ТОП

Сиљановска-Давкова за венецот без името на државата: Не мислам дека е проблем и негирање на Македонија, немаше место за подолг напис

Претседателката Гордана Сиљановска-Давкова ги разбира забелешките на венецот кој го положи на гробот на сесловенските просветители, браќата Кирил и Методија без името на државата.„Лентите не се големи, разговаравме во Кабинетот имавме и различни мислења, на пример јас имав мислење дека може да биде Р.С. Македонија на пример, бидејќи немаше инаку простор“, рече Сиљановска-Давкова.Сепак, Кабинетот одлучил да стои само нејзиното име оти таа е на чело на делегацијата.„Не мислам дека е тоа е не знам каков проблем, негирање на државата и Македонија, се знаеше која делегацијата и ние. Тоа решение ни се чинеше дека е најдоброто“, додаде Давкова.

Македонија | пред 1 година

Апасиев: Даваме бланко поддршка, да не биде повторно косоваризиран македонскиот парламент

Лидерот на Левица, Димитар Апасиев, рече дека ќе ја поддржи ВМРО-ДПМНЕ ако Африм Гаши не биде собраниски претседател, а во Собранието се зборува само македонски јазик. Тој посочи дека противуставен е Законот за јазици по кој претходно Талат Џафери претседаваше со седниците на албански јазик.„Не ние би дале поддршка од нашите шест за да не биде претседател на Собрание. Отворено го повикуваме Мицкоски, бланко поддршка, на невидено, само за да не биде повторно косоваризиран повторно македонскиот парламент. Противуставно е да се зборува на друг јазик освен македонскиот кога се преседава со седница“, рече Апасиев.Тој додаде дека ако зборува на македонски, може да преседува.„Си ги гласавте патриотите тоа ќе ви биде реалноста“, додаде Апасиев.

Македонија | пред 1 година

Мицкоски за Апасиев: Се однесуваат како група на џанаци, ние дадовме бланко понуда, ама тој правеше планови за летување

Претседателот на ВМРО-ДПМНЕ, Христијан Мицкоски, коментирајќи ја изјавата на лидерот на Левица, Димитар Апасиев дека ќе даде бланко поддршка за проектите ако Африм Гаши не биде собраниски претседател, рече дека таа партија се однесува како група на џанаци.„Димитар Апасиев имаше бланко понуда од ВМРО-ДПМНЕ пред изборите да се приклучи, тој одлучи да се посвети на плановите каде ќе ужива летото дали на Хургада или друга грчка плажа. И како што еден од неговите поранешни сопартијци вика дека тие се група на џанаци, така и продолжува да се однесува“, рече Мицкоски.Во тек е конститутивната седница на новиот собраниски состав.

Македонија | пред 1 година

Димитриевски се најави како партнер на ВМРО-ДПМНЕ: Нема договор за кадровски решенија меѓу ЗНАМ и ВМРО-ДПМНЕ

ЗНАМ нема договорено кадровски решенија, соопшти лидерот на движењето Максим Димитриевски. Тие велат дека засега разговараат само за платформи.„ЗНАМ очекува од овој парламентарен состав, многу. Како потенцијален партнер во идната власт ќе дадеме допринос во политичкото делување. Разговараме за имплементанција на нашите програмски определби во идната власт“, рече Димитириевски.Тој посака среќа на новиот парламентарен состав.

Македонија | пред 1 година

Хоспитализирани уште три лица со голема кашлица, вкупно 631 случај во државава

Од 17 до 23 мај, пријавени се 34 нови случаи на голема кашлица, со намалување од 22,7 отсто споредено со претходниот седмодневен период, кога беа евидентирани 44 новозаболени. Од новите 34, три случаи се хоспитализирани, покажуваат податоците од најновиот извештај на Институтот за јавно здравје (ИЈЗ), објавен изутринава.Во однос на географската дистрибуција, најголем дел од случаите се пријавени во рамките на епидемијата во Скопје - 27, а пријавени се и четири случаи од Тетово и по еден од Прилеп, Кичево и од Велес. Возраста на заболените се движи од еден месец до 73 години. Најголем број случаи се од возрасната група под една година и од пет до девет години.-Заклучно со 23 мај, во Република Северна Македонија се регистрирани вкупно 631 случај на голема кашлица, со инциденца од 34,4/100.000 жители. Тоа претставува неколкукратно зголемување на бројот на заболени во однос на изминатиот петгодишен период - од 2019 до 2023 година, кога се регистрирани вкупно 10 случаи. Дистрибуцијата на случаите по однос на место на живеење покажува дека најголем број лица живеат во Скопје - 507 или 80,3 проценти со зафаќање на седумнаесет различни општини. Во рамките на епидемијата во Куманово, пријавени се 35 заболени лица или 5,5 отсто. Случаи се пријавени и во други 17 градови низ државата, се наведува во извештајот на ИЈЗ.Дистрибуцијата по пол покажува дека 297 лица се од машки, а 334 од женски пол.- Епидемиската крива укажува дека појавувањето на нови случаи на голема кашлица започнува во првата недела од 2024 година. Согласно податоците од евиденцијата на пријавувањето - за седмодневен период од понеделник до недела, се забележува континуиран пораст на бројот на случаи на неделно ниво, до 12-та недела. Од 12 до 21-ва недела, бројот на пријавени случаи флуктуира, забележуваат од Институтот.Од вкупниот број заболени, хоспитализирани се 90 лица или 14,3 проценти. Од нив, 75 или 83,3 отсто - на возраст до четири години. Најголем број од случаите - 60 или 66,7 проценти се хоспитализирани во УК за белодробни заболувања кај деца во Козле. Од вкупниот број хоспитализирани лица, 85 се испишани. Во просек, заболените биле хоспитализирани по девет дена.- Во тек се две епидемии пријавени во ниво на територијата на Скопје и на Куманово. Од вкупниот број регистрирани случаи - 631, 379 односно 60,1 отсто не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани - 201, просек на поминато време од последната доза вакцина до заболување изнесува 12,4 години, заклучуваат од ИЈЗ.Од 18 јануари до 23 мај дадени се вкупно 49.934 дози вакцина со компонента против голема кашлица.

Македонија | пред 1 година

Конститутивна седница на 11-от парламентарен состав

Во Собранието течат последните подготовки за почеток и нормално одвивање на конститутивната седница.Според Деловникот, кој беше изгласан при крај на претходниот состав, седницата ќе трае најдолго три дена, а со неа до изборот на нов спикер ќе претседава највозрасниот пратеник. Тоа е 66 Мерита Колчи Коџаџику од коалицијата Вреди.Од оваа коалиција доаѓа и кандидатот кој ќе биде предложен за спикер, Африм Гаши, досегашниот лидер на Алтернатива.Од 120 пратеници, на седницата ќе присуствуваат само 118 чии мандати се веќе потврдени од Државната изборна комисија и им се издадени уверенија. За два мандати за кои се прегласуваше минатата среда уште течат жалбените постапки.Најбројна е пратеничката група на коалицијата „Твоја Македонија“ предводена од ВМРО-ДПМНЕ – 58, потоа коалицијата За европска иднина предводена од СДСМ до 18 пратеници, коалицијата Европски фронт предводена од ДУИ исто така има 18 пратеници, коалицијата „Вреди“ 14, а Левица и ЗНАМ имаат по шест.

Македонија | пред 1 година

Африм Гаши нов спикер, го остави претседателското столче во Алтернатива

Африм Гаши поднесе оставка од функцијата претседател на Алтернатива бидејќи и самиот потврди дека е кандидат за претседател на Собранието.Изборот ќе се изврши денес а потребни му се 61 глас. Според новиот Деловник кој стапува на сила од денес, нема да има маратонска дебата, туку максимум три дена.На последната седница на Централното собрание на Уставот пропишал дека спикерот не може да извршува партиска функција, и затоа Гаши ја поднесе оставката од функцијата претседател на Алтернатива и од сите други функции на партијата.Гаши го овласти потпретседателот Беким Сали да ги извршува формалните обврски на партијата до изборот на нов претседател на Алтернатива.

Македонија | пред 1 година

Хирург од Воена болница: Не знам како на друг начин да го опишам ова освен лудило

Ортопедски хирург во Општа градска болница - Скопје, 8-ми септември Скопје (стара Воена болница), Александар Каревски, алармира дека 10 дена има хаос во здравството откако салите на Клиничкиот центар „Мајка Тереза“ се вон функција. Тој бара да се спасат пациентите и предлага решение, а потоа да се бара кој е крив.„10 дена хаос, неодговорност и не знам како на друг начин да го опишам ова освен лудило. 10 дена се бара кој е крив а проблемите никој никој не ги решава. Сакате решение? Пратете инструментарки, материјали и останат среден персонал од клиниките кои немаат сали затоа што и ние сме виртуозно изменаџирани па ние "секундарната" 8ми Септември ќе ги згрижиме пациентите.Ставете го стационарот на клиниките на наше располагање за веќе оперираните пациенти за кои не треба кислород и ќе имаме места.Спасете ги пациентите а после барајте си кој е крив. А важно е да се најде кој е крив, само да не ви треба огледало за истото?Морам да ги спомнам и колегите од Св Наум Охридски кои се на истиот удар и колегијално со нас се договараат и успеваме некако да издржиме“, напиша доктор Каревски.

Коментари | пред 1 година

Принудно слетување на македонските одбојкари, гром удрил во авионот со кој патувале

Одбојкарската репрезентација на Македонија денеска се соочила со непријатна ситуација, бидејќи при летот од Цирих кон Скопје во авионот удрил гром, објави Екипа.Поради ова, пилотот решил веднаш да се врати назад во Цирих каде принудно слетал. Нашите одбојкари се сместени во хотел и утре наутро со нов лет ќе тргнат кон Скопје.„Навистина неверојатна ситуација, додека летавме со авионот удри гром во него и пилотот реши да се врати во Цирих. Не беше пријатно кога слушнавме што се случи, видовме силна светлина во непосредна близина“, вели за ЕКИПА капитенот Никола Ѓоргиев.

Спорт | пред 1 година

(Видео) Посетителите дома, дивиот Луна парк под клуч: забавата заврши кратко по јавниот аларм

За помалку од еден час откако „Скопје1“ објави дека дивиот „Луна парк“ е отворен и работи на диво, тој беше затворен за посетители. Околу 20 часот, реквизитите беа вон функција, на раскрсницата стоеше полициско возило со уклучени ротирачки светла, а постителите заминуваа. „Скопје1“ побара одговор од МВР, дали нивните инспектори имале нова интервенција, но не добивме одговор.Работата, па исклучувањето на паркот доаѓа откако пред шест дена, полицајци беа на терен и наложија паркот да биде затворен целосно. „Од страна на инспекциските служби изготвени се Записници за констатирана состојба додека од страна на овластен градежен инспектор од Општина Карпош поведена е постапка за констатираните неправилности, по што ке бидат преземени конкретни мерки во насока на отстранување на истите, престанување со вршење на активноста, како и дислоцирање на реквизитите“, соопштија од Министерство за внатрешни работи.Од Општина Карпош на чија локација е овој рингишпил негираат дека е издадена било какво одобрение за негово функционирање затоа што како што појаснуваат општината нема надлежност за издавање на вакви одобренија. Од општината ги повикуваат МВР, УЈП И Пазарен инспекторат да делуваат на овој случај.„Очигледно се работи за насилник за кого законските процедури не важат, па според тоа надлежните државни институции треба најостро да го санкционираат, имајќи предвид дека ги нема потребните одобренија да ја врши оваа дејност на предметната локација“, соопштија од Општина Карпош.

Скопје | пред 1 година

ИО на СДСМ: На 30 јуни непосредни внатрепартиски избори за избор на претседател на СДСМ

На денешната седница Извршниот одбор на СДСМ донесе Одлука за распишување вонредни внатрепартиски избори за претседател на СДСМ на 30 јуни 2024 година (недела), по повлекувањето од функцијата на претседателот Димитар Ковачевски.Согласно роковите во Статутот на партијата ќе има доволен период за подготовка на кандидатурите и програмите, претставување на кандидатите пред членството и активна регистрација.На седница којашто ќе се одржи в четврток, 30 мај 2024 година Централниот одбор на СДСМ треба да го усвои Правилникот за критериумите, начинот и роковникот за спроведување на постапката на највисоко демократско ниво од страна на Централната изборна комисија.

Македонија | пред 1 година

(Видео) Новинарите добија нов колега-министерот за здравство наместо одговори имаше прашања

Илир Демири, министерот за здравство, по една недела молк излезе на прес конференција за да каже зошто се затворени хируршките сали во Клинички центар.Не лоцирајќи конкретна одговорност, Демири ја откри професијата која најмногу му лежи.Наместо да одговара на новинарски прашања за колапсот и хаосот, тој се обиде да им го земе лебот на новинарите. И тој, иако е предложен од политичка партија за министер, не ја научил основната лекција дека треба да одговараат на прашања кои се од интерес за јавноста, а не да се расправа и да им поставува прашања на новинарите?Па, на секое нивно прашање имаше контра-прашање.Не му беше јасно и побара одговор зошто би ја сменил економската директорка, Бесија Иљази која не знае македонски јазик, не е редовна на работа и против која протестираа лекарите од оваа Клиника.„Зошто да ја разрешам? Сте се фатиле околу Бесија. Таа не ги вработила тие 18 лица, туку се вработени во 2023. Каде бевте вие и останатите директори и министрите да кажувате за квалитет и неквалитет? Зошто дозволувате тие луѓе да се на список на дежурства и смени, а месец дена пред изборите, реагирате зошто се вработени”, ги праша министерот новинарите.Од нив бараше одговори до каде е изградбата на Клинички центар, болницата Штип, модуларните болници.Ги подучи новинарите:„Драги мои новинари, бидете коректни, не се занимавајте со цевки во парното, занимавајте се со суштински работи. Не се занимавајте со луѓето кои се оставени без леб, туку кој ги остави без леб. Спротивно поставете ги прашањата”.Се налути и зошто податоците од ДСЗИ ги добиваат новинарите пред министерот.

Македонија | пред 1 година

(Видео) „Циркузот“ во Карпош продолжува: Реквизитите работат, наместо да се демонтираат иако се нелегално поставени

Импровизираниот и див „Луна парк“ во Карпош веднаш до салата „Борис Трајковски“, наместо демонтажа, денеска непречено работи. На раскрсницата од булеварот има полиција, која не ја попречува работата. За исто време, децата се забавуваат на реквизитите за кои нема никаква дозвола за поставување.Ова доаѓа откако пред шест дена, полицајци беа на терен и наложија паркот да биде затворен целосно.„Од страна на инспекциските служби изготвени се Записници за констатирана состојба додека од страна на овластен градежен инспектор од Општина Карпош поведена е постапка за констатираните неправилности, по што ке бидат преземени конкретни мерки во насока на отстранување на истите, престанување со вршење на активноста, како и дислоцирање на реквизитите“, соопштија од Министерство за внатрешни работи.Од Општина Карпош на чија локација е овој рингишпил негираат дека е издадена било какво одобрение за негово функционирање затоа што како што појаснуваат општината нема надлежност за издавање на вакви одобренија. Од општината ги повикуваат МВР, УЈП И Пазарен инспекторат да делуваат на овој случај.„Очигледно се работи за насилник за кого законските процедури не важат, па според тоа надлежните државни институции треба најостро да го санкционираат, имајќи предвид дека ги нема потребните одобренија да ја врши оваа дејност на предметната локација“, соопштија од Општина Карпош.

Македонија | пред 1 година

Гаши ќе биде гласан за собраниски претседател, не сака да го споредуваат со Џафери: Ќе ја вршам функцијата достоинствено!

Африм Гаши се повлече од функцијата претседател на Алтернатива и ќе биде кандидиран за претседател на Собрание, потврдува тој за „Скопје1“. Одлуката ќе биде во рацете на пратениците кои ќе треба да одлучат дали предлогот ќе биде прифатен.„Нормално дека ќе биде предизвик, тоа ќе биде важна функција. Дали ќе бидам подобар од Талат Џафери ќе кажат граѓаните. Не ми е важно дали ќе бидам подобар од некого, туку да ја извршам функцијата достоинствено и квалитетно, за граѓаните да бидат среќни. Не би сакал да се споредувам со никого“, рече Гаши за „Скопје1“.Тој додаде дека негова заложба ќе биде и почитувањето на Деловникот на Собранието, нешто на што имаше замерки кога со Собранието раководеше Талат Џафери.Предлогот Гаши да биде претседател на Собранието ќе дојде од ВМРО-ДПМНЕ, со што официјално ќе се потврди коалицијата со ВРЕДИ. Се шпекулира дека следен министер за здравство ќе биде Арбен Таравари, исто од коалицијата ВРЕДИ.„Скопје1“ објави и како ќе тече конститутивната седница која е закажана за утре во 11 часот во Собранието.

Македонија | пред 1 година

Нов состав, нов спикер, утре во 11 часот конститутивна седница на 11-от Парламенет

Утре во 11 часот започнува конститутивната седница на новиот собраниски состав, 11 ти во независна Македонија.На почетокот ќе се избере верификациона комисија за верификација на 118 мандати, потоа Комисија за избори и именувања која ќе предложи претседател а потоа ќе се гласа за добранискиот спикер.До изборот со седницата ќе претседава најстарата пратеничка Мерита Колчи-Коџаџику.Според новиот Деловник кој долго се договараше оваа седница може да трае само три дена е ограничена на најмногу три дена, согласно новиот Деловник. Ова е една од клучните измени со што ќе се избегнат настани како ,, Крвавиот четврток”, филибастерингот, злоупотребата на европски знаменца.Според досегашните резултати, ВМРО-ДПМНЕ и коалицијата Твоја Македонија имаат 58 пратеници, СДСМ и коалицијата За европска иднина 18 пратеници, ДУИ и коалицијата Европскиот фронт 18 пратеници, коалицијата Вреди 14 пратеници и партиите ЗНАМ и Левица кои имаат шест пратеника.По конституирањето на новото Собрание, почнуваат да течат роковите за формирање на влада.Гордана Сиљановска-Давкова, е должна во рок од десет дена да го додели мандатот за состав на идната Влада на кандидатот на партијата, односно партиите што имаат мнозинство во парламентот.Согласно роковникот, мандатарот, новата влада треба да ја состави и предложи во рок од 20 дена.Мицкоски веќе изјави дека нема само 58 пратеници на коалицијата Твоја Македонија, што ги освоија на изборите, туку 61 пратеник и со тоа и мандат за состав на влада.

Македонија | пред 1 година

„Многу сум загрижен за нефунцкионирањето“ - кислородната мрежа на Клинички ќе се проверува дел по дел

Дел по дел треба да се испитува кислородната мрежа во Клиничкиот центар, за да се утврди од каде доаѓа смрдеата која стига до салите за операција. Ова го кажа министерот за здравство, Илир Демири. Тој кажа дека е многу загрижен и бидејќи нема бекап.„Огромна мрежа е, треба да се испита дел по дел. Јас сум многу загрижен за нефункционирањето. Иако тешките случаи ќе се интервенираат, со помош на надворешните компресорски единици ставени во КАРИЛ. Јас не сум министер четири години туку два месеци, го правам максимумот за да го решам проблемот. Ги имам сите ресурси ангажирано, и дадов налог без разлика на цената да се реставрира целата компресорска станица“, рече Демири.Тој кажа дека би ги разрешил сите директори на Клинички центар, а имаше и забелешка на бројот на директори.

Македонија | пред 1 година

Разрешен Шокаровски од директорската фотелја на Кардиохирургија: Пациенти прегледувани без да ги има во систем, лоши меѓучовечки односи меѓу песоналот

Разрешен медицинскиот директор од Клиниката за кардиохирургија, Марјан Шокаровски. Министерот за здравство, Илир Демири, кажа дека преку ред биле пуштани лица во Клиниката, а не биле внесувани во системите. Според него, таму и натаму има нарушени меѓучовечки односи.„170 лица не биле внесени во Мој термин. Денеска одлучив да го суспендирам медицинскиот директор Шукаровски. Крајно нарушените меѓучовечки односи е втората причина за ваквата одлука. Бидејќи сум министер во заминување сакав ова да го одложам, за наредниот министер.. Таму треба директор да биде експерт од надвор“, рече Демири.Д-р Шокаровски е супспецијалист по кардиохирургија, завршена во Универзитетски клинички болнички центар- Загреб, Хрватска со повеќегодишно хируршко и академско искуство во оваа област, раководител е на оперативниот блок, ангажиран е и како асистент на Медицински факултет-Скопје. Тој е дел од тимот на досега извршените трансплантации на срце во нашата држава, вклучен и во иновативните хируршки интервенции на срце со минимален инвазивен пристап. Исто така се едуцирал во повеќе земји, како Германија, Австрија, Англија, Франција, Бугарија, Србија и присустувал на голем број меѓународни конгреси, се наведува во соопштението од Министерството за здравство.Доктор Шокаровски дојде на местото на кардиохирургот Јовев.?si=-HrzpIYbwG1A6xGp

Македонија | пред 1 година

Смрдеата низ станиците за кислород на Клинички присутна: не се знае која е причината, необјасниво е што се случува

Министерот за здравство, Илир Демири, кажа дека 8-9 дена има проблем со кислород станиците во Клиничкиот центар кои се користат при оперирање на пациенти. Не знаат од каде доаѓа проблемот. Присутна е миризба, а за Демири е необјасниво што се случува и која е причината за проблемот. Тој јавил и во Обвинителството да проверат за што станува збор.„Некаде пред 30 години се градени, точно 30 години е компресорската станица. Пред месец дена имаше хаварија во компресорската станица кога се расипа еден од компресорите и доведе до влегување на улје во тие цевки, па тој компресор е изваден од финкција, Клиниката функционираше со два компресори, имаше технички преглед од независни фирми. Хибербарната комора ја извадивме од функција. Побарав од менаџерите да поднесат барање за сервисирање на компресорите“, рече министерот и додаде:„Пред 8-9 дена имаше исти проблем, без да има хаварија во системот, едноставно има лоша миризба во дистрибутивната мрежа на кислород. Ги повикавме независните фирми, спроведоа испитување, а во Северна Македонија нема лиценцирана компанија за лиценцирање за квалитетот на испорачување на гласови. Побаравме странска компанија и испратени се мостри во Германија. Од двете компании не нашле никаков недостаток во квалитетот на гасови, освен што има зголемена влага. Препорачаа промена на филтри во компресорските станици“.Според Димири, ќе се користат надворешни компресори се додека не се најде конкретно решение за постоечките кои ги има Клинички.

Македонија | пред 1 година

Опериран и стабилен е вториот пукан на „Пластичарска“, на местото траги од крв и демолирано возило

Второто лице повредено на „Пластичарска“ со иницијали Т.А. кој има 24 години, е оперирано. Тој е во стабилна состојба по извршената интервенција. Неговото закрепнување ќе продолжи во болница, пред да биде пуштено на домашно лекување.Засега нема информации за состојбата на третото повредено лице, а станува збор за 19-годишниот О.Б. Тој беше пренесен во Ургентниот центар на Комплекс клиники „Мајка Тереза“, заедно со пејачот Амар Исмани кој не го преживеа пукањето.Инцидентот започнал со расправии, па прераснал во физичка пресметка со употреба на огнено оружје.На местото каде се случило пукањето, има траги од крв, искршено возило марка „алфа“, како и лични работи на сега повредените и починатиот.Обвинителството соопшти дека се издадени наредби за собирање на докази.

Скопје | пред 1 година

Ова е убиениот пејач синоќа во пукањето на Пластичарска

Пејачот Амар Исмани е загинатиот 29-годишник во пукањето кое синоќа пред полноќ се случи на Пластичарска.Инцидентот започнал со расправии, па прераснал во физичка пресметка со употреба на огнено оружје. Вкупно три лица биле хоспирализирани.Амар Исмани беше пејач со многу популарни видеа, поставени на видео-платформата јутуб.

Скопје | пред 1 година

Сообраќајка на патот Штип – Кочани, сообраќајот во прекин

Поради сообраќајна несреќа денеска од 7:40 часот сообраќајот на експресниот пат Штип – Кочани е во прекин, соопшти Авто мото сојузот на Македонија.Сообраќајот на државните патишта се одвива непречено, по претежно суви коловози.Интензитетот на сообраќај на патните правци надвор од градските средини е умерен.На граничните премини од македонска страна, нема подолги задржувања за влез и излез од државата.

Македонија | пред 1 година

Времето денеска: Сончево и топло, попладне со пороен дожд и грмежи

Времето денеска ќе биде сончево со мала до умерена облачност. Ќе дува слаб до умерен северен ветер. Попладне, претежно во западните делови ќе има локална нестабилност со пороен дожд и појава на ретки грмежи. Дневните температури ќе се движат од 16 до 28 степени.Во Скопје сончево ќе дува слаб северен ветер. Дневната температура ќе достигне до 27 Целзиусови степени.

Македонија | пред 1 година

Еден починат, двајца ранети во пукање на Пластичарска

Вчера вечер на улицата позната како „Пластичарска“ се случи тежок инцидент, во кој едно лице почина а најмалку двајца се ранети. Убиениот е познат музичар.Започнало со масовна тепачка помеѓу повеќе лица, по што почнало пукање од огнено оружје.Во 23:40 пријавено е дека на булевар Никола Карев, познат како Пластичарска улица има пукање каде има повредени лица.Повредените биле итно пренесени во скопските болници. На лице место беа излезени екипи на Јавното обвинителство и на МВР.

Скопје | пред 1 година

Парада на гордоста во Скопје: на 22 јуни ќе се маршира со слоганот „спектакуларно непослушни“

Под слоганот „Спектакуларно непослушни“, во паркот „Жена борец“ во Скопје на 22 јуни оваа година ќе се одржи петтата парада на гордоста.Најавено е дека рутата ќе биде иста како и изминатите години и се очекува да биде обезбедено високо ниво на безбедност. Инаку под ставката „Фестивал на квир култура – викенд на гордоста“ оваа година за нив министерството за култура одобри 287 илјади денари.Извршната директорка на Хелсиншкиот комитет за човекови права, Уранија Пировска посочи дека досегашните четири изданија поминале во најдобар ред, биле регистрирани само 2 инцидента по завршувањето на парадите од кои за еден имало отворено постапка за говор на омраза.Според организаторите парадата била битна поради тоа што маргинизираните групи биле видливи само тој ден.Програмскиот директор на ЛГБТИ Центарот за поддршка Кочо Андоновски на прес-конференцијата посочи оти очекува годинешната Парада да биде една од најдобрите и најпосетените настани, како и во претходните години, во Скопје.-Оваа година слоганот на главната порака на Парадата е „Спектакуларно непослушни“. „Непослушни“ – затоа што ние сме непослушни и сакаме да ја реафирмираме таа наша опозиција на патријархот кој владее веќе доста векови, а „спектакуларно“ – како едно обележје на самата заедница која е забележителна и како петти Прајд, додаде Андоновски.

Скопје | пред 1 година

(Видео) „Шутка е хотел за Идризово“ - затвореници искасани од инспекти, спијат по ходници, тешко доаѓаат и до душеци

„Затворот во Шутка е хотел за стариот дел на Идризово“, со оваа реченица, затвореник сместен во т.н. „Амбуланта“ во најголемиот затвор во Македонија ја опишува состојбата во која издржува казна. Тој во подкастот „Претрес со Ландов“ во живо комуницираше со јавноста на која и укажа дека ако во затворот „Скопје“ има супстандардни услови, во Идризово е далеку полошо. Заменик-народниот правобранител, Јован Андоновски во подкастот кажа дека затвореници спијат по земја, некои не добиваат ниту навремено душеци, сместени се по ходници.„Нашите претставници од Националниот превентивен механизам беа сведоци на една ужасна глетка, а тоа е лица кои биле искасани од тафтабити по цело тело, тоа се инсекти, и кои што во моментот кога им требало помош немало медицинско лице за да им укаже помош. Сметам дека ова е загрижувачки. Односнот кон притворениците и затворениците е понижувачки и деградирачки. Тоа нема меѓународен и домашен извештај што не го констатира“, вели заменик-народниот правобранител Јован Андоновски во подкастот „Претрес со Ландов“.Тој сподели и други фрапирачки детали во однос на нечовечките услови во кои затврениците во македонските затвори поминуваат долги години.?list=PLm6WbTW4gkMm9SA3GYzjLPE0VWu1c-A7d&t=5467

Македонија | пред 1 година