ТРАЈАНОВСКИ

Трајановски: Буџетска дупка, закочени плати и изолација – власта ја турка државата кон предвремени избори

Потпретседателот на СДСМ, Александар Трајановски, на гостувањето во емисијата „Трилинг“, посочи дека актуелната власт, наместо да испорачува резултати, спроведува континуиран дефокус на јавноста преку медиумски напади и притисоци врз опозицијата.„Тој линч што ние го трпиме како партија моментално од власта преки одредени провладини медиуми ја нарушува цела етика на новинарска професија. Нонстоп да бидете нападнати, и да ја дефокусирате јавноста со тоа каде бил претседателот, мислам дека е дегутантно. Фокусот на провладините медиуми е Венко Филипче, затоа што власта не испорачува ништо за граѓаните“, потенцираше Трајановски.Тој посочи дека сето ова е обид да се сокрие неспособноста на власта да управува со економијата и да ги испорача потребните резултати за граѓаните. Државата се наоѓа во сериозна економска и финансиска криза, што се манифестира преку синдикални протести, закочување на минималната плата, затворен трезор и буџетска дупка од околу 2 милијарди евра, како и застој во враќањето на ДДВ кон компаниите.„Кога ќе видите во каква ситуација е моментално државата, се спрема синдикален протест, има закочување кај минималната плата, потоа имате првпат во историјата на државата дека на 15-ти декември е затворен трезорот каде што немаат меѓуинституционални плаќања. Имаме една буџетска дупка која е веќе 2 милијарди евра. Потоа закочено враќање на ДДВ-то од 120 до 150 милиони евра по компании. Тоа укажува дека владата нема да има друг начин и ќе мора да распише предвремени избори“, рече Трајановски.Тој посочи и дека државата е во опасна позиција на европскиот пат, со ризик да стане „паралелен играч“ и да го изгуби интересот на ЕУ.„Ние во моментов се соочуваме со можност да станеме паралелен играч. Значи да не сме внатре во процесот да одиме према Европската унија, туку да бидеме покрај процесите и едноставно Европската унија да изгуби интерес за нас. Тоа е нешто најопасно што може да ни се случи“, посочи потпретседателот на СДСМ.Тој укажа и на владејачката политика како причина за изолација на државата, поради отворање конфликти со соседите и отсуство на дијалог.„Апсолутно сме изолирана држава. Отвараме конфликти со сите наши соседи. Отвараме конфликт со Грција на затворено прашање. Отвараме конфликт со Бугарија. Едноставно оската со Србија се движи. Но сепак мислам дека на затворени прашања не треба да отвараме нови прашања. Ние сме тие што треба да форсираме дијалог, да се приближиме до Европската Унија“, порача Трајановски.

Македонија | пред 1 седмица

ВМРО-ДПМНЕ: Промена во СДСМ е можна само со оставка на Филипче

Владеачката ВМРО-ДПМНЕ и денеска со соопштение ги анализира состојбите во СДСМ„Најавите на Венко Филипче за промени во партијата засега почнаа и завршија со неговиот партиски другар, Александар Трајановски. Од најавите за нови кадри и реформи на Филипче не бидна ништо, тешко и дека ќе бидне, бидејќи следејќи ги настаните во партијата сè се врти по тоа како диктира Зоран Заев. За СДС едно е јасно промени и реформи во партијата може да има само ако оставка даде Филипче, реагираат од ВМРО-ДПМНЕ преку писмено соопштение испратено до медиумите.Според нив се додека сè се врти околу вилите, хотелите, јахтите, забавите во Обединетите Арапски Емирати и Грција промени нема.„И самиот Трајановски е дел од оваа слика, или виден летово во Грција на луксузно минати викенди во јахти заедно со Филипче и Заев.Трајановски не е промена и реформа за СДС. Промена и реформа единствено е оставка на Филипче и тргање на партијата од диктатот на Заев”, стои во реакцијата на ВМРО-ДПМНЕ.

Македонија | пред 2 месеци

Манасиевски: Наместо свеж кадар и реформи, Филипче прибира негови лојални луѓе по насока на Заев

Валентин Манасиевски денеска остро реагираше на одлуката на СДС да го именува Александар Трајановски за потпретседател на партијата, оценувајќи дека со тоа „се потврдува континуираното влијание на Зоран Заев врз партиските процеси“.„Наместо свеж кадар, реформи и фокус на напредок, Филипче по насока на неговиот ментор Заев го постави Александар Трајановски на една од највисоките функции во партијата,“ изјави Манасиевски.Тој оцени дека ваквиот избор покажува дека, како што вели, „Заев и натаму ги држи конците во СДС и ја води партијата од сенка“. Според него, именувањето на Трајановски, кој претходно ги загуби локалните избори, не е насочено кон обновување на партијата, туку кон „зачувување на истиот круг на луѓе“.Манасиевски потсети и на, како што рече, „јавноста добро познатиот близок однос меѓу Филипче, Трајановски и Заев“, алудирајќи на нивни заеднички летувања и приватни дружења. „Ова трио не го интересира народот, туку луксузот“, додаде тој.Во својата изјава Манасиевски оцени дека СДС „продолжува да тоне“ затоа што, според него, истите имиња и понатаму ја водат партијата. „Наместо реформи и освежување, повторно се поставуваат кадри кои се продолжеток на Зоран Заев“, истакна тој.На крајот, Манасиевски порача дека, според неговото мислење, „вистинските реформи во СДС ќе бидат можни само доколку Филипче се повлече од партиското раководство“.

Македонија | пред 2 месеци

Трајановски : Монтажни катни гаражи, уредени паркови и градинки со зголемен капацитет се проектите за реален напредок на Чаир

Носителот на листата на советници за Советот на  Општина Чаир, од редовите на ВМРО-ДПМНЕ, Никола Трајановски, на денешниот митинг во рамките на изборната кампања под слоганот Вистинскиот избор! Твојот човек! Твоето место! За твојата иднина!, истакна дека е потребна промена во општината, да се направи вистинскиот избор за чесност, стручност и посветеност, како и излегување од четири годишната состојба на стагнација и безидејност во општина Чаир.„Нашата заложба е локалната самоуправа да стане синоним за одговорност, транспарентност, развој и просперитет, Главна водилка ќе ни биде креирање и реализација на силна, одговорна и развојна локална програма. Тоа го должиме на нашите сограѓани, на сите оние кои живеат тука, На сите оние кои што го сакаат Чаир, го сакаат Скопје и ја сакааат Македонија.  Ви ветувам, дека ќе бидам вашиот пријател во Советот на Општина Чаир, секогаш достапен, отворен за соработка и гласот на секој оној кој ќе се обрати со предлог, иницијатива или потреба“, вели Трајановски.Носителот на советничката листа за општина Чаир, ги наведе проектите кои ќе се реализираат и ќе донесат напредок и поквалитетен живот за сите жители на општината, како проширување на улици, монтажни гаражи и уредување на паркови за развој на Чаир.„Ве повикувам да бидете сведоци на проекти кои ќе донесат реален напредок, нови можности, подобра инфраструктура и поквалитетен живот за сите. Проекти како проширување на улицата Цветан Димов. Поставување на монтажни катни гаражи. Зголемување на капацитетите на градинките Снежана и Фидани. Уредување на Паркот во Топанско и модернизација на централниот парк во Чаир на кој што во моментов се наоѓаме“, рече Трајановски.На крај тој упати порака до сите граѓани без разлика на верска и национална припадност да го заокружат бројот 9 и да ги поддржат советничките листи на ВМРО-ДПМНЕ и коалицијата „Твоја Македонија“.

Македонија | пред 3 месеци

Трајановски: Аеродром ќе добие младински совет, фонд и стратегија за млади

Александар Трајановски, кандидат за градоначалник од СДСМ, најави силна посветеност кон младите во општина Аеродром, потенцирајќи дека тие ќе бидат во центарот на неговите политики. „Младите се двигател на општеството и затоа ќе создадеме мерки кои директно ќе го подобрат нивниот живот и ќе им отворат нови можности“, рече Трајановски.Во рамките на својата програма, тој најави креирање Фонд за млади кој ќе обезбедува финансиска поддршка за младите претприемачи и младинските организации, формирање Локален младински совет кој ќе биде гласот на младите во општината, како и изработка на Младинска стратегија и акциски план со јасно дефинирани приоритети.Дополнително, програмата предвидува поддршка и промоција на младите таленти, развој на услуги за кариерно насочување и преквалификации, модернизација и дигитализација на училиштата, организација на редовни превентивни здравствени прегледи, како и поттикнување културни и спортски настани.„Драги средношколци, студенти и млади, јас ќе бидам вашиот партнер во креирањето на младинските политики и заедно ќе ги градиме условите за ваш развој и успешна иднина во Аеродром“, порача Трајановски.Тој нагласи дека со овие мерки младите ќе имаат шанса да ги остварат своите потенцијали и да го градат својот дом токму во својата општина. „Заедно со вас, младите, ќе се избориме за нашиот дом, за нашиот Аеродром!“, заклучи Трајановски.

Скопје | пред 4 месеци