ТОП

Метална цевка откачена од билборд на мост во Скопје, полиција го обезбедува местото

Вечерва, по пријава на единствениот број за итни случаи на 112 во Центарот за управување со кризи (ЦУК) за опасност по безбедноста по граѓаните над булеварот „Трета Македонска Бригада“ бр. 20, ЦУК, преку Секторот за операции и координација и регионалниот центар РЦУК Град Скопје, се преземени координативни мерки за отстранување на опасноста.Конкретно, за опасноста по граѓаните, ЦУК ги информираше институциите на Град Скопје, дека на границата меѓу општините Центар и Аеродром близу Железничката станица, е опасно надвисната метална цевка (најверојатно алуминиумска) од рекламно пано над коловозот на булеварот „Трета Македонска Бригада“.Во моментот информирањето, Полицијата го обезбедува местото, а екипи од надлежните институции на Град Скопје излегуваат на терен за интервенираат за да се отстрани опасноста за граѓаните кои поминуваат на тоа место во градот.

Скопје | пред 3 години

Ковачевски го осуди каменувањето на македонскиот клуб: Очекувам надлежните да ги санкционираат сторителите

Премиерот Димитар Ковачевски го осуди каменувањето на македонскиот клуб во Благоевград и бара сторителите да бидат санкционирани.„Каменувањето на македонскиот клуб „Никола Јонков Вапцаров” во Благоевград е чин на вандализам кој најостро го осудувам. Ваквите активности не соодветсвуваат на договорената политика за унапредување на добрососедските односи, взаемното почитување и пријателство меѓу две соседни држави.Очекувам од страна на надлежните институции во Бугарија во најкраток можен рок да се пронајдат и санкционираат сторителите и да се осуди вандализмот. Северна Македонија во духот на европските вредности, ќе продолжи со заложбите за зацврстување на дипломатската и позитивна агенда меѓу Северна Македонија и Бугарија“, вели Ковачевски.

Македонија | пред 3 години

(ФОТО) Нова депонија расте помеѓу МСУ и Француски гробишта: „Доста терате санитетски ПР по вашите блиски фирмички, опрајте го градов“

Ивор Мицковски објави фотографија од потенцијална нова депонија помеѓу Музеј на современа уметност и Француски гробишта.„Сите се прават наудрени дека не ја гледаат депонијава која расте помеѓу МСУ и Француски гробишта.Абе стока народ, стока фирми, стока институции.Цел град е ѓубре и искршен, Водно е полно гуми, лименки и пластика, воведете бе ебена служба која ќе казнува, преземете нешто бе европејци и прогресивци, доста терате санитетски ПР по вашите блиски фирмички и усрани лажни реалности.Опрајте го градов и државичево за сите, јебало вас едно опшество за сите“, стои во објавата.

Коментари | пред 3 години

Што ќе ќари Таравари со влезот во Влада

Кренар Лога министер за правда, Фадиљ Цана министер за здравство, денеска е договорено меѓу потенцијалните коалициски партнери – СДСМ и Алијанса за Албанците, објави Плусинфо.Неточни се информациите дека СДСМ е на чекор да го отстапи и директорското место во УЈП, неофицијално дознава Скопје 1.Партијата на Таравари бара и други  директорски позиции.Денеска се финализираат преговорите меѓу членовите на комисиите на СДСМ и Алијанса за Албанците, а резултатот од нив, според најавите од двете партии, утре ќе биде познат.

Македонија | пред 3 години

Тасевски: Дали и вие од СДС сфативте од какви примитивци очекувавте да ни бидат пријатели?

Акетрот Сашо Тасевски ги пофали полицајците на граничниот премин Деве Баир за смиреноста кога беа приведени Бугарите.„Морам да ги пофалам полицајците на Деве Баир. За смиреноста и моментот кога ги приведоа ѓубрињата. И малку им беше после нивното патолошко нецивилизирано однесување кон полицајците. На главниот полицаец кој се спротивствави на примитивците, она говедото од бугарашката фондација уште му се заканува.Се надевам и дека министерот на полицијата конечно сфати со кого си има работа. Дали и вие од СДС сфативте од какви примитивци очекувавте да ни бидат пријатели? Па тие беа. и уште се архи душмани на Македонците. Таче дали ти го сфаќаш ова? За Заев знам дека сфаќа...Жими Муров.Од нив пријатели не бидува.Заглавени се во 19 век Просто не можам да поверувам дека после нивната срамна историска епизода со Хитлер, потоа како сателит на СССР и денес како членки на ЕУ останаа толку затуцани. Со таков сељачки примитивизам и шовинизам.И уште во Устав сакате да ги внесете.А бе заборавете на таа глупа идеја.Тие нас за народ не не признаваат и со ништо не придонела за оваа држава. Напротив. Сакаат да не збришат од историјата како народ.Мора сите вие како партии после ова што го видовме од Бугарите последниве три години да им кажете НЕ за се.Немаме што да делиме со нив. Ниту некогаш сме имале.И тоа што ЕУ има таква членка и што ја трпи, кажува многу за ЕУ и нејзиниот ментален склоп и потенцијал.Со таква членка и такви кои стојат зад неа и го трпат нејзиниот отворен шовинизам и иредентизам, прашање на време е кога ЕУ ќе пукне од внатре и ќе се распадне.Па не Америте, ни господ нема да може да ја состави“, вели тој.

Коментари | пред 3 години

Груби: Ние сме Ахметисти, Ахметовскиот феномен секогаш победува

Артан Груби од ДУИ, вчера во Теарце изјави дека поддржувачите на ДУИ се поддржувачи на Ахметовскиот дух. Тој рече дека феноменот Ахметисти се студира од многу политиколози.„Вие сте приврзаници, поддржувачи на Ахметовскиот дух. Ахметовскиот дух кој денеска се студира од политиколози, читате колумни секој ден од македонски и странски автори каков е Ахметовскиот феномен кој победува војни, мир, победи и на избори, за 42 години по ред. Ахметовскиот дух цело време бараше војна, се бореше за правда, слобода и еднаквост и кога војната дојде тие избраа мир“, вели Груби.

Македонија | пред 3 години

Најчевска: Ова плаче за протестна нота од МНР и барање за кривичен прогон на Виктор Стојанов

По објавата на претседателот на бугарската фондација Македонија ВИктор Стојанов во која нуди 200 евра за името на полицаец од Деве Баир, се огласи професорката Мирјана Најчевска:„Знаете дека ова плаче за протестна нота од МНР и барње од нашата држава до Бугарија за кривичен прогон на Виктор Стојанов?Ако не сте знаеле еве да ви кажам“, напиша Најчевска.

Коментари | пред 3 години

Пронајдени четири исчезнати лица на Кожуф

Денеска (05.02.2023 година, недела), Центарот за управување со кризи по пријава од 112 во ЦУК, преку Секторот за операции и регионалните центри РЦУК Струмица и РЦУК Гевгелија координираше барање исчезнати четири млади возрасни лица на Кожув, коишто се пронајдени живи и здрави од ангажираните субјекти на Системот за управување со кризи од Гевгелија и се упатени доцна попладнево кон своите домови.Инаку, пријавата на 112 во ЦУК за исчезнатите четири лица е примена во 14.50 часот, денеска. Се јавил загрижениот татко на едно од изгубените лица, бидејќи лицата веќе повеќе од еден ден не биле достапни, времето било многу студено со ветар и снег, а последен пат таткото остварил телефонски контакт околу 15.00 часот, еден ден пред тоа (04.02.2023 година, во саботата). Тој посочил дека, иако постојано се обидувал да ги добие телефонски, тие на сите четри броја биле недостапни. Конкретно, тие заедно, четворицата исчезнати, во текот на вчерашниот ден заминале од населба „Смрдлива Вода“, што е на подножјето на планината, кон месност „Мала Рупа“ на Планината Кожуф.Веднаш, Секторот за операции и координација во ЦУК, преку регионалните центри РЦУК Струмица и РЦУК Гевгелија, стапил во координација со надлежни локални институции: Полицијата – СВР Гевгелија, Дирекцијата за заштита и спасување (ДЗС), ЈП „Национални шуми“ – подружница Гевгелија и преку кабинетот на Градоначалникот до сите други надлежни локални институции, служби и претпријатија. Тие рационално, заеднички и плански реагирале и по кусо време исчезнатите лица биле пронајдени на Планината Кожув, конкретно кај месноста „Мала Рупа“ над населбата „Смрдлива Вода“, а во комуникација и помош и од граѓани, месни жители, а и членови на планинарски друштва. Пронајдените четири исчезнати лица, живи и здрави од страна на ангажираните субјекти на Системот за управување со кризи (СУК) од Гевгелија се упатени доцна попладнево кон своите домови.Центарот за управување со кризи по пријава од 112 во ЦУК, преку Секторот за операции и регионалните центри РЦУК Струмица и РЦУК Гевгелија координираше и ја следеше ситуацијата во согласност со стандардните оперативни процедури за вакви итни случаи.

Македонија | пред 3 години

ОМО Илинден Пирин: 17 години напади врз македонските клубови во Бугарија, дали полицијата конечно ќе истражи овој пат?

Македонците во Бугарија бараат истрага за демолирањето на клубот „Никола Вапцаров“ во Благоевград.Синоќа околу 21 часот клубот е каменуван. Организацијата ОМО Илинден Пирин бара од бугарската полиција да го истражи случајот. Велат дека со години има слични инциденти.„Веќе 17 години напади врз македонските клубови во Бугарија. Дали полицијата конечно ќе истражи овој пат и нема да одбие? Да видиме дали ќе ги најде сторителите откако неодамна постави камери над клубот на свој начин. Се надевам дека беше за безбедност, а не само за следење на доаѓањето. А има од каде да почне - нека го испрашуваат Виктор Стојанов, еден од организаторите на провокациите, кој истовремено беше во Благоевград со цела банда аверис“, пишува во текстот објавен на официјалната фејсбук страница на ОМО Илинден Пирин.Клубот е отворен во октомври минатата година кога имаше тензична атмосфера. Тогаш, бугарските медиуми тврдеа дека Вапцаров е бугарски поет, а сега неговиот клуб го демолираа. Имаше најави дека близу Пловдив ќе се отвори македонски клуб.

Македонија | пред 3 години

МНР ќе реагира до ЕП за навредите на Јорданов

Од македонското Министерство за надворешни работи (МНР) велат дека Бугарија не направи доволно напори да спречи пристапување на радикални поединци на граничниот премин Деве Баир.Ќе испратат писмо до ЕП за навредите на бугарскиот европратеник Александар Јорданов, кој Македонците ги нарече „црвени ѓубриња“, „титоисти“, „србомански измет“ и „одродени Бугари“.„Сепак, со жалење, констатираме дека во пресрет и по одбележувањето на 151 година од раѓањето на Гоце Делчев во Северна Македонија, радикални поединци, претставници на организации и политички партии во Бугарија продолжуваат да изразуваат територијални претензии кон Република Северна Македонија и континуирано го нарушуваат достоинството на македонските граѓани, македонскиот народ и нашата држава. Укажуваме дека во согласност со Уставот на Република Северна Македонија и законите, како и на меѓународното право, надлежните институции на Северна Македонија се должни и ги превземаа сите неопходни мерки да се спречат провокации, тензии и инциденти кои можат да ја загрозат националната безбедност, јавниот ред, здравјето на луѓето и меѓународните односи на државата. И покрај искажаната волја, Република Бугарија не направи доволно напори да спречи пристапување на радикални поединци на граничниот премин Деве Баир, овозможувајќи на тој начин, дел нив да се однесуваат агресивно, да ги навредуваат и да применат насилство кон претставниците на гранична полиција на Северна Македонија. Согласно со утврдените протоколи за работа, и стандардите на ЕУ за безбедно управување со границите, дел од овие лица кои го нарушија јавниот ред и мир од поголем обем, беа приведени и изведени пред надлежен суд кој изрече соодветни мерки“, велат од МНР.

Македонија | пред 3 години

Димовски револтиран од коментарите за судијата Ставрев: „Смртта изгледа како подобра варијанта отколку животот во опкружување на ваква живина“

„Да дава господ да влечел нога овој проклет“, „Еј сега ќе си во пеколот, повикај ги и сите колеги“, се само дел од коментарите под објавата на веста дека починал судијата Огнен Ставрев.Обвинителот Војо Димоски на социјалните мрежи реагираше на коментарите кои се оставени од граѓаните.„Покојниот судија Ставрев не го познавав ни лично, ни професионално и не е мое да го ценам како судија и како човек. Можам само да речам: Бог да го прости и да го насели каде што почиваат праведниците.Ама видете ги коментарите под објавата на Сител.Стоката која зела да коментира нешто што е неминовно за секој од нас што се родил, а тоа е смртта. Со таква стока дишиме ист воздух. Смртта изгледа како подобра варијанта отколку животот во опкружување на таква живина“, вели тој.

Коментари | пред 3 години

Левица: Пендаровски и Османи да го осудат кршењето на македонскиот клуб во Бугарија - бараме протестна нота за бугарскиот амбасадор

Вчера Македонците во Бугарија повторно беа жртва на насилство, каде беше искршен новотворениот клуб од Благоевград - „Никола Вапцаров”, вели Левица.„Бараме веднаш претседателот Стево Пендаровски и министерот Бујар Османи да го осудат ваквиот насилен чин и да ги искористат сите форми на притисоци кон бугарските власти за да се откријат сторителите на ваквиот гнасен чин - исто како што експресно го осудија кршењето на фашистичкиот клуб во Охрид!Бараме веднаш да му биде врачена протестна нота на бугарскиот амбасадор во Скопје - Ангел Ангелов, по истиот реципроцитет како што официјална Софија ѝ врачи нота на македонската амбасадорка после кршењето на клубот во Охрид.Никакви Комисии, ниту Договори за добрососедства не можат да ги заштитат македонските национални интереси од великобугарската политика, која не е променета од времето на Тодор Живков! Од овие причини, Левица континуирано алармира дека единствено решение кое ги гарантира државните интереси од агресивната политика на Бугарија е укинување на Историската комисија.Македонците во Бугарија со децении се под системска репресија, закани, напади и тортура, при што органите на прогонот немаат санкционирано ниту еден насилник!За разлика од бугарските клубови, кои ги глорифицираат најгнасните фашистички крвници, Македонците во Бугарија го слават делото на еден од најистакнатите антифашистички дејци и поети, Никола Вапцаров.Затоа не сме ниту сме биле исти - во македонскиот народ тлее искрата на антифашистичката борба, додека другата страна ги воскреснува најмрачните ликови на фашизмот“, се вели во соопштението.

Македонија | пред 3 години

Адвокатот на приведените Бугари: Шест часа биле тепани и врзани со лисици

Тројцата Бугари од партијата „Вазраждане“ кои беа приведени вчера на граничниот премин-Деве Баир, шест часа биле држени со лисици на рацете во полициската станица Крива Паланка. Биле претепани, по полноќ биле пуштени, откако платиле вкупно 1.700 евра со судски трошоци, изјави нивниот адвокат кој има канцеларија во Ќустендил. Двајца од нив биле и претепани, додаде тој, пренесе БНР.Адвокатот на тројцата приведени од партијата „Вазраждане“ двапати отишол во Крива Паланка како нивен бранител.„И двајцата беа модри…Георгиев очигледно имаше скршен нос. Им реков да одат на лекарски преглед. Окото беше сино, другите двајца немаа многу модринки на лицето…вечерва во 12:30-01:00 ги пуштија во лисици после шест часа, тие биле тепани овде – ги тепале на контролен пункт На еден телефонот му го нема – исчезнало Имало камери, ќе правеле истрага… Со претседателот на „Вазраждане“ синоќа плативме вкупно 1.700 евра, лично таму во полицијата во Крива Паланка“ изјави адвокатот.

Македонија | пред 3 години

Полицијата ги пронајде: Млад скопјанец и сопругата заглавија во снежни наноси

На 04.02.2023 во 16.23 часот во СВР Битола, К.Р.(22) од Скопје побарал помош затоа што заедно со неговата сопруга на патот од споменикот „Слива“ кон Крушевското езеро, со патничко возило „дачиа“ со скопски регистарски ознаки заглавиле во снежни наноси.Полициски службеници од Полициското одделение за безбедност на патниот сообраќај Крушево извршиле проверки на теренот и во 16. 35 часот на место викано „Тушот“ лицата биле пронајдени во добра здравствена состојба, а возилото било извлечено.

Македонија | пред 3 години

(ВИДЕО) Спасовски горд на полицијата: Вака се постапува по европски ранг

Министерот за внатрешни работи, Оливер Спасовски упати честитки до сите организациони единици за добро реализираниот оперативен план во делот на одржување на безбедноста при чествувањето на денот на раѓањето на Гоце Делчев.„Дозволете да оддадам признание и да упатам честитки за професионализмот и посветеноста од страна на сите организациони единици при МВР при исклучително добро реализираниот оперативен план во делот на одржување на безбедноста при чествувањето на денот на раѓањето на Гоце Делчев.Како пред гробот на великанот Делчев кај црквата „Свети Спас”, така и на граничните премини, македонската полиција на висина на задачата успешно го спроведе овој настан од највисок безбедносен степен - еклатантен пример за тоа како постапува полиција од европски ранг.Благодарност и до граѓаните, медиумите и медиумските работници кои имаа разбирање и на најпрофесионален начин дадоа свој придонес за навистина достоинствено чествување на великанот Гоце Делчев.И секако како што и претходно нагласив: македонската полиција нема да дозволи понижување на македонскиот народ!Ви благодарам!МВР за ГРАЃАНИТЕ!“, стои во објавата

Македонија | пред 3 години

Нема фотографија

Бугарите ќе влезат во Уставот кога мојата баба во Благоевград ќе може да биде Македонка, вели Димитриевски

Бугарите ќе бидат запишани во Уставот без никаков проблем кога ќе има реципроцитет, кога мојата баба Бранка во Благоевград ќе може да биде Македонка, а не Бугарка. Ќе си најдете начин барем една декларација во Парламентот ќе донесете кадешто ќе го признаете Македонското малцинство“ изјави градоначалникот на Куманово, во гостувањето во емисијата „Говори сега“ на бугарската национална телевизија БНТ1 во Софија.Димитриевски потенцираше дека Бугарите мора да признаат еден непобитен факт, а тоа е дека Македонецот постои и не може да велат дека Македонците настанале после 46-та година.Во емисијата, тој посочи дека во периодот 1941-1944-та година Бугарија е составен дел на фашистичката коалиција и за тоа постојат документи, а официјална Бугарија никогаш не излегла со став и не се извинила.

Македонија | пред 3 години

Почина судијата Огнен Ставрев кој го судеше Мијалков, но и предмети како Сопот, Монструм

На 63 години почина судијата Огнен Ставрев од скопскиот Кривичен суд. Тој 25 години судеше во двата скопски основни судови. Тој судеше значајни предмети кои се познати во јавноста како „Змиско око 1“, „Сопот“, „Фаланга 2“. Судијата Ставрев изрече низа пресуди и за предмети од СЈО, како што се „Титаник 2“, „ТНТ“, „Монструм“.Огнен Ставрев е син на Драгољуб Сраврев, претседател на Претседателството на Социјалистичка Република Македонија (СРМ), претседател на Извршниот совет на СРМ, градоначалник на Скопје кога градот се обновуваше по земјотресот.Судијата Огнен Ставрев изминативе години судеше во Одделението за организиран криминал и корупција. Поради здравствените проблеми кои ги имаше, последните месеци беше судија за извршување санкции.

Македонија | пред 3 години

Тодороска: Зошто Делчев не беше толку важен за Бугарите долгите години додека неговите мошти се наоѓаа во Бугарија?

Професорката Катерина Тодороска од Институтот за национална историја во интервју за Фокус објаснува дека во периодот кога живеел и делувал Гоце Делчев македонската етничка територија била под власт на Османлиската Империја.На прашањето врз основа на што бугарските историчари го темелат тврдењето дека Делчев бил Бугарин, професорката вели дека начинот на именувањето на поединците во османлиско време, всушност е основата врз која Бугарите слепо го темелат својот став.„А ставот им е инспиративен за многу прашања. На пример, нејасно е зошто Делчев не беше толку важен за Бугарите долгите години додека неговите мошти се наоѓаа во Бугарија? Зошто годишнините од раѓањето и смртта на Гоце Делчев ги одбележувале само неговите најблиски соработници? Зошто неговите блиски и следбениците на неговото дело ги заколнале поколенијата светите коски на Гоце да бидат погребани во главниот град на независна Македонија? Или зошто сите тие, бидејќи не биле благонадежни Бугари туку Македонци, свечено ги пренеле посмртните останки на Гоце делчев од Софија во Скопје?“, вели професорката.На прашањето каде погреши македонската Влада, а и Комисијата за историски и образовни прашања за сега да се доведеме во ситуација да треба да се докажуваме со Бугарија и нивните империјалистички барања да се легитимираат во процесот на ЕУ преговорите, професорката Тодороска вели дека Владата направи катастрофален чин со потпишувањето на исклучително штетниот по македонската држава т.н. Договор за пријателство, добрососедство и соработка меѓу Република Македонија и Република Бугарија, бидејќи е крајно неизбалансиран, без никаков историски темел, со срамни обврски за преговарање за нешта што никој не би преговарал.Комисијата за историски и образовни прашања е, вели таа, црешата на тортата на срамот која нѝ ја подготви Владата.Целиот текст можете да го прочитате тука

Македонија | пред 3 години

Ѓорѓиев: Штом Гоце ги избришал Бугарите од уставот, тогаш и ние нема да ги внесеме

На трибината насловена „Гоце е Македонија“ во рамките на одбележувањето на 120 години од Илинденското востание и 130 години од основањето на ВМРО, се обрати професорот Ванчо Ѓорѓиев. Тој посочи дека Гоце Делчев го има чкртнано делот во Уставот на организацијата каде пишувало Бугарска и Бугарин па пишал Македонец.„Автоголот на Бугарската историографија е кога тие редовно кога зборуваат за тие теми тие се повикуваат за еден Устав и правилник на бугарски македонско одрински револуционерни комитети, при што прават едно антидатирање на овој документ и подметнуваат дека наводниот документ е напишан лично од Гоце Делчев, во тој Устав и член стои дека во таа организација член може да биде секој Бугарин и оттука се обидуваат да извлечат име на организацијата“, рече Ѓорѓиев.Тој додаде дека играјќи си понатаму со тој Устав, Бугарите отидоа до таму што заборавија од каде почнаа со фалсикувањето и со подметнувањето.„Таму се вели дека Гоце Делчев вршел корекции на овој Устав во 1902 година, каде има ракопис на Гоце Делчев како чкртал по него, а што пречкртал всушност тој? Името каде стои бугарска и Бугарин па пишал Македонец“, дециден е Ѓорѓиев.Ѓорѓиев потенцираше да се запрашаат Бугарите каков е тој парадокс тоа да Гоце пишал Бугарин па го чкртнал па пишал Македонец. Штом Гоце ги избришал Бугарите од уставот, тогаш и ние нема да ги внесеме.

Македонија | пред 3 години

Димитриевски за бугарски медиум: Зошто бугарската држава повеќе од 40 години не решила да го закопа Гоце Делчев некаде во Бугарија

Гоце Делчев е синонимот на македонската борба, вели кумановскиот градоначалник Максим Димитриевски за бугарски медиум.Димитриевски во емисијата „Говори сега“ на бугарската национална телевизија БНТ1 во Софија изјави дека стигнал во Бугарија поради тоа што не навредувал полицајци, не бил агресивен и се однесувал културно и европски.„Секогаш ги слушаме изјавите на политичарите и велат сакаме да врвиме напред, всушност тие се главната причина зошто одиме назад. И секогаш пред избори, во предизборниот период особено тука во Бугарија името на Гоце Делчев и односите помеѓу Македонија и Бугарија се користат во предизборна кампања, се собираат политички поени. А, дали сакаме да одиме напред, да секако. Гоце Делчев е симболот на македонизмот, Гоце Делчев е Македонија и Македонија е Гоце Делчев. Ние го почитуваме и сакаме и тоа во секој кабинет во Македонија. Јас го почитувам ставот на господин Христов, но Гоце Делчев кажува за самиот себе што е и каков е“, изјави Димитриевски.Тој информираше дека за положување на цвеќе во Скопје чекал два часа, бил најавен во делегацијата и чекал затоа што такви биле мерките за безбедност.„Ние сме Македонци, вие сте Бугари. Гоце Делчев е синонимот на македонската борба, еден од современите македонски преродбеници. На крајот, каде почива? Во Скопје, тоа му била последната желба. Зошто не го решила бугарската држава повеќе од 40 години да го стави во саркофаг да го закопа некаде во Бугарија, бидејќи сакал да почива во независна Македонија“, рече Димитриевски.Кумановскиот градоначалник порача дека Бугарите мора да прифатат дека сме Македонци, инаку нема да се разбереме. Вчера денот беше тензичен, но немаше нереди. Чествувањето на херојот Гоце Делчев претходно беше оценето како настан од висок ризик.

Македонија | пред 3 години

Спасувани скијачи на Шапка: Силен ветер, снег и магла ги заглавила на скијачкиот терен

Поради лоши временски услови неколку млади денеска се засолнале во мала куќичка во ски лифт на Попова Шапка, по што биле евакуирани со ратрак. Лицата се во добра здравствена состојба.– Во 15:35 часот на бројот за итни повици 112 добиена е пријава од млади лица кои заглавиле на Попова Шапка и истите се наоѓле во малата куќичка која се наоѓа во ски лифтот „Г Стазата“. Поради лошите временски услови, силен ветер и снег и магла тие не можеле да се спуштат надолу бидејќи видливоста била ограничена само на неколку метри – соопштија од ЦУК.РЦУК Тетово ја известила полициската станица на Попова Шапка, од каде со помош на ратрак околу 16 часот младите лица биле симнати на безбедна локација.

Македонија | пред 3 години

Судиите немилосрдни кон Бугарите кои се судија со полицајците на граница: Експресно протерани, добија забрана и парична казна

Тројцата Бугари кои со погрдни зборови навредуваа полицајци на границата „Деве Баир“, по што беа уапсени, се протерани од Македонија. Судот во Крива Паланка им изрече забрана за влез во Македонија во наредните три години. Ќе треба да платат и по 300 евра казна за сторениот прекршок. Ваков е исходот од нивното изведување пред судија на претходна постапка.Меѓу уапсените, а сега протераните е и пратеникот на „Вазраждане“ Ангел Георгиев. Тој тврди дека бил тепан од полицајците, а тоа го пренесоа и медиумите од Бугарија. Од видеото споделено на социјалните мрежи се гледа само како тој е уапсен бидејќи не почитуваше наредба од службениците кои побараа од него да не снима, како и поплака зошто го апсат и да не го удираат.Инцидентот се случи попладнево, кога тој и други граѓани останаа на границата „Деве Баир“.

Македонија | пред 3 години

(Видео) Бугарски пратеник лелекаше кога го апсеа на македонска граница, а по низа провокации кон полицијата

На граничниот премин меѓу Бугарија и Северна Македонија - Гуешево-Деве баир македонските полицајци му се заканувале и го тепале пратеникот на „Вазраждане“ Ангел Георгиев, а со него биле и бугарски државјани, пишуваат бугарските портали.Како што пишува бугарскиот портал „24 Часа“, бугарски државјани подолго време биле задржани на граничните пунктови за Северна Македонија. Денеска многу луѓе патуваат поради 151-годишнината од раѓањето на Гоце Делчев. Но, македонските власти долго време не ги пуштаа автомобилите со образложение дека имаат проблем со системот.Бугарските портали објавија и видео преземено од фејсбук профилот на Георгиев, кој покажува автомобили наредени, кои со часови чекаат да ја поминат границата.Во видеото се слуша како маж вика кон граничарите дека македонските власти привеле маж од автомобил кој чекал на граница.„Зошто го внесовте, зошто го правите ова“, им викал човекот на граничарите. После тоа започнал судир меѓу македонските граничари и Бугарите.Пратеникот од „Вазраждане“ пред две недели стана татко. Од прес центарот на партијата засега нема информации за неговата состојба, пишува бугарскиот портал „24 Часа“.

Македонија | пред 3 години

Ковачки до премиерот: Не е првпат Груби да не се поклонува при оддавање почит

Ковачевски, кога веќе лажно оддаваш почит на тој со кој правиш пазар со Бугарите, внимавај на изборот на делегацијата што ја водиш, вели Драган Ковачки од ВМРО-ДПМНЕ."Ова не е првпат првиот ви вицепремиер Артан Груби да не се поклонува при оддавање почит.Не е важно што со тоа ве понижува вас кои сте со него во делегација, туку што Вие како негов претпоставен дозволувате да го понижува најсветлиот лик од македонската историја.Ковачевски, во Ваше присуство дозволувате Вашиот заменик да се подбива со сите Вас а со тоа и со цела нација.Вие со Вашиот однос и субмисивност сте елементарна непогода после која мора да имаме генерално чистење и средување", додава тој.

Македонија | пред 3 години

Тензично на границата „Деве Баир“

Тензично на границата „Деве Баир“.Дел од граѓаните од Бугарија кои се уште се заглавени на граничниот премин со пцости кон македонските полицајци сакаат да ја преминат границата.И покрај обидите на полицијата да ја смири ситуацијата, бугарите не престануваат со недоличното однесување.Поради падот на системот на нашиот граничен преин од МВР информираа дека селективно ќе се пропуштаат само итните случаи.

Македонија | пред 3 години