ТОП

ВМРО-ДПМНЕ: Во 2017 бил ангажиран во угостителството, со што заслужил Зуљхајрат Демири да биде директор на МЖ Транспорт

ВМРО-ДПМНЕ на социјалните мрежи објави фотографии од новиот директор на МЖ транспорт, за кој тврдат дека работел како келнер.„Повторно штрајк на вработените во Железници!Кој е Зуљхајрат Демири, новиот директор на Македонски железници транспортОд пред некое време МЖ Транспорт АД Скопје има нов генерален директор. Како што влегуваат и излегуваат помалите албански партии во Влада, така им се дава местото директор на МЖ Транспорт АД. Очигледно дека оваа позиција е резервирана за нив, со цел нови партиски вработувања со кои се надеваат дека ќе го подигнат нивниот партиски рејтинг. Колку што можевме да изброиме ова е 7-ми по ред директор, во изминативе 7 години. Значи секоја година претпријатието си добива нов директор. Секој од нив, освен што го задолжува претпријатието и што вработува партиски несоодветни кадри, апсолутно ништо не прави.Ете тоа е концептот на СДСМ и ДУИ за железниците во Македонија.Поради штрајк на вработените веќе 4 дена возовите не возат, а никој мува не го лази. Ниту новиот директор излегол да објасни што се случува, ниту пак министерот Бочварски се засекирал. Се наближува 9 април јубилејот од 150 години железници во Македонија, а возови по пругите нема.Кога сме кај новиот директор Зуљхајрат Демири, трагајќи по неговата професионалната биографија која патем ја нема на официјалната веб страна на МЖ Транспорт, на социјалната мрежа фејсбук може да се најдат фотографии од 2017 год. по кои може да се заклучи дека бил ангажиран светот на угостителството“, стои во постот на Комисиите на ВМРО-ДПМНЕ.Од таму додаваат дека во недостаток на информации за неговата стручна способност се прашуваме кое образование, кои обуки, која стручна подготовка ја завршил и со што заслужил Зуљхајрат Демири да биде директор на Македонски Железници Транспорт?„Поради ваквиот однос кон железниците во Македонија имаме целосен распад на железничкиот систем. Затоа се потребни избори и промена на оваа расипничка антимакедонска и антиевропска власт“, велат од Комисиите на ВМРО-ДПМНЕ.

Македонија | пред 2 години

Мислам дека Милатовиќ е западна инсталација, вели Јакимовски

Градоначалникот на Карпош, Стевчо Јакимовски во утринското гостување на ТВ 24 зборуваше и за поразот на Мило Ѓукановиќ во Црна Гора и рече дека тој ја извел државата на прав пат и ја внел во НАТО.-Очигледно дека овие 30 години колку и да си добар предизвикува фрустрации и огромна негативна енергија кон него, како човек кој што континуирано владееше со Црна Гора. Прашање е дали ќе замине од политиката. Мислам дека ова е дел од договорот во Охрид, во кој што за да се релаксираат односите на Косово, српската заедница во Црна Гора исто време сериозно врши притисок врз Ѓукановиќ. Мислам дека новиот претседател Јаков Милатовиќ е западна инсталација, рече Јакимовски.

Македонија | пред 2 години

Цуцуловски ги подбра Мицкоски и ВМРО-ДПМНЕ: Кој ги овластил да менуваат Устав, макар бил налик на хрватскиот?

Професорот Љубомир Цуцуловски денеска ја подбра опозициската ВМРО-ДПМНЕ за изјавата на Христијан Мицкоски дека веднаш би поддржал промена на Уставот по хрватски терк.„Доследност? Првите луѓе на ВМРО – ДПМНЕ го остварија тоа што долго време го најавуваа – отварање на Уставот, меѓутоа не (како што тврдеа) според тогашните услови, туку според некои други услови. Условот да ти бил (види чудо!) Уставот на Македонија да биде сличен на хрватскиот. Сепак, остануваат истите прашања кои овие луѓе им ги поставуваа на сегашно-тогашната власт. Односно:(1) Кој ги овластил да менуваат Устав, макар бил налик на хрватскиот?(2) Дали промента на Уставот и влезот на „бугарското“ малцинство во него некогаш биле, сеедно кога, дел од некоја нивна предизборна кампања? Ако одговорот е позитивен, нека прецизираат која била таа предизборна кампања, бидејќи ако не го направат тоа, нивните гласачи/симпатизери ќе останат неинформирани за намерите на „нивната“ партија. – прашува Цуцуловски.

Коментари | пред 2 години

Адвокатот што поднел иницијатива до Уставен суд е вмровски, вели Апасиев

Лидерот на Левица, Димитар Апасиев, смета дека фамозниот адвокат кој поднел приватна иницијатива до Уставен суд да се укинат законските ограничувња и функционерите да земаат многу поголеми плати е близок до ВМРО-ДПМНЕ.„Левица поднесе три закони за намалување на привилегиите на функционерите (патни трошоци на пратеници, плати на судии, апанажа) и куп иницијативи пред Уставен суд за измислени функции без уставен основ.Пратениците на Левица се единствени со НУЛА денари патни трошоци и трошоци за службен стан или службени патувања.Ама, баце, Левица била крива шо Уставен суд донел одлука по иницијатива на некој вмровски адвокат - оти немала "соопштение"!?Тоа е! Не е крив Заев шо го шитна името, крив е Апасиев шо паркира пред зграда. Фала и кај вас. Борбата продолжува“, објави Апасиев.

Коментари | пред 2 години

Поради навреди на „Фејсбук“, Државниот архив пријави лице до МВР за говор на омраза

Доцна синоќа некаде околу 2 часот по полноќ, надвор од работното време на институцијата, Државниот архив на Република Северна Македонија објави дека го пријавува лицето Ристо Ангелов во полиција, за напишани навреди во коментар на „Фејсбук“ објава.„Да ви се мочам во северната, пи*да ви материна“, пишува во коментар Ангелов.За Државниот архив, ваквата комуникација претставува кривично дело.„Државниот архив го пријавува овој коментар на Ристо Ангелов до Министерството за внатрешни работи сметајќи дека е говор на омраза и девалцирање на владина институција која што професионално ги извршува своите задачи и обврски. Предлагаме соодветните органи да преземат мерки за санкционирање на ваквото однесување на индивидуата!“, информираат од институцијата.

Македонија | пред 2 години

Ковачевски инфлацијата и криминалот ги зголеми, но не заборави да си ја зголеми и платата, вели ВМРО-ДПМНЕ

Ковачевски инфлацијата и криминалот ги зголеми, но не заборави да си ја зголеми и платата, вели ВМРО-ДПМНЕ„Македонија со Ковачевски имаше најголема стапка на инфлација во регионот и во врвот на Европа, скоро 20% инфлација ги стопи примањата на граѓаните во последната година.Откако е СДС на власт стандардот на граѓаните е во континуиран пад, тоа што претходно можело да се купи со 500 денари, сега не може ниту со 1.000 денари.Залудни се сите фалби за некакво зголемување на плати, кога во реалноста куповната моќ опаѓа.Единствено што има пораст е криминалот, тендерите и платите на функционерите.Ковачевски додека замрзнува цени на макарони, и залажува со квази мерки на мала врата ќе си ја зголеми платата за 78%, како за него, така и за неговите министри и функционери.Потребни се коренити промени. Со Ковачевски на власт, народот ќе страда, а функционерите ќе се богатат“, се вели во соопштението.

Македонија | пред 2 години

Откако виде дека Ѓукановиќ ги губи изборите, Таче ја избриша пораката со поддршката што му ја даде преку видео обраќање, вели Милошоски

Пратеникот од ВМРО-ДПМНЕ, Антонијо Милошоски на социјалните мрежи објави статус во кој вели дека премиерот Димитар Ковачевски е лицемер.„Каков лицемер е Таче. За само 30 минути откако виде дека Ѓукановиќ ги губи изборите во Црна Гора, нелегитимниот Ковачевски ја избриша поддршката што официјално, како претседател на СДСМ, преку видео обраќање му ја даде на досегашниот три децениски владетел во Подгорица и каде на крајот вика за претседател “Мило, него ко”Мило за драго Таче; само ти појави се на избори“, стои во објавата.

Коментари | пред 2 години

Тинејџери силувале девојче, струмичанка помагала - страшни детали од Обвинителството

Основното јавно обвинителство Струмица донесе Наредба за спроведување истражна постапка против 21-годишна девојка за која постои основано сомнение дека помагала при сторување кривично дело – Силување на дете кое не наполнило 15 години, согласно член 188 став 2 во врска со став 1 од Кривичниот законик. За истиот настан, надлежниот јавен обвинител до судијата за деца при Основниот суд во Струмица поднесе Барање за поведување подготвителна постапка против две деца во судир со законот за кои постои основано сомнение дека извршиле дејствија кои со закон се определени како кривично дело – Силување на дете кое не наполнило 15 години.При новогодишна прослава во куќа на еден од малолетниците, осомничената, свесна за своето дело, им помогнала на две деца родени 2007 година, со употреба на сила, да извршат силување на девојче родено ​2010 година. Осомничената најпрвин ја поттикнувала и ја довела во алкохолизирана состојба жртвата, ја соблекла во една од собите, овозможувајќи им на двајцата малолетници да го силуваат девојчето, кое за цело време давало отпор. По целиот настан, осомничената и ја облекла облеката на жртвата и почнала да ја удира со клоци и шамари во пределот на главата.Надлежниот јавен обвинител до судијата на претходна постапка достави предлог за определување мерка притвор за осомничената. Предлогот е прифатен и судијата со решение и определи притвор во траење од 30 дена. За двете деца во судир со законот ќе биде предложена мерка согласно член 115 од Законот за правда на децата – ставање под надзор од Центарот за социјални работи.

Македонија | пред 2 години

Пронајдени се Аниса и Мелиса - МВР со детали каде се најдени

Полицијата ги пронајде двете исчезнати малолетнички, Аниса Ајро и Мелиса на подрачјето на Бит Пазар. Во моментот кога биле затекнати, околу 13.30 минути, тие биле во близина на продажен објект, во парк на улицата „Џон Кенеди“.„Од страна на полициски службеници од Полициска станица Бит Пазар пронајдени се малолетничките М.К.(15) и А.А.(12), за кои на 30.03.2023 во вечерните часови беше пријавено дека се оддалечиле“, велат од МВР за „Макфакс“.Оттаму посочуваат дека малолетничките ќе бидат предадени на родителите откако ќе се документира целиот случај. Со нив ќе биде направен и распит, преку кој, ќе треба да се дознае што се случувало со нив во изминатите два дена.Двете малолетнички за исчезнати беа пријавени на 30 март.„На 30.03.2023 во Полициска станица Бит Пазар во 20.30 часот Е.А.(38) пријавил дека се оддалечила неговата ќерка А.А.(12), а околу 22.00 часот Ѓ.О.(39) пријавил дека се оддалечила неговата ќерка М.К.(15). М.К. и претходно во повеќе наврати се оддалечувала од домот и била враќана назад. Се преземаат мерки за пронаоѓање на лицата“, претходно соопшти МВР.Семејството на Аниса Ајро од Гази Баба, од утринава, организираше и самоиницијативно потрага и бараше да се вклиучат што повеќе граѓани. Таткото во очај кажа дека чекаат било каква информација. По два часа, девојчињата беа најдени од полицијата.

Македонија | пред 3 години

Сообраќајка во Горно Лисиче, пет повредени - има и малолетнички

Пет лица се здобиле со повреди во сообраќајка несреќа што се случи вчера на крстосница од улиците Горно Лисиче Лисец  во скопската населба Горно Лисиче.Во несреќата учествувале Форд“, управуван од А.К.(24) од Скопје и „фиат“, управуван од С.К.(33) од Скопје.„Возачот А.К. се здобил со тешки телесни повреди, а возачот С.К. и неговите сопатнички М.К.(31) и две малолетни женски лица, сите од Скопје, се здобиле со телесни повреди, констатирани во Комплексот клиники Мајка Тереза“, соопшти МВР.Увид извршила екипа од СВР Скопје.

Скопје | пред 3 години

Арсовска фати да го враќа Ќосето пред судовите

Градоначалничката Данела Арсовска почнува со постапка за враќање на споменикот на Андон Лазов-Ќосето пред судовите во Скопје.Од општина Центар, за „Макфакс“ потврдија дека до нив е стигнато барање за отпочнување на процедура за враќање на Ќосето на крстосницата на која што претходно беше поставен.„Макфакс“ испрати и прашања до Град Скопје како произлегла идејата за враќање на споменикот и кои проблеми би се решиле со ваквиот исчекор, од каде очекуваме одговор.Споменикот пред пет години беше отстранет по барање на ексградоначлникот Петре Шилегов оти се работело за дивоградба.Ќосето, потоа, беше пренесен во магацин на „Металски завод-Тито“ во Скопје.

Скопје | пред 3 години

Ни трага ни глас од Аниса и Мелиса - аларм за помош од семејствата

„Аниса и Мелиса се уште не се пронајдени.. Секоја информација ќе ни биде од голема помош..Ве молам споделувајте ја фотографијата…. Најважно е да се споделува фотографијата и да допре до се поголем број на луѓе“, се вели во објавата на социјалните мрежи.12-годишната Аниса од Скопје е исчезната од завчера. Родителите кои го пријавиле случајот во полиција и на социјалните мрежи објавија повик за помош.Аниса во моментот на исчезнувањето носела црна јакна и кафеави панталони. Висока е околу 163 см.МВР го потврди случајот и посочи дека како исчезнато се води и другото постаро девојче со иницијали М.К. кое почесто исчезнувало од домот и ја враќале назад.Семејството на 12-годишната Аниса Ајро од Гази Баба, не добило никакви информации за нивната ќерка која исчезна пред 3 дена, пишува „Макфакс“Нејзиниот татко Енгин во очај вели дека досега никој ги нема контактирано да пријави некаква трага која ќе ги одведе во прегратките на нивното дете.Семејството на Аниса ги мобилизира сите пријатели и добри луѓе кои би можеле да им помогнат за заедно да пребаруваат, со надеж дека девојчето ќе биде најдено.

Скопје | пред 3 години

Најголемиот пораз на Македонија е всушност поразот на непрофесионалната дипломатија, вели Димитриевски

„Со потпишување на францускиот предлог и прифаќање на истиот направивме долгосежни последици по државата и по сите идни влади кои ќе дојдат во состојба да го решаваат овој предлог. Зошто? Затоа што еден предлог којшто беше билатерален го трансформиравме во мултилатерален проблем“. Ова вчера го истакна градоначалникот на општина Куманово Максим Димитриевски во гостувањето во „Само интервју“ на Канал 5 телевизија.Во емисијата, тој за првпат и ексклузивно напомена неколку можни решенија како да се надмине овој проблем.„Македонија отсекогаш била космополитска држава, која давала еднакви права и можности на сите граѓани. Нашиот Устав ги содржи сите етнички заедници кои постојат, за пописот во Куманово добив информација дека имаме околу 300-тини Бугари и веднаш го ставив бугарското знаме во кабинетот. Значи, не претставува никаков проблем за мене Бугарите да влезат во Уставот, но по одреден реципроцитет. Што тоа значи? Народот којшто ние го признаваме де-факто мора суштински да го признае македонскиот народ, не условено, туку без услов. Ние имаме своја историја, контиунитет, генеза, нашите предци постоеле како Македонци и нашите внуци и правнуци ќе постојат како Македонци. Мојот предлог е дека со официјална Софија како што носеше многу декларации досега во нивното собрание треба да донесе една нова декларација која ќе биде гарант за македонскиот идентитет, континуитет, македонската историја и едноставно ќе стави крај на сите тие шпекулации и тие негативни негирачки ставови кои доаѓаат од официјална Софија. Во политиката се е можно, но постои и план Б. Европската Унија нека донесе една таква одлука во своите највисоки тела и органи. Советот е во Парламентот. Доколку дозволуваат да се случуваат преседани тогаш истите треба и да ги менаџираат. Во овој случај Европска Унија може да ратификува еден таков документ којшто ќе го гарантира тоа што ние го бараме и потоа никој нема нас да не оспорува. Зошто? Ако вие ги вклучите Бугарите во Уставот во моментов, а всушност тоа се македонски граѓани со бугарска етничка припадност како што се нарекуваат и јас немам ништо против нив, тие се реалност и треба да бидат таму. Што ќе ви се случи утре кога ваш граѓанин жител на Македонија ќе дојде и ќе ви покаже со прст и ќе ви каже „Гоце ти не си Македонец, ти си Бугарин, јас го велам тоа“ како човек тука од Македонија. Затоа е потребен одреден реципроцитет за да се самозаштитиме, бидејќи јас не сакам да дозволам Македонија од прост вид да се трансформира во сложена“, рече Димитриевски.Димитриевски информираше дека има и план 3, којшто првично ќе им го соопшти на дипломатите, а потоа на јавноста.„Најголемиот пораз на Македонија е всушност поразот на непрофесионалната дипломатија којашто ја креираа децении наназад политичките субјекти со лошото менаџирање во овој ресор. Македонија ја изгуби оваа војна уште пред да почне на полето на дипломатијата. Успешните преговарачи не дозволуваат вакво потпишување на вакви договори бидејќи преговор е умешност, имате едно ниво лидер, второ ниво државник и третото највисоко ниво е дипломат. Зошто Јосип Броз по завршување на Втората светска војна ги остави сите дипломати од Кралство Југославија во служба на Федерална држава? Затоа што сакаше да изгради сериозна дипломатија и Југославија го имаше тоа. Ние од сериозна дипломатија ги оставивме дипломатите да решаваат еурека и судоку, а испративме партиски луѓе низ светот да не претставуваат коишто дури не знаеа ни англиски да зборуваат“, изјави Димитриевски.

Македонија | пред 3 години

Секој од судиите што учествувал во застарувањето е криминалец на исто рамниште со Мијалков, вели Најчевска

Јавната седница за „Титаник 2“ во скопска апелација се одложи за 13 април, а дотогаш гонењето на Мијалков застарува, по што на социјалните мрежи се огласи професорката Мирјана Најчевска.„Секој од судиите кои учествуваа во застарувањето на овој и сите други случаи на високи функционери е криминалец на исто рамниште со Мијалков.Се додека не се ослободиме од овие судии нема да можеме да мрднеме од дното.И секој висок функционер кој ќе спомне дека работи на владеење на правото и воспоставување на правната држава е криминалец кој шурува со Мијалков.Од прв до последен“, вели Најчевска.

Коментари | пред 3 години

Глувциве си ги зголемија за 78 отсто платите пред да им потоне бродот, за да имаат огромни апанажи, вели Грчева

Професорката Солза Грчева со жестока реакција на најавеното зголемување на платите на функционерите за 78 проценти, што би требало да следува по одлуката на Уставниот суд.„Глувциве пред да им потоне бродот, си одлучиле да си ги зголемат платите за 78 отсто. За да имаат огромни апанажи.А овој Уставен суд, во целиот состав ќе одговара!Ете ова е криминал во “високите ешалони на власта”“, напишала Грчева на својот фејсбук профил.

Коментари | пред 3 години

Мигрантот кој беше прегазен кај Блаце немал лични документи, не е вистина оти бил обезглавен

Мигрантот кој беше пронајден прегазен од автомобил и починат на магистралниот пат Скопје-Граничен премин Долно Блаце немал со себе лични документи, дознава „Макфакс“.Лицето не било обезглавено, како што објавија дел од медиумите, но има тешки повреди на главата.На улицата се видливи силни траги од кочење, а полицијата собира фотодокуметација од местото на несреќата.„Макфакс“ претходно објави дека мртвото тело на мигрантот лежело на магистралниот пат Скопје-Граничен премин Долно Блаце и се работи на утврдување на идентитетот на лицето.Засега не се знае кој го управувал возилото и го прегазил човекот.Извршен е увид од Јавен обвинител, а по наредба на Јавен обвинител телото на починатиот било предадено за обдукција.

Македонија | пред 3 години

Пукање во Кпиштец, едно лице загина

Во пукањето утрово кај Млечен ретосран во скопски Капиштец има една жртва, објави ТелмаНеофицијално, пукањето се случило во казиното „Вин Вин“. Наводно Н.А. (46) од село Арачиново им подлегнал на повредите.Од Министерството за внатрешни работи најавени се детели за пукањето од кое граѓаните се вознемирени утрово.

Скопје | пред 3 години

Додека братучедот на Груби гради дивоградба од 160м2, граѓаните немаат пари да си ја бојадисаат оградата на терасата, вели ВМРО-ДПМНЕ

Нема скандал во последните месец дена од кој не излегува на виделина името на Артан Груби, вели ВМРО-ДПМНЕ„Тоа само покажува дека овој човек заедно со Ковачевски се на врвот на една мафија на власт која умислила дека може да прави што сака, која ги злоупотребува функциите, крши закони и работи исклучиво во своја корист.Јавното обвинителство доколку сака да ги забошоти сите скандали за Артан Груби, ќе треба да користи цел шкаф за криење на досиејата, а не само една фиока. Последниот скандал во низата, е информацијата дека братучедот на Артан Груби без дозвола и без соодветна документација почнал со изградба на хациенда од 160м2. Изградбата на оваа дивоградба е прекината од страна на општината Бутел и тоа го изнервирало Артан Груби, па почна со манипулации и лаги да подгрева етнички тензии. Но оваа карта веќе не му поминува кај граѓаните, а најмногу кај Албанците, кои видоа за каков лик станува збор.Додека Груби и неговите блиски се богатат граѓаните едвај врзуваат крај со крај. Додека фамилијата Груби стекнува деловни простори и гради хациенди, обичниот граѓанин нема пари оградата на терасата да си ја бојадиса. Додека блиските на Груби стекнуваат хотели и добиваат лиценци за баждарење, стотици луѓе заминуваат во странство заради егзистенција. Додека Груби се радува на скандалозниот тендер од 22 милиони евра, половина милион луѓе живеат во сиромаштија.Ова мора да престане. Владата на Груби и Ковачевски мора да понесе одговорност за криминалите кои се прават“, се вели во соопштението.

Македонија | пред 3 години

„Со новото покачување од 78% на сите функционерски плати, станува атрактивна и за луѓето кои навистина поштено би ја работеле“, вели Беќаровски

Познатиот доктор Нико Беќаровски, на својот Фејсбук профил го напиша својот став за најавеното покачување на платите во здравството и на државните функционери.Еве што напиша тој:„Со новото покачување од 78% на сите ФУНКЦИОНЕРСКИ ПЛАТИ, оваа "професија" дефинитивно станува атрактивна и за луѓето кои навистина ПОШТЕНО би ја работеле.Со новото епохално зголемување на платите на докторите од цели 1,7-2,2 % оваа професија дефинитивно останува атрактивна само за луѓето кои НЕЧЕСНО би ја работеле.#ФункционерИлиЏерманијаДетИсДквешчнНау.#Халоо_ПЕЏА_унд_КАРАНФИЛ“, вели Беќаровски.

Коментари | пред 3 години

Јане Ченто: Шаманот од американскиот „27 април“ е ослободен откако се откри дека се криеле докази, и кај нас се монтираа докази, ама правда уште чекаме

Тоа е! Американски "27 Април" - шаманот кој беше најмногу осуден 3 години доби ослободување откако се откри дека тамошните правосудни органи криеле докази, вели Јане Ченто во својата објава на социјалните мрежи.„И кај нас се криеа и монтираа докази ама еве уште чекаме правда.На сите им е јасно дека ние сме осудени со во монтиран обвинителско-судски процес од Вилма Русковка и Добрила Кацарска.Ќе дочекаме можеби и ние да ги видиме пред лицето на правдата оние кои го монтираа овој процес.(Превод) Време е! Откако беше осуден на речиси 3 години затвор за ненасилни престапи, Канон Шаман е ослободен, 14 месеци порано, само неколку недели откако Такер Карлстон го емитуваше ослободувачкото видео на 6-ти јануари, кое неговите бранители тврдат дека никогаш не го виделе. Сега, потребна е одговорност за оние кои ги задржаа доказите за да го продолжат својот лажен наратив!Слободните медиуми може и ќе ја објават оваа информација“, вели тој.

Коментари | пред 3 години

Невкусно е во време на криза да се покачуваат плати на функционери, вели Пендаровски

Претседателот, Стево Пендаровски, изјави дека е невкусно во време на економска криза да се покачуваат платите кои се исплаќаат од државниот буџет.Во врска со одлуката на Уставниот суд со која се укинуваат одредби од Законот за плата и други надоместоци на избрани и именувани лица, тој ја повика Владата да предложи законско решение со кое ќе се регулира прашањето преку намалување на бодовите.Со одлуката на Уставниот суд за укинување на двата члена од Законот се овозможува зголемување на платите на избраните и именуваните лица за 78 отсто.Законот се однесува и на примањата на премиерот, претседателот, собранискиот спикер, министрите, но и сите заменици министри, градоначалници, директори во државни фирми и агенции, а во групата спаѓаат и уставните судии.Според пресметката на Синдикатот на управа, правосудни органи и здруженија на граѓани (УПОЗ), со оваа одлука платата на претседателот ќе скокне од 93.000 денари, на 165.000 денари. Платите на премиерот Димитар Ковачевски, и на претседателот на Собранието, Талат Џафери, ќе се зголемат на околу 2.500 евра, додека пак платата на министрите ќе изнесува околу 1.800 евра.

Македонија | пред 3 години

Борба за живот: Боки 13 го оперира тим од специјалисти

Во тек е операција на Бојан Јовановски-Боки 13 во болницата „Св. Наум Охридски“ - Скопје, дознава „Макфакс“. Тој утринава бил однесен во операциона сала, каде што треба да му биде извршен оперативниот зафат. Адвокатот Владимир Туфегџиќ, полномошник на Боки 13, за „Макфакс“ ја потврдува информацијата и посочува дека станува збор за сложена интервенција, која е ризична и животозагрозувачка.„По завршување на сите медицински испитувања, денеска, во Универзитетската клиника за хируршки болести 'Св. Наум Охридски' - Скопје, се извршува хируршка интервенција врз Бојан Јовановски од страна на тим од повеќе специјалисти хирурзи. Станува збор за исклучително сложена хируршка интервенција, која е високоризична и животозагрозувчка, на чии последици повеќепати навремено писмено укажуваа лекарите специјалисти од областа“, вели адвокатот Туфегџиќ за „Макфакс“.Дека ќе дојде до операција, се навестуваше со месеци од страна на Боки 13 и неговиот адвокатски тим. Тие бараа хуман третман и да бидат почитувани мислењата од докторите од болницата „Св. Наум Охридски“ - Скопје, кои препишуваа терапија и рекоа дека состојбата не може да се санира во затворски услови. Адвокатот Туфегџиќ посочи дека операцијата можеше да се одбегне ако надлежните органи, односно Кривичниот суд и Управата за извршување санкции, постапеле правилно.„Сето ова можеше да се одбегне доколку од страна на надлежните органи беше овозможен привремен прекин на издржувањето на казната затвор за да може пациентот да го спроведе задолжителниот строг медицински режим во домашни услови бидејќи тоа беше невозможно да се спроведе во пенални услови, а што во изминатите 7 месеци е констатирано во многуте медицински специјалистички извештаи на лекарите специјалисти од областа“, додава Туфегџиќ за „Макфакс“.Прашан за тоа каков исход се очекува, но и колку ќе трае операцијата, адвокатот посочува: „Поради комплексноста, карактерот и сериозноста на севкупната состојба, во овој момент не може да споделат повеќе информации“.

Македонија | пред 3 години

Бугарските тајни служби даваат пари за луѓе во Македонија да учат бугарски, тврди Стевчо Јакимовски

Градоначалникот на општина Карпош, Стевчо Јакимовски, вчера изјави дека иако се на „спротивставени страни“, го поддржува лидерот на опозицијата, Христијан Мицкоски, „да ги издржи притисоците за внесување на Бугарите во Уставот“.„Тука сме апсолутно на иста страна, зашто најмалку се проблем Бугарите како нација, туку проблем се намерите“, рече Јакимовски во емисијата „10 минути“ на телевизијата „21“, додавајќи дека Софија води „великобугарска“ политика.„Тие си ги покажаа нозете, односно змијата си ги покажа нозете веќе со француско-бугарскиот договор. Почнаа да отвораат веднаш овие нивни здруженија со провокации. Веднаш нивните разузнавачки служби почнаа да даваат пари и почнаа да нудат пари за тие што ќе го учат бугарскиот јазик“, рече Јакимовски.Тој додаде дека Бугарите има иредентистички намери кон Македонија и дека воопшто не го се плашат да го кажат тоа.-Тие никогаш не се срамат да кажат дека имаат иредентистички аспирации кон Македонија. Не се срамат тоа да го кажат во Европскиот Парламент, во интервјуа, јавно и така натаму… Пазете ја тезата „Един народ, две држави“, додаде Јакимовски.

Македонија | пред 3 години

Милошоски: МОН мора да реагира, деканот на факултетот за архитектура при Американ Колеџ е член во Управниот одбор на СДСМ

Пратеникот од редовите на ВМРО-ДПМНЕ, Антонијо Милошоски преку статус на Фејсбук пишува дека Министерството за образование мора да реагира до Универзитетот Американ Колеџ каде декан на факултетот за архитектура е член на Извршниот одбор на СДСМ.„Министерството за образование има обврска да реагира до Универзитетот Американ Колеџ Скопје во врска со деканот на Факултетот за архитектура, кој со членувањето во Извршниот одбор на СДСМ грубо го прекршува Законот за високо образованиеПратеничка група на ВМРО ДПМНЕ“, стои во неговиот пост на Фејсбук.

Коментари | пред 3 години

Котлар без пардон кон австрискиот претседател: Зошто не го осуди отрворениот настап на Бугарија за асимилација на сé што претставува македонско

Професорката по историја од Институтот за национална историја Наташа Котлар објави статус на социјалните мрежи преку кој упати критики до австрискиот претседател кој вчера беше во посета на Македонија.„За да не пропадне Македонија од 3500...Господо политичари, што се претставувате упорно и глупаво како северни и арогантно се позиционирате во македонското собрание, му кажавте ли на Ван дер Белен претседателот на Австрија, дека ова Собрание е израз на антифашистичката борба на македонскиот народ и на народностите, што ја воделе против германскиот, бугарскиот, италијанскиот окупатор и нивните соработници? Му кажавте ли дека ова Собрание му должи сé на Првото заседание на АСНОМ кое ги донело историските одлуки со кои Македонија – а не „Северна“ востановена на „балкански начин“, според рецептот на еден друг Австриец Ј.Хан – неповратно е прогласена за суверена држава (1944). Без разлика на соседството, на тогашна Југославија, на меѓународните односи! Но, иако поминаа скоро осум децении, ниту еден од сегашниве демократски наследници на фашистичката идеологија и власт на македонска почва, не му се извина на македонскиот народ за сторените злодела, пакости, дрскости, насилства. И згора на тоа, со милозвучен тон на гласот, ни се сугерира, да сме направеле „уставни измени“ и тоа во услови на отворен бугарски национализам и шовинизам кон Македонецот, неговата историја, култура, име, со еден збор идентитет!Од тоа ќе пропадне Македонија, од неофашизмот, а не од нечија бројност! Каде се тие, први да подадат рака и ничкум да паднат за прошка? Зошто овој висок австриски гостин не го осудува отрворениот настап на Бугарија за асимилација на сé што претставува македонско. Зошто, не сочувствува со Македонците во Бугарија! Жално и срамно, поведение на внатрешните и надворешните македонофоби на сред народното Собрание! На што аплаудиравте „Северни“? На еден крајно непримерен говор, во кој, македонската држава е „шареница“ од народи (заедници), јазикот неспомнат како македонски, кој се разликувал од бугарскиот во изговорот и во мал дел во лексиката (со несоодетниот пример на австрискиот и германскиот јазик!?), небаре дијалект на бугарскиот!? Зарем, не знаат австриските политичари и други пртеставници, дека постои цела една наука по име славистика, во која македонистиката е значајна научна област на проучување и интерес. Па токму таму, но и во нашата лингвистика (науката за јзаикот) е констаирано дека македонскиот јазик е посебен врз основа на семантичката (значенската), морфолошката (формалната) и синтаксичката функционалност и карактеристики. Што сме ние Македонците – интелектуални пигмејци, немаме наука и национална меморија, немаме и свест и совест, луѓе сме без интегритет, мебмрана за неофашизам и ревизионизам, па затоа, удри-мавај по сувереноста наша, кој како ќе стигне? Навистина, срамно, неваспитано, неуко, недолично и од северните домаќини и од австрискиот гостин! Чувајте се и ум в глава Македонци, предизвици и многу искушенија се на хоризонтот..“, вели Котлар

Коментари | пред 3 години