ТОП

(Видео) Реквизитите се пакуваат: заминува дивиот “Луна парк” од пред салата Борис Трајковски во Карпош

Диво поставениот детски парк во Карпош кај салата “Борис Трајковски” од утрово се демонтира. Реквизитите се пакуваат во камиони, дел по дел. На местото има куп работници кои работат на демонтажата. Ваквата е сликата од вчера.Ова доаѓа два дена откако имаше обид паркот пак да проработи. Полицијата влезе и констатираше нов прекршок. Паркот нема никаква дозвола за работа ниту државна институција ги има проверено реквизитите и нивната функционалност, безбедност, издржливост.Паркот е поставен на приватен имот.

Скопје | пред 1 година

(Видео) Носам помала одговорност за лошиот изборен резултат, за разлика од другите потенцијални кандидати за претседател на СДСМ, вели Петровска

Пратеничката од СДСМ и ексминистерка за одбрана, Славјанка Петровска, ексклузивно во „Претрес со Ландов“, откри дека влегува во трката за наследник на Димитар Ковачевски. Таа беше носител во шестата изборна единица каде СДСМ имаше историски најлош резултат, истовремено имаше и партиска функција – претседавач со Централниот одбор.„Како член на СДСМ, чувствувам одговорност за секој пораз, исто како и како што се чувствувам горда кога има победа“, рече Петровска во „Претрес со Ландов“, па одговараше и дали мисли на Венко Филипче, Петре Шилегов, Јован Деспотовски како потенцијални противкандидати.Прашана зошто се кандидира за претседателка наспроти лошиот резултат кој го донела, одговори: „Јас слободно би рекла дека носам помала одговорност, ако ја мериме, за разлика од некои од носителите на функции кои подолго време биле носители на државни функции, а потенцијално се кандидати“.Во подкастот „Претрс“ одговараше и на други прашања како што се теновите и хеликоптерите дадени на Украина, критиките од партиските другари дека молчела во Собрание, дали СДСМ е секта или партија, се плаши ли од затвор, за замерките од граѓаните, но и за приватни моменти.?t=1298

Македонија | пред 1 година

Нема прегласување во местото кое ја намали разликата меѓу „Европски фронт“ и „Влен“

Нема прегласување во Ларце, Општина Желино, како што бараше Европскиот фронт од кој дел е ДУИ.Ова е конечна одлука на Управниот суд. Коалицијата „Европски фронт“ достави приговор до ДИК за прегласувањето на избирачкото место 2021 во селото Ларце. Тоа беше единствениот приговор за прегласувањето на 22 мај во седум изборни места во изборните единици 5 и 6.„Тужбата на тужителот коалиција „Европски фронт“, предводена од Демократска унија за интеграција (Движење на народот – ДН, Демократска партија на Албанците, Европска демократска партија ЕДП, Демократска партија на Турците, Политичка партија Унија на Ромите – УРА, Политичка партија Бошњачки Демократски Сојуз – БДС) изборна кампања – парламентарни избори 2024 година, во изборна единица 1, 2, 3, 4, 5 и 6, поднесена против решението на Државна изборна комисија на Република Северна Македонија УП1.бр.10-33 од 27.05.2024 година, се одбива како неосновано“, се вели во соопштението од Управен суд.Прегласувањето во избирачко место 2101 во Ларце, Желино, ја намали разликата на освоени мандати на двете коалиции кои ги претставуваат Албанците во државата. Коалицијата „Вреди“ сега ќе има 14 претставници во парламентот, односно еден повеќе од освоените 13 мандати на изборите на 8 мај, а коалицијата „Европски фронт“ предводена од ДУИ падна од 19 на 18 пратенички места.

Македонија | пред 1 година

Од овој викенд вистински летни температури и до 35 степени

Периодот на локална попладневна нестабилност, проследена со пороен дожд, грмежи, засилен ветер, како и со услови за локално невреме во Македонија продолжува и во следниот период.Меѓутоа, од викендот, па некаде до средината на следната недела под влијание на изразено југозападно струење на висина, температурите позначително ќе пораснат и тие ќе бидат натпросечно високи и навистина летни и тие ќе се искачуваат во интервалот од 27 до 35 степени. Не се исклучува можноста во овој период тие во најтоплите централни и југоисточни предели локално да надминат и 35 степени.Токму поради изразеното југозападно струење на висина, од викендот и тоа од Сахара кон Македонија ќе се врши транспорт на прашина и на песок, па така и атмосферата нема да биде во целост чиста и ќе биде заматена.Во Скопје исто така од викендот температурата значително ќе се покачи и над 30 степени.

Македонија | пред 1 година

Украинците со беспилотни летала на Крим, Русите со ракети кон Харков: Во рускиот напад има повредени, оштетен е и гасоводот

Најмалку четири лица се повредени, а причинета е материјална штета кога руските сили во текот на ноќта нападнаа инфраструктурни објекти во градот Харков и регионот Харков во Украина, соопштија украинските власти.Градоначалникот на Харков, Ихор Терехов, на Телеграм објави дека најмалку четири лица се повредени, дека гасоводот е оштетен и дека се скршени многу прозорци, пренесува Ројтерс.„Имаше напад на виталната инфраструктура на една од областите на градот. Информациите за жртвите се уште се утврдуваат“, напиша градоначалникот на Харков.Регионалниот гувернер Олех Синехубов рече дека осум проектили биле истрелани кон градот.Според Синехубов, руските сили извршиле најмалку пет напади во областа Харков, пренесува Униан.По овој напад, предупредувањето за воздушна закана остана на сила низ цела Украина.Во текот на ноќта, руската воздушна одбрана собори осум ракети АТАКМС над Крим и осум украински беспилотни летала над Црното Море во близина на тој полуостров, а пресретна и два дронови на украинската морнарица во близина на Крим, соопшти руското Министерство за одбрана.Во соопштението се наведува дека руските сили за воздушна одбрана собориле осум тактички ракети АТАКМС над Азовското Море, пренесе ТАСС.Олег Крјучков, советник на лидерот на Крим, утринава изјави дека два ферибота и една железница биле оштетени од руската противвоздушна одбрана во пристанишниот град Керч на тој полуостров и дека нема повредени морнари или цивили, пренесе Интерфакс.Крјучков на Телеграм напиша дека по проценката на штетата траектите ќе продолжат со работа.

Свет | пред 1 година

Нема фотографија

(Видео) Ѓоковиќ доби бакнежи од стар ривал среде емисија

Новак Ѓоковиќ во четврток го продолжува походот за одбрана на титулата на Ролан Гарос, каде од 15.00 часот во мечот од второто коло ќе го пречека стариот познаник Роберто Карбалес Баена.Српскиот ас веќе двапати го победи Шпанецот на Грен слем турнирите, но за првпат ќе одигра меч на земја и Баена ќе има можност да пружи многу поголем отпор.По победата во првото коло над Французинот Пјер-Иже Хербер, Ѓоковиќ беше дел од интересна сцена.Тој правеше интервју за Амазон Прајм, а разговорот го водеше неговиот стар ривал Жо-Вилфред Цонга, тенисер кој засекогаш ќе остане голем дел од кариерата на Новак бидејќи го победи на патот кон освојувањето на првата Грен слем титула.Двајцата срдечно се поздравија, а видовме и хит сцена кога Цонга му испрати бакнежи Ѓоковиќ како поздрав.Новак одговори со голема насмевка на воодушевување, а видеото стана вирално на социјалните мрежи.https://x.com/BastienFachan/status/1795776713382678951

Спорт | пред 1 година

Нема фотографија

Голем пожар во индустриска зграда во Москва: Горат 4.000 метри квадратни, во гаснењето на пожарот учествуваат и хеликоптери

Голем пожар избувна во текот на ноќта во производствен и складишен капацитет во источна Москва, соопштија руските власти.„Во моментов површината на пожарот е 4.000 квадратни метри“, изјавија за ТАСС од противпожарната служба.Над 120 пожарникари и околу 40 противпожарни возила се обидуваат да го изгаснат пожарот.Два хеликоптери се вклучени во гаснењето на голем пожар на истокот на Москва, веќе се фрлени 200 тони вода, соопшти за РИА Новости прес-службата на руското Министерство за вонредни ситуации.Претходно руското Министерство соопшти дека пожарот што избувна во производствената и магацинската зграда се прошири на површина од 2.000 метри квадратни.Според претходните извештаи, покривот на зградите делумно се урнал.Московското обвинителство соопшти дека во моментов се утврдуваат околностите за инцидентот.

Свет | пред 1 година

Петровска: Членството ќе одлучи дали јас сум идниот претседател на СДСМ

„Доколку сакате потврда за кандидатурата за која што подолго време размислувам и ја најавувам, денеска конечно падна одлуката дека ќе се кандидирам за претседател на СДСМ. Одговорот дали јас ќе бидам идната претседателка ќе го даде членството на партијата “ вели ексминистерката за одбрана и сегашна пратеничка Славјанка Петровска, во вечерашниот „Претрес со Ландов“.Согласно статутот на СДСМ, претседателот на партијата се бира на непосредни избори кои, соглсно роковникот се закажани за 30-ти јуни, рече Петровска.„Ќе се кандидирам затоа што, долго време сум во партискиот живот на СДСМ или во политиката, не сум сменила политичка партија. Политичката определба ми била секогаш таа, социјалдемократија“- потенцираше Петровска.Каков е престижот да бидеш лидер на губитничка партија? Во СДСМ има видливи поделби на крила и јавни караници. Кој е против кого и зошто? одговара Петровска во „Претрес“.Следете не во живо и поставувајте ги вашите прашања:

Македонија | пред 1 година

(Во живо) Претрес на Славјанка Петровска, потрес во СДСМ: јавно се испокараа, кој ќе биде наследник на Ковачевски?

Каков е престижот да бидеш лидер на губитничка партија? Во СДСМ има видливи поделби на крила и јавни караници. Кој е против кого и зошто?Славјанка Петровска се споменува како еден од претендентите за наследник на Ковачески кој би ја поздравил со.... “стани Цаци да те види цела сала”.Од одбрана успеа да се пресели во удобно пратеничко столче.Какви византиски внатрепартиски игри се одвиваат во СДСМ пред најавениот јунски изборен конрес, одговара Петровска во „Претрес“. Среда 21 часот во живо, ги чекаме и вашите прашања!

Македонија | пред 1 година

Касами му врати на Ахмети

Претседателот на Движењето Беса, Билал Касами, пред медиумите ги критикуваше постапките на Европскиот фронт, кој вчера ја напушти салата пред да гласа за претседател на Собранието. Касами во оваа прилика рече дека нивната постапка е срамна и побара Европскиот фронт да има конструктивна улога во опозицијата.„Тоа беше неочекувано за мене. За жал, идната опозиција од самиот почеток го покажа својот пристап кон случувањата што ќе се случуваат во Северна Македонија“, рече Касами.

Македонија | пред 1 година

Ахмети е лут: Нарушен е легитимитетот на Охридскиот договор, неприфатливо е коалицијата со помал број мандати да биде дел од Владата

Претседателот на ДУИ, Али Ахмети, денеска во име на Европскиот фронт остро ги обвини останатите албанските политички субјекти кои се очекува да бидат дел од идната влада на ВМРО-ДПМНЕ дека го нарушиле легитимитетот на слободното гласање и на Охридскиот договор.За Ахмети неприфатливо е коалицијата која освоила помал број мандати да стане дел од владата.„Охридскиот договор не се чита исто од сите политички или јавни кадри, ние не дозволуваме овој договор да биде прекршен или прекршен. Луѓето нѐ прашуваат зошто гласаме кога некој друг одлучува за нашата волја и нашите определби“ рече Ахмети и додаде:„Граѓаните не прашуваат која е смислата на демократијата кога не се почитува легитимитетот, кога одлучува најголемата македонска партија. Ова нѐ враќа две децении наназад кога не се почитуваше слободната волја на заедниците. Легитимноста е столбот на демократијата, затоа ја започнуваме битката. Кога се почитува духот на Охридскиот договор, општеството напредува, но кога не се почитува, се враќаме во други времиња кои колективно сме ги напуштиле“, рече Ахмети.Иако беше најавено дека ќе ги открие нивните следни чекори, тој прес-конференцијата ја посвети за критики на ВМРО-ДПМНЕ и новите албански партии на власт.[caption id="attachment_291047" align="alignnone" width="646"] Screenshot[/caption]

Македонија | пред 1 година

Кацарска се жали: Нема недела да помине без закана, зачести, имав и физички напад

Добрила Кацарска, претседателка на Уставниот суд во заминување, се пожали пред новинарите дека секој втор-трет ден има закани. Не знае што се случува со предметот кој се води против нејзините заканувачи, а рече и дека имала физички напад.„Ова се закани кои ги пријавив, а јас трпам закани неколку години наназад, нема недела да помине, а да немам некоја закана. Имав и физички напад, бев физички нападната. Претходно не пријавувам, мислев се изолирани случаи. Зачести и се случува на секој втор-трет ден, па се решив да пријавам конечно. Дали ќе продолжат заканите, не можам да кажам однапред“, рече Кацарска.Прашана до каде е предметот против лицата кои и се заканувале одговори: „Јас до денес немам никаква информација за ова“.

Македонија | пред 1 година

Кацарска: Го надминавме секој тест на непристрасност, не потклекнавме, новиот претседател може да биде комотен

Претседателката на Уставниот Суд, Добрила Кацарска во заминување кажа дека се водела од уставните принципи, како и истрајноста да го зачува достоинството на судот. Ова беше дел од нејзиниот отчет по три години на оваа фунција.„Успеавме да го надминеме секој тест на издржливост и непристрасност на Судот и не потклекнавме на еден од најспецифичните предизвици кои ги памети историјата на Уставниот суд - а тоа е 17 месеци функционирање на работ на кворумот со пет судии. Тоа е половина од мојот мандат. Кога ги одбројувам последните денови како раководител, граѓаните и новиот претседател можат да бидат комотни, нема заостанати предмети“, рече Кацарска.Посочи дека тие донеле револуционерен акт за регулирање на нивната работа. Таа тврди дека предмети се чувале по 10 години, а сега тој број на несработени предмети е намален. Се пофали со 78 одлуки за укинување на закони и акти, донесени од различни собраниски состави.

Македонија | пред 1 година

(Видео) Каков е кредибилитетот: Иако осомничен, Иџет Мемети ќе си остане член на Советот на јавни обвинители и ќе носи одлуки

Постапка за разрешување на Иџет Мемети од Советот на јавни обвинители нема да има, додека вина не се докаже по судски пат. Тоа значи дека тој ќе остане да одлучува за иднината на обвинителите, иако има својство на осомничен во постапката за земање на пари за противзаконито влијание, во која врховниот судија Наке Георгиев беше фатен со 10.000 евра од полицијата. Неговите колеги, членовите на Советот, сметаат дека ова е исправна и законска одлука. За ова прашање беше дискутирано на денешната седница.„Советот на јавни обвинтиели, за заштита на кредибилитетот на Советот и ценејќи ја пресумцијата на невиност, ги разгледа сите аспекти за надминување на оваа состојба. Постапка е предвидена за разрешување на член на Советот, но меѓутоа постапката мора да биде со образложено барање, поднесено од 20 јавни обвинители или 1/3 членови од Советот, но треба да е обезбедено со докази“, рече Душица Димитриеска.Мемети треба да одлучи сам дали ќе учествува во работата на Советот, со оглед на фактот дека нема забрана за вршење дејност.„Како членови на Советот, не можеме да побараме да поднесе оставка. Останува моралниот аспект на членот на Советот“, додаде Димитриеска.

Македонија | пред 1 година

Дали и Тимчо Муцунски си оди од градоначалничката функција

Градоначалникот на скопската општина Аеродром, Тимчо Муцунски, се споменува како сериозен кандидат за во Извршната власт.Доколку биде дел од Владата му престанува градоначалничката функција.Според Законот, бидејќи има повеќе од 6 месеци до локалните избори, Владата мора да распише предвремени избори и за оваа општина.Предвремени локални избори се можни и во Гостивар доколку според преговорите Арбен Таравари стане нов министер за здравство.До изборите, доколку Муцунски и Таравари станат министри, функцијата ќе ја вршат ВД градоначалници, но таа може да се извршува најмногу два пати по шест месеци.Редовните локални избори треба да се одржат во октомври 2025 година.

Македонија | пред 1 година

Ахмети ќе се огласи од Мала Речица

Лидерот на ДУИ Али Ахмети денеска во 13 часот од седиштето во Мала Речица ќе одржи прес конференција.Како што информираат од партијата тој ќе ги каже идните чекори на Европскиот фронт.Дуи по цели 20 години замина во опозиција. И покрај серијата укажувања и закани не се во групата со ВМРО-ДПМНЕ, коалицијата „Вреди“ и Движењето ЗНАМ за формирање на новата влада.На прес-конференцијата Ахмети ќе го придружуваат партнерите од Европскиот Фронт кој на изборите на 8 мај освоија 18 мандати.Пратениците не гласаа за верификацијата на мандатите и ја напуштија салата пред изборот на Африм Гаши за претседател на Собранието.

Македонија | пред 1 година

На Кацарска и завршува мандатот, многу лобирања за нејзиниот наследник, изборот е утре

Добрила Кацарска го напушта претседателското столче во Уставен суд.На 2 јуни и завршува тригодишниот претседателски мандат, но останува судија во Уставен.Таа одлучи денеска на прес конференција да даде отчет за сработеното.Веќе утре ги чека избор за нов шеф на Уставен.Според Деловникот на Уставен, претседател на Судот се бира од редот на судиите со двотретинско мнозинство од вкупниот број на судиите, со тајно гласање, значи потребни се најмалку 6 гласа.Не се открива, иако некои веќе работат и лобираат кој ќе ја замени Кацарска и ќе биде 19-от претседател на Уставниот суд.Актуелни уставни судии покрај Кацарска, која нема право на реизбор се Насер Ајдари, Осман Кадриу, Дарко Костадиновски, Фатмир Скендер, Татјана Васиќ-Бозаџиева, Елизабета Дуковска, Јадранка Дабовиќ-Анастасовска и Ана Павловска-Данева.Уставниот суд е орган што ја штити уставноста и законитоста. Составен е од девет судии избрани од Собранието на Македонија со мнозинство гласови од вкупниот број пратеници. Мандатот на судиите трае девет години без право на повторен избор. Судиите на Уставниот суд се избираат од редот на истакнати правници.

Македонија | пред 1 година

Хорор во Битола: Младо лице полово злоупотребил лице со трајно душевно заболување, го снимал и објавил

Основното јавно обвинителство Битола донесе Наредба за спроведување истражна постапка против 23-годишник осомничен за кривично дело – Полова злоупотреба на немоќно лице од член 187 став 1 од Кривичниот законик.На 23 април, во својот дом во Битола, осомничениот полово злоупотребил лице со трајно душевно заболување, го навел да изврши полово дејствие, а чинот го снимал и го пренесувал во живо на регистриран канал на Youtube.Надлежниот јавен обвинител до судијата на претходна постапка од Основниот суд во Битола достави предлог за определување мерка притвор за осомничениот. Оценувајќи дека предлогот е оправдан и законски основан, Судот определи притвор во траење од 30 дена.

Македонија | пред 1 година

Вангелов од СДСМ: Каде одиш СДСМ? Не бе другари, вака не бива, срамота!

Ѓошо Вангелов, долгогодишем и виден член на СДСМ, поранешен советник во општина Центар, на ФБ го изрази своето незадоволство од внатрепартиските случувања. Револтиран е и од молкот на вчерашната седница.Еве што напиша Вангелов:Каде одиш СДСМДраги пријатели драги сопартијци, следам деновиве кој се искажува амбиција да ни ја води партијата и се чудам сите до еден беа дел од раководството или носители на некои државни функции т.е. дел од екипата што не доведе до ова дереџе, и види сега истите тие ќе не оправале.Не бе другари вака не бива и затоа ме носи една мисла и јас и многу како мене што посветиле добар дел од својот живот за градење на оваа паргија да се кандидираме па кад је бал нек је маскенбал .Со оглед на тоа што познавам сопартијци за кои сум на мислење дека се покадарни да не вратат на пиедесталот на политичката сцена а не покажуваат амбиција, не знам дали се плашат да го земат во раце жешкиот костен или не сакаат да си го расипат својот комодитет и се чуваат за некое идно време можеби треба да го почнеме овој циркус па белки некој ќе се одважи .Гледајки ја денешнава седница на парламент се разочарав. Нашиве пратеници не ја искористија можноста жестоко и аргументирано да дебатираат и да ги раскринкуваат предизборните лаги на ВМРО. Дали поентата да станеш пратеник е поради имунитегот и платата или да и дишеш во врат на власта - Срамота.

Македонија | пред 1 година

Се сликаа за ФБ, земаа дневници, но пратениците на СДСМ ја одмолчеа цела конститутивна седница

Новоизбраните пратеници на коалицијата за Европска иднина, предводена од СДСМ буквално ,, уста не отворија” на конститутивната седница.Тактика или немаа што да кажат 18-те народни избраници за верификација на мандатите, изборот на две комисии, дали треба во две општини предвремени локални избори, дали Талат Џафери кој е избран пратеник може до изборот на нов да биде премиер. Немаа став ниту за предлогот за избор на Африм Гаши за спикер.Можеби како власт се преморија па и за нив дојде живот и време да пододморат.Андреј Петров долгогодишен функционер од СДСМ и Стефан Богоев, кој е можен кандидат за лидер на партијата, ова не го премолчеа и жестоко ги искритикуваа новоизбраните пратеници.,,Срам ме изеде од однесувањето на СДСМ на денешната седница, затоа што никој не стана и не кажа збор. Опозицијата треба да биде конструктивна, но работата на пратеникот во парламентот е да зборува на говорница. Ако некој нема намера да зборува на говорница, место да поднесува оставки од партиски органи, нека поднесе оставка од пратеничкиот мандат“, изјави Петров во гостување на Сител.Стефан Богоев се огласи преку социјалните мрежи:,,Пратениците треба да знаат дека се избрани од народот за во Собрание да аргументираат и дискутираат, а не да се сликаат и да молчат. Особено на седници на кои се формира владејачко мнозинство и се избира претседател на Собранието. СДСМ треба да има конструктивна, но пред сѐ корективна и проактивна улога во Собранието, Тоа мора да биде така од самиот почеток. Во спротивно, други партии ќе го преземат опозицискиот простор“, напиша Богоев на својот ФБ.

Македонија | пред 1 година

Потписи од 75 пратеници за предлогот Африм Гаши да биде избран за претседател на Собранието

Африм Гаши, досегашниот претседател на Алтернатива е единствениот кандидат за собраниски спикер.Тој е подржан од 75 пратеници од ВМРО-ДПМНЕ, Коалицијата „Вреди“ и Движењето ЗНАМ.Пратениците од коалицијата ,, Европски фронт“, предводена од ДУИ ја напуштија собраниската сала.Борислав Крмов од Левица жестоко се спротивстави на предлогот Африм Гаши да биде нов претседател на Собранието тврдејќи дека во изминатите четири години не зел збор ниту еднаш.Според него Гаши ќе биде полош како спикер на Собранието и од Талат Џафери, бидејќи не ни знае во што се впушта.,,Колку пратеници ви требаат ако 61 не ви се доволни за да ја земете најважната позиција во државата”, ги праша Крмов ВМРО-ДПМНЕ.

Македонија | пред 1 година

Африм Гаши избран за нов собраниски спикер

Африм Гаши со 76 гласа за и 6 против е избран за претседател на Собранието на Република Северна Македонија.Тој доби поддршка од пратеници од ВМРО-ДПМНЕ, Коалицијата „Вреди“ и Движењето ЗНАМ.Пратениците од коалицијата „Европски фронт“, предводена од ДУИ ја напуштија собраниската сала.Гаши свечената изјава ја даде како претседател на Собрание на Република Северна Македонија.Тој е осум години во Собранието и има трет пратенички мандат.

Македонија | пред 1 година

Апасиев: Не сте вмровци ако не ја збиберите од почеток

Денеска Собранието ги верификувашњ мандатите на 118 пратеници, додека за 2 мандата дополнително треба да се расправа поради приговори во ДИК од прегласувањето.Жестоко е во собраниската сала.Пратеникот на Левица, Димитар Апасиев, праша како Билал Касами, инаку избран пратеник и градоналник може да се откаже од мандат, ако го нема.Не сте вмровци ако не ја збиберите од почеток. Не соодветствува со вашиот извештај. Да видиме каде сѐ погрешивте со верификувањето на мандатите”, рече Апасиев и толкуваше дека градоначалникот на Тетово Биљал Касами немал право на своја рака да даде изјава дека се откажува од пратеничкиот мандат, туку тоа требало да го констатира Собранието, а не Верификационата комисија.,, Кога се кандидираме за пратеници, поднесуваме изјава до ДИК. Оваа изјава е неотповиклива до моментот на верификацијаа на мандатот. Значи не може да повлечете нешто што немате. Овие две изјави си ги потпишал Касами, сега се откажува од мандатот поради потреба. Која потреба? Сам се кандидираше за пратеник. Како можеш да се откажеш од нешто што го немаш?Вие како Верификациона комисија имате право да оспорите мандат, а не тој сам да си го оспорува. По сила на закон, сега треба да има избори во Тетово за да се бира нов градоначаалник, бидејќи по Извештајот на ДИК Касами има мандат за пратеник.Што вели деловникот за одземање на мандат? Пратеник може да поднесе оставка, но Собранието мора да ја констатира без претрес”, рече Апасиев.

Македонија | пред 1 година

Не може Талат Џафери да биде премиер ако му е верификуван мандатот за пратеник, реагира професорката Најчевска

,,Праааавнииициии, професорииии, реагирајтееееее.Талат Џафери не може да биде премиер ако му е верификуван мандатот за пратеник.Не може Талат Џафери сам да реши дека нема да ги врши работите на пратеник туку ќе ги врши работите на премиер.Уставниот суд мора да реагира на ова заради грубо нарушување на Уставот на Македонија.Еве, заради ова сакав да влезам во Собранието.Ама вие сакате да ве дупи Талат Џафери во здрав мозок.”, напиша Мирјана Најчевска.

Македонија | пред 1 година

Не може изјава да врати чекор наназад, вели Сиљановска за некористењето на „северна“

Не мислам дека изјава може да врати чекор наназад во односите, тие такви какви што се, а може да се добри кога ние навистина сме исчекориле во евроинтеграцијата, рече претседателката Гордана Сиљановска-Давкова за забелешките на Грција од каде реагираат дека не го користи уставното име Северна Македонија.„Ако го смените името врз основа на референдумско прашање, дали сте за членство во ЕУ и НАТО со прифаќање на Преспанскиот договор, тоа е обврска. Не само за нас. Референдумот не беше успешен, но Собранието го смени името. Колкумина луѓе познавате вие кои го смениле името? Односно не го смениле сами, туку им го смениле?“, рече Сиљановска-Давкова.Според неа, ситуацијата во која сме денеска не е win-win.„Ако некој мисли тоа што сме членка на НАТО ги решила проблемите, не мислам дека е така. Добро е што сме членка, но не е чекор напред, за да бидеме пред промена на Уставот, за да почнеме да преговараме“, додаде претседателката.Таа рече win-lose е ситуацијата.„Според тоа, логично би било сите сите да ги реализираат преземените обврски“, додаде Сиљановска-Давкова.

Македонија | пред 1 година