ТОП

Уште една тура нови директори во повеќе институции

Владата на Република Северна Македонија на денешната трета седница донесе одлука за именување на нови кадри и разрешување од должност на национални координатори.Во однос на нови именувања во државните институции на владина седница се донесе одлука за назначување на:Васе Анакиев се именува за вршител на должноста директор на Државниот инспекторатот за земјоделство. Анакиев е дипломиран инженер агроном и магистер на економски науки, со работно искуство во Министерството за шумарство и водостопанство. Бил претседател на Комисијата за доделување на земјоделско земјиште.Весела Честоева, се именува за вршител на должноста директор на Управата за заштита на културното наследство. Честоева дипломирала на Институтот за Историја на уметноста и Археологија при филозофскиот факултет во Скопје и магистрант на Институтот за национална историја. До 2024 година е директор на ЈОУ Вински музеј за регион Тиквеш- Кавадарци, а претходно и директор на НУ Археолошки музеј на Македонија – Скопје, како и пратеник во Собранието.Иван Живковски се именува за в.д. директор на Агенцијата за катастар на недвижности. Живковски има магистрирано на тема „Правниот статус на Агенцијата за катастар и недвижности како државен орган“, а има дипломирано на правиот факултет „Јустинијан Прв“ во Скопје. Работи како адвокат. Во минатото бил и претседател на Студентскиот парламент на УКИМ и има учествувано во повеќе органи на управување.Данијел Апостолоски се избира за управител на Друштво за изградба, управување и издавање на повеќенаменска Сала Борис Трајковски ДООЕЛ Скопје. Апостолоски е дипломиран професор по физичка култура и магистрант на Факултет за менаџмент на човечки ресурси при Универзитет за туризам и менаџмент – Скопје. Има работно искуство во ДСУ „Спортска академија“ Скопје.Амет Зибери се именува за в.д. заменик на директорот на Агенцијата за катастар на недвижности.Даут Мемеши се именува за в.д. директор на Бирото за регионален развој.Рефик Џемаили се именува за в.д. директор на Агенција за странски инвестиции и промоција на извозот на Република Северна Македонија.Александар Донев се именува за в.д. директор на Управа за сигурност во железничкиот систем.Диме Ратајкоски, на предлог на министерот за култура се именува за директор на Културно-Информативен Центар на Република Северна Македонија во Истанбул, Република Турција. Ратајковски е магистрант на катедра за Историја на УКИМ, а работи како новинар и уредник во МРТВ на Културно-документарна програма и автор и сценарист на документарни филмови.Мими Ѓоргоска Илиевска, на предлог на министерот за култура се именува за директор на Културно-Информативен Центар на Република Северна Македонија во Загреб, Република Хрватска. Ѓоргоска Илиевска е магистер по филолошки науки, универзитетски професор и експерт за заштита на аудиовизуелното наследство. Има повеќе од 20 години работно искуство во филмската дејност и дејноста на заштита на аудиовизуелното наследство. Член е на Европската филмска академија, а има раководено со Агенцијата за филм и Н.У. Кинотека.Васко Шутаров, на предлог на министерот за култура се именува за директор на Културно-Информативен Центар на Република Северна Македонија во Белград, Република Србија. Шутаров дипломирал на Факултетот за политички науки во Белград, на насоката по дипломатија. Магистрирал во областа правни науки и применета дипломатија на Универзитетот „Гоце Делчев“ во Штип и докторирал во областа политички науки на истиот универзитет. Бил советник во советот на Општина Гевгелија и пратеник во собранието, а автор е на број научни трудови и книги.Владата ги разреши националните координатори и тоа:Владимир Пивоваров се разрешува од должноста в.д. координатор на Националниот координативен центар за гранично управување.Неби Бејадин се разрешува од должноста в.д. заменик координатор на Националниот координативен центар за гранично управување.Борче Мирчески се разрешува од должноста в.д. Национален координатор за медијација.Фатмир Ејупи се разрешува од должноста Национален координатор за социјална заштита и процес на деинституционализација.Бедри Бехадини се разрешува од должноста Национален координатор за информатика и енергетика.Фатон Асани се разрешува од должноста Национален координатор за соработка со дијаспора.Рамадан Рамадани се разрешува од должноста Национален координатор за кохезија.Владимир Симоновски се разрешува од должноста Национален координатор за имплементација на Националната платформа за намалување на ризици од несреќи и катастрофи на Република Северна Македонија.Златко Апостолоски се разрешува од должноста Национален координатор за спречување на насилен екстремизам и борба против тероризам.Џеладин Тефик Ајвази се разрешува од должноста заменик национален координатор за спречување на насилен екстремизам.Златко Арсов се разрешува од должноста заменик национален координатор за борба против тероризам.Роберт Алаѓозовски се разрешува од должноста Национален координатор за интеркултурализам, едно општество, развој на културата и меѓуресорска соработка.Магбуле Амети се разрешува од должноста Национален координатор за здравство.Д-р Маја Мосјова Мијовска, на предлог на министерот за здравство се разрешува од должноста Национален координатор за трансплантација.Д-р Билјана Андоновска се разрешува од должноста заменик на националниот координатор за трансплантација.На седницата на Влада се донесе одлука со која се направи пренамена во програмата за финансиска поддршка во земјоделството за 2024 година со која се обезбедуваат преку Министерството за земјоделство, шумарство и водостопанство 600 милиони денари за дополнителни директни плаќања за земјоделците за растително и сточарско производство кои до сега биле неисплатени.Исто така се донесе одлука со која Министерството за транспорт и врски согласно програмата за капитални инвестиции става на располагање 6 милиони денари на општината Ѓорче Петров за изградба и реконструкција на патна инфраструктура.

Македонија | пред 1 година

Просечна оценка 3,25 на државната матура, до година со уште позаострени мерки против препишување

Просечната оценка на државната матура е 3,25, најниска во изминативе години, а на 268 ученици им бил поништен тестот, кажаа денеска министерката за образование и наука Весна Јаневска и директорката на Државниот испитен центар (ДИЦ) Билјана Михајловска.Според Михајловска резултатите се најобјективни досега, бидејќи за првпат државната матура се полагаше во школски сали и холови. Споредбено со минатите години, просечната оценка во 2023 била 3,65, во 2022 била 3,78  и 3,61 во 2021 година.Вкупно 14.834 пријавени кандидати, на 1 јуни го полагаа задолжителниот екстерен испит по мајчин јазик, додека на 8 јуни се полагаше изборниот предмет.„Откриени се 49 ученици кои за време на решавањето на тестовите користеле мобилен телефон, додека 4 ученици се фатени како препишуваат решенија по претходно добиени одговори на поставените прашања. При оценувањето на тестовите, оценувачите детектирале 175 ученици кои препишувале на тестовите, како и 22 плагијати. На 268 ученици на кои им е изречена мерката поништување на испитот ќе можат повторно да полагаат во августовскиот испитен рок“, изјави Михајловска.Најголем број на прекршување на правилата за полагање на Државната матура се констатирани во Средното училиште „Арсени Јовков“ во Скопје вкупно 32, потоа во Средното медицинско училиште „Д-р Панче Караѓозов“ – Скопје каде се изречени 18 мерки.

Македонија | пред 1 година

Таравари ги нарече „смешни“ обвинувањата за недоволно вработувања на албански кадар

Според министерот за здравство Арбен Таравари обвинувањата за недоволно вработувања на албански кадар во институциите низ државава се „смешни“ .Тој денес ги коментираше обвинувањата на Европскиот фронт дека не само во здравствените институции, туку воопшто, имало многу малку вработувања на албански кадар.,,Мене ми изгледаат смешни. Кога не се сериозни секогаш се смешни, така што не држат овие работи коишто ги кажуваат. Меѓутоа, ги разбирам, задача на опозицијата е тоа, нека продолжат. Меѓутоа, фактите ќе си кажат како стојат работите, одговори министерот на новинарско прашање, по посетата на Клиниката за радиотерапија и онкологија.”, вели Таравари.Во соопштение до медиумите, ДУИ наведе оти смета дека „не може да помине ден без последователни и скандалозни дејствија за дефакторирање на Албанците во Северна Македонија и систематско девалвирање на Охридскиот рамковен договор од страна на губитниците на изборите и моноетничката власт во земјава“.,,По промената на формулата „Балансер“ и намалувањето на процентот на Албанци од 29,5% на 25%, непочитувањето на резултатите од пописот на населението и бришењето на албанската дијаспора од нивните права, симнувањето на албанскиот јазик од претседателската функција, следниот скандал е не -назначување на албански кадар во Агенцијата за разузнавање.”, пишуваше во соопштението на ДУИ.

Македонија | пред 1 година

Марија Андоновска нов директор на Институтот за јавно здравје

Две здравствени установи добија нови директори.Со институтот за јавно здравје ќе раководи Марија Андоновска. Андоновска по професија е дипломиран стоматолог. Таа работи на Уни­вер­зи­тет­ски­от сто­ма­то­ло­шки кли­нич­ки цен­тар во Скопје и е асистент на Катедрата за болести за забите и ендодонтот.На местото на досегашниот директор Христијан Костов на Градската општа болница „8-ми Септември“ доаѓа доктор Синиша Стојаноски.Стојаноски е Доцент на Институтот за Патолошка физиологија и Нуклеарна медицина, а во моментот е пратеник во Собранието.Следната недела се очелука промена на директорите и во другите здравствени установи.

Македонија | пред 1 година

УЈП: Избегнете присилна наплата, платете го веднаш доспеаниот долг за 2023 година!

,,Согласно евиденцијата на УЈП, Ве информираме дека 4.767 даночни обврзници ја немаат платено разликата за доплата на данокот на личен доход утврдена во Годишната даночна пријава за утврдување на данокот на личен доход („ДЛД-ГДП”) за 2023 година што требаше да се плати ВО ЗАКОНСКИОТ РОК до 30.06.2024 година. Во следниот период УЈП ќе премине кон опоменување и присилна наплата на доспеаните неплатени долгови по овие основи што ќе доведе до дополнителни трошоци по основ на камата за задоцнето плаќање од 0,03% дневно и еднократна посебна такса во постапка на присилна наплата.За чекорите на плаќање, повеќе информации види линк: http://www.ujp.gov.mk/mk/plakjanje/category/1990ИСКОРИСТЕТЕ ГИ ЗАКОНСКИТЕ МОЖНОСТИ ЗА ПЛАЌАЊЕ НА ДОЛГОТ!Ги поттикнуваме оние даночни обврзници со даночен долг над 10,000 денари кои имаат потешкотии во обезбедувањето на тековна ликвидност и платежна способност, а редовно ги исполниле другите даночни обврски, да поднесат барање за одложено плаќање http://www.ujp.gov.mk/mk/obrasci/opis/172.”, велат од УЈП.

Македонија | пред 1 година

(Видео) Знае ли Данела: Покривот над ГТЦ наликува на исушена нива - празни фонтани, искршени маси, сува трева

Пожолте и е во распад зелениот покрив на ГТЦ. Го отвори ексградоначалникот Петре Шилегов, додека Данела Арсовска може и слободно да го затвори. Што поради негрижа, што од немарност. Исклучени фонтани, искршени масички кои повеќе наликуваат на канти за отпадоци, сува трева. Преживеале само дрвцата, веројатно поради тоа што издржуваат без често наводнување.Ситуацијата изгледа како да нема ниту тековно одржување во време на Арсовска. Се распаѓаат бекатон плочките. И плочките кои се фасада на трите фонтани, се делумно распаднати.„Скопје1“ испрати прашања до Град Скопје, зошто покривот за кој беа платени 550.000 евра и требаше да биде место за одмор на скопјани, е во ваква состојба. Побаравме одговори и дали ќе има одговорност за секторот/лицето кое треба да го одржува овој простор. Очекуваме да ни кажат и кога Данела Арсовска, мајката на градот, ќе си даде оставка.Арсовска во предизборието ветуваше мега-паркови, куп зелени површини и хуман простор. Но не и, запустување на тоа постоечкото зеленило.

Скопје | пред 1 година

На „Богородица“ се чека по 40 минути, од утре се очекува поголем метеж

Четири колони на возила утринава чекаат за влез во Грција преку граничниот премин „Богородица“. Според информациите од Автомото сојузот на Македонија (АМСМ) за влез и излез од земјава на овој граничен премин се чека околу 40 минути.Според камерите, најголема е гужвата за излез од земјава на граничниот премин „Богородица“, додека на останатите гранични премини нема подолги задржувања за влез и излез од државата. Па, така на „Меџитлија“ и „Дојран“ поминувањето кон Грција е многу побрзо.Поради летните одмори, утре се очекува зголемен интензитет на сообраќај на граничните премини и на патарините.

Македонија | пред 1 година

Нема фотографија

Бајден: Не си одам

Американскиот претседател Џо Бајден рече дека „нема намера да замине“ со оглед на повиците од многу демократи да ја прекине својата кандидатура за реизбор, користејќи ги прославите на Денот на независноста за да возврати на сомневањата за неговата издржливост и ментална острина.На приемот едно лице од публиката извика: „Продолжете да се борите! Ни требате! На тоа американскиот претседател му одговори: „Можете да сметате на мене. Немам намера да заминам“, повторувајќи го неговото ветување дека ќе остане во трката и покрај зголемените повици за негово повлекување.Бајден имаше катастрофален настап на дебатата со Доналд Трамп минатата недела. Беше збунет, нефокусиран, на моменти зборуваше некохерентно како да нема поим за што е темата. Американската јавност со години дебатира дали 81-годишниот претседател е во психофизичка состојба да ја води најголемата светска сила. Дебатата ги продлабочи тие дискусии и воопшто не во корист на Бајден.Многу демократи во последните денови јасно ставија до знаење дека Бајден мора да се повлече за да може ново лице навреме да се соочи со Трамп, кој води на изборите.Џо Бајден им кажал на соработниците и на лидерите на Демократската партија дека отишол на лекар по неговите лоши резултати на минатонеделната дебата со Доналд Трамп, што е спротивно на претходните изјави од Белата куќа за неговата медицинска нега, пренесува NBC.Претседателот, исто така, се состана со демократските гувернери прексиноќа и се соочи со прашања за минатонеделните разочарувачки дебатни перформанси. На прашањето дали добил медицинска помош по дебатата, тој пред толпата признал дека бил прегледан од лекар и дека се е во ред, тврдат два извори на NBC.Неколку часа претходно, прес-секретарот на Белата куќа, Карин Жан-Пјер, изјави дека Бајден не бил подложен на никакви медицински прегледи од февруари, кога последен пат беше подложен на темелен медицински преглед и беше подложен на неколку тестови.Белата куќа сега тврди дека Бајден не посетил лекар од февруари, но оттогаш редовно оди на лекар за кратки прегледи, вклучително и по дебатата со Трамп.

Свет | пред 1 година

Сиљановска-Давкова: Мислам дека многу одговорно се однесувавме кон Преспанскиот договор, реализиравме обврски дури и пред да истечат роковите

Претседателката Гордана Сиљановска-Давкова во „Само Интервју“ на Канал 5 ТВ зборуваше за обврските од Преспанскиот договор и дека Македонија ги реализира навремено, но дека Грција не го прави тоа.„Барам разбирање, го имаме Преспанскиот договор, се смени уставот, сменивме документи, дури и шахтите ги сменивме, време е другата страна да покаже кооперативност. Јажето има два краја и обично двајца го влечат. Ние мислам дека многу одговорно се однесувавме кон Преспанскиот договор, реализиравме обврски дури и пред да истечат роковите, но не сум сигурна дека Грција тоа го стори, таму ќе видите „Скопиа“, „фиром“, но не и Северна Македонија.”, вели Сиљаноска Давкова.Во однос на заклетвата, кога таа не кажа Северна Македонија, Сиљаноска Давкова вели дека не терала инает, ниту сакала некого да нервира, туку се однесувала сократовски. Рече дека не забележала оти грчката амбасадорка ја напуштила инаугурацијата, бидејќи, како што нагласи била преокупирана со чинот.,,Не разбирам како некои не сфаќаат дека со некои нешта не може да се биде рационален, има некоја нераскинлива врска меѓу срцето и умот и јас тоа го изговарам. Не сакам некого да нервирам, тоа е дел од мојот хабитус. Ако 60 години секогаш било Република Македонија, тоа е тоа, не дека терам инает, се однесував сократовски. Во Изборниот законик името не е сменето, си пишува Република Македонија. Заклетвата е таму точно наведена, името е Република Македонија. Сакав да покажам дека придавка е придавка, а дека она што е суштинско е Македонија. Сакав да се држам до Преспанскиот договор чиј член 7, став 3 објаснува кога може да се употеби името Македонија, а тогаш е логична и придавката. Можеби за тоа придонесе фактот што претседателот на Собранието во неполни неколку минути 25 пати го употреби изразот Северна. Не ми е јасна таа логика.”, рече Сиљаноска Давкова.Претседателката уште еднаш кажа дека не го крши Преспанскиот договор.,,Деновиве слушам дека мора да се почитуваат двата договора, Преспанскиот договор јас не го кршам, во него пишува дека ние докуметите треба да ги смениме ама и по отворањето на првото и другите поглавја. Кој отвора поглавје, кој одлучува за тоа? ЕУ. Дали тоа некој го кажа? Требаше да го каже Грција. Не само што не отворивме поглевје, туку сега треба да го смениме Уставот за да почнеме преговори. Во ниту еден член во Договорот со Бугарија не пишува дека ние треба да го менуваме Уставот. На Макрон му реков дека му е извонредна филозофската теза за ЕУ, но филзоофијата не може да биде без принципи и вредости. ЕУ во самите договори предвидела санкции ако некоја членка ги крши темелните вредности и принципи. Без темелни вредности нема ЕУ како филозофија на демократија.”, подвлече Сиљаноска Давкова.Таа е децидна дека со премиерот Христијан Мицкоски не го толкуваат различно Преспанскиот договор.Во Швајцарија на средбата со Мицотакис, рекла дека очекува двете земји да се однесуваат добрососедски, а изјавата на Нимиц дека треба да бидеме горди на новото име, и создала конфузија.,,Нимиц ми создаде конфузија со изјавата. Да речете некому да го прави горд името што не го избрал сам, зашто референдумот не беше успешен, мислам дека е неетички.”, истакна Сиљаноска Давкова.На прашањето дали во следните пет години нема да го каже името Северна Македонија, Сиљаноска Давкова нагласи: Сите знаете дека сум претседателка на оваа држава која во Уставот се вика така, зошто тоа да го повторувам? Зарем нашите грчки колеги постојано велат Хеленска репунблика? Не. Ги почитувам договорите. Не е точно дека ние ги кршиме, туку некој друг ги крши, заклучи Сиљаноска Давкова.

Македонија | пред 1 година

Поднесено обвинение против 31-годишник за загрозување на сигурноста на новинарка: Упатувал заканувачки пораки преку социјални мрежи

Основното јавно обвинителство Скопје до Основниот кривичен суд Скопје денеска достави Обвинителен предлог против 31-годишен жител на селото Грчец за кривично дело – Загрозување на сигурноста од член 144 став 5 во врска со став 4, како и ставовите 1 и 2 од Кривичниот законик.Обвинетиот по пат на информатички систем сериозно и се заканувал на една оштетена дека кон неа ќе изврши кривично дело за кое е пропишана казна затвор од пет години или потешка казна. Заканите ги упатувал поради нејзиниот општествен статус како новинарка, а во врска со вршењето на нејзините професионални задачи кои ги презела во рамките на своите овластувања.Со намера да ја вознемири и исплаши, тој упатувал заканувачки пораки кон новинарката преку лажен профил на една социјална мрежа, барајќи од неа да избрише текст што го напишала и објавила, со што кај оштетената предизвикал чувство на загрозување, несигурност и страв.По издадени наредби на јавен обвинител, МВР го идентификуваше сторителот на кривичното дело, за кое согласно Кривичниот законик е запретена затворска казна од една до пет години. Со ова, од вкупно пет регистрирани напади врз новинари и медиумски работници во текот на 2023 година за кои алармираше Здружението на новинари на Македонија, во три случаи сторителот е идентификуван и е поведена постапка. Од нив, во два предмети, врз основа на поднесените обвиненија, веќе е изречена и пресуда против сторителите на кривичното дело.

Македонија | пред 1 година

Маричиќ и Шаќири на апанажа, дел од поранешните министри нема да бараат апанажа

Досега се одобрени апанажи за околу 40 поранешни функционери, од кои 36 се поранешни пратеници.Поранешните министри Бујар Османи, Артан Груби, Славица Грковска, Ристо Пенов, Азир Алиу и Каја Шукова нема да бараат апанажа и се враќаат на нивните поранешни работни места.Фатмир Бесими, Кренар Лога и Крешник Бектеши сѐ уште не се изјасниле дали ќе го искористат ова право. Бојан Маричиќ и Јетон Шаќири веќе поднеле барања.Пратеници, заедно со Ковачевски, станаа речиси сите поранешни министри од СДСМ, Оливер Спасовски, Благој Бочварски, Јованка Тренчевска, Љупчо Николовски, Фатмир Битиќи, Славјанка Петровска и ексдиректорката на УЈП Сања Лукаревска.Во наредните 12 месеци ќе ја примаат истата плата што ја добивале како министри, пратеници, директори на јавни претпријатија, а тоа е од 1.500 до 2.000 евра месечно.

Македонија | пред 1 година

(ВО ЖИВО) 🔴 „Претрес“ на Димитар Апасиев

Нема да ве стреламе, ниту бесиме – а ќе го претресеме Димитар Апасиев, лидер на Левица и пратеник.➡️Очекуваа од осум до 12 пратеници, добија гласови за шест. Ветуваа „нема Влада без Левица“, но не стигнаа до „Илинденска“. Има ли уште шанси да си се допаднат со ВМРО-ДПМНЕ?⚡️За „северна“ и НАТО, националистичките заплашувања, теоријата и праксата, за тоа што е убаво да се чуе и невозможно да се реализира...🔴Следете „Претрес, 21 часот, во живо:

Македонија | пред 1 година

Коце Трајановски ја презеде директорската функција во „Државни патишта“

Коце Трајановски денес ја презеде функцијата директор на Јавното претпријатие за државни патишта.,,Примопредавање на директорската функција во Јавното претпријатие за државни патиштаДиректор на Јавното претпријатие за државни патишта од денеска е Коце Трајановски кој ја презеде функцијата од Ејуп Рустеми.Во просториите на Јавното претпријатие за државни патишта беше направено примопредавање на функцијата при што Рустеми го запозна директорот Трајановски со состојбите и функционирањето на претпријатието.”

Македонија | пред 1 година

Нема фотографија

(Видео) Силни молњи предизвикаа пожари во Грција

Силни молњи во средата предизвикаа два пожари на грчкиот остров Тасос, еден ден откако пожарникарите се справија со шумските пожари поттикнати од силните ветрови на два други острови.Повеќе од 32 пожарникари со помош на 13 противпожарни возила, едно летало и два хеликоптери се обидуваат да го изгаснат пламенот што го проголтува шумското земјиште на два фронта на островот во северното Егејско Море на 306 километри северно од Атина, соопшти противпожарната бригада.Пожар беснее и во близина на туристичкото место Кардамаин.

Свет | пред 1 година

Моќниот ураган продолжува да одзема животи: Жена загина во Јамајка, Берил се упати кон Мексико

Моќниот ураган Берил ја погоди Јамајка со силни ветришта и дожд, оштетувајќи згради и корнејќи дрвја на карипскиот остров, јавува Би-Би-Си.Според Си-Ен-Ен, една жена загинала на Јамајка откако дрво паднало врз нејзината куќа.Берил, бура од четврта категорија со ветрови до 215 километри на час, го погоди јужниот брег на Јамајка.Ураганот, пред да падне на копното на Јамајка, уби најмалку седум лица - три во Венецуела, тројца во Гренада и еден во Сент Винсент и Гренадини.Откако ја погоди Јамајка, Берил ослабе и се упати кон Мексико.

Свет | пред 1 година

Нема фотографија

Туристите и граѓаните на Грција добија итни СМС предупредувања: Се приближува силно невреме, град и грмежи, ова се најзагрозените делови од земјата

Граѓаните и туристите во Солун, Лариса и други области на северна Грција добија предупредување во форма на итна СМС порака поради невремето кое се очекува во текот на денот.Во пораката се наведува дека од раните утрински часови до пладне се очекува лошо време, како град и грмотевици, пренесува Катимерини.„Избегнувајте преминување на порои и потоци, пеш или со возило, при невреме и врнежи, работа и активности на отворено. Треба да избегнувате да поминувате под големи дрвја и поставени знаци. Не држете ги вклучените електрични уреди или телефони, бидејќи молњата може да помине низ жиците. „Избегнувајте допирање на водоводни цевки (кујна, бања), бидејќи тие се спроводници на струја“, се наведува во предупредувањето.Исто така, се додава дека ако некој е на отворено за време на невреме, советот е да се држи подалеку од метални предмети, како што се автомобили, велосипеди или опрема за кампување и дека ако некој е во морето, веднаш да излезе.Невреме се очекува и во Тесалија, Островите Споради, централна и источна Стереа (вклучувајќи ја Атика), источен Пелопонез и Евија.Како што јавува ЕРТ, врнежи и невреме се предвидуваат во централните, источните и северните предели, а од вечер се очекува постепено слабеење.Температурите се очекува да се спуштат до 28 степени, додека на Крит температурите ќе достигнат до 31 степен. Во Солун се очекува променливо облачно со врнежи од дожд и повремено силно невреме, а температурите ќе се движат од 20 до 28 степени.

Свет | пред 1 година

Нема фотографија

Бајден откри дали ќе се повлече од кампањата: „Не си одам, никој не ме тера“. Во трка сум до крај и ќе победиме“

Американскиот претседател Џо Бајден ги отфрли гласините дека има намера да се откаже од кандидатурата за претстојните избори и истакна дека е подготвен да победи во ноември.„Да го кажам ова најјасно што можам: Не си одам, никој не ме тера. Во оваа трка сум до крај и ќе победиме“, рекол претседателот, пренесува АП.Како што беше најавено претходно денеска, демократските гувернери на Њујорк, Минесота и Мериленд ја поддржаа кандидатурата на претседателот Џо Бајден за претстојните избори во Соединетите Американски Држави.„Претседателот отсекогаш ни го имал грбот. Ние ќе го заштитиме и неговиот“, изјави гувернерот на Мериленд, Вес Мур за новинарите по состанокот со Бајден и потпретседателката Камала Харис во Белата куќа, на кој присуствуваа 24 демократски гувернери.Гувернерката на Њујорк Кети Хочул рече дека сите гувернери ветиле поддршка за Бајден.„Претседателот учествува (во трката) за да победи“, истакна таа.

Свет | пред 1 година

Чибишев: Лицата кои беа вработени од Бесија Иљази повеќе не работат на Токсикологија

18-те вработени кои беа вработени од поранешната директорка Бесија Иљази повеќе не работат на Токсикологија, откри новиот новиот директор Андон Чибишев.Овие лица работеле со незаконски договори и со тоа внесувале немир помеѓу вработените и незаконски престојувале во институцијата со невалидни договори и добивале плата.„Со тоа буџетот на Клиниката е оштетен за околу 650 илјади денари. Секој денар ни е важен. Целиот случај го документирав и ќе биде процесуиран пред надлежните институции, кажа новиот директор на прес-конференција со медиумите.Чибишев вели дека повеќе нема да има „каубојски“ вработувања, ќе се вработуваат сите според законите на државата.

Македонија | пред 1 година

Јаневска: Претходната Влада не испечатила ниту еден учебник за седмо одделение

,,Волшебно стапче да имаме, ние до септември како Влада не можеме да стигнеме да обезбедиме учебници за седмо одделение. Ниту еден учебник за седмо одделение не е даден на печатење. Дел не се одобрени, дел не поминале рецензија, а некои не се ниту напишани. Така што, иако претходното раководство соопштуваше дека и учебниците за седмо одделени се печатат и испорачуваат, фактичката состојба е сосема поинаква.”Оваа информација со медиумите денеска ја сподели министерката за образование и наука проф. д-р Весна Јаневска, посочувајќи дека за надминување на предизвикот се бара решение заедно со Бирото за развој на образованието.„Неколку денови разговараме со Бирото и најверојатно учениците од седмо одделение и следната учебна година ќе учат од постојните учебници, оние кои и досега беа во употреба. Имаме образложение од Бирото дека се прилично компатибилни со наставните програми, освен за две до три теми за кои може да се направат наставни материјали“, рече Јаневска.Таа посочи дека разговорите и дискусиите со БРО сè уште траат и доколку законското решение не дозволува ништо поинаку, Концепцијата ќе биде одложена на извесен период за учениците од седмо, осмо и деветто одделение да имаат учебници.

Македонија | пред 1 година

Филипче ја презеде функцијата Претседател на СДСМ

Денеска во седиштето на партијата, Венко Филипче ја презеде функцијата Претседател на СДСМ од поранешниот претседател Димитар Ковачевски.Ковачевски му честиташе на изборот, му посака понатамошен успех во работата и повторно градење победнички СДСМ.Филипче се заблагодари на честитките, како и за ангажманот на Ковачевски во изминатите години како претседател на партијата и како премиер на Владата.Новоибраниот претседател, Венко Филипче посочи дека следи период на многу работа, обединување и реформа на СДСМ.-Процесот нема да биде ниту брз ниту лесен, но освен темелни промени не постои друг начин да ја вратиме довербата кај членовите, за да може постепено да ја освојуваме и довербата кај граѓаните. Ќе водам со пример, ќе обединувам и ќе работам како што ветив, како што се обврзав пред членовите. Сечиј глас ќе биде слушнат. Со честа и отворена комуникација со членството ќе создадеме нова енергија на партијата која ќе ја трансформираме во една ефикасна организација. СДСМ ќе се врати посилна и ќе продолжи да биде мотор на општествениот напредок., рече Филипче.Филипче убедливо победи на директните внатрепартиски избори со освоени над 9.000 гласа од членовите на партијата. СДСМ е единствена партија во земјата со толку висок демократски капацитет којашто претседаелот го бира на директни, непосредни внатрепартиски избори.

Македонија | пред 1 година

Несреќа кај ГП „Богородица“: Загина возач на камион

Денеска (03.07.2024) во 00.30 часот во Полициската станица Гевгелија било пријавено дека на автопатот од клучка Гевгелија кон Граничниот премин Богородица се случила сообраќајна несреќа помеѓу товарно возило „ман“ со велешки регистарски ознаки, управувано од Б.Ј.(35) од с.Селемли, општина Богданци и товарно возило „ивеко“ со гевгелиски регистарски ознаки, управувано од С.А.(26) од с.Стојаково, општина Богданци.Во несреќата со тешки телесни повреди се здобил Б.Ј., кој на пат кон Комплекс клиники „Мајка Тереза“ им подлегнал на повредите, а лекар констатирал смрт. С.А. се здобил со телесни повреди, констатирани во Општата болница Гевгелија.Извршен бил увид од увидна екипа од ОВР Гевгелија.

Македонија | пред 1 година

Касами до Димитриевски за користењето на албанското знаме во владините кабинети: Не треба Димитриевски да зборува на таа тема

Биљал Касами, градоначалник на Тетово и претседател на Движење Беса, во изјава за медиумите по настан во тетовскиот регион ја искоментира изјавата на лидерот на ЗНАМ, Максим Димитриевски дека ќе ја напушти Владата ако во владините кабинети на министрите Албанци од Коалицијата „Вреди“ продолжи да се користи знамето на Албанија.Според Касами, Димитриевски не требало да зборува на таа тема.,,Не е Димитриевски кој одредува кога и како ќе се користи националното знаме. Посакуваме коалицискиот партнер, во случајов претседателот на ЗНАМ, да излезе од предизборната реторика и да разбере дека сега сме дел од власта и мора да работиме за доброто на граѓаните. Ние како граѓани Албанци на оваа држава ги почитуваме и поддржуваме граѓаните на македонската заедница во заштитата на нивниот идентитет, а истото го очекуваме и од македонските граѓани да ги поддржат Албанците во заштитата на нивниот идентитет, националното знаме е важен сегмент од ова.”, изјави Касами.

Македонија | пред 1 година

Денес и утре променливо и свежо со повремено засилен ветер, во западните предели и со пороен дожд

Денес и утре (четврток) во Македонија времето ќе биде значително посвежо и тоа поради влијанието на свежата воздушна маса која продира од север. Времето ќе биде променливо облачно со сончеви периоди и со повремено засилен ветер од северен правец. Особено во западните предели ќе има и појава на повремен локален пороен дожд проследен со ретки грмежи.И во Скопскиот регион денес и утре (четврток) времето ќе биде променливо облачно со сончеви периоди и со повремено засилен ветер од северен правец.Што се однесува до температурите, тие наутро ќе се спуштаат во интервалот некаде од 9 до 18 степени. Максималните дневни температури пак ќе се искачуваат во интервалот од 23 до 31 степен, што значи дека ќе бидат потпросечни за почетокот на јули.Во Скопје максималната температура ќе се искачува во интервалот помеѓу 27 и 29 степени. Наутро пак таа ќе се спушта во интервалот помеѓу 13 и 15 степени.

Македонија | пред 1 година

Путин пристигна во Казахстан на самитот, а учествуваат и моќни земји наклонети кон Русија

РУСКИОТ претседател Владимир Путин пристигна во Казахстан на разговори за регионалната безбедност и одбрана, соопшти Кремљ, како и серија билатерални средби, вклучително и оние со кинескиот и турскиот лидер.Шангајската организација за соработка (SCO), форум основан во 2001 година од Кина и Русија како безбедносен надзорник во евроазискиот регион, ќе се состане на својот самит на 3 и 4 јули во главниот град на Казахстан Астана.„Лидерите на земјите-членки на ШКО ќе разговараат за актуелната ситуација и изгледите за натамошно продлабочување на мултилатералната соработка во рамките на организацијата и подобрување на нејзините активности“, објави Кремљ на својата веб-страница.На состанокот најверојатно ќе доминираат Русија и Кина, со лидерите или претставниците на Азербејџан, Белорусија, Индија, Иран, Казахстан, Катар, Киргистан, Кина, Монголија, Обединетите Арапски Емирати, Пакистан, Таџикистан, Туркменистан, Турција и Узбекистан. се очекува да присуствува и.Се очекува и генералниот секретар на Обединетите нации, Антонио Гутереш, објавија во вторник руските агенции.Русија во вторникот соопшти дека Путин ќе одржи серија билатерални разговори, вклучително и со кинескиот претседател Си Џинпинг и турскиот претседател Таип Ердоган.Индискиот премиер Нарендра Моди, кој се очекува во Москва овој месец, нема да присуствува, а земјата ќе ја претставува министерот за надворешни работи Субрахмањам Џаишанкар, соопшти Министерството во вторник.На минатогодишниот виртуелен самит, групата објави изјава во која го критикуваше, како што рече, негативното влијание на „едностраното и неограничено проширување на глобалните системи за ракетна одбрана од страна на одредени земји или групи земји“, без директно да го спомене проширувањето на НАТО и западната воена помош за Украина.

Свет | пред 1 година

Нема фотографија

Израелската војска синоќа го нападна југот на Либан: Бомбардирана зградата која ја користел Хезболах

Израелски воени авиони во текот на ноќта ги нападнаа позициите на Хезболах во јужен Либан, соопшти израелската војска.Целите вклучувале зграда што ја користела терористичката група во Аитарун и инфраструктура во Блида, Јарун и Тир Харфа, се вели во соопштението на армијата, објави Тајмс оф Израел.Израелската војска, исто така, со артилерија ги гранатирала областите во близина на Лабуне и Шихине за да ги „отстранат заканите“, се вели во соопштението.

Свет | пред 1 година