ТОП

(Видео) Владата ќе биде составена набргу од денеска, кажа Мицкоски

Мандатарот Христијан Мицкоски, кажа дека уште денеска ќе биде составена новата Влада.„Набргу денеска ќе биде составена новата Влада, реформска Влада, која основа цел ќе и бидат реформи, за да не тонеме како држава во политичко мочуриште на меѓуполитички препирки, туку да ја развиваме државата“, рече Мицкоски.Тој кажа дека не може да ги открие предлозите за членовите на Владата, поради тоа што, почнуваат внатре-партиски консултации. Посочи дека целта е мнозинство од 2/3 во парламентот, па посочи дека Владата реално може да се избере уште утре.

Македонија | пред 1 година

Сиљановска-Давкова му го додели мандатот на Мицкоски

Претседателката Гордана Сиљановска-Давкова, му го додели мандатот за составување на Влада на лидерот на ВМРО-ДПМНЕ, Христијан Мицкоски.„Денеска истакува десетиот ден од конституирањето на Собранието. Претседателот на Собранието беше избран со 76 гласа „за“, овој резултат и преговорите кои се во тек, ми даваат за право основано да сметам дека лидерот на ВМРО-ДПМНЕ, Христијан Мицкоски има сериозна можност да формира Влада“, рече Сиљановска.Од сега течат роковите за формирање Влада.

Македонија | пред 1 година

Јасно се гледа негрижата и условите на Клиниката за психијатрија, велат од ВМРО-ДПМНЕ

,,На овие фотографии јасно се гледа негрижата и условите на Клиниката за психијатрија во моментите на заминување на одродената власт.Во вакви несоодветни услови се буквално фрлени и новите кревети на кој пациенти ќе треба да спијат.Тука, на Клиниката за психијатрија, оставени се лични работи на докторите и средниот медицински персонал без никакакво обезбедување, па така на првиот спрат може секој слободно да влезе преку тарасата, нема ниту врати, а заклучена е само канцеларијата на директорот.Негрижата за јавното здравство,кое денес е на маргините ја гледаме во секоја установа,на секое ниво и секој град.Еклатантен пример е негрижата во инфраструктурата на Клинички центар, а сведоци сме дека како резултат на тоа повеќе од половина месец блокиран беше цел хируруршки блок, нешто што се случува првпат во историјата на државата.Според проценките одложени се над 2000 интервенции, a пациенти дури и со малигни заболувања и други итни случаи не ја добиваат потребната здравствена услуга, а надлежните и денес немаат јасен план и мерки за ублажување на оваа состојба со листите на чекање за хируршки интервенции кои и пред оваа хаварија беа долгиСо еден збор,наместо да се решаваат ваквите реални проблеми во инфраструкрурата што требало да се надминат пред 3 години, поважно беше да има аплаузи и градење култ кон личности за чисто политиканство на сметка на неводење грижа за реалните потреби и приоритети.Доаѓа крај на ваквото расипништво, а сите менаџери кои се огрешиле и не работеле согласно прописите на штета на пациентите ќе сносат одговорност.”, велат од Комисијата за здравтсво на ВМРО-ДПМНЕ.

Македонија | пред 1 година

Запленет над еден килограм златен накит на Граничниот премин Богородица

Над еден килограм златен накит во вредност од 4 милиони денари се запленети од страна на царинските службеници при влез на граничниот премин Богородица, со што воедно е спречен обид за избегнување плаќање увозни давачки во висина од еден милион денари.Златото е откриено при личен претрес на еден патник кој се обидел накитот да го скрие во внатрешниот дел на панталоните и долната облека коишто ги носел на себе. Истото било спакувано во четири ќеси во коишто имало 60 ланчиња, 13 прстени, 128 обетки и 48 нараквици.Златото ќе биде предадено во Народна банка, а против патникот ќе биде поднесена кривична пријава.

Македонија | пред 1 година

Застрашувачки сведоштва на патниците кои го преживеале судирот на два воза во Чешка: „Луѓето кршеа прозорци за да скокнат надвор, благодарен сум што сум жив“

Најмалку четири лица загинаа, а 23 се повредени, од кои тројца потешко, во судир на патнички и товарен воз во градот Пардубице во Чешка, соопштија официјални лица. Патниците кои биле во возот во моментот на судирот изјавиле дека прво се слушнал силен удар, а потоа луѓето почнале да ги кршат стаклата за да излезат.Чешкиот министер за внатрешни работи Вит Ракусан изјави дека несреќата се случила доцна во средата околу 23 часот во градот Пардубице, на околу 100 километри од Прага и дека никој од повредените не е во животна опасност, пренесува АП.Областа околу несреќата е опколена и има десетици спасувачки возила, а има и осум болнички екипи и еден хеликоптер, како и повеќе од 60 пожарникари.„Ми се чинеше дека се оди во погрешна насока. Семафорот беше зелен. „Одеднаш се слушна тресок“, рекол еден од патниците.Друг патник го опишал моментот на катастрофата, пренесува Телеграф.„За среќа, седевме во следниот вагон. „Слушнавме луѓе како кршат прозорци, а потоа скокаа надвор“, рече тој.Еден од патниците на експресниот воз, Мартин Бујњак за ЧТК изјави дека почувствувал голем удар и му се изгребала ногата.Од возот излегол сам, а пожарникарите најпрво се обиделе да ги задржат патниците во вагоните, бидејќи така било најбезбедно.„Благодарен сум што сум жив“, рече тој.Полицаецот Роман Мрквичка, кој бил меѓу првите на местото на несреќата, за новинарите изјави дека е изненаден од апсолутната тишина.„По шините се движеа само луѓе кои очигледно беа во шок“, рече тој.„Еден од вагоните беше тешко деформиран“, ја опишал ситуацијата полицаецот.Машиновозачите на двата воза преживеале, јави чешката агенција ЦТК.Чешката телевизија објави и дека товарниот воз превезувал калциум карбид, но дека истекувањето не дошло бидејќи првите два вагона биле празни.

Свет | пред 1 година

(Видео) Погодена рафинерија во Русија: Избувнал голем пожар

Нападната нафтена рафинерија во Новошахтинск, град во Ростовската област. Се слушнале експлозии и избувнал пожар.„Како резултат на нападот со беспилотно летало, избувна пожар во нафтената рафинерија Новошахтинск. Службите за итни случаи пристигнаа на местото на настанот. Пожарот мораше да биде прекинат поради нов напад. На персоналот му беше кажано да се повлече на безбедно растојание“, вели гувернерот Васил. Голубев објави на својот канал Телеграм.Кога поминала опасноста од нови напади, пожарникарите почнале да го гаснат пожарот, а користено е и противпожарно возило. „Пожарот зафатил површина од 100 метри квадратни. Според првичните информации, нема загинати и повредени. Се проверуваат податоците“, изјави Голубев.Низ социјалните мрежи се проширија снимки на кои се гледа голем пожар во споменатата рафинерија. Инаку, истата рафинерија беше нападната и во март годинава, а потоа одговорноста за нападот ја презеде Главната разузнавачка управа на Министерството за одбрана на Украина.Русите пријавиле и напад на складиште за нафта во регионот на Белгород. „Вооружените сили на Украина употребија беспилотно летало за напад врз складиште за нафта во Стари Оскол. Како резултат на тоа, тенк се запали. Четири противпожарни бригади брзо го изгаснаа. Ударниот бран ги скрши прозорците на блиската стражарска станица. Немаше извештаи за жртви“, соопшти гувернерот, Вјачеслав Гладков.

Свет | пред 1 година

(Видео) Судар на два трамваи во Русија: Речиси 70 луѓе се повредени

Во судир на два трамваи во Кемерово, Русија, повредени се 67 лица, објави вршителот на должноста гувернер на Кузбас, Илја Середјук на својот канал Телеграм."Вкупно 67 лица се повредени. Тројца се во тешка состојба - двајца се на интензивна нега, еден на операциона сала. Лекарите се борат за живот. Десет лица се упатени на амбулантско лекување", напиша Сереџук.Претходно беше соопштено дека во болница се примени 40 повредени, од кои тројца се во тешка состојба и дека уште 10 лица сами се упатиле во Ургентниот центар, пренесува РИА Новости.Несреќата се случила денес рано наутро на автопатот Логоваја во Кемерово, а по тој повод надлежното обвинителство формирало кривична истрага.Поради несреќата, формиран е оперативен штаб на чело со градоначалникот на Кемерово, Дмитриј Анисимов.

Свет | пред 1 година

Силен израелски напад: Убиени најмалку 27 луѓе

Најмалку 27 лица загинаа во израелски напад врз училиште во кое се сместени раселени лица во Нусејрат во Појасот Газа, соопшти денеска канцеларијата за медиуми на владата на Хамас.Израелската армија тврди дека презела чекори за да се осигура дека во нападот нема загинати цивили и дека целта била упориште на „терористите“ во училиштето.Засега нема потврда од палестинското Министерство за здравство за тој напад, во кој се повредени неколку десетици луѓе, јавува Ројтерс, истакнувајќи дека тој не може дополнително да ја потврди информацијата.ИД соопшти дека целта на армијата била засолниште на терористите во училиште управувано од агенцијата на ОН за палестински бегалци УНРВА и дека нападот бил точен со неколку „елиминирани терористи“.Канцеларијата за медиуми на Хамас го нарече нападот масакр, пишува „Тајмс оф Израел“. ИД наведува дека целното скривалиште го користеле членови на елитната група Хамас Нукба кои учествуваа во нападот на палестинската милитантна група врз Израел на 7 октомври, кога беа убиени околу 1.200 луѓе, а 251 лице беа киднапирани.Израелската војска соопшти дека членовите на Хамас, заедно со терористичката група Палестински исламски џихад, „режирале терористички напади од областа на училиштето, злоупотребувајќи ја таа цивилна локација“.

Свет | пред 1 година

Стефан Лазаров: Обвинението против мене не држи вода

Апсолутно не држи вода обвинението против мене, тврди јутуберот Стефан Лазаров, кој е обвинет дека не го прекинал во излагањето новинарот Драган Павловиќ Латас во неговиот поткаст.„Апсолутно не држи вода. Во ниту еден момент Латас не кажа дека таа девојка е силувана. Во ниту еден момент. Обајснува за некакво си дејствије.. што за многу луѓе се сфати како садо-мазо чин. Сите сме свезни дека постојат такви работи, како било, дали било или не било, ете се виде.. - Дали тоа е за на поткаст? Не е за поткаст, не е муабетот за во јавност, тука се сложувам. И тоа е се. Јас не сметам дека постои некакво дело. Постои одговорност која што, јас или Латас која треба да ја имаме за да не го пласираме толку експлицитно на социјални мрежи, за да не се доведе до ваква слика. Он може исто така да каже дека првото сексуално искуство му било во „фичо“ и тука да заврши сѐ.. “ вели Стефан Лазаров во „Претрес“.Јутуберот вели дека неговото неискуството била причина што тој не изреагирал во тој момент за да го прекине новинарот.„Не е сеедно да ја гледаш мајка ти како пребледува додека премиер на држава зборува дека ти треба да одиш во затвор. Можеби тој момент повеќе нѐ зближи како фамилија “ рече Лазаров.Гледајте го во живо Претресот на Стефан Лазарот и поставувајте прашања на јутуб каналот на prvatv.mk:

Македонија | пред 1 година

(Во живо) Претрес на Стефан Лазаров: како заглави во судница, стекна слава, за покажувањето задници и стравот од затвор

На суд со Латас, во студио со Боки 13, а во среда во „Претрес“.Јутуберот Стефан Лазаров ќе го претресеме за тоа како заврши на суд по емисијата со Латас, стравува ли дека ќе оди во затвор?Кои беа условите на Боки 13 да гостува во „Лазаров поткаст“…За соблекувањето среде емисии, вулгарностите, начинот на кој го привлекува вниманието на јавноста...Следете ВО ЖИВО:

Македонија | пред 1 година

Палчо за првпат однесен во Обвинителство: ја раскажува својата верзија за убиствата на Вања и Панче

Првоосомничениот Љупчо Палевски-Палчо за убиството на Вања Ѓорчевска и Панче Жежовски, е спроведен во скопското Обвинителството на распит, дознава „Скопје1“. Обвинителката Жаклина Крстевска-Јосифовска за првпат ќе го сослуша, откако тој беше екстрадиран од Турција каде беше во бегство. Според информации на „Скопје1“ тој повеќе од час е во обвинителските простории.Палевски веќе кажа дека нема да се брани со молчење, а кога беше однесен во суд посочи и дека има доказ дека не е виновен за убиствата. Тој отфрли поврзаност, иако исказите на осомничените и доказите кои ги имаат во Обвинителството го кажуваат спротивното.Обвинение веќе има за Влатко Кешишов, Велибор Манев и Боре Видевски, за две кривични дела убиства и грабнување. За помагање се гони и Александар Ѓорески, татко на убиената Вања.Обвинителниот акт се темели на вербални и материјални докази во однос на дејствијата на обвинетите, но со оглед на тоа што постапката против првоосомничениот кој неодамна беше екстрадиран од Република Турција продолжува, јавното обвинителство не е во можност да споделува детали во однос на доказниот материјал.14-годишната Вања беше пријавена за исчезната на 27 ноември, а велешанецот Панче на 24 ноември. Нивните тела беа пронајдени на 3 декември. Во врска со двата случаи, осомничени се пет лица, од кои тројца (Влатко Кешишов, Велибор Манев и Боре Видевски) признаа вина.

Македонија | пред 1 година

ЦУК: Човечко тело е извлечено од надојдената речна вода на вливот на реката Тополка во Вардар, а потоа и е идентификувано од страна на синот, којшто вчера го пријавил татко му за исчезнат

На единствениот број за итни повици 112 во ЦУК, вчера во почетокот на ноќта, конкретно 21.30 часот имаше пријава од рекреативен риболовец дека е забележано безживотно човечко тело на вливот на реката Тополка во река Вардар. Конкретно, тоа било во близина на мостот на околу петнаесетина метри од брегот на попречни шипки во речната надојдена вода.Од Секторот за операции и координација во Центарот за управување со кризи (ЦУК) веднаш биле известени сите субјекти од Системот за управување со кризи за безживотното човечко тело за да се постапи според итниот случај (МВР, ДЗС, ТППЕ Велес, лицето за контакт во Општината Велес како и тимот спасители на вода од Доброволното друштво „Македонски спасител“, за безбедност на вода и планина од Велес). Но, истите не интервенираа вечерта заради опасноста, по учесниците во акцијата, од надојдената вода во Вардар и брзото речно корито. Акцијата координирана на терен од СВР Велес продолжи утрово.Безживотното човечко телото е извлечено од речната вода денеска, по 10.00 часот, од страна на Единицата за специјални задачи при МВР, а потоа е идентификувано од страна на синот, којшто вчера во 08.30 часот во СВР Велес го пријавил за исчезнат неговиот татко.

Македонија | пред 1 година

Завршуваат преговорите за Влада, Мицкоски во четврток го добива мандатот од Сиљановска

Претседателката Гордана Сиљановска-Давкова во четврток ќе му го даде мандатот на мандатарот Христијан Мицкоски. Тој кажа дека состаноците за формирање Влада се при крај. Тој кажа дека очекува многу брзо да го поднесе составот на новата Влада.„Преговорите привршуваат, тие се веќе завршени во одредена мера, во делот на владините ресори. Завршени се и во третиот ешалон, денеска треба да бидат потврдени. Очекувам утре претседателот Сиљановска да го даде мандатот. Очекувам час поскоро да го поднесам составот на членови на идната Влада, малку се размислуваме поради одредени верски празници кои се пред нас Задушница и Рамазан, ќе треба да се води сметка и за тоа, така што ќе треба да нивелираме некои работи. Очекувам идната Влада да биде изгласана пред крајниот рок, дефиниран со Закон и Устав“, рече Мицкоски.Прашан за распределба на ресорите, кажа дека не сака да зборува за имиња, а наскоро денеска ќе се знаат.Кажа дека меѓу првите закони кои ќе бидат поднесени се во однос на изборот на членови на судски и обвинителски совет, за судството и обвинителството да бидат ослободени од политика.

Македонија | пред 1 година

Деспотовски оди на сѐ или ништо: Разликата од противкандидатите на СДСМ е што не зборувам, туку има дела

Јован Деспотовски од центарот на Скопје пред старата Железничка станица кажа дека поднел кандидатура за претседател на СДСМ. Тој посочува дека ќе се заложи за „нов СДСМ“, па исто како што Скопје се подигнал од земјотресот, така и СДСМ повторно ќе биде нова партија која ќе обединува.„Нема да трошиме многу време на зборување, туку на дела и конкретни чекори. Тоа е клучната разлика која нѐ разликува од противкандидатите“, рече Деспотовски.Најави нови луѓе, но и дека старите структури нема да бидат заборавени.„Ќе има нов механизам по кој ќе дејствуваме, ќе формираме Влада во сенка, за граѓаните да споредуваат и размислуваат. Концептот на Влада во сенка постои, не е за да СДСМ дели фотелји, туку конкретни личности ќе работат на ставови, ќе подадеме рака на политичкиот опонент, ама кај што ќе видиме дека има разлика, ќе критикуваме. Ќе бидеме конструктивна опозиција, нема да критикуваме неосновано – тоа ќе не разликува од досега“, додаде Деспотовски.Тој кажа дека нема да прифати ниту една позиција во партијата, ако не биде избран во партијата.

Македонија | пред 1 година

Нова кривична за Спасовски од полицајци: „Потпишал решенија додека имал корона и бил во изолација“

Синдикатот на полицијата во Македонија (СПМ) објави дека поднеле кривична пријава против поранешниот министер за внатрешни работи Оливер Спасовски.„Денес Синдикат на Полиција во Македонија до Основното јавно обвинителство Скопје поднесе кривична пријава против лицето О.С поранешен Министер за внатрешни работи поради постоење на основано сомнение дека пријавениот во својство на службено лице – поранешен Министер во МВР со пречекорување на овластувањата и злоупотреба на службената положба и овластувања кои ги имал ги сторил кривичните дела “Злоупотреба на службената положба и овластување“ по член 353 од КЗ и “Несовесно работење во службата“ по член 353-в од Кривичниот законик“, велат тие и додаваат:„Во конкретниот случај постои основано сомнение дека пријавениот О.С со злоупотреба на службената положба и овластување, со непочитување на здравствените прописи кои важеле во тоа време како и преземање на мерки и службени дејствија за време на спреченост на работа односно додека бил на боледување и непочитувајќи ги прописите за заштита од прописите на Државниот санитарен и здравствен инспекторат за заштита од вирусот „Ковид 19“ своерачно и незаконски потпишал две решенија за распоредување а со тоа ги сторил кривичните дела “Злоупотреба на службената положба и овластување“ и „Несовесно работење во службата“ предвидени во член 353 и 353-в од Кривичниот законик“.Синдикатот упати и прашање: „Каков човек треба да бидеш, додека си на боледување, да бидеш болен од Ковид 19, да бидеш во изолација и единствено да те интересира тоа да нанесеш штета на работниците на кои со години од твоето владеење „се колнеше“ дека се "ЗАДОВОЛНА ПОЛИЦИЈА". СРАМ И АРАМ ДА ТИ Е СПАСОВСКИ!“.

Македонија | пред 1 година

Запленети 22 часовници вредни 272 илјади денари на Меѓународниот Аеродром Скопје

Царинските службеници на Меѓународен Аеродром Скопје при контрола на куферите на еден патник од Турција открија дури 22 часовници од брендот „Ника“ во вкупна вредност од 272 илјади денари кои патникот не ги пријавил при влез во државата.Патникот кој пристигнал со лет од Истанбул, саатчија по професија, на прашање на царинските службеници дали има нешто за пријавување одговорил дека нема ништо по што бил упатен на контрола со скенер.Часовниците се запленети, а против патникот ќе биде поведена прекршочна постапка.

Македонија | пред 1 година

Славјанка Петровска добила поддршка од високи функционери на СДСМ за кандидатурата за лидерка

Како што и најави, и Славјанка Петровска ја поднесе кандидатурата за претседател на СДСМ. Таа кажа дека 24 години активна во партијата, а во програмата се осврнува на тоа што треба да се итни приоритети по големиот пораз кој го доживеаа на изборите.„Овој пат ситуацијата е специфична, особено поради политичките околности. На ниту една држава не и треба слаба или никаква опозиција. Затоа предизвик е СДСМ да се исправи, да продолжи по идеологијата и да биде цврста и силна опозиција“ посочи Петровска.Ако биде избрана, таа кажа дека ќе има и итен избор на ново раководство.„Можам да кажам дека минатиот период имав разговор и консултации и барав совет, и веројатно чим ја поднесувам кандидатурата има позитивни сигнали. Не би ги злоупотребувала нивните имиња“, додаде Петровска.

Македонија | пред 1 година

Филипче поднесе кандидатура за лидер на СДСМ: Во трката влегувам сам!

Докторот Венко Филипче ја поднесе кандидатурата за претседател на СДСМ. Тој смета дека овој ден означува промени во партијата, а најави и поднесување на програма. Ако биде избран, кажа дека ќе работи посветено и професионално.„...Со членовите имав чести средби, тие јасно укажаа што е тоа што сакаат да се промени во партијата. Партијата ќе работи посветено и многу попрофесионално“, рече Филипче.Посочува и: „во оваа трка влегувам сам, сметам дека тимот треба да се направи по изборот, немам никакви преговори со никого. Слушнав за повикот да се потпишат некакви изјави, јас сметам дека не треба да има никакви ограничувања“.Кажа и дека не треба да има поделеност, побара и фер-плеј.„Можам да ветам само многу работа“, додаде Филипче.

Македонија | пред 1 година

ЦУК: 1 926 повици на 112 во последното деноноќие, три пожари на отворено и внимателност при појавата на локалните кратки, но нагли метео промени

Центарот за управување со кризи (ЦУК) информира дека имало вкупно 1 926 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 59,92%, а 40,08% биле за други потреби на граѓаните што не биле итни. Кон Полиција биле упатени 62,38%, кон Итната медицинска помош 31,35%, а кон пожарникарите 3,30% од реалните повици кон 112 во ЦУК. Инаку, имало 782 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (2,97%) и на тие што се именувани како „неитни повици“(40,08%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).Три пожари на отворено се регистрирани во последното деноноќие. Пожарникарите интервенирале за гаснење запалена ниска вегетација во Скопскиот регион, во Општина Бутел во населба „Визбегово“, во Општина Карпош, во населба „Злукуќани“ и во Општина Сарај, кај обиклницата Скопје-Тетово.Внимателност се препорачува при појавата на локалните кратки, но нагли метео промени, на повисоките места - на планините, таму каде што ќе ги има, според најавите на метеоролозите на УХМР, а што медиумите редовно и навремено ги пренесуваат, емитуваат.Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.

Македонија | пред 1 година

Трамп побара од судијата да му дозволи јавно да зборува за случајот со фалсификување документи

Поранешниот американски претседател Доналд Трамп денеска побара од судијата задолжен за неговиот случај за обвинение за фалсификување деловни документи за да ги прикрие плаќањата на поранешната порно актерка Сторми Даниелс пред изборите во 2016 година, да ја укине забраната за јавно говорење за случајот.Трамп беше прогласен за виновен минатата недела, а пред почетокот на судењето во април, судијата Хуан Меркан ги ограничи јавните изјави на Трамп за поротниците, сведоците и другите вклучени во случајот, бидејќи обвинителите некои од неговите изјави ги нарекоа „заканувачки“.„Сега, кога судењето заврши, загриженоста на владата и судот не оправдуваат дополнителни ограничувања на правата на првиот амандман на претседателот Трамп“, напиша адвокатот на одбраната Тод Бланч, пренесе Ројтерс.Поротата на Менхетен минатата недела го прогласи Трамп за виновен по сите 34 точки од обвинението за фалсификување деловни досиеја за да ја прикрие исплатата од 130.000 долари на актерката од филмови за возрасни Сторми Даниелс пред изборите во 2016 година за сексуална средба за која таа тврди дека имале.Судијата Мерџан рече дека конечната пресуда ќе биде изречена на 11 јули.

Свет | пред 1 година

Таткото на Данка за изјавата на осомничениот за нејзиното убиство: Ме погоди, нема да им простам

Таткото на малата Данка Илиќ, Милош Илиќ го коментираше изненадувачкото сведочење на еден од двајцата осомничени за нејзиното убиство. Да потсетиме, осомничениот Срѓан Јовановиќ вчера на неколкучасовниот распит изјави дека не е виновен за тоа дело.Според деталите од сведочењето што протекоа во српските медиуми, тој тврди дека не е виновен ниту за првичниот автомобилски удар во девојчето ниту за нејзиното убиство. Притоа, осомничениот за нејзиното убиство изјавил дека не ја ни видел на 26 март годинава."Шокиран сум од ова што се случи денес. Зошто чекаше два месеци за да демантира се сега. Се надевам дека оваа агонија ќе заврши што е можно поскоро, не го очекував ова. Морам да кажам дека ме погоди, нема да им простам“, рече синоќа таткото на Данка, Милош Илиќ, коментирајќи го потегот и однесувањето на осомничениот за убиството на неговата ќерка.Тој рече дека е сосема нечуено осомничениот да демантира се.„Ја крена цела Србија на нозе, сите чекаа да открие нешто, а тој рече - немам врска со тоа. Верувам дека можеби ќе знае нешто“, рекол таткото на Данка.Тој откри дека поради негативните коментари во јавноста дека неговото семејство е вмешано во ова грозоморно злосторство, тие се повлекле од социјалните мрежи, пренесува Блиц.

Свет | пред 1 година

Нема фотографија

Ѓоковиќ поради повреда мораше да се повлече од Ролан Гарос и сега веќе нема враќање

Новак Ѓоковиќ поради повреда мораше да се повлече од Ролан Гарос и сега веќе нема враќање.Како, зошто и кој е виновен се прашањата кои се наметнуваат по одлуката на најдобриот светски тенисер да се откаже од понатамошната конкуренција во Париз.Каспер Руд без борба се пласираше во полуфиналето, трето во низа, додека Јаник Синер од следниот понеделник се зацврсти на првата позиција на АТП листата, со што стана првиот Италијанец на кој тоа му успеа.Целиот овој Ролан Гарос беше чуден, воопшто, но и што се однесува до Новак. Поточно, кога зборуваме за српскиот ас, увертирата беше поинаква од претходно.Она што е доведено во прашање е колку време ќе му треба на Новак да се врати на теренот и дали ќе може да го стори тоа до Вимблдон и, можеби уште поважно, до Олимпијадата.

Спорт | пред 1 година

Експлозија во израелска база: Девет војници повредени

Девет израелски војници се повредени во експлозија на експлозивна направа во база на југот на Израел, соопшти денеска израелската армија.Во соопштението се наведува дека во инцидентот вчера двајца војници се тешко ранети, уште седум се полесно повредени, пишува Тајмс оф Израел.Сите се префрлени на лекување во болници, а израелската армија ги истражува причините за експлозијата, се наведува во соопштението.

Свет | пред 1 година

Тргнати се сите барикади, Елеонора оди на лекување: Драгоцени сте! А вчера останавме и без зборови..

Осумгодишната Елеонора Тодоровска од Скопје заминува на лекување, благодарение на хуманите граѓани. Нејзиното семејство се заблагодари на сите донатори, поддржувачи, споделувачи. Тие споделија и дека последните 5.000 евра кои недостасувале, ги донирало едно лице, за кое посочуваат: „бескрајно благодариме, со оваа помош ни ја скративте голгота и чекањето“.„Елеонора заминува на трет третман во Турција. Ви благодариме на сите кои несебично помогнавте и ја биете оваа битка заедно со нас. Успеавме да ги собереме потребните средства за третманот со матични клетки. Без сите вас од најголеми до најмали донатори, споделувачи, помагачи, ништо немаше да биде исто. Не можеме да ја опишеме благодарноста, бидејќи секој третман е шанса за подобрување на состојбата на нашата Елеонора. Благодарност до ЕCrowd, телефонските оператори Телеком и А1, Кристијан Ландов, колеги, пријатели, другари, роднини“, велат од семејството на Елеонира и додваат:„Она што се случи вчера нѐ остави без зборови, последните средства во висина од 5.000 евра ги донираше К.А. Бескрајно Ви благодариме, со оваа помош ја скративте голготата и чекањето. Тргнати се сите барикади за да можеме во најкус период да заминеме во болницата „Лив хоспитал“. Дагоцени сте сите за нас, особено за нашата Елеонора. Од прв до последен, уште еднаш, благодарност!“.Ова е втор третман на Елеонора, откако првиот даде значителни резултати и помогна нејзината состојба да не се влошува, туку подобрува. Таа боледува од ретка болест, леукодистрофија – не може да оди, зборува, има чести епилептични напади.За третмани со матични клетки, државата не ги покрива средствата.

Македонија | пред 1 година

ДУИ најавува редефинирање на правен поредок, па укажа: Гледаме намера да се минира се што е постигнато од 2001 до сега

Арбер Адеми, портпарол на ДУИ, која заминува во опозиција, најавува редефинирање на правниот поредок на државата. Тој укажа дека вакви барања добивале, па кажа дека ВЛЕН се нелегитмни. Според него, тенденциите на новата Влада е минирање на се што е постигнато од 2001 година до сега.„Сериозно се разгледуваат политичките случувања кај нас. Тоа што ние реагираме е почитување на Охридскиот рамковен договор. Да се почитува консензуалната демократија. Гледаме тенденции да се минира сето тоа што е постигнато од 2001 година до сега“, рече Адеми.Според него, програмите на политичките партии кои сакаат да се дел од Владата, имаат определби за елиминирање на бадентерот и балансерот.„Ова се механизми за заштита од мајоризација. Ги следиме сите политички случувања, а до кај нас се адресираат барања од интелектуалци за различни модели за редефинирање на правниот поредок на државата“, додаде тој.Прашан дали ќе бидат конструктивна опозиција или ќе читаат книги во Собранието, Адеми одговори дека Деловникот е променет и сега ќе ги користат сите мехамизми кои ги имаат на располагање.

Македонија | пред 1 година