ТОП

Внуката на Мара Бунева: Тетка ми никогаш не зборела бугарски, постојано пееше песни за Гоце Делчев, Прелиќ го убила „за Македонија“

Секоја година во овие денови сме сведоци на многу вистини и невистини искажани за Мара Бунева. Еве што кажа сега веќе мојата покојна баба (мајка на мојата сопруга) и внука од сестра на Мара Бунева за “Утрински весник” во 2007 год., пишува Васко Ефкоски на фејсбук.ЛИКОТ НА МОЈАТА ТЕТКА Е НЕПРАВЕДНО ОЦРНЕТ, ВЕЛИ ВНУКАТА НА МАРА БУНЕВАУтрински / 12.03.2007, Пишува: ВИКТОР ЦВЕТАНОСКИСудбината на семејството Бунева е трагична како и на многу други македонски семејства.Едниот внук на Мара Бунева од нејзиниот постар брат Борис живее во Софија и говори бугарски, другиот, од помалиот Лазар, кој почина пред неколку месеци во Белград, зборуваше српски. Тоа ни малку не им пречеше да се сакаат и да си помагаат. Нивните роднински врски не ги прекинаа ниту војните, ниту пробугарските, ниту просрпските пропаганди. „Кога се гледав во Белград со братучед ми Бранко, говореше српски, таму израсна, дали се чувствуваше како Македонец или како Србин никогаш не сум го прашала. Тоа не сум го прашала ниту мојот братучед Милко во Софија, дали е Македонец или Бугарин. Многу помалку контактирав со нив отколку што контактираа тие меѓу себе. Многу се сакаа и често се гледаа. За смртта на Борис пред неколку месеци разбравме токму од Милко. Ни се јави во Скопје. Му помагаше на Борис кога НАТО го бомбардираше Белград, му испратил и пари да му се најдат. Без разлика на кој јазик зборуваа, во се’ се разбираа“, раскажува нивната братучетка Анче Герасимовска, внука на Бунева од нејзината сестра Ленка.Судбината на семејството на Мара Бунева, атентаторка на Владимир Прелиќ, е трагична како и на многу други македонски семејства кои, подложени на страшниот притисок на пропагандите и борбата за егзистенција, се растурале по светот и понекогаш се вклучувале во спротивставените завојувани страни, кои не одбирале средства за да остварат влијанија на македонските простори. Кога ќе се слушне приказната за Буневи, изворно кажана од човек на семејството, изгледа сосема поинаку од онаа што и ден-денес сакаат да ни ја сервираат определени кругови. Животната врвица на секој нејзин член е слика и прилика на трагичните македонски судбини, кроени и прекројувани од српски, бугарски, грчки и којзнае какви други пропаганди. Страшното време, војните и окупациите, шесте деца на тетовецот Никола ќе ги одведат на разни страни. Најстариот брат Борис ќе стане бугарски офицер, помладиот Лазар ќе влезе во српската војска на Кралска Југославија. Најстарата од четирите сестри Мара, родена во 1902 година, животот ќе го заврши откако ќе го изврши атентат на 13 јануари 1928 година. Една година помалата сестра Ленка ќе остане во Македонија, најмладата Вера ќе се омажи и ќе замине во САД, а четвртата сестра Нада ќе почине многу млада, на 18 години, истата година кога е убиен Прелиќ.Разговараме во домот на Анче Герасимовска во Тетово, професорка по музика во пензија. Сакаме од неа да слушнеме за нејзината тетка чие име и ден-денес многумина го користат за своите пропагандни цели.Вели дека страшно е револтирана од многу невистини што деновиве се изговорени и напишани за Мара, чиј подвиг и по осумдесетина години предизвикува расправии и делби меѓу Македонците. Признава дека и’ е тешко да говори за тие времиња, до сега за тоа не говорела пред ниту еден новинар, но сега, откако ги слушнала сите невистини, сака да ги соопшти своите видувања и на некој начин да се исправи неправдата што и’ е нанесена на тетка и’ Мара, а со тоа и на нивното семејство.„На една од телевизиите, сега покојниот Спасе Шуплиновски изјави дека и’ бил роднина на тетка ми. Јавноста треба да знае дека не е никаков род со нас, ние него не го познаваме, немаме никаква семејна врска со него. На истата телевизија слушнав изјава и на еден свештеник, која по панихидата во црквата ’Св. Димитрија’ рече дека Мара не била чесна жена, имала повеќе мажи, дека му била љубовница на Владимир Прелиќ, што не е вистина. Не е вистина и тоа дека била љубовница на адвокатот Андрејчин од Тетово, кого српските власти го ликвидирале истиот ден кога е извршен атентатот. Со семејството Андрејчин бевме соседи и големи пријатели. Многу невистини се кажаа за тетка ми Мара и се извалка нејзиниот образ. Таа била омажена жена, а атентатот го извршила од патриотски побуди. Не е вистина ниту тоа дека во нашето семејство се говорело бугарски, како што тврдат некои. Мојата баба никогаш не сум ја слушнала да каже ниту еден збор бугарски. Многу добро се сеќавам на неа. Мајка ми од Скопје ќе ме испратеше за Тетово со малиот воз, кој патуваше девет часа, и јас кај неа ќе останев цело лето. Не паметам да ми прозборила бугарски збор“, вели револтирано внуката на Мара Бунева.Буневи е познато тетовско семејство. Никола Бунев бил писмен човек, се школувал во Солунската гимназија. Читал многу, бил учител, но за трговија не го бидувало. „Имаше многу книги. Не знам каде отидоа, кој ги зеде. Откако ја продадовме, куќата ги снема“, вели неговата внука Анче. Нејзината баба била од богато трговско семејство. Убавата двоспратна куќа во која живееле ја изградил таткото на баба и’, како и тетовската црква „Св Димитрија“ во Тетово.Како се случило едниот брат да се најде во бугарската, а другиот во српската војска кои многупати војувале за Македонија. Анче вели дека нејзиниот дедо за време на Првата светска војна кога Тетово го окупирале Бугарите бил кмет на градот. По војната, кога дошле Србите, останал без работа. Морало да се бара некакво чаре за егзистенција. Па така, Лазар го испратил во Белград, а Борис во Софија.За време на Втората светска војна, Глигор, таткото на Анче, своето семејство ќе го пресели во Скопје. Во Тетово ќе остане само баба и’ да ја чува куќата. Во 1941 година, по италјанската и албанската окупација на западна Македонија, Македонците ќе се најдат под голем притисок на бандите на Џемо, особено во Тетово. Таа раскажува како во тоа време одвај спасиле жива глава, а нејзиниот брат и сестра ги криеле Албанци во селото Шемшово се’ додека не се префрлиле во Скопје. Во тоа време со бугарската војска како нивен офицер во Скопје ќе дојде и нејзиниот вујко Борис и тука ќе живее се’ до капитулацијата на Бугарија. Вели дека сите тетовци го паметат по многуте добра што им ги направил. Во тие тешки времиња на војна им помогнал на многумина кај бугарските власти. По повлекувањето на бугарските војски, си заминал . По доаѓањето на власт на комунистите во Бугарија, бил уапсен и повеќе години поминал затвор. Во 1961 година Борис изразил желба да ја посети Македонија. За да бидат сигурни дека нема да има проблеми, таткото на Анче претходно отишол кај надлежните служби да праша дали ќе му дозволат да дојде во Македонија. Му рекле дека слободно може да дојде, зашто не направил ништо лошо. Кога стасал во Скопје, бил многу среќен, посебно кога на Радио Скопје ги слушал емисиите на македонски јазик. Секој ден купувал и читал „Нова Македонија“. Расположен и весел еден ден им рекол. „Еве, за ова ние се боревме, за своја држава, за свој јазик“.Синот на Борис, кој сега живее во Софија, една година студирал во Белград. „Тоа беше истиот период кога и јас студирав таму. Беше запишан на странски јазици. Остана само една година. Понекогаш доаѓа во Македонија за да се видиме“, раскажува Анче Герасимовска. Лазар имал полоша судбина од својот брат. Се оженил со Србинка, со која немал среќен брак. Лага е дека бил убиен од српските власти веднаш по атентатот на Прелиќ, како што тврди Ванчо Михајлов. Тој останал и натаму во војската на Кралска Југославија, а германската окупацијата ја дочекал во Белград. Не е вистина дека бил ликвидиран од Руси, туку го убиле Срби при крајот на војната, откако неговата сопруга ќе го наклевети.Вера, најмладата сестра на Мара, се’ уште е жива, а неодамна навршила 90 години. Во САД заминала во 1935 година од Софија. Таму отишла кај братот Борис и тогаш се запознала со нејзиниот иден сопруг, инаку крушевчанец. Имал завршено теологија, а бугарската црква го испратила во САД. Им се изродиле четири деца, најпрво двајца близнаци, потоа уште еден син и, на крајот, ќерката, која е омажена за правнук на познатиот руски писател Толстој. Вера пред неколку години ја посетила Македонија заедно со тројцата синови. Била во Скопје, Охрид и во Тетово за да го види уште еднаш родното место. Нејзината внука од сестрата Ленка добро се сеќава на средбата што ја имала со неа и на нејзините зборови. Кога дошла кај неа во Тетово, и’ рекла: „Па овде ви е убаво, како и кај нас во Америка“. За Мара не зборувале.Какви се сеќавањата на семејството на Мара, по што ја паметат нејзините внуци, што се раскажувало за неа. Анче вели дека за животот на тетка и’ не знае многу, бидејќи нејзините родители ништо не говореле за неа пред децата. „Тоа што го знам ми го кажа мајка ми. Таа раскажуваше дека тетка ми Мара кога ќе работела низ куќата во Тетово, секогаш пеела песни за Гоце Делчев, за Јане Сандански и плачела. Им се восхитувала на македонските револуционери. Се раскажуваше и тоа откако го извршила атентатот, кога лекарот од Белград ја прашал зошто го убила Прелиќ, му одговорила – за Македонија. По атентатот моите домашни ги уапсиле. Во затвор бил и дедо ми и татко ми. Татко ми го пуштиле брзо, а дедо ми го задржале 7-8 месеци“, раскажува Анче Герасимовска.Поради тоа што тетка и’ била атентаторка немале никакви проблеми. „Израснавме во Скопје, учевме средно училиште во Скопје, брат ми отиде да студира во Љубљана, каде што се ожени со Словенка. Ни дадоа стипендија и нему и мене. Не сме имале никакви проблеми. Некој ќе рече овие биле бугаромани, другите србомани. Такви биле тогаш времињата. А дали можеш некого да судиш за тоа. Тогаш никој не можел да каже дека е Македонец. Страшна е судбината на нас Македонците, да не можеш да се кажеш што си. Фала му на Бога, сега можеме да кажеме тоа што сме. Ние дома сите се чувствуваме Македонци. И сестра ми и брат ми, кој почина многу млад. Беше голем патриот. И мајка ми и татко ми се чувствуваа Македонци“, раскажува Герасимовска, која се омажила во Тетово, каде што и денес живее. #marabuneva #makedonija #марабунева #македонија

Македонија | пред 3 години

Кривична пријава за затвореник од Идризово кој преку телефон мамел граѓани

СВР Битола, до Основното јавно обвинителство Битола, поднесе кривична пријава против Б.А.(35) од Скопје поради постоење основи на сомнение за сторено кривично дело „измама“ и против Б.У.(38) од Прилеп поради постоење основи на сомнение за сторено кривично дело „помагање“ во врска со кривично дело „измама“.Првопријавениот Б.А., кој е на издржување казна затвор во Казнено-поправната установа Затвор Идризово, во текот на 2022 година во повеќе наврати измамил повеќе лица од различни градови од државата. Тој им се јавувал телефонски и лажно претставувајќи им се ги доведувал во заблуда и им нудел различни услуги. Додека, второпријавениот Б.У. со уште едно лице го организирале преземањето на парите. Откако ги земале парите го прекинувале контактот со лицата.

Македонија | пред 3 години

(ВИДЕО) Ги спасија документите, но не го фатија пироманот, се огласија од Паркови и зеленило за подметнатиот пожар

ЈП Паркови и зеленило ја информира јавноста дека ноќва околу 1 часот по полноќ избувна пожар во дирекцијата на претпријатието, поточно во делот на архивата, магацинот и просториите на Секторот за финансии.„По брзата реакција на чуварската служба и брзата интервенција на противпожарната бригада пожарот е навремено изгаснат и не е причинета голема материјална штета, сите документи се сочувани, како и просториите на претпријатието. Веднаш на лице место излезеувидна екипа на МВР за утврдување на причините за пожарот.Снимките од безбедносните камери на претпријатието покажуваат дека пожарот е подметнат од непознат сторител.ЈП Паркови и зеленило најостро го осудува овој чин на намерно опожарување на просториите на претпријатието и активно ќе соработува со надлежните органи во собирањето на докази за расчистување на случајот, изнаоѓање на сторителите и нивно изнесување пред лицето на правдата“, се вели во соопштението.

Скопје | пред 3 години

(ВИДЕО) Џамбаски од Скопје: Да живее бугарска Македонија!

Околу стотина поддржувачи на делото на револуционерката Мара Бунева денеска се собраа на кејот на Вардар во центарот на Скопје.На одбележувањето на 95-годишнината од смртта на Бунева, присустуваа и бугарскиот европратеник и копретседател на ВМРО-БНД, Ангел Џамбаски, како и членови на бугарската Фондација „Македонија“.-Вечен спомен на Мара Бунева и на сите познати и незнајни херои кои го посветија и го дадоа својот живот за каузата за слободна бугарска Македонија и обединета Бугарија. Им благодарам и им честитам на сите бугарски националисти, патриоти и патриоти, од сите политички, младински и културни и просветни организации, со кои денеска бевме на кејот на Вардар, во одбрана на македонските Бугари. Да живее обединетата и неделива бугарска нација, од Охрид до Црно Море и од Дунав до Бело Море. Да живее бугарска Македонија. Да живее Бугарија!, ни порача Џамбаски од центарот на Скопје.

Македонија | пред 3 години

Како избегал и кој го пуштил затвореникот од Идризово: Познати сите детали

Надлежен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција, во текот на вчерашниот ден, постапувајќи по кривичната пријава поднесена од страна на Министерството за внатрешни работи, презеде истражни дејствија против четворица припадници на затворската полиција. Постои основано сомнение дека осомничените - командир на надворешно обезбедување и тројца затворски полицајци вработени во КПУ Затвор „Идризово“ сториле кривично дело „Противзаконито ослободување на лице лишено од слобода“ од чл. 373 в.в чл. 22 од Кривичниот законик.Осомничените, по претходни насоки на првоосомничениот- командир, како службени лица, со умисла, преземајќи и непреземајќи дејствијата што биле должни да ги преземат му помогнале и му овозможиле на осуденикот Беким Мемети да избега. Притоа ги повредиле сите процедури за спровод на осуденик кој издржува затворска казна за потешко кривично дело до здравствена установа. Па така, откако осуденикот се самоповредил расекувајќи ја левата дланка и бил преврзан во домската амбуланта, не побарале лекарска интервенција од брзата помош, за да се утврди дали повредите може да се санираат на лице место, туку по препорака на осудено лице, работно ангажирано во амбулантата, пристапиле кон дејствија самоиницијативно да го однесат повредениот во Ургентен центар. Иако процедурите налагаат доколку осуденикот треба да се третира во здравствена установа, затворската служба да побара асистенција од Министерството за внатрешни работи и возилото за спровод на осуденикот да биде придружувано од полициска патрола, тие не го сториле тоа што претходно било случај кога истото осудено лице било спроведувано до одредена здравствена установа.Како што е веќе познато, осудениот Беким Мемети откако на ден 12.01.2023 година во ноќните часови се самоповредил, првоосомничениот - дежурен командир наредил кои затворски полицајци треба да го спроведат осуденикот во здравствена установа и кој каде да седи при спроводот. Па така, надвор од правилата, осуденикот бил сместен во средишниот дел на возилото. Второосомничениот дал насока за рутата и возилото се упатило кон Скопје преку автопатот од Петровец кон Скопје. Кога се приближиле до бензинска пумпа на Лукоил, второосомничениот кој седел помеѓу осуденикот и третоосомничениот, започнал да се преместува и свесно му овозможил на осуденикот да го искористи моментот и со лисици на рацете да успее да му го земе службениот пиштол од закопчаната футрола. Третоосомничениот, кој патем бил без оружје, иако сето тоа го следел не презел никакво дејствие за да го спречи осуденикот да го репетира пиштолот и да започне да пука низ возилото барајќи да го сопрат возилото, при што го повредил возачот и возилото застанало, а осуденикот ја отворил вратата, излегол од комбето и се качил во сиво Ауди кое во меѓувреме застанало пред затворското комбе.Предметниот обвинител заради непречено водење на кривичната постапка, на судијата на претходна постапка при Основниот кривичен суд Скопје му предложи на тројца осомничени да им биде определена мерка притвор, додека на четвртоосомничениот да му бидат изречени мерки за обезбедување. Судијата го прифати предлогот на обвинителството и на осомничените со решение им определи мерка притвор во траење од 8 дена, а на четвртоосомничениот му изрече мерки на претпазливост забрана за напуштање на живеалиште/престојувалиште и привремено одземање на патна или друга исправа за преминување на државната граница.Обвинителството продолжува да ги истражува причините и мотивите кои доведоа до овој кривично правен настан.

Македонија | пред 3 години

Хајредини до Ковачевски: Ниеден премиер не отишол во РЕК Битола да се слика со трансформатор

Премиерот Димитар Ковачевски пред неколку дена беше во посета на РЕК Битола каде беше пуштен во употреба и третиот блок на Комбинатот.„Како што сите можеме да видиме денеска овде, РЕК Битола работи со полн капацитет. Монтажата на новиот трансформатор, што го изработи турската компанија Астор заврши успешно.Пуштен е во употреба и третиот блок во РЕК Битола, којшто веќе испорачува електрична енергија. Ова е голем и значаен придонес во зголемувањето на домашното производство на електрична енергија“, посочи премиерот КовачевскиНа социјалните мрежи реагираше Џевдет Хајредини кој вели дека досега ниту еден премиер не се сликал со трансформатор.„Ковачевски: Тоа што ветивме и го направивме, РЕК Битола е во целосна употреба.РЕК Битола 40 години бил во целосна употреба и ниеден премиер за тоа не се фалел, ниту некој министер од Скопје отишол во РЕК Битола да се слика со трансформаторот“, се вели во објавата.

Коментари | пред 3 години

„Македонија се наоѓа во епидемиолошки хаос и здравствено безредие“, вели Чибишев

За жал морам да констатирам дека Македонија се наоѓа во епидемиолошки хаос и здравствено безредие. Веќе неколку месеци има многу пациенти со тешки респираторни симптоми кои траат подолго од вообичаено, посебно кај децата, се вели во Фејсбук статусот на доктор Андон Чибишев.-Амбулантите и болниците се преполни со пациенти кои имаат температура, кашлаат, имаат воспаленија на бели дробови, а надлежните институции се уште немаат објаснување за каква инфекција се работи. Дали е тоа корона (кракен), бактерија, друг вирус или нешто четврто. Во неколку градови во државата нема педијатри, колегите гинат на работните места, не можат на сите да им помогнат, во други градови нема одредени медикаменти, општо нема лекови за ретки болести. Жално, неприфатливо, дно, истакна Чибишев.

Коментари | пред 3 години

(ФОТО)Болни од рак на Фејсбук бараат терапија

Новинарката Сашка Цветковска на социјалните мрежи објави фотографија на која лица болни од рак бараат терапија на социјалните мрежи.„Ве молам сите доколку некој ја има оваа хемотерапија нека ме контактира. Хитно е потребна. Пишано е и во групата Канцер победници но ја нема“, пишува член на групата Женски домаќински муабети.„Болните од рак на социјални мрежи бараат терапија! Има ли ронка одговорност и совест кај оваа тендерашка мафија во здравството?! Не знам како да се коментира ваков општествен колапс, пораз, срам...“, пишува Цветковска.И пациентите со цистична фиброза се оставени сами на себе. Исто така бараат итна терапија. Протестираа и пред Министерството за здравство, но до денес никој не презеде ништо.

Македонија | пред 3 години

Касами откри зошто не отиде на средбата со албанскиот премиер Еди Рама

Лидерот на Движењето Беса, Билал Касами, ја смета за вистинска одлуката да не оди на средбата на партиите на Албанците од земјава со албанскиот премиер Еди Рама во Тирана.Знаеме за големата фама што се создаде во Македонија, за фамозната тиранска декларација. Ако еднаш доживеавме такво искуство, не сакавме да се повтори, рече лидерот на Беса во гостувањето во „360 степени“ на ТВ АлсатКасами изјави дека одлуката не била ниту  лична ниту  емотивна, туку беше одлука на органите на партијата на Движењето Беса, правејќи сеопфатна анализа на повикот, на политичкиот момент, на форматот и уште повеќе од моментот кога поканата стана и јавна.

Македонија | пред 3 години

Директорот за пожарот во Паркови и зеленило: Се сомневам дека ова е резултат на вонредниот попис

Јас откако ми се јавија чуварските служби сум тука на лице место. Фала му на господ што нема некоја поголема штета, меѓутоа јас сум многу разочаран од овој обид за да се запалат овие простории. Јас како директор на Паркови и зеленило се сомневам дека ова е резултат на вонредниот попис што го направивме со надлежните и стручните луѓе во самиот магацин и констатирано е дека фалат материјали во магацинот во вредност од милион денари“, изјави директорот на Паркови и зеленило за ИнфомаксТој додаде дека некој се обидел да го запали магацинот и архивата на претпријатието и дека криминалците сакале да ги покријат трагивоте на криминалот.„Ние како раководство на Паркови и зеленило нема да застанеме тука, ќе одиме до крај, додека органите не разјаснат се, и нема да застанеме тука се додека криминалците не завршат каде што им е местото. Закани не сум имал, меѓутоа јас чекав да заврши редовниот законски попис за да можеме да покренеме судска постапка и да утврдиме што се работело и зошто фалат тие работи во магацинот. Исто така имаме камери, веројатно полицијата ќе ги земе сите овие материјали и ќе видиме на крај како ќе биде правата вистина на оваа ситуација“, додава тој.

Скопје | пред 3 години

Пожар во дирекцијата на Паркови и зеленило, се сомнева дека е подметнат

Доцна вечерва избувна пожар во дирекцијата на јавното претпријатие Паркови и зеленило во Скопје.Неофицијално станува збор за подметнат пожар и сторителите користеле бензин за да ја запалат дирекцијата која се наоѓа во близина на гимназијата Орце Николов, објави Инфомакс.Засега сторителите се непознати.

Скопје | пред 3 години

МВР објави фотографија од затвореникот кој побегна

Министерството за внатрешни равоти објави потрагa по Мемети Беким, кој синоќа побегна од затвор и притоа рани затворски полицаец.“Мемети Беким род.30.01.1986 год. во Тетово, каде и живее на ул.„115“ бр.8, кој се бара за бегство од КПУ Идризово за сторено кривично дело по чл. 123, чл.396 и чл.215 од КЗ на РСМ”, стои во описот на МВР.

Македонија | пред 3 години

Полицајците на кои им избега затвореник се задржани во станица, се проверува со кого комуницирале

Дежурен јавен обвинител од Основното јавно обвинителство Скопје во текот на ноќва и утринава издаде повеќе наредби и насоки со цел расчистување на настанот во кој при бегство на осудено лице од КПУ „Идризово“ – Скопје беше повреден еден припадник на затворската полиција.„По осуденото лице се трага под сомнение дека сторило кривично дело – обид за убиство на службено лице. Повредениот припадник на затворската полиција е задржан на лекување, додека останатите тројца кои го спроведувале осуденото лице и нивниот сменски командир се задржани во полициска станица. Дополнително уште неколку лица се повикани да дадат свој исказ во полициска станица за целосно испитување на настанот. Со цел да се утврди дали во конкретниот случај се испочитувани законските процедури дали евентуално има основи за сомнение за кривично дело – противзаконито ослободување на лице лишено од слобода од член 373 од Кривичниот законик, јавниот обвинител веднаш нареди да се обезбедат снимки од видеонадзорот во КПУ „Идризово“ – Скопје, како и листинзи од мобилните телефони на службените лица. Од Управата за извршување санкции е побарано да изврши вонреден надзор врз почитувањето на затворските процедури“, велат од Обвинителството.За настанот е известен јавен обвинител од Одделението за истражување и гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Македонија | пред 3 години

Почина ќерката на Елвис Присли

Лиса Мари Присли, ќерката на кралот на рокенролот Елвис Присли, почина на 54-година возраст. Таа била најдена без свест во својот дом во Калифорнија, и веднаш била пренесена во болница, каде што не успела да се спаси. Според првичните информации, Лиса Мари починала од срцев удар.Таа тргна по стапктие на својот татко, и имаше музичка кариера. Првиот албум го издаде во 2003 година. Имаше многу бракови, се мажеше четири пари, а најпознати бракови и беа со актерот Николас Кејџ и со поп иконата Мајкл Џексон. Имаше четири деца, а едно од нејзините се самоуби во 2020 година.Лиса Мари Присли присуствува на неодамнешната церемонија на доделувањето на Златни глобуси, каде Остин Батлер беше награден за најдобар актер за улогата за филмот Елвис, посветен на нејзиниот татко.

Магазин | пред 3 години

(ВИДЕО) Филмско грабнување на затвореник, ранет полицаец: Бегството испланирано со луѓе од затворот?

Припадник на затворската полиција е ранет, а затвореник во „Идризово“ е во бегство. Ова е резултат на грабнувањето кое се случило во текот на ноќта, при спровод на затвореникот со висок безбедносен ризик од затворот до болница. Затворската полиција била пресретната од неколку вооружени лица, комбето со кое се транспортирал затвореникот било застанато, имало пукање, полицаец е ранет во бешиката. Затвореникот бил изваден и заедно со вооружените лица се дал во бегство, објави А1он.Акцијата за бегство била планирана. На тоа укажува фактот што вооружените лица точно знаеле кога ранетиот затвореник ќе биде спроведен во болница, го знаеле возилото, а иако не потврдено, веројатно имале и дополнителни информации како што се бројот на полицајци кои ќе го носат затвореникот на лекување и трасата на движење.Претходно директорот на Управата за извршување санкции, Марјан Спасовски во интервју за „А1он“ призна дека во затворите владее ендемска корупција. Акцијата за бегство на затвореникот и кај надлежните органи го остави сомнежот дека е координирана со лица од затворот, со оглед на информациите кои ги поседувале вооружените лица.Целиот текст можете да го прочитате тука

Македонија | пред 3 години

Арсовска бега од прашања, ПР-от влечел новинарка за рака

Градоначалничката на Скопје Данела Арсовска и денеска, како и цела година од нејзиниот мандат, не даде одговори на прашањата на новинарите, пишува СДК. МК  На вонредната прес-конференцијата која ја закажа самата, рече дека не може да одговара на прашања надвор од темата бидејќи е болна и е на боледување. Пред почетокот на прес-конференцијата лицето кое од нејзе е задолжено за комуникација со медиуми одеше од новинар до новинар и велеше дека ќе нема прашања.И покрај настојувањето на новинарите да добијат одговори, затоа што никој не им одговара на прашањата кои со месеци ги поставуваат до градоначалничкатата и Град Скопје, а нејзе ја нема во јавност, Арсовска замина од салата. Додека таа си заминуваше, од нејзиниот кабинет на новинарите им велеа „сите прашања што ги имате пратете ги на меилче”, наведува САКАМДАКАЖАМ.МКАрсовска потоа на новинарските екипи кои се обидуваа да ѝ земат изјава им рече „на боледување сум, срамота е ова што го правите“, наведува СДК

Скопје | пред 3 години

Мерко обвинет дека лично ќе убива кучиња, тој тврди дека при шест внучиња, не му требаат кучиња

Градоначалникот на Струга, Рамиз Мерко, одговори на тврдењата од здружението Animal Voice, кои повикаа на протест пред Владата, откако тој изјавил дека самиот ќе ги убиел кучињата да нашол отров, при што од здружението го пријавиле во полиција.„Никој нема да убива и труе кучиња. Јас дома не чувам кучиња. Што ќе ми се кучиња, кога имам шест внучиња? Тие кои решиле да ги чуваат, треба тоа да го прават одговорно, а пак државата да поработи на измена на законите од оваа област“, вели градоначалникот Мерко во изјава за Фокус.

Македонија | пред 3 години

Поранешниот директор на АНБ отпаѓа од игра, ќе биде ли Авировиќ амбасадор во Париз

Скандалот со државјанството на Олександар Онишченко му пресуди на амбасадорското место на поранешниот директор на АНБ Виктор Димовски, дознава Фокус.Иако постапката за негово испраќање на амбасадорска функција беше во крајна фаза, сепак, Владата и претседателот одлучиле да не ја привршуваат поради скандалoт.Најсериозен кандидат за нов македонски амбасадор во Франција е директорот на Директоратот за билатерални односи со воневропски држави во МНР, Пајо Авировиќ.

Македонија | пред 3 години

(ВИДЕО) Збогум на Тиквешко Езеро? Надлежните гледаат вода

Состојбата со Тиквешкото Езеро е алармантна. На социјалните мрежи деновиве беше објавено видео на на кое се гледа огромна зелена и сува површина, а која некогаш била полна со вода и се нарекувала Тиквешко Езеро.-Ова е вистината за Тиквешко Езеро. Ние сме внатре, но нема вода, вели човекот кој снима.Со оглед на моменталната кота на водата која е во рамките на пропишаното со Водостопанската дозвола, биодиверзитетот во акумулацијата не е нарушен.Вака одговорија од АД Електрани на Северна Македонија, откако во јавноста излегоа реакции на луѓе, коишто изразија незадоволство од нивото на водата во Тиквешко Езеро, како втора вештачка акумулација во државата.– Акумулацијата Тиквеш моментално се наоѓа на кота 236 мнв. Минималната дозволена кота е 233 мнв. Во тековната есенска и зимска сезона е забележана лоша хидрологија и изостанувањето на врнежите кои се вообичаени за овој период на годината, односно отсуство на дожд и снег. Врнежи и дотеци се очекува да настапат во следниот период и со тоа се очекува кревање на нивото на водата во сите акумулации, се вели во писмениот одговор до МИА.Притоа се појаснува дека акумулацијата Тиквеш во последниот период се користи за производство на електрична енергија само два часа дневно, за потребите на балансирање на ноќните часови на потрошувачка.– Акумулацијата Тиквеш е изградена со првостепена намена за наводнување на Тиквешкото поле и второстепена намена за производство на електрична енергија.Вегетативниот период предвиден за наводнување заврши во октомври. Со оглед на моменталната кота на водата која е во рамките на пропишаното со Водостопанската дозвола, биодиверзитетот во акумулацијата не е нарушен, се нагласува во писмениот одговор на новинарско прашање.

Македонија | пред 3 години

Тале од Велес му се јавил на Јанаки по изјавата дека сака да го гони за измама

Адвокатот Јанаки Митровски најави тужба за измама за велешанецот Тале Витанов кој е во фокусот на јавноста поради тоа што лажно се претстави во емисијата „Срце на дланка“, па се собираа донации за да му се помогне.-Преварантов од Велес би да го гонам за измама. Ако има заинтересирани кои донирале пишете ми, објави Митровски на Фејсбук.За краток период во коментари доби поддршка, но и луѓе кои бараат одговорност и од новинарите на самата емисија.По неколку часа, на Фејсбук повторно се огласи адвокатот Митровски.„И со цел памет Трајче коцкарот ми се јави. Не ме личело, адвокат сум бил.“– Може ли да ме сослушаш?, го прашал тој, по што добил одговор:– Не – пишува познатиот адвокат

Коментари | пред 3 години

Тале од Велес лажел дека е самохран татко, па со пари од донации се коцкал

Тале Витанов од Велес ја измами цела Македонија, а хуманоста на бројни добри луѓе е злоупотребена. Ова утрово се споделува на сите социјални мрежи.Имено, револрирани граѓани велат дека ја откриле измамата овој велешанец за кој јавноста дозна до емисијата „Срце на дланка“.Инфлуенсерката Миа Костова се огласи на фејсбук по повод овој случај. Вели донирала, но и побара одговорност од „Срце на дланка“.-Апелов го објавивме мислам дека сите! Никогаш не сум кажала кога донирам, ама еве сега ќе кажам дека во истиот момент префрлив пари на сметка. Се испостави дека се работи за коцкар, кој дреме по кладилници, своевремено освоил џекпот на апарати од 26.000 евра, со сопругата не е разделен, го гледаат низ Велес, самохран татко бил за потребите на снимањето. Од вакви приказни утре нема да донира некој кај што е навистина потребно. Јавно барам одговорност од Срце на дланка со она малку новинарско искуство што го имам, како снимаат сторија ако цел Велес знае за каков човек се работи, а тие на еден повик одат и прават приказна која вклучува и деца кои судејќи по трпезата и расположението на Тале, не се баш гладни. Срамота! - напиша револтирано Миа.

Македонија | пред 3 години

Мерков циркус: „Анимал војсис“ тврди дека Мерко лично им кажал дека ќе излезе на улица и ќе убива кучиња – струшкиот градоначалник им врати: Што ќе ми се кучиња, кога имам шест внучиња?

Активисти за заштита на животните, утре во 16 часот, пред Владаттаа, ќе организираат протест „за да се сопре убивањето и мачењето на кучиња“. Ваквиот повик доаѓа откако маж од струшко со пушка усмрти десетина улични кучиња во Струга.„Ги повикуваме сите граѓани да излеземе во петок како револт за немилите настани каде беа пукани и убиени кучиња во Струга. Ве повикуваме сите да покажеме дека вака веќе не може и дека нема да молчиме на злосторствата кои се случуваат пред наши очи! Дојдете во петок со транспаренти, со свирчиња, со црвена боја во било која форма како симбол за сите невини убиени животни бидејќи ние сме гласот на сите безгласни невини души. Нема да прифатиме ова да биде новата нормланост. При здрав разум се правиме глупави, а психопатите ги ‘превземаат работите во свои раце’. Не решаваат ништо освен да ја задоволат нивната потреба за изживување врз животни! Доста беше!“, се вели во повикот објавен на социјалната мрежа Фејсбук.Во меѓувреме, од здружението „Анимал војсис“ ја информираа јавноста дека имале средба со струшкиот градоначалник Рамиз Мерко, на која присуствувале и директорот на ЈКП „Комунално” Струга и инспектор за животна средина. На средбата, според „Анимал војсис“, Мерко рекол дека „лично ќе излезе на улица и ќе ги убива кучињата“, односно дека „до сега ќе ги иструел ама не можел да најде отров“.„На средбата ги истакнавме нашите предлози, како да се реши проблемот, се потрудивме да најдиме заедничко решение со кое би им помогнале на животните и граѓаните на Општина Струга, но бевме буквлано избркани! Градоначалникот директно и отворено ни кажа дека тој лично ќе излези на улица и ќе ги убива кучињата по кратка дискусија на тема решавање на проблемот, дека тој до сега ќе ги иструел ама неможел да најди отров по што веднаш поднесовме пријава до СВР Струга‼️ Од тука може да видиме какви луѓе ја водат општината, какви луѓе се на власт и зошто нема напредок во општините“, напишаа од „Анимал војсис“ на Фејсбук.Ваквите информации ги демантираше Мерко.„Јас дома не чувам кучиња. Што ќе ми се кучиња, кога имам шест внучиња? Тие кои решиле да ги чуваат, треба тоа да го прават одговорно, а пак државата да поработи на измена на законите од оваа област. Вака, како што досега функционираат работите на темата со улични кучиња, гледаме дека се вртиме во круг, а проблемите се повторуваат“, изјави струшкиот градоначалник за „Фокус“ нагласувајќи дека лично го осудува настанот со пукањето во Струга.

Македонија | пред 3 години

Арсовска ќе поднесе кривична пријава за цементарницата „Титан Усје“

На иницијатива на Град Скопје во соработка со Министерството за животна средина, изминатиот месец, градот самостојно и во, здружена акција со Министерството изврши мерења на испустот на гасови од работењето на објект од тешка индустрија во општината Кисела Вода.„Се работи за цементарницата „Титан Усје“ од каде при извршените мерења на амбиенталниот воздух во фабриката се забележани големи концентрации на штетни честици кои значително допринесуваат кон нарушување на квалитетот на амбиенталниот воздух на целокупното подрачје на градот Скопје.Мерењата се извршени во два наврати, и тоа на 26 и 27 декември минатата година, и 3 и 4 јануари годинава. Во двата наврати измерени се огромни пречекорувања на дозволениот испуст на гасови и честици кои го загадуваат и нарушуваат квалитетот на амбиенталниот воздух.Конкретно, во месец декември минатата година, измерени се три пати повеќе ПМ10 честички кои се испуштаат во атмосферата, а слични резултати добивме и при мерењето кое е извршено на почетокот на овој месец.Станува збор за испуштање на три пати поголеми количини од дозволените, на метар кубен секој час.Инспектори на градот Скопје во здружена акција со државниот инспекторат при Министерството за животна средина извршија увид на работниот процес во цементарницата при што се забележани сериозни прекршувања спротивни на издадената А интегрирана еколошка лиценца, која ја издава токму Министерството за животна средина.Имено, при последното мерење, констатирано е драстичнно пречекорување на испустот на штетни честици со што се нарушува квалитетот на амбиенталниот воздух.Дополнително за загадувањето од котларата за загревање на цементарницата утврдено е дека има надминување на граничните вредности на азотни оксиди NOx при што резултатите од мерењата покажуваат повеќе од двојно поголеми вредности од дозволените 350 милиграми односно покажуваат 711,9 милиграми на метар кубен.Поради ова, како градоначалник на градот Скопје преземав иницијатива за покренување на кривична постапка против цементарницата „Титан Усје“ согласно член 218, член 230 и член 234 од Кривичниот законик, за непридржување кон прописите за заштита и унапредување на животната средина, со што се загадува воздух, почва, вода, во поголем обем и со што се предизвикува опасност за животот и здравјето на луѓето.Граѓаните на градот Скопје недозволиво е да бидат жртви на профитите на неколкумина кои со децении не трујат, обидувајќи се со „донации“ по општините, коруптивно однесување и најразличен вид на влијанија да се амнестираат од одговорноста за загадувањето на животната средина од кое илјадници граѓани страдаат од бројни заболувања.Како градоначалник со тимот во изминатата година работевме на системско решение за интегрирано спречување и контрола на загадувањето и тоа на краткорочни, среднорочни и долгорочни мерки.Краткорочните, или популарно наречените „интервентни“ мерки од страна на градот Скопје се превземаат само по укажување на Министерството за животна средина. По добивање на известување за алармантна состојба од Министерството за животна средина и просторно планирање градот постапува согласно мерките кои се препорачуваат за заштита на амбиенталниот воздух, а во согласност со Законот за заштита на амбиенталниот воздух. Одлука од Град Скопје за превземање на краткорочни мерки следува по добиено известување од страна на Министерството за животна средина и просторно планирање.На моја иницијатива, а заедно со секторите во градот Скопје, активно работиме и на спроведување на повеќе континуирани мерки за намалување на загадувањето во градот. Во континуитет се чистат дивите депонии, се зголемуваат субвенциите за алтернативен превоз, се воведува ред во јавниот превоз во кој повеќе нема да можат да партиципираат возила кои немаат минимум ЕУРО 4 стандарди со цел намалување нa загадувањето од овие возила.Согласно Законот за квалитет на амбиентниот воздух Градот Скопје спроведува мерки и препораки за намалување на загадувањето на воздухот и заштита на здравјето на граѓаните:-Зајакнат инспекциски надзор на инсталациите под надлежност на Град Скопје и правни лица со Б интегрирани еколошки дозволи-Интезивна контрола на градилиштата, односно возилата што излегуваат од градилиштата заради контрола на прашина.-Зајакната контрола на имателите на одобренија за доставување на стока преку Инспекторатот на Град Скопје. Воедно го повикавме Министерството за внатрешни работи да спроведе засилени контроли на правните субјекти кои поседуваат одобренија за доставување на стоки издадени од страна на Градот Скопје.-Им се препорачува на градоначалниците на општините во градот Скопје да ги интензивираат инспекциските надзори над субјектите кои управуваат со отпадни гуми и отпадни масла.-Министерството за животна средина, Државниот инспекторат за животна средина и општините се повикани да извршат засилени контроли над инсталациите што се под нивни ингеренции.-Министерството за внатрешни работи да ги зајакне контролите на почитување на забраната за движење на тешки товарни возила чијашто крајна дестинација не е Градот Скопје и кои ќе се упатуваат да ја користат скопската обиколница, во согласност со поставената сообраќајна сигнализација.-Министерството за внатрешни работи да врши зачестени контроли на издувните гасови на возилата кои учествуваат во сообраќајот.-За енергенс или при затоплување да не се користат отпадни материјали, прегорено машинсо масло, лакирани и обоени отпадоци од дрво, стиропор, ПЕТ амбалажа, гуми и каков било синтетички материјал.-Да се користи суво и чисто дрво без примеси од земја и отпадоци, печките на дрво да се користат и одржуваат според упатствата на производителот, редовно да се чистат оџаците.Мерките и препораките за намалување на загадувањето на воздухот се согласно Краткорочниот акционен план за заштита на амбиентниот воздух во град Скопје .Ги повикуваме ресорните институции во чија примарна надлежност е животната средина Министерството за животната средина и просторно планирање и Државниот инспекторат за животна средина да ги интензивираат активностите во насока на овозможување здрава животна средина и повисок квалитет на амбиентален воздух. Градот Скопје започна со спроведување сет системски и конкретни мерки за справување со загадениот воздух и токму ова е еден од најголемите приоритети на кој ќе работи градската администрација. Овој сет на комплементарни мерки ќе придонесат за обезбедување повисок квалитет на живот за граѓаните и намалување на нивото на загаден воздух.Во изминатата година, градот Скопје има изречено казни од 12 до 88 илјади евра за правни лица и соодветни казни против физички лица кои се затекнати како неправилно одлагаат отпад и го прекршуваат законот.Дополнително, сакам да ја информирам јавноста и да констатирам дека за жал со оваа состојба досега никој не се занимавал сериозно. Тука сакам да ја потенцирам потребата од воведување и редовно ажурирање на регистарот на загадувачи.Град Скопје покрај краткорочните мерки, работи и на план за имплементација на среднорочни и долгорочни мерки за заштита на амбиенталниот воздух.Како градоначалник со тимот во изминатата година работевме на системско решение за интегрирано спречување и контрола на загадувањето, при што со анализа и активности на терен детектирани се над 1000 субјекти кои е неопходно да подлежат на интегрирани еколошки дозволи со што примарните извори на загадување од индустријата ќе се ограничат во можноста да се продолжи со истото однесување. Со имплементација на овие среднорочни и долгорочни мерки, кои ќе се спроведуваат во континуитет, ќе се постигне подобување на состојбите, наместо да се делува со краткорочни мерки кои се интервентни и се активираат само кога проблемот е најизразен.Имено, од 2006 година кога со Законот за животна средина е започнат процесоот за интегрирано спречување и контрола на загадување, со што се предвидува и воведување на регистар на загадувачи и контрола на издадени А и Б интегрирани еколошки дозволи, до овој момент во градот Скопје регистирани се само 30 правни лица, иако според анализите кои ги извршивме во изминатата година постојат најмалку 1.000 вакви правни лица кои морале да бидат регистрирани и соодветно контролирани. Оттука најавувам, и едновремено апелирам до сите компании кои имаат обврска според овој закон, во наредните 30 дена да достават елаборати за управување со загадувањето и да аплицираат за Б интегрирана еколошка дозвола. Градот ќе ги превземе сите законски можности и нема да амнестира никој кој ќе биде затекнат дека врши дејност без соодветната еколошка дозвола и со тоа го нарушува квалитетот на животната средина и го загрозува здравјето на скопјани.За оваа година, согласно најавените мерки, најавуваме засилени контроли и зголемена ефикасност на градскиот инспекторат.Крајно време е, по три децении, да се стави ред и да се посветиме на тоа сите во Скопје да имаат повисок степен на квалитет на живот“, се вели во сооштението.

Скопје | пред 3 години

НОВО УБИСТВО: Син со нож го нападнал сопствениот татко, кој им подлегнал на повредите

Четириесетгодишен кумановец со нож го нападнал 65 годишниот татко, кој им подлегнал на повредите, соопшти полицијата.– Полициските службеници од СВР Куманово околу 16 часот го приведоа Б.Ј.(40) од Куманово поради сомнение дека околу 15 часот во Куманово со нож го нападнал својот татко С.Ј.(65), кој им подлегнал на повредите, информираа денеска од СВР Куманово.Полицијата презема мерки за расчистување на случајот.

Македонија | пред 3 години

Тетовци во понеделник на протест за доктор Бобан, обвинет за страшниот пожар во модуларната болница

Во понеделник – 16.01.2023 година, со почеток од 09.00 часот повторно се организира мирен протест пред Основниот суд во Тетово, а заради (не)правдата кон др. Бобан Вучевски.„Докторот кој е тетовскиот херој од корона-пандемијата е обвинет како одговорен за страшниот пожар во модуларната болница во Тетово, во кој изгореа 14 луѓе. Сите, кои сакате да му дадете поддршка на овој хуман човек и да изразите револт за овој судски процес, добредојдени сте.Се гледаме пред суд и остануваме таму до крајот на рочиштето тој ден“, пишува на настанот отганизиран на социјалните мрежи.

Македонија | пред 3 години