ТОП

Синиша Ивановски е новиот директор на железници инфраструктура

Синиша Ивановски е новиот директор на железниици и инфраструктура.Во Железници инфраструктура е избран и новиот состав на Управниот одбор.За претседател на УО е избран Роберто Тошевски, а за членови Јован Симевски, Сашо Мојсовски, Небојша Захариески, Голубина Арсовска, Елена Стојкоска и Александар Маџаров.Ивановски во јавноста е познат како поранешен директор на скопското претријатије „Улици и Патишта“ во времето на Коце Трајановски.

Македонија | пред 1 година

Ѓорѓиевски: Доста беше толеранција, поднесена пријава против ЈП ,,Комунална Хигиена”

,,Скопје не смее да биде жртва на вашата неспособност!Скопје со недели изгледа на голема депонија и се дави во отпад!Ова се влошува со високите температури, односно од отпадот што не се собира редовно се шири неподнослива миризба во секоја општина. Кисела Вода не е исклучок, кај нас сликата се полни контејнери и страшна миризба.Ова е резултатот на несовесното работење на ЈП ,,Комунална хигиена” и градоначалничката на Скопје кои се грижат за хигиената во главниот град!Досега неколку пати алармирав до градските институции, со дописи, телефонски, но очигледно нашите реакции како општина и оние на граѓаните на Кисела Вода не успеаа со проактивност од страна на ЈП ,,Комунална хигиена” кое сите граѓани на Скопје го плаќаме.Бевте сведоци кога како градоначалници лани се обидовме да со собереме сметот што со недели стоеше на улиците, нема да дозволиме да се случи ова повторно.Бидејќи во нормална комуникација немаме никаква реакција, во текот на изминатите денови испративме комунален инспектор да ја провери состојбата на терен.Увидовме дека ситуацијата е катастрофалната и поради тоа понесовме прекршочна пријава до Комунална хигиена и ова ќе биде наша пракса и следните денови ако состојбата на се подобри.Секое непостапување ќе значи нова прекршочна пријава.Граѓаните се на прво место, Скопје мора да биде повторно горд град!”, напиша Орце Ѓорѓиевски, градоначалник на Кисела Вода.

Скопје | пред 1 година

Петровска: Во МВР поделени повеќе од 50 незаконски решенија за распоредување на полициски службеници

,,Во рок од 7 дена во МВР "се поделени", под притисок и закани повеќе од 50 незаконски решенија за распоредување на полициски службеници, дел од нив и на раководни позиции.Во Агенцијата за разузнавање се назначи заменик директорка, без законски потребното работно искуство.Се подготвуваат партиски послушници и во АНБ и Военото разузнавање.И Мицковски најавува нова реформа на безбедносните служби и нивното спојување?Не, тоа ќе биде полициско партиска држава со концентрација на моќ кај некој нов Горан Грујовски.”, напиша Славјанка Петровска на својот Фејсбук профил.

Македонија | пред 1 година

Шилегов распука против Зечевиќ: Дворските кавги во СДСМ ескалираат

Продолжуваат кавгите и поделбите во СДСМ. Веќе и не се знае кој со кого и против кого е.Последната во низата е меѓу екс градоначалникот на Скопје, виден член на СДСМ и поранешен пратеник и портпарол, Петре Шилегов со генералниот секретар во оставка Миле Зечевиќ.Тој си го додаде прекарот Вардарски, па Шилегов на социјалните мрежи му напиша:Дечкото од Серава, што мисли дека е “булдужер” од Вардар …Допрва следи “римув”.Шилегов не објаснува на што се должи ваквата реакција на поранешниот градоначалник на Град Скопје, но може да се заклучи дека станува збор за негово исклучување од некоја онлајн група по налог на Зечевиќ.На Зечевиќ му забележуваат дека СДСМ во време кога тој е генерален секретар го доживеа историски најголемиот историски дебакл, лошата кадровска политика, присуството на формирањето на партијата на Данела Арсовска.

Македонија | пред 1 година

Ако некој не си поднесе оставка и не понесе одговорност за екоцид, тогаш ќути си Македонче, коментира Андоновски откако Вардариште пак ги труе скопјани

,,Вака изгледаат лагите на сегашните и поранешни градоначалници на Скопје, Аеродром, директори на Инспекторат за животна средина во врска со Вардариште.Вардариште не е депонија повеќе од две децении, НО...упорно си функционира. Како?Никој не се зафати да ја огради, постави надзор и обезбедување. Си стана во меѓувреме претоварна станица на Јавното комунално претпријатие. Господ знае дали за тоа има нечија согласност (Совет на Град Скопје, Градоначалник, Општина Гази Баба исл.)Ако утре не падне некоја оставка или не понесе некој одговорност за овој екоцид, тогаш ќути си Македонче и чувај кубурот за не дај Боже.", напиша Јован Андоновски, заменик народен правобранител.

Македонија | пред 1 година

Во Македонија е во тек најдолгиот и најсилниот топлотен бран ова лето, температури до 45 степени

Во Македонија е во текот најдолгиот и најсилниот топлотен Африкански бран ова лето. До самиот крај од оваа, како и во текот на следната седмица температурите и понатаму ќе ни бидат екстремно високи и во најголем дел од Македонија ќе се искачуваат до, па и над 35 степени. Во најтоплите централни и југоисточни предели температурата локално ќе се искачи до 43 степени оваа седмица, додека во текот на следната седмица во овие предели можни се температури и до 45 степени.Во Скопската котлина очекуваме температури до околу 40 степени, но со тоа што повремено таа е можно и да надминува 40 степени.За време на овој период во најголем дел од Македонија очекуваме и тропски ноќи, односно температурите во текот на ноќните и утринските часови нема да се спуштаат под 20 степени.Времето ќе биде стабилно, суво и сончево со појава на мала до умерена локална облачност. Ќе дува слаб до умерен ветер од северен и од североисточен правец и истиот повремено ќе засилува на интензитет. Само во недела во попладневните и во вечерните часови ќе има услови за изолирана појава на нестабилност, проследена со пороен дожд, грмежи, засилен ветер и услови за појава на краткотрајно невреме.Ув индексот и понатаму ќе има многу висока, до екстремно висока вредост 9, па токму поради ова апелираме граѓаните без потреба да не излегуваат во најтоплиот ден од денот (од 11 до 17 часот), но и да пијат повеќе течности.

Македонија | пред 1 година

Шефот на НАТО: Не можеме да дозволиме Русија да победи

Шефот на НАТО Јенс Столтенберг синоќа ги повика лидерите на трансатлантската безбедносна алијанса да ја задржат поддршката за Украина во нејзината војна против руската инвазија, велејќи дека исходот од конфликтот ќе ја обликува глобалната безбедност со децении.На почетокот на самитот во Вашингтон по повод 75-годишнината од формирањето на НАТО, Столтенберг рече дека алијансата мора да ја покаже истата решителност што ја покажала во другите клучни моменти од својата историја.„Нема бесплатни опции со агресивна Русија како сосед. Нема опции без ризик во војна“, рече тој, додавајќи дека најголемата цена и најголемиот ризик ќе има ако Русија победи во Украина.„Не можеме да дозволиме тоа да се случи“, додаде тој.

Свет | пред 1 година

Славески за предлогот за еколошките автобуси: Овој предлог до сега не обезбедил поддршка од повеќе од 6-7 членови на Совет на град Скопје

,,Очигледно уште еднаш треба да се цитира дефиницијата за лудило што му се припишува на големиот Ајнштајн: Тоа е кога одново и одново правите една иста работа, а очекувате различен резултат.Град Скопје со соопштение известува дека за седницата на Совет на град Скопје, закажана за 16 јули, по 21-ви пат доставиле предлог-Одлука за долготочно домашно задолжување за набавка на еко автобуси.Притоа ги обвинуваат советниците од коалицијата “За подобра Македонија”, предводена од ВМРО-ДПМНЕ, за негласање на предлог-Одлуката, без да наведат дека во континуитет од 45 советници овој предлог до сега не обезбедил поддршка од повеќе од 6-7 членови на Совет на град Скопје.Исто така, наведуваат: “Како очигледна демонстрација на сила и самоволие, спротивно на деловникот и статутот Претседателот на Совет Трајко Славески ниту на седница на Советот закажан за 19.06.2024 година не ја стави точката за нови автобуси на дневен ред за гласање.”Точно е дека ваква точка, предложена од градоначалникот Арсовска до Совет по 20-ти пат, не беше вклучена во предлог-дневниот ред за седницата на Совет на град Скопје што се одржа на 19 јуни. Но, пропуштаат да ја известат јавноста дека при утврдување на дневниот ред за седницата предлог-Одлуката беше предложена како дополнителна точка од дневниот ред.Во ваков случај, за да се прифати некој предлог за изменување и дополнување на дневниот ред е потребно позитивно да се изјаснат мнозинство од присутните советници во салата.При гласањето овој предлог доби поддршка од само 7 членови на Совет на град Скопје.Некаде во втората половина од минатата година Арсовска најави дека во буџетот на град Скопје за 2024 година ќе предложи одредена ставка за набавка на нови автобуси за ЈСП -Скопје. Таков предлог изостана. Убеден сум дека членовите на Совет ќе дадеа поддршка за набавка на автобуси со средства од буџетот.", напиша Трајко Славески на мрежата Х.

Скопје | пред 1 година

Спасени три 16-годишни момчиња: Биле заробени на островче до доцна во ноќта од надојдената река Треска

Сношти имаше спасувачка акција за извлекување три 16-годишни момчиња заробени на островче до доцна во ноќта, од надојдената Треска во Скопско од околу 19.00 часот па до околу 23.00 по добиена добиена пријава за итен случај на 112 во ЦУК дека три момчиња останале заробени на, на своевидно островче на средина во реката, заради испуст на водата од хидроцентралата „Матка“, а и од хидроцентралата „Козјак“, што е редовен процес за континуирано производство на електрична енергија со што редовно навечер има нагло зголемување на водотекот, нивото и силината на водата низ коритото на реката Треска.За спасувањето беа ангажирани и специјални сили од МВР, а помагаа и мештани блиски на момчињата.ЦУК, паралелно со кординирањето на спасувачката акција, итно побара директно од диспечерите во хидроцентралите „Козјак“ и „Матка“ (браните) веднаш да го намалат истекот на вода со што се овозможи извлекувањето и спасувањето на момчињата.Околу 23.00 часот од страна на дежурните од Полициска станица Сарај е добиено известување дека, по намалување на водостојот на реката специјалните тимови на МВР и селаните од с.Грчец, момчињата успешно и безбедно ги префрлиле со чамец по течението на реката, но од другата страна на островот што гравитира кон селото Грчец.По спасувањето на момчињата, ЦУК ги извести хидроелектраните „Козјак“ и „Матка“ за да можат непречено да произведуваат електрична енергија.

Скопје | пред 1 година

КСОМ и возачот на автобусот што удри во жардиниера тврдат дека возилото било технички неисправно

Двокатен автобус на ЈСП „Скопје“ вчера околу 14 часот удри и се качи на жардиниера на раскрсницата кај Трговскиот центар „Мавровка“ и Универзитетската библиотека „Свети Климент Охридски“ во скопски Центар.Според возачот, несреќата се случила поради техничката неисправност на возилото. Тој ова го кажа на прес-конференцијата која пред управната зграда на ЈСП денеска ја одржаа претставници на Конфедерацијата на синдикални организации (КСОМ), кои посочија дека и покрај неколкуте алармирања, автобусот повторно бил пуштен во сообраќај како исправен.„Јас го приметив автобусот дека не е исправен. Јас ќе пријавам дефект и утредента истиот автобус го земаме со потпис и печат дека е сервисирано и исправно е за линија. Со години сообраќам на линијата 2-ка, од Сарај до Автокоманда и обратно, ги знам најситните дупки. Таа линија ја возам и мене не може такво нешто да ми се случи. Мене ми побеле коса од волан и сега јас целиот се ежам додека зборувам. Жал ми е за патниците, пред се, кои добија стрес и за мене исто така“, рече возачот на автобусот.Според претседателот на КСОМ, Марјан Ристески, директен виновник на вчерашната несреќа е градоначалничката на Град Скопје, Данела Арсовска.„Замислете доколку такво нешто се случело тогаш, затоа што се работи за технички проблем на автобусот, додека шоферот максимално направил што можел“, вели Ристески.Ристески вели дека за конкретниот автобус неколкупати било пријавувано дека е технички неисправен, но и покрај тоа бил пуштен во сообраќај, а пред извесен период, како што рече, го користеле на линија до Водно.

Скопје | пред 1 година

Затворски казни за петмина обвинети во „Синџир“

Основниот кривичен суд изрече затворски казни за петмина обвинети во случајот „Синџир“, кои вчера признаа вина. Тие се обвинети за „злосторничко здружување“, „перење пари“ и „даночно затајување“.Првообвинетиот Сашо Вучков доби две и пол години казна затвор, неговиот татко две години казна затвор и 1.000 евра казна, додека мајката на првообвинетиот доби година и единаесет месеци затворска казна и уште 1.000 евра казна.Останатите двајца обвинети, кои признаа вина, добија по две години затвор и по 1.000 евра казна.Само еден од шестмината кои вчера пред Судот признаа вина, Јетон Каба доби условна казна затвор од две години, доколку не стори дело во следните пет години и казна од илјада евра.За шест фирми чии застапници, исто така, вчера признаа вина судот изрече парични казни, но и забрани за учество во јавни повици и концесии.

Македонија | пред 1 година

(Видео)Апасиев: Осудените за 27 април треба да се помилуваат преку помилување „ин конкрето“

Осудените за 27 април треба да се помилуваат преку помилување „ин конкрето“, вели претседателот на Левица, Димитар Апасиев, во емисијата „Претрес со Ландов“.Апасиев објаснува дека тоа значи претседателот на државата да помилува конкретни осуденици. Инаку, овие кои се, како што вели, неправилно класифицирани во делот на терористичко загрозување, ќе се изедначат со „Монструм“.- Мислам дека треба да има помилување, но како ќе го изведат не знам. Ние еднаш поддржавме, ако се сеќавате. Тие луѓе се неправилно класифицирани во делот на најтешко терористичко загрозување. Ако дадете вие амнестија за такво дело, по автоматизам доаѓа и „Монструм“, овие - терористите - посочува Апасиев.Во однос на тоа предметот да се врати на повторно судење, Апасиев посочи дека тоа е подолгата варијанта, односно дека тоа ќе трае долго. Не е потребно да се докажува дека се невини за ова кривично дело, поентираше Апасиев, туку тие треба да бидат прагматични и да излезат од затвор.- Треба да бидат прагматични и да излезат од затвор. Тоа таму е кочина... Таму куче да заврзеш, ќе умре, а не, пак, човек - рече Апасиев.За затворските услови Апасиев вели дека ни малку не се на нивото на скандинавските земји, а ниту, пак, останало тоа што било во Југославија. Затворот, додава тој, е извор на зараза и насилство, а престојот е небезбеден за кого било.- Видете ги условите во скандинавските земји, како приватна болница се, а кај нас е кочина, буквално. И тој систем на ресоцијализација, кој сме го имале од Југославија, сега веќе не постои. Таму вие здрав да отидете, пореметен ќе излезете од затвор. И чесен човек да бидете, вие утре, не дај Боже, може да згазите некој и да завршите во затвор заедно со тие убијци и криминалци, може да ве силуваат, да ве убијат... Ете, сега имаше еден претепан, умре на Клинички. Тоа е ужас таму, тоа е страв и ужас - заклучува Апасиев.

Македонија | пред 1 година

(Видео) Каевски дојде за да му судат: со лонгета, успеа да стигне на судење за спортските ваучери

Ексдиректорот на Агенцијата за млади и спорт обвинет за направена штета врз државниот буџет од пет милиони евра, се појави на судење. Тој минатиот пат отсуствуваше поради операција на ногата и судењето се одложи, а сега, со лонгета дојде во судот.Покрај Каевски на обвинителна клупа ќе седнат и директорот на АМС, Наумче Мојсовски и претседателот на Македонски олимписки комитет, Даниел Димевски.Обвинителката Лидија Раичевиќ ги обвини дека направиле штета од над пет милиони евра е сторена во случајот со ваучерите на Агенцијата за млади и спорт.Случајот се отвори откако Државната комисија за спречување на корупцијата поднесе иницијатива до надлежниот обвинител дека постои сомнеж во доделувањето на спортските ваучери од страна на раководни лица од АМС. Веднаш потоа јавниот обвинител поднесе обвинителен предлог против 12 луѓе за кривични дела „злоупотреба на службена положба“ и за „несовесно работење“.Судењето го води судијката Џенета Бегтовиќ, а застапник на обвинението е обвинителката Лидија Раичевиќ.

Македонија | пред 1 година

(Видео) Дел од Кејот остана без клупи, Арсовска без интерес да стави нови

Дел од Кејот на Вардар остана без клупи, Градот Скопје и градоначалничката Данела Арсовска без интерес за да стават нови. Граѓаните го користат за релаксација штом се намалат жештините во текот на денот, но немаат каде да седнат. Клупите кои „исчезнаа“ се релативно нови, поставени лани летото.За ова прашање се дискутираше и на седница на Советот на Скопје, во март годинава. Тогаш советникот Никола Пановски јавно обзнани дека иако барал, никогаш не добил информација од ЈП Паркови и зеленило или градоначалничката за украдените клупи. Тој предупреди дека прекривањето на кражбата е исто така кривично дело.Но ни ова не допре до Арсовска и службите со кои таа раководи. Во недостаток на официјални информации, познато е дека фалат околу 30 клупи, на потегот од Карпош 4 до Градски парк.„Скопје1“ побара одговори од Град Скопје дали кражбатае пријавена во МВР, зошто нема нови клупи и дали е тоа поради неодговорноста на Арсовска. Одговори очекуваме, иако Градот, речиси и да не одговара на новинарски прашања поставени во име на граѓаните.

Скопје | пред 1 година

Трагедија во Скопје: Загина човек од удар од воз

На железничката пруга кај булеварот „Србија", синоќа воз удрил човек на возраст од околу педесет години.Од ударот, тој починал на местото на несреќата, потврдија од Итната медицинска помош во Скопје.Возот стоел во место повеќе од 3 часа на излез од населбата 11 Октомври на надвозникВо текот на денешниот ден се очекуваат детали во врска со настанот.

Македонија | пред 1 година

Топол бран во Македонија: Температурите ќе се искачат над 40 степени

Територијата на Македонија се до крајот на оваа седмица ќе се наоѓа под влијание на екстремно топла воздушна маса која продира од северните предели на Африка. Токму поради ова температурите насекаде ќе надминуваат 30 степени, додека во најтоплите централни и југоисточни предели, како и во Скопската котлина тие ќе се искачат и до 40 степени.Не се исклучува можноста температурата локално во централните и во југоисточните предели да надмине и 40 степени. Ув индексот ќе има многу висока вредност 9, па поради ова апелираме граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.Времето и понатаму ќе биде сончево со појава на мала до умерена локална облачност. Сепак оваа седмица атмосферата нема да биде во целост стабилна, па така во попладневните часови ќе има изолирана појава на нестабилност, проследена со пороен дожд, грмежи и засилен ветер, а можна е и појава на краткотрајно невреме.Денес (вторник) нестабилност во попладневните часови ќе има особено во западните предели од државава.

Македонија | пред 1 година

Нема фотографија

(Видео) Најмалку 6 лица загинаа, а 2,7 милиони останаа без струја во Тексас

Најмалку шест лица загинаа во тропската бура Берил во југоисточниот дел на американската сојузна држава Тексас, а 2,7 милиони потрошувачи останаа без струја, соопштија локалните власти.Гувернерот на Тексас Ден Патрик изјави дека 10 далноводи се во прекин и дека ќе бидат потребни неколку дена за да се врати струјата, пренесува ABC.Надлежните ги повикаа граѓаните да останат во своите домови и да не излегуваат надвор доколку не е потребно.Гувернерот на Тексас Ден Патрик изјави дека 10 далноводи се во прекин и дека ќе бидат потребни неколку дена за да се врати струјата, пренесува ABC.Надлежните ги повикаа граѓаните да останат во своите домови и да не излегуваат надвор доколку не е потребно.Во округот Харис, кој го опфаќа Хјустон, екипите за итни случаи имаа 47 спасувачи.Авиокомпаниите вчера откажаа повеќе од 1.300 летови поради невремето, а властите наредија помал број евакуации во крајбрежните градови.

Свет | пред 1 година

Нема фотографија

(Видео) Ѓоковиќ ги замолкна сите провокатори: Не можете да ме допрете, добра ноќ

Има моменти за кои веднаш знаете дека ќе влезат во многу спортски антологии. Ова се случи по крајот на натпреварот помеѓу Новак Ѓоковиќ и Холгер Руне (6:4, 6:4, 6:2).Неколку пати во текот на мечот се слушаа извици против Ѓоковиќ, а на почетокот се чинеше дека тоа е само поддршка за Данецот.Сепак, Ѓоковиќ не се сомнева дека се работи за серија провокации.„На сите навивачи кои ме почитувате, ви благодарам што дојдовте овде, им честитам од срце и душа. И на сите оние кои избраа да не ме почитуваат, ви посакувам добра ноќ. Дообра ноќ.", рече Ѓоковиќ, алудирајќи на продолженото „у“ кое се слушаше неколку пати во текот на натпреварот.Водителот на програмата се обиде да ги „одбрани“ навивачите, но Ѓоковиќ не сакаше да дозволи наративот да се промени.„Не, не, не го прифаќам тоа, но не го прифаќам тоа, знам дека навиваа за Руне, но јас сум на турнеја повеќе од 20 години и знам што е што. Тоа беше изговор да ме исвиркуваат. Играв во многу потешки средини, верувајте не можете да ме допрете“, јасен беше Новак.Потоа се осврна на претстојниот натпревар кој ќе го игра против Алекс де Минор во четвртфиналето на Вимблдон.„Се чувствувам одлично на теренот. Од ден на ден секогаш имаме на што да работиме. Утре ќе бидам на терен со мојот тим. Се чувствувам добро, многу пати играв со Алекс. Еден од најбрзите, ако не и најбрзиот играч на трева, но ќе уживам на теренот“, не се сомнева Ѓоковиќ.

Спорт | пред 1 година

Украина е шокирана, но и бесна. Oчекува одговор од НАТО

Украина е во шок. Вчера, имено, Русија го изврши еден од најлошите ракетни напади во последните неколку месеци, при што беше погодена и главната детска болница во Киев. Во нападите загинаа 41 лице, а 166 беа повредени.Две лица загинаа кога руски проектил срамни со земја дел од детската болница Охматдит - најголемата педијатриска установа во Украина, а потрагата по преживеани под урнатините продолжи денеска во раните утрински часови.Русија негираше дека целта на болницата била, велејќи дека била погодена со фрагменти од украинска ракета за воздушна одбрана, додека Украина соопшти дека пронашла остатоци од руска крстосувачка ракета.Украинскиот претседател Володимир Зеленски го нарече нападот „брутален“ и го опиша рускиот претседател Владимир Путин како „крвожеден криминалец“.НАТО денеска се подготвува да одржи важен самит во Вашингтон, на кој одговорот на воениот блок на инвазијата на Украина ќе биде високо на агендата, особено во светло на вчерашниот напад.Градоначалникот на Киев, Виталиј Кличко, вчера попладне изјави дека во нападот на болницата се повредени 16 лица, меѓу кои седум деца.Тој рече дека нападите низ градот се едни од најлошите со кои се соочил Киев од почетокот на војната и нареди знамињата да се спуштат на половина копје и откажани забавни настани.

Свет | пред 1 година

Почина момчето од Скопје кое се самозапали под принуда, непознато дали насилниците се најдени

Почина 24-годишното момче кое во четвртокот било киднапиран во скопската населба Ченто и принудено да се самозапали. Извршена е обдукција која ќе треба низа одговори и да лоцира одговорност. Телото е предадено на семејството.„Денеска (04.07.2024) во 00.37 часот во СВР Скопје од страна на Бригадата за противпожарна заштита било пријавено дека настанал пожар во индустриска зона Ќојлија, а малку подоцна од страна на полициски службеници од ГП Меѓународен аеродром Скопје било пријавено дека во нивниот објект со повреди од изгореници дошол Б.А.(24) од Скопје, кој кажал дека од неколку лица бил насилно пренесен со возило од нас.Ченто до Ќојлија“, беше објавено пред четири дена од МВР.Непознато е дали лицата кои го извршиле делото се најдени и приведени.

Скопје | пред 1 година

(Видео) Во автобусот на ЈСП кој се качи на Жарденери имало патници: три жени се во болница!

Три жени се повредени денеска во сообраќајната несреќа, која се случи кај ТЦ „Мавровка“, откако автобус на ЈСП излета од коловозот.Со Итната медицинска помош биле пренесени во Градската болница односно Клиниката „Свети Наум Охридски“. Според нив, сите три биле со полесни телесни повреди, а едната од нив се жалела на болки во ногата.Полицијата е на местото на сообраќајката каде врши увид. Повеќе детали најавуваат за подоцна.

Скопје | пред 1 година

Кривичен го одобри обвинението за осомничените за убиството на Вања и Панче, за Палчо истрагата продолжува

Одобрено е обвинението против В.М., Б.В. и В.К. обвинети за по две кривични дела Убиство од чл. 123 ст.2 т.1 и т.7 в.в. со чл. 22 од КЗ и чл. 123 ст. 2 т.1 и т.4 в.в со чл. 22 од КЗ како и две кривични дела – Грабнување од чл. 141 ст.2 в.в. со ст.1 и в.в. со чл. 22 и чл. 141 ст. 1 в.в. чл. 22 од КЗ, и обвинетиот А.Ѓ. таткото на Вања Ѓорчевска обвинет за едно кривично дело Грабнување чл. 141 ст.2 в.в. ст.1 в.в. чл. 24 од КЗ, по што следно е да почне судскиот процес.„Врз основа на одобрениот обвинителен акт се формира кривично – правен предмет кој согласно АКМИС системот ќе биде распределен на понатамошно постапување, за што, ценејќи го јавниот интерес за случајот, јавноста ќе биде благовремено известена. Во однос на повеќе новинарски прашања за постапката против прво осомничениот за двојното убиство – Љ.П., ја информираме јавноста дека постапката е сè уште во фаза на обвинителска истрага“, вели Судот.Палевски минатата година на 6 декември беше уапсен во Баликесир, Турција, а во отсуство му беше одреден 30-дневен притвор. Тој на 15 мај беше екстрадиран од Турција и спроведен во Истражниот затвор Шутка, а на 21 мај беше изведен пред судија на претходна постапка.Ѓорчевска и Жежовски кои беа пријавени за исчезнати на 27 и 24 ноември 2023 година беа пронајдени мртви во близина на Скопје и Велес на 3 декември.

Македонија | пред 1 година

(Видео) За малку да се преврти: Автобус на ЈСП се качи на жарденери кај Мавровка

Автобус на ЈСП удри, па да се качи на жардинери во близина на Мавровка. Засега не е познато дали имало патници во него и дали има повредени.Според првичните информации, има само материјална штета. На улицата има траги од течност, најверојатно од автобусот.Повеќе информации подоцна од МВР.

Скопје | пред 1 година

Јаневска: Со импровизации не може да се обезбеди квалитетно образование, ќе градиме стабилен систем

,,Со импровизации не може да се обезбеди квалитетно образование. Потребен ни е стабилен систем кој нема да се менува на неколку години, со секоја промена на Влада или на министер. За жал, и јас се наоѓам во ситуација кога треба да правам итни промени, во насока на обезбедување непречен воспитно образовен процес. Тоа некако страшно звучи меѓу граѓаните кои сосема оправдано имаат страв кога ќе се спомене реформа. Но, ветувам дека во иднина ништо нема да биде направено на сила и без консултации со засегнатите чинители на образовниот систем.”Ова го истакна министерката за образование и наука проф. д-р Весна Јаневска во емисијата „Магазин“ на ТВ Вистел, каде говореше за проблемите кои ги затекнала во министерството, како и за плановите на Владата за унапредување на квалитетот на македонскиот образовен систем.„Деновиве потпишувам исплата на финансиска помош за учениците од социјално ранливите категории, за јануари, февруари и март. Минатата Влада не им ги исплатила и не ми е јасно зошто, кога имало доволно средства на соодветната ставка. Ова е едноставен пример до каде отишла неодговорноста кон граѓаните“, рече Јаневска, додавајќи дека има многу проблеми од ваква природа кои се наталожиле низ годините наназад, а всушност можеле да бидат одбегнати.Посочи дека меѓу клучните приоритети е обезбедувањето на квалитетни учебници и наставни програми, а се осврна и на грижата кон наставниците и на подигнувањето на степенот на инклузија во образованието.

Македонија | пред 1 година

Спречено криумчарење на два тони месо штетно за здравјето на граѓаните

Мобилен тим на Царинска управа викендов спречи криумчарење на два тони месо штетно за здравјето на граѓаните. Превозникот воедно и сопственик на транспортното возило, месото не го пријавил со царинска декларација, а за истото не поседувал ниту ветеринарен сертификат. По поднесена кривична пријава, донесена е и пресуда за сторено кривично дело, криумчарење на стока.Имено, во саботата на царинска испостава Богородица на влез во државата се пријави товарно возило со грчки регистарски таблички, за коешто со царински документ беа пријавени 28 колети вода, пити, салати и пиперки. Заради извршување на детален преглед возилото е пренесено во јавен царински склад, каде по отпочнување на прегледот превозникот изјавил дека има и друга непријавена стока, замрзнато свинско месо, чија што вредност согласно дополнително приложените документи изнесува 11 илјади евра.Случајот е преземен од страна на инспектори во Одделение за истраги при Сектор за контрола и истраги, кои поднесоа кривична пријава до Основен кривичен суд Гевгелија, каде е донесена пресуда за сторено кривично дело „Криумчарење“ по член 278 од Кривичниот законик.Царинска управа согласно своите приоритети во континуитет спроведува акции за сузбивање на сите форми на криминал, грижејќи се за безбедноста на граѓаните.

Македонија | пред 1 година