ТОП

(Фото) Како се справуваат со пожарите: и армиските припаднички од вториот пешадиски баталјон на терен

Два дена армијата работи на терен со ЦУК, полицијата, населението, доброволци на гаснење на девет пожари, а најкритично е на планината Серта бидејќи пожарот не може да се локализира поради лошиот терен, а се простира на три општини како четири самостојни пожари. Се очекува да пристигне помош и од Словенија, Турција, Србија и Црна Гора. На терен, се излезени и припадничките на Армијата, кои со лопати гаснат пожари.„Рамноправно со своите колеги од вториот пешадиски баталјон, армиските припаднички од оваа единица храбро и пожртвувано од самиот почеток се вклучија во локализирање на пожарите“, објави Армијата..Во последното деноноќие и имаше 26 пожари на отворено, од нив активни утрово се 9 врз коишто утрово противпожарно се дејствува по земја и на места со воздухопловна поддршка- Пожарот на Планината Серта се простира на 3 општини како 4 самостојни пожари.1 Општина Неготино во атарот на с.Калањево ( гори ниска вегетација и шума);2 Општина Конче, селата Горни и Долни Липовиќ (ниско стеблеста шума –Бор);3 Општина Штип, местено викано Патрик ( смрек, дабова шум.и мешовита шума)4. Општина Штип, помеѓу селата Драгоево и Селце, м.в.Хаџи Реџепли (ниска вегетација и грмушки);- Општина Ново Село над с.Бадилен, (борова шума);- Општина Чашка, селата Дреново и Долно Јаболчиште (мешовита шума);- Општина Долнени, с.Црнилиште (нискостеблеста вегетација);- Општина Долнени с. Слепче и с. Гостиражни гори ниска и сува вегетација (трева и нискостеблесто) и во- Општина Гевгелија,помеѓу с.Негорци и с.Кованец (даб,смрека,прнар, сува трева).Изганати целосно беа 17 пожари во последното деноноќие.Од рано утрово веќе се дејствува по активните пожари и со воздухоплови, како засилување на силите коишто гаснат од земја, пожарникари, вработени во јавни и комунални претпријатија, армиски припадници, од доброволни ПП друштава, мештани и од други здруженија на граѓани. Прво почанаа да дејствува еден полициски хеликпотер, а за кратко му се приклучи и еден армиски хеликоптер. Се очекува по 10.00 часот да полетаат и два авиони од ДЗС. Инаку, побарана е и меѓународна помош за справување со пожарите. на терен е и директорот на ЦУК, Стојанче Ангелов, кој претпочита при вакви ситуации да биде на терен, и ќе информира подетално за меѓународната помош.

Македонија | пред 1 година

(Видео) Повеќе од два часа се дреме на границата „Богородица“ со Грција: долгите колони и жештината ги нервираат патниците

Како што доаѓаат потопли летни денови, така се зголемуваат и гужвите на граничниот премин „Богородица“ за влез во Грција. Од утрово, граѓани кои тргнале на одмор, се жалат дека чекаат предолго, на превисоки температури. Посочуваат дека иако работат шест рампи за контрола, чекањето е повеќе од еден час, а ако се пресмета и времето кое се поминува на „Евзони“, тогаш е и повеќе од два часа. Коментираат дека е поразително што поминаа години, а секоја следна го има истиот проблем.Граѓани од Македонија, но и Србија во групите „Пат до Грција“, коментираат дека колоната е долга 3,5 километри и на граничниот премин во Дојран бидејќи работи само една лента. И од АМСМ информираат дека интензитетот на сообраќај на патните правци надвор од градските средини е зголемен.„Поради зголемена фреквенција на возила времето на чекање на ГП Табановце за влез и на ГП Богородица за излез од државата е околу 30 минути. На останатите гранични премини од македонска страна, нема подолги задржувања за влез и излез од државата“, велат од АМСМ.

Македонија | пред 1 година

Уапсено младо момче во Штип: со пиштол во рацете позирал за на „Фејсбук“, фотографијата стигна до полицијата

На 14.07.2024 во 01.50 часот во Штип, полициски службеници од СВР Штип во координација со Одделот за криминалистичка полиција го лишиле од слобода Г.П.(22) од с.Козјак, општина Карбинци, постапувајќи по претходна пријава дека на социјална мрежа биле објавени фотографии на кои едно лице, во урбана средина, држел пиштол во рацете.По преземени оперативни мерки лицето било пронајдено и приведено, а по извршениот увид на местото кое го посочил биле пронајдени чаури. Во врска со настанот од М.Т.(27) од Штип бил одземен пиштол „Зораки“, кој по наредба на јавен обвинител бил даден на вештачење. Г.П. бил задржан во полициска станица и во координација со Основното јавно обвинителство Штип, по целосно документирање на случајот против него ќе биде поднесена кривична пријава за „предизвикување на општа опасност“.

Македонија | пред 1 година

Има Ковид низ Македонија: Во јуни од 415 тестирани, 25 лица биле позитивни

Во текот на месец јуни, од тестирани 415 лица, пријавени се вкупно 25 случаи на Covid-19, информираат од Институтот за јавно здравје (ИЈЗ) на Република Македонија.,,Во однос на претходниот месец мај 2024 (n=12), се регистрира двојно зголемување на бројот на пријавени од Covid-19, a во однос на месец јуни 2023 (n=29) има намалување на заболените за 17,2%. Од заболените во јуни 2024, најголем број -14) се пријавени од Скопје, а највисока инциденца (7,3/100.000) се регистрира во Охрид.”, велат од Институтот.Во текот на минатиот месец не биле пријавени починати од оваа болест.Осум од заболените се лица над 60 години, пет од 20-29 години, по три заболени од 0-9 години, 30-39 и 40-49 години, две лица на возраст од 50 години и едно на возраст меѓу 10 и 19 години.,,Од почетокот на пандемијата, заклучно со 30-ти јуни годинава, пријавени се вкупно 350.625 потврдени случаи на Covid-19 (I=19.089,8/100.000) и 9.984 смртни случаи (Mt= 543,6/100.000; CFR=2,8%).”, информираат од ИЈЗ.

Македонија | пред 1 година

Заменик-директорот „тресеше“ подружници на Македонски шуми: на кој како му текне доаѓал и си одел

,,Во текот на денешниот ден од моја страна како Заменик Генерален Директор на “Македонски Шуми”, во договор со Генералниот Директор, извршив посета на 5 подружници во периодот од 7 до 15 часот.Беа посетени подружниците во Куманово, Свети Николе, Штип, Струмица и Радовиш!Со жалење морам да констатирам дека за двајца од петте раководители на подружниците кои беа посетени ќе бидат поднесени соодветни поднесоци!Што ќе се случеше ако посетев 20?Требаше да казниме 10?Најверојатно?Со генералниот мака мачиме да обезбедиме пари за плата и здравство, а во подружниците што?Затворени врати, празни простории …Кој како му текне доаѓал, кој како му текне си одел …Се испостави дека не само денес, туку во изминатиов период во “Македонски Шуми” работеле пред се само оние од кои имале потреба приватните тендераши затоа што мнозинството вработени освен што барале плата, друго и ретко работеле.На прашањето до раководителите зошто дозволуваат вакво безредие, неработење и хаос, нивниот одговор безмалку како договорено оркестриран звучи “не не слушаат”.Е сега, да ви го дадам одговорот на ова и тука завршувам.Знаете ли зошто не ве слушаат?Не ве слушаат затоа што никогаш во изминативе години како раководители не сте работеле во служба на вработените, туку единствено сте работеле лично за вас и сте биле сервис на еден грст послушници околу вас и на приватните тендераши.Е тоа е вистината која ја живееме, но, вистината која ќе ја смениме за кратко од денес затоа што дојде раководство кое од претпријатието “Македонски Шуми” ќе направи сервис на граѓаните и вработените, а не фирма за потребите и богатење на еден грст луѓе.И да не заборавам, одговорност ќе има не само за ова, туку за сѐ и за сите кои во минатото се огрешиле”, напиша Кире Михаилов, заменик гегнерален директор на “Македонски Шуми”.

Македонија | пред 1 година

Четири возила се судрија кај Железничка станица

Утрово четири возила се судрија кај Железничката станица во центарот на Скопје.Околу осум часот на раскрсницата на булевар „Кочо Рацин“ со булеварот „Кузман Јосифовски Питу“,  пријавена е сообраќајна незгода помеѓу четири возила.Полицијата во моментов врши увид. Нема пријавено повредени лица.

Скопје | пред 1 година

Екстремно топлиот бран продолжува: Температури до околу 45 степени, како и тропски ноќи

Екстремно топлиот Африкански бран во Македонија продолжува и во текот на оваа работна недела, а времето ќе биде стабилно, суво и сончево со појава на мала до умерена локална облачност.Температурите ќе се искачуваат во интервалот од 35 до 43 степени, додека во најтоплите централни и југоисточни предели температурата локално би можела да се искачи и до околу 45 степени. Во Скопје температурата во текот на оваа работна недела ќе се искачи до околу 40 степени, но повремено таа ќе надминува и 40 степени.Ув индексот ќе има екстремно висока вредност 10, па затоа апелираме граѓаните да не излегуваат во најтоплиот дел од денот (од 11 до 17 часот), како и да пијат повеќе течности.Тука се и тропските ноќи, односно температурите на повеќе места во Македонија во текот на ноќните и раните утрински часови нема да се спуштаат под 20 степени.

Македонија | пред 1 година

Бајден има важна порака за сите

Американскиот претседател Џозеф Бајден ѝ се обрати на нацијата во неделата вечерта од Овалната соба на Белата куќа и ги повика Американците да ги намалат политичките тензии и да не заборават дека се соседи едни на други, по атентатот во кој беше ранет Доналд Трамп.„Нападот врз Трамп не повика сите да застанеме“, рече Бајден и нагласи дека не смее да се дозволи овој вид насилство да стане нормален.„Политичката реторика во земјата стана многу вжештена и време е да се олади. Сите имаме должност да го сториме тоа“, рече Бајден во говорот што траеше помалку од седум минути, пренесува Гласот на Америка.Во говорот што го пренесоа сите големи ТВ мрежи, Бајден нагласи дека во Америка несогласувањата се решаваат „на гласање, а не со куршуми“.Тој ги повика американските граѓани да не избрзуваат со заклучоци додека трае истрагата за пукањето на митингот на Трамп во Пенсилванија, една од државите што одлучуваат за исходот од претседателските избори, ние како земја земја, тоа не е американски начин и не смееме да дозволиме тоа да се случи“, нагласи Бајден.Тој наведе неколку примери на политичко насилство во последниве години, вклучувајќи го и нападот на Капитол на 6 јануари 2021 година од приврзаниците на Трамп и нападот со чекан во 2022 година врз Пол Пелоси, сопруг на поранешната претседателка на Претставничкиот дом Ненси Пелоси.„Насилството никогаш не е решение“, рече Бајден.Ова е трет пат Бајден да зборува од Овалната соба да коментира прашања од големо значење за Американците откако тој ја презеде функцијата во 2021 година.Претходно во неделата, Бајден им се обрати и на граѓаните од Белата куќа, во присуство на потпретседателката Камала Харис и секретарот за правда Мерик Гарланд.Американскиот претседател рече дека наредил темелна истрага за настанот на митингот на Трамп во Пенсилванија.

Свет | пред 1 година

Нема фотографија

Трамп: Обидот за атентат целосно го смени текот на изборната кампања, тоа го потврдија и републиканците и демократите

Поранешниот американски претседател и републикански кандидат на претстојните избори, Доналд Трамп изјави дека по обидот за атентат во кој беше полесно повреден во саботата, целосно го променил говорот што ќе го одржи во четврток, на последниот, четврти ден од конвенцијата на Републиканците во Милвоки и изјави дека ќе повика на нов напор кон национално единство.Трамп во ексклузивно интервју за неделникот „Вашингтон Егзаминер“ изјави дека сака да го искористи историскиот момент и да ја обедини земјата.„Говорот што планирав да го одржам во четврток требаше да биде навистина моќен. Да не се случеше ова (обидот за атентат во Пенсилванија), тоа ќе беше еден од најневеројатните говори насочени главно кон политиката на претседателот Џозеф Бајден. Искрено, сега ќе биде сосема поинаков говор“, рече Трамп.Тој изјави дека говорот ќе го одрази неговото верување дека нападот на митингот во Пенсилванија целосно го променил текот на изборната кампања, што веќе го потврдија и републиканците и демократите.Трамп рече дека неговиот говор ќе биде одговор на моментот наметнат од историјата.„Ова е можност да се обедини земјата, дури и целиот свет. Говорот значително ќе се разликува од оној што беше планиран пред два дена“, рече Трамп.

Свет | пред 1 година

(Видео) Нова снимка од зад грбот на Трамп: Со еден потег избегна да биде директно погоден

Поранешниот американски претседател Доналд Трамп вчера беше застрелан додека држеше говор на предизборен митинг во Пенсилванија, кога Томас Метју Крукс го погоди во уво. Сега на социјалните мрежи се појави видео од говорницата зад која стоеше ранетиот политичар.Атентаторот е убиен, но загина и едно лице од публиката, додека Трамп исто така е повреден.На видеото се гледа како Доналд Трамп држи говор, додека публиката зад него верно слуша. Во еден момент одекна истрел и настана општо лудило, Трамп погледна наоколу, а потоа заврши на подот од говорницата.Припадниците на службата кои биле задолжени да го обезбедуваат претседателскиот кандидат веднаш скокнале врз кандидатот за претседател, а кога станал ја поздравил толпата, а потоа се слушнале извиците „САД“.Младиот убиец пукал повеќе пати во Доналд Трамп, а потоа бил убиен од Тајната служба. Напаѓачот бил на покривот на зградата на околу 150 метри од насобраната толпа. На снимките од местото на настанот се слушаат неколку истрели од огнено оружје, по што обезбедувањето вели дека атентаторот е убиен и дека е безбедно да се започне со евакуација на претседателот.

Свет | пред 1 година

(Видео) Пожари гаснат и Армијата со полицијата: На границата со Бугарија има сериозно голем пожар

ЦУК информира дека имаше 21 пожар на отворено во последното деноноќие и од нив активни утрово се водат седум пожари (7). На падините на планината Серта има три активни пожари кои започнаа од еден ист пожар а сега се одвоени.Активните седум пожари (7) се во општините: Неготино, во атарот на с.Калањево (каде што гори ниска вегетација и шума); Ново Село, над с.Бадилен, кај месноста „Шамок“ (борова шума); Гевгелија, помеѓу селата Негорци и Кованец (мешовита шума); Конче, кај селата Горни и Долни Липовиќ (ниско стеблеста шума –Бор); Чашка, кај селата Дреново и Долно Јаболчиште (мешовита шума); Долнени, над с.Црнилиште (нискостеблеста вегетација) и во Општина Штип, помеѓу селата Драгоево и Селце, м.в.Хаџи Реџепли (каде што гори ниска вегетација и грмушки). Изгаснатите 14 пожари на отворено беа во општините: Петровец, с.Петровец; Гази Баба, Парк шума Гази Баба; Струмица, селата Добрејци и Пиперово; Валандово, месност „Двете реки“; Охрид, с.Велгошти; Струга, с.Корошишта (стрниште); Центар Жупа, с.Житинени; Кичево, 4 интервенции, Спортска сала-Кичево, с.Колибари Вигор Деленци и Трапчин Дол; Виница, на планината Плачковица (букова шума) и во Општина Тетово, 2 интервенции с.Непроштено и с.Буговиње (ниска вегетација), а и Драгоево и Селце, месност „Хаџи Реџепли“ (каде што гори ниска вегетација и грмушки).Од рано утрово веќе се дејствува по активните пожари и со неколку воздухоплови, како засилување на силите коишто гаснат од земја.Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.

Македонија | пред 1 година

Ново труњење со храна, сега во Гостивар: девет млади лица завршија во болница

Девет млади пациенти се примени во гостиварската болница, по труење со храна. Според информациите кои ги добиле докторите, сите се хранеле во ист угостителски објект, а службата на Центарот за јавно здравје ги презела сите мерки и зела примероци за анализа.Инфектологот Ратко Наумоски посочува дека сите затруени имале исти симптоми: повраќање, дијареја, изнемоштеност.Затруените се пуштени на домшано лекување.Ова е трето труење со храна за краток период. Претходно, затворени беа гостилница и сендвичара во Скопје.

Македонија | пред 1 година

(Видео) Се крие ли Арсовска од револтот на скопјани? Ќе поднесе ли оставка?

Градоначалничката Данела Арсовска не се појави на литургијата со г.г. Стефан во црквата „св. Петар и Павле“ која се одржа во петокот, не одговара на медиумски прашања, а ниту на прашања од новинари. Ваквото однесување на Арсовска доаѓа во период кога сите очи се вперени во неа, граѓаните се револтирани од автобускиот превоз кој е во рацете на градското претпријатие ЈСП, контејнерите често се преполни со отпад, а градот има проблем со чистотата.На литургијата со г.г. Стефан беше прустен само Драган Митковски-Книга, кој беше носител во изборна единица за партијата на Арсовска во текот на изборите.Побаравме одговори од Град Скопје дали Арсовска се крие поради револтот на скопјани од нејзиното (не)раководење на градот – но, не добивме одговори. Меѓу другото, неодговорено остана и прашањето дали планира да се повлече од функцијата кое го поставивме неколку пати во изминатиот период – по барање на граѓани. Ова прашање и го поставивме лично на нејзе преку СМС-порака - на што исто така има молк.Арсовска е слабо актива и на социјалната мрежа „Фејсбук“. Објавите се за по некој културен настан, добиена награда, социјален проект. Но не и коментарите. Во нив, и кажуваат колку проблеми има Скопје. Меѓу другото, има и коментар кој и посочува на проблем, а потоа и дека ќе има одговорност.За Арсовска и нејзиниот однос во поткастот „Претрес со Ландов“ сведочеше и нејзиниот поранешен советник, Умејр Мухамеди. За обвинувањата на нејзина сметка, побаравме став од Град Скопје и градоначалничката. Досега, немаме одговор. Тој раскажа за местени тендери, ужасен однос кон вработените, за платните списоци, патувањата на градска сметка... Поткастот:

Скопје | пред 1 година

(Видео) Ова е неверојатно: Се појави снимката од атентаторот на Трамп, сите го видоа со пушка на покривот и никој не реагираше

Томас Метју Крукс (22) е идентификуван како напаѓачот кој се обидел да го убие поранешниот американски претседател Доналд Трамп.Се појави и видео од моментот кога атентаторот го застрела Трамп. На видеото се гледа како Метју Крукс лежи на покривот со оружјето. Можете исто така да слушнете врисоци и паника што започнува веднаш по истрелите. Претходно се појави видео од Крукс на кое тој е во автомобил и на камерата и кажува дека ги мрази републиканците и Трамп.Федералното истражно биро (ФБИ) го идентификуваше 20-годишниот Томас Метју Крукс како „субјект вклучен“ во обидот за атентат на поранешниот претседател Доналд Трамп. Во соопштението на ФБИ се вели дека Крукс е од Бетел Парк, Пенсилванија.Се појави сведок на атентатот на Трамп, секако Грег, кој за Би-Би-Си изјави дека се обидел да ги предупреди обезбедувањето за атентаторот што го видел на покривот, но дека никој не реагирал.

Свет | пред 1 година

Хаос на митингот на Доналд Трамп: Медиумите тврдат дека се слушнале истрели, обезбедувањето веднаш го евакуирало од бината, имал крвава глава

Поранешниот американски претседател Доналд Трамп беше итно евакуиран од митинг во Пенсилванија.Тој беше евакуиран од бината од агенти на тајната служба додека тој држеше говор.Според SkyNews, наводно имало пукање на собирот, додека CNN пишува дека Трамп паднал на земја додека држел говор, по што бил опколен од вооружени обезбедувачи.Американските медиуми јавуваат дека Трамп потоа станал и ја кренал тупаницата во воздух, пред да биде спроведен од бината до возило и потоа да биде изнесен од местото на настанот.Како што можете да видите на видеата објавени на мрежите, може да се види крв на главата на Трамп додека го тргаа од бината.

Свет | пред 1 година

Скопјанецот на чекор до притвор: Децата што завршија на Токсикологија испиле лекови со алкохол, им биле дадени за добро расположение

Основното јавно обвинителство Скопје донесе Наредба за спроведување истражна постапка против 40-годишник осомничен за – Тешки дела против здравјето на луѓето, според член 217 став 1 од Кривичниот законик, а во врска со член 212 став 1, како и за кривично дело – Излагање на опасност според член 134 став 1 од Кривичниот законик.Осомничениот, додека на 11 јули во вечерните часови во неговиот дом престојувале четири деца на возраст од 15 до 17 години, ставил во промет лекови што се штетни за здравјето.Тој заедно со децата почнал да конзумира алкохол и во текот на вечерта извадил лекови “тергатол 200 мг”, “запира 10 мг” и “дијазепам 5 мг” кои ги користел за одвикнување од зависност од алкохол и кои им ги понудил на малолетниците да ги испијат за подобро расположение.Им дал да испијат поголемо количество од лековите во комбинација со алкохолот, иако бил свесен за штетната последица што може да настапи и со тоа тешко им го нарушил здравјето.Следниот ден попладнето полициски службеници ги пронашле оштетените деца во неговиот дом во бессознание и со сериозно влошена здравствена состојба. Со возило на итна медицинска помош биле префрлени на Клиниката за токсикологија, каде што кај децата било констатирано високо присуство на бензодијазепини во крвта.Осомничениот претходно станал и во дневната соба ги затекнал децата како лежат во сериозно влошена здравствена состојба која претходно самиот ја предизвикал, но и покрај тоа ги оставил без помош.Надлежниот јавен обвинител оцени дека се исполнети законските основи и до Основниот кривичен суд Скопје достави предлог за определување мерка притвор за осомничениот.

Македонија | пред 1 година

Бебе оставено на улица во Велес: сега е во тешка состојба, го нашол случаен минувач

Бебе во тешка здравствена состојба било оставено во центарот на Велес, случаен минувач го однел во болница, информираа денеска од Секторот за внатрешни работи – Велес.– Синоќа во 17.40 часот во СВР – Велес, од болница во градот било пријавено дека од страна на случаен минувач, кај нив било донесено бебе, кое било оставено во велешкото централно градско подрачје. Извршен бил разговор со докторка од болницата, која рекла дека бебето било во тешка здравствена состојба и дополнително се чекаат резултати од здравствено испитување. Според докторката, по кратко време во болницата дошла С.К., на околу 20-годишна возраст и се претставила дека била мајка на бебето, но, потоа ја напуштила болницата, појаснија од СВР – Велес.Се преземаат мерки за расчистување на случајот.

Македонија | пред 1 година

Детали за издрогираните тинејџери: Влегле во двор на скопјанец и го тепале - тој викнал полиција

На 12.07.2024 во 13.57 часот во СВР Скопје било пријавено дека во Скопје, во двор од куќа, сопственост на Д.Ѓ.(40) од Скопје, тој бил физички нападнат со тврд предмет од малолетник.Веднаш по добиената пријава, полициски службеници од СВР Скопје излегле на местото на настанот, при што затекнале четири малолетни лица, од кои две биле во безсознание и истите консумирале алкохол и психотропни супстанци, а на местото на настанот биле пронајдени и остатоци од работи кои ги консумирале, за кои дополнително ќе се врши вештачење за да се утврди нивната содржина.Малолетните лица со возило на Итна медицинска помош биле пренесени во Клиниката за токсикологија при Комплексот клиники „Мајка Тереза“ за укажување на лекарска помош. Известен бил јавен обвинител, кој излегол на лице место. Во 16 часот полициски службеници го лишиле од слобода Д.Ѓ.. Денеска (13.07.2024) во тек е увид под раководство на јавен обвинител и се преземаат мерки и активности за целосно расчистување на случајот.

Македонија | пред 1 година

Eкстремно топлиот бран во Македонија ќе се задржи уште десеттина дена, температури и до 45 степени

Оваа година се повторува она лето од 2007 година, кога имавме екстремно високи температури на воздухот, исто тогаш и тоа на 24 јули 2007 година е соборен и температурниот рекорд во Македонија за највисока температура од кога се мерат температурите, и тоа во Демир Капија каде се измерени дури 45.7 степени.И во следните десеттина дена нашата територија ќе се наоѓа под влијание на овој екстремно топол бран од Африка, па така и температурите ќе бидат екстремно високи насекаде во Македонија, што значи дека тие ќе се искачуваат до околу, па и над 35 степени. Во најтоплите централни и југоисточни предели температурите, особено во текот на следната работна седмица ќе се искачат и до околу 45 степени.Во Скопската котлина, исто така температурите ќе надминуваат 40 степени, односно се очекуваат максимални температури кои ќе се движат во интервалот помеѓу 40 и 43 степени. Ув индексот ќе има екстремно висока вредност 10.Тука се и тропските ноќи, односно, температурите во поголем дел од Македонија и во текот на ноќните и раните утрински часови нема да се спуштаат под 20 степени.Во ваква ситуација, апелираме задолжително да се почитуваат препораките од надлежите, односно препораките кои ги издава Институтот за јавно здравје.

Македонија | пред 1 година

„Политичарите нека си се верници и не ми смета и никој не треба да им брани. Но, верници да се за по дома, на верски празници“

Поранешниот функционер на СДСМ, Фатон Асани, се огласи по последните поделби на јавноста кои настанаа откако во Собранието се изведуваше обред за молитва, а по повод геноцидот во Сребреница. Асани им порача на политичарите да не ја злоупотребуваат религијата за пусти гласови и дека таа е за дома.„Бидејќи многу мои партиски другари го искажале својот став околу настанот во Македонското собрание, па и јас како муслиман по религија, а и како поранешен функциониер, сметам дека не треба да го поминам преќутно.Така што сакам да го кажам следново:За да сме на чисто од почеток, одамна имам речено дека држава и религија не одат ЗАЕДНО ако сакаме да имаме ДРЖАВА, а за жал во Македонија таа работа е настаната БОСАНСКИ ЛОНЕЦ (кој бил во војска ЗНАЕ), тогаш треба да се направи разлика.За пусти гласови и РЕЛИГИЈАТА ја ставивме во служба на партиите и тоа кој многу повеќе кој помалку, но ставиле прсти, а ДОКАЗ се последните парламентарни избори.Политичарите нека си се верници и не ми смета и никој не треба да им брани. Но, верници да се за по дома, на верски празници. Држава и религија реков не може заедно ако сакаме ДРЖАВА,бидејќи сите знаеме какво мултикулти општество е нашето и е многу осетливо на тоа прашање. Нооооо!Да не гледаме само со едно окоооо!Државните канцеларии пливаат во религиски обележја,редовно религиски празнични обреди во истите,или пак сигурно поради СЕКУЛАРНОСТА во центарот на Прилеп до ден денес никој не ја чепнал обезличената џамија која беше разурната во далечната 2001… Па примерот на препишувања и посвојување на државни објекти и имот на име на верските заедници се прави бидејќи сме секуларна држава? Не другари, почнав и ќе завршам за да сме на ЧИСТО!!!! Држава и религија не оди заедно, посебно кај нас, во Нашата Македонија.И да сум уште појасен, под услов да не постоеа горе спомнатите факти за несекуларни постапки, и јас го осудувам чинот во Собранието, бидејќи не носи ни убави ни напредни работи… Македонија е на сите НАС и да почнеме да гледаме во ИДНИНАТА…..и извинете ме тие што се нашле навредени во напишаново но за жал таа е вистината и од неа нема бегање!!!

пред 1 година

Директорката на скандализираната Академија за судии и обвинители поднесе оставка

Директорката на Академијата за судии и јавни обвинители, Наташа Габер-Дамјановска, денеска поднесе неотповиклива оставка до Управниот одбор (УО) на Академијата, објави СДК.По стопирањето на тестовите за 130 места за последната, најголема генерација на Академијата, според Габер-Дамјановска остварено преку политичко влијание и со помош на контроверзна одлука на Управниот суд, таа смета дека повеќе нешто не ја врзува за функцијата директорка.„Ќе нема тестирања, а јас ќе седам така? Сигурно дека нема“, рече таа за САКАМДАКАЖАМ.МК по информацијата од УО дека попладнево поднела неотповиклива оставка.

Македонија | пред 1 година

Дете има траги на насилство по телото, семејството тврди дека детето било тепано на педијатрија од медицинската сестра бидејќи мајката на детето не знаела македонски

“Пред малку дознав за еден монструозен случај”, вели министерот за здравство Арбен Таравари и додава:“Тримесечно дете има траги на насилство по телото. Семејството тврди дека детето било тепано на педијатрија од медицинската сестра бидејќи мајката на детето не знаела македонски ...1. Доколку овој случај е вистина, оваа медицинска сестра веднаш ќе биде отпуштена и јас лично ќе се погрижам веднаш да биде упатена до правните органи2. Каква и да е вистината, виновниците за овој грозен и болен чин ќе бидат пронајдени и казнети3. Сега одам лично на местото на настанот за да се сретнам со семејството и персоналот!”.

Македонија | пред 1 година

Лога го „тапша“ Гаши и ги напаѓа Македонците: Во секој камен-темелник има по еден свештеник, а сега се жалат зошто била направена муслиманска молитва во Собранието

Ексминистерот за правда, Кренар Лога, не го осудува, туку го поддржува верскиот обред во Собранието, за кој, ВМРО-ДПМНЕ и СДСМ кажаа дека е нарушување на секуларноста на државата. Лога контра сите, го споредува обредот со бистите од проектот „Скопје 2014“. Тој му оддаде и почит на собранискиот спикер Африм Гаши, иако доаѓаат од две различни партиски провиненции.„Полемиките околу верската симболика во јавните простори и државните институции се чувствителна и важна тема. Кога државата презема чекори за интегрирање на верски симболи од специфична заедница, може да се создадат тензии и чувство на нееднаквост меѓу различните заедници. Меѓутоа, досега нашите сограѓани Македонци и православни не оставија ниту еден објект од "Скопје 2014" без бисти на верски светци, на државни згради, дури и по мостови и крстосници. Го именуваа Аеродромот во Охрид со верско име, и тоа "Свети Апостол Павле II". Во секој камен-темелник има по еден свештеник, а сега се жалат зошто била направена муслиманска молитва во Собранието. Или држава за сите или за никој. Поддршка за денешната активност во Собранието на РСМ по повод годишнината од Сребреница“, напиша Лога.И не е првпат откако Лога е во опозиција да настапува со националистички ставови, наместо правно да ги елаборира работите. Тој изминатиот период постојано во меѓуетничка конотација ги става сите чекори на Владата, како што се именувањата на директори, министри, функционери. Заедно со Села и нивната партија, бројат колку Албанци се вработени, а колку не - што пак, предизвикува тензии.Инаку, реакциите на ВМРО-ДПМНЕ и СДСМ беа поради тоа што Македонија е јасно определена според Уставот како секуларна држава. Во нашата земја нема место за религиозни ритуали во државните институции, ниту пак, државата има право да се меша во работата на верските заедници.

Коментари | пред 1 година

Не се самозапалил под присила, ниту бил киднапиран - МВР со детали за момчето од Скопје кое почина по пожар близу аеродромот

СВР Скопје го расчисти кривично правниот настан за кој на 04.07.2024 околу 00.30 часот беше пријавено дека во индустриска зона Ќојлија, во близина на Меѓународен аеродром Скопје, избувнал пожар на плац од агенција за рент-а-кар, во кој со изгореници по телото се здобил Б.А. (24) од Скопје, по што на 07.07.2024, како последица на изгорениците Б.А. починал.Според пријавата од Б.А.,тој наводно бил насилно пренесен од две лица со возило од нас.Ченто до Ќојлија,а таму наводно го натерале да се самозапали. Веднаш по добиената пријава, полициски службеници од СВР Скопје ги презедоа сите неопходни мерки и активности за расчистување на случајот.Извршен е увид на местото на настанот, при што се подигнати материјални траги, за кои се изготвени соодветни вештачења, а обезбедени се и видео записи од безбедносни камери, повикани се на разговор повеќе лица, едно лице е лишено од слобода, како и други оперативно тактички мерки, при што е утврдено дека Б.А. доброволно отишол на местото на настанот, со запалива течност го полеал контејнерот на агенцијата и го запалил, при што од настанатата експлозија, кај Б.А. настанале повреди по телото-изгореници, од кои на 07.07.2024 Б.А. починал.Со ова е констатирано дека првичната изјава која Б.А. ја дал на полициските службеници, дека наводно истиот бил киднапиран од две лица и насилно пренесен со возило до местото на настанот и притоа истите наводно го натерале да се полие со запалива течност и да се самозапали, не е точна. Од страна на СВР Скопје случајот е расчистен и поднесено е известување до ОЈО Скопје.

Македонија | пред 1 година

(Видео) Ужасна несреќа на влез од Скопје: две лица во болница, ги ваделе од Противпожарна бригада, возилото е целосно уништено

Попладнево, тешка несреќа кај Хиподром во близина на Железниот мост, односно на влез од Скопје.Со Брза помош и тешки повреди, возач и сопатник се пренесени во болница.Сведоци за „Скопје1“ посочуваат дека лицата од возилата биле вадени со помош на екипи од Противпожарната бригада.„Денеска (12.07.2024) во 11.22 часот во СВР Скопје било пријавено дека на Железен мост Маџари на влез за Скопје патничко возило „пежо“ со скопски регистарски ознаки излетало надвор од коловозот. Со повреди се здобил возачот кој бил пренесен во Градската општа болница „Св. Наум Охридски“. Излезено е на местото на настанот од полициски службеници од СВР Скопје“, велат од МВР за „Скопје1“Екипи на полицијата се на терен.

Скопје | пред 1 година