ТОП

(Видео) Директорот на Сименс, неговата сопруга и трите деца загинаа во хеликоптерска несреќа

Една попладневна екскурзија за семејство шпански туристи преку замаглениот брег на Менхетен се претвори во трагедија кога хеликоптерот во кој се наоѓаа се урна во река кај брегот на Њу Џерси, при што загина целото семејство и пилотот.Градоначалникот на Њујорк Ерик Адамс рече дека семејството е од Шпанија. Агустин Ескобар, неговата сопруга Мерс Кампруби Монтал и нивните деца, на возраст од 4, 5 и 11 години, се идентификувани како жртви на несреќата, заедно со 36-годишниот пилот, потврдија полициски извори за ABC News. Агустин Ескобар беше извршен директор (извршен директор) на шпанската поделба на Сименс.Според полицискиот комесар на Њујорк, Џесика Тиш, службите за итна помош примиле повик во 15:17 часот. - пријавена е хеликоптерска несреќа во реката Хадсон во близина на паркот Пјер А во Хобокен, покрај брегот на Њу Џерси. По пристигнувањето полицијата од водата извадила четири лица, а пожарникарите уште две.Четири лица беа прогласени за мртви на местото на настанот, а две се пренесени во болница, рече Тиш. Градоначалникот на Џерси Сити, Стивен Фулоп изјави дека две деца биле пренесени во болница, но лекарите не успеале да ги спасат и тие исто така загиналеСпоред FlightRadar24, станува збор за хеликоптер Bell 206L-4 LongRanger IV, изграден во 2004 година, со сертификат за пловидбеност од 2016 година кој важи до 2029 година, според податоците на FAA. Информациите за пилотот не беа достапни, рече Адамс.Хеликоптерот полетал од хелиодром во Долниот Менхетен во 14 часот и 59 минути, се упатил кон југ, а потоа свртел на север по брегот на Менхетен и реката Хадсон. Во 15:08 часот стигна до мостот Џорџ Вашингтон, а потоа се сврте и полета по брегот на Њу Џерси, каде набрзо изгуби контрола, рече Тиш.Во моментот на ударот во водата, хеликоптерот очигледно бил наопаку, а од водата се гледала кабината. Има извештаи дека хеликоптерот заглавил во воздух и делови почнале да се одвојуваат - во согласност со повиците до 911, рече Тиш.Федералната управа за авијација (FAA) и Националниот одбор за безбедност на транспортот (NTSB) започнаа заедничка истрага. НТСБ го води главниот дел од истрагата.Хеликоптерот бил во посебен воздушен простор над Њујорк, каде што нема активна контрола на летот, изјави министерот Шон Дафи. Неколку минути пред влегувањето во таа зона, контрола извршила контролата на летање на аеродромот Ла Гвардија.Во текот на истрагата ќе се анализира целата документација за состојбата на хеликоптерот.

Свет | пред 11 месец

(Видео) Градејќи нова, урнале ѕид од зграда: инцидент во Ѓорче, станари велат дека ова е загрозување на нивната сигурност и здравје

Под притисок на бетонска маса од соседна зграда чија изградба е во тек, се урнал ѕид кај соседите. Ова го јавуваат жители од булеварот „Партизански одреди“ 165. Тие посочуваат дека за време на истурање на бетон, ѕидот им попуштил и паднал на скалите. Станарите случајот го пријавиле во полиција, како и во општината Ѓорче Петров. Станари сведочеа дека се среќни што не настрадал човек, а во моментот кога се случило ова – во ходникот немало никој.„Спроти нашата зграда моментално се гради нов објект, и утрово, за време на истурање бетон, дојде до рушење на ѕид од внатрешниот дел на нашата зграда. Под притисокот на бетонската маса, ѕидот целосно попушти и падна во заедничкиот простор на скалите, нанесувајќи голема штета. Дополнително, оштетени се инсталации (електрични и водоводни), што претставува сериозна закана по безбедноста на сите станари во зградата. Ова не е само материјална штета – туку и директно загрозување на нашата сигурност и здравје“, вели жител на зградата.Од Општина Ѓорче Петров велат дека ова предизвикало загриженост кај нив. Утврдиле дека инвеститорот и изведувачот направиле штета.„За истата, тие ќе бидат веднаш, без никакво одлагање, задолжени да ја санираат. Дополнително, согласно законските прописи, против нив ќе биде изречена соодветна казна. Сакаме да нагласиме дека Општината нема да дозволи несовесно градење и постапки кои го загрозуваат квалитетот на живеење и безбедноста на граѓаните. Бидејќи се работи за штета со можен основ за надомест, жителите имаат право да побараат и дополнителна правна заштита преку надлежните судови“, велат Општина Ѓорче Петров.

Скопје | пред 11 месец

(Видео) Гол маж уапсен пред средното „Јосип Броз Тито“, спроведен на психијатрија

Вчеравечер, пред средното училиште „Јосип Броз Тито“ во центарот на Скопје, 40-годишен маж шетал гол, додека во непосредна близина имало средношколци и случајни минувачи. Од снимката направена од граѓанин се гледа дека реагирала полицијата, која преземала мерки за стационирање на лицето.„Полициски службеници го затекнале Ј.Р.(40) од Скопје како се движи на улица без облека. Лицето било приведено во полициска станица, по што од Итна медицинска помош во присуство на полициски службеници бил спроведен во психијатриска болница за понатамошно лекување“, велат од МВР.

Скопје | пред 11 месец

(Видео) Повторно ги нема сите лекови за болните од рак, сликата иста - гужви и недостаток на персонсал

Повторно неизвесност и страв кај пациентите кои се борат со ракот.Пациентите на Онкологија повторно се соочуваат со недостаток на лекови од чие редовно аплицирање зависат нивните животи.Една недела, на Онкологија нема дози од биолошкиот лек Palbosiklib, а сега се јави недостаток и за биолошкиот лек биолошкиот лек Bevacuzimab (Авастин). Остри реакции од пациентите, додека надлежните смируваат и велат дека процесот на набавка е во тек. Најголеми реакции предизвика кусокот на Авастин, бидејќи е лек кој го земаат огромен број од пациентите кои се борат со канцер.„Таа терапија се прима два пати месечно, значи пациентите ќе пропуштат два третмани со терапија. Терапијата е неопходна за одржување во живот. Прескапа е приватно, но не сакав мајка ми да остане без терапија и отидов во аптеката ‘Пановски’ и ја купив. Парите не се рефундирале, бидејќи не знам, нешто не била на некаква си листа. Во аптеката на Онкологија ми рекоа дека ќе ја нема скоро три недели“, пишува син на заболена од канцер.Но освен биолошката, нема ниту хормонска терапија во аптеките.„Навистина не знам како повторно се доведовме во истата ситуација, а тоа е да се доцни со тендерот. Тендерот беше многу доцна објавен, не знам од кои причини бидејќи ние веќе во почетокот на февруари знаевме дека терапија нема да има доволно, само се надевам дека откако веќе е почната процедурата дека ова нема да се одложи по празниците и дека ќе успеат да го завршат бидејќи се чека од Министерството за здравство сега, за пациентите да добијат терапија пред празниците и не се одложи да биде веќе први мај, бидејќи дел од терапијата ја снема некаде околу 15 март што значи би биле оставени месец и половина без терапија”, вели Ана Марјановиќ од Здружението Хема Онко.Од Клиниката за онкологија и радиотерапија пак велат дека течат роковите за набавка.„За ароматаза инхибиторите (letrazol и anastrazol) ќе бидат достапни во сите аптеки бидејќи се на позитивна листа на ФЗО. Во однос на palbociclib и bevacuzimab - штом го потпишеме договор, веднаш ќе бидат достапни да се земат/аплицираат од клиниката. Моментално течат законските рокови на јавната набавка“, вели директорот и доктор Игор Стојков.Првиот човек на Фондот за здравство вели дека се работи за технички проблеми во Бирото за јавни набавки и уверува дека до велигденските празници проблемот ќе биде решен.„Заради технички проблеми во Бирото за јавни набавки односно промена на системот се доцнеше со тоа, тендерот е отворен и очекувам пред велигденските празници сите лекови да бидат достапни во стабилни количини за наредните 12 месеци”, изјави Сашо Клековски директор на ФЗОМ.Огромен и тежок проблем се турканиците и нечовечките услови на Клиниката поради голем недостаток од персонал.Иако буџетот за онкологија, според ветувањата е двојно зголемен, на клиниката се уште нема нови вработувања.Нема ништо ниту од онколошко одделение во Градската болница „Осми септември“ каде е лоциран и акцелераторот кој беше набавен и промовиран уште пред три години. Со отворањето на ова одделение требаше да се олесни притисокот врз онколошката клиника.Во Претрес кој го насловивме ,, Крик за живот” говоревме и ви пренесовме многу болни сведочења, гужви во ходниците во кои не може ниту воздух да се земе, за недостигот од лекови и персонал.Погледнете ги на следните линкови: 

Македонија | пред 11 месец

Продолжуваат измамите: лажен полицаец изнудил 3.000 евра од скопјанка

„На 09.04.2025 во 18.00 часот во СВР Скопје, 81-годишна жена од Скопје пријавила дека била измамена од едно машко лице за сума од 3.000 евра. Според пријавеното, лицето ѝ се јавило телефонски, се претставило како полициски службеник и ѝ кажало дека нејзиниот син и неговата сопруга предизвикале сообраќајна несреќа во која прегазиле дете и доколку не сака да лежат во затвор требало да плати“, велат од МВР и додаваат:Како што е пријавено, таа парите ги оставила на договореното место, а откако нејзината снаа се вратила во домот од работа, таа сфатила дека била измамена.Се преземаат мерки за расчистување на случајот.

Македонија | пред 11 месец

(Видео) Адвокатот на Палевски: Пострашно е да браниш педофил, отколку убиство на дете

Адвокатот Јовица Страшевски, бранител на Љупчо Палевски-Палчо кој е обвинет за убиствата на Вања Ѓорчевска и Панче Жежовски во „Претрес со Ландов“ вели дека за него е пострашно да се брани педофил отколку убиец на дете.„За мене ова е многу бизарно и просто прашање, затоа што јас сум адвокат на сите кои ги бранам или сум полномошник во таа постапка. Јас имам и за три-четири убиства.. Значи јас работам како адвокат, не ги делам странките на вакви или такви. Има мои колеги кои бранат педофили, што по мене е поопасна работа некое дете цел живот да има трауми, да браниш педофил, отколку да браниш убиство, за мене е пострашна работа. Детето да остане живо и да има трауми од педофил кој го нападнал...“, рече Страшевски.Прашан од водителот: „Педофилија е пострашно од убиство на дете“, адвокатот Страшевски одговори: „За мене да“.https://www.youtube.com/live/VgO5UF9EzMo?feature=shared

Македонија | пред 11 месец

Се гонат 43 лица за измами со брзи кредити: меѓу нив и службено лице од ФЗО

Основното јавно обвинителство Скопје денеска поведе постапка против вкупно 43 лица кои со различни дејствија на компјутерски измами, фалсификување исправи и злоупотреба на лични податоци учествувале во повеќекратни измами на граѓани со „брзи кредити“.„За четворица од осомничените, меѓу кои и едно службено лице од Фондот за здравствено осигурување, е поведена истрага за кривични дела – Фалсификување исправа од член 378, Злоупотреба на лични податоци од член 149, Компјутерска измама од член 251-б од Кривичниот законик, додека останатите се опфатени во постапката со поединечни дејствија на помагање и соизвршителство во секој од случаите поединечно.Во текот на предистражната постапка, обвинителството во координација со МВР-СВР Скопје, обезбеди обемен доказен материјал дека почнувајќи од јули 2022 година, користејќи различни модалитети на извршување, осомничените со умисла вршеле временски поврзани дејствија што претставуваат повеќекратно остварување на исти дела. Притоа користеле исти трајни односи, исти прилики и слични околности, а крајната цел им била да прибават за себе имотна корист.Така, дел од осомничените, спротивно на условите утврдени со закон и без согласност на граѓаните користеле туѓи лични податоци, правеле лажни јавни исправи и преправале вистински јавни исправи со намера таквите исправи да се употребат како вистински. Со внесување невистинити податоци во информатичките системи на десетина различни друштва за „брзи кредити“, како и со фалсификување на електронски потписи, без знаење на оштетените на нивно име земале кредити, создавајќи им обврска на лицата да ги враќаат наводно позајмените средства.Еден дел од осомничените лажирале податоци за вработување на невработени лица, прикажувајќи ги како вработени и кредитоспособни, па врз основа на тие податоци од кредитните друштва извлекувале пари кои потоа биле ненаплатливи. Во тоа им помагал и осомничениот – службеното лице вработено во Фондот за здравствено осигурување на РСМ, ставајќи им средства на располагање, односно ЕЗБО број кој претходно го обезбедувал преку својот компјутер од електронскиот систем на Фондот.Ваквите лажни податоци лицата ги користеле за да подигнат и по неколку кредити од различни друштва во еден ден, со што прибавувале значителна имотна корист. Потоа парите ги извлекувале од сметка и во најголем дел ги давале на осомничените организатори на вакви измами.Незаконски прибавената имотна корист од сите вакви дејствија во вкупен обем надминува три милиони денари.Јавниот обвинител до судијата за претходна постапка од Основниот кривичен суд Скопје ќе достави предлог за определување мерка притвор за тројца од осомничените опфатени со наредбата за истрага, додека четвртиот веќе се наоѓа во притвор во постапка за друго кривично дело“, велат од Обвинителството.

Македонија | пред 11 месец

(Видео) Нема повредени во пожарот близу Клинички, се запалил „циторен“, зафатил „пунто“ и фасада од зграда

„Денеска (10.04.2025) во 09.50 часот во СВР Скопје било пријавено дека на ул.„Владимир Назор“ во Скопје настанал пожар во патничко возило „цитроен ксара“ со скопски регистарски ознаки во движење, управувано од М.Г. од Скопје.Од пожарот било зафатено и патничко возило „фиат пунто“ и фасада од зграда. Од екипа на Бригадата за противпожарна заштита Скопје пожарот бил изгаснат, а повредени лица нема“, велат од МВР.

Скопје | пред 11 месец

(Видео) Автомобил гори на „50-та девизија“ на приклучокот на Водњанска

Возило се запали на улицата „50-та девизија“ на приклучокот на Водњанска.Црн чад се гледа и од центарот на Скопје.Засега нема информација за повредени лица.Местото го обезбедува полицијата.

Скопје | пред 11 месец

Кина: Не започнавме трговска војна, но ќе се бориме до крај

Како што трговската војна меѓу Кина и САД влегува во нова фаза, кинеското Министерство за надворешни работи ја одржа својата редовна прес-конференција, на која доминираше темата за царини и односите со Вашингтон.Портпаролот на Министерството Лин Џијан веднаш беше прашан за царините, на што тој ги обвини САД дека „ја користат трговијата како оружје за максимален притисок“ и се обидуваат да постигнат „себични цели“.„Овој потег не е само против Кина. Тоа е напад врз целиот свет“, рече Лин.Зборувајќи за одговорот на Кина - царина од 84 проценти за американските стоки, тој рече дека тоа е „неопходна контрамерка против американска злоупотреба“ со цел да се заштити кинескиот суверенитет, меѓународната правда и заедничките интереси на светската заедница.„Трговските војни немаат победници. Кина не ги сака, но не се плаши од нив“, рече Лин, додавајќи: „Ако САД решат да се борат, Кина ќе оди до крај“.На прашањето дали Кина ќе одговори на тврдењето на Трамп дека „чека покана од Пекинг“ за почеток на преговорите, Лин без двоумење одговори: „Притисокот, заканите и уцените не се начин да се реши проблемот со Кина. Ако САД сакаат да разговараат, мора да покажат став на еднаквост, почит и взаемна корист“.Тој повтори дека Кина не иницирала трговска војна, но доколку биде принудена, „ќе се бори до крај“.Зборувајќи за ефектот на американските царини врз остатокот од светот, Лин рече дека САД „ги држат за гуша други земји“ за да ги принудат на отстапки. Тој го оцени како форма на принуда насочена кон доминација во меѓународниот трговски поредок.Во истиот контекст се осврна и на односите со Европската Унија. Тој ја пофали изјавата на шпанската влада дека ќе ги продлабочи трговските врски со Кина, и покрај американските предупредувања. Да потсетиме, од Вашингтон стигна предупредување до Мадрид дека приближувањето до Пекинг значи „сам да си се сече гркланот“.Лин рече дека односите меѓу Кина и Шпанија се составен дел од поширокото стратешко партнерство со Европската унија.

Свет | пред 11 месец

(Видео) Страшевски: Ако има еден доказ дека Палевски ги убил Вања и Палчо ќе се повлечам и ќе и се извинам на јавноста

Кој го уби Панче Жежовски, на ова прашање во Претрес со Ландов, адвокатот на Палчо, Јовица Страшевски одговара дека не знае бидејќи не бил таму. То тврди според доказите дека Валибор Манев направил кривично дело со давање лажен исказ.„Многу пати сум го провоцирал Палевски, но тој ми тврди дека убиствата на Вања и Панче не ги извршил. Нема докази, вели Палевски и ќе се борам до крај за жена ми и ќерка ми и за фамилијата”, oдговори Страшевски кој вели дека не може вината да ја насочи кон никого.Палевски пак во писмо вели дека Велибор Манев убиецот.Страшевски вели дека е можно да имало недоразбирања меѓу Велибор и Палевски, но не е докажано дека пиштолот е на Боре Видевски, исчезната е ташничката со пиштолот на Видевски од Велес до Скопје. И пиштолот го нема.„Ако има еден доказ дека Палевски ги убил Вања и Панче, ќе се повлечам и ќе се извинам на јавноста“.

Македонија | пред 11 месец

(Видео) Адвокатот на Палчо со контроверзни тврдења, не кажа како ќе биде исплатен за одбраната на Палчо

Јовица Страшевски, адвокатот на Љупчо Палевски Палчо, прво тврдеше дека про боно ќе го брани Палчо.Потоа тврдеше дека ако ја добие постапката ќе си наплати, но не кажа како и од што ќе биде исплатен, бидејќи повтори, Палчо е веќе осуден и пред да почне постапката.Нема да добие ни стан, ни кола ниту партијата Десна од Палчо, човекот обвинет за убиство на Вања и Панче.„Партијата Десна не ми треба, јас сум горд член на ВМРО-ДПМНЕ“, вели Страшевски.

Македонија | пред 11 месец

(Видео) Адвокатот на Палчо: Палевски нема капацитет и не ми изгледа како човек способен да го изврши убиството на Вања и Панче

Адвокатот Јовица Страшевски, адвокат на обвинетиот за убиствата на Вања и Панче, Љупчо Палевски Палчо, во Претрес со Ландов рече дека тој се нафатил да го брани Палчо иако на почетокот, како и многу адвокати одбил да го брани.„Јас сум адвокат и можам сите да ги застапувам. Во развиените држави најдобрите и најискусните адвокати се бранители во вакви случаи.Прифатив да го брана не заради материјална корист и немам стари долгови кон него. Палевски нема капацитет и не ми изгледа како човек способен да изврши вакво дело, како убиството на Вања и Панче.Нема ни еден доказ дека го извршил ова дело.Го знам повеќе од 20 години. Ми помогна пред дваесетина години за префрлање од едно на друго дело.Не сме се дружеле. Палевски ме замоли и во ова дело да го бранам. Два часа ги гледав доказите, нема доказ дека го извршил ова дело”, вели Страшевски.Тој негира дека не е вистина како што го нарекуваат дека во случајот влегол како џокер во покер.„Јас сум ВМРО и гордо го кажувам тоа и не се мешам во други партии“, вели Страшевски.Тврди дека не е во ред водењето на постапката.

Македонија | пред 11 месец

Трамп ги паузираше царините за сите, освен за Кина - на нив им ги зголеми

Американскиот претседател Доналд Трамп штотуку објави дека на 90 дена ги суспендира царините за сите освен за Кина.За Кина ги зголеми царините од 104 на 125 отсто, откако Кина, како одговор на царините на Трамп за Кина, воведе нова царина од 84 отсто за американските производи.„Врз основа на недостатокот на кинеска почит кон глобалните пазари, со ова ја зголемувам царината што Соединетите Американски Држави и ја наплаќаат на Кина на 125%, што стапува на сила веднаш. Се надевам дека, во одреден момент, Кина ќе сфати дека деновите на експлоатација на САД и другите земји се завршени и дека тоа повеќе не е одржливо или прифатливо.Од друга страна, и врз основа на фактот дека повеќе од 75 земји ги поканија претставниците на Соединетите Држави, вклучително и Министерството за трговија, Министерството за финансии и Канцеларијата на трговскиот претставник на САД, да преговараат за решение на темите што се разгледуваат поврзани со трговијата, трговските бариери, тарифите, валутите, манипулациите со валутите и валутите кои не ги предлагаат одмазднички мерки против Соединетите Американски Држави, одобрив 90-дневна ПАУЗА и значително помала реципрочна давачка од 10% во овој период, која исто така стапува во сила веднаш. Ви благодариме за вниманието на оваа работа“, напиша Трамп на Твитер.

пред 11 месец

Богојески доби директорска фотелја во Националната агенција со која порано раководеше Лидија Димова

Диреторувањето со Национална агенција за европски образовни програми и мобилност, го презема Петар Богојески од „Македонски коцепт“ коалиционен партнер на ВМРО-ДПМНЕ. Тој е именуван од Управиот одбор на агенцијата, откако Марко Ѓоргиевски поднел оставка од функцијата. Оваа агенција стана позната во јавноста по скандалот со парите за фризерницата и магарињата, а во времето кога со неа раководеше Лидија Димова која и натаму е на обвинителна клупа.Агенциајта има клучна улога кога во прашање се средствата од програмата „Еразмус+“, од Европската Унија. Најчесто оваа агенција доделува средства за проекти кои овозможуваат соработка и размена на студенти и кадар помеѓу партнерски универзитети во Европа.Националната агенциај се најде под истрага на Европската канцеларија за борба против измами (ОЛАФ), од каде лани побараа поврат на 2,2 милиони евра злоупотребени преку програмата Еразмус+ во периодот 2016-2018 година.Богојески пред три месеци гостуваше во „Претрес“ каде рече дека срам и очај е политиката во Македонија и дека се срами што е дел од неа.

Македонија | пред 11 месец

(Видео) Снимка од барањето на часовникот кој го зела кучката Цеца од затвореник во Штип

Снимка од моментот кога во КПУ Штип се префрла дрогата преку ѕидот, а затвореникот за кој Пандов рече дека е дел од подземјето ја бара, додека полицајците наводно му го барале скапиот часовник кој му го зела кучката Цеца со која играле на шеталиштето...На снимката се гледа токму тоа што директорот на Управата за извршување на санкции го презентираше на прес-конференцијата.

Македонија | пред 11 месец

(Видео) На затвореник од штипскиот затвор му фрлиле дрога преку ѕид, а полицајци излегле да бараат „часовник кој кучката Цеца“ му го зела додека играле

Директорот за извршување санкции, Александар Пандов, раскажа како во затворот во Штип преку оградата била фрлена дрога, а двајца затвореници отишле доцна вечерта да ја бараат на шеталиштето. Кога дошле полицајци, тие им се придружиле во потрагата. Кога започнала постапка против вработените во затворот, тие се правдале дека го барале скапиот часовник кој, како што рекле, затворската кучка Цеца го земала и го однела. Според Пандов, затвореникот Ж.Ж. е лице познато од македонското подземје.„Повод за прес-конференцијата е немил настан кој се случи во КПУ Штип. На 20.02, пред затворот во Штип доаѓа возило, пред затворот има две капии и трета. Ја поминува првата капија и доаѓа до втората. Таму има дежурана и затворски полицаец. Одма да напоменам дека не запишува кој дошол во дневникот и такво појавување од човек кој не е вработен - е забранета работа. Тоа лице доаѓа до ѕидот на затворот и префрла топка. Настанот се случува во 21:40 минути, таму се појавува затвореник Ж.Ж. и уште еден затвореник со инцијали Р.К. Едниот затвореник збори на телефон. Се појавува затворски полицаец и им вели да се оддалечат. Командирот ги повикува уште четворица затворски полицајци. Ж.Ж. и натаму зборува на телефон.. Затворските полицајци проодлжуваат да ја бараат топката со затворениците.. Не ја наоѓаат“, рече Пандов.Потоа, сабајлето била најдена дрога, иако полицајците тврделе дека му го барале часовникот на затвореникот кој му го земала затворската кучка Цеца.„35 грама бела прашкаста материја веројатно кокаин и 50 грама мархихуана. Кога командирот и директорот на затворот, Здравев, прашале што бараат...Образложиле, дека имаат кучка Цеца, па затвореникот имал скап часовник кој воопшто го нема пријавено, па кучката Цеца му го земала, трчала низ тревникот, го изгубила. Па да му излезат во пресрет, тие го барале часовникот. По наредба на директорот се формира дисциплинска комисија. Најмала плата на овие затворски плати кои учествуваат во ова им се 57.000 денари“, додаде Пандов.

Македонија | пред 11 месец

„Кој е следен“ подаде барање до Влада: да се направи софтвер за граѓаните да гледаат кои локали се контролирани, а кои не

Организацијата „Кој е следен?“, која организира нов протест во четврток кој започнува од пред Владата, денеска формално доставија барање за воведување на т.н. е-инспекторат. Според нив, треба да се направи алатка во која ќе се внесуваат сите записници од извршени инспекциски надзори. Ујмер Мухамеди, како претставник на „Кој е следен?“ посочи дека ова не е ново барање, туку е презентирано недели претходно. Но, формално доставуваат барање бидејќи институциите не изреагирале кога истото било јавно презентирано.„Тоа ќе биде страница, каде секој од нас ќе може преку името на локалот, со што, на страницата ќе види што констатирале инспекциските надзори. Во случај да напишете име на субјектот, а да не ви излезе ништо, тоа значи дека врши дејност која не е регистрирана во соодветните регистри“, рече Мухамеди.Според него, целта им е сите да знаат дали некој угистителски објект е безбеден или не.

Македонија | пред 11 месец

Се бара притвор за директорот на Геријатрија, познати сите детали како земал поткуп и бил фатен од полицијата: го знаел цел имот кој го има семејството на болниот!

Јавен обвинител од Основното јавно обвинителство за гонење на организиран криминал и корупција денеска донесе Наредба за спроведување истражна постапка против две лица, од кои едното е осомничено за кривично дело – Примање поткуп од член 357 став 5 во врска со став 2 од Кривичниот законик, а другото за помагање при извршување на тоа кривично дело.„Првоосомничениот, како службено лице – директор на ЈЗУ Специјализирана болница за геријатриска и палијативна медицина во Скопје, во периодот од 19.03.2025 до 08.04.2025 година, во неколку прилики директно побарал значителна имотна корист за себе за да изврши службено дејствие што би морал да го изврши.Поткупот го побарал од сведок во постапката – давател на доживотна издршка за лице кое боледувало од повеќе состојби и на кое по лекарски препораки и упатување му било потребно болничко згрижување во наведената установа. Кога сведокот се обратил во установата бидејќи состојбата на пациентот се влошувала, била известена дека пациентот е ставен на листа за чекање за прием.По неколку дена добила повик од второосомничениот, кој и закажал средба со директорот на Установата на 19.03.2025 година во вечерните часови во еден угостителски објект во Скопје.На средбата, првоосомничениот лично кажал дека знае оти пациентот е материјално добро ситуиран, за што имал податоци и за недвижниот имот кој го поседува, па ветил помош за сместување ако биде награден со 100.000 евра. Жената-сведок реагирала дека тоа се многу пари, на што директорот предложил до бараната сума да се дојде преку продажба на недвижниот имот – стан кој го поседувал пациентот, што не било опција бидејќи станот бил опфатен со договор за доживотна издршка.На 03.04.2025 година била реализирана средба меѓу сведокот и помагачот, како лице во кое директорот имал целосна доверба, а на 04.04.2025 година повторно сведокот се сретнал со двајцата осомничени. Конечно било договорено сведокот да даде 20.000 евра како гаранција за да го смести пациентот во болницата, а доколку првоосомничениот „со проверки“ утврди дека пациентот има и дополнителен недвижен имот тој имот да се продаде за да се обезбеди вкупно побараниот износ од 100.000 евра.Согласно овој договор, на 08.04.2025 година жената-сведок се сретнала со второосомничениот, кој влегол во нејзиното возило и во име на директорот директно примил износ од 20.000 евра, по што на лице место бил фатен од страна на полициските службеници.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени“, велат од Обвинителството.

Македонија | пред 11 месец

Пајазит Пајазити останува судија, казнет само 30% од плата за тоа што го пушти Блерим Рамадани од притвор, па тој избега

Пајазит Пајазити, останува судија во Кривичниот суд, и покрај одлуката да го пушти Блерим Рамадани од УЧК од ефективен во домашен притвор, по што тој избега. Ова е конечната одлука на Судскиот соввет, донесена во петокот на затворена седница, пишува „Алфа“. Пајазити доби само парична казна, шест месеци да зема 30% помала плата. Останува правораздавач во одделението за претходна постапка, кое одлучува по притвори за осомничени. Одлуката за Пајазити е донесена осум месеци откако Рамадани избега, а откако за целата стручна јавност беше чудно - како ова лице се пушта во домашен притвор во земја во која не е резидент.Уапсениот Рамадани, на 18 јули минатата година се согласил пред судијата Пајазити да биде екстрадиран по скратена постапка во Србија и се согласил да биде суден. Пајазити тогаш му определил притвор. Но, на 22 јули, Рамадани поднел жалба преку својот адвокат во кој навел дека не го разбрал преведувачот кога зборувал за скратената постапка за екстрадиција. Според Законот за меѓународна соработка, изјава за скратена постапка за екстрадиција е неотповиклива и не може да биде повлечена, што би значело дека Рамадани не можел да се предомисли.Сепак, судијата Пајазити ја прифатил новата одлука на Рамадани. По ова, иако опстојувале сите причини кои укажувале на бегство, односно околностите биле целосно непроменети, Пајазити одредил куќен притвор за Рамадани, кој избега. И официјален Белград побара одговори од државните органи како Рамадани баран преку Интерпол од куќен успеа да избега за Косово.Пајазити има и други дискутабилни пресуди. Тој е судијата на претходна постапка кој не одреди притвор за групата која упадна во М-НАВ предводена од Беким Незири. Тој е заменик претседател на Кривичниот суд а во времето кога Груевски беше во бегство беше судија за санкции кој ја носеше одлуката за издрживање на казната затвор. Судскиот совет одлучи тогаш дека нема пропуст кај судијата Пајазити кој му даде покана за затвор на Груевски.„Скопје1“ во детали објасни како избега Блерим Рамадани:

Македонија | пред 11 месец

Непроменета е состојбата на критичните пациенти од „Пулс“, четворица се враќаат од лекување во странство

Министерството за здравство информира дека денеска се враќаат четворица од повредените лица во пожарот во Кочани кои се лекуваа во медицински центри во Хрватска (двајца пациенти), Шведска (1 пациент) и Италија (1 пациент).Во странство се хоспитализирани 60 пациенти. Непроменета останува состојбата на пациентите кои се третираат во странство, вклучително и состојбата на критичните пациенти.Во болниците во земјава во моментот се лекуваат 7 пациенти, од кои четворица во Хируршката клиника „Св.Наум Охридски“, двајца пациенти во приватната болница Систина и еден пациент на Клиниката за пулмологија.Министерството за здравство континуирано ја следи состојбата со повредените пациенти, со цел обезбедување најдобар можен третман, како и понатамошна рехабилитација.

Македонија | пред 11 месец

„Од 5 до 7 години може да трае закрепнувањето на повредените од Кочани со тешки изгореници“, вели докторката од Бугарија која ги третира

Состојбата на останатите четворица пациенти во Пирогов се уште е сериозна, но стабилна. Ова во „Денот започнува“ го изјави раководителот на Клиниката за изгореници и пластична хирургија при медицинската установа, Маја Аргирова за БНТ.„Четворица од повредените во Кочани вчера беа отпуштени, на лекување во болница остануваат уште 4 лица. Нивната состојба е сè уште сериозна, но стабилна и очекуваме постепено да се подобрува. Остануваат да се подложат на хируршки интервенции и активно движење“, објасни Аргирова. Според неа, ова се едни од најтешките случаи со кои таа и нејзиниот тим се сретнале на клиниката, но одлично се справиле со тоа и пациентите кои вчера беа отпуштени ќе се прилагодат на својата социјална средина што е можно побрзо. Таа објасни дека на лекарите им е исклучително тешко да држат деца во раце, изгорени речисиvнепрепознатливи. И нема потежок настан и за жртвата и за неговото семејство од овој. Посебно да изгори голема површина од телото. Третманот е долг, болен и вклучува многу жртва од страна на целото семејство на пациентот“, вели Аргирова за бугарските медиуми.Таа објасни и дека жртвите од пожарот во Кочани кои вчера беа отпуштени ќе дојдат на прегледи и ќе имаат закажано реконструктивни операции. Според неа, периодот на опоравување ќе трае долго.„Ова трае долго време. Закрепнувањето на таков повреден е околу година и пол до две. Ако ги додадеме и реконструктивните операции, периодот може да трае и од 5 до 7 години по завршувањето на акутниот период. Односно по излегувањето. Така што, третманот не завршува со пуштање на пациентите од клиниката. Продолжува дома. Имаат инструкции кои треба да ги следат скоро две години по отпуштањето“, објасни Аргирова.Таа додаде дека повеќето од децата одбиле да зборуваат за ноќта на пожарот.„Со нив се занимаваше психологот. Тоа не е работа на лекарите. Повеќето од нив одбија да зборуваат за ова прашање“, вели началникот на Клиниката за изгореници и пластична хирургија во Пирогов.

Свет | пред 11 месец

Од јуни треба да започне со работа „Македонско село“, откако седум години остана под клуч

По седум години неработење, комплексот „Македонско село“ добива нов концесионер, објави директорот на Службата за општи и заеднички работи Ивица Томовски.Фирмата „Ла тераца“ ја доби концесијата за работа со  комплексот Македонско село во Горно Нерези за 3.500 евра месечно. Комплексот треба да почне да работи на 1 јуни, а концесијата е на 15 години. Компанијата е избрана на тендер, каде се наддавале два правни субјекти. Почетната кирија за целиот комплекс на првиот јавен повик изнесуваше 4 000 евра месечно, а заинтересираните имаа можност да наддаваат за четири посебни делови – ресторани и капацитети за сместување.Комплексот „Македонско село“, кој се наоѓа на падините на Водно, блиску до селото Нерези, се состои од 12 автентични куќи, со простории каде се претставени македонските занаети, делови се користат како хотелски соби, а некои имаат и ресторански дел.

Скопје | пред 11 месец

Европските берзи паѓаат за повеќе од 2 отсто, се интензивира трговската војна меѓу САД и Кина

Европските берзи утрово паднаа за повеќе од 2 отсто, губејќи го најголемиот дел од вчерашните добивки, бидејќи трговската војна меѓу САД и Кина се интензивира.Индексот STOXX 600 на водечките европски акции во 9 часот и 30 минути беше во минус за 2,5 отсто, губејќи најголем дел од вчерашните добивки.Утринава лондонскиот FTSE индекс се лизна за 2,01 отсто, на 7.750 поени, додека франкфуртски DAX потона за 2,05 отсто, на 19.865 поени, а париски CAC 2,17 отсто, на 6.945 поени.Берзите се под притисок бидејќи денеска стапуваат на сила тарифите на Трамп, вклучувајќи ги и 20-те проценти што Вашингтон ќе ги наплати за увозот од Европската унија.Германскиот министер за финансии Јоерг Кукиес изјави дека најголемата светска економија се соочува со нова рецесија поради трговските тензии.Најмногу утрово паднаа цените на акциите во енергетскиот сектор, во просек за 3,8 отсто, што е последица на наглиот пад на цената на нафтата.Банкарскиот сектор, сепак, падна во просек за 2,8 отсто, бидејќи инвеститорите очекуваат Европската централна банка следната недела да ги намали клучните каматни стапки за да ја поддржи економијата.

Свет | пред 11 месец

(Видео) 98 мртви во Домениканска Република, откако се урна плафон на дискотека - во урнатините се уште се трага по луѓе

Најмалку 98 лица загинаа, а повеќе од 150 се повредени при уривање на покрив на дискотека во главниот град на Доминиканската Република, соопштија денеска локалните власти новиот биланс.Повеќе од 24 часа по несреќата, мали се шансите дека се уште има преживеани под урнатините на дискотеката „Џет Сет“.Инцидентот се случи вчера на концертот на пејачот Рубио Перез во ноќниот клуб „Џет сет“.Пејачката се уште под урнатините, објави Би-Би-Си.Стотици луѓе беа на концертот, а околу 400 спасувачи сè уште трагаат по преживеани.Се стравува дека бројот на загинати ќе се зголеми.Менаџерот на Рубио Перез, Енрике Паулино, им изјави на новинарите на местото на настанот дека концертот започнал нешто пред полноќ во понеделникот и дека покривот се урнал речиси еден час подоцна, при што загинал исаксофонистот на групата.На социјалната мрежа Х се појави и видео од моментот кога се урна таванот.

Свет | пред 11 месец