиство во Македонија: 21-годишник убил војник од АРМ

Основното јавно обвинителство Кичево донесе Наредба за спроведување истражна постапка против 21-годишник од селото Суви Дол, Македонски Брод за кого постои основано сомнение дека сторил кривично дело- Убиство според член 123 став 1 од Кривичниот законик.Осомничениот со умисла лишил од живот едно лице во двор на куќа во селото Калуѓерец, нанесувајќи му огнострелна повреда со куршум од ловна пушка.Жртвата е 31-годишен професионален војник во АРМ, но повод за убиството е банална вербална расправија од приватна природа.Надлежниот јавен обвинител достави предлог за определување мерка притвор за осомничениот.

Македонија | пред 1 година

Нема фотографија

Почувствуван земјотрес во Скопје

Денес околу 14 часот почувствуван земјотрес во Скопје, известуваат од ЕМСЦ.„Кратко тресење и гласен краток звук“, „Беше кратко, но почувствувавме дека е некаде блиску, беше околу 2,2 или 2,3 степени“, се дел од коментарите на жителите кои го почувствувале земјотресот.

Скопје | пред 1 година

Мемеди: Модринките на раката на 4-месечното бебе настанале при процедурата земање венска крв за анализи

Модринките на 4-месечнито бебе настанале настанале при процедурата земање венска крв за анализи на 11 јули. Немало апсолутно никаква намера на медицинската сестра за нанесување повреда.Ова го истакна директорот на детската клиника, Реџеп Мемеди, откако родителите на бебето јавно ја прозваа медициснката сестра дека им го тепала бебето бидејќи не знаеле македонски јазик.Тој објасни дека земањето крв било реализирано од страна на две медицински сестри, а како последица на механичкиот притисок настанале хематомите на десната надлактица и подлактица.„Сметаме дека највероајтно во основа причина за алармирање на случајот од страна на родителите е едно недоразбирање меѓу дедото и медиинската сестра кое се случило претходно, па довербата кон сестрата била нарушена“, рече Мемеди.Вчера била реализирана средба меѓу родителите и медицинската сестра. Родителите се покажале доблесни и медицинската сестра изразила спремност дека настанот е повеќе последица на погрешна комуникација и си подале рака на помирување, а тука завршила и работата на комисијата која го истражувала случајот.

Македонија | пред 1 година

За да бидеш доктор, мора да имаш љубов, срце и душа, а не само диплома: Александра сведочи за лошото искуство на Хирургија

,, Пред титулата доктор, треба да стои титула ЧОВЕЧНОСТ”, пишува Александра Алексиеска, која на социјалните мрежи го сподели своето лошо искуство од однесувањето на дел од луѓето во бели мантили.Таа им порачува дека паднале на голем тест. Еве низ што минала Александра:Со многу љубов кон вистината и правдата ќе ви споделам едно непријатно искуство што го имав вчера, нормално, со цел за нештата да се придвижат кон подобро.Вака ќе почнам.За да бидеш доктор мора да имаш нешто љубов, нешто срце и нешто душа.Не си доктор само со диплома.Знаеле древните, како Хипократ за тоа нешто, затоа сеуште во негово име се даваат заклетви.Вчера јас: Александра Алексиеска имав инцидент со прстот, врз него се затвори врата од багажник на кола. Од болка едвај останав при себе. Другарките што беа до мене, ме однесоа на брза помош, а од брза помош ме пратија со упат на хирургија.На хирургија немаше ни шалтер ни жив човек. Имаше само едни големи сиви врати што потсеќаа ко врати за затвор а не за болница и едно ѕвонче. Заѕвонивме на ѕвончето еднаш, чекаме, нема никој…. Двапати…. Нема никој…чекаме.. трипати… нема никој, во силна болка, со голем оток и очигледен деформитет на прстот се молам некој да отвори. Поминува време, а почнувам и да се сомневам дали воопшто сме на право место, нема ни повидок од пружена помош. На четвртиот пат излегува медицинска сестра, со изиритиран поглед и згрчена вилица, наполнета со ароганција и го кажува ова“ Умира некој? Има некој крв од глава да му тече, нормални сте вие што ѕвоните толку пати? Така се звони само кога некој умира" (агресивно го нагласува тоа неколку пати)Невкусно, ниско и невоспитано. За убав човек мајка и татко те учат, ама ете, некои ко да не се дојдени од мајка.Јас и враќам"Ве молам, имам силна болка се повредив.. и објаснувам како.. ме пратија кај вас". Воопшто не сака да слуша, добивам само едно дрско "Влези внатре" Другарките ги бркаат надвор, не ги оставаат ни во ходник.Влегувам внатре. Се појавува докторот(ми доаѓа за момент душа на место и мисла "конечно ќе ми помогне некој)А докторот, (кој подоцна ќе биде именуван)- со најгрд, обездушен тон ми вика “Што е работата? Кај гори ? Дали умира некој па да ѕвоните толку пати”Му веламМоментално имам голема болка во прстот, се шири низ целата рака. Ми треба помош.Како одговор добивам " И за еден прст звоните толку пати, како не ви е срам"Стои на дистанца и воопшто не погледнува во повредата.Се обидував да бидам трепелива и покрај целата болка, уште продолжуваше да се зборува за тоа кој и зошто звонел толку пати, а не зошто не ни отвориле побрзо.Едвај собирав сила да зборувам, со благ тон им велам:"Не би звонела ако немав мака, а ако не треба да се звони четири пати и да се чека толку време пред врата, зошто тогаш не отворите од прв пат?"Толку многу ги повреди тоа прашање, што сите заедно вербално почнаа да ме напаѓаат. И докторот и сестрите. Дел од тие пискотници и некултура ќе напишам тука."Ние за твојот прст треба на врата да седиме? Да чекаме да звониш и одма да трчаме да ти отвориме. Што се замислуваш ти? Како се осмелуваш да прашаш зошто не сме отвориле побрзо?" Коментарите продолжуваа, само знам дека почна сериозно да ми се заматува во главата, не можев веќе ни да ги следам што зборуваат.Добив шок, кој сега беше измешан со физичка и душевна болка. Одам да барам помош, добивам напади и навреди.Очајна од болка со тивок глас му се обраќам на дотичниот доктор."Не можам веќе, ќе ми помогнете или не?"Добивам за возврат едно ужасно, дрско и гласно"Е НЕМА ДА ТИ ПОМОГНЕМЕ "Тука физичката болка веќе престанав да ја чувствувам, надвладеа таа другата. Станав и тргнав да си одам, не знаев од паника како да ја отворам вратата, слушнав само "стисни на белото копче"Ми помогнаа да си одам."Е НЕМА ДА ТИ ПОМОГНЕМЕ" ми одзвонуваше во главатаТоа е дело што подлежи на законски акт. Не треба доктор да се моли за помош, тоа е должност и обврска.Дали се работи за глава или за прст, болка е болка, а должноста треба да се знае.Паднавте голем тест луѓе, многу ми е жал.Пред титулата "доктор" треба да стои титула- ЧОВЕЧНОСТ.И нема земски, ама има космички закони. Многу, многу посилни.Кога веќе срцето ви е толку затворено и несочуствително, барем од божјите закони би требало да се плашите.

Македонија | пред 1 година

(Видео) Ангелов: Пожарот кај Радовиш ставен под целосна контрола

,,Добра вест!Пожарот кај Радовиш е ставен под целосна контрола!Голема благодарност до радовишките пожарникари, градоначалникот на Радовиш и локалното население кое даде голема подршка во справувањето со овој пожар.” информираше Стојанче Ангелов, директор на ЦУК.

Македонија | пред 1 година

(Фото) Алармантно станува: На носила ти ги изнесуваат патниците од ЈСП!

Подолг период жителите на Скопје сведочат на нередовноста на јавниот превоз и гужвите во автобусите како последица на тоа. Градоначалничката Данела Арсовска исто толку време молчи за проблемот предизвикан од ЈСП, од менаџер кој таа го поставува и разрешува.Овие фотографии се од утринава. Ги објави новинарката Соња Христовска Угриновска. На патник му се слошило. Во коментари, скопјанка коментира и: „Лудило е ова. Секој ден среќа е да стигнам на работа“.„Скопје1“ неколку пати ја контактираше Арсовска која тера инат криејќи се од јавноста, не повлекувајќи се од функцијата, иако проблемите во градот се собираат. Таа не одговара на прашања од јавноста.

Скопје | пред 1 година

Се вештачи дали автобусот кој удри во жарденери кај Мавровка бил исправен

Врз основа на поднесено писмено известување од МВР-СВР Скопје Одделение за увиди на сообраќајни незгоди, за настан во кој возач на автобус на ЈСП Скопје на 8 јули изгубил контрола врз возилото за јавен превоз, отишол во лево и удрил во бетонска жардиниера на булеварот “Гоце Делчев”, при што со телесни повреди биле евидентирани возачот на автобусот и двајца патници, Основното јавно обвинителство Скопје оформи предмет и презема дејствија за испитување на настанот.Надлежниот јавен обвинител ќе ги испита и наводите што се изнесени преку јавно искажани изјави од учесници во настанот и од други лица со кои се укажува на незаконитости во работењето на ЈСП Скопје, во поглед на исправноста и одржувањето на автобусот со кој се случи незгодата.За таа цел е ангажирано вешто лице од областа на машинството и издадена е наредба за преземање мерки до МВР – Биро за јавна безбедност да обезбеди податоци и документација од ЈСП Скопје во однос на одржувањето, сервисирањето и исправноста на автобусот, како и организацијата на работниот процес. Согласно наредбата, во присуство на вештото лице ќе се изврши проверка на исправноста на автобусот. Дадени се насоки да се извршат и разговори со лица кои имаaт сознанија за настанот.

Скопје | пред 1 година

Во последното деноноќие 31 пожар на отворено, 11 од нив сѐ уште активни

ЦУК информира дека во последното деноноќие имаше вкупно 31 пожар на отворено, од коишто активни се уште се 11. Инаку, вчера имало 26 пожари на отворено, а од нив активни утрово се 9 врз коишто утрово се противпожарно се дејствува по земја и на места со воздухопловна поддршка.Пожарот на Планината Серта се прошира на 2(две)Општини.1 Општина Неготино во атарот на с.Калањево ( ниска вегетација и шума );2 Опш. Конче, селата Горни и Долни Липовиќ (ниско стеблеста шума –Бор);- Опш. Штип, помеѓу селата Драгоево и Селце, м.в.Хаџи Реџепли ( ниска вегетација и грмушки);- Опш. Ново Село над с.Бадилен, ( борова шума);- Опш. Чашка, селата Дреново и Долно Јаболчиште (мешовита шума);- Опш. Долнени, с.Црнилиште (нискостеблеста вегетација);- Опш. Долнени с. Слепче и с. Гостиражни гори ниска и сува вегетација (трева и нискостеблесто)- Опш. Гевгелија, помеѓу с.Негорци и с.Кованец(даб,смрека,прнар, сува трева).- Опш. Студеничани, Бегово поле (Ниска вегетација и Мешена шума);- Опш. Радовиш, с.Штурово (Ниско стеблесна и борова шума);- Опш. Битола, ул. Девеани бр.92 м.в. Гермаски гробишта (Ниска вегетација);- Опш. Македонски Брод, с.Грешница и с. Слатино (Деградирана шума, ниска вегетација и грмушки.Од рано утрово веќе се дејствува по активните пожари и со воздухоплови, како засилување на силите коишто гаснат од земја, пожарникари, вработени во јавни и комунални претпријатија, армиски припадници, од доброволни ПП друштава, мештани и од други здруженија на граѓани.Прво почана да дејствува еден полициски хеликоптер, а за кратко му се приклучи и еден армиски хеликоптер. Инаку, побарана е и меѓунардна помош за справување со пожарите. на терен е и директорот на ЦУК, Стојанче Ангелов, кој претпочита при вакви ситуации да биде на терен, и информира подетално и за меѓународната помош.Утрово директорот на ЦУК Стојанче Ангелов, во мугрите, присуствуваше на брифинг со армиските и турските пилоти пери што меѓу другото е договорено фокусирање на огнените точки на Серта, тактика – дејство и точка по точка со концентрирано гаснење. Истовремено, тој искажа голема благодарност до сите храбри пилоти кои се борат против огнената стихија, цитираме: „Благодарност до Република Туркије за испратената помош од два ПП авиона „ер трактори“ и еден хеликоптер „блек хок“.Во моментов, Ангелов е турскиот хеликоптер, лета кон Серта, за околу еден час, за сите медиуми, ќе следи негова прецизна изјава, сите пожари се под делумна контрола вклучително и пожарот кај Битола.

Македонија | пред 1 година

Од денес па се до петок максимумот на овој екстремно топол бран од Африка: Во најтоплите температури и до 45 степени

Од денес (вторник), па се до петок 19.7.2024 во Македонија го очекуваме максимумот на овој екстремно топол бран од Африка, па така максималните дневни температури во Македонија речиси насекаде ќе надминуваат 35 степени, додека во најтоплите централни и југоисточни предели тие понекаде ќе достигнуваат и до околу 43 степени. Особено во Гевгелиско, како и во Демир Каписко температурата повремено би можела да се искачи и до близу 45 степени.Тука се и тропските ноќи, и тоа особено во централните и во југоисточните предели каде температурта во ноќните и во раните утрински часови нема да се спушта под 20 степени. Инаку во Скопје за време на овој максимум на екстремно топлиот бран од Африка максималната температура ќе се искачува во интервалот помеѓу 40 и 42 степени. И во делови од Скопската котлина очекуваме појава на тропски ноќи.Времето ќе биде претежно стабилно, суво и сончево со појава на мала до умерена локална облачност во попладневните часови. Ќе дува слаб до умерен ветер од променлив правец, и истиот повремено ќе засилува на интензитет. Во четврток попладне, особено во планинските предели можна е појава на краткотрајна нестабилност.Промена на времето очекуваме од петок попладне, кога ќе растат условите за развој на грмотевични облаци и за појава на локално невреме во Македонија.Ув индексот ќе има екстремно висока вредност 10, па затоа апелираме граѓаните да не излегуваат кога е најтопло (од 11 до 17 часот), но и да пијат повеќе течности.

Македонија | пред 1 година

Трамп за прв пат во јавноста по обидот за атентат: Со завој преку десното увото, неговите поддржувачи во транс извикуваа три слогани

Два дена откако беше повреден во обид за атентат, поранешниот американски претседател и републикански кандидат за претстојните претседателски избори, Доналд Трамп, се појави на националната конвенција на Републиканската партија во Милвоки, поздравен со громогласен аплауз и ентузијазам од неговите приврзаници.Трамп имаше завој на десното уво, каде што беше застрелан во саботата на митинг во Пенсилванија, а ова беше негово прво појавување во јавноста по атентатот.Како што влегуваше Доналд Трамп, неговите приврзаници скандираа „САД, САД“, „Борете се, борете се“ и „Го сакаме Трамп со кренати тупаници, алудирајќи на неговата реакција кога беше изведен од бината откако беше застрелан во Пенсилванија!“ .Трамп застана и ја крена тупаницата во воздух, што го направи и по обидот за атентат.Тој се појави на конвенцијата неколку часа откако републиканците официјално го номинираа за кандидат на претстојните претседателски избори. Трамп треба да се обрати на конвенцијата во четврток.

Свет | пред 1 година

Сестрата на Ким Јонг Ун ѝ се заканува на Јужна Кореја поради пропагандните летоци испратени од Сеул на север: „Ќе има катастрофални последици“

Сестрата на севернокорејскиот лидер Ким Јо Јонг денеска изјави дека Јужна Кореја ќе се соочи со „погубни последици“ за пропагандните летоци што ги испраќа до Северот, а се против Пјонгјанг.„Се чини дека ситуацијата станува неприфатлива. Повторно силно ги предупредуваме. Тие треба да бидат подготвени да платат ужасна и скапа цена“, рече таа, пренедува КЦНА.Јо Јонг рече дека големите балони кои носат летоци „против Пјонгјанг“ предизвикуваат „големи непријатности“ за граѓаните на Северна Кореја.

Свет | пред 1 година

Нема фотографија

Покана за разговори со Кина, обновување на односите со Русија: Писмото на Орбан до Брисел кое ќе предизвика многу гнев во ЕУ

Унгарскиот премиер Виктор Орбан испрати писмо до претседателот на Европскиот совет, Шарл Мишел, во кое, меѓу другото, повикува на разговори со Кина за „мировна конференција“ и обновување на дипломатските односи со Русија, објави Билд.Весникот наведува дека Орбан презентира збирна оценка по неодамнешните разговори со лидерите на Украина, Русија, Кина, Турција и поранешниот американски претседател Доналд Трамп за конфликтот во Украина, како и некои предлози за разгледување.Во писмото, премиерот на Унгарија повикува на разговори со Кина за „мировна конференција“, обновување на дипломатските односи со Русија и како што наведува, „политичка офанзива кон земјите од глобалниот југ, чија почит ја изгубивме поради нашата позиција за војната во Украина“, пренесува Билд.Писмото содржи десет точки, а кога станува збор за војната во Украина, унгарскиот премиер оценува дека во блиска иднина интензитетот на конфликтот радикално ќе се засили.Политичкиот советник на унгарскиот премиер во понеделникот изјави дека Орбан писмено ги информирал лидерите на Европскиот совет за искуствата од мировните преговори во Украина, првата фаза од мировната мисија и планот на Унгарија, кој содржи реална проценка на ситуацијата и реални цели, како и соодветен распоред на акции.

Свет | пред 1 година

Почина бизнисменот Чедомир Радимировиќ, пронајден со раскрварен глава и пиштол до него во скопски Орман

Доцна вечерва е убиен познат бизнисмен, основач на фирмата „Техноком“ и основач на „Радо банка“.Тој е пронајден доцна вечерва со тешки повреди покрај возило кај скопското село Орман.Според информации на Скопје 1, бизнисменот Чедомир Радомировиќ бил пронајден со раскрвавена глава а до него имало пиштол и чаура.Радомировиќ, тешко повреден бил пренесен со Итна помош на скопските клиники, но им подлегнал на повредите.Повеќе детали МВР ќе соопшти утре.

Македонија | пред 1 година

(Видео) „Данела била да прошета во Дубаи, 16 пати во САД, со наши пари..“, вели нејзиниот екссоветник

Дали и каде шета Данела Арсовска со парите на скопјани? 🤔Нејзиниот екссоветник Мухамеди, во “Претрес со Ландов” изнесе свои тврдења. Ние побаравме од Град Скопје да демантираат ако не е така - оттаму досега молк. Молчат и за другите тврдења од Мухамеди кои можете да ги видите тука:https://www.youtube.com/live/otsAaTbFUN8

Скопје | пред 1 година

Мицкоски: Граѓаните да бидат спокојни, во текот на утрешниот ден и задутре ситуацијата со пожарите ќе се стави под контрола

Претседателот на Владата на Република Северна Македонија, Христијан Мицкоски одговарајќи на новинарско прашање при посетата на Општина Охрид, во врска со пожарите во земјава, изјави дека следните два дена ситуацијата ќе биде целосно под контрола и во моментов помош е пристигната од Турција, а се чека и од Србија, Црна Гора и Словенија.„За разлика од „како до сега“ кога користеле алтернативни методи на повикување дожд и слично за да се справат со пожарите, претходната влада, сега оваа влада веднаш по доаѓањето видовте двајцата министри се упатија одма на лице место заедно со директорот на ЦУК, Ангелов да работат на смирување на огнената стихија. Веднаш побаравме и дел од таа поддршка е пристигната, од Турција се пристигнати воздухоплови, два авиони и еден хеликоптер“, истакна премиерот Мицкоски.Премиерот Мицкоски посочи дека авионите веќе работат на смирување на огнената стихија во атарот на Општина Ново Село, а хеликоптерот сега се упатува во неготинскиот крај на планината Серта.„Бидејќи станува збор за непристапни региони во моментов друга поддршка освен воздухоплови не е потребна. Очекуваме помош и поддршка од Србија, Црна Гора, Словенија и цениме дека следните два дена ова ќе биде ставено под контрола. Да бидат спокојни граѓаните, ја контролираме целосно ситуацијата, денеска имаме засилување со воздухоплови кои ќе можат посебно во Ново Село да црпат ресурси, вода од Дојранско езеро. Имаме план во текот на утрешниот ден и задутре работата ќе биде целосно под контрола“, изјави Мицкоски.

Македонија | пред 1 година

Нови цени на горивата од полноќ

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,69% во однос на одлуката од 11.7.2024 година.Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,822%, кај дизелот намалувањето е во просек за 3,043% , кај екстра лесното масло намалувањето е во просек за 3,906% и кај мазутот намалување во просек за околу 1,715%, поради што во структурата на цените на нафтените деривати е извршено соодветно прилагодување.Курсот на денарот во однос на доларот во изминатиот период по кој беа формирани цените со претходната пресметка е понизок за 0,245%.Од 16.7.2024 година од 00:01 часот максималните цени на нафтените деривати ќе изнесуваат:- Моторен бензин - ЕУРОСУПЕР БС - 9583,00 (денари/литар)- Моторен бензин - ЕУРОСУПЕР БС – 9885,00 (денари/литар)- Дизел гориво - ЕУРОДИЗЕЛ БС (Д-Е V)75,50 (денари/литар)- Масло за горење - Екстра лесно 1 (ЕЛ-1)73,50 (денари/литар)- Мазут М-1 НС46,909 (денари/килограм)Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,00 ден/лит.Малопродажната цена на ЕУРОДИЗЕЛ (Д-Е V), се намалува за 1,50 ден/лит.Малопродажната цена на Екстра лесното масло за домаќинство на (ЕЛ-1), се намалува за 2,00 ден/лит.Малопродажната цена на Мазутот М-1 НС, се намалува за 0,716 ден/кг.Напоменуваме дека ова се максималните цени на нафтените деривати од 00:01 часот на 16.7.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

(Видео) Опасно се шири пожарот на планината Серта

Опасно се шири пожарот на планината Серта. Од снимките направени од хеликоптер се гледаат сите краци по кои се протега пожарот.Пожарот на Планината Серта се простира на 3 општини, Општините Штип, Неготино и Кончекако 4 самостојни пожари.Претходно од ЦУК информираа дека полициски хеликоптер од утрово е започнат со гасење на пожарот на Планината Серта, каде треба да се приклучат и армиски хеликоптер и турскиот хеликоптер.

Македонија | пред 1 година

(Видео) Полицајци фатени со поткуп: За да не казнат возач од Скопје, им пазарат во маркет за да им се заблагодарат

Одделот за внатрешна контрола, криминалистички истраги и професионални стандарди при МВР, до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Д.С., Ф.Ѓ. и Д.Ј., полициски службеници во Полициска станица Центар, поради постоење основи на сомнение за сторено кривично дело „примање поткуп“ по член 357 став 1 од Кривичниот законик.Тие се сомничат дека на 04.07.2024 околу 23.00 часот на ул.„Даме Груев“ во Скопје, при вршење службени задачи побарале и примиле подарок за себе за да не извршат службено дејствие, односно да не констатираат сообраќаен прекршок и на тој начин го нарушиле угледот на Министерството за внатрешни работи.Одделот за внатрешна контрола, криминалистички истраги и професионални стандарди против полициските службеници ќе поднесе предлог за поведување на постапка за кршење на работниот ред и дисциплина и ќе изрече задолжителна мерка отстранување од работното место до завршување на дисциплинската постапка.

Скопје | пред 1 година

Оваа фела не заслужува дамка на сестринската професија, поради недокажани инциденти, реагира Бешлиовска

Унијата на здруженија предводена од "ЗМСТАС - ЗА НАС" во однос на актуелните случувања на детската клиника, а во врска со тврдењата за нестручно однесување на медицинска сестра со новороденче, ги повикува релевантните институции да приложат докази за разрешување на случајот.„Во нашата земја во моментов работат околу 9200 медицински сестри. Оваа хумана фела одговорно и пожртвувано работи во јавниот здравствен систем и не заслужува да се фрла дамка на сестринската професија поради недокажани инциденти.Затоа од име на Унијата на медицински сестри упатувам реакција и ја повикувам стручната комисија јавно да се произнесе со факти и одговорноста да ја насочат кон конкретниот виновник.“ вели м-р Гордана Бешлиовска, претседател на Унија на ЗМСТАС предводена од ЗМСТАС „ЗА НАС“.

Македонија | пред 1 година

Се разгорува ли меѓунационална поделба: Модриците на бебето можеби се од тромбоцитопенија, а не од одмазда за незнаење македонски

Фрли искра со меѓунационален предизвик и огнот најлесно се разгорува. Никој не мисли на последиците, туку сaмо на политичките поени кои може да се ,,ќарат”.Последен е случајот со бебето со модринки на Детската клиника. Веднаш осамнаа бомбастични наслови: „Медицинска сестра повредила тримесечно бебе од Сарај зошто мајката не знаела да говори македонски“.Всушност бебето кое имало наод за тромбоцитопенија – состојба на намалени тромбоцити од која се појавуваат модринки. Но, тоа е помалку важно, побитен е политичкиот и меѓунационален ќар и раздор. Наодот за тромбоцитопенија е потврден од тројца специјалисти од Клиниката, меѓу кои и директорот, доктор Реџеп Мемеди, кој заедно со министерот за здравство Арбен Таравари истиот ден го посетија семејството и беа објавени видеа од посетата. Таравари рече дека ако има вистина во обвинувањата за медицинската сестра ќе има и санкции.Инаку за оваа медицинска сестра, со 15 годишно искуство и професионален рејтинг никогаш не била дисциплински гонета, ниту имало поплаки за нејзината работа.И ДУИ на невидено и неиспитано ја осуди сестрата:,,Скандалозното физичко насилство констатирано врз 3-месечно албанско бебе од етнички причини од страна на медицинскиот персонал на Детската клиника е неприфатливо, нечовечно и е последица на политичката немоќ на поразените на изборите кои секојдневно ги понижуваат Албанците”, обвини ДУИ.Новинарот Фуркан Салиу по објавување на веста дека можеби е здравствен проблем кај бебето а не медицинско меѓуетничко малтретирање денеска објави неколку, како што вели, факти, меѓу кои (цитираме):„- Факт е дека 4 медицински сестри ја исмејувале мајката затоа што не знае македонски.- Факт е дека мајката не била присутна кога на 3 месечно бебе е земено крв.- Факт е дека многу медицински работници пациентите ги делат по етничка линија (и медицински работници кои се од албанска етничка припадност) и не треба да се правиме дека тоа не постои и дека не сме од тука.- Факт е дека само пред неколку дена група на лекари и медицински сестри негодуваа зошто како директор на клиниката беше поставен Реџеп Мемеди.- Факт е дека лекари одбиваа да бидат дел од комисијата која што треба да утврди дали повредите се направени од невнимание или со намера.- Факт е дека ова е индивидуален чин и не може сите лекари и медицински сестри да се обвинат за индивидуална постапка.- Факт е дека нeкакви комори, синдикати упорно зборуваат за етничката припадност на медицинската сестра, нагласувајќи дека шеф на одделот е лекарка Албанка.- Факт е дека во здравствените јавни установи има дискриминација... Прашајте ги Ромите ќе ви објаснат најдобро ако сте алергични на други етнички заедници.Колеги новинари, кога пишувате прилози за вакви теми заборавате многу битни детали затоа што сте заслепени од омраза“.Факти или?А денеска на Клиниката ќе се состане стручната комисијата и ќе биде сослушана и медицинската сестра обвинета од страна на семејството дека на бебето му предизвикала модрици намерно, како одмазда што мајката не знаела македонски јазик.Дали доколку се покаже дека се работи за здравствен проблем кај бебето некој ќе се извини?

Македонија | пред 1 година

(Видео) Ангелов: Рано утрово пристигна помош од Турција, еден турски хеликоптер и два турски ер-трактори

Пожарот на планината Серта е се уште активен на териториите на Општините Штип, Неготино и Конче. Покрај пожарот на планиата Серта активен е и пожарот на територијата на Општина Ново Село, во непосредна близина на границата со Бугарија, информираше директорот на ЦУК, Стојанче Ангелов.,,Нашиот фокус денес ќе биде ставен на овие два пожари. Рано утрово пристигна помош од Република Турција, слета еден турки хеликоптер, како и два турски ер-трактори. Тие ќе започнат со дејсвто врз пожарот во струмичко Ново Село.Полициски хеликоптер од утрово започна со гасење на пожарот на Планината Серта, набргу ќе му се приклучи еден армиски хеликоптер и турскиот хеликоптер.", вели Ангелов.

Македонија | пред 1 година