ТОП

Температури до 41 степен: Максимумот на топлотниот африкански бран ќе биде во вторник и среда

Својот максимум овој многу топол бран кој продира од северните предели на Африка во Македонија ќе го достигне во вторник и во среда (11 и 12.6.2024). Тогаш максималните дневни температури на воздухот насекаде низ Македонија ќе надминуваат 30 степени, на повеќето места тие ќе се искачат и до околу 35 степени, додека во најтоплите централни и југоисточни предели тие локално ќе достигнат и до 40-41 степен.Ув индексот овие два дена ќе има многу висока, до екстремно висока вредност и ќе изнесува коефициент некаде помеѓу 8 и 9. Токму поради ова ги советуваме граѓаните да пијат повеќе течности, и секако, без потреба да не излегуваат во најтоплиот дел од денот.Во Скопје максималната температура на воздухот за време на максимумот на овој топол бран ќе се искачи до околу 37 степени.Да напоменеме дека следната седмица и тоа особено во најтоплите централни и југоисточни предели ноќите ќе бидат тропски, односно тоа значи дека температурите во ноќните и во раните утрински часови нема да се спуштаат под 20 степени.Мало освежување на времето не очекува дури во четврток (13.6.2024)

Македонија | пред 1 година

Повторно парламентарни избори во Бугарија, шести пат во последните три години

Бугарите ќе излезат на гласање на нивните шести парламентарни избори во последните три години, но аналитичарите велат дека е малку веројатно дека изборите ќе создадат стабилна влада која може да стави крај на долгата политичка нестабилност и да ги деблокира економските реформи.Бугарија, најсиромашната членка на Европската унија и една од нејзините најкорумпирани држави, се бореше со честите промени на владата по масовните антикорупциски протести во 2020 година. Оттогаш, се одржаа пет избори, кои продуцираа несигурни коалиции кои брзо се распаднаа.Последните истражувања на јавното мислење покажуваат дека ниту овојпат нема да добие мнозинство ниту една партија. Избирачките места се отворени во 7 часот по локално време, а затвораат во 20 часот. Излезните анкети треба да бидат објавени веднаш по затворањето на гласачките места. Првите делумни резултати се очекуваат околу полноќ.На Бугарија и треба стабилна и добро функционална влада за да го забрза протокот на средства од ЕУ кои треба да се вложат во лошата инфраструктура и да ја охрабри да се приклучи на еврозоната и целосно да учествува во отворената европска Шенген зона.Плановите за влез во еврозоната веќе двапати беа одложени поради промашените цели за инфлација. Пристапувањето во моментов е закажано за 25 јануари 2025 година. Неуспехот да се формира стабилна влада ќе го зголеми ризикот од дополнителни одложувања, велат аналитичарите на Teneo во извештајот минатата недела.Бугарија досега има добиено само 1,4 милијарди евра од 5,7 милијарди евра достапни во грантови од Инструментот за опоравување и отпорност на ЕУ.„Понатамошниот напредок е неизвесен бидејќи земјата мора да спроведе политички чувствителни реформи во енергетскиот сектор, што би можело да биде потешко без стабилна влада“, додаваат тие.Гласањето и одржувањето на овие избори е поттикнато од падот на владејачката коалиција во март, која се состоеше од централно-десничарската партија ГЕРБ и реформистичката партија Продолжуваме да се менуваме (ПП). Според последната анкета на Галуп, објавена во петокот од новинската агенција БТА, ГЕРБ е во водство со 25,9 отсто од гласовите, а по неа следат три партии во тесна трка за второто место.Според анкетата, ПП добива 15,7 отсто од гласовите. Ултранационалистичката проруска партија „Преродба“ 15,5 отсто и Движењето за права и слободи, кое го претставува претежно големото турско малцинство, 15,3 отсто. Бугарите в недела ќе ги изберат и своите претставници за Европскиот парламент, но проблем може да биде заморот од изборите. Во анкетата на Галуп, само 40% од испитаниците изјавиле дека планираат да гласаат.

Свет | пред 1 година

Со кои институции, агенции, затвори ќе раководи ВЛЕН: Финансиско разузнавање, Фонд за здравство, затвори..

Договорени се над 60 здравствени и кулутурни институции, државни агенции и затвори, во кои на раководните функции директор или заменик-директор ќе бидат поставени кадри на ВЛЕН, коалициониот партнер на ВМРО-ДПМНЕ. Начелно, ВЛЕН влегува на местата каде досега имаше кадри на ДУИ. Па така, директори ќе имаат на Клинички центар, заменици во Фонд за здравство и Пензиски фонд.Свои луѓе ќе постават и во Управа за финансиско разознавање, заменик-директори во Управа за финансиско разузнавање УЈП, Централен регистар, Агенција за администрација и Царина, директор во Управа за матични книги. Од покрупните договорени институции, договорени се и заменичкото директорско место во МРТВ и МИА, директорското на ЈП Пасишта, Агенција за класифицирани информации, Метрологија, заменичкото во Државни шуми и ЕЛЕМ.ВЛЕН ќе раководи и со повеќе театри, со Филхаронија, а заменик директор ќе добие и во Универзитетската библиотека во Скопје.Од затворски институции, добива двајца директори и тројца заменици директори. Па така, кадри на оваа партија ќе раководат со струшкиот и тетовскиот затвор, а заменици ќе има во охридскиот, во Шутка и Куманово.Распределбата на ресори не е готова и се прават завршни преговори. Дел од институциите ќе добијат и ЗНАМ на Максим Димитриевски.

Македонија | пред 1 година

Сиљановска ќе го потпише законот кој се гласаше ноќеска во Собранието

Претседателката Гордана Сиљановска Давкова е должна да го потпише указот на Законот за организација и работа на органите на државната управа бидејќи станува збор за системски закон кој се носи со двотретинско мнозинство.-Кабинетот на Претседателката укажува дека Законот за организација и работа на органите на државната управа е системски закон, односно се носи со двотретинско мнозинство, па согласно член 75 од Уставот, Претседателот нема право на вето на истиот, односно е должен да го потпише указот, соопштија денеска од кабинетот на Сиљановска Давкова.Се очекува во најскор можен рок да биде потпишан, и да се формира новата влада.Веќе почнаа да се појавуваат првите имиња за министри за заменици министри во јавноста. Се очекува идната недела да бидат назначени новите министри во 20-те министерства.Како што е познато, бројот на министерства од 16, со новиот закон се зголеми на 20, а ќе има 24 министри, односно четири ќе бидат без ресор.

Македонија | пред 1 година

Убиец од Кочани се обеси во затвор

Усеин Рашидов кој лани на свиреп начин ја уби Танкица Маладеновска од Кочани, утринава е пронајден мртов во притворската ќелија.Toj минатата недела на свиреп начин ја уби жената, а утринава е пронајден мртов во притворската ќелија.Рашидов беше осуден на доживотна казна затвор за стореното свирепо убиство, кој лани со 40 убоди ја усмрти Танкица. Ја чекал пред нејзината куќа и ја уби. Претходно, со години ја уценувал.Ненад Цветковиќ, директор на Затвор Куманово vели дека се известени јавното обвинителство и судот, а телото е предадено на обдукција.

Македонија | пред 1 година

(Фото) Гаши и пишал на Најчевска, таа ја сподели пораката и јавно го испокара: Не се сеќавам!

Професорката по право Мирјана Најчевска сподели порака која ја добила од собранискиот спикер, Африм Гаши. Тој и се претставил како нејзин поранешен студент и укажал дека сака телефонски да исконтактира со неа. Таа возврати дека не се сеќава на него како студент, бидејќи се сеќава само на тие кои и оставиле впечаток. Според неа, Гаши не ја заслужува спикерската позиција во Собрание.„Оваа порака ја добив на WhatsApp од политичарот Африм Гаши: “Pozdrav pocituvana profesorke, Jas sum Afrim Gashi vas student. Procitajte go ovo tekst na Derala i potoa ako sakate mozeme da se slusneme. Inaku sum bil vas student, mozete da se rasprasate za mene vo ISPPI kakov student sum bil zatoa sto ocigledno ste me zaboravile. Jas seuste imam golema pocit kon vas i ne sakam da ve gledam na vakvo nisko nivo vo koe ste podpadnale. Sekoe dobro“.Бидејќи од секогаш сум била против тајни разговори еве јас јавно ќе одговорам на политичарот Африм Гаши. Не се сеќавам на него како студент. Јас се сеќавам само на исклучително добрите студенти кои ми оставиле впечаток. Како прво, со оглед на тоа дека политичарот Африм Гаши не пружи ниту еден против аргумент со кој ќе објасни зошто смета дека е соодветен за дадената позиција и покрај апсолутно пасивниот однос во Собранието во изминатиот мандат, јас останувам на секој збор кој сум го кажала во врска со изборот на Африм Гаши за претседател на Собранието. Според податоците со кои располагам (а кои ги има и на официјалната страна на Собранието на Македонија) тој со ниту една своја досегашна активност во Собранието и надвор од него не се покажал како човек кој ја заслужува оваа позиција и кој има капацитет да ја извршува.Во врска со изјавата за неговиот однос со Косово, сметам дека таа не би имала посебно значење доколку не е дадена токму од новата позиција на претседател на Собранието на Македонија. Доколку не е дадена од човек кој завзема клучна позиција во власта, таа би била само дел од општиот податок дека големо мнозинство од етничките Албанци во Македонија се идентификуваат со Косово а не со Македонија.Меѓутоа дадена од позиција на претседател на Собранието на Македонија таа добива многу поинаква тежина. Уште повеќе што не станува збор за изолирано делување и/или однесување. Оваа изјава треба да се стави во контекстот на досегашното делување на господинот Африм Гаши кој од позиција на претседател на Алтернатива врската со Косово ја издигнува на многу високо ниво, а Македонија, граѓаните на Македонија, интересите на граѓаните на Македонија (посебно на етничките Македонци како мнозинско население) едноставно ги нема.Посетата на Албин Курти (премиерот на Косово) на настаните организирани од страна на Алтернатива под претседателство на политичарот Африм Гаши не е единствена прилика кога политичарот Африм Гаши јасно покажува дека не е спремен да ја прифати Македонија како држава со која се идентификува. Како дел од настаните на Алтернатива и како претседател на Алтернатива тој промовира и поддржува единствено етно-национално идентификување во кое нема место за Македонија. Од фотографиите кои се поврзани со неговото партиско делување очигледно нема ни М од Македонија. А токму како претставник на оваа партија Африм Гаши е поставен за претседател на Собранието на Македонија.Само како пример од интернет страната на Алтернатива (https://alternativa.org.mk/kryetari/) - види фотографии подоле.Значи, воопшто не е случајно што политичарот Африм Гаши манифестира посебен однос кон Косово (не како кон соседна држава туку како држава која ја смета за татковина), и јас сум уверена дека во ситуација на конфликт на интересите меѓу Македонија и Косово, политичарот Африм Гаши ќе застане на страната на Косово.Своето непочитување кон мнозинското население чии интереси треба да ги застапува на исклучително високата позиција која што ја има го покажа и со актот на изговарање на заклетвата пред Собранието прво на Албански, а потоа на Македонски јазик (што само по себе значи прекршување на законите).Што се донесува до текстот на Џабир Дерала на кој ме упатува политичарот Африм Гаши (https://civilmedia.mk/gashi-da-se-izvini/), јас одамна престанав да обрнувам внимание на неговите писанија, кои не надминуваат симплифицирано еднострано етно гледање на работите.Да резимирам:- во моментот кога на Македонија и требаат најквалитетните луѓе кои ќе можат да ја извлечат од дупката во која шлајфа со децении, на чело на највисокото законодавно тело доаѓа човек кој бил пасивен, не учествувал во основната работа на Собранието и со ништо во својата досегашна работа не придонел за развој на државата.- во моментот кога на Македонија и е потребно да излезе од стапицата на етно диференцирање и да влезе во просторот на граѓанското, на чело на Собранието доаѓа човек кој целата кариера ја изградил токму на етно диференцирање и кој од првиот момент покажува дека тоа му е приоритет.

Коментари | пред 1 година

Апасиев: Гаши го прекршува Уставот за Џафери да не биде разрешен

„Уставот е јасен! Дополнително има дури четири други закони кои изречно со ,,jus cogens" норма пропишуваат неспоивост на функција. Тоа се: Законот за Собранието, Законот за пратениците, Изборниот законик и Законот за спречување на корупција и судир на интереси“ - рече лидерот на опозицијата и пратеник од Левица, Димитар Апасиев, при процедуралното обраќање на собраниската седница, а по однос на неуставното, незаконското и неделовничкото заземање на две неспоиви функции од страна на Талат Џафери.„На пратеникот му престанува мандатот пред истекот на времето за кое е избран ако: Поднесе оставка, е осуден за кривично дело за кое е пропишана казна затвор поголема од пет години, настапи неспоивост со функцијата пратеник, му престане државјанството на РМ, со правосилно решение биде лишен од деловна способност или со смрт“, додава Апасиев.Во своето процедурално обраќање, лидерот на опозицијата - Апасиев, таксативно ги наведе случаите по коишто престанува функцијата пратеник.- Ставот три е многу битен, којшто вели: ,,Мандатот на пратеникот му престанува со денот на настанување на случаите од ставот 1, точки 2, 3, 4, 5, и 6". Значи, точката 3 којашто е случај на инкопатибилност е спомената изрично. Слушајте што вели: ,,Собранието тоа го констатира на првата наредна седница". Ова е прва наредна седница после верификацијата на мандатите - објасни Апасиев.Инаку, уште на 4 јуни, пратеничката група од Левица има поднесено барање врз основа на сите наведени членови.- Кај пратеникот Џафери, согласно Одлуката за верификација се констатира престанок на неговата функција без расправа со прост премин - поентираше Апасиев.

Македонија | пред 1 година

Русија нема намера да употреби нуклеарки засега, но предупреди: Доктрината е жив инструмент, Русија има помоќен арсенал од Америка

Рускиот претседател Владимир Путин изјави дека Русија не се заканува со нуклеарно оружје и оти смета дека употребата на нуклеарно оружје во моментов е невозможнo.На прашањето како Русија би постапила во случај на напад врз неа со нуклеарно оружје, Путин рече дека доколку тоа воопшто се случи, граѓаните треба да знаат дека Русија има систем за рано предупредување за такви напади и дека Русија има многу помоќни нуклеарни бомби во својот арсенал од оние што Америка ги фрли на Јапонија и дека ги има многу повеќе.Тој не ја исклучи можноста за промени во руската нуклеарна доктрина, пренесува РИА Новости.„Оваа доктрина е жив инструмент и ние внимателно следиме што се случува во светот, околу нас и не исклучуваме некои промени во таа доктрина“, изјави рускиот претседател на Економскиот форум во Санкт Петербург.Рускиот претседател се осврна и на прашањето за брзината на решавање на воената операција во Украина, велејќи дека тоа е директно поврзано со загубите во руската армија.„Имајќи го тоа предвид, многу поважно е да се зачуваат животите на војниците кои се борат во зоната за специјални воени операции“, нагласи тој.Кога станува збор за Украина, Путин рече дека Русија е подготвена за преговори само под условите поставени претходно.

Свет | пред 1 година

Законот донесен од 88 пратеници: Ќе се формираат и реорганизираат министерства, дебата до разденување

Министерствата ќе се реорганизираат и ќе се формираат, одлучија 88 пратеници кои гласаа „за“ предлог-законот на пратеникот Христијан Мицкоски од ВМРО-ДПМНЕ. По дебатата која траеше до рано изутрина, собранискиот спикер Африм Гаши законското решение го стави на гласање, а против се изјаснија 22 пратеници, а немаше воздржани.„Констатирам дека Собранието го донесе законот за изменување и дополнување на Законот за организација и работа на органите на државната управа. Бидејќи е исцрпен дневниот ред, констатирам дека втората седница на Собранието е завршена“, порача Африм Гаши.Со законот, се зголемува бројот на министерства од 16 на 20. За измените на Законот гласаа пратениците на ВМРО-ДПМНЕ и коалицијата, на Вреди и на паријата ЗНАМ, како и пратеници на Европскиот фронт предводен од ДУИ.Според Предлогот, на Министерството за економија ќе му биде додаден сегментот труд, а досегашното Министерството за труд и социјална политика ќе биде министерство за социјална политика, демографија и млади. Агенцијата за млади и спорт нема да постои и ќе има посебно министерство за спорт. Дел од надлежностите кои ги имаше досега министерството за економија во делот на рударството и енергетиката ќе бидат дел од надлежностите на ново министерство за енергетика, рударство и минерални суровини, ингеренциите за туризмот ќе ги има ново министерството за култура и туризам.Исто така, ќе се формира и министерство за дигитализација кое ќе ги наследи обврските ба досегашното министерство за информатичка технологија и администрација, а ново ќе биде и министерството за администрација.

Македонија | пред 1 година

Ова се четворицата желни да го заменат Ковачевки

Централната изборна комисија денеска ги разгледа поднесените кандидатури за Претседател на СДСМ на вонредните внатрепартиски избори на 30 јуни, извести партијата.„Врз основа на Статутот на СДСМ како и врз основа на Член 9 од Правилникот за критериумите, начинот и постапката за кандидирање и избор, Централната изборна комисија утврди единствена листа на потврдени кандидати за Претседател на СДСМ: Венко Филипче, Славјанка Петровска, Јован Деспотовски, Александар Бајдевски.Комисијата констатираше дека кандидатурата на Златко Ристевски од Битола, не може да биде потврдена поради неисполнување на критериумите пропишани со Статутот и Правилникот.Вака утврдената листа од 4 кандидати ќе биде објавена на веб страната на СДСМ заедно со програмите на кандидатите и ќе биде доставена до сите Општински изборни комисии“, соопшти СДСМ.

Македонија | пред 1 година

Зелено светло за нови министерства и реорганизација: за едни реформа, за други непотребно брзање

Вкупно 74 пратеници ја изгласаа потребата од законски измени, за реорганизација на министерствата и целата државна управа. Едни велат дека ова значи реформа, други реагираат зошто се брза со донесување на измените на Законот. Со него, дел од надлежностите на министерствата ќе се прелеат во други, а воедно, ќе се формираат и нови институции.За предложените измени и дополнувања на Законот за организација и работа на органите на државната управа, што ги предложи претседателот на ВМРО-ДПМНЕ Христијан Мицкоски, треба да заседаваат Комисијата за политички систем и односи меѓу заедниците како матично работно тело и Законодавно-правната комисија, откако денеска Собранието го прифати неговиот предлог да се носат по скратена постапка. Седницата на Комисијата за политички систем е закажана за вечер во 18 часот.Суштината на овој предлог е реформи во администрацијата, а со цел да ги решиме реалните проблеми на граѓаните со ефикасни политики со одлуки кои ќе донесат подобар животен стандард, повисоки плати, повисоки пензии, подобро образование, ефикасна социјална заштита, развиена економија и земјоделие. За да го направиме ова ни треба добра организација на владата и затоа поднесувам предлог на Законот за измени на законот за организација и работа на органите во државната управа по скратена постапка, рече пратеникот и претседател на ВМРО-ДПМНЕ, Христијан Мицкоски кој даде образложение на измените на Законот за организација и работа на органите во државната управа кој во Собрание по скратена постапка.Блерим Беџети рече дека треба да се разговара пред процесот на усвојување. Тие гласаа воздржано за потребата од законски измени.„Ни овој закон не треба да се спроведува еднострано, бидејќи организирањето на државните органи ќе има предности или недостатоци за граѓаните на оваа држава, од сите етнички припадности. Затоа, со процес на дијалог, бидејќи овие тела се во служба на граѓаните, треба сите да внимаваме на легитимитетот“, рече Блерим Беџети од ДУИ.Први со реакција се јавија од Левица. Времето е кратко, а измените крупни и вакви законски измени не може да се донесат по скратена постапка, кажа пратеникот Борислав Крмов.„Зборуваме за системски закон, тоа е за измена и надополнување на Закон за организација и работа на органите на државната управа. Ние го добиваме материјалот во средаби вчера во 22:30 ч. вие го повлекувате Законот и поднесувате друга измена. Како очекувате пратениците да дискутираат за овој закон - истакна народниот пратеник Борислав Крмов во процедурално обраќање на денешната седница“, рече Крмов.Во процедурално обраќање на седницата, пратеникот од Левица Димитар Апасиев праша зошто претседателот на Собранието Африм Гаши не го ставил како точка на дневен ред барањето што го достави Левица да се констатира престанок на мандатот на пратеникот Талат Џафери поради неспоивост на функцијата премиер и пратеник. Гаши рече дека барањето го примил на 4 јуни и веднаш го препратил до сите пратеници, но не и до собраниската Комисија за деловнички и мандатно имунитетни прашања, бидејќи составот се уште не и е избран.

Македонија | пред 1 година

Не се живее, се преживува: Цените одат нагоре, инфлацијата си го направи своето

Годишната инфлацијата мај 2024 – мај 2023 година е зголемена за 4,5 %, а цените на мало во истиот период пораснаа за 5,8 %. Во однос на април инфлацијата во мај е повисока за  0,9 %, а цените на мало пораснаа за 1,3%, објави Државниот завод за статистика.За една година најголемо зголемување на цените има кај овошјето за 22 отсто, потоа шеќерот, чоколадите, медот, кај зеленчукот, млекото, сирењето, јајцата, лебот и житата.Скок на цената од 5,6 отсто има и кај алкохолот и тутунот, кај облеката и обувките, мебел, покуќнина, но и кај здравствените услуги.Транспортот поскапел за 10,3 проценти, ресторанските и хотелските услуги 8,5 отсто.Зголемувањето на инфлацијата во мај во однос на април е резултат на зголемувањето на трошоците на животот во следните групи: ресторани и хотели за 3,1 %, рекреација и култура за 2,1 %, транспорт за 1,9 %, облека и обувки за 1,5 %, мебел, покуќнина и одржување на домаќинствата за 1 %, храна и безалкохолни пијалаци за 0,7 %, разновидни стоки и услуги за 0,4 %, домување, вода, електрика, гас и други горива, здравје за 0,1 %.На едно четири-члено семејство за да го преживее месецот според последните пресметки на ССМ, потребни му се над 1.000 евра, најмногу од тие пари или нешто речиси околу 22.000 денари се даваат само за храна и пијалаци.

Македонија | пред 1 година

Доктор Даниловски и „претепан“ и злоупотребен

Името на епидемиологот проф. д-р Драган Даниловски, за три месеци, три пати е злоупотребено во лажна реклама за продажба на чај, кој наводно ги прочистува крвните садови. Но, третиот пат веста, која се спонзорира со многу бомбастичен наслов Скандал на „Канал 5“ – познат македонски кардиолог беше удрен во лице во студиото на „Канал 5“ за откривање нов метод за чистење на крвните садови во секоја возраст! Уште повеќе што, заедно со лажното интервју, е објавена и фотографија на човек во болнички кревет со монтирана фотографија од докторот.– Ова не е прв пат, но би било добро да е последен. Сакајќи да ги заштитам пациентите и моите пријатели да се спречи оваа злоупотреба на сомнителниот лек, но и себеси од непријатности, уште пред два месеца поднесов пријава до ОЈО, но иако ми рекоа дека ќе ме контактираат, до овој момент нема ништо. Ќе испратам и дополнение на пријавата, па верувам дека Обвинителството ќе преземе мерки. Ова е навистина многу опасна ситуација. Ниту сум кардиолог ниту знам за каков препарат се работи, а сигурен сум дека многумина го купиле, верувајќи дека јас го препорачувам. А, монтираната фотографија со мојот лик дополнително ги вознемири моите блиски и пријателите – изјави познатиот епидемиолог за весникот ВЕЧЕР.

Македонија | пред 1 година

Холанѓанец удрил во камен во Охридското езеро и се онесвестил

Преку Единствен повикувачки број за итни повици 112 во околу 12.00 часот е добиена дојава за повредено лице кое удрило во камен во Охридското Езеро и истото со кајче се пренесува до пристаништето на хотелот „Александрија“ во Охрид.За итниот случај, од ЦУК веднаш е известена Итна медицинска помош и од нивна страна во моментот се презема лицето, по што истото ќе биде пренесено во болница во Охрид. Инаку, повреденото лице е странски државјанин од Холандија.

Македонија | пред 1 година

Гаши: Косово е родно место или татковина на моите родители и јас го почитувам како такво заради нив

,,Во однос на прашањето за мојата татковина, свесен сум за обвинувањата и искривувањата од различни медиумикои се обидуваат да привлечат внимание. Како претседател на Собранието на сите граѓани на Република Северна Македонија, сакам да појаснам дека Африм Гаши е роден во Скопје, каде живее и работи со своето семејство, а негова татковина е Северна Македонија.Да појаснам и за јавноста, точната изјава во моето интервју беше дека „Косово е родно место или татковина на моите родители и јас го почитувам како такво заради нив“.Сепак, верувам дека се разбираме доволно добро за да не бараме детални објаснувања за поимите како родно место, татковина или мајковина, бидејќи албанскиот јазик користи и сложена именка што комбинира мајка и земја. За мене најважно е преку нашите постапки да покажеме како ја гледаме нашата земја, која е нашата посветеност кон неа, кои се нашите придонеси и да правиме разлика меѓу оние кои ја градат и збогатуваат и оние кои ја уништуваат и крадат таа. Од тврдењата и изјавите за патриотизам граѓаните немаат никаква корист, а ние не сме тука да се натпреваруваме кој е по патриот. Јас не уживам во такви дебати и ова е мојата конечна изјава за оваа тема.”, напиша Африм Гаши на својот Фејсбук профил.

Македонија | пред 1 година

Скопјанец обвинет за убиство на сопствената баба, додека јадела почнал да ја удира по главата и телото

По спроведена истражна постапка, јавен обвинител од Основното јавно обвинителство Скопје денеска поднесе Обвинителен акт против 28-годишен скопјанец за кривично дело – Убиство согласно член 123 став 2 точка 2 од Кривичниот законик.На 18 јануари, при вршење семејно насилство во семејниот дом на булеварот „Видое Смилевски Бато“ во Скопје, обвинетиот со умисла ја лишил од живот сопствената баба. Додека жртвата јадела, тој ја нападнал, започнал да ја удира по главата и телото, а потоа ја задушил.Јавниот обвинител до Основниот кривичен суд Скопје достави и предлог за продолжување на претходно определената мерка притвор за обвинетиот.

Македонија | пред 1 година

Манолева: Нова компресорска станица е сериозно решение за надминување на состојбата со хируршките клиники

Заменик министерката за здравство д-р Маја Манолева во вчерашното гостување во емисијата „Клик Плус“ на телевизија ТВ21 потенцираше дека набавка на нова компресорска станица е сериозно решение што би донела комплетна сигурност во однос на пружањето здравствени услуги кон пациентите.Манолева истакна дека ја информирала Владата за состојбата со хируршките клиники и што досега е направено и изјави дека на вчерашната седница,беше донесен заклучок да се укаже на јавната установа заеднички служби за потребите на здравството на Клинички центар да спроведе итна набавка на нова компресорска станица со дислокација на компресорската станица, но и да спроведе итна набавка за нова инсталација на сите хируршки клиники во Клиничкиот центар.„Побарав од Владата да ја задолжи јавната установа за сите овие активности кои би требало да ги спроведе да направи оперативен план за динамика и спроведување на истите, односно со точни временски рокови да даде информација кога сето ова би можело најбргу да се спроведе. Во меѓувреме, секако се работи и на утврдување на причините кои доведоа до појава на ваква непријатна миризба во операционите сали која досега не се случувала, но која сега периодично се случуваше на различни клиники во различни операциони сали, во различни временски интервали. Ова решение кое го изнаоѓаме во периодот кое е сега преодно решение, а секако може да биде и решение во еден пократок да речам временски период од неколку месеци би можело да ги задоволи потребите на хируршките клиники и хируршките клиники до изнаоѓање на конечно решение, односно до набавка на нова компресорска станица, до поставување на нова инсталација и за кислород и за компримиран воздух, тоа се два посебни доводи кои се спроведуваат би можело да биде еден од начините како ќе го надминеме целиот овој период. Сметам дека набавката на нова компресорска станица е навистина сериозно решение и би ни донела комплетна сигурност во однос на пружањето на здравствени услуги кон нашите пациенти“, рече Манолева.

Македонија | пред 1 година

Приведен косовски државјанин, се обидел со поткуп да премине граница

На 06.06.2024 околу 16.30 часот на Граничен премин Долно Блаце, полициски службеници го лишиле од слобода Б.П.(42) од Косово поради сомнение за сторено кривично дело „давање поткуп“. При пасошка и гранична контрола на патничкото возило „опел зафира“ со косовски национални ознаки, кое го управувал, тој со документите дал пари како поткуп за да му се дозволи на неговиот сопатник К.С.(25) од Република Турција, кој го пречекорил престојот во државата, да оствари излез.Парите биле одземени со потврда за одземени предмети, а лицето било предадено на полициски службеници од Одделот за прекуграничен криминал, миграции, странци и реадмисија при Регионалниот центар за гранични работи Север. К.С., исто така, бил приведен и задржан во полициска станица за понатамоишна постапка.По целосно документирање на случајот ќе бидат поднесени соодветни поднесоци.

Македонија | пред 1 година

Нема фотографија

Румен Радев неиспровоциран и се заканува на Србија

Бугарскиот претседател Румен Радев најави дека Бугарија може да ја преиспита поддршката за Србија кон Европската унија поради, како што рече, како Белград се однесува кон бугарското малцинство во земјата.Во образложувањето на својот став, Радев не само што се закани, туку прецизираше кои услови ќе ги скенира при донесување на одлука.„Главниот критериум според кој ќе судиме и ќе го поддржиме напредокот на земјите од Западен Балкан е токму положбата на нашите сонародници во секоја земја – условите за економски и социјален развој и пред се нивната способност да го бранат својот национален идентитет, јазикот, културата и историската меморија“, појасни Радев.Заканата дојде ненајавена, но не треба да се игнорира со оглед на тоа што Бугарија пред три години стави вето на процесот за пристапување на Македонија во ЕУ, обвинувајќи ја владата во Скопје за говор на омраза кон Бугарите.

Свет | пред 1 година

Топол бран во Македонија: Температурите ќе се искачат над 40 степени

Топлиот бран кој ќе започне да добива на интензитет и тоа уште од утре па за време на викендот, во текот на следната седмица ќе стане дури и екстремно топол, што значи дека очекуваме екстремно високи температури на воздухот кој насекаде низ Македонија ќе надминуваат 30 степени, на повеќе места температурите ќе се искачуваат до околу 35 степени, додека во централните и во југоисточните предели температурите локално ќе надминуваат дури и 40 степени.Од овој екстремно топол бран најпогодена ќе биде соседна Грција каде температурите локално ќе надминат дури и 45 степени.За време на овој топол бран времето ќе биде сончево со мала локална облачност и суво насекаде низ Македонија. Повремено ќе засилува ветер од југозападен правец и истиот ќе биде многу топол.

Македонија | пред 1 година

Нема фотографија

Трамп за мигрантите: Овој проблем може да се реши со воведување царини

Републиканскиот претседателски кандидат Доналд Трамп изјави вчера дека ако победи на изборите во САД во ноември, може да воведе царини за земјите, вклучително и Кина, кои не го ограничуваат приливот на имигранти. Трамп ова го кажа на предизборен митинг во пограничната држава Аризона одговарајќи на прашање од публиката и не ја прецизираше големината на тарифите што ќе ги воведе во такво сценарио.Запрашан за начините на кои тој ќе го спречи протокот на мигранти кои илегално доаѓаат во САД, Трамп рече: „Имаме огромна економска моќ“. Тој додаде дека ако една земја, како што е Кина, не помогне да се спречи приливот на мигранти во САД, постојат „работи кои се нарекуваат царини“. Тој предупреди дека ако другите земји не помогнат да се намали, тој може да ја „оданочи таа земја“ доколку биде реизбран.Безбедноста на границите и имиграцијата се појавија како главни прашања за Американците пред изборите на 5 ноември на кои Трамп ќе се соочи со претседателот Џо Бајден, демократот избран за Белата куќа во 2020 година.Повеќето од луѓето кои илегално преминуваат во САД се од Латинска Америка. Според владините податоци, американската гранична патрола уапсила повеќе од 27.000 кинески мигранти фатени како илегално ја минуваат границата со Мексико од 1 октомври 2023 година до 30 април 2024 година, дел од наглото зголемување на кинеските пристигнувања.

Свет | пред 1 година

Нема фотографија

Запад: Го поддржуваме планот на Бајден за прекин на огнот

САД, Германија, Франција и Велика Британија го повикаа палестинското исламистичко движење Хамас да го прифати планот за ставање крај на војната во Газа неодамна претставен од американскиот претседател Џо Бајден. Во заедничкото писмо објавено од Елисејската палата вчера вечерта се вели дека тие земји целосно го поддржуваат сеопфатниот предлог. На маргините на комеморацијата на Денот Д во Нормандија, Франција, лидерите на четирите земји го повикаа Хамас да ја изрази својата целосна согласност и планот веднаш да се спроведе.Предлогот што го предложи Бајден минатата недела има за цел да стави крај на војната во Газа во три фази. Тој предвидува целосен и неодреден прекин на огнот за шест недели. Тоа ќе доведе до траен прекин на огнот во втората фаза. Според нацртот, условите за тоа треба да се договорат за време на прекинот на огнот.Сепак, Хамас рече дека ќе се согласи со договорот само доколку биде договорен итен и траен прекин на огнот. Германија, САД, Велика Британија и Франција, исто така, повикаа на поголема поддршка за премиерот на палестинската управа Мохамад Мустафа.

Свет | пред 1 година

Нема фотографија

Земјотрес ја погоди Франција

Земјотрес со јачина од 3,5 степени според Рихтеровата скала утрово ја погоди Франција, јавува ЕМСЦ.Земјотресот е регистриран во 6:36 часот по локално време, на девет километри од градот Анеси во Франција или на 32 километри од Женева во Швајцарија. Земјотресот бил на длабочина од пет километри.Нема информации за повредени и материјална штета.

Свет | пред 1 година

Алармантно во битолскиот затвор: „Заштитени осуденици се чуваат тука, место нема, 26 вработени се справуваме со 100 осудени лица“

Алармантна е состојбата во затворот во Битола, алармира Независниот синдикат на затворската полиција и администрација-Битола. Тие посочуваат дека затворот е пренатрупан, директорот за извршување санкции Јовица Стојановиќ им носи уште затвореници, а тие се само 26 вработени кои треба да се справат со 100 осуденици и 18 притвореници.„После настаните во Казнено поправните домови проблемот се пресели и во затвор Битола. ДВАЕСЕТ И ШЕСТ ВРАБОТЕНИ ВО ЗАТВОРСКА ПОЛИЦИЈА неможат да се справат со пренатрупаноста од осудени лица во затворот.Како што знаете КПУ Затвор Битола е затвор од полуотворен тип во кој што престојуваат 100тина лица (иако капацитетот е за 60) и има притворско одделение во кое моментално има 18 лица. И покрај ваквата пренатрупаност и неможноста за прием на лица за издржување казна затвор, Управата за извршување на санкции и Директорот Јовица Стојановиќ од нему познати причини пред 2 месеци издаде решенија за преместување на лица кои се од Скопско Апелационо подрајче и на кои што местото не им е во затвор Битола, а кои се заштитени од моменталната гарнитура на власт во државата.Како ние 26 луѓе да се справиме со 100 осудени лица и 18 притворени меѓу кои се и овие лица кои ги премести Директорот Јовица Стојановиќ наводно на неколку денови а ги остави 2 месеци и сега несака да слушне да ги врати во Скопје во затворите каде што и треба да ја издржуваат казната.Ние како вработени во Кпу Затвор Битола се обративме писмено преку Независен Синдикат на затворска полиција и администрација до Директорот на Управата и Министерот за Правда за проблемот меѓутоа не наидовме на разбирање.После ваквиот игнорантски однос на Директорот на УИС и Министерот за Правда одлучивме да ја известиме јавноста за проблемот и дека ги разгледуваме законските можности за стапување во генерален штрајк се до моментот на решавање на проблемот“, велат од Независен синдикат на затворска полиција и администрација Битола

Македонија | пред 1 година

Мицкоски бара Гаши да се извини ако кажал дека негова татковина е Косово, а не Македонија

Собранискиот претседател, Африм Гаши, треба да се извини веднаш ако кажал дека негова татковина е Косово, порача мандатарот Христијан Мицкоски.„Изјавата на Гаши не сум ја слушнал. Мислам дека неговата татковина е Македонија, а од тоа што сум разговарал и од него сум слушнал е дека наша заедничка татковина е Макеоднија. Ако има таква изјава, треба да им се извини на граѓаните на Македонија, бидејќи од тука тој зема плата, и од страна на Македонците, Албанците, Турците е избран за претседател на Собрание“, рече Мицкоски.Новиот претседател на Собранието Африм Гаши во интервју за „РТК“ зборувал за историјата на неговото семејство кое во 50-тите години на минатиот век се преселило од Качаник во Скопје.„Во 50-тите години на минатиот век дедо ми работеше во Скопје, а поради техничките причини на тогашниот отежнат превоз купил мал дом во центарот на Скопје и семејството го однел овде, но по земјотресот се вратиле во родниот град. ЗА кратко време, потоа се вратија во Скопје и оттогаш дедо ми, вујковците и тетките живеат во Скопје. Јас сум роден во Скопје, а моите двајца братучеди продолжија да живеат во Качаник“, рекол Гаши.Според неговите зборови, „луѓето родени по деведесеттите не можат да го разберат ова, но за мене Косово е мојата татковина, местото каде се родени моите родители и сочувствувам со се што се случува во Косово“.

Македонија | пред 1 година