УБИСТВО БИТОЛА

„35 години ќе сме славеле, што славиме? Фемицидите станаа натпревар во скапано општество!“, коментира Ина

По убиството на 31-годишната жена во Битола, за кое е осомничен нејзиниот поранешен партнер, на социјалните мрежи се огласи Ина Многуфина со остра критика за состојбата во општеството и односот кон насилството врз жените.„Скапано и нездраво општество полно пороци реди фемициди ко да е на натпревар“, напиша таа.Во својата објава, Многуфина посочува дека проблемот е подлабок и го лоцира во, како што вели, долгогодишната традиција на непочитување на жените, толеранцијата кон насилството и институционалната незаинтересираност.„Традиција на непочитување жени и мајки во семејството, тестостеронски успех ако тепаш жена, мижење на општеството за истото, менталната беда кај интелектуалниот дефицит кој коментира ‘сама си го барала’, општествена толеранција за насилниците, глува и слепа држава за години и години молење да се превземе нешто“, напиша таа.Многуфина ја заврши објавата со порака:„35 години ќе сме славеле, што славиме? Нека почива во мир жената од Битола.“Според обвинителството, 33-годишниот осомничен утрото влегол во домот на поранешната партнерка додека спиела и ѝ нанел десетина убоди со нож, од кои починала на лице место. Тие имале четири заеднички малолетни деца.

Коментари | пред 2 седмици

Влегол додека спиела и ја убил со десетина убоди со нож - ужасни детали за трагедијата во Битола

Основното јавно обвинителство Битола отвори истражна постапка против 33-годишен маж осомничен за убиство при вршење семејно насилство, откако утрово со нож ја убил својата поранешна вонбрачна партнерка.Според обвинителството, станува збор за кривично дело квалификувано според член 123 став 2 точка 2 од Кривичниот законик.„Осомничениот ја лишил од живот неговата поранешна вонбрачна партнерка со која имал четири заеднички малолетни деца“, соопшти обвинителството.Оттаму наведуваат дека осомничениот претходно се осигурал дека таткото на жртвата не е во домот во кој таа живеела, по што влегол во куќата додека жената спиела.„Осомничениот влегол во куќата додека спиела, се доближил до жртвата и ѝ нанел десетина убоди со нож во телото, од кои таа веднаш починала“, наведува обвинителството.Јавниот обвинител до судијата на претходна постапка при Основниот суд Битола доставил предлог за определување мерка притвор.Како причина за притворот се наведува опасноста осомничениот да избега.

Македонија | пред 3 седмици

Обвинителство: Собрани докази и траги по убиството на жена во Битола, наредена обдукција

Дежурен јавен обвинител од Основното јавно обвинителство Битола извршил увид на местото каде што денеска во битолската населба Баир беше убиена жена.Од Обвинителството информираат дека е издадена наредба за обдукција на починатата, а од местото на настанот се подигнати траги и материјални докази кои ќе бидат предмет на понатамошно вештачење.„Осомничениот за извршување на кривичното дело е лишен од слобода, а за натамошниот тек на постапката против него Обвинителството ќе ја информира јавноста“, велат од ОЈО.Претходно, од МВР соопштија дека денеска околу 06:40 часот, 33-годишен битолчанец со нож ја нападнал својата 31-годишна сопруга, со која не живееле заедно, а жената починала на местото од здобиените повреди.

Македонија | пред 3 седмици

Трагедија во Битола: 31-годишна жена избодена до смрт, приведен сопругот

Триесет и едногодишна жена од Битола е убиена утрово, а за случајот е приведен нејзиниот сопруг, со кого не живеела заедно, потврдија од СВР Битола за “Скопје1”.Според полицијата, денеска полициски службеници од СВР Битола го лишиле од слобода А.Р.(33) од Битола, кој се сомничи дека околу 06:40 часот со нож ја нападнал неговата сопруга А.В.(31).„Тој се сомничи дека утрово околу 06:40 часот со нож ја нападнал неговата сопруга А.В.(31) од Битола, со која не живееле заедно, а која од здобиените повреди починала на местото“, велат од МВР.Смртта ја констатирал лекар од Итната медицинска помош.Осомничениот е задржан во полициска станица, а по целосно документирање на случајот, во координација со јавен обвинител, против него ќе биде поднесена соодветна пријава.

Македонија | пред 3 седмици