ТОП

(Видео) Нов хаос во затворот „Идризово“: Групна тепачка, „летаат“ железа, полицаец повреден

НОВ ХАОС ВО ЗАТВОРОТ ИДРИЗОВО: Групна тепачка во т.н. дел „амбуланта“, повреден е полицаец!„Скопје1“ дојде до снимки од голема тепачка во затворот „Идризово“. Од неа се гледа пресметка помеѓу две групи, со фрлање на тврди предмети. Во еден момент, полицаец паѓа на земја, а друг му помага да го тргне од местото каде се случува насилството.„Не фрлај бе, не фрлај“, се слуша како друг полициски службеник реагира.Засега не е познато кои се групите и причината за ваквата пресметка. Ова е вторпат во краток период да има групна тепачка во најголемиот затвор во државава.

Македонија | пред 1 година

Таравари: На најдобрите пет студенти ќе им биде понудено вработување во државните болници

Најдобрите пет студенти од медицинските факултети во Скопје, Тетово и од Штип, веднаш по дипломирањето, ќе им биде понудено вработување во државните болници, информираше денес денеска министерот за здравство, д-р Арбен Таравари.Тој денес беше на средба со деканот на Медицинскиот факултет во Скопје, проф. д-р Светозар Антовиќ.„Ова ќе го примениме веднаш, уште пред да влезе во закон. Се надевам дека од идната година ќе може да се вработат и 10 најдобри студенти“, вели Таравари.

Македонија | пред 1 година

(Видео) Хаос во Албанија: Опозицијата фрлaла молотови коктели врз кабинетот на премиерот

Албанската опозиција одржа протест пред кабинетот на премиерот Еди Рама, а осум лица се под истрага поради нередот.Според албанската полиција, демонстрантите фрлале молотови коктели во правец на кабинетот на премиерот, пренесува Албанска пошта.Обвинителството по синоќешниот протест започна истрага против осум лица, од кои едно малолетно.

Свет | пред 1 година

Разрешената директорка Бесија Иљази доби кривична: ќе одговара за противправното ангажирање на работници

На 12.07.2024 Одделот за сузбивање на организиран и сериозен криминал, Единица за корупција во соработка со Одделот за криминалистичка полиција, поднесе кривична пријава против Б.И. (29) од Тетово, заради постоење на основано сомнение дека сторила кривично дело „злоупотреба на службена положба и овластување“, предвидено и казниво по член 353 ст.3 вв ст.1 од Кривичниот законик.Пријавената Б.И. во својство на в.д. организациски директор на Јавна здравствена установа – Универзитетска клиника за токсикологија, пречекорувајќи ги своите службени овластувања во период од 14.02.2024 до 24.06.2024, а со намера да овозможи противправна имотна корист за 17 лица, на 15.05.2024 склучила 15 договори за дело со 15 лица кои биле работно ангажирани на Универзитетската клиника за токсикологија (и други лица без регулиран правен основ за нивно присуство на клиниката), по што, ретроактивно, за лицата наводно работно ангажирани, за месеците април и мај 2024 година издала два платни налози и извршила исплата на месечен надомест на ден 31.05.2025 и 14.06.2024 за наводниот работен ангажман во вкупен износ од 659.781 денари со вклучен персонален данок на доход.Наведените исплати се извршени противправно, за период кога со истите лица клиниката немала склучено договори за дело и за период на избори, односно исплатите биле извршени спротивно на наведените законски одредби, при што за наведените исплати бил пресметан и исплатен персонален данок во износ од 23.334 денари за месец април и 42.647 денари за месец мај 2024 година, со што пријавената Б.И. ја оштетила ЈЗУ Универзитетска клиника за токсикологија за вкупен износ на извршените исплати со платен данок од 659.781 денари, овозможувајќи им противправна имотна корист на претходно наведените лица во поединечни износи како претходно наведените месечни плаќања.Имено пријавената Б.И., иако знаела дека истиот ден кога е назначена за в.д. организациски директор во ЈЗУ Универзитетска клиника за токсикологија, распишани се претседателски и парламентарни избори, како и дека согласно член чл.34 ст. 1 алинеа 3 од Закон за спречување корупција и судир на интереси, член чл.8а ст.1 алинеа 3 од Изборниот законик, како и член чл.109 ст. 2 од Закон за здравствена заштита таа не смее да склучува договори за вработување на лица, договори за дело на работно ангажирање на лица, како и вонредни исплати за време на избори, и дека истите за да бидат употребени во правен промет задолжително треба да бидат потпишани од двајца директори, таа сепак склучила 15 договори за дело.Исто така, на Б.И. и било познато дека од страна на в.д. медицинскиот директор на ЈЗУ Клиника за токсикологија на 28.03.2024 година се известени сите работници на Клиниката чии договори се истечени дека нивните обврски со Клиниката се завршени, се до нивно повторно ангажирање, согласно забраните предвидени во член од Изборниот законик, но и покрај тоа 11 здравствени работници со знаење на пријавената и без склучен договор за вработување или договор на дело, продолжиле да доаѓаат на работа во Универзитетска клиника за токсикологија.Согласно наведеното, пријавената извршила службени дејствија кои што не смеела да ги изврши, односно Б.И. сторила кривично дело „злоупотреба на службена положба и овластување“ по чл.353 ст.3 вв.1 од КЗ, оштетувајќи ја Јавната здравствена установа Универзитетска клиника за токсикологија за износ 659.781 денари.

Македонија | пред 1 година

Груевски до СДСМ: Тупо ви е соопштениево, како Заев да го издиктирал по телефон од некоја грчка плажа!

,,Моето споменување во секое соопштение покажува колкави комплекси си пренесуваат лидерите на СДСМ од колено на колено.Седум години се обидуваа неспособноста и фрустрациите да ги лечат со политички подметнувања, политички прогони, лаги и клевети, додека масовно вршеа грабеж, лично богатење и предавства на македонските националните интереси. “Жеден преку вода” го донесоа народот, со навидум “зголемени” плати и пензии, а всушност осиромашен како никогаш, излажан и изманипулиран.Затоа народот ги испрати со историски најниска подршка на парламентарни избори и најголем пад на таа партија на сите времиња на срамни 150.000 гласа во опозиција, пад и пораз причинет најмногу од самите нив.Последното соопштение е толку тупо и не инвентивно смислено, што мора да го издиктирал Заев по телефон, како “лидер во сенка” од некоја плажа од Грција. Или базен во луксузен хотел од Дубаи, додека неговите пулени во партијата јавно се навредуваат за поразот, плашејќи се гласно да кажат дека “месијата” црпнат од нивата “ги закопа” на 18 пратеници да го делат третото место во парламентот, а потоа и тие самите затоа што беспоговорно го следеа и слушаа.А овој новиов што го постави пред некоја недела не смее да му врати збор, ако сака да има подршка од проневерените стотици милиони евра и изнесеното богатство од Македонија на браќата Далтони од Муртино.”, напиша Никола Груевски на својот Фејсбук профил.

Македонија | пред 1 година

(Видео) Екссоветникот за Арсовска: Неподнослива е за вработените, но „Гестапо однесувањето“ ги плаши, многумина се малтретирани

Срцеви удари, страв, преместувања?!Данела Арсовска се однесува како Гестапо од времето на Хитлер, вели во „Претрес“ Умејр Мухамеди кој е екссоветник на Данела Арсовска.Го претресовме за случувањата во градот. Ова е само мал исечок од неговите сведоштва..Зборуваше за платните списоци, тендерите и исплатите од градската каса, имотот на градската мајка.. и многу повеќе!Поткастот е достапен:?list=PLm6WbTW4gkMm9SA3GYzjLPE0VWu1c-A7d

Скопје | пред 1 година

Се нижат обвиненијата против Мерко откако го ставија на „црна листа“: Противзаконски одобрил барање за реконструкција на базен

Основното јавно обвинителство Струга поднесе Обвинителен акт против 11 физички и едно правно лице во врска со бесправно градење на објект кај базенот на хотелот “Дрим”.„Правното лице и неговиот управител во мај 2019 година поднеле барање за целосна реконструкција на постојниот базен на хотелот врз основа на основен проект изготвен во 2016 година.Градоначалникот на Општина Струга, третообвинет во предметот, постапувајќи по барањето, наместо да го одбие или да дозволи реконструкција во постојниот габарит на објектот, во јули 2019 донел одобрение за градба со кое на инвеститорот му овозможил да изгради и да се стекне со имотна корист – недвижност, односно дополнителен кат на објектот со отворена галерија и тераса, со вкупна бруто површина од 513 м2 и проценета вредност од 781.527 евра. Со ова тој ги пречекорил границите на своите службени овластувања, постапил надвор од барањето за реконструкција и спротивно на постапките пропишани во Законот за градба, а со цел за друг да прибави имотна корист.Четвртиот и петтиот обвинет се исто така службени лица – референт и раководител од Секторот за урбанизам и просторно планирање на Општина Струга, кои го изготвиле и одобриле одобрението за градба со што несовесно постапиле во вршењето на своите овластувања и должности.Врз основа на вака незаконски издадено одобрение, инвеститорот – обвинетото правно лице и управителот започнале градба на објектот и наместо одобрениот кат – отворена галерија со тераса извеле целосно затворен кат со хотелски апартмани и спа-центар и уште една надградба – кат со затворен ресторански дел и помошни простории, какои дополнително изградена спојница – депанданс со стариот дел на хотелот. Вкупната површина на вака бесправно изградениот објект спротивен на одобрението за градење изнесува 1.630 м2.Останатите седум обвинети во предметот се вештаци од областа на градежништвото, архитектурата и урбанизмот кои давале лажни наоди и мислења во кривичната постапка за бесправно градење. Имено, Основното јавно обвинителство Струга, водејќи ја истрагата за овој предмет наредило три вештачења – во 2021, 2022 и 2023 година од различни стручни лица од наведените области кои во наодите тврделе дека бесправно изградениот објект според своите габарити, внатрешна површина и висина одговара на техничката документација од основниот проект. Тие не навеле дополнителни забелешки за реалната состојба на лице место, а сите отстапувања ги констатирале како законски уредени измени при градење.Првообвинетото правно лице и управителот се обвинети за кривично дело – Бесправно градење од член 244-а, градоначалникот за – Злоупотреба на службена положба и овластување од член 353, двајцата други службеници во Општината како соизвршители за кривично дело – Несовесно работење во службата од член 353-в, а вештаците се обвинети за кривично дело – Давање лажен исказ според член 367 од Кривичниот законик“, вели обвинителството.

Македонија | пред 1 година

Муцунски: Како кредибилна НАТО членка остануваме посветени на зајакнувањето на колективната безбедност

Министерот за надворешни работи и надворешна трговија, Тимчо Муцунски, заедно со владина делегација, предводена од премиерот Христијан Мицкоски, учествуваше на НАТО Самитот, што се одржа од 9-ти до 11-ти јули, во Вашингтон.,,Како кредибилна НАТО членка остануваме посветени на зајакнувањето на колективната безбедност. Заедно со нашите сојузници во Алијансата стоиме обединети во определбата за одбрана на споделените демократски вредности и заложбите за траен мир и просперитет.Во изминатите две дена, како дел од делегација предводена од премиерот Христијан Мицкоски, учествував на НАТО Самитот во Вашингтон. Во фокусот беа актуелните безбедносни предизвици, со посебен акцент на поддршката за Украина, зајакнувањето на одбраната на Алијансата, како и унапредување на соработката со партнерите од Индо - Пацификот.Во рамките на дискусијата беше нагласена и потребата од зајакнување на соработката помеѓу НАТО и ЕУ во земјите од Западен Балкан, што претставува гаранција за регионалната и целокупната трансатлантска сигурност. Притоа, беше истакнато дека продолжувањето на политиката на Отворени врати на НАТО и проширувањето на Европската Унија се најдобрите алатки за постигнување траен мир и гарантирање на демократските процеси на нашите простори.”, напиша Тимчо Муцунски.

Македонија | пред 1 година

Орбан објави фотографија со Трамп: „Разговаравме за мир, тој ќе го реши“

Унгарскиот премиер Виктор Орбан го посети поранешниот американски претседател Доналд Трамп во неговото одморалиште Мар-а-Лаго во американската сојузна држава Флорида.„Мировната мисија 5.0. Беше чест да се сретнам со претседателот Доналд Трамп денес во Мар-а-Лаго. Разговаравме како да постигнеме мир. Добра вест на денот: Тој ќе го реши!“, објави Орбан на X заедно со фотографија со Трамп.Да потсетиме, Унгарија неодамна го презеде ротирачкото претседателство со Европската унија, а оттогаш Орбан отпатува во Киев, Москва и Пекинг, каде разговараше со Володимир Зеленски, Владимир Путин и кинеските лидери, како што тврди, за ставање крај на војна во Украина. После тоа, тој присуствуваше на самитот на НАТО во Вашингтон, кој заврши синоќа.Неговите патувања ги налутија лидерите на Европската унија, кои велат дека Орбан не се однесува како европски лидер, туку како унгарски премиер, односно дека не ја претставува ЕУ кога разговара со рускиот претседател Путин.

Свет | пред 1 година

Четири дена по ураганот голем број луѓе во Тексас се уште се без струја

Околу милион домови и деловни објекти во Тексас се уште беа без струја вчера, четири дена откако ураганот Берил ја зафати американската сојузна држава со силни ветрови и поплави, предизвикувајќи фрустрација кај бизнисите, службениците и жителите кои се соочуваат со екстремни горештини.Нешто повеќе од половина од корисниците на електроенергетската компанија CenterPoint Energy, односно 2,3 милиони од нив добиле струја до четврток наутро, соопшти најголемиот снабдувач на струја во Тексас.Во Фрипорт, пак, повеќето ресторани останаа затворени по невремето поради недостиг на струја. Оштетените далноводи поминаа низ патиштата, а жителите се натрупаа во Мекдоналдс во областа, едно од ретките отворени места, за да ги полнат своите телефони.Тешкотиите во обновувањето на електричната енергија, исто така, ги забавуваат напорите на некои компании да ги рестартираат своите операции, особено околу Фрипорт, еден од најголемите енергетски центри во Тексас, но повеќето нафтени и гасни компании продолжија со нормална работа.Фрипорт ЛНГ, третиот најголем производител на течен природен гас (ЛНГ) во САД, вчера почна да повлекува мали количини природен гас за преработка, откако во неделата го намали производството.„Главната загриженост оваа недела поради влијанието на ураганот Берил врз производството на ЛНГ во САД е намалена“, рече потпретседателот на консултантската компанија Ристад, Веи Ксионг во белешката до клиентите.Пристаништето Фрипорт соопшти дека ограничувањата за испорака наскоро може да бидат укинати, додека пристаништата во Хјустон, Галвстон и Тексас Сити се отворени. Заливот на Тексас е дом на огромни капацитети за преработка на нафта и гас, како и фабрики кои произведуваат и извезуваат хемикалии.40 отсто од производството на нафта во САД и 20 отсто од производството на природен гас во земјата се одвива во Тексас.Рафинериите, морските производствени локации и пристаништата претрпеа ограничени штети и главно беа вратени во нормална работа до четврток.

Свет | пред 1 година

Нема фотографија

Нови лапсуси на Бајден: Зеленски го нарече Путин, Камала Харис Трамп

Американскиот претседател Џозеф Бајден направи нови лапсуси во јавните говори - го претстави украинскиот претседател Володимир Зеленски како „претседател Путин“, а неговиот потпретседател Камала Харис го нарече „Трамп“.Бајден ја направи грешката за време на денешниот финален самит на НАТО во Вашингтон, само еден час пред прес-конференцијата на неговата кампања „да се биде или не“, бидејќи се поголем број политички сојузници и донатори бараат тој да се повлече од новиот мандат на шефот на државата.Завршувајќи ја својата воведна изјава, Бајден му даде збор на Зеленски, велејќи: „Сега сакам да му дадам збор на претседателот на Украина, кој има храброст колку што има решителност“, а потоа додаде: „Дами и господа, претседател Путин .Според западните медиуми, Зеленски останал во целосно чудење откако Бајден го нарекол со името на рускиот претседател против кого војува.Додека толпата здивна, Бајден ја сфати грешката и се исправи велејќи: „Ќе го победиме претседателот Путин, претседателот Зеленски“ и „Толку сум фокусиран да го победам Путин“.Подоцна, на прес-конференцијата по самитот на НАТО во Вашингтон, Бајден направи уште еден лапсус: „Слушајте, јас не би ја избрал потпретседателката Трамп за потпретседател ако таа не беше квалификувана да биде претседател, па да почнеме со тоа. "Бајден ова го изјави како одговор на новинарско прашање на Ројтерс дали има доверба во Камала Харис, актуелниот потпретседател на САД.Новите лапсуси на 81-годишниот американски претседател дополнително ќе ја поттикнат загриженоста за неговиот ментален капацитет и веројатно дополнително ќе ја загрозат неговата претседателска кампања, според Ројтерс.Агенцијата додава дека секоја изјава на американскиот претседател, кој пелтечел како дете, внимателно се следи по неговиот слаб настап во дебатата со републиканскиот противкандидат Доналд Трамп (78).Неколку демократски сенатори и претставници на Претставничкиот дом побараа од Бајден да се повлече од изборната трка по дебатата.

Свет | пред 1 година

Од утрово полицискиот и воениот хеликоптер ги гаснат пожарите кај Ново Село и Серта

Утрово започнува гаснењето на планинскиот пожар на Огражден, на територијата на Општина Ново Село, во близина на бугарската граница.Бидејки се работи за тешко пристапен терен еден полициски хеликоптер префрли 10 струмички пожарникари во близина на пожарот за да можат да започнат со гаснење од земја додека полицискиот хеликоптер ќе дејствува од воздух.Армискиот хеликоптер започнува со дејство врз пожарот на планината Серта каде утрово од земја гаснат поголеми сили.

Македонија | пред 1 година

Граѓаните и дадоа Црвен картон, Законот не ја дава Данела

Секој е минлив и менлив кај нас, освен нивната „висост” градоначалниците.Затоа им е битно да им поверуваат граѓаните, да се приклонат на вистинската страна, па после, многумина, забораваат на се што ветиле. Важно е да се истурка 4 годишниот мандат, да се сработи што помалку а да се потсобере што повеќе. Ова особено за оние кои не се надеваат на втор мандат.Типичен пример е скопската градоначалничка Данела Арсовска. На парламентарните избори на кои се амбицираше на пратенички места доби „цели” 1.571 во Скопје.Отворено е прашањето со кое лице и кредибилитет ја врши функцијата. Сликите од Скопје се слични како во хорор филмови. Ветуваше ред во урбанизмот, пет нови мега паркови, бесплатен автобуски превоз, 5 нови булевари, ревидирање на проценка на данок на имот, гасификација, 25% поевтини паркинзи, Водно – зелен штит на Скопје, сообраќаен коридор Мавровка, најдобар Луна парк на Балканот, 250 нови еколошки автобуси, стоп на корупција, Скопје без заборавени населби, зелен кеј од Ѓорче до Ново Лисиче, еколошки зелен совет, зелени коридори Серава и Лепенец. И од ова речиси нула реализација. Затоа толкав и е и рејтингот и угледот кај скопјани.Но, ако самата не се засрами и си даде оставка ќе си го истера цел мандат поради законските решенија. И претседател може да се смени, но не и Данела.За распишување референдум, потребни се околу 46.000 потписи од скопјани, попрецизно – 10% од граѓаните на главниот град. Но ова нема да има законски ефект, потребна е и измена во Законот за локална самоуправа, кој до 1996 година давал можност за отповикување на градоначалник. По измените од 2002 година, градоначалник може да биде сменет само ако е фатен во вршење на кривично дело, ако е деловно неспособен, во случај на смрт.Значи доколку граѓаните се незадоволни се со врзани раце. Тие ќе си кукаат по социјални мрежи и толку. Новинарите ќе пишуваат и толку, зошто Арсовска одлучи да комуницира само со одредени медиуми. Затоа внимателно при изборот: се бира мајка или татко на градот а не очув или маќеа.

Скопје | пред 1 година

(Видео) Дивјаштво во Капиштец: млади хулигани уништуваат урбана опрема, чашата е прелиена

Вистинско дивјаштво од млади лица се случи во скопски Капиштец. Снимката која се појави на социјалните мрежи ги крена на нозе и институциите кои бараат лоцирање и итна одговорност. На неа се гледаат десетици хулигани кои уништуваат урбана опрема на градот.Според локалната власт, односно Општина Центар, чашата е прелиена, обезбедени се снимки од околни објекти, а на потег е и полицијата.Со јавна реакција се јави и првиот човек на Советот на Град Скопје, Трајко Славески.„Почитувани министри Тошковски и Јаневска, од вас се бара во најкус можен рок:- ИДЕНТИФИКАЦИЈА НА ВАНДАЛИТЕ И НИВНИТЕ РОДИТЕЛИ- НАДОМЕСТ НА ШТЕТА И- УПАТУВАЊЕ НА ПРЕСТАПНИЦИТЕ ВО ПОПРАВЕН ДОМ ОД СЕПТЕМВРИ.Секое морализирање и оправдување на овој злочин претставува злочин, сам по себе! No mercy!“, напиша Славески.

Скопје | пред 1 година

Нови цени на горивата

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,41 % во однос на одлуката од 8.7.2024 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,413%, кај дизелот 1,546% , кај екстра лесното масло за 2,361% и кај мазутот намалувањето е за 2,104%.Курсот на денарот во однос на доларот во изминатиот период по кој беа формирани цените со претходната пресметка е понизок 0,554%Од 12.7.2024 година од 00:01 часот максималните цени на нафтените деривати ќе изнесуваат:Моторен бензин​ЕУРОСУПЕР БС - 95​​ 84,00 (денари/литар)Моторен бензин​ ЕУРОСУПЕР БС - 98​​ 86,00 (денари/литар)Дизел гориво​ЕУРОДИЗЕЛ БС (Д-Е V)​ 77,00 (денари/литар)Масло за горење​Екстра лесно 1 (ЕЛ-1)​ 75,50 (денари/литар)Мазут М-1 НС​​​​​​ 47,625 (денари/килограм)Малопродажната цена на Мазутот М-1 НС се намалува за 1,009 ден/кг и сега ќе изнесува 47,625 ден/кг.Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.Напоменуваме дека ова се максималните цени на нафтените деривати од 00:01 часот на 12.7.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

Утре и задутре ќе се прска против комарци

Градот Скопје ги известува граѓаните дека на 12 и на 13.07.2024 година (петок и сабота) во раните утрински часови ќе се реализира авионска дезинсекција на подрачјето на градот Скопје, против возрасни форми на комарци.Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.Се известуваат пчеларите навреме да ги преземат потребните мерки за заштита на пчелите.

Скопје | пред 1 година

Апел за помош: Малиот Илин е роден со невус, неопходна му е операција како би се отстранил целосно делот кој е зафатен на кожата

За Илин се грижи неговата самохрана мајка, за спокоен живот на детето и неговата мајка, да помогнеме да се финишираат оперативните зафати на лепотанчето.Ве молам, кој колку може, кој не е во можност нека сподели

Македонија | пред 1 година

Анима Мунди: Не за стрелиште во Маврово

,,Во близина на детското одмаралиште Бунец, и некаде 40 метри од главниот пат за Маврово се спроведуваат градежни активности кои најгрубо ја деградираат и сакатат природата и живиот свет, нанесувајќи неповратна штета на природниот баланс во целиот регион, на државата и нашите природни ресурси. Се гради стрелиште, во близина на хранилиште на дивеч за кое мештаните не знаат речиси ништо, без решение за градба од општина Маврово Ростоше, или каков бил документ, иако Националниот парт Маврово неколку пати по ред го одбива барањето согласност за изградба.Животните кои и така се без доволно храна поради градежните експанзии во Мавровскиот дел, во околности каде ресурсите дури и за вода им се ограничени, сега ги чека најсвиреп упад во нивните живеалишта, стрелиште кое ќе ги изложи на стрес, страв и одстапување од нивната природна територија на движење.Животната средина, управувањето на шумите и заштитените подрачја, издавањето дозволи за есксполатација е исклучително плодна почва за корупција, што е нотирано во сите ЕУ извештаи. За оваа сулудо и погубно по природата дејство, постои согласност од Министертвото за заштита на животна средина, издадено пред истекот на мандатот на претходниот министер. Бараме итна ревизија за ова да се спречи! Ги повикуваме сите институции, сите засегнати, граѓанските организации на кои ова поле им е од најтесна експертиза да реагираат, да се преземе се да се запрат градежните активности, да се спаси Маврово.Не дозволуваме нечиј бизнис интерес да стои над интересите на јавноста, природата, живиот свет кој како и во која форма ќе опстои, зависи од нас.Не за стрелиште во Мавровo”, пишуваат Анима Мунди.

Македонија | пред 1 година

Нема фотографија

Викендов екстремно топло насекаде низ Македонија: Температури до 43 степени

Екстремно топлиот бран од Африка кој е проследен со екстремно висок Ув индекс во деновите пред нас ќе зема замав, па така секој ден ќе биде се потопло. Температурите речиси насекаде во Македонија ќе се искачат до над 35 степени.Во најтоплите централни и југоисточни предели температуририте особено за време на викендот ќе се искачат дури и до 43 степени. Ништо подобро нема да биде ни денес како и во петок кога во овие краиште температурите повторно ќе се искачат до, па и ќе надминат 40 степени.Во Скопската котлина температурата ќе се искачи до околу 40 степени, но со тоа што повремено таа ќе надминува 40 степени.Спороред моменталните прогностички материјали со кои располагаме, следната седмица ќе биде уште потопло па така температурите тогаш би можело да се искачат и до околу 45 степени.

Македонија | пред 1 година

Франција ги избрка бездомниците од Париз пред Олимпијадата: Нè натрупуваат во автобуси

Француската влада спакува илјадници бездомници имигранти во автобуси и ги испрати надвор од Париз пред Олимпијадата.Имигрантите рекоа дека им било ветено сместување на друго место, за на крајот да бидат оставени на непознати улици далеку од нивните домови или обележани за депортација, пишува NY Times.Францускиот претседател Емануел Макрон вети дека Олимпијадата ќе ја покаже големината на земјата. Но, Олимпиското село е изградено во едно од најсиромашните предградија на Париз, каде што илјадници луѓе живеат во улични кампови, засолништа или напуштени згради.„Бевме избркани поради Олимпијадата“, изјави Мохамед Ибрахим од Чад, кој бил избркан од напуштена фабрика за цемент во близина на Олимпиското село. Тој се преселил во празна зграда јужно од Париз, од која полицијата ги избркала станарите во април. Еден автобус ги одвел два часа југозападно до град надвор од Орлеанс.„Ти даваат случаен билет“, рекол Оумар Аламин од Централноафриканската Република, кој бил во автобусот. „Ако е билет за Орлеанс, вие одете во Орлеанс“.Официјални лица во владата на г-дин Макрон одбија да коментираат. Но, тие рекоа дека тоа е доброволна програма наменета да го олесни итниот недостиг на станови во Париз.Нема доволно засолништа за 100.000 бездомници кои живеат во и околу Париз, што е половина од вкупниот број во Франција, па владата минатата година формираше 10 привремени засолништа низ целата земја.Центарот на Олимпијадата е Сена-Сен Дени, каде што секој трет човек е имигрант, што е најголем процент во земјата. Владата потроши милијарди за реставрација на областа.

Свет | пред 1 година

Австралиец обвинет за убиство на своите три деца во пожар што го подметнал

Мaж (28) од Австралија е обвинет за убиство на три негови деца и обид за убиство на остатокот од семејството во пожар во куќа.Во пожарот загинаа петмесечно девојче, двегодишно момче и шестгодишно момче. Преживеаја три момчиња - на возраст од четири, седум и 11 години - и едно деветгодишно девојче, како и мајката, јавува Би-Би-Си.Човекот се соочува со три обвиненија за убиство, пет обвиненија за обид за убиство и една точка за уништување имот. Тој е под полициско обезбедување во болница.Таткото - кој полицијата вели дека го предизвикал пожарот, а потоа ги спречил напорите за спасување - ќе се соочи со суд во четврток и ќе се појави на интернет од неговиот болнички кревет за сослушувањето.Нападот се случил час по полноќ во неделата. Соседите и првите екипи помогнаа да се спасат четирите преживеани деца и нивната мајка. Двегодишните и шестгодишните момчиња излегле од куќата во критична состојба, но по кратко време починале во болница. Петмесечно девојче е пронајдено мртво.Мајката и четирите преживеани деца се во стабилна состојба, соопшти полицијата.

Свет | пред 1 година

(Во живо) Ќе се појави ли Данела во „Претрес“: Екссоветникот ќе го „соголува“ нејзиното работење, ние ги тресеме нејзините реков-пореков

Градската мајка Данела бега од соочување со јавноста, но за нејзиното постапување постојат сведоци. Додека таа се крие, нејзиниот екссоветник Умејр Мухамеди, кој е дипломиран правник, за Арсовска ќе рече: „Господе, прости ни ги гревовите“.Ќе ги анализираме тендерите, исплатите, платните списоци. Ќе го чуете и нечуеното.Зошто е градот нефункционален? Зошто Данела има мускули само кога се заканува со тужби? Програмата остана парче хартија за рециклажа. Не се повлекува иако очигледно е дека нема моќ за нејзина реализација.⚡️Арсовска бега од „Претрес“. Јавна покана и до неа, 21 часот, ја чекаме во нашето студио.Следете нѐ во живо:

Македонија | пред 1 година

ЈП Комунална хигиена-Скопје со остра реакција за градоначалникот на општина Кисела Вода: Ве молиме да престанете со валканите политички игри и ниските удари

,,ЈП Комунална хигиена-Скопје остро реагира на информацијата од градоначалникот на општината Кисела Вода дека е поднесена прекршочна пријава против Претпријатието.Нашите очекувања беа дека досега ќе бидат поднесени пријави против прекршителите на Законот за јавна чистота што секојдневно ја загадуваат животната средина и го загрозуваат јавното здравје преку несовесно и непрописно одлагање огромни количества отпад на јавни површини. За жал, досега не сме слушнале дека инспекциските служби при општината реагирале, опоменале или казниле некој од овие прекршители.Ве молиме да престанете со валканите политички игри, ниските удари и обидите да го компромитирате Претпријатието.И самиот сте добро запознат дека комуналниот отпад во општината Кисела Вода се собира и транспортира континуирано и секојдневно - без никаков застој, според динамиката утврдена со Оперативната програма за собирање и транспортирање на комунален отпад од подрачјето на градот Скопје. Во текот на месец јуни 2024 година, на територијата на општината се подигнати и транспортирани приближно 1400 тони комунален отпад. Исто така, во општината Кисела Вода континуирано се реализираат и рачно и машинско метење, како и машинско миење на булеварите и улиците со употреба на автоцистерни.Понатаму, во текот на минатиот месец, екипите на ЈП Комунална хигиена-Скопје подигнаа и вкупно 100 кубни метри отпад од голем број диви депонии, лоцирани на улиците Христо Татарчев, Боте Боцески, Дичо Петров, Ѓорѓи Димитров и добро познатата локација кај Томи маркет што претставува „црна точка“ каде што се интервенира најмалку еднаш неделно за отстранување непрописно одложен отпад од јавните и сообраќајните површини.Ви советуваме веднаш да пристапите со инспекциски надзор, но не врз работата на ЈП Комунална хигиена-Скопје чиишто активности на терен се одвиваат седум дена во неделата во три смени, туку врз несовесните поединци што во последните неколку месеци тенденциозно се занимаваат со непрописно одлагање отпад и загадување на животната средина, со цел да ги доведат во прашање компетентноста и ангажираноста на екипите на ЈП Комунална хигиена-Скопје.”, реагираат од ЈП Комунална хигиена-Скопје.

Скопје | пред 1 година

Лазар Јанев: Катица го почитува договорот и работното време, излегува само за да купи храна - целта е друга..

Адвокатот Лазар Јанев, кој е син и работодавач на Катица Јанева, за „Скопје1“ тврди дека таа како вработена го почитува работните обврски и цело време е во канцеларијата. Според Јанев, Катица ја напушта канцеларијата само доколку во соседните локали да купи за јадење, со оглед дека не користи никаква поволност од КПУ Идризово.„Ги отфлрам во целост наводите, до моментот на давање на изјавата немам добиено никаков одговор од Установата или сум бил побаран од неа, за било каква работа поврзана со работниот ангажман на Катица Јанева.. Во целот си отфрлам како неточни изјавите на директорот на УПС, од причина што Катица Јанева го почитува работното време и работниот договор кој го имаме склучено со КПУ Идризово. А воедно, истата не прима храна ниту било какви други поволности од затворот Идризово, па нормално е, во текот на работниот ден да купи јадење или да се нахрани како секој нормален човек“, рече Јанев.Тој посочува дека целта на Управата за извршување на санкции е сосема друга, а не да воочи неправилност. Укажа дека новинарски екипи пред неговата канцеларија имало уште пред да се појави информацијата во јавност.„Од разговорот со повеќето комшии кои се во близина на адвокатската канцеларија сум известен дека не повеќе од 15 секунди присуствувале овластените лица на Управата и истите сметам дека логично да ме побараат телефонски како работодавач, со оглед дека стојат мои податоци на самиот излог од канцеларијата. Катица Јанева и денеска е на работа, како претходно така и сега ги почитува работните обврски. Сметам дека целта на овој увид од УПС има сосема друга цел, видено од големиот број на новинари кои беа претходно известени и ја снимаа мојата канцеларија, уште пред да излезе соопштението од Управата во јавност“, додаде Јанев за „Скопје1“

Македонија | пред 1 година

Пандов за Катица Јанева: Не ја најдовме во канцеларија..

Управата за извршување санкции ќе бара Катица Јанева да не користи повеќе погодности и да оди на работи, оти при контрола не ја затекнале во адвокатската канцеларија на нејзиниот суд. Ова го посочува Александар Пандов, директор на Управата за „Скопје1“. Според него, вратите биле затворени од канцеларијата, а Јанева не била внатре.„Направија увид две службенички од Управата, имавме анонимна дојава. И по таа проверка се констатираше дека не е присутна таму. Затворена беше канцеларијата. И е одземено правото да оди на работа“, рече Пандов за „Скопје1“.Тој дојдаде дека таа не смеела да оди надвор од канцеларијата без дозвола од нив: „Ние не издаваме дозволи на ниту едно лице, ако треба да е во движење.. Не може да е сервисер, возач, дистрибутер.. Хипотетички кога се ангажира затвореник, тој има право д 9 до 4 да биде пример во студио.. Потоа да излезе.. Ако има здравствен третман, треба да извести“.Јанева се уште ја издржува казната за случајот „Рекет“. Таа беше прв човек на СЈО, кои гонеа високи функционери, меѓу кои и од ВМРО-ДПМНЕ.

Македонија | пред 1 година