ТОП

Нови детали за несреќата на патот Охрид- Ресен: Со автобусот управувал турски државјанин

На 07.07.2024 во 19.40 часот, кај местото „Прентов мост“ на магистралниот пат Охрид-Ресен, на крстосницата со локалниот пат за охридското село Куратица се случила сообраќајна несреќа помеѓу автобус „мерцедес“ со турски национални ознаки, управуван од М.А.(68) од Турција и мотоцикл „сузуки“ без регистарски таблички, управуван од П.Т.(23) од битолското село Горно Оризари.Од здобиените повреди на местото на несреќата починал мотоциклистот, а смрт констатирал лекар од Итната медицинска помош од Охрид.Увид извршија јавен обвинител и полициски екипи. Возачот на автобусот е приведен, а по наредба на јавен обвинител телото на починатиот е предадено за обдукција.

Македонија | пред 1 година

„Судството се соочува со колапс - нема вработени, нема судии, нема претседатели“, алармира Судски совет

Со години судовите во Крушево и Берово остануваат без претседатели. Состојбата во судството е алармантна, посочува Судскиот совет. Според нив, се случува колапс. Денеска се донесе одлука за нов оглас.„Судството се соочува со колапс. Нема вработени, нема судии, нема претседатели. Нема судии од каде да се пријават, на крај делегираме судии од едно на друго место – но тоа не е решение. Тоа е колку да фигурира, тој не може да биде посветен“, рече претседателката на Судски совет, Весна Дамева.Таа рече дека ова прашање се дискутира на состаноци, но не знаат што да прават.„Се надеваме со новите академци дека ќе избалансираме, но тоа ќе биде мал број“, додаде Дамева.

Македонија | пред 1 година

(Видео) Успешно извлечен маж од длабока тиња и кал како „жив песок“

Денеска, од пред зори имаше неколкучасовно, успешно, а опасно извлекување од длабока тиња и кал како „жив песок“ и за заробениот човек и за спасителите - пожарникарите, конкретно, покрај кумановскиот дел од река Пчиња, имаше комбинирана спасителан акција од страна на пожарникарите од Територијалната противпожарна единица и Итната медицинска помош од Куманово.Тим кумановски пожарникари, на чело со командирот на смена Сашо Илиевски, неколку часа, од околу 04.00 часот па до 07.00 часот утрово беа во спасувачка акција. Итниот случај го пријавил на 112 во ЦУК риболовец, којшто ги слушнал повици за помош на лицето кое покрај реката заглавило во длабока тиња и кал, на тој потег од реката Пчиња.Ситуацијата била опасна, бидејќи полека, како што лицето, возрасен маж, сакало да се самоизвлече се повеќе пропаѓало на местото каде што почвата била како маскиран „жив песок“ со исушен слој најгоре, на површината, од топлото време, а надолу како да немало дно.Тимот пожарникари, за среќа, брзо и на време стигнал до оддалеченото место од пристапен пат, бидејќи лицето било веќе речиси до рамења и врат пропаднато и било снеможено и на крај од неговите сили заради долготрајното заглавување при што полека тонело во меката почва. Пожарникарите успеале да го фатат со јажиња од нивната опрема и полека почнале да го извлекуваат, при што било потребно и нивно доизвлекување, бидејќи и тие тонеле полека во меката почва. Еден со друг тимски си помагале, етапа по етапа, од сложеното, а навидум едноставно, извлекување и спасување на заглавеното лице, од опасниот терен.Откако пожарникарите го извлекле од длабока тиња и кал, што била буквално како „жив песок“, лицето речиси се онесвестило и го ставиле на специјалната спасителна даска за носење. Додека едни го носеле, други со секири го расчистувале пред нив патот од вегетација и дрвја за да се пробијат до пристапниот пат каде ги чекала Итната медицинска помош. Настраданиот е жив, но многу истоштен и снеможен од долготрајното заглавување. Тој е веќе во болница во Куманово и е надвор од животна опасност.

Македонија | пред 1 година

Денес попладне во планинските предели е можна појава на невреме

Алатката за рано предупредување од невреме “НОТАС” за денес попладне предвидува ниво 2 во Македонија, слаб ризик за појава на невреме. Меѓутоа, во планинските региони и тоа особено во западните и во северозападните предели таа проценува и ниво 3, тоа значи засилен ризик од невреме, проследено со пороен дожд, грмежи, силен ветер и можност за појава на град.Според сегашните проценки на оваа алатка, во Скопје и во останатите градови ќе биде релативно мирно. Со исклучок на некои градови кои се во близина на планините каде е можна појава на краткотрајна нестабилност.Од денес ќе имаме екстремно топло време со температури кој насекаде низ Македонија ќе надминуваат 30 степени. Во најтоплите централни и југоисточни предели, како и во Скопската котлина температурата ќе се искачи и до околу 40 степени.

Македонија | пред 1 година

Осумнаесет пожари на отворено, гореле депонии и ѓубришта

ЦУК информира дека имаше 18 пожари на отворено во последното деноноќие, сите се изгаснати од пожарникарите и од нив активни утрово нема. Една третина од вчерашните биле на повик на гаснење депонии или ѓубришта, а од нив вообичаено се шират и на поголем простор во околината.Алел до граѓаните да не се палат отпадоци и ѓубре на ова топло време и сува вегетација во природата.

Македонија | пред 1 година

По посетата на Русија, Орбан допатува во Кина. „Мировна мисија 3.0“

По ненадејната посета на Москва минатата недела, која го навлече гневот на европските лидери, унгарскиот премиер Виктор Орбан отиде уште едно ненајавено патување, овој пат во Кина, објавија кинеските државни медиуми.„Мировна мисија 3.0“, напиша Орбан на платформата X по пристигнувањето во Пекинг, објавувајќи фотографија на која се гледа како на аеродромот го пречекува заменик-министерот за надворешни работи на Кина Хуа Чунјинг.Кина е клучна сила во создавањето услови за мир во руско-украинската војна, додаде Орбан на Платформата Х, а во Пекинг рече дека Унгарија „силно ја цени“ кинеската мировна иницијатива во врска со конфликтот во Украина, според унгарската новинска агенција МТИ.Според кинеската државна новинска агенција Ксинхуа, Орбан треба да се сретне со кинескиот претседател Си Џинпинг.Неговото патување доаѓа по шпекулациите дека унгарскиот лидер може да ја посети и Кина по контроверзното патување во Москва во петокот, за време на кое тој разговараше со рускиот претседател Владимир Путин.Овој потег предизвика вознемиреност во Европа и САД. Орбан рече дека неговата средба со Путин, кој ја нападна Украина, била „мировна мисија“. За време на заедничкиот настап со Путин по разговорите, Орбан повторно повика на напори за изнаоѓање мирно решение за украинската војна.Неколку претставници на ЕУ подоцна нагласија дека унгарскиот лидер нема официјален мандат на ЕУ да преговара со Русија и дека тоа нема никаква врска со шестмесечното претседавање на Унгарија со Европската унија.Орбан, кој често е трн во око на Брисел по повеќе прашања, важи за најблизок до Москва меѓу лидерите на Европската унија. На 1 јули Унгарија го презеде ротирачкото претседателство со ЕУ.Кинескиот претседател Кси ја посети Унгарија како дел од неговото европско патување во мај. Пекинг и Будимпешта одржуваат добри односи, а Орбан беше единствениот лидер на ЕУ што присуствуваше на форумот „Појас и пат“, чиј домаќин беше Кина минатиот октомври.Унгарија е дел од Кинеската иницијатива „Појас и пат“ (БРИ), огромен инфраструктурен проект во кој е вклучена Кина, која инвестира милијарди во инфраструктура и доделува заеми на многу земји во глобалниот југ, Централна Азија и делови од Европа.

Свет | пред 1 година

Дебакл на десницата на изборите во Франција, доаѓаат реакции

Вториот круг од парламентарните избори во Франција донесе големи изненадувања. Сојузот на левичарските партии освои најмногу места во Националното собрание, додека екстремната десница и Марин Ле Пен претрпеа тежок пораз.Победа на левицата, убедлив пораз на екстремната десницаОва се официјалните резултати (Парламентот има 577 пратенички места, потребни се 289 за мнозинство):Нов народен фронт (НФП) 182 мандатиАлијанса за Република (Макрон) 163 мандатиНационално собрание (РН) 143 мандатиИако анкетите предвидуваа победа и најмногу мандати за екстремната десница, ситуацијата се промени во вториот круг од изборите. Имајќи предвид дека Франција користи мнозински изборен систем во 577 области, левицата и центристичката алијанса на Емануел Макрон се согласија кандидатите со послаби резултати во првиот круг да се откажат со цел да се изолира крајната десница во вториот круг и да се избегне поделба на гласовите. Тој рецепт се покажа како успешен, па дури 216 кандидати од левицата и Макрон се повлекоа пред вториот круг.Иако центристичката алијанса на Макрон освои 80 места помалку, тие сепак имаат повеќе места од екстремно десничарскиот Национален собир, кој доживеа дебакл.Франција сега се соочува со преговори за формирање на нова влада, што би можело да трае со месеци. Јасно е дека екстремната десница нема да биде дел од новата влада, но тоа не значи дека левицата и Макрон лесно ќе се договорат. Разликите меѓу нив постојат и се јасни, а големо прашање е дали ќе се постигне потребниот компромис, како и кој ќе биде новиот француски премиер.

Свет | пред 1 година

Нема фотографија

Вулканот Етна исфрли лава и облак од пепел и чад висок околу пет километри

Еруптираше вулканот Етна исфрлајќи лава и облак од пепел и чад висок околу пет километри.Облакот од чад и пепел од Етна продолжи да се движи во правец исток-југоисток, соопшти Националниот институт за геофизика и вулканологија (ИНГВ), пренесува агенцијата АНСА.ИНГВ наведува дека активноста на Етна, која директно се следи од опсерваторијата во Катанија, се намалува.Етна исфрлаше лава и пепел на 4 јули, а аеродромот во италијанскиот град Катанија на 5 јули беше затворен неколку часа поради големата количина на пепел произведена од активноста на овој вулкан.

Магазин | пред 1 година

Нема фотографија

Ужас во Париз: Татко фрлил две деца од прозорец, па се самоубил

Две деца на возраст од 2 и 5 години се тешко повредени кога нивниот татко ги фрлил низ прозорецот од нивниот стан во 14-тиот париски арондисман, а потоа извршил самоубиство.Трагедијата се случила во саботата вечерта, а лекарите се борат за животот на најмалите.Според медиумите, таткото се фрлил од прозорецот откако ги фрлил децата.На хоророт наводно му претходела семејна расправија. Полицијата ја повикале граѓани кои околу 20 часот и 40 минути виделе како маж се фрла од прозорец на стан на 5-ти кат. Претходно ги фрлил и малите од прозорец.Полицијата и итната помош брзо пристигнале на местото на настанот, но ништо повеќе не можеле да направат за таткото. Во 21 часот била констатирана смрт. Лекарите морале да и помогнат на мајката на децата, која била во шок.

Свет | пред 1 година

Фрчковски најавува дека се повлекува од амбасадорското место: МНР нема потреба да измеќарува.

Реакција и демант на Амбасадорот Љубомир Данаилов Фрчкоски на Постојана Мисија на Република Северна Македонија при ООН во Њујорк:„Во медиумите низ Македонија деновиве се шират лаги за финансиското работење на Постојана мисија на Република Северна Македонија пеи ООН во Њујорк и за амбасадорот, професорот Љубомир Фрчкоски, со поднаслов „од извори на МНР“. Клучниот дел од тие лаги поранешниот министер, Бујар Османи, ги демантираше јавно нарекувајќи ги токму така „лаги“ ((https://www.mfa.gov.mk/mk/page/13/post/3473/fabrikata-za-lagi-prodolzhuva-da-shiri-manipulacii-i-netrpelivost), а се однесуваа на добиените пари за сукцесија на објектот на поранешната СФРЈ во Њујорк.Да потсетиме, конструкциите се однесуваа на тврдењата дека „амбасадорот со тогашниот Премиер прави матни зделки со тие пари и не ги внесува во буџетот каде законски припаѓаат“.За тие тврдења кои сега, независно од аргументираниот демант од Бујар Османи, повторно се јавуваат, Мисијата ги објавува следните документи (јавни исправи) од Уплати на тие пари од сукцесијата во Буџетот во три наврати (Прилог 1,2,3) - со што целосно се демантираат тврдењата на МНР (да биде состојбата за службите таму потрагична, тие кои сега се нудат да “им учинат на новите власти“ овие документи на време ги имаат на увид и во поседство).Службите во МНР не ѝ доставуваат на мисијата соодветни средства за лекарско осигурување на вработените во мисијата со што се крши законската обврска тоа безусловно да се обезбеди (на основа на погрешно направен тендер на вработена во мисијата која сега е во кабинетот на Министерот), а чие необезбедување повлекува кривична одговорност. Мисијата чува некои минимални средства на државната, своја сметка во случај МНР да не обезбеди средсва, а законската обврска принудува тие да ѝ се платат на здравствената компанија во САД. (Прилог 4 Состојба на банкарска сметка) И тоа е сè. И тоа е јасно и транспарентно.Срамна и мизерна е забелешката на службите во МНР дека амбасадорот злоупотребил службена картичка за авионски карти кон Македонија. Амбасадорот имаше итна медицинска интервенција во Македонија и беше на погребот на својот починат брат – ненадејни настани кои го примораа привремено да искористи пари од мисијата за авио билет, кои секако деновиве ги надомести од свои приватни средства.Што повеќе да се каже?Не е никаков проблем амбасадорот да се повлече од функцијата кога не е „погоден“ на идеологијата на новите власти. И тоа е спремен да го направи. Амбасадорот, потврдува мисијата, моментално е на боледување по кое ќе се повлече од функцијата, за што МНР нема потреба да измеќарува.Но начинот кој МНР го бира за таа операција на отстранување на амбасадорот, со конструкција на валканици во финаското работење наспроти толку претходни и сегашни деманти е срамен, заслужува секаква осуда и покажува неприфатливо ниво на комуникација во јавноста.Најпосле, мисијата го повикува МНР кој има инструменти, да испрати ревизија во мисијата која ќе ја утврди состојбата во целокупното работење на истата.На крајот посебна трагедија во МНР е фактот што со ниту еде единствен збор не посочија на резултатите на Мисијата на Северна Македонија во ОН овие двеипол години. Во извештаите ги имаа сите факти, проекти и настапи. Исклучително значајни резултати. Но, за тоа во некои подобри времиња“.[caption id="attachment_295101" align="alignnone" width="1416"] Screenshot[/caption][caption id="attachment_295102" align="alignnone" width="1364"] Screenshot[/caption][caption id="attachment_295103" align="alignnone" width="1324"] Screenshot[/caption][caption id="attachment_295104" align="alignnone" width="1416"] Screenshot[/caption]

Македонија | пред 1 година

Струмичанец каснат од „црна вдовица”, Чибишев предупредува

Новиот директор на Универзитетската клиника за токсикологија, Андон Чибишев преку социјалните мрежи се обрати до граѓаните со предупредувања дека овие денови инсектите и влекачите стануваат поактивни, и поагресивни.Тој информира дека викендот на Клиниката за токсиколгија бил примен пациент во исклучително тешка здравствена состојба заради каснување од инсект кој, според информациите од дежурниот доктор од Општата болница во Струмица и од кажувањето на пациентот, бил црн инсект кој личел на пајак, познат како црна вдовица.Еве што напиша Чибишев:„Добивам пораки од загрижени граѓани кои се жалат дека се каснати од инсекти и дека во својата околина виделе влекачи, воглавно гуштери и змии.Одредени видови на змии и инсекти кои живеат на нашето поднебје можат ако ве каснат сериозно да ви го нарушат здравјето.Во текот на викендот на Универзитетската клиника за токсиколгија е примен пациент во исклучително тешка општа состојба заради каснување од инсект кој според информациите од дежурниот доктор од Општата болница во Струмица и кажувањето на пациентот бил црн инсект кој личел на пајак.Според клиничката слика и клиничките манифестации пациентот е каснат од пајак ,, црна вдовица ,, ( Latrodectus), инсект чие каснување може сериозно да го загрози здравјето и животот.Би сакал лично да го истакнам високопрофесионалниот пристап и реакцијата на дежурната екипа од Општа болница во Струмица кои пружиле соодветна итна помош и по пријавување на случајот во Токсиколошкиот информативен центар на Универзитетската клиника за токсикологија и консултација со нашиот дежурен доктор и дежурната екипа итно го транспортираа пациентот во нашата институција.Исто така, сакам да го истакнам високостручниот пристап според воспоставените протоколи на дежурната екипа од Универзитетската клиника за токсикологија кои го хоспитализираа и во текот на неколку часа ја стабилизираа состојбата на пациентот.Колеги, браво за исклучително професионалнот и стручен пристап и брзата реакција.Се во интерес на пациентите“.

Македонија | пред 1 година

Крими Скопје: Натепани косовари во Центар, скопјанка натепана од партнерот, друга среде ресторан од поранешниот парнтер

Денеска (07.07.2024) во 05.30 часот во СВР Скопје, 28-годишна жена пријавила дека на 06.07.2024 околу 22.30 часот во скопско била физички нападната од нејзиниот партнер Д.Д.(44) од Скопје. Се преземаат мерки за расчистување на случајот.На 06.07.2024 во 15.00 часот во СВР Скопје, И.Ш.(48) од Косово пријавил дека околу 09.30 часот, во објект во изградба на подрачјето на Центар, по претходно недоразбирање, бил физички нападнат од И.У и М.У., и двајцата од Косово. Се преземаат мерки за расчистување на случајот.На 06.07.2024 во 15.30 часот во СВР Скопје, 26-годишна жена пријавила дека на 05.07.2024 околу 22.00 часот во угостителски објект на подрачјето на Драчево била физички нападната од нејзиниот поранешен партнер А.И., кој ѝ упатувал и закани. Се преземаат мерки за расчистување на случајот.

Скопје | пред 1 година

(Видео) Апасиев: Мијалков е хохштаплер

Лидерот на Левица, Димитар Апасиев го поврзуваа со ексдиректорот на УБК Сашо Мијалков, а тој во „Претрес“ одговори дали муабетите држат вода. Средби, финансирања и разни муабети.. Што е вистина, а што не?На прашање што мисли за Мијалков, лидерот Апасиев рече: „Хохштаплер“.Раскажа и за заканите од телохранителот на Мијалков кој му ги упатил нему.Целиот поткаст:

Македонија | пред 1 година

Едно лице уапсено, три претреси: се расчистува убиството во Тетово

Во врска со настанот во кој на 05.07.2024 во Тетово, едно лице кое било со возило „мерцедес“ пукало кон возило „бмв“ во кое било лицето со иницијали Р.Т.(39), кое од добиените повреди починало, ве известуваме дека од страна на МВР - Биро за јавна безбедност се преземени дополнителни мерки за пронаоѓање на лицето за кое постојат основи на сомневање дека е потенцијалниот сторител.По издадени наредби од страна на Основен суд Тетово извршени се претреси на три локации во село Гајре, од каде се одземени предмети кои може да бидат корисни за расчистување на настанот, а во Полициска станица Тетово едно лице е задржано на информативен разговор. Целокупните дејствија се преземаат во координација со надлежното Јавно обвинителство, а во целиот случај од првиот момент се вклучени и полициски службеници од Одделот за крим полиција при БЈБ.

Македонија | пред 1 година

(Видео) Турците во Холандија направија хаос откако испаднаа од Европско: Брутална тепачка, полицијата опсипана со огномет

Турската фудбалска репрезентација е елиминирана од Европското фудбалско првенство откако по одличната партија беше поразена од Холандија со 2:1. Овој пораз тешко падна на навивачите, кои прво во Германија, а потоа и во Холандија направија целосен хаос.Холандија влезе во полуфиналето пред полниот Олимписки стадион во Берлин, а навивачите на двете репрезентации ги преплавија улиците на главниот град на Германија.Сепак, по натпреварот видовме и немили сцени, бидејќи имаше и општа тепачка меѓу навивачите кои се сретнаа по натпреварот.https://twitter.com/i/status/1809697403559129463Од друга страна, во Холандија настана уште поголем хаос. Најлошо беше во Ајндховен. Дојде до брутална тепачка во која летаа столчиња, а на улиците настана целосен хаос, кога двете навивачки страни се судрија.https://twitter.com/i/status/1809709413126607305Исто така, во Хаг мораше да реагира и полицијата и воената полиција. Според omroepwest.nl, полицијата и кралската воена полиција биле опсипани со силен огномет во областа Шилдерсвијк во Хаг во саботата навечер. ЈАС и Воената полиција извршивме неколку напади.Демонстративната полиција и кралската воена полиција ја извршија рацијата околу полноќ. „Доста е, оди дома“, извикал еден полицаец. „Отстрани се, или ќе се употреби сила“.

Спорт | пред 1 година

Нема фотографија

(Видео) Синот на Новак стана хит на Вимблдон, на Англичаните им се допадна неговиот симпатичен гест и имитација на неговиот татко

Најдобриот српски тенисер Новак Ѓоковиќ со голема поддршка од семејството се пласираше во четвртото коло на Вимблдон.За време на натпреварот против Алексеј Попирин на трибините беа и неговата сопруга Јелена, синот Стефан и ќерката Тара.А колку секој поен му значеше на неговиот син, со кој Новак повремено тренира и загрева, покажа четвртиот сет од мечот кој заврши 4:6, 6:3, 6:4, 7:6 (3).Се играше тајбрејк кога Новак сервираше за 3:2 и тоа одлично го направи. Доволно за Алексеј да ја врати топката веднаш преку мрежата.Ѓоковиќ имаше чисто, избра да пука по дијагоналата, а после тоа Стефан го привлече вниманието на британската јавност и организаторите на Вимблдон.https://twitter.com/i/status/1809688908583653516Тој покажа како татко му ја удира топката, имитирајќи го Новак кон крајот на еден не лесен натпревар. Следен ривал на Ѓоковиќ ќе биде Холгер Рун, кој го победи Квентин Хејлис во пет сета.

Спорт | пред 1 година

Амбасадорот Фрчковски ја злоупотребил картичката, а МНР нема евиденција ни за пари од продаден имот?

Македонскиот амбасадор во ОН Љубомир Фрчкоски е повикан на консултации во Министерството за надворешни работи поради злоупотреба на службената картичка за авионски билети без почитување на пропишаните процедури во МНР, дознава порталот МКД, повикувајќи се на извори од МНР.Фрчкоски не ги почитувал и препораките давани од претходниот шеф на дипломатијата Бујар Османи, а, меѓу другото, во МНР немало евиденција за уплата на парите на буџетската сметка од продажбата на имотот припаднат на Македонија по поделбата на имотите на Југославија на територијата на САД.Министерството за надворешни работи и надворешна трговија вчера само кусо информираше дека согласно Законот за надворешни работи македонскиот амбасадор во ОН, Љубомир Фрчкоски е повикан на консултации во МНР.Досега, тој не се изјасни во јавноста за ваквите наводи.

Македонија | пред 1 година

Прв проект на Меџити: Затворање на депонија во Липково

Првиот заменик претседател на Влдaта, а воедно и министер за животна средина и просторно планирање, Изет Меџити, заедно со вицепремиерот Арбен Фетаи, како и пратеници од регионот и општински советници, денеска најавија затворање на нестандардната депонија на Липково, која се наоѓа во близина на селото Никуштак. Меџити во оваа прилика најави дека во рамките на ИПА2 Програмата за животна средина и климатска акција предвидени се значајни проекти за управување со отпадот во Источниот и Североисточниот регион.Овие проекти вклучуваат набавка на возила и контејнери, затворање на нестандардни депонии во двата региона како и изградба на регионален систем за управување со отпад.Проектот опфаќа набавка на возила и контејнери на соодветните региони, вклучително и општина Липково, која ќе добие камион за собирање смет и 139 контејнери. Дополнително, планирано е затворање на повеќе нестандардни депонии, вклучително и депонијата во Липково (Никуштак) и пет други помали депонии во Матејче, Горна Рупа, Лојане 1, Лојане и Гору.Во моментов проектот е во фаза на тендерирање по претходното откажување на избран изведувач. Новата проценка започна на 6 јуни 2024 година и се очекува да биде завршена до крајот на август 2024 година, кога ќе биде потпишан Договорот и ќе започне теренската работа.Во меѓувреме, мал дел од депонијата ќе остане отворен до изградбата на регионалната депонија во Свети Николе. Во втората фаза од проектот, во рамките на ИПА 3 Програмата, депонијата ќе биде целосно затворена. По изградбата на регионалната депонија, отпадот од Липково ќе се транспортира до друг пункт во Куманово, а потоа до регионалната депонија во Свети Никола.Во нестандардната депонија во Липково, која се наоѓа во близина на селото Никуштак, ќе се вршат активности како преобликување на телото на депонијата, тампонирање стар отпад, изградба на пасивен систем за собирање гас и покривање на депонијата со здрава почва. Депонијата се наоѓа на стрмна падина и е далеку од секакво водно тело.„Дејствуваме за доброто на граѓаните, за поздрав живот и почиста животна средина“, изјави првиот вицепремиер и министер за животна средина и просторно планирање Изет Меџити.

Македонија | пред 1 година

Владата ги разреши националните координатори

Владимир Пивоваров е разрешен од должноста в.д. координатор на Националниот координативен центар за гранично управување.Неби Бејадин е разрешен од должноста в.д. заменик координатор на Националниот координативен центар за гранично управување.Борче Мирчески е разрешен од должноста в.д. Национален координатор за медијација.Фатмир Ејупи е разрешен од должноста Национален координатор за социјална заштита и процес на деинституционализација.Бедри Бехадини е разрешен од должноста Национален координатор за информатика и енергетика.Фатон Асани е разрешен од должноста Национален координатор за соработка со дијаспора.Рамадан Рамадани е разрешен од должноста Национален координатор за кохезија.Владимир Симоновски е разрешен од должноста Национален координатор за имплементација на Националната платформа за намалување на ризици од несреќи и катастрофи на Република Северна Македонија.Златко Апостолоски е разрешен од должноста Национален координатор за спречување на насилен екстремизам и борба против тероризам.Џеладин Тефик Ајвази е разрешен од должноста заменик национален координатор за спречување на насилен екстремизам.Златко Арсов е разрешен од должноста заменик-национален координатор за борба против тероризам.Роберт Алаѓозовски е разрешен од должноста Национален координатор за интеркултурализам, едно општество, развој на културата и меѓуресорска соработка.Магбуле Амети е разрешена од должноста Национален координатор за здравство.Д-р Маја Мосјова Мијовска, на предлог на министерот за здравство е разрешена од должноста Национален координатор за трансплантација.Д-р Билјана Андоновска е разрешена од должноста заменик на националниот координатор за трансплантација.

Македонија | пред 1 година

Полицијата стигнува до можниот сторител на убиството во Тетово: објавен е распис за апсење

Во врска со настанот кој вчера (05.07.2024) во 20.35 часот бил пријавен во СВР Тетово, дека на ул.„Штипска“, во близина на угостителски објект, едно лице кое било со возило „мерцедес“ пукало кон возило „бмв“ во кое било лицето со иницијали Р.Т.(39), кое од добиените повреди починало, ве известуваме дека веднаш вчеравечер беше одржан работен состанок во просториите на СВР Тетово на кој учествувало раководството на СВР Тетово, на криминалистичка полиција, на економски криминал и на ПС Тетово, на кој се дадени прецизни насоки за понатамошно постапување.Во координација со Основното јавно обвинителство Тетово формирана е увидна екипа, која извршила увид на лице место, подигнати се траги за вештачење, како и возилото во кое бил Р.Т., кое е однесено за криминалистичко-техничка обработка, а неговото тело по наредба на јавен обвинител е предадено за обдукција.Од страна на инспектори извршени се службени разговори со лица - можни сведоци на настанот, извршени се дополнителни проверки, по кои веќе постојат основи на сомневање за можниот сторител на делото, издаден е централен распис за негово лишување од слобода и продолжуваат интензивните оперативно-технички мерки и активности за целосно расчистување на случајот.

Македонија | пред 1 година

Нема фотографија

Бајден: Ќе се откажам од претседателската трка само ако Господ Бог зборува со мене и ми каже да го сторам тоа

Американскиот претседател Џозеф Бајден изјави дека никој од него не е поквалификуван да се кандидира на претстојните избори и дека само „Бог“ може да го отстрани од претседателската трка.„Мислам дека нема некој поквалификуван од мене, и ќе се откажам само ако Господ Бог зборува со мене и ми каже да го сторам тоа“, рече Бајден во интервју за ABC News.Бајден го нарече својот настап на дебатата на 27 јуни со републиканскиот кандидат Доналд Трамп „лоша епизода“, пренесува Ројтерс.„Нема индикации за некоја сериозна состојба. Бев исцрпен“, рече Бајден.Домаќинот Џорџ Стефанопулос инсистираше Бајден да каже што би направил доколку неговата кандидатура ги чини демократите Претставничкиот дом и Сенатот, на што Бајден рече дека нема да одговори на тоа прашање и дека тоа нема да се случи.На прашањето зошто шесте дена што ги помина во претседателската резиденција Кемп Дејвид не беа доволни за да се подготви за дебатата, Бајден одговори дека причината е тоа што е болен.„Се чувствував ужасно. Ги прашав (докторите) дали ме тестираа за коронавирус, бидејќи се обидуваа да откријат што не е во ред. Ми направија тест дали имам инфекција. Имав голема настинка“, рече Бајден.Тој додаде дека е свесен за неговиот лош настап во дебатата.„Целиот начин на кој се подготвував, никој не е виновен освен јас. Никој не е виновен..“, рече Бајден, додавајќи дека и покрај се, „тој се уште е во добра форма“.На прашањето дали би бил подготвен да направи независна когнитивна проценка и потоа да ги објави резултатите во јавноста, Бајден одговори дека секој ден прави таков тест.„Имам тестови секој ден. Сè што правам... Не водам само кампања, туку го водам светот. „Звучи како хипербола, но ние (САД) сме суштинската нација во светот“, рече Бајден.

Свет | пред 1 година

(Видео) Закани дека ќе му ја убијат фамилијата добивал Апасиев: Политички е поврзано

Лидерот на Левица, Димитар Апасиев при гостување во поткастот „Претрес со Ландов“ кажа дека бил мета на закани од радикални структури. Тој објасни дека неговата пријава не била сфатена сериозно од Обвинителството, а во неврзан муабет со ексминистерот Оливер Спасовски добил утеха наместо процесирање на пријавата.„Ќе ти заколеме фамилија, тебе... Политички е поврзано“, рече Апасиев.Тој кажа дека обвинителката го убедувала дека безопасни се нападите.. Погледнете ги деталите во поткастот:

Македонија | пред 1 година

(Видео) Нова „борба“ за побрз влез во Грција

Гужви на граничниот премин „Богородица“ за влез во Грција има и овој викенд. За разлика од сите гранични премини, овде се чека и до еден час, за да се помине границата. Најголем број од возилата се со македонски и српски регистрации.Се чека во неколку редици, а поради долгата колона, граѓаните чекаат и надвор од автомобилите на високите температури. Отворени се пет пунктови на МВР за проверки, односно за премин на границата.Според АМСМ, ова е еден од двата гранични премини каде е забележана гужва од утринава. На Пелинце, Дојран, Меџитлија, Дебе Баир, Ќафасан, Делчево, Ново Село, Блаце – времето на чекање е минимално. Подолго време на чекање има и на Табановце, за влез во Србија.

Македонија | пред 1 година

Филипче и Заев се лицето и опачината на истата паричка - ортаци се во криминалот и корупцијата, вели ВМРО-ДПМНЕ

„Венко Филипче и Зоран Заев се браќа по криминал и корупција. Беа живи фатени кога во најголемата здравствена криза во Македонија, Ковид кризата, бркаа провизии за набавка на вакцините“, вели ВМРО-ДПМНЕ и додава:Додека илјадници граѓани починаа поради доцнењето на вакцините и Македонија бележеше највисоки стапки на смртност во време на Ковид кризата, Венко Филипче како министер за здравство во владата на Заев договараше вакцини со фирмата Стабри од Хонг Конг по 100% повисока цена од тоа што го плаќаа останатите земји, односно другите влади плаќаа по 30 долари, а Филипче и Заев договараа 62 долари. За 200 илјади вакцини тоа се 6 милиони евра повеќе пари.Тоа е методот на работа на Венко Филипче, ортакот во бизнисите и матните зделки на Зоран Заев. Тие се лицето и опачината на истата паричка. Сега Филипче седнува на фотелјата во СДСМ мислејќи дека така ќе се заштити од одговорноста од коруптивните зделки за кои постои сериозен сомнеж дека ги направил како министер во владата на Заев. И тој и Заев мислат дека СДСМ ќе ја користат како заложник за да се спасат од евентуални постапки. Но треба да знаат дека таа математика нема да им помине, односно секој кој се огрешил и ќе одговара.

Македонија | пред 1 година

Убиство во Тетово: продолжение на битката која почна пред болницата?

Пред неколку минути се случи убиство во Тетово, пишува Алсат. Според информациите, станува збор за едно починато лице, додека полицијата е веќе на местото на настанот.Убиството се случило после населбата Мема.„Ова е продолжение на неодамнешното пукање кај тетовската болница“, јавува репортерот на ТВ21 од лице место.Причините кои довеле до престрелката се уште не се познати, но според неофицијални информации што ги има Tetova Sot, починало едно лице со иницијали Р.Т., на возраст од околу 40 години.

Македонија | пред 1 година