ТОП

Денес продолжува судењето за убиството на Вања и Панче со прашања од обвинителството кон Палевски

Судењето за убиството на Вања и Панче продолжува денеска во 10 часот во Основен Кривичен суд Скопје со сведочење на обвинетиот Љупчо Палевски на вкрстени прашања од Обвинителството и одбраната на останатите обвинети.Во својот исказ Палевски на изминатото рочиште повторно ги оспори обвинувањата против него, тврдејќи дека доказите на обвинителството се нецелосни и манипулативни.Палевски негираше вина дека учествувал во грабнувањето и убиството на Вања и Панче. Тој тврди дека на денот на убиството на Вања бил во банка да плаќа сметки, по што отишол на пазар на купи грејач за котел, па се вратил во седиштето на политичката партија „Десна“ каде имал состаноци со членови од партијата. Палевски, исто така, тврди дека не го возел „ситроенот“ на Жежовски, ниту дека некогаш бил во неговата куќа.Палевски е последниот сведок кој треба да сведочи, откако претходно, покрај сведоците на Обвинителството, беше сослушан таткото Александар Ѓорчевски, како и останатите обвинети. Обвинетиот Велибор Манев ги образложи грабнувањата и убиствата на Вања и Панче, посочувајќи дека главен организатор бил Љупчо Палевски. Боре Видевски го негираше своето учество во настаните, додека Влатко Кешишев посочи дека тој не сведочел на истите, бидејќи најчесто му била давана задача да чува стража.

Македонија | пред 10 месеци

(Видео) Таравари од Истанбул: Двајцата пациенти, Борис и Мартин, се во тешка, но стабилна состојба

Министерот Арбен Таравари беше во посета на двајцата млади пациенти од трагедијата во Кочани, кои се лекуваат во болницата Чам во Шакура во Истанбул.„Останати се двајца пациенти, Борис и Мартин, имаат по 21 година имаат. Во тешка состојба се, но доста стабилна, јадат сами, тука се со своите родители. Јас би сакал да изразам јавно задоволство до целата болница кои дадоа допринос за најтешките пациенти бидат третирани тука“, рече Таравари.

Македонија | пред 10 месеци

Гневот на семејствата од Кочани може да ескалира, а судска постапка со 68 обвинети може да има 68.000 проблеми, алармира Туфегџиќ

Адвокатот и екссудија, Владимир Туфегџиќ, алармира дека очајот и гневот на семејствата на настраданите, лесно може да ескалира и работите да излезат од контрола. Тој посочува дека треба да им се објасни сѐ во однос на постапката, да ја знаат реалноста и да знаат што да очекуваат. Според него, постапката со 68 осомничени е проблематична сама по себе.„Протестите на семејствата на настраданите во Кочани говорат за очајот и гневот на овие луѓе кој може многу лесно да ескалира и работите да излезат од контрола. На овие луѓе им е потребна институционална помош и потребно е веднаш да се мобилизираат организации кои се стручни за работа со жртвите од вакви и слични трагедии, доколку воопшто имаме вакви организации. Јавното обвинителство и полицијата мораат да им ја кажат реалноста и очекувањата на оштетените за да не се создава нереална слика по однос на законските можности за постапување, оштетените се странка во постапката и имаш обврска кон нив. Од секогаш сум бил поборник веднаш да ја кажеш вистината колку и да е неприфатлива и болна, подобро е на луѓето сега да им се каже дека вака унифицирано поставена равенка на одговорност по хоризонтала и вертикала како кривично дело Тешки дела против општата сигурност со 68 осомничен е проблематично самото по себе, подобро е на луѓето сега да им кажеш дека пожарот, причините и последиците од пожарот се една работа, а институционалните пропусти од 2012 година до денес и легалноста на објектот, се сосема друга правна работа, подобро е сега да им кажеш дека во судска постапка со 68 обвинети очекуваш 68 илјади проблеми и дека обвинетите имаат право на одбрана и ќе се бранат со сите законски дозволени сретства“, вели Туфегџиќ.Тој додава: „Подобро е на оштетените сега се да им се каже за да не се дојде во ситуација догодина во ова време кога со протести ќе се бара брза правда, а ти не можеш да ја испорачаш, да се префрла топката полиција - обвинителство - суд и обратно, тогаш ќе биде касно било што да се каже“.

Коментари | пред 10 месеци

Загинатиот малолетник во Чаир немал кацига и возел брзо - првични детали за трагедијата од ноќеска

Дежурен јавен обвинител од Основното јавно обвинителство Скопје изврши увид на лице место во близина на трговскиот центар “Чаирчанка” каде рано утрово во тешка сообраќајна несреќа загина 16-годишен возач на мотоцикл.„Според првичните сознанија по увидот, 16-годишникот управувал без возачка дозвола и заштитна кацига, како и со брзина поголема од дозволената. На критичната локација, не успеал да избегне електричен тротинет со кој по коловозот управувал 14-годишник. Во сообраќајната несреќа, возачот на моторот се здобил со тешки телесни повреди од кои починал на лице место, додека малолетникот кој управувал со тротинетот е повреден и задржан на лекување.Со цел точно утврдување на причините за несреќата, јавниот обвинител издаде повеќе наредби и насоки. Се обезбедуваат и се прегледуваат снимки од видео надзорот на конкретната локација. Издадена е наредба за обдукција на телото на починатиот, а и кај малолетникот кој управувал со тротинетот ќе бидат извршени анализи за евентуално присуство на алкохол или други недозволени супстанции“, велат од Обвинителството.

Скопје | пред 10 месеци

Група малолетници вчеравечер сте степаа кај Градежен факултет, еден од нив нападна и полицаец

Тепачка помеѓу повеќе малолетници се случи вчеравечер кај Градежниот факултет во Скопје. Група полицајци беа на терен за да ги раздвојат. Биле уапсени двајца од нив, а едниот, 15-годишник, нападнал и полицаец.„На 26.04.2025 околу 22.30 часот на подрачјето на Центар во Скопје, полициски службеници од СВР Скопје лишиле од слобода двајца малолетници на возраст од 14 и 15 години од Скопје затоа што го нарушиле јавниот ред и мир и претходно учествувале во физички пресметка помеѓу повеќе малолетници“, велат од МВР и додаваат:„При приведувањето, 15-годишникот нападнал и полициски службеник кој извршувал службени дејствија“.По целосно документирање на случајот, ќе биде поднесена соодветна пријава.

Скопје | пред 10 месеци

(Видео) Собрани се речиси 30.000 евра на аукцијата каде се надаваа претседателката, пратеници, бизнисмени, граѓани за помош на повредените од Кочани

Со продажбата на уметнички дела преку аукција, собрани се околу 1.800.000 денари односно речиси 30.000 евра од вчерашната хуманитарна акција организирана од „SupportKocani“. Парите се наменети за повредените лица, од кои дел се уште се на лекување. На наддавањето беа поканети над 50 политичари, бројни бизнисмени, како и сите граѓани. Автор на најскапото дело кое беше продадено е на Михаил Корубин кое од почетна цена 120.000 денари достигна до 300.000 денари.Во салата се појавија претседателката на државата, Гордана Сиљановска-Давкова и генералниот секретар Ѓорги Божинов, претседателот на СДСМ Венко Филипче, пратеникот Миле Лефков, пратеникот од ЗНАМ Павле Арсоски, градоначалникот на Центар Горан Герасимовски, вд градоначалникот Венко Крстевски беа единствените функционери на аукцијата преку која се собираше пари за Кочани. Присутни беа и мал број бизнисмени, како газдата на “Ауто велт” и газда на позната штипска кофекција “ЕАМ”, како и јавни личности меѓу кои Дејан Пауновски-Паки. Делата беа донирани и познати уметници.

Македонија | пред 10 месеци

(Видео) Како судскиот вештак Трпевски куртули од казна, иако и сам барал да го казнат оти погрешил

Сообраќајниот инженер и судски вештак, Дејан Трпевски, низ личен пример објасни дека селективно се постапува при казнување на граѓаните, а полициски службеници се подготвени и да не пишат казна, за да заштитат колеги, како што тврди тој.Според него, тој бил застанат на улицата „Даме Груев“ кај полициската станица „Беко“. Чекал 2-3 минути, кога му дошол полицаец со барање да му даде документи, а потоа посегнал да му пише казна. Трпевски барал да види каде има знак, а додека утврдувал дека полицаецот е во право, приметил и други паркирани возила зад него. Но, според неговото сведочење, различно е тоа што во нив имало полициски елечиња - па тие стоеле паркирани на улица без да бидат санкционирани.Полицаецот за миг се откажнал од казнување, по јавување на претпоставен.Погледнете го поткастот за сообраќајните несреќи во Македонија, увидот, записниците, полицијата:

Македонија | пред 10 месеци

(Видео) Најмалку 25 мртви и 800 ранети во Иран, експлодираше воено гориво - познати се деталите

Властите соопштија дека најмалку 25 лица се убиени, а 800 се повредени во голема експлозија во едно од клучните ирански пристаништа. Експлозијата се случила во пристаништето Шахид Раџаи, најголемото трговско пристаниште во Иран, во близина на јужниот град Бандар Абас, во сабота наутро. Шест лица сè уште се водат како исчезнати, според државните медиуми.Експлозијата ги скршила прозорците и покривите на блиските згради и уништила автомобили. Жителите изјавиле дека ја почувствувале експлозијата дури на 50 км оддалеченост.Видео снимките потврдени од Би-Би-Си покажале пожар кој постепено се зголемувал пред огромна експлозија, по што луѓето почнале да бегаат, додека некои останале повредени на патиштата, опкружени со чад и остатоци.„Целиот магацин беше исполнет со чад, прашина и пепел. Не се сеќавам дали се скрив под маса или експлозијата ме фрли таму“, изјавил еден сведок за иранската државна телевизија.Воздушните снимки покажале дека најмалку три области се во пламен, а министерот за внатрешни работи на Иран подоцна потврдил дека пожарот се ширел од еден контејнер во друг. На училиштата и канцелариите во регионот им било наредено да останат затворени во недела. Приватна консултантска компанија за поморски ризици изјави дека верува оти погодените контејнери содржат цврсти погонски горива наменети за балистички ракети. Според „Амбреј интелиџенс“, пожарот бил предизвикан од „неправилно ракување со пратка цврсти погонски горива наменети за ирански балистички ракети“.Амбреј, исто така, изјави дека има информации дека ирански брод истоварил пратка натриум перхлорат, ракетно гориво, во пристаништето во март 2025 година. „Фајненшл тајмс“ претходно објави дека два брода го донеле горивото во Иран од Кина.Државните медиуми објавија изјави на очевидци дека експлозијата се случила откако избувнал пожар и се проширил на неправилно запечатени контејнери во кои се складирани запаливи материјали.Царинските службеници подоцна издадоа соопштение, според извештајот на иранската државна телевизија, во кое се вели дека експлозијата веројатно е резултат на пожар што избувнал во магацин со опасни и хемиски материјали.Пристаништето Шахид Раџаи е најголемото и најмодерното пристаниште во Иран, кое опслужува голем дел од иранскиот комерцијален превоз. Се наоѓа во Ормутскиот теснец, главен воден пат за танкери за нафта, околу 20 километри западно од Бандар Абас, најголемиот пристанишен град на Иран на јужниот брег и дом на главната иранска поморска база.Иранската Национална нафтена компанија соопшти дека експлозијата во пристаништето „нема никаква врска“ со рафинериите за нафта, резервоарите за гориво или цевководите во земјата, објавија локалните медиуми. Иранскиот претседател Масуд Пезешкијан изрази „длабоко жалење и сочувство“ до жртвите од несреќата. Тој најави владина истрага и го испрати министерот за внатрешни работи во регионот да ја води. Експлозијата во саботата се случи во време кога иранските и американските претставници одржаа нова рунда разговори за нуклеарната програма на Иран, при што американскиот претседател Доналд Трамп бараше договор за спречување на Техеран да развива нуклеарно оружје.Со Оман како посредник, двете страни објавија напредок, но главниот преговарач на Иран рече дека треба да се направи повеќе работа за да се премостат разликите. Разговорите ќе продолжат следната недела.Иран изјави дека е отворен за ограничувања на својата нуклеарна програма во замена за ублажување на санкциите, но инсистираше дека нема да го суспендира збогатувањето на ураниум. Техеран вели дека неговата нуклеарна програма е исклучиво за цивилни цели.Овогодинешните разговори претставуваат прв директен контакт на високо ниво меѓу САД и Иран од 2018 година, кога Трамп ги повлече САД од претходниот договор со кој се ограничуваше нуклеарната програма на Иран и повторно воведе економски санкции за време на неговиот прв мандат како претседател.

Свет | пред 10 месеци

(Видео) Филипче од Кочани: Секоја политичка партија има некаква одговорност, веќе нема оправдување

Претседателот на СДСМ, Венко Филипче учествуваше на денешната аукција организирана од SupportKocani. Тој купи неколку уметнички дела, а спомна дека парите ќе бидат донирани за повредените. По аукцијата, рече дека време е да се седне со сите политички чинители за да се зајакне системот.Тој во изјава за „Скопје1“, рече дека со претседателката Сиљановска-Давкова ќe се сретнат по првомајските празници,  а се согласи дека секоја политичка партија од изминатите 30 години има некаква одговорност.„Веќе нема оправдување, нема потреба за одлагање, нема изговор дека нема буџети, ова треба да биде приоритет, ова е најголемиот тест на државата и одговорните чинители, како се менаџира ваква криза по ваква голема трагедија“, рече Филипче.

Македонија | пред 10 месеци

(Видео) Претседателката од Кочани: Се надевам ова ќе нѐ освести, шокирана сум од возниот парк на пожарникарите

Претседатеката Гордана Сиљановска Давкова учествуваше на аукцијата организирана од SupportKocani. Taa купи неколку уметнички дела, а собраните средства ќе бидат донирани за повредените меѓу кои дел сѐ уште се на лекување. По настанот за Скопје1 изјави дека го менувала и летот за да стигне во Кочани.Претседателката рече дека се надева дека трагедијата во дискотеката Пулс ќе не освести, но и дека била шокирана по посетата на противпожарната единица.

Македонија | пред 10 месеци

Папата Франциск погребан во присуство на илјадници верници и шефови на држави и влади

Десетици илјади луѓе од сите делови на светот се собраа во Ватикан за да ја оддадат последната почит на Папата Франциск, првиот латино-американски папа кој на светата столица беше 12 години. Ќе остане запаметен како Папа кој ги стави сиромашните на прво место и ја водеше Црквата со отворено срце. Над 150.000 луѓе го исполнија Плоштадот. Меѓу нив присуствуваа и светските лидери Трамп, Макрон и украинскиот претседател Зеленски. Претседателот на САД, кој има долгогодишна врска со Католичката црква, беше меѓу првите кои ги оддадоа своите почести.На погребот на потифот присуствуваа 164 делегации на светски лидери и претставници на кралски семејства, меѓу нив е и македонската претседателка Гордана Сиљановска-Давкова. Деканот на Колегиумот на кардинали, Џовани Батиста Ре, кој ја водеше светата миса и ја исполни последната желба на папата за скромно и достоинствено испраќање, ја истакна неговата непоколеблива посветеност кон мирот и правдата. Спомена и за неговата постојана борба за мир и за неговата безусловна посветеност на најранливите, особено во време на глобални конфликти и човечки страдања.По церемонијата во Рим, ковчегот на Папата е пренесен до црквата „Санта Марија Маџоре“, тука ќе биде и погребан. Неговото заминување е загуба не само за Црквата, туку и за светот кој го гледа како симбол на надеж и отвореност. Папа Франциск беше повеќе од духовен лидер, тој беше човек кој ја поттикнуваше хуманоста и правдата. Во Ватикан ќе продолжи собирот на 135-те кардинали, чијашто конклава за избор на нов папа најверојатно ќе почне на 5-ти мај. 

Свет | пред 10 месеци

(Видео) Семејствата неутешни: Солзи низ кочанските улици, се бара одговорност од сите инволвирани за загинатите деца: Имате ли доблест да признаете вина?

На пороен дожд, семејствата на загинатите и кочанчани излегоа да бараат правда за загинатите. Се обратија до сите институции, бараат само правда. Тие се револтирани, сметаат дека институциите пофрлиле, а Македонија само глуми држава во моменти кога граѓаните не се заштитени.Пред Општина Кочани, тие ги прашаа инспекторите, дали столчето им е толку удобно, па не работат на терен?„Инспектори, дали ви е потребна обука од наша страна за ова што е од ваша надлежност. Или пак ќе излезете со полни торби гардероба од споредна врата, ќе ве носат на ручеци? На секој од нас ни било барано мито. Дали тоа вреди повеќе од животот на нашите деца?“, ги прашаа семејствата.Порака имаше и до полициските службеници.„Имате ли доблест да си ја признаете вината за таа кобна ноќ или тоа не ве учеле? Секоја недела нашиот марш е уредно пријавен во МВР. Дали концертот на ДНК, монструмот го пријавил до надлежните институции, дали вие требаше да бидете таму по службена должност, бидејќи имало реклами, а децата поради тоа беа присутни таму?“, праша родител.

Македонија | пред 10 месеци

(Вознемирувачко видео) По кражбите во црквите во Кривогаштани, жители сами го барале крадецот

Две кражби, во две цркви имало во селото Обршани во Кривогаштани, а кои се пријавени во МВР. По ова, на социјалните мрежи се прошири снимка на која се гледа како жители во темница, фатиле лице за кое се сомневале дека е сторителот на двете дела. Истата е вознемирувачка.„Дај да го заколам на место бе. Абе кај си бил? Ќе те отепам како пес на место. Кажи кај одиш“, вели лицето кое го држи, а другиот тврди дека не крадел и не одговара каде одел, а се претсатвува дека е од Велес.(ВОЗНЕМИРУВАЧКОТО ВИДЕО МОЖЕТЕ ДА ГО ВИДИТЕ ТУКА)„Скопје1“ побара став од Секторот за внатрешни работи Битола од каде велат дека немале пријава за настанот, но полицијата ја има снимката и истата се проверува.„До овој момент во СВР Битола нема официјална пријава за таков настан, но полициските службеници ја проверуваат информацијата и работат на расчистување на настанот преку откривање на локацијата и лицата на видеото. Во Полициското одделение Кривогаштани во текот на вчерашниот ден биле пријавени два настани за кражби во верски објект(цркви) во с.Обршани каде биле одземени парични средства,се работи на расчистување на настанот“, вели Сања Стаматова, портпаролка на СВР Битола.Снимките од кражбата се објавени и јавно. Ако се погледне снимката од кражбата и снимката каде е фатено лицето - може да се забележи истата маица.

Македонија | пред 10 месеци

Ми понудија да одам во ДУИ, оти Ахмети ќе се пензионира, па ја земеме партијата, тврди Меџити

Првиот вицепремиер Изет Меџити, во емисијата „Топ тема“ објави дека имал понуда да го подели ВЛЕН. Меџити рече дека прво него му понудиле да ја растури коалицијата ВЛЕН и да се врати во ДУИ. Како што изјави, тој не ја прифатил понудата, бидејќи, како што додаде, прифатил да биде дел од промената со ВЛЕН.– Има обиди и имаше обиди за поделба на ВЛЕН. Ја имав првата понуда, од посредници, ми рекоа да дојдам во ДУИ, сега Артан го нема, партијата ќе се исчисти уште повеќе, Ахмети ќе се пензионира, ние ќе ја преземеме партијата и ќе ја реформираме. Но, јас не прифатив, бидејќи прифатив да бидам дел од промената во ВЛЕН – рече Меџити.Тој додаде дека Арбен Таравари прифатил „некаква понуда“ и порача дека не треба да крие која е понудата и договорот, туку искрено да каже во јавноста.

Македонија | пред 10 месеци

(Фото) Повторно удрен пешак, овојпат на пешачки кај Католичка црква

Вчера вечерта, околу 20 часот, сообраќајна несреќа се случи во центарот на Скопје, кај Католичка црква.Очевидци велат дека автомобил со скопски регистарски ознаки удрил во пешак кој поминувал на обележан пешачки премин. Станува збор за возрасен маж.Засега не е позната состојбата на повредениот, а детали се очекуваат од МВР во текот на денот.Повеќе информации подоцна.

Скопје | пред 10 месеци

Што да очекувате на погребот на папата?

Погребот на папата Франциск, кој почина во понеделник на 88-годишна возраст, ќе се одржи денес на плоштадот „Свети Петар“. Потоа папата ќе биде погребан во римската базилика „Света Марија Голема“.Се очекува повеќе од 200.000 луѓе да присуствуваат на церемонијата на огромниот плоштад пред базиликата „Свети Петар“. Околу 50 шефови на држави досега го потврдија своето присуство, вклучувајќи го и американскиот претседател Доналд Трамп и 10 актуелни монарси. Лидерите од Италија, Франција, Германија, Велика Британија, Украина, Бразил, институциите на ЕУ и родната земја на Франциск, Аргентина, исто така го потврдија своето присуство.По поворката граѓани кои сакаа да оддадат почит, ковчегот со Франциск беше запечатен во петокот вечерта на приватна церемонија предводена од осум кардинали. Лицето на папата беше покриено со бел свилен превез, а неговото тело беше попрскано со света вода.Папските артефакти како што се монети и медали ковани за време на неговиот понтификат беа поставени во ковчегот. Посебен документ со наведени најважните моменти од неговото 12-годишно папство беше ставен и во ковчегот.Франциск побара да биде погребан во едноставен дрвен ковчег покриен со цинк, за разлика од неговите претходници кои беа погребани во три меѓусебно поврзани ковчези направени од чемпрес, олово и даб.По поворка од граѓани кои сакаа да му оддадат почит, ковчегот на Франциск беше запечатен во петокот вечерта на приватна церемонија предводена од осум кардинали. Лицето на папата беше покриено со бел свилен превез, а неговото тело беше попрскано со света вода.Папските артефакти како што се монети и медали ковани за време на неговиот понтификат беа поставени во ковчегот. Посебен документ со наведени клучни точки од неговото 12-годишно папство беше ставен и во ковчегот.Денеска наутро, ковчегот на папата ќе биде однесен од базиликата до плоштадот. Се очекува погребната миса да започне во 10 часот наутро со хор кој ќе ги пее воведните обреди на латински.Италијанскиот кардинал Џовани Батиста Ре ќе ја одржи проповедта и ќе претседава со мисата, за која се очекува да сослужуваат 220 кардинали и 750 епископи и свештеници во близина на олтарот, како и повеќе од 4.000 други свештеници кои ќе сослужуваат на плоштадот.На погребот на папата Јован Павле II во 2005 година, проповедта ја одржа германскиот кардинал Јозеф Рацингер, кој ќе биде избран за папа Бенедикт XVI 11 дена подоцна.Ре нема право да учествува на конклавата што ќе го избере наследникот на Франциск бидејќи има 91 година и не е кандидат за папство. Но, набљудувачите на Ватикан веруваат дека неговата проповед би можела да даде насоки што неговите колеги кардинали треба да ги следат.Официјалните делегации ќе седат во делот десно од олтарот, на врвот од скалите што водат до базиликата „Свети Петар“. Се очекува „најдобрите места“ да им бидат дадени на претседателот на татковината на Франциск, Аргентина, и на претседателот и премиерот на Италија. Владетелите како што се шпанските и белгиските кралски семејства и кнежевските семејства на Монако, исто така, ќе имаат приоритет пред другите шефови на држави.Другите достоинственици ќе бидат подредени по азбучен ред според француските имиња на нивните земји.Поранешниот американски претседател Џо Бајден, кој е постојана мета на критиките на Трамп, ќе присуствува на погребот, но нема да биде дел од официјалната американска делегација. Тоа значи дека Бајден, побожен католик, ќе седи подалеку, со други ВИП личности.Потоа, според неговите желби, Франциск ќе биде погребан во базиликата Санта Марија Маџоре, кон која имал посебна посветеност. Последниот папа погребан во базиликата Света Марија Голема бил Климент IX во 1669 година.Погребната поворка ќе оди до базиликата Свети Петар со пешачење. По должината на рутата од приближно 5,5 км, ќе помине покрај многу познати споменици на Рим, вклучувајќи го и Колосеумот. Се очекуваат толпи луѓе по рутата.Група сиромашни луѓе ќе бидат присутни на скалите што водат до базиликата Санта Марија Маџоре за да му оддадат последна почит на Франциск, одразувајќи ја неговата посветеност на служење на сиромашните и угнетените. Погребот ќе биде приватен. Надгробната плоча, изработена од лигурски мермер, ќе го носи само името на Франциск на латински. Тој ќе биде погребан во земја, во ниша помеѓу двете капели во црквата.Погребот на папата го означува првиот од деветте дена жалост за црквата. Уште една миса на сочувство ќе се одржи на плоштадот „Свети Петар“ во недела. Ќе ја предводи италијанскиот кардинал Пјетро Паролин, кој често се смета за водечки кандидат за папа.Во наредните денови, Ватикан ќе го објави датумот на конклавата за избор на наследник на Франциск. Малку е веројатно дека ќе започне пред 6 мај.

Свет | пред 10 месеци

Трамп вели дека Русија и Украина се „многу блиску до договор“

Американскиот претседател Доналд Трамп рече дека Русија и Украина се приближуваат кон мировен договор, повикувајќи ги двете страни да се сретнат на разговори на „многу високо ниво“ за да го финализираат договорот.„Тие се многу блиску до договор и двете страни треба да се сретнат сега, на многу високо ниво, за да го „завршат““, напиша Трамп доцна во петокот на својата платформа Truth Social, кратко по слетувањето во Рим, каде што треба да присуствува на погребот на папата во сабота.Тој додаде дека „повеќето од главните точки се договорени“.„Стоп на крвопролевањето, сега. Ќе бидеме секаде каде што е потребно за да помогнеме во олеснивањето на завршувањето на оваа сурова и бесмислена војна!“, напиша американскиот претседател.Трамп рече дека тоа бил „добар ден“ на разговори и средби со Русија и Украина.Специјалниот претставник на САД, Стив Виткоф, повторно се сретна со рускиот претседател Владимир Путин во Москва во петокот.

Свет | пред 10 месеци

Антикорупционерката Димитровска може само да зема плата, но не и да работи, ама не се ни појавила на работното место

Претседателката на Комисијата за спречување корупција (ДКСК), Татјана Димитровска, која сега е осомничена за оддавање на службена тајна на ексдиректорот на ТЕЦ Неготино и осомничен во предметот „Адитив“, денеска не се појавила на работа. Истовремено таа од судот доби забрана за било каков контакт со предмети во рамки на Антикорупциска.„Осомничената не смее да има контакт со предмети, пошта и друга документација поврзана со работењето на ДКСК, воедно не може да гласа и да распределува предмети“, велат од Обвинителството за гонење организиран криминал и корупција, кои го водат предметот против неа, што би значело дека таа може само да зема плата, а ништо да не работи. Засега нема ниту постапка за нејзино разрешување од пратениците, кои ја избраа Димитровска за член на Комисијата.Димитровска се сомничи дека издавала информации од предмети, но и одлуки по предмети на ексдиректорот на ТЕЦ Неготино, Небојша Стојановиќ. До сознанијата се дошло откако бил вештачен неговиот телефон, па се најдени пораките на „Ватс'ап“ и „Вибер“, соопшти Обвинителството.Истовремено, Антикорупциската комисија со која претседава Димитровска досега постапувала по предмети кои ги отвориле, а се поврзани со случајот „Адитив“. Пријавите биле отфрлени со потпис на претседателката.

Македонија | пред 10 месеци

Почина повредениот од престрелката на Бит Пазар

Почина повредениот од престрелката на Бит пазар.“Во врска со пукањето на Бит Пазар, ве известуваме дека повредениот А.С. (31) им подлегнал на повредите”, велат од МВР

Македонија | пред 10 месеци

Две групи од по пет-шест лица се пукале на Бит Пазар - еден е во болница, полицијата е на терен

Две групи кои броеле по пет-шест лица се пукале на Бит Пазар. Едно лице е повредено и однесено во болница.„Полициски службеници од Полициската станица Бит Пазар излегле на местото и било констатирано дека се работи за престрелка помеѓу две групи од по пет до шест лица, при што едно лице е повредено и е пренесено во Ургентен центар при Комплексот клиники „Мајка Тереза““, велат од МВР.На местото на настанот најдени се повеќе чаури, а оштетени се неколку изложни стакла од продажни објект и околните продавници и неколку паркирани возила. Се преземаат мерки за расчистување на случајот.

Скопје | пред 10 месеци

Повредените од „Пулс“ ќе бидат сослушани од обвинители

Обвинителите започнуваат со испитување на повредените и семејствата на загинатите во пожарот во кочанската дискотека „Пулс“. Зависно од нивната состојба, ќе тече и динамиката на обезбедување на информации.„Обвинителскиот тим кој постапува во предметот во врска со пожарот во кочанскиот клуб "Пулс" интензивно презема итни дејствија кои не трпат одлагање и кои во моментов опфаќаат сослушувања и координација на вештачења неопходни за обезбедување докази за кривичната постапка. Дополнително, во моментов се прибавуваат сите контактни и адресни податоци за оштетените од настанот и семејствата на настраданите, како и за нивните полномошници во постапката. Во зависност од здравствената состојба на повредените и останатите услови, според однапред утврдена динамика и распоред, обвинителството навремено ќе ги извести сите засегнати лица за остварување на нивните права и за вклучување во постапката со нивно испитување“, велат од Обвинителството.Тие додаваат: Процесот на испитување на оштетените се предвидува да започне од почетокот на мај, за што ќе следи дополнително известување, имајќи го предвид големиот број оштетени и засегнати лица кои ќе бидат испитани.

Македонија | пред 10 месеци

Крај на агонијата, стигна дел од биолошката терапија за онколошките пациенти

Дел од пациентите болни од рак, од утрово почнаа да ја примаат биолошката терапија која за нив значи живот.Во текот на денот и сукцесивно во текот на наредната недела ќе се дистрибуираат сите неопходно лекови.Поради административни процедури дел од пациентите што се лекуваат на Клиниката за радиотерапија и онкологија повеќе од еден месец живееја во страв и неизвесност.Пациентите телефонски се известуваат од страна на персоналот кога да дојдат за да им биде аплицирана терапијата или да подигнат таблетарната терапија.Од Клиниката пред 10-на дена информираа дека процедурата за годишната набавка на терапија е во тек и дека по Велигден ќе се потпишат договорите со добавувачите кои беа подготвени за дистрибуција.

Македонија | пред 10 месеци

Се укинуваат визите за во Дубаи, објави Мицкоски

„Последната посета на Обединетите Арапски Емирати го донесе првиот конкретен резултат. На наше барање, тие ги укинуваат визите кои беа потребни за патување кон оваа земја!“, објави премиерот Христијан Мицкоски и додаде:„Наскоро со конкретната примена на одлуката за безвизното патување ќе се влијае на посилна економија, слободно патување, зајакнување на меѓусебното партнерство. Се бориме на секој можен начин да се помогне на нашите граѓани, и со секој ден да се носат промени за заедничката иднина“.

Македонија | пред 10 месеци

Девет лица одат во притвор, 5 во куќен притвор - одредени мерки на членовите на бандата која се гони за злоупотреби на инвалидските пензии и туѓата нега

Во притвор одат девет лица кои се под истрага за злоупотреби во постапки за стекнување со право за туѓа нега и право на инвалидски пензии и туѓа нега. Кривичниот суд одреди и други мерки и на 14 осомничени, од вкупно 49 кои се под истрага.Судии на претходна постапка при Основниот кривичен суд Скопје, кои во текот на вчерашниот ден постапуваа по предлогот на Јавниот обвинител за определување мерки за обезбедување присуство и мерки за претпазливост против 24 лица од кои 23 беа спроведени во судот а едно лице сеуште не е недостапно за органите на спровод, осомничени за повеќе кривични дела, а поврзани со акцијата на ОЈО ГОКК за злоупотреби со утврдување услови за добивање парична помош за туѓа нега и помош за лица со попреченост и неспособност за самостојно живеење.„Донесоа решенија, согласно предлогот на Јавниот обвинител и нивното произнесување пред судиите на претходна постапка со кои :На 9 лица им се определува мерка притвор во траење од 30 дена заради постоење на основите од чл. 165 ст.1 т. 1, 2 и 3 од ЗКП; На 5 лица им определи мерка куќен притвор; Додека на 9 лица им определи мерки на претпазливост согласно чл. 146 ст.1 т 2 и 3 од ЗКП, односно Обврска обвинетиот да се јавува во судот или на овластено службено лице, и Привремено одземање на патната исправа и забрана за издавање нова“, велат од судот.

Македонија | пред 10 месеци

Девојката од Скопје по која се трагаше не била пријавена за исчезната во МВР, а таа се огласи на „Фејсбук“: Се кренала лажна тревога

Девојката Симона Стојкова од Скопје по која се трагаше преку објава на страницата „Најдиме.орг.мк“, никогаш не била пријавена за исчезната во полициска станица. Истовремено, во објава на „Фејсбук“, вчера на полноќ, напишала дека објавата е лажна. Сепак, од организацијата која е издавач на порталот велат дека тие постапиле по пријава, од како што велат, семејството на Стојкова. Апелот бил споделен доброманерно, за да се најде девојката, откако системот им имспратил порака дека таа е пријавена за исчезната. Од организацијата велат дека описот е објавен согласно дадените информации од семејството. „Скопје1“ побара од нив контакт од пријавителите уште вчеравечер, но тие рекоа дека такви информации не споделуваат. Истовремено, во објава на „Фејсбук“, 35-годишната девојка вели сѐ е лажна тревога.„Драги пријатели, сите што ме познавате лично и оние што не ме познавате, објавата денес што се прошири дека сум исчезната е лажна! Се кренала лажна тревога! Благодарам за трудот и загриженоста да ме најдете но се работи навистина за лажна тревога! Поздрав!“, стои во објавата, без да објасни што се случило, дали навистина била недостапна или пак станува збор за лажна пријава злоупотребувајќи и ги податоците.„Скопје1“ побара став и од менаџментот на страницата „Најдиме.орг.мк“ уште во текот на вчерашната вечер. Тие укажаа дека кога добиваат пријава за исчезнато лице, а кое е полнолетно, не ја контактираат полицијата туку апелот го објавуваат директно. Посочуваат дека досега имале неколку успешни акции кога се трагало по лица со деменција, што овојпат не беше случај, бидејќи со описот во кој стоеше „Се јавила со врискање на денот на исчезнувањето..“, оставаше впечаток дека таа е киднапирана. Велат дека тие биле контактирани од семејството на девојката,а тие реагирале за лицето да биде брзо лоцирано.„Тој е сајт на кој има можност да се пополни онлајн апликација за исчезнато лице. Доколку стануав збор за исчезнато дете, ние мораме, обврзани сме да контактираме со полиција и да добиеме од полиција или да го насочиме семејството да го пријави лицето, па дури потоа, во согласност со полиција да го вклучиме „Amber alert“ системот, дека е исчезнато дете. Кога станува збор за лице над 18 години, во тој случај ние ги објавуваме за да им помогнеме на семејствата. Во случајот, објавени се името и фотографијата. Ние сме алармирани преку системот дека е пополнета апликација, нѐ контактираа од семејството, аналогно на тоа, имајќи го телефонскиот број кој ни го дадоа, ние ја објавивме информацијата која тие ја доставија. Во истиот момент кога разговараа со нас, кога нѐ контактираа, беа во полцииска станица Водно, од каде што ги препратиле во локалната полициска станица. Гарантирам дека тие однесоа и сѐ информираа, бидејќи нѐ контактираа од таму“, вели претставник на правното лице издавач на платформата „Најдиме.орг.мк“.[caption id="attachment_327529" align="alignnone" width="1272"] Screenshot[/caption]„Скопје1“ уште вчера побара одговори од МВР, дали е пријавено лицето за исчезнато, а оттаму проверија низ сите СВР на ниво на држава, но пријава немаше.„До овој момент во ниту еден сектор за внатрешни работи на територија на цела држава, нема пријава за исчезнато лице со вакво име и презиме“, велат од МВР за „Скопје1“

Македонија | пред 10 месеци