ТОП

Кој е новиот претседател на Уставен: Советник на Иванов, критикуван дека не знае право од Камбовски...

По скоро една недела натегања со гласови, Дарко Костадиновски е избран за нов претседател на Уставниот суд. Тој ги добил потребните шест гласови, што е 2/3 од вкупниот број судии. Неговиот мандат ќе биде три години на чело на овој суд.Костадиновски и е познат на јавноста по критиките кои ги доби од академик Владо Камбовски. Во 2019 година, Камбовски му посочи на новоизбраниот претседател на Уставен, дека не ја разбира азбуката на правото и на Уставот и се чудеше како тој може да биде уставен судија.Костадиновски беше предлог на експретседателот Ѓорге иванов за уставен судија. Тој пред оваа функција беше советник на Иванов и во времето на амнестијата која тогашниот претседател ја даде за осомничените и сведоците во случаите на СЈО.Се обидоа, но не успеаа, уставни судии да станат и Осман Кадриу, Ана Павловска Данева, Татјана Васиќ Бозаџиева.

Македонија | пред 1 година

„Да бидеме малку скандинавци, со културна дипломатија“ - Сиљановска со порака до Мицотакис по најавите за блокади

Претседателката Гордана Сиљановска-Давкова не сакаше да ја коментира изјавата на грчкиот премиер Киријакос Мицотакис, но му порача: „Малку да бидеме скандинавци“.Според неа, Грција има механизми со кои може да постапкува, а кои ги овозможува Преспанскиот договор кога во прашање е употребата на уставното име. Но посочи дека тоа не е во духот на разбирање на пријателските односи. „Јас не коментирам пораки на Мицотакис. Преспанскиот договор има механизми, од укажување до обраќање до Генералниот секретар на ОН. И се разбира ова што велите вие, покренување на постапка до Меѓународниот суд на правдата каде имаше пресуда која Грција не ја почитуваше. Тоа е механизам кој постои, кој е загарантиран во процесот на одлучување за секоја членка на ЕУ. Јас не можам да го спречам во тоа, Преспанскиот договор е дел од преговарачката рамка, но не мислам дека тоа е во духот во разбирање на пријателските односи“, кажа Сиљановска-Давкова.Според неа, проблемите треба да се решаваат со културна дипломатија. „Малку да бидеме скандинавци“, додаде Сиљановска-Давкова. Мицкоски јасно да каже дека името на неговата земја е Северна Македонија, за внатрешна и надворешна употреба. Ова го очекува премиерот на Грција, Киријакос Мицотакис, кој уште еднаш испрати порака до новата македонска влада. Вели дека прашањето ќе го покрене и на претстојниот НАТО Самит во Вашингтон, но сепак се надева дека во Скопје ќе преовлада логиката.

Магазин | пред 1 година

Кои експратеници добија апанажа: одобрени 29 барања, најголем дел од СДСМ

Комисијата за избори и именувања им ги одобри барањата за апанажа на 29 експратеници, меѓу кои најголемиот дел се од сега опозициската СДСМ, па од ДУИ, но и од експратеници кои делувале како независни. Барање за апанажа им е одобрено и на пратеници од ВМРО-ДПМНЕ кои ги напуштија собраниските клупи.Најголемиот дел од апанажите се во траење од една година, во која пратениците ќе треба да се снајдат и да си најдат работа, а има и такви кои ќе ја земаат пократко односно до нивно пензионирање.Целиот список:Според Законот, право на апанажа три месеци, има пратеник кој ја вршел функцијата до шест месеци, на апанажа до шест месеци има право само пратеник кој ја вршел функцијата до 12 месеци. Доколку лицето било пратеник 24 месеци или повеќе, тогаш поранешниот пратеник има право да зема надоместок 12 месеци.Исто така, со законот се предвидува пратеник да може да остварува плата подолго и од една година, а најмногу уште шест месеца, доколку во тоа време стекнува право за старосна пензија. За време на остварувањето на ова право пратеникот нема право на други лични примања и надоместоци на трошоци.Правото на апанажа може да престане доколку поранешниот пратеник стекне право на пензија, кога тој ќе побара, кога ќе се вработи и ќе биде избран или именуван на друга функција врз основа на која остварува плата. Ова право може да престане доколку лицата се правосилно осудени за кривични дела против државата или за кривични дела сторени од користољубие.

Македонија | пред 1 година

МВР со детали: Лице со пиштол ограбило банка во Аеродром

Денеска (04.06.2024) во 11.25 часот во СВР Скопје било пријавено дека во филијала на една банка на бул.„Кузман Јосифовски Питу“ во Скопје, едно лице со закана со пиштол од вработените одзело пари.Се преземаат мерки за расчистување на случајот.

Македонија | пред 1 година

Вработени на Токсикологија: Самоволието на В.Д. организационата директорка продолжува со несмалено темпо

Продолжува незадоволството кај дел од вработените на Клиниката за токсикологија од В. д. организациската директорка на Клиниката за токсикологија Бесија Иљази. Тие посочуваат: „И покрај сите укажувања од релевантните институции во државата, самоволието на В.Д. организационата директорка на УК токсикологија продолжува со несмалено темпо“.Писмото ви го пренесуваме целосно:1. Извршена е исплата на сите 18 лица за периодот 15 април – 15 мај 2024 година, иако во истиот период немаа валиден договор со Клиниката и не исполнуваа ниту една од своите работни задачи, а дел од нив се уште користат „годишни одмори“ иако користењето на платен годишен одмор е неспоиво со договор на дело.2. Иако во горенаведениот период на Клиниката се уште имаше медицински директор. исплатата е извршена без негов потпис и одобрение.3. Во текот на денешниот ден доставен е урнек за пополнување на барањата за годишни одмори за 2024 година, достапен исклучиво двојазично, со изразито лош и нелитературен македонски јазик, со што грубо се крши законот за примена на јазиците, според кој двојазични формулари се право на избор а не на наредба.4. На распоредот за дежурства на медицински сестри, сите мед. сестри со договор на дело се ставени со работни задачи само во дневните смени, што е еклатантен доказ дека реално нема никаква потреба од истите, бидејќи работниот процес 24/7 се одвива и без нивното присуство.5. Меѓу болничарите на кои им е продолжен договорот се наоѓа и човекот кој јавно призна дека сакал да фалсификува токсикплпшки резултат, а за своето „јуначко дело“ е награден и со годишен одмор, кој е неспоив со статусот договор на дело.6. Со дезорганизацијата која ја направи организационата сиректорка половина месец, Клиниката ќе биде без болничар во ноќните часови, кога фреквенцијата е најголема.[caption id="attachment_291583" align="alignnone" width="714"] Screenshot[/caption][caption id="attachment_291584" align="alignnone" width="704"] Screenshot[/caption][caption id="attachment_291585" align="alignnone" width="692"] Screenshot[/caption]

Македонија | пред 1 година

Од место не мрда предметот против Пендиков за омаловажување на Македонија

Една година не мрдна од место предистрагата на охридското Обвинителство против Христијан Пендиков, ексгенералниот секретар на згаснатиот бугарскиот културен клуб во Охрид „Цар Борис Трети“. Тој беше пријавен од политичката партија Левица за сторени три кривични дела, кои обвинителот ги испитува цела година, а тоа не вродува со резултат. Гонењето дојде по изјавите кои Пендиков ги даваше по медиумите во кои велеше дека Бугарите во Македонија се малтретирани поради етничката припадност, дека не смееш да се произнесеш за Бугар во Македонија оти ќе си цел на насилство, но и дека Македонците и Бугарите се исти народ.„Предметот е во фаза на претходна постапка. Јавен обвинител издаде наредби за обезбедување докази за проверка на наводите по кои се постапува“, велат од Обвинителството за „Скопје1“.Од Левица пријавија дека Пендиков се товари оти извршил повеќе кривични дела, односно – повреда на угледот на Републиката (казниво по член 178 од кривичниот законик), излагање подбив на македонскиот народ (казниво по член 179 од Kривичниот законик) и предизвикување омраза, раздор или нетрпеливост врз национална, расна, верска и друга дискриминаторска основа (казниво по член 319 став 1 од законот).Практиката на несанкционирање на обезвреднување на основните обележја на Македонија, велат од Левица, може да предизвика сериозни штетни последици по националните интереси и безбедност во иднина.Секретарот на бугарскиот клуб „Цар Борис Трети“, Христијан Пендиков, имаше интервју за бугарската телевизија БТВ во кое говореше за инцидентот во кој беше претепан пред кафе-бар во Охрид кон средината на јануари. Раскажуваше оти и самиот не ги поднесувал Бугарите кога бил помлад, но дека пред неколку години се разбудил и станал македонски Бугарин.

Македонија | пред 1 година

Лога преку писмо им се пожалил на Брисел, Вашингтон и амбасадорите

Сè уште актуелниот министер за правда во техничката влада, Кренар Лога, информира дека до дел од амбасадорите во земјава, но и до официјален Брисел и Вашингтон испратил писмо во кое ја изразил својата загриженост за најавата на ВМРО-ДПМНЕ која партијата ја даде уште пред изборите, дека доколку дојде на власт, ќе ги распушти Судскиот совет и Советот на јавни обвинители.Во продолжение Ви го пренесуваме писмото:,,Ценејќи ја Вашата досегашна континуирана поддршка изразена преку многубројните проекти и вложени средства, кои несомнено придонеле за реформските процеси, како и обезбедување на цврсти гаранции на владеење на правото, со вознемиреност и загриженост Ви се обраќам со ова писмо.Во оваа прилика би сакал да Ве информирам и да го насочам Вашето внимание кон најавите за ,,упад”, кој се подготвува од парламентарното мнозинство во правосудниот систем. Паралелно со најавите за реформа на органите на управата и реорганизација на министерствата, владеачкото мнозинство соопшти дека подготвува и пакет закони со кои ќе се распуштат двете уставни и независни категории – Судскиот совет и Советот на јавните обвинители.Изјавите од партиски функционери за мене лично и за Министерството за правда се неприфатливи и недозволиви не заради одбрана на поединци во овие органи, туку за независноста и непристрасноста на овие институции за кои имаме добиено извештај од Оценската мисија каде точно е наведено што треба да се преземе од страна на органите на државата за подобрување на состојбите во судството.Иако како министер за правда минатата година кога се случија настаните во Судскиот совет, јавно излегов со став за престанок на мандатот на членовите за кој не добив поддршка од коалиционите партнери ниту од опозициските партии, а исто така и по оддржани консултации со Ваши претставници, ми беше сугерирано дека Оценската мисија ќе ја скенира состојбата во Судскиот совет и ќе даде препораки за надминување на состојбите, за што добивме и Извештај. Препораките од Извештајот со особено внимание беа разгледани од највиските претставници на правосудната, академската и стручната фела, како и граѓанскиот сектор и останатите засегнати страни. Дотолку повеќе, што овие препораки се дел од најзначајните документи, како што се: Стратегијата за развој на правосудниот сектор, Патоказот за владеење на правото, како и Планот за раст. Дополнително ,беше формирарана работна група за законски реформи на Судскиот совет каде во повеќе наврати беа поканети претставници на тогашната опозициска партија и сегашен носител на владејачкото мнозинство, ВМРО ДПМНЕ, на што не добивме повратен одговор.Изразуваме сериозна загриженост што поставеноста на ваквата концентрација на моќ на трите власти кај една политичка партија ќе значи на пресликување на состојбите и проблемите пред 2017 година, коишто неспорно создадоа заробена држава, констатирано во повеќебројни извештаи од меѓународните организации.Ваквите најави се избрзани и опасни, и цениме дека од страна на владејачкото мнозинство треба да се почитува процесот на правилно креирање на политики кое вклучува оценка на состојбите и консултација за сите претстојни обврски и одговорности кои Република Северна Македонија ги има во договор со Европската Унија и останатите меѓународни партнери.”, министер за правда во техничката влада, Кренар Лога.

Македонија | пред 1 година

За само 5 месеци од патарините низ Македонија собрани 23,6 милиони евра

Од наплата на патарина во првите пет месеци од годинава се собрани 1.454.587.856 денари (23.651.835 евра) што во однос на истиот период за 2023 година претставува зголемување или повеќе остварен приход за 132.635.906 денари (2.156.681 евро).-Тенденцијата за зголемен остварен приход во 2024 година е константна, со пораст од 10,2 проценти за периодот јануари-мај годинава, информираа за МИА од Јавното претпријатие за државни патишта (ЈПДП).Износот на наплатените средства на патарините е различен и се движи од 155.827.545 денари на Романовце до 53.038.529 денари на Демир Капија.ЈПДП минатата година ја заврши со рекорден приход од патарини во износ од 62 милиони евра, за 100 проценти повеќе споредено со 2020 година кога наплатата изнесуваше 34 милиони евра. Во 2021 година по тој основ беа инаксирани 46 милиони евра, а во 2022 година 53 милиони евра. Вкупните приходи на ЈПДП од наплата на патарина за 2024 година се проектирани на износ од 4.400.000.000 денари.Системот на еден „таг“ има 1 864 корисници, нова регионална платформа Toll4AllПодатоците на ЈПДП покажуваат дека системот за заедничка електронска наплата на патарина со примена на еден „таг“ при патување во државава и во Србија, што е оперативен од крајот на јуни лани, досега има 1864 корисници.-Еден таг во двете држави го користат преку 1800 иматели на тагови, или поточно 1864 корисници. Во периодот откако започна функционалната операбилност, секојдневно се користи и над 21 милион денари се наплатени од користење на српски тагови во Македонија, велат од ЈПДП.Во однос на придобивките од проектот, како што оценуваат, позитивниот ефект се гледа и на проширувањето на нова платформа Toll4All во кој ќе бидат вклучени и државите од регионот, Црна Гора, Босна и Херцеговина, Хрватска и Грција.На тој проект активно се работи, а дополнително ќе има известување од моментот кога ќе се вклучат и другите држави.Еден „таг“ функционира како активност од иницијативата „Отворен Балкан“. ТАГ-от (микробранов транспондер) треба да се регистрира (преконфигурира) на веб пoрталот openbalkan-etc.com.

Македонија | пред 1 година

Русија нападната со ракети ХИМАРС

Украинските војници користеа ракети ХИМАРС, добиени од САД, за да уништат напреден систем за воздушна одбрана на територијата на Русија.Ова го објави „Дејли телеграф“, кој наведува дека, според извештаите, погоден е систем за противвоздушна одбрана во рускиот град Белгород кој бил опремен со ракети земја-воздух С-300 или С-400.Социјалната мрежа Х објави неколку видеа во кои се тврди дека погодиле системите С-400, додека други видеа тврдат дека погодиле неколку системи С-300.Сега се очекува одговор од Кремљ, бидејќи Кремљ го предупреди Вашингтон дека САД ќе доживеат „фатални последици“ за поддршката на Киев во извршувањето на напади преку украинско-руската граница. Москва јасно стави до знаење дека ќе има последици ако оружјето на НАТО се користи за напад на Русија.

Свет | пред 1 година

Нема фотографија

Ѓоковиќ откри зошто не се откажал кога му било најтешко: Ретко кој би се осмелил да го направи ова

Новак Ѓоковиќ одигра уште еден меч за аналите во осминафиналето на Ролан Гарос и победи по пресврт и пет одиграни сета.Покрај големиот ривал, Ѓоковиќ мораше да го надмине и проблемот со повредата што го мачеше во поголемиот дел од натпреварот.Во неколку наврати се чинеше дека Ѓоковиќ ќе мора да го предаде мечот, но на крајот тоа не се случи, а српскиот ас потоа на емотивна прес-конференција објасни зошто не го направи тоа.„Веднаш по повредата разговарав со физиотерапевтот, имав медицински тајм-аут. Видов дека не помогна многу. Тој ја заврши најдобрата можна работа се разбира, само сфатив дека тоа не може да се реши, но дека може да се одржува на одреден начин. Алехандро, тоа го направи физиотерапевтот од АТП и јас сум му благодарен. Видов дека не можам да дадам 100 проценти, дека не можам да го сменам правецот, дека не можам да трчам кон неговите драп шутови и тој го виде тоа, играше така. Повеќето од тие потези штотуку ги гледав, не се мрднав. Знам дека не му е лесно да игра против некој кој не се движи добро два сета, а потоа почнува да се движи одлично. Секако разбирам дека тоа не е идеална ситуација за него. Тоа можам да го повторам уште еднаш“, изјави Новак.Ѓоковиќ објасни зошто не го предаде мечот.„Продолжив затоа што сакав да видам дали некој друг лек што го земам ќе ми помогне да спречам некои ограничувања и тоа се случи. По третиот сет ми дадоа повеќе лекови, тој ми рече дека е максимумот што може да ми го даде и тоа е доволно. Можев да одиграм најдобро на крајот од мечот“, изјави најдобриот играч на светот.

Спорт | пред 1 година

Нема фотографија

Силен земјотрес ја погоди Швајцарија

Земјотрес со јачина од 4,3 степени според Рихтеровата скала ја погоди синоќа Швајцарија, соопшти швајцарската сеизмолошка служба.Земјотресот е регистриран околу 02:34 часот во Швајцарија, а како што наведува EMSC, овој регион се наоѓа на 32 километри од Цирих.Земјотрес од оваа јачина може да предизвика штета во близина на епицентарот.

Свет | пред 1 година

Уставен суд: Ниту еден од кандидатите не го доби потребното мнозинство

Денеска продолжи седницата за избор на нов претседател на Уставниот суд.Се гласаше два пати за различни кандидати, при што ниту еден од нив не го доби потребното мнозинство, односно поддршка од најмалку две третини од вкупниот број на судии или најмалку 6 гласови.Во моментот се вршат консултации помеѓу судиите за продолжението на оваа седница.Седницата за избор на претседател на Уставниот суд, започна на 30 мај и досега имаше осум круга гласања.Со оглед дека се уште не е избран нов претседател на Судот, а со цел Уставниот суд да функционира непречено, судиите едногласно зазедоа став дека за прашањата кои се однесуваат на управувањето, да се одлучува колективно.Мандатот на досегашниот претседател на Уставниот суд, Добрила Кацарска заврши на 2 јуни 2024 година, вчера, по што од денеска продолжи да ја извршува функцијата судија на Уставен суд.

Македонија | пред 1 година

Се намалува ценaта на бензините и на дизелот

Регулаторната комисија за енергетика денеска ќе одлучува за новите цени на нафтените деривати.Според последната одлука на РКЕ, цената на бензинот ЕУРОСУПЕР БС-95 се намали за 0,50 денари по литар, додека ЕУРОСУПЕР БС-98 се намали за 1,00 денар по литар.Дизел горивото и Екстра лесното масло за домаќинство (ЕЛ-1) поскапеа за 0,50 денари.Ова се актуелните цени на горивата:Моторен бензин ЕУРОСУПЕР БС – 95 82,50 (денари/литар)Моторен бензин ЕУРОСУПЕР БС – 98 84,50 (денари/литар)Дизел гориво ЕУРОДИЗЕЛ БС (Д-Е V) 73,50 (денари/литар)Масло за горење Екстра лесно 1 (ЕЛ-1) 73,00 (денари/литар)Мазут М-1 НС 42,453 (денари/килограм)

Македонија | пред 1 година

Филипче: Поднесувам кандидатура за претседател на СДСМ

Поранешниот министер за здравство и актуелен пратеник на СДСМ Венко Филипче најави дека влегува во трката за лидер на СДСМ.„Поднесувам кандидатура за претседател на СДСМ“ – вели Филипче за ТВ24.Филипче ќе биде трет кандидат за лидер на СДСМ, својата кандидатура досега ја најавија пратеничката на СДСМ Славјанка Петровска и директорот на ТИРЗ Јован Деспотовски, а опција да се кандидираат не исклучуваат ниту Стефан Богоев, ниту Александар Бајдевски.

Македонија | пред 1 година

Петровска стана пратеник, со МО ќе раководи Тирон Јајага

Министерството за одбрана денеска информира дека со верификација на пратеничкиот мандат на 28 јуни, на министерката за одбрана Славјанка Петровска и заврши функцијата.До изборот на нов министер, наведуваат во соопштението, со Министерството за одбрана во полн капацитет ќе раководи заменик министерот Тирон Јајага.

Македонија | пред 1 година

Брачен пар од Германија удрил со автомобил во патарина во Италијa, тројца мртви

Три лица загинаа во тешка сообраќајна несреќа во италијанска Тоскана кога автомобил удрил во наплатна рампа, потврдија вчера од противпожарната бригада.Портпаролот на противпожарната служба изјави дека автомобилот со германската двојка со голема брзина се приближил до патарината на автопатот во близина на Ливорно, каде што се судрил со два други автомобили кои чекале на патарина.Шест лица се повредени, меѓу кои две деца, јавуваат пожарникарите. Во судирот загинал и патник во еден од автомобилите кои чекале во ред. Германскиот автомобил се превртел и удрил во наплатната рампа.Сликите од местото на настанот покажуваат автомобили свртени на нивните покриви и урната наплатна рампа. Италијанските медиуми објавија дека вработената која работела во кабината не била повредена. Се истражуваат точните околности на несреќата.

Свет | пред 1 година

Пронајдени ковчези кај Ајфеловата кула со натписи „Француски војници во Украина“

Полицијата уапси три лица откако беа пронајдени пет ковчези во близина на Ајфеловата кула во Париз, обложени со француски знамиња со натпис „француски војници во Украина“, пренесува AFP.Инцидентот се истражува како можно мешање на странска сила во француските работи, соопшти полицијата.Вчера околу 9 часот, три лица оставија пет ковчези во близина на подножјето на Ајфеловата кула, една од најпосетуваните туристички атракции во светот. Во кутиите имало гипс, изјави за АФП извор близок до случајот.Возачот на комбето со кое ги превезувал ковчезите, кој бил уапсен во близина, на полицијата и рекол дека за тоа му платиле 40 евра. Се претпоставува дека мажот пристигнал од Бугарија претходната вечер.Останатите двајца биле уапсени подоцна на другиот крај на градот, на автобуската станица Берси, од каде требало да одат до аеродромот за лет за Берлин. Еден од тројцата мажи бил Бугарин, друг Украинец, а третиот Германец.Претседателот Емануел Макрон минатиот месец изјави дека прашањето за испраќање западни трупи во Украина би било легитимно доколку Русија ги пробие линиите на украинскиот фронт и Киев поднесе такво барање.Макрон ги повтори овие тврдења неколку пати, а Кремљ ги осуди неговите изјави, нарекувајќи ги „опасни“.Француските власти се сомневаат дека руското мешање во неколку други неодамнешни инциденти, вклучително и минатиот месец кога беа испишани црвени графити на францускиот споменик на Холокаустот.

Свет | пред 1 година

Нема фотографија

Земјотрес ја погоди Јапонија: Епицентарот бил на длабочина од 10 километри, уништени пет куќи

Земјотрес со јачина од 6 степени според јапонската сеизмолошка скала го погоди јапонскиот полуостров Ното, соопшти Јапонската метеоролошка агенција.Епицентарот бил на длабочина од 10 километри, а по 10 минути следел уште еден земјотрес со јачина од 4,8 степени на истиот полуостров, пренесува Kyodo.Пет куќи се урнаа во градот Вуџија, а мала промена на нивото на морето е забележана во близина на градот Сузу, иако не е издадено предупредување за цунами, соопшти агенцијата.За разлика од Рихтеровата скала, јапонската сеизмолошка скала не ја опишува точната јачина на земјотресот, туку степенот на тресење во случај на земјотрес.Според таа скала, земјотрес со јачина од 6 степени значи дека е речиси невозможно да се застане или да се движи освен со лазење и дека најголемиот дел од мебелот ќе се движи и повеќето предмети ќе паднат во моментот на земјотресот.

Свет | пред 1 година

Нема фотографија

Вучиќ прогласи неверојатна победа: Сега ќе имаме 63 мандати

Претседателот на Србија Александар Вучиќ зборуваше по изборите.,,Повеќе од една година траеа страшните притисоци поврзани со изборите“, изјави Вучиќ.„Мнозинството го имавме и по 17 декември во Белград. Но, сметавме дека тоа не е доволен легитимитет бидејќи некои други не сакаа да коалицираат со нас. Сега ќе имаме 62 или 63 мандати, наместо 54 колку што беше во декември“, додаде тој.„Во Белград ќе имаме 52 отсто од гласовите. Во Пеќинци 86 отсто од гласовите“, додаде тој.

Свет | пред 1 година

Украина со нови удари на Русија

За 27 месеци напади со ракети, крстосувачки ракети и експлозивни беспилотни летала, Украина потопи или сериозно оштети повеќе од десетина големи воени бродови на руската Црноморска флота, третина од флотата. Загрижени за загубата на остатокот од флотата, командантите на руската морнарица им наредија на преостанатите бродови да се повлечат и да се преселат од пристаништата на Крим окупиран од Русија во наводно побезбедни пристаништа во јужна Русија.Сепак, Русите оставија потенцијално десетици помали миночистачи, десантни и патролни чамци на Крим за секојдневни операции околу Крим. Затоа, Украинците се фокусираа на овие помали бродови и ги исчистија од окупираните води, пишува Форбс.Во четвртокот рано наутро, поморските ударни сили на Украинската разузнавачка служба Група 13 ги насочија своите беспилотни бродови Magura V5, секој долг околу 5 метри и натоварен со стотици килограми експлозив, кон заливот Вузка во западниот дел на Крим.Бродовите со беспилотни летала погодија четири патролни чамци KS-701 кои припаѓаат на руската Федерална служба за безбедност или ФСБ. Два брода потонаа, според украинските разузнавачи. Други два се оштетени.

Свет | пред 1 година

(Видео) Петровска: Можеби ќе се повлечам од политика, можеби ќе ме исфрлат на страна, можеби ќе ми бидат соработници

Пратеничката на СДСМ, која се кандидираше за претседател на СДСМ, Славјанка Петровска, во „Претрес со Ландов“ кажа дека можеби и ќе се повлече од политика, но можеби и ќе биде иден претседател на СДСМ. Според неа, сите можности се отворени. Трката за местото се вжештува.?list=PLm6WbTW4gkMm9SA3GYzjLPE0VWu1c-A7d&t=1400„Трката за претседател на СДСМ, не треба да се води на телевизии, туку битката треба да се води, односно кандидатите да се води внатре меѓу кандидатите“, рече Петровска.Според неа, предизвик е да биде наследник на Димитар Ковачевски.„Со сите противкандидати имам коректни конеции, со некои почесто, со некои поретко се гледам. Можеби во идно време тие ќе бидат мои соработници, можеби јас ќе бидам нивни соработник“, додаде Петровска.На констатација од водителот дека можеби ќе ја исфрлат на страна, таа рече: „Никогаш не вели никогаш за некои работи, можеби јас ќе се повлечам од политиката“.

Македонија | пред 1 година

Убиство во ресторан во Боговиње, познати сите детали

Дежурен јавен обвинител од Основното јавно обвинителство Тетово изврши увид на лице место во Боговиње, каде едно лице беше лишено од живот со огнено оружје. Сторителот е идентификуван и лишен од слобода, а кај него е пронајдено и оружјето со кое го извршил делото.Според првичните информации, настанот се случил во угостителски објект во кој во тој момент имало и други лица.Осомничениот и жртвата имале вербална расправија, по што сторителот извадил огнено оружје и започнал да пука. Јавниот обвинител издаде наредба за обдукција на телото на починатиот, како и наредба за прибирање и вештачење на траги од лице место. Ќе се вршат разговори со сведоци на настанот и со други лица.

Македонија | пред 1 година

(Видео) Зошто Македонија остана без тенкови и авиони пред да набави „модерни средства“?

Ексминистерката за одбрана, Славјанка Петровска во поткастот „Претрес со Ландов“ зборуваше за донацијата дадена кон Украина, по која, Македонија остана без тенкови и авиони. Таа кажа дека истите се заменети со „модерни средства“, но истовремено, призна дека истите се во фаза на набавка.?t=3295Граѓаните во текот на поткастот кој се емитува во живо велеа дека сега Македонија може да ја окупира ловачко друштво.„Армијата денес, е многу поопремена од пред 10 години“, рече Петровска.Поткастот „Претрес со Ландов“ се емитува секоја среда во 21 часот, во живо. Погледнете ги и претходните епизоди: ТУКА 

Македонија | пред 1 година

ЗНАМ ќе го добие Министерството за правда, но Бендевска нема да го добие министерското место

Политичката опција ЗНАМ на Максим Димитриевски ќе добие две министерски места во новата Влада предводена од ВМРО-ДПМНЕ, дознава „Скопје1“.За сигурно, договорено е дека во нивни раце оди Министерството за правда. Но, иако во јавноста се лицитира дека идна министерка ќе биде Весна Бендеска која три мандати беше пратеничка на СДСМ, извори за „Скопје1“ брифираат дека тоа не е точно.Гледајќи наназад, на министерското место во ова министерство, традиционално доаѓал правик. Затоа, се очекува, така да биде и овојпат. Бендевска е дипломиран психолог.Познато е и дека ВЛЕН ќе добие четири министерства, додека останатите ќе ги раководат кадри на ВМРО-ДПМНЕ.

Македонија | пред 1 година

(Фото) „Чопор од 12 улични кучиња напаѓаат секоја вечер“, се жалат аеродромци и бараат итно решение

Жители на Аеродром со константни поплаки опради група на кучиња за кои посочуваат дека на моменти се агресивни. Барале решение, но залудно. Според нивните укажувања, известен е и стационарот „Лајка“, но рекација немало и по месец дена чекање.„Дали може некој да ме упати, секаде е пријавено, никој не презема ништо. Во Аеродром на Бул. Авној кај поранешна Стела има чопор од 12 улични кучиња кои напаѓаат секоја вечер. Пред два дена во 23ч буквално изгризаа човек, деца не можат да се симнат пред зграда, и ова трае и трае“, реагира на „Х“ и Гордана Ѓорчева.https://x.com/GordanaGjorceva/status/1796802899961340010?t=eYmIRTIddjUlhaRKbU_A1g&s=19Ова е проблем за кој жителите на овој дел од Аеродорм укажуваа подолг период. Посочуваат дека нападите најчесто се случуваат навечер. Тие се децидни дека немаат ништо против кучињата, но имаат проблем со нивната агресивност.

Скопје | пред 1 година